♡قُلُوْب صَغِيْرَة♡
بقلم:Hadeel Jaddoua/هديل جدّوع
شرئت الشمس والبخار عم يطلع من الاساطيح يلي تراكم عليها الجليد وصارت جوانب المداخن تلمع كأنها مرايا
البنات راجعين بطريق العودة من العين والهواء البارد عم يلسعهن حاملين جرار المياه ورجليهن مبلولة..وجوهن وردية وعم يتبادلوا الأحاديث
شمس:بتعرفي كتير بحب هل جو
سمرا:اي وانا لح اتزنطر من البرد
شمس:لك لااا بس شوفي لتلج يلي مزين البساتين والبيوت ولشمس كيف ساطعة عليه بخيوط دافية
سمرا:لك تضربي انتي ولشتا ولله ماعم حس بأصابيع رجليي وقال شو اسمك شمس لازم يكون تلج
شمس:ههههههههه قولتك
وصلوا تنيناتهم على البيت
سمرا:يلا شموسة بدك شي
شمس:سلامتك ياجارتي
ام صلاح:دخيلك ياابوووو صلاح فتح عيونك وليييي على امتيييي ياولاد لحقوا ابوكم
لصدمة ارتسمت على وجه شمس واعصابها نحلّت فلتت لجرة من ايدها وركدت لجوا
شمس:ابييييي
وشافت ابوها مسلم انفاسو لأخيرة
شمس حطت إيديها ع راسها:لااا يااابي لاتتركني لااا
ام صلاح(صفية):اااااخ ياامي راح ابوكي وتركنا
شمس:ااااااااخ ياامي لاااا
ودموعها متل لمطر ماعم توقف
صلاح ورشيد وجوهم صفرا
تم الدفن والعزاء
بعد مرور شهر
شمس لابسة لأسود وعم تحط فطور بلمطبخ لقروي لبسيط
مدت المدة وحطت ابريق الشاي والكاسات
صلاح ورشيد آعدين وكل واحد فيهم عم يتطلع بلتاني
شمس:في شي ؟؟
صلاح:الآغا منصور طلب إيدك
شمس:اي وشو يعني
صلاح:شو شو يعني
شمس:ماني موافقة
صلاح:طيب فكري بلموضوع
شمس:لك شو بدي فكر زلمة اد ابي ومتجوز تنتين لك بناتو بعمري
رشيد:بس نحنا منعرف مصلحتك
شمس رفعت حواجبها:اه عنجد برأيكم هي مصلحتي ولا مصلحتكم
رشيد مسكها من كتافها بقوة:شو اصدك وليك
شمس بكل جرأة:اديش عطاكم حقي
رفع إيدو رشيد وصفعها كف على وجهها
شمس رفعت راسها ودفشتو:عم تمد ايدك عليي يا رشيد عم تضربني الله يرحمك يااا ابي لو تكون عايش وتشوف يلي عم يصير
وقف صلاح ومسك إيدها وحطها ورا ضهرها بعنف:مو ع كيفك هل جازة بدها تتم بلكيف بلغصب بدك تقبلي
شمس كزت ع سنانها:ع جثتي
خبطها بلأرض وطلع هو ورشيد
بفوتة ام صلاح حاملة لخبز لسخن بإيديها:شوفي شوصاير صواتكم لبرا
صلاح:بتربيها لبنتك وبتفهميها ماتكبر راس ولله بدبحا وبحسب الله ماخلقها
ركدت ام صلاح لعند شمس:شوفي لك امي شو صاير
شمس شالت لشال من عراسها وخبطتو بلأرض
ام صلاح:لك احكييي
شمس:لآغا بدو ياني
ام صلاح وسعت عيونها:شووو
سمرا عم تدق الباب
وقفت شمس ردت شعرها ورا ادنها وحطت لشال ل تخفي اثار لكف
سمرا:كيفك شموسة
شمس منزلة راسها ولدموع بعيونها:منيحة فوتي
سمرا:لك شو منيحة وزاحت الشال شافت خطوط حمرا مطبوعة عخدها
شمس ارتمت بحضن سمرا
وتبكي:ااااااااااااخ ياسمرا لو تعرفي شو صار
