السلام عليكم اسفة عالتأخير حبيباتي ونعموشاتي ،، سبب تأخري عليكن كنت تعبانة وجري بين العيادات والدكتور ماحوتك حصلناه ،، والحمدالله عاينت ومرات بنسافر عشان العلاج مغير يطلع الجواز ،🙄
اامهم حبيت نحمي بالتفصيل عشان تعذرني ،، لان زالله اول مرة تصير معاي نبدا في رواية ونطول في التنزيل ،
وهذي حلقة جديده وامسكن اعصابكن باهيو 😁
hamelo ,,
_____________________________________
رواية #جميلة_في_عالم_الذئاب للكاتبه الهميل الشارد
الحلقة / 16
____________❤قراءة طيبة ❤___________
وين وصلنا 🤔 اها اذكرت ،،
وقلنا فراس امه استقبلاته بالاحضان وعلم بخطبة اخته وباركلها وحكتلا ان زواج بنت عمه بعد اقل من شهر مانحكيلكن شن حس 💔
وخش دوش ورقد في داره وظلمها وهو مهموووم ومقهوور ورقد ،
وكالعاده حلم بروعه وكان متضااايق وناض بعد وقت القي روحه عرقان وداهش ،
فراس لروحه : تي النم عليش نحلم بيها نا ؟ شن تبي مني الزح !! تي خطيني خطيييني ،
وصبا وقف عالروشن متاع داره وكانت تمطر فتحه وقعد يتفرج علي الغيث اللي نازل وقال : ياربي عليش اتجيبها فيها ليا ، انا مانبيهاااش تي انخطبت وعرسها قريب نبي ننساها ساعدني 💔
فراس كان يحساب ان تفكيره فيها لانها كبرت قدام عينه وكان ديما يضايق فيها عشان يقهرها مايحساب ان شعوره كله حب لها لكن ماكنش يعرف يعبر او نقولو ناكر شعوره مازال مش مصدق ،،
________________________
انجو لروعه اللي تحاول تقنع امها ،
روعه : ي ماما صدقيني مش حنقدر نعيش معاه من يوم قصة قاسم هضا وهو ساكنلي عالتلفون وكان مارديت ايجني ونحس فيه يبي يضربني ،
رقيه : ي ماما ي بنتي انتي بس لانك شفتيه بيدافع عنك من اشخاص بيتحرشو فيك ، بالعكس عبدو اكثر شخص مناسب لكي ،شاب يقدر يحميك ومافي انسان يفكر يأذيك ،
روعه : ماما بليز ،، مانبيش نتجوز توا 💔
رقيه : مستحيل نعطو كلمة لناس ونرجعو فيها حتى عمامك يزعلو منا ، خلاص انتي بس بتمري بشعور الخوف لأنك صغيرة وحتكون اول تجربة لك بالزواج ،
روعه : بس ي ماما ...
