المخلص "باللهجة العراقية "

البارت السادس

المخلص..
البارت السادس..
بقلمي رسل..
rasolaa7

انستا Rasolaa7

اشعر وكأني
ورده جفت ولم تحضى بكف حبيب
كتاب جلاده لم يفتح ولم يرفعه احد من الرف
كأمنية معلقه وفاتها الوقت
ارض قاحلة لم تروى منذ سنوات
لوحة لم تكتمل
جثه لم يعثر عليها
سجين لم يذق طعم الحرية
مدينه هجرها سكانها
الجزء المفقود من النص..

-رجع وره شوي انطاني اكل بس شتميت ريحته لعبت
نفسي اكلت كم لكمه وكمت للحمام اتقيا وهو برا يصيح
شكو شبيج؟!..

-دموعي تنزل ويا المي ضربت على وجهي بقوه
الله ياخذني ويخلصني اذا الي ابالي صح فتحت الباب
وطلعت وهو عينه عليه بقلق كعدت يم رجله.. ابوس
رجلك احلفك باغلى ما عندك اكتلني وخلصني..

-بعد رجله وكعد بمستواي يريد يمد ايده ويتراجع.. بس
اهدي راح تموتين روحج معودة شكو شبيج؟!..

-ضحكت بقهر هيج ضحكة مليانه دموع.. اهدا ليش اهدا وعلى شنو اهدا هو اني ليش لسه ما متت من راحوا اهلي ليش ما اخذوني تعرف شيء اخذوا حتى
اخوي واني عافوني المن حتى اشوف هاي الايام حتى
اعيش شيء فوك طاقتي عليك الله اكتلني وخلصني
ابوس ايدك..

-تعرف يعني يعني شنو صرت قذره مثلهم لا وشايله قذارتهم تعرف لو بس تكلي اهدي احجي واضرب بنفسي وعلى بطني بكل قوة وبي وهو يبعد بايدي..

-بس كافي يا عيني مو راح تموتين روحج شبيج
تخبلتي..

-كمت مثل الي فاقد عقله اي بهاي اللحظات غاب عني
العقل فقدت وبس اريد اخلص من مصيبتي اني جنت
شاكه من تاخر موعدها وكلت يمكن بسبب الضغط النفسي الي اعيشه وجنت متردده وخايفه شلون لو اجتني واني ويا شخص غريب عني واخجل منه تالي
اجتني هالصدمة الي هزت كياني وغيمت روحي..

-ركضت على فراشه وخرت الغطا وشلت المخدة واني
ادور على سلاح او اي شيء بس حتى اخلي بطني واخلص وهو وراي فاقد الحيله وما يعرف شلون يهدي روحي الي اشتعلت بنار..

-وين سلاحك وين احجي..

-ما عندي سلاح..

-تضحك عليه انت راح اتخبل وانت هيج بارد..

-تخبلي ما عندي سلاح شني بويه هي كوه..

-وراح كعد واني فرفحت روحي وهو يجاوب ببرود
كعدت وابجي.. كل يوم كل يوم اتوسل بيكم تكتلوني الله لا ينطيكم ولا يوفقكم كون هيج تعطبون بنار جهنم
كون ما يبقى الكم اثر ادبسزيه جلاب حيوانات..

-عفته وكمت دخلت للحمام ودموعي اذا امسح وحده
ينزلون عشره غسلت وجهي وجسمي ما ضلت بي قوة
بطني توجعني من كدما ضربت عليها ما اريده ياربي
هالشيء صعب..

-همي وخيبتي بهاللحظة احسهن جبال وعلى ظهري
شايلتهن طلعت وهو صار كبالي.. انتي شبيج تردين تخبليني مو ادك بالباب..

-لا تخاف مو زمرد الي تعصي ربها وتسوي شيء بروحها حجيتها ورجعت على كعدتي والله وروح اخويه ما راح ابين الهم اني مكسوره ولا راح اشمت
قذر بيه القهر وكسره الروح اعيشها ويا نفسي..

-عيني عليه لف الشماغ وطلع واني نزلت دموعي
راسي الالم بي يذبح بس شسوي شبيدي على روحي
الي ما شافت يوم حلو..

-لليل وهو وماكو ما رجع اصواتهم تخوف واني لازمه
كلبي بيدي هسه هذا وين اختفى والافكار هجمت عليه
اتخيل يفتحون الباب ويدخلون عليه
لو اتخيل ذاك النكس سديت اذاني بقوه اتذكرت الورقه
فتحتها وقريت الدعاء ما اعرف شكد كررته وبالي
يمه تأخر كلش..

