#مبرر_خيانة 🔥
الكَاتِبة هَامِي ❤
Part9
_____________الفراق
نهرب بعيوني نحس فيهم كلهم يشوفوا في ويبوا يعرفوا ردت فعلي ...
شنو ندير نقعد نسمع كلام يقتل روحي ويكسر قلبي !! ولا نصبي وتفهم اني مزلت نحبه ونفكر فيه !!
ياريتني ماجيت... ياريتني ماقعدت معاهم ...ياريتني صبيت أول ما حكوا عليه 💔
دمعه على حافة عيني جسمي نمل مجرد فكرة انه حياته مستمره وفرحان ويحب من جديد حطمتني ...
مستحيل كل الحب هذا من طرف واحد اكيد كذب كلام لقالوا عليك كذب ! .... صبيت بدون مانفكر شنو يقولوا علي وانا في شي يحرق في قلبي نبي نمشي لداره نتأكد انه قاعد مامشش وهاااجر ...
نمشي ونسند على ساس في لي أنتبهلي وفي لي لاهي في روحه مناسبه وزحمه خشيت لدااره وأااااااه من ريحة الماضي وأااااااه من الزمن لوقف بي واااااااه من صرخات لي في قلبي تلمست كل شي فيها على أمل ايدينا لي مالمسوش بعض يتلامسوا على نفس الأثار...
هنا يرقد وهنا يقرأ وهنا يتفرج.... فتحت ظفة دولابه مع خشت سلوى لدار شافت حالتي لما شفت الصدمه...
وينه لبسه ياسلوى وين يعقوب ياسلوى ...مشى خلاص ؟؟!
ليش يدير في هكِ وانا والله حبيت ورضيت بيه ليش ماسمعهش مني يااسلوى ....
حضنتني وانا في قمة انهياري وكسرتي والله ماتنوصف باالكلام انا متت عمري 18سنه جسد بلا روح عشت على باب الماضي ونستنا فيه يفتح ويحضني من جديد ضيعت اجمل سنين حياتي في الإنتظار ....
خيب ظنوني وكسرني ...هو انا ناقصني قهر ياايعقوب عشان تكمل على !
بكيت عند ماراسي داااخ شفت ياسين عند باب دار وشفت دموعه وجع قلبه كان في ايده بوكس هديه طاح من ايده ....
مزلتي تبكي عليه بعد كل لصااار مزااال في بالللك الحقير ... خبط الباب برجله وطلع
-مش بإيدي والله يانااااس ما بأيدي الله يلعن ساعه لرفعت فيها تلفون وسمعت صوته انا شنو خششني طريق مش قدها قلبي ياااسلوى قلبي يوجع في ناااااار تحرق في مطلعش يحبني كل لصار من خيالي اكيد كان يحب هند وانا لكنت نوهم في روحي
سلوى::اهدي خلاص حرام عليك تعذبي في روحك ...فتره وتعدي نصيبكم الله غالب ... صبي اغسلي وجهك واطلعي هو عايش حياته اقتنعي انكم مستحيل تكونوا لبعض ...
خشت ام ياسين ... منظري كان فاضحني معندش كيف نهرب نزلت رأسي
اطلعي ياسلوى خلنا وحدنا .... طلعت سلوى وقعدت عمتي نوريه جنبي ...
براء ربي لعالم معزتك عندي كيف سلوى لكن يابنتي لصار حرام انتوا خوت ربيناكم على هك منعرفش القصه من امتا بينكم لكان يعقوب تحمل كل مسئوليه قال لي خالد انه تلفون له وانك ماتعرفي بشي وانه فاهم غلط ... وقبل تقاتلوا هو وخوه عليك وانا ام ميرضنش عيالي يصير فيهم هكِ ... سألتك بالله تبعدي عنهم كان ياسين ولا يعقوب انحرمت منهم هم الأثنين واحد هاجر والأخر مانشوفش فيه الا بعد كم شهر من خدمته في صحراء ...
كلامها كمل على مزعلتش لكن إنتهيت معها الحق انا شن ندير هنا خلاص مش مكاني انا وجعت الكل بس والله مانقصد انا لعنة دخلت حياتهم وفككتها زي عيلتي يمكن زي ماتقول امي انا بنت حرام
________
طلعت وماقلتش شي اكثر من كلمة سامحيني ....مش ناقصني حد يدعي على ..انا من يحضني من يمسح دمعتي من يجبر كسرتي ... كلكم ماتفكروش الا في اروحكم وانا لكسرني وخرب حياتي تفكيري باالكل الا نفسي لي ليها حق على مافكرتش فيها ....