رقيه : بسسسس خلاص انا قلت لا يعني لااا ، بلاش دلع زايد ،
روعه ايأست من امها وعنادها ومشت لدارها وهي تخمم ،
وعند عبدو كان مجهز كل شي شرا دار النوم طبعا بيسكن مع هله بحكم وحيد عيلته ،، وفرحان وامه فرحانة بس متخوفة من عبدو وباته يعزم وفرحان والتمو اقاربهم ينشدو من سعيدة الحظ اللي اختارها وحيد عيلة يوسف ،،
وعند فراس ياناري معش طلع من داره حتى بعد مراد يتصل بيه مايردش الاعبدو يتصل بيه وهو يتهرب منه لعند في يوم خش عليه مراد بعد جاه في الحوش وفتحتله نجاة وطبعا عارفته رفيق ولدها ودخلاته لغرفته ،
مراد فتح الباب ومد راسه يتباوع : ابعييييي ،، وينك ي حلو ؟
فراس : مراد ؟! خش تعال ،
مراد خش وصكر الباب وراه : حتى نا خاش بلا عزومتك 😁
فراس : من فتحلك الباب ؟
مراد : امك يارااا ،، وبعدين وينك مختفي مش عارف ان الفترة الجاية عرس عبدو ؟
فراس اتكا علي مخدته وتنهد وقال : عارف ،
مراد : ومناسبكم اخرا !! والا انت مش مركز ؟
فراس : 🙄
مراد : فراس ؟
فراس : كنك ؟
مراد : شن صاير معاك بقيت متغير مش فراس قبل ،
فراس : لا عادي ،
مراد : فوتها علي اي حد الا نا عاجنكم وخابزكم امت وعبدو ، قووول والا مش حاسبني رفيقك ؟
فراس : متضايق وغامة عندي ونحس في روحي بنموت ،
مراد قرب وقمعز مقابله عالسرير وقال : عليش ؟
فراس : مش عارف ،، شعور جايني له كم شهر ،
وطبعا مراد يقصقص فيه نين عرف ان فراس متضايق من يوم خطوبة عبدو لبنت عمه ،
مراد : نسئلك سؤال وتجاوبني بصراحة ،
فراس : اسأل ،
مراد : انت تحب بنت عمك ؟
فراس فنص اعيونه وقالة: نعم ؟؟
مراد : الله ينعم عليك نشدتك انت تحب ؟
فراس : مستحيل ،
مراد : بالك بنت عمك تبيها لان التغيير هضا صارلك لما قرا فاتحتها ولد عمك المتوفي ،، وبعدها رديت وتوا نفس التغيير بس بزياده ، عادي ي فراس لو تحبها قول الحب مش عيب ،
فراس : انت شن تقول البنت قرا فاتجتها عبدو وانت عارف ان هو صاحبي ورفيقي ،
مراد : باهي ،، لكن اللي انت فيه حالة حب راه ،،
فراس : حتى لو بنحب مستحيل نحب هذي ،
مراد : عليش ؟
فراس سكت وسرح ،
مراد : جاوبني ،، عليش ؟ ما تواخذني فيها بس البنت بعد شافها عبدو كبد فيها وماصدق بقت حرة خطبها وتم فيها انت قاعده طول عمرك قدامك وتعتبر متربية معاك لو تحبها وفرطت فيها تبقى غبي لانها بنت عمك قبل كل شي واكيده البنت ماتتفوت بكل ،
فراس : انت واهم ،
مراد : ان شاءالله نقعد واهم ،، انا توا عندي ماندير اكتا انتلاقو ؟
فراس : حنرن عليك ،
مراد صبا ونجاة خشت جايبة صفرة الفطور،
ناة : وين ماشي اقعد افطرو مع بعضكم ،
مراد : صحتين ي عمتي مستعجل والله ، عبدو يرجا فيا ،
والتفت علي فراس وقاله : نرجاك عالعشا تم ؟
فراس هز راسه ومراد روح ونجاة ملاحظة تغير ولدها لكن مش عارفة كنه ،
رغم محاولاتها تفهم منه بس هو كان ديما يقوللها مافي شي ،
✒✒✒✒✒✒✒✒✒✒✒✒
مرو الايام وجا اسبوع العرس بسرعه ،، وعبدو فرحان اما روعه تحاول اطمن روحها وتصدق كلام امها وبنات عماتها وعمها اللي منهبلات في عمكن عبدو ،،
