هلووو اني ميار عمري 18سنة سادس اعدادي علمي عايشة ببغداد مواصفاتي عيوني خضر كبار ورموشي كثيفة بيضة طولي 155هههه قزمة يعني رشيقة شعري طويل يوصل جوة خصري اني محبوبة بس بنفس الوقت خجولة المدلله عند اهلي لاني اخت ل3 اخوان والصغير عائلتي :
ابوية جعفر:: اللي هوة سندي بالحياة والمدللني ويخاف علية من الهوة
امي حنان:: قدوتي بهاي الدنيا
اخواني::
الجبير حسين عمرة26 الي هوة ابوية الثاني متزوج مرتة مريم صارلهم سنتين من تزوجوا ومريم هسة حامل بشهر الثاني
الاصغر من حسين علي عمرة24 خاطب حاليا زميلتة بالكلية دائما مناكر اني وياه بس احبة
الاصغر من علي احمد عمرة 21 اعزب ابوية الثالث 😂
نرجع للواقع:
ميار :ماما خليني نايمة هسة مو عطلة حتى بالعطلة مارتاح
حنان:لج ماما الساعة 12يانوم لحد هسة كومي رح يجي ابوج
ميار:يالكعبة كمت كمت ينبع الحنان _راحت ورحت غسلت ونزلت جان علي هم توة كاعد من النوم جان يوم جمعة وكلنة نايمين بس بابا واحمد رايحين للمصنع طبعا احنة عدنة مصنع يشتغل بي احمد وبابا اما حسين يشتغل بشركة وعلي ديدرس ماجستير
ميار:صباح الخير علاوي رحت بستة بخدة
علي:صباح النور حبيبتي
ميار.:شكللك هم نسحلت مثلي
علي: اوووف ياختي هية نبع الحنان هم تخلي الواحد نايم
حنان:ها ولكم تفقتو علية اني اعلمكم بس خلي يجي ابوكم الة اكلة
ميار:اذا صارت السالفة بيهة الولد اني طالعة منهة برشوة
علي:هلة صفت براسي اسفين نبع الحنان منعيدهة بعد والله
حنان: اي عفية جهال متمشي الة بالعين الحمرة
جعفر/ احمد:سلام عليكم
الكل: وعليكم السلام
جعفر :شبيج ام احمد حسج وين واصل
حنان : والله تعال شوف جهاللك شيبو راسي من ورة حجيهم
ميار:بدلع_ باباتي هذا علاوي يحجي على ماماتي ويضوجهة
علي :انييييي
ميار :اي انت
جعفر:ولك عليوان تعوف مرتي لا اطردك من البيت مفهوم
احمد : ام لسانين كلبتيهة على الولد
ميار : ☺
علي :اني اعلمج تعالي
ميار :يركض وراي واني اركض طلعنة بالطرمة جان يفوت حسين ختلت وراه واضحك واحجي بدلع_ حسوني شوف هذا يريد يلزمني ويضربني تقبل يضربني اباوع علي وارمش بعيوني مثل البزونة
حسين : اروح فدوا لهاي العيون ولك علي دمد ايدك عليهة حتى اكسرهة
ميار :فديتك باباتي الحلو😘
حسين :يلة خلي نفوت جوعان
ميار: تدلل هسة اسويلك احلى غدة انت وعلاوي الزعلان
علي :فديت اختي الحلوااااا
ميار:فتت جوة رحت وية ماما ومريم سوينة الغدة وكعدنة ناكل _اكول حمودي شوكت النتائج مالتي تطلع منشرو
احمد:ماعرف نشرو اليوم كالو يجوز باجر او عكبة
ميار :يماما خايفة خايفة
حسين :بنوتي كدهة وكدود مو
ميار :ايڤيت باباتي_ماعرف شسويت بحياتي حلو حتى الله يجازيني بهيج اخوان اتمنى الله يحفظهم الي ومايحرمني منهم كمل اليوم على الموبايل والشغل ثاني يوم كاعدة على نار اروح منا واجي منا من القلق واحمد ديكلب بالحاسبة ويدور اسمي لحد ما اجتي عيطة من احمد
احمد :لج ميارر ناااااجحة
