#سميتها_سلطانة
الحلقه الخامسه
سهى قاعذه تعطي فيهم في امر ان ياخذوني ويعلقوني خدوني وردوني لي مكاني علقوني من رجليا ونحولي حوايجي
سهى : نقلهم يبدو جلد فيك ؟!
انا : اجلدي ان شاء الله تقتلوني ونفتك
سهى : نزلوه وحطوه في الدار السوذا ودخلوله السجين الي في اخر لممر
نزلوني وانا صايخ ومدروخ قايميني هما وخشيت لي لدار لقيتها فاضيه مافيهاش الا سرير حطوني علي السرير وكتفوني
خشت سهى : توا بيخش عليك واحد من اللي يحبهم قلبك شدينه في قضيه اغتصاب مغتصب خمسه ولاد صغار حيفرح بيك صدقني
خش علينا راجل لابس سوريه طويله وسروال ولحيته طويله قال السلام عليكم
سهى : وعليكم السلام يامحترم ،، جبتلك حاجه تقيم بيها قلبك متقولش سهى مقصره معاي
الراجل : عارفك متقصريش ،، وخيركم عاقدينه هالعقدات هدي كلها اللطف شن دبيحه هو
سهى : ماهو ميبيش يسمع لكلام ،، بنخليك انا نظم امورك عندي مشوار وتو نرجع
انا حتى عياط معاش عندي جهد نعيط جت سهى جنب راسي وشدتلي شعري : شوف فوق قداش في كاميرا هدا منغير لكاميرا لي بيدخلوها عليكم توا باش توتق ،، وسلملي علي ماما وقت تشوف الفيديو هدا
طلعت سهى وخلتني مع لوحش جديات وقت نقول كلمه وحش منكدبش طلعت وخلتني نواجه في المر ونتمنى ف الموت ومش قادر نوصلها
قعدت نترجا فيه ونعيط مكانش يسمع فيا كان ينهش في لحمي زي لحيوان الي جعان واخيراً طاح في فريسه مخلى مادار فيا كانت ابشع طريقه اغتصاب ممكن يتخيلها اي انسان
في الوقت هدا ماليا كانو يدورو عليا وماما كانت بتهبل
ماما : نهاد انت مش تخدمي ف القضاء وين معارفك كلمي الكبار شوفي ولدي وين راني بنهبل
نهاد : ياماما قلتلك اسمه مش مسجل بكل في المقرات والي نكلموه يقول مش عندنا ،، مهند انت كان معاك مبارح وين مشيت بيه
مهند : انا وياه كنا ساهرين ف حوش صاحبنا نضت لصبح ملقيتاش ونتصل بيه مقفل والله مانعرف وينه
ندى ونجوى يبكو وساكتين
ماما : مشكله هو مايعرف حد ولا يخالط في حد وليدي علي حاله ياربي شن بندير ياربي كيف بنوصل فيه
مهند : انا طالع نمشي ندور عليه لازم مانديرو حل بنقعدو مقعمزين ونبكو وخلاص
ندى.: انا بنمشي معاك
مهند : وين بتمشي خليك معاهم تو نجي
ندى : قتلك بنمشي معاك مش قادره نصبر لو سطان تصير فيه حاجه نهبل انا
مهند : باهي اطلعي هي
ندى : نجيب وشاحي ونجي
طلعت ندى ومهند وبدو يدورو علي المقرات وعلي الروس الي يعرفهم مهند وكلهم قالو الوطا ماراته والسمي ماراته
لين وصلو في المقر الي فيه صحاب سهى الي في بدايه معرفتي ب سهى عرفتني بيهم لقينا مصطفى الملقب بلدوشكه
مهند : ذوشكه كيف حالك جايك في خدمه ضروري
دوشكه : واضحه بتجيني ف خدمه شن تبي !!