وروتين اعراسنا المعتاده السياق والعجل رغم رقيه كانت تبيه عرس بسيط وخلاص بس عبدو اصر وحجزت رقية وحليمة الفيلو والمزين وعبدو حجز الصالة والفرقة اللي بهضك الحساب ،،
وكان كل شي ماشي حلو وكيف مايبي عبدو الا روعه اللي كانت متضااااايقة وخااايفة معش بت تحكي مع عبدو بعد يتصل عالارضي ،،اللي بطبيعته غمتله من روعه كيف تقفل فونها وكان قاعد في داره في حوش هله وشاف لهدياها اللي قبل بيعطيهن لها يوم جاها في المدرسة وقعد يمسك في الورد الطبيعي اللي جف وقال : ساهل ي روعه توصلي لعندي بس وساهل حنخلص فيك كل لقطة درتيها سوا بقصدك او مش بقصدك ،، توصلي بين ايديا بس ،
وابتسم ورفع حاجبه بنصر وخش للتواليت بيدوش وهو يصفر ،
فراس حالته بدت واضحة لعيلته بالذات لامه وبوه ،
لا عاد كيف قبل يطلع وايهيج ولا عاد يطلب في فلوس من باته وقعد يمشي للعمل من الصبح مع بوه ويروح طول للحوش ويخش داره لا يحكي مع حد زلا ينابش في خواته كيف قبل ولا عاد يلبس ويطرح كيف قبل،
نجاة : ي حاج ولدك مش عاجبني راه ،
اسماعيل وهو يشرب في الشاهي : وكنه ؟ ماعنظ حاله سو قعد يشتغل وعقل وهضا البي نبوه ،
نجاة : مش قصدي هكي بس فراس وعارفته ماتغير الا بسبب ونا شاكه في شي ،
اسماعيل: وشنو هو ؟
نجاة : روعه بنت خوك هيثم الله يرحمه ،
اسماعيل : وشنو دخل البنت في حالة ولدك ؟
نجاة : شاكه ان ولدك يبيها وحاط العين عليها ،
اسماعيل : وكيف عرفتي ؟
نجاة : زمان كان ديما فرحان وينابش فيها لعند قرا فاتحتها المرحوم فؤاد حسيت بيه تغير زي توا بس كات يكابر وبعد توفا المرحوم وعاود ولدك لولي لبس وحركات وتوا حسيته زي الشمعه الطافيه بعد عطيتوها لولد رفيقك ،
اسماغيل : لا لا كلامك هضا مش مزبوط كان يبيها راهو تكلم والا حكالك ؟ مغير انتي متوهمة بس وتمنيتي البنت لولدك بس ،
نجاة : لا والله في الليل عارفني نبىم علي وليدي وبنياتي ونطمن عليهم ويوم خشيت عليه بنغطيه القيته راقد وينادي فيها باسمها شكله كان يحلم بيها والله اعلم وهضا اللي اكدلي ان ولدك يبي بنت خوك ورايدها ،
اسماعيل : انتي نشدتيه ؟
نجاة : انقولك ولدك يكاااابر زي اللي معند انه لا مانبيها وعادي بس افعاله يقولن العكس وملامح وجه فاضحاته بالذات لما نحكي عليها للبنات قدامه وجه يتغير ،
اسماعيل : امالا خلي عناده ينفعه ، ليش ماقال نبيها ؟
نجاة : مش عارفة بس نا وليدي وحاسة بيه يبي بنت عمه ورايدها يمكن بعد سبقه رفيقه عليها تحشم وماباش يحكي ،!
اسماعيل وقف ولبس الشنة متاعه وقال : توا اللي صار خلاص البنت وعطيناهاومانبيش انلط عليها الراجل كويس ووحيد بوه وامه وحيهنيها باءذن الله مانبيش ولدك يديرلي شي فالطه يخرب العرس ، هيا توا توصي علي شي ؟
نجاة : لا سلامتك ي حاج ،
وطلع اسماعيل ونجاة تفكر في ولدها وواجعها كيف انكسر قلبه 💔
💔💔💔💔💔💔💔💔💔💔💔💔💔
ومر الاسبوع وروعه حنتها الحناية ودارولها حفلة حنه اتهبل ،
وقرو فاتحة روعه علي عبدو وقعدت بأسمه رسمي ،،