-اقرا وعيوني بدت تغمض جوعانه بس معدتي رافضه
الاكل حتى مي من اشرب احس بيها تفور من القهر
الي متغلغل بروحي ومع هذا ما عندي منفذ غير هالدعاء الي صار انيسي بوكت الشده..

نورا..

-كتبت رقم خالتي وبامل انو اسمع اخبار عن اهلي
الي كلبي نار عليهم ولحد هاي اللحظة اني ما مصدكه
طلعت من ذاك الضيم والقصف والرعب وتركت
اهلي هناك ومصيرهم مجهول..

-ذبيت الجهاز بخيبه امل جبيره واني اسمع جمله
الرقم المطلوب مغلق او خارج نطاق التغطية حتى انتي
هم مغلق خاله بنت اختج وحيده وبنص ناس ما تعرفهم
عنهم شيء وين اختفيتوا كلكم وين..

-كلبي نار عليهم وافكاري السوداوية هجمت عليه معقولة صار عليهم شيء
خاف وكعوا بيد الانذال
طلعوا لو لا
رفعت راسي للسماء.. تعبت يارب بس برد كلبي بخبر
عنهم ورجعني لحضن امي..

-والله اشتاقيت لحضنها هواي شهور واني فاكده اماني
وراحتي لو صوت ابويه الي مجرد نسمع صوته ما نخاف من شيء وتغمض عيونا متطمنين من غبت عنهم فكدت معنى الراحة والامان..

-رجعت الجهاز وحاولت انام ما كدرت ابد ما كدرت
شايفين من واحد عنده امتحان لو موعد لو سفر شلون
هيج يضل يفكر ويطير النوم من عينه اني حالتي هيج
هسه دموعي تنزل واني احس اكو شيء ما مرتاح كلبي
اغمض هم ما ارتاح مجرد ما اغمض عيني تصير كبالي كل مشاهد الجرذان تصير كبالي البنيه الي طلعوها منتهيه من وحده من الغرف تصير بخشمي ريحه الدم والعذاب الاصوات بعمرها ما راح تفاركنا
ان كانت اصواتنا واحنا تحت تعذ..يبهم
او اصواتهم الي تهتف بالكره والحقد والدم..

-للصبح ما غمضت عيني للصبح واني كلبي نار عيني
على الساعه وميلها الي مثل حالتي وما مستقر كل ساعه بمكان..

-صارت بثمانيه وبديت اسمع اصواتهم كعدوا من النوم
جنت مستحيه انزل وهاي البنيه نايمه واني منتظرتها
حتى اكوم اغسل..

-اندفع الباب ودخل جود يربي شنو من طفل يا صلاة
النبي عليه وعلى جماله واسمع صوت من برا يصيح.. ولك بابا عيب مو كتلك دك الباب..

-عدلت نفسي ورجعت شعري ليوره واني اشوفه كبالي
شال الطفل.. صباح الخير شلونج خويه؟!..

-صباح النور..

-كومي خويه انزلي ويانا لا تنتظرين لارا هاي لو دا.. عش يدخل عليها ما تفتح عينها بعد لو نامت..

-فز كلبي رفعت راسي عليه وهو حس على روحه
كومي يلا هسه الحجية محضره الريوك ام جود تعالي
نزلي البنيه حجاها وطلع ودخلت ام جود..

-صباح الخير حبيبتي يلا تعالي منتضريج عمتي كالت صيحيها تكعد ويانا وخليها تحسب روحها وحدة من عدنا لا تتقيدين..

-حبيبتي مشكورة بس والله استحي اكعد وياكم وبعدين ماريدكم تضايقون مني عادي هسه اروح بالمطبخ واكل..

-ولج شنو هالحجي نخليج بعيونا اعتبري نفسج وحدة من هالبيت والله طيبين وراح تحبيهم اصلاً متتقيدين وياهم يلا حبيبتي هسه ماتو جوع وهم ينتظرونا حجت كلامها الأخير بضحكه كرار بعد ما ينتظر ترى..

-كمت وياها غسلت وعدلت حجابي ودخلت وره ام جود وأحس وجهي احمر من الخجل مو مكاني ولا بيتنا
ناس غير اهلي وحياة غير حياتي..

-صبحت عليهم وقبل لا اكعد حجت الحجية.. تعالي يمة كعدي يمي هنا يمن فدوه لهالوجه..

