حاولي و حاولي و حاولي
ٱن لا ترهقي نفسيتكِ و عقلكِ و مزاجكِ الجميل
عيشي ملكة و لا تفكرين في ٱشخاص ٱنتِ ٱفضل منهم
#السلام عليكم
#اعاقب لأي ذنب..
_ماشي بابه مرخوص..الله لاينطيك ياايسر اكيد حاش برأس ابوي وهيج قانعه والله لو يظل اخر زلمه بالكون هم مااخذه هلحقير...
كمت وصعدت فوك بغرفتي كولش تنرفزت شلون اخلص منه احجي الابويه عن تصرفاته ويايه لو خاف تتخارب العائلتين يربي والله حيره بهل الاثناء سمعت تلفون رن رحت شفته مسج من اركان اني بس اريد افتح الموبايل مدري شبيه هههه كاتب
(سلامتج يابه جعل تعب بيه ولابيج )
عززززه استحييت اوي شنو هذا من بشرر ..احم احم هاي شبيه انه هايي نرجس اصحي اصحي كتبتله
(سلامة بدنك واسم الله عليك من التعب فدوه )
ودزيتها بعدين صفنت عززه هاي شكتبت جيت امسحها جان يشوفها صخااام بيووو بيوووو هسه شسوي جان يدز
(اويلي يابه من انه رحت فدوه مو انتي )
اني كلبي كام يدك سريع وافتر بغرفه مثل مخبله ماعرف شرد ياعالم مدااعرف شكتب شكتببب هدي هدي نرجس شبيج جنج اول مره تحجي ول صدك هيه اول مره ههههه اكتب انه رحتلك فدوات لالا هسه يكول هاي شامره نفسها عليه زين اكتب فدوه لعمرك هم لالالا يكول خفيفه خلي اكتب تسلم والله كريم ايي كتبتله ودزيتها "تسلممم وجان يدز:-
_(الله يسلمج خيه وينطيج العافيه والقوه.😒)
_اهاا 😅
_وجعاا جاي احاول اتغزل بيج بس الظاهر انتي مو شكول عزل دولي
_انننه مو شكوول عززل 😑
_لا جدي اي انتيي
_دورحح اصلاً انه ياهو يشوفني ينجبر يتغزل بيه
_مو اجي اكسر رأسج شهل تمسلت
_ايي سكتت
_اي شسويتي اليوم سولفيلي
_تعبانه مابيه حيل اكتب(جذب اريد حجه داسمع صوته مدري شبيه استخفيت😂بس والله مو بيدي)
_اممم
_امممات ..انه وجاي اكتب جان يتصال انه كمزت من فراشي رحت عدلت شعري ورجعت للفراشي مدري ليش سحبت نفس وفتحت خط جان اكول:-
_ الو
_ااخ يابه مووصوت جنه العافيه
_ههههههه
_اي يابه اي .. سولفي يلا
_كعدت سولفتله شسويت وماسويت وبيت زينه همين بمختصر حجيتله يومي كله وهو احسه مستمع ويايه وماملل برغم انه مليت من سوالفي بس جفصت..
_وبعدين رجعت للبيتنا ارتاحيت شويه وتعشيت بس نغثيت من وراه ايسر الحقير متقدم الي وطالب ايدي من ابوي هل الخبيث مادري وين يريد يوصل جاي احجي ومااحس غير عاط صوت وكال..
_شنوووو.. وشعنده هل سزز يطلب ايدج هااا
_مادري والله .. زين انته شبيك هيج انفعلت
_ مامنفعلل .
_لعد شكو شبيك؟
_مابيه..يلا تصبحين ع خيرر
_حجاها هيج بنتره وعصب وسد الاتصال وراح هذا شبي زين ليش هيج عصب اووي خلي انام انه منا متكسره طفيت الفون والضوه ونمتت....