خشيت حوشنا شفت اولاد فريحه وفتحيه .. سلمت عليهم وعلى امهاتهم...
فتحية :: من شوي كيف جينا ..وكنا نبوا نطلعوا عندكم من في غادي في شن يديرن
- اقاربهم وجيران ...
فريحه:: كنك وجك اصفر وليش جايه توا مش الليله عشاء
- تعبانه ونبي نرقد ...
خشيت لدلر وصكرت باب مرقدتش كل لي جواتي أسئلة ومفش من يجاوب عليهم غيره هو ؟ !
______
في ليل نسمع في فوضى صغار وامهاتهم ....طلعت نقعد معاهم ..
فريحه تخنق في بنتها من قالك تلحقيني انا قتلك ديري بالك على خوتك مش تفضحيني قدام ناس
البنت تعيط مش قادر تتنفس تستنجد بإيديها .... فكيتها منها ...وانا نشوف في عيونها نفس نظرة لي مستحيل ننسها أمي💔
جسمي رعش ...حضنت البنت وهديتها شربت ميه وزي اي طفله شوي وبدت تلعب مع صغار
انتِ من جدك كيف تضربي بنتك على سبب تافه
فريحه:: خلها تتربى كان ماسمعت كلامي توا امتا تبي تسمعه العار هذي مش قادره تمسك اخوتها والله مزال ماشبعتش منها ضرب توا تشوف
-شنو الاسلوب متخلف هذا هذي طفله شن فهمها بعقدك وامراضك النفسيه لطلعيهم عليها ... بدال ماتاخذي درس من طفولتنا السوده جايه تربي عيالك على نفس المنهج ...
فتحيه:: حرام عليك فريحه كسرتي بخاطر البنت مزال صغيره تهددي فيها بطريقه هذي
- والنبي فكني من فلسفه ومياعه زايده وكنها تربيتنا الحمدالله كنا نخافوا ومانقدروا نرفعوا عيونه لا في بونا ولا امنا وليقولوها لنا نموتوا عليها خلها تتعلم على حالها هذي بنت شن اخرتها يعني غير كوجينه والصغار
""مزدتش عليها ولا كلمه ... انا ماناقش عقليه معاقه بتفكيرها هك وهي من سكوتي فهمت انها فازت بنقاش..!
جينات امي نزرعوا في فريحه باالملي👌 مانستش شي من أساسيات تربيتها التمييز بين البنت والولد ! الضرب هو الحل ! البنت عار لازم تنضرب وتقوي عينك فيها تخنقها من جميع المحاور وماتبلغش الا ماتتسقد لحوش راجلها متعلمه اساسيات طبخ وتنظيف عشان تكون سلاله بإعاقة فكريه وتكمل المسيرة 🤷🏻
ممكن حتى انا بعدين نورث جينات هذي ونربي صغاري هكِ ؟؟!
ان شاء لله نكون عقيمه يارب وننحرم من صغار إذا بنكون زي امي ونظلمهم هك احرمني من الخلفه 💔
____
سمعنا صوت عالي وعركه ونحنا سهرانين ونهدرزوا ...
[ ] طلعنا نجاروا شفنا خالد يجر في عبدالسلام لحالته حاله من الشرب .... يدف فيه ويطيح ويرفعه ويرجع يدفه ويرفعه يضرب فيه بعشوائيه بقسوه زي ماضربني بااالضبط💔
[ ] ... انت من سلطك ياخالد عشان تربينا بعنف وتكمل لبدوا امك وبوك؟؟!
هو علاج الإدمان الضرب !!....
صغار خواتي خافوا الا خوتي من بوي متعودين على بيئه هذي خذيتهم وصكرت عليهم خواتي يتباكن صعبن علي لجايات يغيرن في جو عند هلهن واكتشفن انه ماتغير شي علينا جيل يورث بعد جيل رايه تتسلم من واحد لي اخر غابه البقاء فيها للأقوى تسلط دكتاتورية ياربي هدها وأخفيها من الوجود ....