مهنذ : عندي صاحبي رايح من ماليه من امس وماحد قاللنا معلومه وبيهبلو عليه وانا عارف ان انت تقدر تجيب المعلوم
دوشكه : وهدي الي تبكي صاحبته والا شن
مهند : لا هدي اخته
ذوشكه : باهي غير قعمزو نشربو طاسه قهوه وبعدين ساهل
قعمزو مع الدوشكه وحكوله التفاصيل وندى نخبط فيها الذوشكه وعجباته
وجيو طالعين من المقر
ندى تبكي : بلله عليك لوعرفت اي معلومه تقوللنا وحاول انك تساعدنا انا نعرف ان انت تقدر عليها
دوشكه : وانت من وين تعرفي
ندى : من ميعرفكش
دوشكه : تم والله موضوعكم عندي هدا رقمي الشخصي منعطي فيه لي حد رني عليا توا باش نعرف رقمك وان شاء الله ندير جهدي
فرحت ندى ان واحذ زي الدوشكه بيساعذهم وخذت رقمه وروحو لي الحوش لقو الوضع زي ماهو الحوش زحم شويه جت ميما وخالتي وخوالي ولدنيا بكاوات تقول عزي
بعد فات الوقت هدا كله وانا تحت الاغتصاب خشت عليا سهى وانا منتهى
سهى : ها شن حطينا عقلنا في راسنا ؟! وبنسمعو الكلام ؟!
انا نسب فيها وماعنديش جهذ : حيوااانه انت حيوااانه مستحيل تكوني من بني ادم زينا
سهى: عندك حق في الي بتقوله عدراتك الي صار فيك مش شويه ،، الشباب تو بيطلعوك علي اساس انك كنت مخطوف بالغلط
وكيف بتطلع تلفتتلي
سهى : اه نسيت اي محاوله منك انك تقول كلمه هكي والا هكي صورك بتع الحفله حينزلو عالنت هما والفيديو الرومنسي ههههههه وحاجه تانيه من الاسبوع الجاي نبدو ف لشغل ياعسل
فكوني وعطوني حوايجي وحذفوني قدام الحوش ومشو
وانا ملوح قدام لحوش غايب علي الوعي كيف كان خالي طالع من الحوش لقاني
خالي : يا عيله سلطان رجع تعالو
طلعو كلهم يجرو
ماما قايمتي وتحضن فيا : وووووه عليا وليدي قتلوه وجابوهولي جته
كلهم قعدو يتعايطو لما شافو منظري وخدوني ورفعوني لي العياده
في العياده
الدكتور : معليشي وين ولي امره نبي نحكي معاه
نهاد : ان شاء الله خير يادكتور انا وليت امره
الدكتور : امه انت ؟
نهاد : لا طبعاً اخته لكن زي امه احكي شن في ؟
الدكتور : تعالي معاي شويه بس لو سمحتي
خشت نهاد والدكتور لي الحجره
الدكتور : منكدبش عليك الضرب والتعديب الي محصله خوك هذا امر طبيعي جداً وحيتعالج منه باسرع وقت لكن في موضوع تاني
نهاد : ان شاء الله خير تكلم
الدكتور : خوك متعرض لي حاله اغتصاب
نهاد ناضت تعيط : ت شن تقول انت شن الدوه هدي
الدكتور : زي ماسمعتي با استاده سامحيني لكن لازم تعرفو لان الموضوع مش ساهل بكل
نهاد : وكيف هكي فهمني انت متاكد من الي تقول فيه راهو نقربعهالكم العياذه كان يطلع كدب
الدكتور : يا استاده هدي خدمتنا وهدا شغلنا وجسم خوك واضح عليه اتار العذيب واتار الاغتصاب والواضح انه استمر لي ساعات طويله
نهاد : عرضتوه علي الطبيب الشرعي ؟!
الدكتور : قاعدين نستنو في الطبيب الشرعي لكن النتيجه زي ماقلتلك
نهاد : اول مايوصل الطبيب الشرعي عطيني علم عندي ليه اساله تانيه
طلعت نهاد من الغرفه وهيا منهاره لكن حاولت تمسك اعصابها ع خاطر خواتي كانو قدام الدار يستنو فيه وهي كيف طلعت جت الممرضه وقالت ان سلطان فاق لو تبو تخشوله
نهاد : ايبسي ف مكانك انت وياها ماحذ يخش الا انا
ندى : نبي نشوفه خليني بنخش
نهاد : هيا كلمه وحده نطلع انا خشو انتم
خشت نهاد عليا وانا كنت مدمر مش قادر حتى نشبح في عين حد
انا : ماما وين ماما
نهاد وعيونها معبيات ذموع وملامحها كلها غل : وين كنت سلطان ؟
انا :كنت عنذ عصابه خطفوني
نهاد : وشن دارو فيك تاني
انا نبكي : عدبوني وضربوني وعلقوني وقريب قتلوني
نهاد بصوت عالي : ياريتهم قتلوووووووك ياريتك موتتت ولا سمعت الي سمعته
انا : شن سمعتي تكلمي شن في ؟شن سمعتو !