..الثاني يوم كعدت ع صوت امي تصيحني
ام نرجس:- نرجسس كومي عاد هم يلا نروح وياه زينه للصالون كوميي
نرجس :- ايي يووم كمتت ..عدلت شعري وشلت الموبايل شفت الساعه ب9 ونص رحت ع اشعارات اشو شعجب ماداز مسج او شى مم غريب ..كمت نزلت وتريكت وياهم سألت ع ابويه كالو طالع من الصبح عنده كعده ع كياعين مدري ايش مهم اني قررت بس يجي ارفض واذا سأل ليش احجيله ع كل سوالفه الايسر
.كمت بدلت ومرينا ع بيت زينه ورحنا للصالون ..زينه اخذت خيط وعدلت حواجبها وتنظيف عميق للبشره وسوت شعرها وصبغته اشقر ثلجي صار يجنن ..اني هم اخذت خيط لوجهي وتنظيف عميق ومساج احس بشرتي صارت كزاز من نظافه وتوسلت باامي اغير لو اصبغ شعري واني راسها والف سيف معنده ماتقبل اووف عادي سويتله معالج وسيرومات همين احس صار يخبل فدوه لعمري طلعت اكرط ههههه..امي همين نفس الشى صبغ ع حف صارت تخبل كسرتنا كلنا
ماكملنا الأ احنا والعصر ورجعنا ..اني رحت سبحت وطلعت واني ولافه البرنص والخاولي نمت ع السرير ااخ ييمه رااحه نفسييه وربيي اجيت اغفي بس سمعت صوت مسج ..
انه رسن فتحت الجهاز عبالي من أركان بس طلعت من شركه اووف هذا شبي من بارحه طنكر عليه زين انه شعليه وهيج يزعل ..عاد عفته ورحت مشطت ولبست ونزلت وياه امي اعاونها بعشه شويه ودخل ابويه وهو معصب وجن ماطايق احد عاد جيت اريد اسأله ليش هيج معصب بس خفت ..عادينه امي راحت سألته وانه احاول اتنصت من باب الغرفه سمعت:-
ميار :- خير ابو كرم شبيك هيج ضايج ؟
ايهم :- ياخير ماتكليلي ياخيير
ميار :- ياساتر ليش شصاير؟!
ايهم :- مو اكو ناس مشتريه قطعه مال كاع من عدنا فعامر ابن عمي ماخذ منه الفلوس وموقع ع عقد مال بيع وصار 6 اشهر وهسه مايردوها للكاع يردون يرجعون فلوسهم وصارت مشادات بينه ابنهم وابن عامر وصايره بسلاح ومضروب ابينهم بطلقه وميت بساعتها واهله لو يردون الفلوس ضعفها 4 مرات لو تصير دم للرجاب وهسه ابنه لعامر بسجن
ميار:- لطمت ع وجهي ..ياعززه العزاني وهسه شلون
هسه انته بخطر موو
ايهم :- ماعرف ياميار ماعرف حجيت وياهم حاولت اقنع واجيب حلول وياه عامر اكوله انطيهم يكلي ع اي اساس انطي ونوب مايقبلون يتنازلون عن شكوه ويطلع ابني وهو عاند ويكول وشيردون خلي يسون دام هيج يسوها طك بطك احنا جاهزين بس هم ناس شرانيين كلشي اتوقع منهم بس ميفيد الحجي
ميار :- يربي شهل مصيبه الوكعت ع روسنا
ايهم :- عوفيها ع الله هو يحلها بس حضريلي الحمام مكسر
ميار :- ماشي ادلل هسه احضره
_مشيت من باب الغرفه واني لوني مخطوف عزه يعني يردون دم بمكان دم ابنهم وابوي شيخ العشيره يعني هو اكثر واحد مهدد بخطر يارب احميي واحفظه النا اذا صار شى عليه اموت والله
..عاد كملنا عشه وصعدت للغرفه بدلت واحاولت انام لان باجر كعده من الصبح الحنه مال زينه سمعت صوت مسج شلت الجهاز لانها مسج من اركان اني رسن تعدلت كاتب
_(بجذب اسألي وكولي ليش ماكو)
..ياا زعلان ويريد مني ارضي ..زين ع شنو اراضي قابل انه شمسويه عشتو كتبتله
_مادري عبالي عندك شغل كلت ماازعجك.. رد كتب
_اهاا عندي شغل موو.. ياا هذا شبي هيج يحجي ويايه جن عقله مضروب .. كتبتله "ايي" جان يكتب
_ اوكيي براحتج تصبحين ع خيرررر
... لا صدك هذا انسان مو صاحي ونوب زعله ثكيلل مثله اوف ياربي ناقصني هو خلي انام احسنليي
أركان :- كلش صرت اعصاب لمن عرفت هذا السكط متقدملها وهيه الفاهيه منطلقه تسولفلي وانه دمي محرووك .. شكبرني شكدني تجيني وحده بكد بنتي لو هسه متزوج تفر راسي فرر ظليت اطحن بروحي ومكدرت انام بساعتها لثاني يوم ظليت افكر وكلت لازم انه الكه صرفت حل واخليها الي تصير نزلت لامي لكيتها تقرا قرأن بغرفتها رحت مدد ع رجليها
ام أركان:- هاا وليدي بيك شى
أركان :-مخنوك يمه مخنووك
أم اركان :- اسم يمه عليك احجيلي شبيك بلكي ترتاح
أركان :- اكو وحده دخلت كلبي بس ماعرف هيه شتحس تجاهي تعبت وكلبي تعب همين يمه
أم أركان:- سوده عليه يمه شبيدي عليك..زين تريد اروح اخطبلك ياها؟..عادي هسه البس عباتي واخذ اخوك واروح
أركان:- لايمه ماريد اربطها بيه يجوز ماتحبني يجوز اكو شخص بالها ....