بوي مجلوط مش قادر يتكلم سالمه رابطه راسها من صداعها المزمن خشت صكرت على روحها دار ....
قعدنا نبوا نحزو عليه دخله لدار وصكر عليه وهو معه نسمع في الااأه والعياط ليحرق في قلبي خييي ياناس موجوووع ..انا كيف بنغير العيلة هذي ؟ ... قعدت نخبط على الباب
يااااخاللد حرام عليك قتلته افتح الله يربحك افتح مش هك ضربك له ماتغير شي افتح حررررررررام عليك ارحمنا خووووك هذا ياااااااااخاااالد افتح سااااد لعايشينه حرام عليك بوك يبكي مش قادر يتكلم ليش تلووووم في خووووك ليش توا تفكرتا وينك من سنين وهو مع شله فاسده وووووينك حسبي الله ونعم الوكيل حسبي الله فيكممممممم
جريت لبوي لي على كروسه
كله منك اااااااااااانت .....خبطت على كروسته ...هذا عشمنا فيك هذي ثمرة ظلمك لنا . .. ذنبنا في رقبتك ليوم الدين نتووواجهوا والله ما مسامحتكم لا انت لا امي لا خالد لا........... ليش يابوي ليش لما كان يجيبلك في فلوس من خدمته ليش ماسألته شن يخدم لما قاعد مع شله ضيعاته ليش مامنعتش وتفهمت معه ليييش لما كان صغير ويقرا طلعتا من قرايتا ليش لتجي تقوله عويلي عيال حررررررام لعند ركبت فينا لعنة الحررررراااام ليييييش تحاسبوا في عبدالسلام وتبرأو في أنفسكم لييييش؟؟!
فريحه تكر في وتبكي ...خلاص يابراء حرام عليك ساد لي هو فيه تشوفي فيه عاااجز
مسحت دموعي حسبي الله ونعم الوكيل فيكم ....خالد فتح الباب العرق يصب منه وتوبوا في ايده
صايع هذا خلي زي البنت فاسد مايطلعش من الدار انا يجيني واحد يقولي لم خوك سكران من شوارع
صبيت قدامه ... وهذا لي واجعك الواحد لجاك والناس يعني لو يسكر ويحشش قدام وجهك و ماحد عالم بيه عادي عندك
خالد يعض في اسنونه..
انتِ صكري فمك خير مانكمل عليك
خالد تربى على انه يكون متسلط وأناني كلنا يبينا تحت طوعه مش مهم غلط ولا صح ولا خوف علينا لأ مهم كلام الناس المهم انك مترفعش صوتك عليه ماتنقشش وهو صح شنو ماقال او تصرف وهو راجل ان شاء لله حتى لو صرفتي عليه انتِ هك قناعته المريضه 🤷🏻
❤❤❤الكَاتِبة هَامِي ❤❤❤
فتحت دار شفت اثار ضرب ودم ... غمضت عيوني وانا نشوف في روحي مكانه ....
قتلكم تاريخ هذك واليوم محفورات في وقفت حياتي عنده....
كان يرجف ومستفرغ دايخ منظره يقطع القلب ضحيه جديده....
صبيتا وخشيتا الحمام غسلتله بمساعده فريحة شوفت حد تحبه مذلول توجع 💔
نظفت دار،،.و فتحيه طيبتله برودا ... قعدت نبي نوكله يهرب بعيونه يبعد في دموعه على حافة الأنهيار خجلانات ينزلن قدام اخته صغيرة ...
عبدالسلام:: منبش ناكل خلني بروحي توا نرقد
-ماتعاندش معندش جهد نجادل حد ... خذا مني كشيك وبدا يحاول يأكل بروحه معش قدر يتحمل عزق كشيك وانهار بكا وموعرها دمعة الرااجل ...
-ياريتك ماوصلت لطريق هذي ياريتك كنت لنا سند ...