نهاد : الي سمعته دكرني بكلام بابا من قبل كم سنه وقت قال الولد هدا بيجيبلكم العار
انا : تكلمي شن في قولي ؟!
نهاد : الي في ان وقت كنت نقولك اشحط روحك ياسلطان تحسابني نكرهك وقت نقولك البس زي لرجاله وفكك من جو اللبس بتاعك تحسابني نبيلك العافن وقت نقولك تكلم زي الرجاله ومعاش تتمرخى وتدلع انت راجل تحسابه هذا كله بلعاني ومكر انا كنت نبي نصنع منك راجل يخافو منك الناس كنت نبي ندير منك سند نتكا عليه وعزوه نلقاها في طيحتي مش فرخ كل من هب ودب طامع فيه وطامع في جسمه ويشوفو فيه زي السلعه الرخيصه
انا نبكي ومش متحمل الكلام : ماما سمعت ؟ خوالي سمعو،؟، من تاني سمع حي عليا بنقتل روحي اقتليني نهاد وراسك والله كان غصب عليا والله ماكان بايرادتي
نهاد : ماحد سمع غيري متخافش والي سمعته ماعنديش حتى جهد نقولك شن هو لكن انت عارف كويس شن دارولك ،، بعد شويه بيخشش عليك المحقق نبيك تعطيه ادق التفاصيل ورد بالك تنسى حاجه
انا : انا مش متفكر شي ومش عارف شن الي صار ولا كيف صار حتى المكان والاشخاص الي رفعوني ليهم منعرفهمش
نهاد : منبيكش تخاف ولا نبيك ذورهم انا معاك سلطان افضحهم كانك تعرفهم
انا : منعرفش حد قلتلك
نهاد : انا متاكذه انك تعرفهم لكن خليك
طلعت نهاد وخلتني في حاله صدمه ونتمنى ف الموت ف كل لحظه في حياتي خشو عليا خواتي نجوى وندى يبكو وانا بديت نبكي معاهم واحنا مقعمزين خشت ماما احرف منهم منهاره من البكي وتحضن فيا وتعاود
نهاد جاها الذكتور وقلها ان الطبيب الشرعي جي وبيكشف علي سلطان
نهاد : لو سمحت دكتور ممكن تخلينا بروحنا عندي شويه اساله بس
الدكتور : تمام تلقوني في حجره سلطان نستنا فيكم
نهاد : شكرا دكتور
الطبيب : تفضلي يا ابله
نهاد : قبل كل شي للي بنقولهولك مدا بيك يقعد بيناتنا لي مصلحتك اولاً وتانيا لي مصلحت الناس الي تحبك اكيذه ميبوش يخسروك
الطبيب : تفضلي يا ابله هدي مهنتي وانا واجب عليا نخبي الخصوصيات مش بالتهذيذ هيا
نهاد : ماعلينا ،، انت حاليا بتكشف لو في حاله اغتصاب اول لا ، نبيك تنفي حاله الاغتصاب هدي وقلهم ان هما كانو يحاولو يعدبوه باي وسيله من وسائل التعديب التانيه ،، وتاني شي نبيك تعرفلي اول مره سلطان يصير معاه الشي هدا او في قبل شي زي هدا صاير معاه
الطبيب ؛ شن تقولي انت ؟ كيف ندس جريمه زي هدي
نهاد: زي ماسمعت التقرير نبيه ينكتب هكي لي مصلحتك لان انا نقدر نغيره التقرير وكلامك حيكون زايد لكن منبيش وجع راس
الطبيب : باه انت شاكه انه مغتصبينه قبل هكي ؟
نهاد : انا مش شاكه ف الاغتصاب شاكه ان في شي تاني لكن انت شوف شغلك
خش الطبيب والدكتور عليا وطلعو عيلتي من جنبي
الطبيب ؛ ذكتور ممكن تخليني مع الحاله بروحي
الدكتور : مش محتاج مساعده دكتور؟
الطبيب : لالا شكراً
طلع الدكتور وجي جنبي الطبيب وحط كرسي وقعمز
الطبيب : قبل مانخش جت وحذه شكلها اختك هددتني وقالتلي منقولش ان الي فيه انت مش حاله اغتصاب ،، انت قلت حاجه لي الدكتور ع الحاله الي انت فيها ؟!