وبعدها جا يوم العرس والزفه علي قد ما الكل فرحان علي قد ما روعه متضايقه ليش مش عارفة وحست بحاجة ناقصتها وفكرت ممكن لانها فقدت بوها ؟ وكانت قاعه العرس فخخخمة في كل شي تفصيل ملكي رااااقي عالذهبي والدمي وطبعا اختيار عبدو لكل شي ،
وروعه في المزين لما كملت منها تنسيم وحنان فتحن افوامهن رسسسمي البنت كلمة ملاك او حورية شوية فيها خيااااال المايكب كان ملكي وطبعا عبدو اتصل بالمزينة وطلب مايكب معين وحتى الفيلو ادخل فيه واختاره هو وهالشي ضايق روعه بكككل ،
ورغم انها طلعت جمييييييلة بكل ماتحمل الكلمة من معنى الا ان روعه كانت متضايقة وحاسة بقلبها بيوقف من الخوف ،
وحسين واسماعيل طلبو من خالد او فراس يزفو بروعه من المزين للصالع خالد كان مازال حزين علي خوه ورفض بذوق رغم انه جا قبل الزفة بيوم بارك لروعه وتمنالها الحياة الزوجية السعيده وروعه ياما بكت لانها تذكرت فؤاد بعد شافت خالد وحكتله انعا رافضع بس انجبرت عالزواج وخالد قعد يطمن فيها ،، وفهمها ان هذي سنة الحياة ، 💔
فاكيد بعد رفض خالد بيزفها مطيوح السعد فراس 😐
البنت لا خو ولا خال والعمام كبار وتتحشم منهم وهم يتحشمو منها ،
وفعلا فراس خذا سيارته وزينها بالورد وكات لابس ومفتلك رغم كان يبي يتهرب منها بس عمه وباته قالوله مافي حد يزف بيها البنت لا خال قاعد ولا اخ عندها وانت زي خوها وقداش مالملمة وجعاته وبانن ملامح توجعه علي وجه نين باته فطنله وتأكد من كلام نجاة ، بس ضرب الحولة لان خلاص البنت وعطوها ،
وفراس راكب في السيارة ويرجا فيهن يطلعن من المزين وطلعت اخته تتسيم لابسة عبايتها وماسكه في يد روعه اللي متغطيه الابيض كلها من البرنوس والفيلو الفخم وكله وفراس تخيل روحه بيزفها هو لروحه وحس بقلبه بيوقف رسمي وقعد في مكانه واخته فتحت باب السيارة وساعدت روعه تخش وطلعت حنان شايلة شنطة روعه اللي فيها حاجاتها ودبشها وركبت جنب روعه وتتسيم مع خوها من قدام ،
وروعه اول ماسمعت اسم فراس من فم اخته حست بقلبها ينبض بقوة وبسرعه ،
وشغلت تنسيم اغاني من سيارة فراس وبالصدفة جت اغنية ماجد المهندس (والله واحشني موت اخاف بعدك اموت ) الفترة هذكي كانت دوبها نازلة وفراس طايح عليها ديما مشغلها وتذكر فيه بروعه ،💔
وطول الطريق حنان وتتسيم يهدرزن الا روعه ساكته طبعا وفراس يسرق في نظرات لها من مرايا السيارة ماباين عليه الا حنكها وشافيفها بس ،،
والراجل ياناري قعد متخدر رسمي في شفايفها بس اللي ملونات بالاحمر الداكن اللماع وتمناهن من حقه وحلاله 💔
بعد ايش ي ماد الوجه هاه ؟! 😡 Hamelo ,,
فوتني 😑
ووصلو لصالة العرس ونزلت تنسيم عشان اتنزل روعه وطلبت من حنان تشيل الشنطة لجوا وتجي تساعدها في روعه حنان خشت معش جت ،
تنسيم لفراس : تعال وراس خيي ساعدني في الفيلو من هنا ، علق في حاشية الباب البنت كان طلقتها بطيح راه ،
