Papasok na ako ng classroom ng may tumamang matigas na bagay sa napakaganda kong mukha. Putcha naman.
Kinuha ko naman yung bolang papel na nasa sahig na.
Oo papel yung binato nila sa 'kin.
Naiinis na nga ako, e.
Sa araw-araw ba naman na pagpasok ko sa classroom na ito, papel lagi ang bumubungad sa 'kin.
Kung si crush kaya ang bumungad sa 'kin, edi sana hindi ako maiinis.
Makikita ko pa ang blue ocean na mata nito.
"Putcha" sigaw ko
Napatigil naman ang mga kaklase ko sa pagbabatuhan ng papel. Kay aga-aga nagbabatuhan kaya tuloy natatamaan ako, e.
Napatingin naman silang lahat sa 'kin.
"Anong drama 'yan Ms. Stanell?" Taas kilay na tanong sa 'kin ni Aim nakahawak pa ito ng bolang papel. Isa kasi s'ya sa naglalaro ng bato-batuhan.
"Tsk. Itigil n'yo na nga ang paglalaro n'yan" naiinis kong saad, kasi naman,e. Kung kayo hindi ba kayo maiinis palagi ka nalang natatamaan ng bolang papel sa mukha.
"At bakit naman? Hindi ka naman namin inaano ah" saad naman ni Ken isa din s'ya sa naglalaro.
"Anong hindi, sa tuwing papasok ako sa classroom na ito palagi n'yo nalang akong tinatamaan ng bolang papel na 'yan. Okay lang sana kung hindi sa mukha, pero kasi bakit sa pinakamaganda at cute ko pang mukha? Huhu" mahaba-habang litanya ko at nagpapadyak pa dahil sa inis na nararamdaman ko.
Ngumiwi naman sila na akala mo hindi naniniwala sa sinabi kong maganda ako.
Tsk tae kasi sila. Tae, except lang sa crush kong mala blue ocean ang mata.
"Hindi namin kasalanan 'yon" Napatingin ako kay crush ng magsalita ito. Nakatingin ito sa 'king magagandang mata, ang mukha n'ya ay napakaseryoso.
Akala mo naman kinuha ako sa kanya. Charot.
Nang marealize ko kung ano ang sinabi n'ya. Napabusangot naman ako.
"So, kasalanan ko pa pala gano'n?" Iritadong saad ko. Abay loko din pala to. Ako pa pala may kasalanan. Sila na nga yung nakasakit.
Siya si Justin at crush ko s'ya pero ito kami parang aso't pusa laging nag-aaway ng dahil lang d'yan sa papel na 'yan.
"Oo, dahil manhid ka kasi" sagot nito dahilan para manlaki ang mga mata ko..l
Anong manhid na sinasabi nito?
Ang mga kaklase naman namin palipat-lipat ang tingin samin ni Justin.
Ano nanonood lang ng sine gano'n?
Ano gusto nilang genre, tragic?
Papatayin ko si Justin gano'n?
Papatayin ko sa pagmamahal. Ay charot.
Nag-aaway pa pala kami ngayon.
"Ako manhid?" tanong ko at tinuro ang sarili.
"... Tinamaan na nga ako ng papel at nasaktan na. Manhid pa ba 'yon?" Dugtong ko dito.
"Iyon na nga, pinatamaan ka na nga hin-"
Hindi natapos ni Justin ang kanyang sasabihin ng dumating ang pinakastriktong guro namin.
"All of you take a seat" Seryusong sambit ng guro namin sa Math.
Kaya mabilis naman kaming nagsiupo. Kay aga-aga stress na kami sa Math. Putek.
Ano kaya ang sasabihin sana ni Justin? Nakakacurious.
Si ma'am kasi e, napakawrong timing. Hihi
'Di ko alam hawak ko pa pala 'yong bolang papel kaya sinilid ko muna ito sa bag.