سمرا حاضنة وعم تطلع ب أم صلاح نظرات استفهام؟؟؟
ام صلاح:لآغا طلب إيد شمس
شهئت سمرا وحطت إيدها ع تمها:شوووو....الله لايوفقك يا منصور لك ماخلى بنت بلضيعة الا مااخدها ليشبع حالو هل حقير لندل عم ياخد زهرة شبابنا
أعدوا على الطراحة وام صلاح فوتت الغاز الصغير وحطت المي وعم تجهز المتة
سمرا:شو لح تعملوا
شمس:مابعرف صح عم حارب
اخواتي بس انا مافيي وليوم ع كلمة وحدة اكلت كف
سمرا:بس ياشمس انتي دراسة ولازم هلاء تبلشي شغل لك ازا بتتزوجيه بتنتهي حياتك متل يلي قبلك
شمس حط ايدها ع جبينها:ولله مابعرف ياسمرا
ام صلاح ساردة وعم تحط سكر
شمس:امي بشو عم تفكري
ام صلاح:ليكي يا شمس انا مستحيل خليكي تنظلمي او اسمح لحدا يسلب منك حياتك ويغصبك ع شي
شمس وسمرا اتطلعوا ببعض:شوفي براسك
#بقصر القرية
الآغا منصور متربع على كرسيه ولابس افخم التياب والقماش وحاطط خواتم فضة بإيده
سماهر آعدة جنبو وفاردة شعرها الأسود ع ضهرها وعم تساويلو تفاح
منصور:طلبت إيد شمس وبكرى بدك تروحي لعندهن جهزي الحنّة
سماهر بلا مبلاة:الله يسهلك شو اعملك يعني
منصور مسكها من عنقها:ليكي راسك بكسرو
سماهر عم تطلع فيه بقرف:هه لك خربتلي حياتي وضيعتلي شبابي معك ياختيار لجن وجاية تقلي بدك تكسّر راسي لك انت ايمت بدك تشبع
دفشها لورا:انقلعي من وشي وليك لك نسيتي حياة لفقر يلي كنتي عايشتيها ببيت اهلك
رفعت سماهر شعرها عن وشها:لك لو متت من لجوع ب بيت اهلي احسن من لعيشة معك يا حيوان
وقف منصور بجبروتو وقوتو
سماهر ركدت وهربت عغرفتها
منصور:اي اي قفلي لباب ولله لالعن ابوكي ياكلبة ولحط راسك تحت صباطي
سماهر:سد نيعك ياحيوان
خبط إيدو عل باب:بتطلعي ولا مابتطلعي
سماهر سندت ضهرها علباب وعم تاخد نفس:يخرب بيتك متل لتور ولله لجننك يا ختيار لجن
ارتمت ع تختها وسرحت بزكرياتها
*****فلاش باك ****
بين الشجر...
محمود:لك دخيييل يلي كونك انا ايمت بدك تصيري ببيتي
سماهر:لك انت عجل وزبط هلبيت ولله خايفة تخلص لمهلة يلي عطوك ياها اهلي
حط محمود ايدو ع ايدها:لك ماتخافي انتي الي
سماهر رفعت راسها للسما:ياااااارب تخليلي محمود ويصير جوووزي
محمود عم يضحك ورفع راسو وايديه للسما:يااااارب ترد عليهااا
وقبل ماينزل راسه كانت لمطر عم تنزل
سماهر عم تضحك:ياااااي نزلللللت لمطر
محمود وقف:اومي نركد
سماهر:مجنوووون
******فلاش باك******
سماهر:ياربي خلصني من يلي انا فيه
الآغا آعد ومرتكي على مخدة ريش وعم يلهت:بتشوفي ياسماهر ازا مابخليكي تندمي
دخل حسن: الدهب والحنة صاروا جاهزين يا آغا
الآغا منصور:بدي كل شي يكون تقيل وراكز
حسن:ماتاكل هم يا آغا
الآغا منصور: سماع ياحسن بتنزفّز
يلي عم قلك عليه بلحرف الواحد
حسن:أمور يا آغا
الآغا منصور:بدي محمود يكون عندي حي أو ميت
