# صارت بيه لهفة على حبك❤ وانه مشتاك
وتسارعت دكات كلبي💕 واني مشتاك
حبك كلب عقلي 👈وانة مشتاك
جا غير انتة اول حب الية ❤
فزيت ودرت وجهي بسرعة جان اشووف علي حطيت ايدي على كلبي
علي شبيج خترعتي
اسمى هااا لا مبية شي
علي اهااا مسوين عشة
اسمى ايي ..
"علي عفية سويلي اكل جوعان لان رسل شفتهة تسبح
اسمى وك هسة ..
"اسمى طاح كلبي من سمعت صوت علي فززني من مكاني لان اني جنت خايفة ومرتبكة شلون احجي احمد فسويت اكل لعلي
علي شكرا زحمتج
اسمى ولووو تدلل
رحت للغرفة كتبت هلوو شلونك احمد
تقريبا ٥ دقايق وجاوب
هلاوات تمام نتي شلونج
اسمى تمام
احمد اتمنى تكونين فكرتي بكلامي
اسمى اي فكرت شوف احمد اني هم مثلك محتاجة احد بحياتي يهتم بيه اثق بي احبة يحسسني بحبة الي
احمد يعني موافقة تكونين حب حياتي وام جهالي وكاتمة اسراري ورفيقة دربي لاخر عمري
اسمى اي
احمد وج او الله اني ممصدك بلقران حعوضج عن كلشي ونشالله اخطبج ونعيش احلى قصة حب
اسمى نشالله
ولاول مرة ينبض كلبي بدكات مريحة بالي بعيدا عن الخوووف والقلق شعور شما اوصفة اضل عاجزة عن توصيل الفكرة الكم
ضليت للصبح اسولف ويا ونمت والخط مفتوح
كعدت ب٤ العصر لكيت الموبايل مسدود ودازلي تصبحين ع خير حياتي ابتسمت وكمت من الفراش غسلت واكلت
حسيت عمتي تضوج من اضل متاخرة بل نومة فقررت شوية انام من وكت يعني ٢ او ١ هههه هاي احس روحي دجاجة طبعا من خلال حجي عمتي حسيتها خلتني يمها علمود اخدمها وانضف واغسل لان رسل جانت مو كلش تتعاجز
ومرة سمعتهة تسولف ويا بيبيتي بتلفون وتكلها اريدها لعلي وخليتها جم يوم هنة حتى يصير بينهم شي وازوجهم اني هنا صفنت كلت معقولة تريدني لعلي وهية تكرهنا ومتحبنة شلون هيج
بس فكرت كلت خاف ليلى الزكة واكول لا ضليت افكر بس بعدين كلت مستحيل عمتي تخطبني لبنها مسويهة لان متحب امي وطردت هاي الافكار من بالي
ضليت ١٠ ايام انام على صوت احمد لان هوة صار حبي وكلبي وعيوني وحياتي وكلشي بية واول مااكعد ادزلة صباح الخير وشوية اسولف واكوم اساعد عمتي ورسل وبعدين نسوي عشة وننتضر الولد يجون وناكل ونغسل ماعين ونام هههه صار روتين
بس الي جانت تسوي عمتي شي غريب تخليني اني اسوي اكل الة لو ارتب غرفتة تحاول تقربة مني بس علي جان بارد ميهتم عادي
طبعا اني عدي ٣ عمام بس ولا واحد سئل على عمتي من احترك بيتهة بس حد سلام اما ابوى فخلى بتة يم اختة 🙄
١٠ ايام
اجة ابوي اخذني من بيت عمتي وجان جايب ويا بيبيتي سلموو ع عمتي وتغيدنا وكعدن عمتي وبيبتي يبسبسن ويباوعلي غلست عنهن
ورجعنا للديوانية بلطريق ابوي
سئلني
ها تونستي
اسمى اي 😶😶
رجعنا للبيت واخيررررا رجعت لغرفتي ولبيتي واهلي سلمت عليهم ورحت للفراش وووف شكد مشتاقة لمخدتي 😂
نمت من التعب وكعدت بليل راسلت حبيبي سولفنا وبدينا نخطط جان حلمي هوة وحلمة اني ونضل سوة ومنتفرق واحلامنا جانت بسيطة مثل اي حبيبين يحبون بعض بصدق ونية حسنة
وراها راسلت نور
نور هاجلبة رحتي وعفتيني مسألتي علية 😒😒
اسمى ولج وللة لو تدرين شصار بية جان كلتي خطية
نور ولج شكووو شصار
اسمى هوووراي سوالف تعاي يمي واسولفلج شصار
نور اللة عليج احجيلي زين اكلج صدك ضليتي يم بيت عمتج ١٠ ايام
اسمى يي ولله شسوي
نور غبرة ماحجيتي ابووج
اسمى ولج شكلة انتي شتدرين ببوية غير يفشلني ويوكلني خررا
نور هم صح بس الله يعينج شلون كضيتيهن ذني ال ١٠ ايام يم هاي السعلوووة
اسمى لا محجت بس مرات تكلب خلقتهة لان اكعد متأخرة
نور اي لان هية دجاجة من ٥ كاعدة تلكيهة تلم بيض
اسمى ههههه خرب روحج شكد تكرهيها جنج هديل
نور هية اليشوفهة هم يرتاح جنها بووومة
اسمى هسة عوفينة منها احم احم صارت شغلة غيرت حياتي وكلبتهة ١٨٠ درجة
نور خيرج ياستار
اسمى تعرفين احمد الي سولفتلج علية
نور اي شبي هذا طركاعة
اسمى انجبي صار حبيبي
نور 😱😱😱😱
جذابة عليج لحمزة
اسمى ههه اي ولله اعترفلي اول يوم رحت لبيت عمتي
نور اي ولج شصار كملي
اسمى مااحجي الة لمن تجيني
نور لا فدوة الله عليج سولفيلي
اسمى لا عمري لا لاكلبي لا للا لا
😁
نور حقيرة مصيرلج جارة هسة اجي خلي ابدل واكول لبوي واجيج طايرة
اسمى يلة منتضرتج
نور جيبي حب وجبوسة ونساتل شغلتج يرادلها كعدة
اسمى وك
.................................................