انا : انا محكيت شي من لما خشيت
الطبيب : تمام انا مش محتاج نكشف عليك مدام ان واضح انها حاله اغتصاب حنقولو انهم حاولو يعدبوك بس والجرح الي فيك حتى هو محاوله تعديب من نوع اخر ،، لكن عندي سؤال وبدون منكشف انت تعرضت لي الاغتصاب قبل هكي ؟
انا : لا ولا في حياتي
الطبيب : ولا عمرك مارسه الشي هدا ؟
انا : شن تقول انت مهبول ؟
الطبيب :مش انا المهبول اختك هيا لي حبت تعرف وهيا الي شاكه فيك انك تمارس ف الشي هدا عموماً لو سمحت خليني نشوف شغلي
طلع الدكتور وبديت في العياط كيف نهاد تشك في ان انا نذير هكي كيف يقوللها عقلها شي زي هدا
في للممر بتع العياده وكلهم واقفين جي مصطفى دوشكه لي ندى وقف عليها وسلم
نهاد جت تجري : هييي هييي انت وين ماشي ؟
دوشكه : وخري غادي انت من كلمك ؟
نهاد : انت الي شن جاي تسلم ع اختي ومن سمحلك ؟
ذوشكه ؛ احترمي نفسك خيرلك انت تعرفي ف من تكلمي ؟
نهاد : معمر القدافي ؟ طبعاً لا وعلاش بنحترمك واضح من زومتك مليشيا هي ترا ورينا عرض كتافك
ندى : نهااااد اسكتي وتحشمي عيب هدا صذيق مهند وسلطان
نهاد : وعلاش جاي يسلم عليك انت طول هوينا مهند واقف يمشيله
مهند يسمع ف الصداعات جي وقف علينا
مهند : دوشكه كيف الحال سامحنا نهاد متعرفكش
دوشكه.: لالا عادي مدورو شي
نهاد : دوشكه ؟! كاني سامعاته الاسم
دوشكه : مصطفى ذوشكه امر كتيبه
تهاد بطول صوتها ف لممر: ايييي هدا اللي كان ناقصنا ولله ومشت وخلتنا
ندى تبكي : بالله عليك سامحنا اعصابها متوتره علي خاطر خوي
مهند : لا متوتره لا تكدبي هيا مهبوله هكي ديمه مدورهاش
دوشكه : كيف حاله خوك توا ؟
ندى : مصلح الحمذلله وخلاص
دوشكه : وين لقيتوه انتم ؟
ندى : لقيناه ملوح قدام الباب
دوشكه : معرفتوش من كان شاده ؟!
ندى : لالا ولا هو يعرف ولا عرفنا حاجه المهم توا رجع الحمدلله
دوشكه : باهي حمدلله ع سلامته حبيت نجي نطمن بس نخليكم توا
مهند : صحيت والله طول عمرك صاحب واجب
دوشكه : مدور شي وكان استحقيتي في اي حاجه والا تبي حاجه يا ندى ميردك الا لسانك انا ف الخدمه
ندى : شكرا بارك الله فيك
مشي دوشكه وقعدو مهند وندى واقفين
مهند : والله شكله الولد الا نخبظ فيك يابنت
ندى : شن الدوه لي تقول فيها احنا وين توا
مهند: لا وين لا شني والله نضرب فيك نزبطه انا
ندى : اسكت اسكت مش وقتها دوتك بكل
فاتو عليا ايامات وانا ف العياذه بعدين طلعت وعطاني الدكتور راحه
واول يوم طلعت فيه من العياذه جت سهى لي حوشنا شفتها نخلعت
سهى : حمدلله ع السلامه
انا : انت شن جابك هني ؟
سهى : جيت نطمن عليك زياره المريض واجب
انا : اقتلي القتيل وامشي ف جنازته ياحيوانه
سهى : اسكت متفضحش بروحك ،، جيتي ليك مش ع خاطر وجهك ،، هنو قعذت تقولي انك مريض ومش قاذر تتحرك مصدقتهاش نحسابها تغطي عليك قلت لازم نطمن بروحي
انا : وتوا شفتي بعيونك اني مش قاذر نتحرك والا خلاص درقي وجهك
خشت علينا نهاد وحست ان الجو مش صافي وان في مشاحنات صايره بيناتنا