-ابتسمت الها  وكعدت يمها وهي خطيه ضلت تقرب بالأكل يمي وكل شوي تنطيني شيء بعدنا ما بلشنا
بالاكل واسمع صوت من وراي صوت رجولي ولهجة مبينه جنوبيه.. هلا يبا هلا ببنت الموصل شلونها بنيتنا..

-التفتت عليه رجال يطلع عمره بالخمسين ولحيته مليانه شيب بس حلو وهيبه بلبسه العربي كمت سلمت عليه
وهو باس راسي..مرتاحة يبا؟!.. كولي اذا لارا وياج
افصم ضهرها..

-ودخلت لارا ترفع بشعرها.. ها خالي ها تبريت مني
طبعا شفتوا التركمانية بعد لارا منو حتى انت عليه..

-كعدنا وهم ضحك وسوالف وجان خالهم يسأل علي على الاوضاع والموصل وعلي يحجيله عن تضحيات
الابطال واني مبتسمه بفخر جان كل ضني انو هذا هو
انتهينا تحت ايدهم ومحد يعرف بينا بس هيهات غيرة
العراقي تبرد تجاه اخو مبتسمه بفخر واني اسمع بطولات اسباعنا وشلون ملاوين الموت لاجل الموصل..

-هم يسولفون واني اعد بالدقايق بس اريد علي يكمل كلامه واخذ منه
جهازه اريد ارجع اتصل على خالتي هو كام واني طفرت ويا وعيونهم كلها عليه..

-رحت ورا ما اهتميت هو وكف..ها نورا محتاجة
شيء؟!..

-بس اريد تليفونك يمكن تليفون لارا ما بي شبكه..

-طلعه من جيبه وفتحه وانطانياه اخذت وطلعت برا كتبت الرقم ودكيت وهم يطلع مغلق تنهدت بقهر ضاكت بيه
هالدنيا بوسعها ما قصروا وياي اهل علي بس صعب
بقائي يمهم..

-كتبت رقم ابويه وهم يطلع خارج النطاق زادت خنكتي
حسيت على احد كعد بصفي التفتت جان علي.. حصلتيهم؟!..

-تنهدت بالم.. لا ولا واحد هم بابا وهم خالتي مغلقه
اجهزتهم..

-لا تقهرين نفسج ان شاء الله يكونون بخير انتضري الا ما ينفتح الخط أخذي راحتج أمانة اعتبري نفسج بوسط اهلج المهم خلصتي من دا..ع ش الباقي سهل..

-ما اعرف شلون  اشكركم والله لو ما انتم جان بس الله يعلم بحالي وحتى خالتي مااعرف عنوانها هو كل الأريدة اطمأن عليهم وأخذ منهم عنوانها اعرف انتو مقصرتو ابد بس هم ميصير أبقى هنا هواي وبالي
يم اهلي..

-شنو هالحجي بعد لتعيدينه البيت بيتج اعتبري وان شاء الله تسمعين الأخبار الحلوة عن اهلج لا تخجلين منا شنو تحتاجين هاي ام جود يمج اعتبريها اختج هي ولارا   حجاها كرار الي جان واكف قريب منا وسمع كلامي..

-ابتسمت بممنونيه الهم طيبتهم ذكرتني بطيبه بيت ابو
شهد وفعلا كلامها جان الناس البعض..

-رجعت دخلت للبيت وكبل لغرفة لارا بخيبه امل لا خالتي ترد ولا اهلي وكلبي بس ربي يعلم بحاله بهالساعات مشتعل نار وما يبرد الا ما اسمع خبر
يطمني عنهم..

-وهيج اليوم صار يومين والاسبوع اسبوعين وخالتي
ما نفتح جهازها لا هي ولا ابويه واني بناري..

-بس بهاليومين احس نظرات علي غريبه من يباوعلي
ومن اسأله عن الارقام  يكولي ماكو ما انفتحت اجهزتهم
بس الي قالقني هو نظراته ليش احسها شفقه ليش
احسه يعرف شيء خصوصا من بعدما صار يتهرب
ومن اريد اتصل يكلي ماكو كل يوم اتصل ومغلق..

زمرد..

-فزيت على صوت طكطكه مفاتيح انفتح الباب ودخل
ذب الشماغ وكعد بتعب لزم راسه ويضغط عليه بكل قوته عظ اصبعه بقوه وهو يضرب على فخذ رجله ثواني وطفر للحمام طول يلا طلع بس خفت وقلقت هاي اول مره اشوفه بهيج حاله..