ميار :كمزت رحت يمة ادري بنفسي ناجحة بس اريد اشوف المعدل رحت اخذت الحاسبةودموعي تنزل ادور اسمي باوعت وانصدممممممت مجنت متوقعة ابد هيج معدلي طلع 96 ظليت صافنة علي خايفة لا يطلع جذب لحد مصحيت على احد شالني ويفر بية اباوع طلع حسين حضنتة قوووي وابجي نزلني ويهدي بية واني قافلة ابجي واشهك ممصدكةان حلمي تحقق كمت ابجي واضحك _حسين حسين هذا هذا معدلي مو هذا معدلي يعني تحقق حلمي حسين رح اصير صيدلانية _جنت مصدومه باركولي كلهم واني كلساع اصفن فجأأأأأأأأأ دخل علي علينة انعدمت الفرحة من الكل
جعفر:لك شبيك احجيييي
علي :اني اني دعمت واحد
ميار :عاطت ماما وحسين واحمد يحجون على علي واني مصدومة فجا كام بابا وحسين وعلي راحو للمستشفى واحمد ظل يمنة ماما تبجي تكول راح ابني واحمد ومريم يصبر بيهة ورة يمكن 3ساعات اجة بابا وحسين وعلي ماكو سألهم احمد طلعو معتقلين علي اني وكعت ابجي وماما تخربطت صعدت الغرفتي ابجي على علي خايفة اخاف يأذوه لا ياربي كلشي ولا واحد من اخواني
هسة نجي للبطل :
هلوو اني فهد عمري 24 اني ظابط معروف وبنفس الوقت شيخ عايش بالبصرة بيت جدي اني يتيم عندي اخت وحدة اسمها ناز هية روحي من الدنيا عايش وية:
جدي كاظم :شيخ عشيرة معروف بالبصرة كلها
بيبيتي كريمة:مرية قوية محد يكسر كلامها وكلهم يمشون على كلمتها حتى جدي😂
عمي ولاء:: عمرة 29 متزوج ومرتة متوفية ولدة؛:
سجاد عمرة 22 يدرس كلية هندسة
حلا عمرها 17 صف خامس اعدادي ادبي وخطيبتي بنفس الوقت بس يعني مو عقد بس حجي
وناز او الشيخة نزنوز الدلع مالتهة مالية البيت بضحكتهة وسوالفهة وتكره شي اسمة حلا تتخبل منهة وتكلي متزوجهة لو شيصير
اني مواصفاتي حلو طويل معضل شوي مو هواي عندي كفشة ولحية طوووويل وعصبية لدرجة كلمتي تجي بعد جدي وبيبيتي الليي يعاندني يقرة الفاتحة على روحة لان مارحم احد يعني ضابط بعد المهم نرجع للواقع:
جنت كاعد بالمكتب اتصلو علية وكالولي سجاد مدعوم هوة اخوية واكثر حترك دمي علي طلعت بالسيارة لبغداد وهناك شفت الولد الداعمة لزمتة واضرب بي لحد ما فككونة ولد عمي وطلع الدكتور وكال دخل غيبوبة احس فقدت كمتت اهدد واتوعدلهم طلعنة ورحت بيتي اللي بغداد حجينه بعدها وية اهل الولد وقررنة نسوي كعدة عشاير بعد يومين اجو الشيوخ لبغداد ومرن اليومين واليوم الكعدة طلعنة لاهل الولد
ميار :كعدنة من الصبح او اذا نمنة رتبت الاستقبال اني ومريم وحضرت الجاي والضيافة فجاء اجة صوت سيارات طبينة اني وماما ومريم بالغرفة ونرجف كالعاده جبت القران وكمت اقرة بصووتي اللي كل الناس تحسدني علي بالقران ويكولون يريح كمت اقرة وماما تصلي فجاء علت الاصوات اسمع حسين يعيط فجاء وكفهم صوت رجال عاط والكل سكت
فهد :رحنة لبيتهم صار الحجي وطلبوا عمامي فلوس وفصيلة ظلوا اخوان الولد يتصايحون وولد عمامي هم كمت بعيطة سكتو كلهم كلت
فهد: كااااافي شني هية ماكو جبير بعينكم وانت ابو احمد الولد ولدنة واحنة نقرر كلنة الدم بالدم مرضيت خلي ابنك بحضنك وباجر احنة راجعين للبصرة لو تسلم الفلوس والفصلية لو تسلم ابنك واحنة هسة نرفع الزحمة _طلعنة وقبل منسمع ردهم وثاني يوم رجعنا للبصرة