ام اركان :-لعد شلون ياوليدي شلون ينطيني كلبي اشوف روحك مفرفحه مابيدي شى
أركان:- ادعيلي يمه محتاج دعائج بس....
ام اركان :- الله يوفقك ويسهلك امرك ياوليدي بجاه الحبيب المصطفى..
...كعدت الصبح تريكت ع سريع وبدلت وطلعنا كلنا للبيت زينه ورحنا انه وياها وفاطمه وامي وصلنا محمد بسياره ابويه لان ماطلع وصلنا للصالون واول وحده بلشت وياها ام الصالون زينه وانه رحت لبست الفستان مالتي وكعدت وحده ثانيه تسويلي تسريحه سويتها ويفي وسط وفعت قسم ونزلت كذله وهمين سحبتهن ويفي وخلت بروش ابو التاج بسيط والم وياه الفستان خلصت مكياج لزينه وياه بدلتها بنفسجي بوردي وبيها كرستال نفش ومكياج ابو سحبه تجنن طلعت كتلها اذا شافج هسه وليد يمكن ياخذج ويشرد كلهم ضحكو وبلشت بيه البست عدسات لونها ازرك بيها لون ثلجي اسمها اسكا هيج شى ومكياج عتمدت بي ع ايلاينر جرئ وحمره نيود ورموش طلعت ملامحي قويه وكلهم تعجبوا ع شكلي
فاطمه :- والله عمي طلعتي كسر بينا متطلعين تبقين هنا هههههههه
الكل :-ههههههههههههه
ميار :-اللهم صلي ع محمد فدوه شلون طلعه تخبلين يارب يوم اجيبج هنا عروس ودمعت عينها.. اني حظنها وعاد غيرنا جو بسوالف وضحك وتحشيش فاطمه ..
وليد:- يمممه بسررعه وين الغتره
أركان :- هدي بويه شبيك مخبوص هيانه الغتره بصفك
وليد :- لا ابد منو متوتر انه ههههه
أركان:- لا واضح ابد مامتوتر جاي تلبس الغتره وانته دشداشه مالبسها ههههههههه
وليد :- انتبهت روحي بس بشورت والفانيله والبس غتره فلشت من رجال هههههه.. اجه محمد وكالي هذا الشسوار دزته خاله
_اكلك محمد ولد كلهم جوه
محمد :- ايي خويه كلهم جوه منتظريك وجاي يرتبون وياه خاله
أركان :-انه كلت اكيد هذا السكط موجود همين
وليد:- محمدد الدشداشه الخليجيه وينها ؟؟!!