-طلع من الحمام وطلع الاوراق وبدا يكتب وكل شوي
وذب حسره طالعه من اعماق كلبه كعدت ولميت روحي وعيني عليه رفع راسه.. شلون صرتي؟!..

-ما ادري يعني الواحد بنصكم شلون يصير..

-كمل وضم الاوراق ورجع يمي بينا مسافه قليله كالعادة
ما اكلتي شيء اليوم ليش تعاندين؟!..

-ما اريد..

-باوع على بطني ورجع باوعلي اصلا بدون ما احجي
شيء اله هو فهم وضعي وسبب انهياري.. شنو قررتي
زين اخذج لهاي الطبيبه هنا تشوفج..

-غمضت عيوني وتنهدت واردد بداخلي لا تبجين زمرد لا تضعفين.. ما احتاج الها وشنو الي كاتبه الله خلي يصير..

-تكومين نطلع يحجي ومعاني وجهه بيها قلق..

-اي ياريت اختنكت هنا..

-كمت لبست النقاب وطلعت ويا اول ما فتحنا الباب صاروا كبالي المكان يضج بيهم تمنيت كون اهجم عليهم واطفي نار كلبي بيهم واحد واحد الكو.....

-عيونهم قذره وهي تبصبص فات واحد من يمنا.. رجل
المخلص حجاها ويضحك واني فتحت عيني بوسعها
هذا شنو يحجي الحقير والمخلص ضربه على ركبته
ضربه يمكن كسرها اله.. كوا.... عينك لا افكسها..

-مشينا شوي همست.. هذا يحجي عراقي شنو مثلك يشتغل لو نذل من انذالهم..

-كرص زندي.. فضيحه والله فضيحه تاليتج بكلمه منج
الكه روحي يم الامير وبيده يطير ركبتي و*****...

-لتفشر هو سؤال رجعني ما اريد بطلت..

-دمشي لج تحجي الواحد كوه والله اني كلب ابن كلب وحجيت الج هو يحجي وياي واني عيني تشخصت وكانو وكف الكون بيه رجعت لنقطه الصفر رجعت لذاك اليوم
الي بي نسلبت روحي رجعت لاكثر يوم اكرهه وبجيت
بي عفت المخلص يحجي وركضت عليه دفعته.. نذل
كلب واضرب بي بهستيريا وهو دفعني دفعه من اثرها
وكعت على بطني وعطت رجعت ليوره واني اشوفه
يتقدم عليه دفرني وما اشوف غير المخلص كلبه ووين
اليوجعه بحيث احسه مو يضرب بي وانما يطلبه ثار
ثار كل الي اذاهم ياخذه منه بهالحظات وهو يقاوم..

-التموا علينا الجنود اجا واحد لحيته شوي وتوصل لبطنه.. ما هذا ماذا تركتم للعدو وبينكم هكذا..

-بنص الخوف ورهبه الموقف ضحكت حسيت روحي
بفلم الرساله ودخل علينا ابو جهل مدري ابو لهب من
اشتعلوا بنار جهنم..

-سكتت من خزرني المخلص دولي وكتك خلي اضحك
عليهم كون هيج يتناخرون بينهم وواحدهم يخلص على
الثاني رحمتك ربي..

-ولهناك وجان يسحب ورقه المخلص من جيب النذل
وصاح.. عوفني هاك شوف خاين وكل اسرار دولتنا
ينقلها للعدو شنو معنى هاي الرموز والشفرات وكلما
يشوفني يرتبك ويتهرب ها شنو معناها دفره.. الخاين
لا مكان له بيننا الله اكبر هو يردد وهم وراه الله اكبر
خبصهم خبص الي يشوفه يكول يحبهم حب وهو الي
اسس دولتهم..

-والله وطلع مو هين رفعت راسي ونزلت دمعتي
جانت بيبيتي تكول دعوه المظلوم تحرك الظالم بنار
الدنيا قبل الاخرة واني بعز انهياري دعيت كون اشوف
بي يوم يبرد ولو جزء من نار كلبي واشكر الله الي خله
المخلص سبب بخلاصي من اقذر حيوان..

-اخذها منه هذا ابو لحيه وذاك فرفحت روحه وهو يصيح مو الي يكذب المخلص والمخلص الجنود كلها
بصفه والله عمي هذا ساحب الكل اله شلون يهابونه
وعبالك واحد منهم ومحروك كلبه عليهم..