ميار: راحو بعدما هاذا الولد حجة دخل بابا منزل راسة ويبجي وحسين لازمة واحمد يباوع علية ويبجي رحت ركض علي _بابا بابا شكالو علي رح يطلع مو بابا جاوبني لتضل ساكت حسين انت احجي شكالو
حسين؛:لو نسلمهم علي يكتلوه لو ننطيهم100 مليون وفصلية
ميار:جانت صدمة بالنسبة الية
حنان :لالا لا يربي مستحيل انطي بنتي هاي وحيدتي شلون انطيها بعدهة توهة حققت حلمهة لاااا ياربي
ميار :دموعي تنزل وصفنت اذا ماروح علي رح يموت واحقق حلمي واخسر اخوية اللي يومية ادعي الله يحفظه الي واذا رحت اخسر حلمي اللي صارلي اتعب علي 12 سنة ماعرف اباوع باب الي حالة مو احسن من حالي واخواني اللي يباوعون علية ويريدون الجواب بلحظة وحدة تخيلت حياتي بدون علي تخيلت ماما شنو رح يكون وضعها من تخسر ابنهة جان موقف مينحسد علي بالاخير قررت اتخلى عن كلشي لاجل اخوية على الاقل اني مرح اموت حجيت ودموعي تنزل كلت
ميار :بابا اني موافقة اروح
كلهم باوعو علية ونصدمو
حنان:لا لا مرح ياخذوج مستحيل جعفر احجي شي شلون رح تنطي بنتك هاي وحيدتنة
جعفر:بابا انت واعية على هذا الكلام تعرفين شنو معناة فصلية
ميار :اي بابا اعرف واعرف ان اني ماكدر اكعد وحياة اخوية بين ايدي اني مستحيل اكدر اعيش من دون علي على الاقل رح اضل عايشة اما علي اذا راح رح يموت ورح اضل محملة نفسي ذنب موتى لهذا اني رح اروح
جعفر :ماعرف شكول رح اخسرج انت ضحكة البيت شلون اعوفج تروحين يمهم
ميار :احمد مستحمل الموقف صعد فوك يبجي وحسين اجة حضني ويبجي اول مرة اشوفة هيج يبجي
حسين:انت بنتي الربيتهة على ايدي شلون اخليج تروحين يمهم ياخذوج مني ماكدر اطب البيت وانت ماكو انت ضحكة البيت شلون رح تعوفينة
ميار :مر هذا اليوم علينة مثل السم بين بجي وشهكات وماعرف شلون اوصفة صعدت الم بغراضي واجبي واباوع لغرفتي ياترا شنو مصيري شنو رح يصير وياي منو هذولة الناس شنو رح يسسوولي رح ياذوني ماعرف افكار تذبحني بكل دقيقة ماكدر اسيطر عليها رحت لغرفة احمد مطلع من الكعدة دكيت الباب وفتت جان كاعد وصوري بيدة رحت كعدت يمة وحضنتة وابجي
ميار:حمودي مرح تودعني رح اروح بدون ماشوفك
احمد:شلون اودعج شلون اني ماكدر اعيش بدونج انت فرحتنة
ميار : ميخالف احمد بس حتى لو ضليت اني ماكدر اعيش و علي ماكو بحياتنة
احمد :ماعرف شنو اسوي والله لو اكدر جان اني رحت بمكانج بس ماكدر
ميار:واني اذا انت رحت شلون اكدر اعيش هااا اني مدام انتو عايشين رح اعيش مرتاحة وهسة كافي بجي كوم يلة اريد اكل جوعانة وديني لمطعم اخر طلعة وياك
احمد؛:من عيوني كومي بدلي يلة
ميار:احاول اضحك بس ماكدر اكو شي يمنعني طلعنة احمد اني ومريم وحسين اكلنة بالمطعم ورحنة شتريت كم تراك واشياء اخذهن وياي ورجعنة تمددت على الجرباية وافكر لحدماغفيت. . .. . .. . .. .
ل هنا ينتهي البارت اتمنى تدعموني بلايك لان هاي اول قصة الية
💗🌈
الكاتبة :yaqeen.hassan♥