نهاد : سلطان تبي حاجه ؟
انا : لالا منبيش صحيتيي
سهى : انا ماشيه توا سلامتك ياعسل ولو تبي اي حاجه كلمني وباستني وطلعت
نهاد قعذت مستغربه
نهاد : هدي من وشن قصتها وكيف تبوسك ؟
انا / هدي سهى تقرا معاي ف الجامعه
نهاد : شكلها مش ساهله بكل
انا : مشيتي الجامعه ؟
نهاد : اي مشيت لكن قالولي ان ليك هلبا ماجيتش فقتلهم ان الفتره هديكا كلها كنت مخطوف
انا : والله حق مخطوف وشكلي معاش بنرجع
نسمع في صوت ذوشه برا لين نفتح الباب وخشو
نهاد نخلعت من المنظر الي شافاته قعدت تشبحلي
مهند : سلطان القروب جايين يحمدولك ع السلامه والله ماتهنو لين يجو يشوفوك
كانو قريب ٨ وكلهم احرف من بعض كانت معاهم سوسو الي منظره بروحها يجيب الشبها
خشو كلهم ناضو يسلمو عليا والي هدي جايبه هديه احرف من التانيه قعمزو ربع ساعه قلبو الدنيا بضحكهم وصياحاتهم طلعو هما خشتلي نهاد : متقوليش ان الوضع طبيعي ؟
انا : خيرك شن في ؟
نهاد : شن هو الي شن في ؟ شن سلسله الشواد الي حدفت علينا هذس
انا : هدو صحاب مهنذ معرفني عليهم
نهاد : متبيش تحكي انت انا تو نعرف نتصرف
طلعت نهاد وخلتني خشت عليا ندى جاتك هديه من مجهول
فتحت الهديه فيها رساله مكتوب بدايتها ياريت تقراها بروحك
طلبت من ندى تطلع وتسكر لباب وقعذت بروحي
اهلاًسلطان مجتش الفرصه ان نهذرزو لكن في كلام لازم نقولهولك انت لازم تعرف ان اللي معاك وتتعامل معاهم كلهم نفس الطينه خلي بالك من اقرب الناس ليك لان الموضوع كله مدروس ونافيش ولا موقف صار معاك صدفه رقمي مكتوب نهايه الورقه اول ماتلقى روحك بروحك وانا نشك ان يخلوك بروحك كلمني
كيف بنكتب الرقم ف التليفون خش عليا مهند
مهند : خيرك نخلعت العفو شن شفت
انا : شفتك انت ساد تخلع بلاد
مهند : خزي عليك يامعفن
انا : شن تبي ،؟ متقوليش خيرك مروحتش بكل لي حوشك
مهند : هدي جزاتي لاني منبيش نخليك بروحك ونبي نقعد جنبك ونطمن عليك
انا : كداب
مهند : ن تقول
انا : الي سمعته ،، صور هديكا الليله خدوهم الزوامل الي شدوني واكيده بيقعدو يهددو فيا بيهم
مهند : نعرف حكتلي سهى كل شي قتلها تسيبك مبتش
انا : شن حكتلك
مهند : الي صار معاك صار مع هلبا ناس عارضو قبلك هكي نظامها
انا : معاش عارف شن ندير معاها معاش فهمت كيف نتخلص مها
مهند : دير شن قاللتلك وفتك
انا / شن ضمنلي انها تسيبني
مهند : انا نضمن انها تفوتك
انا : مافيش حل تاني
مهند : حتنشر الصور والفيديوات وبعدين شوف شن يصيرلك
انا : بنبلغ فيها وبنقول انهم اغتصبوني وانه كان بسيف عليا
مهند : وصورك بالباروكه والمكياج وقفطان الحفله واضح ان كنت ف كامل عقلك وقت ذرت هكي
انا : انت خيرك مصمم ان نمشي ف طريقك الخامره
مهند : انا نبيك تنقذ روحك
انا : ننقز روحي بلعفن هدا خيرك انت وين عقلك
مهند : دير رايك انا مدخليش الي عليا قلتهولك
تسمع فينا نهاد نتناقشو خشت علينا
نهاد : خيركم شن في صوتكم لي برا ؟
مهند : خوك دماغه مسوس وميبينيش نقعد يلز فيا
نهاد : هدا كله ع خاطر قالك روح