محمد :- جووه بسياره
وليد :- انزلل جيبها شمنتظر عاااد
محمد :- اييي شبيك يمعود ناززل
اركان :- انه تذكرت الدكم وساعه جبتها للوليد بسياره فكتله محمد اصبر انزل وياك .. نزلت وياه جان يدك جهازه رد وظل يكول مالحك اجيبكم ومنو من الولد يقبل جي مادري خل اشوف هسه انه شعليه تصيحون هسه يلا باي
اركان :- خير خوماكو شى
محمد :- البنات خلصو من الصالون واني خلوني اويهن واجيبهن بس هسه اذا اطلع وليد يكلب الدنيا والولد يتخبلون من سالفة الصالون بس حروح اكوللهم
اركان :- اا محمد خوي انه ماعندي شى اذا ماكو احد يجيبهم انه اجيبهم يعني اذا ماكو اشكال
محمد :- لا ياخويه اصلا تسويلي فضل وربي وانته هم مو غريب دك جهازي..وهاك شوف هذا جاي يتصل حيكلب الدنيا
اركان :- هههههه روحله لهذا خبل وهاك ذني انطيهم له..عاد دلاني وين مكان الصالون ورحتلهم وصلت رحت نزلت يم الاستعلام كتلهم يصيحوهم يطلعون انه ناطرهم بالباب طلعوا انه فتحلهم الباب صعدت زينه الي وراه وشفت ام نرجس همين وصعدت ليكدام وجتي الخانم بس مخليه الشال ع راسها وتتمختر وعباه وشعرها طلع من الحجاب ومامغطيه وجها انه نار واشتعلت جوايه سديت الباب من يم زينه ورحت فتحت الباب لخ جاي تصعد صعدت بنت عمها لخ ومامنتبهن كضيت ايدها قوي وعيني ع شارع كتلها نزلي الحجاب ع وجهج لا احسب الله ماخلقج وصعدتها بسياره وركعت الباب حيل قويي
صعدت جان امها تكلي..هاا يمه الله يساعدك وع شلونك وشخبارك وانه اجاوبها بس عيني ع نرجس اخزر بيها دخنت بوكتها وحاولت ابين طبيعي وهيه كومي وارفعي الشال علمود تعدله بنت لااوادم شلون خلقه نارر ردت اسوي حادث الأ شويه وجن هيه متقصده تبقي الشال مرفوع وعينها لمن تجي بعيني تنزلها وظليت امشي سرعه ماريد احد يشوفها من الطريق وامها طول الطريق تسولف وانه بكلبي اكوللها ماتسكتين خاله انه كلبي محترك مو وكتج ..
عاد وصلتهم للبيت ودخلت السياره وصلتها للمطبخ بدي اوصلها لجوه البيت نزلو وامها تشكرت مني ونزلت ونزلت العروس هيه وبنت عمها لخ جاي تنزل قفلت البوب لان جوه لتهو بعروس وهلاهل وسوالف نسوان واستغليت هاي ثواني وكتلها
_ اذا عرفت طلعه بهذا شكلج برا او واصله الكراج ماتلومين الأ نفسج واضحح..هيه هزت راسها وفتحت القفل ونزلت تركض انه لفيت ورحت ورجعت للبيت دخلت سبحت وبدلت لبست دشداشه نيلي وغتره بيجي وسبحتي وحزامي وسلاحي بي وطلعت ...
... دخلت للغرفه اركض عززه هذا شجابه يمه كلبي
فاطمه :- شبيج لونج نخطف شكو
_لج هذا شجااابه
_ خلف الله عليه غير اجه وصلنا لان محمد نشغل وياه وليد ولد عمج سوده عليه يستحرمون الصالون
_لج اسكتي اسكتي احس كلبي حيوكفف
_هههه لج هو الطريق كله عينه بس علييج عيينيي
_ جذاابه؟!!!!
_والله العظيم وانتي مدنكه راسج جن شايل بيده سيف عليج
_لج قبل لااصعد صاح بيه انزل الشال وانه مانتبه له عبالي محمد وصال هو باب المركز يعني ماكو احد
_ايي ظل بس ينافخ وتنهد ورحه بخشمه وامج استالمته سوالف وهو باله وييين هههههههه
_اششش بسج عااد امشي وليي من يميي امشيي
_امداج خبله عدلي نفسج وتعالي يلا شغلنا الديجي وبدت النسوان تجي
_ايي دحكت الساعه ب 4 نزعت العباه وعدلت شعري ورحت وياهم .. كعدنا زينه على كوشه وهيه منطلقه وخجلانه بنفس وكت امها شافتها وكعدة تبجي كلبنها مناحه ههههههه عاد اني كمت شغلت الديجي واغاني تركص ميت هههه وكضينها ركص وسوالف ونسه ولليل ساعه ب7 كالو يلا اجه العريس يحني العروس ..
تابع لاحداث.....
تعليقاتكم ع الاحداث الجايه ...نشر يومي كم بارت وتخلص الروايه.. عذروني ع انقطاع ضروف شكرا لان انتظرتوني احبكم
تصويت اريد تصعد قصه .