عبدالسلام:: وشنو تبيني نطلع دكتور ولا مهندس؟! من وعيت على دنيا وانا ننضرب حتى من دون سبب كلمه ولد الحرام حفظتها اكثر من اسمي نبي ....هنا زاد بكا
نبي اب زي صحابي نجي نهدرز معه عادي ونقوله انا شاطر في حرفه يشجعني عليها نعيد عليه يقولي الله يربحك يفتخر بي قدام صحابه لكن يابراء ملقيتش هك كل ما نشوفه مع واحد يقول عيالي اولاد حرام ماينفعوا في شي عاله على كتفي محسسني انه كل يوم قاتلين ولا سارقين من حد يتهمنا انه حشاشه وسكاره ونحنا مزلنا مافتحنا على دنيا حطها في روسنا منه بروحه رسم حياتنا ودمرها وجايه تقولي ياريتك مطلعتش هك تعرفي شنو راجل ينضرب قدام رجاله من بوه ولا من خوه ؟ متمني نموت عشان نتريح معش عندي وجه نقابل حد يضحكوا علي كلهم والبركه في بوي من كلامه علينا لناس ماخلالنا ستر مغطي نعرف الناس تستر على عويلها مش تفضحهم،، شنو تسحابيني زيك قاعده صامده لتوا وتقري رغم الحياه والأحباط لعايشينه .
-صامده هههه ومن قال كان مانشكي معنها مرتاحه ؟! مابإيدي شي أنا مش زيك انا بنت مافي ايدي سلاح الا شهادتي هذي لبنحاربهم بيها وقاعده نقاوم على خاطرها مستحيل نخلي لعشته يوديني لي إنحراف هي طريق وانا اخترتها مش ح نكون ضعيفه زيك انت ...فكر وتعالج عبدالسلام انت راجل تقدر حتى تعيش بروحك مافي من يمنعك
عبدالسلام:: منبش خليني هك مرتاااااح ...وماتدخلوش بي ..على اساس خالد همه مصلحتي هو لأنه يبي فلوس ماعطيتش جا بيترجل على لأنه الاخ الكبير
تنهدت ...تعرف اني يأست منكم وكرهت حتى دمي لي في عروقي لأنه من جيناتكم القذره ...
طلعت منه وانا معصبه خشيت دار صكرت على روحي شوي ويجيني ....
يحي:: انا معش بنكمل قرايا نبي نشتغل على حالي
حطيت ايدي على راسي ...
حرام عليكم ..غير اليوم كيف جيت تبوا تقتلوني باالحياه انتوا ؟
يحي:: وشن قتلك انا ...منبش نقرا نبي نخدم ونصرف على روحي راتب بوك ياالله يمشي مصروف الحوش ..عندنا طلبات انا وخوك مفش من يعطينا
عصبت وعليت صوتي-تبي تسيبوا قرايه ويكون مصيرك زي خالد وعبدالسلام؟
يحي:: مليش دخل بيهم هما احرار يعني كان بنسيبها معنها نبي نصيع
-املا شنو فكرك انت من بيشغل واحد زيك انت وخوك مزال صغار واي حد يضحك عليكم ويجركم لطريق مش لكم
يحي:: متقولش صغار
-لا حول ولا قوة إلا بالله ... هذي قضيتنا نحنا انكم صغار ولا كبار ..الخلاصه مفش حد ح يسيب قرايته انا ماتعبتش فيكم عشان تطلعوا زي خوتك اي شي تحتاجوا انا نعطيكم لكن قرايا متسيبوهش
يحي:: من وين تبي تجيبي انتِ يلا كان حصلتي مصروفك
- ملكش علاقه من وين مهم عندي تكملوا قرايتكم حتى لو عطيتكم مصروفي كل شهر وقعدت بدونه متحطش في بالك ابدا انك تخلي قرايتك او انك تخيبوا ظني وتعبي فيكم ارجوووووك منبش نشوف صورت خوتك فيكم تعلموا من أخطائهم لكن متقعدوش زيهم
يحي هز براسه على اساس اقتنع وطلع ...
كنت مضايقه من كل شي توضيت وصليت ودعييييت واجد لربي وبكيت له ياربي أعني على انا فيه
"وما يظلم ربك أحدآ"
_____________
مشت علينا هذك الليله بثقلهااا ثاني يوم جتني سلوى
سلوى:: ليش مشيتي امس وماجيتي اليوم شن صار بينك وبين امي زعلاتك؟
-لا ماصار شي ...كنت مضايقه وروحت ...