-رجع عليه كومني.. واني تمسكت بيده بقوه ممتنه
اله وروحي فدا لروحه بهاي اللحظات شنو اريد
بعد وهو هيج برد كلبي..

-رجعني للغرفه وراد يطلع واني مبتسمه يا عالم شعور
النصر ماكو منه شعور دعوة المظلوم من تستجاب
ماكو شيء يوصفه ولا حتى حروف اللغة كلها..

-اروح اشوف شيصير وارجع..

-لا اله الا الله يحرسك الكرار الي البارحة ذكره ما
فارك لسانك وانت نايم..

-ابتسم لا يحضي الكوا.... هاي طلعت فاضح روحي
راجعلج انتظري ام لسان..

-هو طلع واني الوب اصابيعي تعقجت من كدما طكطكتهم من التوتر وادعي يارب تعدي سلامات وما
يروح بيها المخلص اخاف هذا يفرها عليه شطلعني
اني ندمت كلش وبالي يمه قريت الدعاء على النص
ونسيته فتحت الورقه وطلعتها كعدت واردد بي حلكي
يبس الدقيقه تمر عليه سنه وهو تاخر كلش تاخر..

-ما اعرف حرفيا ما اعرف شكد مر من الوقت وهو ماكو بطني اذتني كلش ومعدتي تفور رحت للحمام اريد
بس استفرغ ما اكدر ما ماكله شيء تعبت رجعت كعدت
وبجيت هو هذا حضي اعرفه منو الي اخلي املي بي
ومنو الي اتعلق بي يروح بسببي راح بيها ابن الناس
يارب الطف بحاله ادعي وبطني زاد وجعها والالم زاد
منا وجع كلبي ومنا بطني الي مغصها موتني..

-وانفتح الباب ودخل المخلص مبتسم سد الباب وعينه
عليه فرحان وياشر على ركبته..بقوة الله من الصبح تطير ركبته ولج ام لسان شهالبخت العندج..

-مو بخت هاي دعوه يتيم ناجى ربه بيها بكلب
محروك وبظلام الليل..

-شلون صدكوا بيك؟!..

-يابه غير انعل سلفه سلفاي من ورا هالكلب هو يحلف
الهم واني احلف وذول الجرذان يحلفون وياي وشهدوا
ضده وهو يشيل روحه ويركعها بالقندره غير شبع
كتل وعلي برد كلبي..

-بس شلون انت هيج سويت والمعلومات هاي مو
مخاطره..

-مو هو الجلب من طلعتهن وردت ابلي شافهن تالي
كلت هي فاتحه وخسرانه خلي افرها عليه واخذهم
بالصياح والله وفاد وياهم اخذيها قاعده العدو والي
منهجه مبني على باطل ربج يوكعه وما ينصره..

-والمعلومات؟!..

-فدوه الج ما دام خلصنا من هالجبان افيش بس اريد
اشوفه شلون يتغده ويا النبي..

-ضحكت وهو صاح دضحكي هي الدنيا شتسوى
خرب بيهم صدك خلي اضحكج..

-شوفي من جنت بالمتوسطه مدري اول مدري ثالث
المهم رجعت من المدرسة وصعدت كيه جانت مقبطه
فكعدت بالصدر يمه ماكو ما مشى هواي ووصلت
فهو ما جان عنده صرف يرجع واني منتظر هسه
دولي انزل على خمسميه بس بعد قفلت..

-صاح عليهم محد حجه كلها غلست تالي باوعت عليه
عمي لعد بمكان الخمسمية خلي ادوس هورن اني كتله
هيج وهذا يباوعلي بنظره عباله خبل..

-والله هو خلاني واني تكولين ما شايف عبالك معرس
ابوي خليت ايدي على الهورن وحتى الي كاعد اخر معقد سب اجدادي تالي طردوني بس المهم جربت
شعور السايق..

-ضحكت لحدما دمعت عيوني وشلون يحجي متلهف
لا وختمها بطردوني ومكيف وهو يهز بيده ما تضحك
شكد فطيره..

-انت مو كلت خلي اضحكج؟!..

-صفنتي جنج ابو صابر احسن ما تبجين شتت تفكيرج
شلوني بلا..

-لا تنقهر عليه ما بيه شيء حجيتها بعصبيه..

-وشبيج انقهر عليج بس لسانج ياكل بي السبع شهر
خاب دكومي منا صوجي مضيع وكت واسولفلج على
ماضيي المصخم..