حسن تغيرت ملامحو وتلبك:بس يا آغاا محمود مو سهل ولله منروح فيها
ألآغا منصور:لك ازا بكون جبل بدك تجيبو كلو شقفة كلب ماحدا عم يقدرلو
حسن:خلص بتأمر يا آغا
خيرية سمعت كلامو ودخلت
اتطلع فيها منصور:شو بدك
خيرية:لا سلامتك يا آغا بس بدي مصاري كرمال مصروف جامعة سلمى
الآغا منصور:ماتاكلي هم المسا بكون عندك كلشي
خيرية:لح تطلب شمس بكرا
اتطلع فيها بعصبية:عندك مانع؟
خيرية:لا ابداً يا آغا بس انا مالح اقدر روح
الآغا منصور: شبك انتي كمان
خيرية:جسمي تعبان وضهري واجعني
الآغا منصور:عليكي العافية...خلص خليكي بلقصر
خيرية:مشكور يا آغا
طلعت خيرية على الطابق التاني من القصر:انا لازم ساعد سماهر ومحمود لو شو ما صار
محمود عم يشتغل بلنجارة بعضلاتو البارزة والعرق عم يتصبب من جبينو
أسعد:لك حاجتك شغل رحام حالك بقى
محمود:انا هيك مرتاح
أسعد:لا مو مرتاح وازا سماهر تجوزت بتموت حالك يعني
محمود بعصبية:ليك اسم سماهر مابتجيبو عل لسانك
أسعد:ليوم شفت رفيقي يلي بيشتغل بلقصر
التفت محمود بلهفة:ايييي شووو
قلك حكالك شي عرفت شي عن سماهر؟؟؟
أسعد عم يضحك:يفضح اختك هل أد يتحبها
محمود:لك جحش احكي فورتلي دمي
أسعد:ولله هل سماهر جدعة
محمود عيونو عم تلمع:شوو قلك
أسعد:لك ماخلت لآغا يلمس شعرا من شعرها ومجننتو الله وكيلك ماعم تريحو ماخلت فصل ناقص إلا ماعملتوا فيه
محمود مسح شعرو بإيدو:يا روح الروح ولله عرفان انك مالح تخونيني لك يؤؤؤؤبرني ربك شووووبحبك
أسعد:لمهم روميو افندي كيف بدنا نخلصها من بين إيديه
محمود:لازم لااااازم نلاقي طريقة
أسعد:بس صعبة ولله
محمود:مافي شي مالو حل
أسعد:يلا قوم عتمت لعين خلينا نسكر ولصباح رباح
طلع الصبح وحامل معو خفايا وأسرار صارت بهل الليلة يلي مضت
الآغا رش عطرو ولبس خواتمة ونزل من القصر
خيرية:يا آغا يا آغا
الآغا منصور:سماهر مووو بغرفتها
عبق وجهو وانخطف لونو:كييييف مو بغرفتا
خيرية:صدقني مابعرف
الآغا منصور:لأرجع منحكي بدي أمن ع شمس
خيرية:اي انت اعرف بيلي بدك تساويه
وصل على بيت ام صلاح
صلاح ورشيد واقفين ولبهجة على وجهم
صلاح:نورت يا آغا
رشيد:يا مية اهلا وسهلا
ام صلاح عم ترمقو بنظرات كره:تفضل
رشيد:انا فايت انده ل شمس
فتح رشيد باب الغرفة وماشاف أخته
طلع رشيد هرولة:يا امي شمس مو بغرفتها
حمل صلاح لسكين:كيييف ركود نلحقا ولله لاشرب من دمها
وقف الآغا وخبط عكازتو بلأرض
ركدوا صلاح ورشيد على محطة القرية والشرار طالع من عيونهم
صلاح:شمس ولله لاحسب الله ماخلقك
وصاروا على بعد امتار من البولمان
شمس وسماهر وسمرا واقفين سوى وماسكين إيدين بعض
وقف صلاح وشاف اخته حاملة شنتايتا
التفت شمس:اخواااااااتي؟؟؟لك عجلووو لحقونا
_يتبع_
شو متوقعين يصير بلجزء التاني ؟؟؟
كتبولي بلكومنتات🌸