H'wag kayong ano guiz. Tinatago ko 'to, syempre remembrance 'to nu. Lahat na bolang papel na binabato sa 'kin ni Justin tinatago ko. Actually marami na do'n sa locker ko. Hindi ko alam kung bakit tinatago ko 'yon. Diba dapat sinusunog na 'yon, pero kasi feel ko special 'yon.
Nagsimula ng maglecture yung teacher namin.
Putek. Wala na naman akong maintindihan.
Pano ba naman kasi laman ng isip ko puro.
Justin
Justin
Justin
Justin...
Eh, hindi naman ako mahal no'n.
Nakatingin lang ako sa teacher namin para kunyare nakikinig ako.
Ang tagal mag recess.
1 year later... charot.
Recess time na at nandito ako sa canteen kasama ko ang kaluluwa ko.
Wala kasi akong friends sa mga classmates ko. Ang paplastic kasi nila, hindi sila kagaya kong papel. Hihi
Nakaupo ako ngayon sa may sulok dito sa canteen, ako lang dito mag-isang nakaupo, mabuti narin yun walang mang-aagaw sa 'kin ng foods. Haha yummiee
Unang kong kinain ay spaghetti, burger, siopao, fried chicken, shawarma, fries, pandesal, hotdog, at Justin. Ay charot.
Pero napapaisip din ako minsan ano kayang flavor si crush. OKAY. Stop the imagination.
Nang matapos na akong kumain ay nagtungo na akong classroom namin.
Nasa pinto pa lang ako ng classroom ay may tumama na agad na bolang papel sa napakaganda kong mukha.
Na naman.
Kinuha ko naman ito at nanlilisik ang matang tinignan ko ang mga kaklase kong naglalaro parin.
"Hindi ba talaga kayo titigil" Sigaw ko dito.
Naiinis na ako kasi hindi parin sila tumitigil.
"Hoy Justin my love. Hindi pa nga tayo mag-asawa, sinasaktan mo na ako" Lahat sila ay napatigil sa paglalaro dahil sa sinigaw ko at ngayon naman lahat ng mata ay nakatutok sa 'kin.
"Asawa?" Gulat na tanong ni Justin.
"Oo, soon" nakangiti kong sagot.
"Tsk. Aral muna bago landi" Nagulat ako ng may nagsalita sa likod ko.
Si Ma'am pala.
"Ms. Stanell take your seat now" saad nito at pumunta sa harapan.
Bago ako makaupo sa akin upuan ay nasilayan ko naman ang ngiti ni Justin.
My Gash! Heart kalma.
Habang sa kalagitnaan ng pagdidiscuss ni Ma'am ay lumapit naman sa 'kin ang kaklase kong si Eya, pinsan s'ya ni Justin.
"Stanell" pagtawag nito sa 'kin. Nasa kaliwa ko lang kasi ito nakaupo.
"Oh, bakit?" Tanong ko dito. Hindi kasi kami close ni Eya, kasi open kami. Ay charot.
"Gusto mo ba si Justin?" Taas kilay na tanong nito.
"Oo, hindi ba halata, teh?" Nakakaloko kong sagot. Napasimangot naman ito.
"Tsk. Alam mo bang gusto ka rin ni Justin" Dahil sa sinabi n'ya nanlaki ang mata ko.
"Telegeh beh?" Saad ko at nagdalagang pilipina post.
"Haha. Oo, at alam mo ba ang dahilan kung bakit ka n'ya laging binabato ng bolang papel?" Natatawa nitong saad.
"May dahilan ba?" Takang tanong ko dito.
"Oo. Sa papel kasi na 'yon nakasaad ang mga nilalaman ng puso n'ya para sa 'yo" Kinikilig nitong saad. Ako naman ay "di makapagsalita dahil sa 'king nalaman.
Baka niloloko lang ako ng babaeng 'to ha.
"Tsk. Kung iniisip mong niloloko kita. Buksan mo lahat ng mga bolang papel na natatanggap mo. Kung natago mo pa ba?" Sagot n'ya ulit.