-عفته وركضت من كلبت معدتي وهاي الحاله تقززني
كلما انسى احسها نذكرني بالقذاره الي اني بيها
طلعت خشمي ما اتنفس منه من كدما باجيه اخذت اللحاف ولفيت روحي بي كون ميته ولا عشت هالايام..

-شبيج شيوجعج؟!..

-طلعت راسي.. كلبي يوجعني روحي توجعني بربك
تسأل هيج سؤال..

-كولي الحمد لله غيرج لليوم متاذيه منهم كون وياي
انتي وتشوفين الي اشوفه كون توكفين يم غرفه غرفه
واشوفج شلون تتحملين تسمعين اصوات حتى الحجر
يتفتت على الالم الي يطلع من هالاصوات..

-انتي عبالج بس انتي تعانين منهم عبالج بس انتي دمروا شبابج لج بابا اصحي عدونا مو هين واذا ما
واحد داس على جرحه وقاومهم راح ينداس عليه مره
ومرتين..

-لج ضباط ورجال تهتز الكاع لو يمشون عليها وكعوا
بيد الانذال مثلوا بيهم ويفترون بالشوارع بجثثهم ومحد يفتح حلكه بيهم الي مايد وبيهم الي لا حول ولا قوة..

-هي هاي الحرب شنو تردين يرحمونج ويرحموني  مثلا احنا وانتن فريسه الهم والي يتذلل الهم هذا يفرحهم الي يخضع الهم هذا ينصرهم يا عيني بس خليج قوية
والله العضيم يجي اليوم الي نسحك على روسهم ونطلع منا مرفوعين راس بس صبر زمرد صبر..

-شنو السر العجيب بهذا الشخص الي كلمه منه تترسني
امل وكفيله تهدي عاصفه روحي.. طلعني من تفكيري
صوته..

-احلفج بروح اهلج ابد لا تفكرين تأذين روحج لو
الروح الي بطنج لا تسمعين للشيطان..

-نزلت دمعتي تنفست بعمق صبرت روحي ما اريد
انهار.. بس هالروح نبتة حرام وحق الله احس روحي
قذره وحق الله ما جاي انام مثل البشر اتمنى يكتلوني
اتمنى تخلصوني..

-وهالروح شذنبها وهيج تحجين عليها وتكرهينها
ترى حرام تأذين نفسج شحال لو روح توهه نخلقت
لا تدري لعل الله يحدث بعد ذالك امرا..

-انت مو اني ولا راح تكدر تخلي نفسك بمكاني مو روحك الي مشتعله بهالنار ولا عقلك الي تعبه التفكير
حقك هيج تفكر ما الومك بس اكلك شيء ترى الكلام
سهل بس الواقع والفعل امر من الحنضل..

-صفن عليه ثواني وكام هذا هو دامج مقتنعه حجاها
وطلع..

-يوم عن يوم شهر عن شهر وحالتي للاسوء هذا المي
ما اكدر اخلي بمعدتي عايشه على المغذيات وبس
الليل الي تنامه الناس وتأمن بقفل بيبانها اني
روحي تفرفح
وعيني ما تبطل دمعها
وانيني يوصل لاعنان السماء..

-ما مر يوم اذا ما فكرت بالانت..حار  ما مر يوم اذا ما بجيت وارجع اصبر نفسي بانو هذا امتحان وشكد ما نصبر تاليها فرج ومن جهه ثانيه كلام المخلص الي
ينطيني داعم قوي وكانو الله ساندني بي..

-عرفت عنه شيء خلاني ابجي دم من حجالي شلون
ذبحوا ابنه وهو ليش هنا وشلون انضم الهم بيومها روحي فرفحت وحقدت عليهم اضعاف..

-وكالعادة متمدده والمغذي بيدي ودخل هو بس هالمره
جان وجهه مغيم وشوفته بهالحال ما تبشر بخير الايد
كلها دم ويلهث اتقدم عليه شلع المغذي ولف ايدي بشماغه مستعجل..

-كومي بسرعه كومي منا ما عدنا وكت حجاها ويتلفت
والقلق الي بي هو يوتر ويقبض الكلب....

يتبع....

لا تنسون التصويت وتعليقاتكم الحلوه على الفقرات حبايبي..

اضافه لقناة التلي اليوزر rasayel انزل الكم بيها
مقتطفات تخص القصة..

اعذروني على التاخير بس تعرفون هاي
ايام مباركة وان شاء الله من اليوم نكمل قصتنا..

شنو رايكم بالبارت؟!..

اللهم صل على محمد وال محمد❤️