اختي هديل خطبها مهند لكن ابووي رفض بسب عطل بطال لاشغل ولاشهادة
هديل مااهتمت عادي عدها صاار لان هية ماحبتة وتعلقت بي مجرد شخص عادي اعترفلها بحبة وخطبها وابوها رفض وراح بكل هدوء
اما اخوووي امير
حيييل ثكييل وماعدة سوالف بنات وحبنجيان جان ميهتم للبنات وميدخل بالمشاكل مجرد يهدأ الوضع وهاهية بأختصار فاصل عن دنيا
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
اجت نور وسلفتلهة كل السالفة مال احمد
وهية فاتحها حلكها من صدمة
نور واني اكول هاي الغبرة وين لاتراسل ولاشي طلعت ملتهية ويا الحب
اسمى اي عيني كبلت
نور يحياتي ولله فرحتلج كون يجي يوم اليخطبج واشوفج احلى عروسة
اسمى حياتي وللة احلى اخت
وكعدنة نسولف وجان يدك احمد
نور الله عليج لتحجين دك الحب
نور الله ربج يوم الي اخلص من الجفاف نشاللة 😂😂
احمد حبيبي عدي الج خبر حلووو
اسمى شنو هوة
احمد يايوم يناسبج اجي واخطبج
اسمى 😵😵😵😵
صدددددددددك
احمد 'شي اكيد اريدج لشوكت ترديني انتظر اريدج تصيرين مرة بيتي وام جهالي
اسمى' حبيبي بس مو احسك استعجلت
احمد "لا كليبي لا ستعجلت ولا شي اريد اخطبج وتصير علاقتنا رسمية كدام الناس
اسمى 😍😍😍 بس حبيبي شلون
احمد عادي راح اجي واخطبج واجيب امي واختي الجييرة ونسوان اخوي ونشالله ابوج كون مايعارض ويوافق
اسمى ولله مادري اشوف امي واردلك خبرر
احمد وك كلبي
سديته
ولج نور لحكيلي
نور ولج شكوو وجج جنة طماطة صار
اسمى وولج يريد يخطبني
نور صدميني بعد خية
اسمى ولج والله
نور كللللللللللللوش جبناهة واجت ويانا جبناهة واجت ويانا كللللوووش
اسمى ولج خبلة كعدي شلون اكول لمي هسة
نور ولله خية مادري من الفرحة نسيت
اسمى راح اكلهة حبيبي امي كيوت متسوي شي
نور وك حبي بلة امج فطيرة وحبابة وتوافق ابوج الحقنة اذا رفض شلون
اسمى مدري
نور دك موبايلها امها حاجتهة تكول صايرة مصيبة بيتهم وراحت
اني فكرت وكلت لازم احجي ويا امي
....... ....... .......
اسمى" ماما
امي' ها حبيبتي
اسمى "اريدج بشغيلة
امي كولي
اسمى ماما اني احب واحد ويريد يخطبني واريدج تحاجين ابووي
امي ......
::::::::::::::::::::::::::::::::::::::::::::::
" #الحــــياة تـجـــارب #ومصــــاعب
#عنــــدمـــا تـتألــــم؛ تصــــبح أكـــثر #حـكـــمـة
#عنــــدمــا تـفشــل؛ تصـــبح أكـــثر #قـــــــوة ،
#وعـــــندمــــا تبـــتسم؛ تُصـــبح أكــــثر #تــفــــــاؤلاً
فـــــــ #تــجـــارب الحــــياة ليست #لـلــــــندم ، بـــــل #لــلتـــعلــــم
#فـــــــلا تــــحـــزن وابتـــسم #لـلحـــــــياة "
وللحكاية بقية.....
بقلمي زينب الشمري