سلوى:: امس خليتي هدية ياسين ومشيتي شوفي شن كان جايبلك
بعدت ايدها وهي طلع فيهم من كيس
سلوى منبش نشوف متوجعش قلبي كافي لي في
سلوى:: وليش ديري في روحك هك خلاص قصه وانتهت براء ابدي من جديد ... شوفي جايبلك فستان يبيك تحضري بيه العرس متكسرش بخاطره
ضحكت بهزوه
قصدك كان جايبلي ...قبل مايشوفني فاتحه دولاب خوه ونبكي بحرقه على غيابه
سلوى:: براء...
-مفش داعي تقولي حاجه عارفه نيتك والله ...بس ياسلوى انتِ لي اقتنعي انه كل شي تغير
سلوى:: وسراج خوك معقوله تغيبي في يوم عرسه
-كلكم خوتي لو حضرته ح نحضر عرس الكل وعرس يعقوب حتى هو وانا والله توا مانقدر خلها للأيام بالك تنحل من عندها ...
_________
يوم العرس مافي حد في الحوش الا انا لا فوضى ولا عراك لبست جاكتي وطلعت نبي نشوف المنطقه نبي نشم ريحة الماضي...
طلعت لي شارع ... هنا دكان عمي الحاج كنا نتسابقوا وقت يدزونا ليه من يوصل الأول وديما ياسين يربح ويعقوب يستناني عند مانوقف كان يخسر بسببي.
وهنا كنت نتعب من ثقل شنطه وانا مروحه من المدرسه وكان يأخذها يشيلها عني
وهنا أثار حرب طليان ودبابات كان يرفعني ليهم نلعبوا فوقهم وهنا... وهنا..... وهنا......
انا كيف نبي ننساك خسرت اثنين كانوا مهربي وفرحة حياتي بين كل ذكره بسمه ودمعه أاااااااااااااه ياريتنا ماكبرنا ولا فهمنا مشاعرنا ولا تفرقنا ياريتني قعدت بنت صغيره لتنوض كل صبح يوم جديد بس عشان تلعب معاهم كيف قدرت تهرب خاطري نتواجهوا نقولك كلااام واجد خاطري نشوف عيونك نحضنك مانتفارقوش كل شي كان قدامي كاااهالسنين يوم لنعرف اني نحبك تختفي هكِ؟!! ونشتهي شوفتك ونظرة عيونك !!
____________
بدت القراية ورجعت لحوش عمي قعدت نبعث في مصروفي لي يحي وعلاء مادياً كنت مضايقه وخالد كل بعد فتره يعارك يبي فلوس وانا معندش وقت ليعرف مفش فلوس يضربني ويهدد يفصلني من جامعه ...قررت ندور على شغل مرام قالتلي في مكتبة الجامعه يدوروا على حد نسقي معاهم وهك تكون في نفس مكان قرايتك ...اتفقت معاهم وكان معي عمي ياخذ مواعيد شغلي يتفهم وضعي لو تأخرت وفي صيف نخدم في محل ملابس قتلت روحي بين شغل وقرايا وبين اني نحسن صورتي قدام ناس سامعين عني كلام يشوه سمعتي اكتشفت اني عشت بس للناس نقنع في هذا نزعل على حال هذا نصرف على هذا .... نفسي لي ليها حق علي نسيتها ...
نجحت في اول سنه لي في جامعه ... ثاني سنه كانت أسهل في العيشه لأني تأقلمت انه حياتي تكون غير مستقره مره عند عمي ومره عند امي وفي العطله من شغل معش قدرت نمشي للمنطقة في يوم كلموني قالولي بوك تعبان في مستشفى ....
طلعت عندهم للمستشفى .... كانت جلطه ثانيه زاد وضعه سوء ...وسالمه طلع معها الغدد والشقيقه تمرض على طول خالد يغيب ويجي عبدالسلام من شرب وحشيش اطور لياخذ كوكايين يعني في دنيا اخره... فتحيه متحمله ذل راجلها وذرتها عشان صغارها مايعيشوا لعشنه زي وااااجد من الأمهات لي هك مالهمش سند يأخذ حقهم ... فريحه نسخت أمي ورثت قسوتها على صغارها وتربية الضرب وتمييز بين ذكر والأنثى ومقتنعه انه هذا الصح !!
وضعنا اشتت كان لازم انكون معاهم في نفس الوقت كيف نخلي قرايتي وشغلي لمعيشه خوتي منه ونعطي في خالد عشان يخليني نكمل قرايه!
