# بقلم ليان سعيد
دخلت للبيت صحت سهى نهى وينجن
سمعت هوسه بالديوان
اجت سهى تركض ها ترتيل حبيتي جيتي
كعت ع الكرويته
اي
شنو هل هوسه
سهى
ااا اكو ناس بالديون وابوي وياهم
وابوي كال من تجي ترتيل خل تلحكني ع الديوان
هممم
رايحه ابدل وارجع حضريلي الاكل ونهى وين
سهى..
راحت لبيت صديقتهه تدرس
همم
صعدت الغرفتي
بدلت ملابسي وغيلت وجهي تعبت اليووم جانت عندي عمليه صعبه مال مال قلب مفتوح
نزلت للديوان
دخلت الكل سكت احترام الي
ترتيل
السلام عليكم
ردو وعليكم السلام
صاح ابوها تعاي بنتي ترتيل اليوم محتاجج كعد بصف ابوي هاي عادتي من وانه صغيره اكعد يمه
ابوي علمني من وانه صغيره اكعد يمه
صاح ابوي اتفضو يلربع احجوو
حجه واحد منهم انه دخيل عليك ياشيخ جاسم
هذووله الناس ضلموني
عوود عمامي اخذوو كيعان ابووي وخلونه انه وامي واختي ولا شي
وجيت ً بحكي بس ما انطوني اي شي وكالو
ابوك ما خلالك اي شي
صاحوو عمامه اسكت ولك
انته شتحجي مالك شي عدنه
وابوك ما خلاللك شي
صاح ابوي اهدو يلربع
الولد اله حك عليكم وحكه ترجعونه
ما ينقص منه دينار واحد
صاح واحد منهم
ما ننطيه شي وما عده شاهد وشيريد ايسوي خل اسوي
الشيخ جاسم
ترجعله حكه وايدك فوك رجلك وانته المننون
صاح واحد منهم
وعله صوته عله ابوي
انه هنا ما تحملت صحت بيهم بعلوو صوتي
واحس الحراره تطلع من اعيوني
ولك انته اشلون ترفع صوتك ع ابوي
ماجابته امه ليرفع صوته ع ابو ترتيل
رحت عليه وخليت المسدس براسه
شوف ولك ترجع افلوس ابن اخوك
لو لا تخليني ارفع عليكم قضيه وخليهم ايطلعون حك ابن اخوك من اعيونكم
ومره ثانيه يا ويله ترفع صوتك ع ابوي
كلهم ضلوو صافنين
واشوف ع وجه ابوي ابتسامه خفيفه
حجه واحد منهم
معقول يشيخ جاسم اتخلي مره هيه الي تحجي
من ليمته احنه النسوان تدخل دوواوين
ابووي جان ساكت ويسمعلهم
انه بنتي عدال الف زلمه ربيته ع التفكه والديووان
ومن ناحيه ثانيه خليته تدرس واتصير دكتوره
وانه افتخر بنتي ترتيل
وهسه ترجعون حك الولد لو النه تصرف ثاني و
ياكم
وتعرفون منو هوه الشيخ جاسم
كلهم سكتو
كال واحد بيهم يجرالك يلشيخ الحك يرجع للولد وانه اكفل راحوو الناس
كمت ردت اطلع
اوكفي يترتيل
انه جم كتلج هاي العصبيه بطليه
اشلون اترفعين صوتج جدامهم
انه مربيتج هيج هاي مو اخلاق الدوواوين
عاينت بوجهه درت وحهي وطلعت
هوووه ما يدري انه ما احب احد يرفع صوته عليه
هوه علمني القسوه
كلبي احسه صار حجر نسيت شي اسمه سعاده
اني اكون مثل باقي البنات
هه مشيت وطلعت بره الديوان
دخلت لغرفتي سبحت ونمت
ماحب احد يزعجني وانه نايمه وهمه يعرفون هذه الشي
نمت للمغرب كعدت صليت ونزلت لكيت اختي سهى وابوي جاي يتعشون ونهى وياهم
نهى بعد لا تتأخرين عد صديقتج
نههى
اي تراتيل ما اتأخر بعد
انتن اشلونجن بالامتحان اليوم تره هاي امتحانات اخير السنه اريد تنجحن من الرابع بتفوق
نهى صفنت بوجهي
اي ترتيل هذه هو
كمت من الاكل
رحت الغرفتي باجر الصبح عدي عمليه مهمه بالمستشفى
لبست تراك وكفت كدام المرايهاعاين لوجهي اعيوني الي لونهم رصاصي بس مليانات قسوه ارموشي لطوال
حواجبي لضخان وجهي الدائري
خشمي لرفيج شفافي لصغار
الله انطاني معاني كلش حلوه بس مليانه قسوه من الصغر
طلعت بره رحت للحديقه
كعدت ع المرجوحه غمضت اعيوني
اتذكرت كلش
ترتيل.
انه اسمي ترتيل ابوي سماني عمري 25 سنه عندي خوات اثنين تؤم نهى وسهى امي عافتنه وراحت لان جانت بغداديه ما معلمه ع الريف عافتنه وعافت ابوي خواتي جان عمرهن 3سنوات
من ذاك اليوم كرهت روحي وامي الي تركتنه واحنه صغار ع احساب راحتهه صرت قاسيه وعصبيه
واكتشفنه بعدين انو امي جانت اتحب ابن خالهه
فبعد ماعافت و تزوجته
سمعتنه صارت بالطين وعمامي عافونه وراحو لغير محافضه تركو ابوي لوحده
ابوي الله ما رزقه بولد
انه
من ذاك اليوم اخدت عهد ع نفسي اصير لبوي السند اله وانه جبيرت ابوي علماني ودرباني ع كل السلاح والفروسيه
دخلت كليه طب واتخرجت واتعينت بالمستشفى
جراحه قلبيه
وصرت من احسن الاطباء بالبصره
الكل جان ايخاف مني بسس قساوت نضراتي
الضحكه الي جنت ناسيتهه
ناسيه اخر مره ضحكت بيهه
فتحت اعيوني...