انا : قتله قداش ليك تاعب معانا روح ارتاح ماباش
نهاد : صح روح انت ارتاح وتعالى
مهند : مش مروح قااعد ع قلوبكم نهاري الاحرف مش قادر نخليه وهو هكي،، نمشي نجيب حوايجي ونجي مش معطل
طلع مهند وقال لي ماما ماشي بنجيب حوايجي
ندى : نسايرك ؟
مهند : اوي اوي تعالي هي
نهاد: قعمزي لوطا وين ماشيا
ندى : الهي في حياتك
نهاد : قتلك قعمزي انا
ماما : خليها تساير وخيها وتجي
مهند : اللطف اللطف شن بناكلها انا ولا بناكلها
ندى : نلبس ونجيك
ركبت ندى تبدل في حوايجها ونزلت طلعت مع مهند فيرالطريق
مهند : شن جوك مع مصطفى ؟
ندى : يكلم فيا كل يوم مش مسيبلي طريق
مهند : وانت شن رايك فيه
ندى : شن بيكون راي فيه يعني عادي واحذ زيه زي غيره
مهند : كيف هدي
ندى : يعني زي اي واحذ كلمته قبله
مهند : ديري بالك اللعب معاهم هدو مش ساهل
ندى : بيحبني ع ساس هو ماهو حتى هو يلعب
مهند : صار عارفه الدسكه انت
ندى : حافظتها حفظ
مهند: مطلبش منك حاجه كدا والا كدا
ندى : كيف
مهند : صوره بوسه طلعه كدا كدا
ندى : ماعنده علاش يطلب صور ضفته سناب ،، ويبي كل يوم يتلاقى معاي لكن مافيش وقت
مهند : ومتخافيش يخنب صورك بنع السناب
انا : لا ميقدرش نعرف كان هدا
مهند : بري ياراقذه ع وذانك في برنامج يخليه ياخد بدون متعرفي
انا : تكدب
مهند : اقسم بلله تو نوريهولك غير انزلي اهو وصلنا
نزلو خدو لحوايج وهما كيف طالعين من الحوش اتصل الدوشكه بي ندى
ندى : هدا دوشكه شن بنقوله
مهند : قله مع مهنذ شن بتقوليه
ندى : ايوه اهلا
دوشكه : اهلا كيف لحال
ندى : تمام وانت
دوشكه : بخير وين شكلك برا
ندى : اي مع مهنذ ياخد ف حوايجه من لحوش
دوشكه : ومن معاكم
ندى :انا وياه بروحنا
دوشكه : كيف بروحكم هدي
ندى : اي بروحنا
دوشكه : غير خليك قدام الحوش متتحركوش اهو جاي وسكر الخط
ندى : ملقيت مندير ،، دايرلي روحه ابوشهاب قالي كيف مع مهند بروحكم
مهند : يدير ف الجو تو عارف انا نخوف والا بيخاف ع بنت مني
ندى : كيف شن تقصد
مهند : اااه نقصدلك عارفني انا مش بتاع الدوه الزايده غير يدير ف الدراما
ندى : باهي اقعد بنستنوه قال استنو
مهند : باهي تعالي نستنو فوق
ركبو مهنذ وندى يستنو ف الدوشكه لين وصل وكلمها
دوشكه : انت وين
ندى : انا فوق اهو نازله
دوشكه : لالا خليك اهو جاي وسكر الخط
ندى: حي عليه هدا راكب تعالي ننزلو
كيف بينزلو وصل في الباب الدوشكه وخشو الشقه لتلاته
ذوشكه : مهند انزل سخن السياره تو نجوك
مهند : لال تو نستنا معاكم
دوشكه : قتلك انزل
ندى : شن ينزل خيرك انت ؟
دوشكه : خايفه مني ،؟
ندى : للا لكن مش لازم ينزل
دوشكه : وانا قلت ينزل
مهند : مش نازل انت ف حوشي والبنت ف رقبتي امانه
دوشكه : هههههههههه باهي درق وجهك ف دار تانيه
مهند : مصطفى فكنا منه الجو هدا
بدي يعلي الصوت بين مهند ومصطفى
ندى : خلاص خلاص هي تعالى نمشو احنا لي دار تانيه
مهند : ندىىىىىى
ندى : مهند خلاص اسكت
مشو ندى والذوشكه في دار تانيه وخلو مهند بروحه
يتبع