-لازم مانبيعوا الحوش ونسكنوا هنا ...
سالمه:: وحوش في منطقه كيف يجيبلك حقه حوش في مدينه ومعندنش بيش نزيدو
- خلنا نعرضوا قبل وانا توا نقول لي عمي يدورلنا اي حوش رخيص ولا شقه
سالمه:: كيف تبينا نسكنوا في شقه وانا متعوده على حوش منرضش بغيره
- انتِ في وضع مايسمحلكش اصلاً انك تتشرطي لازم من سكنه هنا وانتِ كل يوم مغمى عليك ومريضه وبوي نفس شي على من عابيه مثلاً كان قعدتي غادي على خالد ولا عبدالسلام ولا من جيران لملوا من حياتنا ومشاكلنا ...
سكتت سالمه مردتش صبيت نشوف عمي قتله يدورلنا اي مكان يلمنا لي امتا مثقلين عليه في حوشه ..
شعور انك بكرامتك ومتبش تحتاج لحد والدنيا تفرض عليك عكس هكِ مُصره يادنيا تذليني حاسه روحي انجبرت على ناس وثقيله عليهم وتوا بزياده شايله هم عيلتي ...
___________
بعد كم يوم رد علي عمي انه حصل شقه تبيلها صيانه وحوشنا معروض للبيع من اول شهر انباع وانتقلنا مامشيتش معاهم نجيب في حجاتنا من غادي وصيت يحي على كل شي وكيف ينظمه ... طلعت انا وبنات عمي نظفنه شقه وجابوا اثاثنا فرشنا البسيط وبدينا انظموا ...مرن كم يوم واستقرينا اكثر شي حمدت ربي عليه انه اهلي انتقلوا ومش ح نضطر نمشي لي امي ويضايقني مهند
رجعت الجامعه لغبت عليها كم يوم وكنت واخذه اجازه من مكتبه ... في يوم شفت هند مع مجموعه بنات يشوف لفون ويضحكوا ..!
من بعد اخر يوم في امتحانات ثانوي ماشفتهش ... لأنها رسبت في شهاده يعني هي توا بدت تقرا في جامعه وبسرعه ماكونت صحبات جدد وضحايا جديده تستغل احتياجاتهم ولا ضعف قلبهم ولا يمكن زيني تلاقي فيهم ثغرة مبرر لخيانة أهل اعطوها تبريرات انها تخونهم!
شن ناقصك ياهند عشان ديري في روحك هك لو اهلي معيشيني زيك انتِ مستحيل نفكر نخون ثقتهم ولو عندي خطيب يحبني زي خطيبك مانخونش ونكذب عليه نحافظ عليه في زمن كثروا فيه الخوانه وكذابين انتِ في نعمه مش حاسه بيها ...
شفتها ببنظرة الأسئلة لمزالت ادور في رأسي هو حبك انتِ ولا انا ؟ ...كان يبي يسمع صوتك ولا كانت صدفه ؟ من ياهند لقال اسمي وقت لي شاف خالد الفون معي؟ كل لصارلك يابراء صدفه ولا مدبر ؟؟!!!
سلمت عليها ردت برود ...ودعتها وطلعت للمكتبه التهيت في شغل من بعد ماكملت محضاراتي روحت الحوش في الباص ....
كان في حاله سالمه مريضه وبوي ماقادر يتحرك والاولاد صغار جعانين ومحوسين الحوش ..
صليت وطلعت نطيب شي يأكلوا نظفت الحوش عطيت بوي دواء قريت خوتي ...روتين الماضي رجع بس الفرق اني انا المتحكمه توا كان يعيبوا في خلفتي يقولوا جيتي على دنيا مكنتش محسوبه غلطه يعني بس وقت لطاحوا ملقوش غيري وينهم لجبتوهم بحساب وين رجاله لعايرتني اني عار عليهم وانا نداعك في مصرف نسحب في راتب بوي ويلا كان جابلي دواء ليه ولمرته وينهم وانا نخضر ونجيب التموين من راتبي وينهم وانا منحتي جامعيه كملتها على قراية خوتي ؟!! وينهم رجاله يابوي وانا لنغسلك ونوكلك وينهم ؟!