"Oo, nando'n pa sa locker ko. Pero bakit hindi n'ya na lang sabihin sa 'kin? Bakit kailangan pa n'yang batuhin ako ng papel?" Nagtatakang tanong ko.
Kung gusto n'ya ako. Dapat pinagtapat n'ya na lang sa 'kin.
"Kasi torpe 'yon. Haha" Mahina itong tumawa.
"Torpe? E, lagi niya nga akong inaasar"
"Kasi nahihiya s'yang aminin ang nararamdaman n'ya para sa 'yo. Kaya sinulat n'ya na lang sa papel" Sagot nito.
Tumango naman ako at ngumiti sa kanya.
Gusto ko ng mabasa 'yon.
Malapit na lang at magdidissmiss na si Ma'am. Pero dahil sa sobrang excited ko gumawa ako ng paraan para makalabas.
I raised my hand at tumingin naman sa 'kin yung guro.
"Yes Ms. Stanell?" Saad ni ma'am.
"May I go to CR ma'am" Sagot ko. Tumango naman ito na hudyat na pinayagan n'ya ako.
Nakangiti naman akong lumabas ng classroom at dumeretso sa locker room.
Hindi naman talaga ako magCCR e.
I opened my locker.
At kinuha isa-isa ang mga bolang papel.
Binuksan ko yung unang binato sa 'kin ni Justin.
OMG! ano kaya ang nakasulat dito?
"Dear Future Wife,
Alam mo bang ikaw lang ang tinitibok ng puso kong ito at ikaw lang ang nais makasama ko habang buhay. Stanell Aleho, soon to be Mrs. Felix my love for you was real and everlasting. I love you soon to be Mrs. ko. Sorry kung binato ko to sa 'yo. Manhid mo kasi. Sana mabasa mo 'to.
-Your Mr. Justin"
Kinikilig naman ako habang binabasa ang unang sulat ni Justin.
My Gash! hindi ko expect 'to.
Every bolang papel binubuksan ko at binabasa 'yon. Hindi ko na talaga alam kong normal pa ba 'tong tibok ng puso ko.
And lastly binuksan ko yung bulang papel na kani kanina n'ya lang binato sa 'kin.
"Dear Future Wife,
Sorry kase nabato na naman kita. Papansin kasi 'tong mapapangasawa mo. Pero sana mabasa mo na 'to kasi nandito lang ako naghihintay sa pag-ibig mo. Pagnabasa mo 'to punta ka agad sa 'kin. I love you my love. My love for you will never end. Ily
-Your Mr. Justin"
Dahil sa sulat na yun patakbo akong nagtungo ng classroom.
Ang ngiti ko ay hanggang langit.
Shemay! My Love I'm here.
Pagpasok ko ng classroom may bolang papel agad na tumama sa 'kin.
Imbis na mainis ay natawa pa ako at pinulot 'yon.
I opened it.
Gulat na gulat akong tinignan ang laman ng papel.
My Gash!
Kwintas po ito na may pendant na pangalang 'Mrs. Felix'
Surname po 'yon ni Justin Felix.
"Do you like it my love, my wife" Napaangat ang tingin ko kay Justin ng magsalita ito.
Nakangiti akong tumango.
"Will you be my Girlfriend?" Tanong ulit nito. Makikita sa kanyang mukha na kinakabahan s'ya sa posibleng sagot ko.
"No"
Gulat itong tumingin sa 'kin.
"You don't like m-"
"Because I want to be your wife" nakangiti kong sagot.
Napangiti naman s'ya at niyakap ako.
"Ayieee" Tukso ng mga kaklase namin. Hihi.
Kinikilig ako.
Kumalas ito sa yakap at sinuot sa 'kin ang kwintas.
"I love you my wife" Nakangiti nitong saad at hinalikan ako sa noo.
"I love you too my husband"
END.