______________
خالد:: عطيني راتب اليوم سحبتي
-معش منه شي جبت دواء ونواقص في الحوش تشوف في الحال بروحك مفروض انت لتعطي مش تاخذ
خالد:: توا تردي على يافرخه تعايري في انا شن منقص عليكم غير مفلس بس
- والله مرات نحس انه عندك انفصام انت شن عطيتنا انت تجي تاخذ راتب وتريح منشوفكش الا لما تجي تاخذ فلوس...
ما كملتش كلامي الا وجاني كف ..
اضرب ماهذا لي فالح فيه انك تضرب وبس خلك راجل وصبي دوش لي بوك ولبسه زي رجاله ماشاطر غير علي انا
كمل باقي ضرب تردي على لسانك طاول يافرخه كله من جامعه والقرايا فسداتك علينا توا تشوفي كان كملتيها
-حول ايدك واعلى مافي خيلك اركبه
..
تغيرت بساطه فهمت خوي خالد لا همه لا اخت ولا عرض ليهمه فلوس يصرفهم في صياعته من وين مصدرهم مايهمش ان شاء لله حتى نبيع روحي ...
نجحت في ثاني سنه ونجاح خوتي من نجاحي حتى انه الحفله لكنه محرومين منها قعدنا نحتفلوا بيها ونفرحوا لي ارواحنا ... حتى ونحنا عايشين في حوش فيه المريض والمدمن لكن نحاولوا نضحكوا نسايروا دنيا لتمشي فينا زي ماتبي
الحياه مع مدمن مش ساهله كنت نرقد عين مفتحه وعين مغمضه خايفه خوي يتعدى على في لحظه سُكر وادمان ... وقت لتجي الحاله يضرب ويعيط ويكسر ..الفتره الاخيره وضعه صعب بدا يغيب واجد يسرق ولا يقتل مانعرفش لنعرفه انه كل شي جا في بالي لا امان في مدمن غير واعي لنفسه ياريت لو كان بأيدي شي ياريتني نولدت راجل واخ كنت قدرت ندير شي !!...
ليش شنو فرق براء مااأنتي بنت ودرتي لي مادرش راجل ؟!
مرو الأيام وسنين تخرجت من جامعه قسم اداب لغه انجليزيه شهاده في ايدي هي الحاضر .. ...والماضي قدامي واقفه عند بابه نستنا فيه امتا يفتح صلة الوصل بينا كانت الأحلام مفش مره ماحلمتش بيه كان في حلم كل مره لقاء في مكان بس منحكوش ...
كنت في مستشفى راقده على سرير ... فتح الباب شفتا فرحت بس وجه وملامحه جمدات مايحكيش ...
يعقوب ليش متحكش معي ...
يعقوب انت زعلان مني؟!!
انوض من نوم وانا يومي كله نفكر في الحلم شنو معنه ومن شن زعلان ليش مايحكيش ...؟!!
بمعارف عمي قدر يدبرلي خدمه في المطار ومن اجتهادي قعدت مظيفة طيران ... ونحضر في ماجستير
كلموني وانا ماشيه المطار ...بلغوني عمي صافي توفى 💔
كانت زميلتي في عمل هديل معها سياره خذتني وانا منهاره عليه كيف كان راجل طيب وحنون ومثابة الأب لينا ....
وصلت الحوش وخذانا خالد للمنطقه نعزو طول طريق نبكي نتخيل كيف بيكون حالهم انا من فتره لي أهلي سكنوا هنا وباعوا حوش منطقه كم شهر توصلت مع سلوى مكالمات وبعدها انقطعن الأخبار
وصلنا شارعنا شفت الخيمه نزلت من سياره وهي مزال تمشي نجري ونعيط يعني صح مااات بوي هذا .... شفتهم ياسين سراج يعقوب ششششششششفتهم في اصعب يوم لينا .....
جريت لي سراج حضنتا ونبكي وخوتي معي
مات الحنون لكان اغلى من اب وعم وخال مات لي كان يشجع في على قرايتي وقت ننجح يحتفل بي ماااااااات يااااناس لطعم العيد مانعرفوش الا معععععععععه ماااااات خلاص يااااسراج بوي ماااااات خلاص عمي صافي ليقولي يااااغلى من بنتي مااات
ايده على كتفي يطبطب عليها لكسر قلبي وهجرني.....
حتى لكان يمسح في دمعتي خذاته الموت مني
كان يعقوب...
.
#يتبع