فراس نزل وهو يشوف لروعه ماسكه في تنسيم ومازالت مصبيه جنب السيارة وقرب منهن وبدون كلام نزل وطبس علي طرف الفيلو بيسرحه وكان ذيل الفيلو طووييييييل ملكي ولحظة نزوله شافاته روعه من تحت برنوسها وهو رفع راسه بيحكي لاخته شاف وجه روعه من تحت انصدم وقعد ايشوفلها ومتنح رسمي اعيونها المليانات دموووع وتشوفله بغلل وهو مش مصدق جمالها وكيف طالعه مافاق الا علي صوت اخته تستعجل فيه وبعد مشت روعه ومعاها اخته قاعد واقف قريب نص ساعه مش مصدق كيف يضيعها من بين ايديه ،،
البنت اللي عاشت قدام اعيونه وتمنا يبوسها ولو بوسة وحده من وهي طفله كان راغب فيها من طفولتها كانت قظامه وقرت معاه ويسقط بلعاني عشان تقعد قدام اعيونه !! تضييع بالبساطه هذي وللمرة الثااانية ؟
بالله ي بناتي وحده منكن اتغنيلة ضيعتك من بين ايديا ماهو بيدي ،، ضيعتك من بين ايديا كنتي ريدي 😁 Hamelo ,,
المهم ،،
روعه في غرفة الانتظار متاع العروس ومعاها امها وعماتها ونجاة اللي يبخرن فيها ويصلن عالنبي ورقيه دموووعها ماقدرت تمسكهن ،،
وجتها ام عبدو اللي تكبر في ربي وتصلي عالنبي من جمال روعه وبعد شوي خشت روعه علي اسماء الله الحسنى وساعدنها بنات عمها اسماغيل وحنان بنت عمتها عالكرسي والمنظومة والعه والمعازيم يشوفو للعروس منصدمين من جمالها وصغر سنها ،
وبعد وقت بدو يعشو في المعازيم وعبدو وصل برا وبعدها خش والانظار كلهن عليه من الاخير الشاب طرف وشخصية وحلم كل بنية 😏
واول ماوصل لروعه كانت بروحها لان امها متحشمة وعماتها نزلن حتى البنات اللي كانن جنبها الا حنان اللي مغطيه شعرها ولابسة عباية تطرح في ذيل فيلو روعه وعمكن عبدو اول مارفع الطرحة معش قدر يبعد اعيونه من عليها الراجل ادمن البنت رسمي ومن جرأته باسها علي شفايفها صدمها نين قبل طاحت وتوترت وحنان تحشمت ونزلت بسرعه متحشششمة والخدود حمر ، ووصلت في البنات ،
تتسيم : كنك سيبتيها بروحها ؟
حنان : ي خياتي الراجل منهبل رسمي تي بيها باسها عليك المستعجل ،
نسمة : عادي مش مراته !؟ يبوسها ويسلم عليها 😍
حنان : بس هضا باسها من شفايفها قدامي ،
البنات انصدمن 😱😱
ونسمة ذااابت رسمي وقعدت تتخيل في ليلة عرسها 😍
وعبدو قمعز روعه وجاته امه وحليمة عمة روعه والكل يسلم ويبارك وعبدو يده اليسار شاد بيهاةيد روعه اليمين حتى السلام ماخلاها اتسلم الا باليسار من الاحراج روعه ترررجف ، وامه توصي فيه وحليمة حتى هي ،
وبعدها وقف وقال : خلاص هيا ،
روعه اتشوف لعمتها بخوووف ،
حليمه : والتورته ؟
عبدو : لا لا ماعنديش عليه الجو هضا ،، قسموها ووزعو عالمعازيم ، بنروحو ،
ام عبدو : باهي شوية بس غيرو الدبل تصور مع عروستك قبل وبعدها روحو ،
عبدو : اوكي ،
ولبسها البرنوس ويتعامل معاها كأنها طفلة ونزل بيعا وهي ترررجف ياناري والدموع في عيونها وخلاص ،
وطلعو علي اغنية (خدني معك بالجو الحلووو ) وعبدو فرحاااان مش مصدق ،،
وخشو للغرفة صورو كم لقطة والبنت اللي تصور اديرلهم في لقطات جرئه وعبدو عاجبه الوضع وروعه ترررجف بين ايديه ، وحتى بعد جت بتعارض عبدو دار اللي في راسه وصور اكثر من كذا لقطه ووحده من الصور طلب البنت تاخذها وهو يبوس في روعه من شفايفها روعه بترفض ،
عبدو قال : رووووعه ،، بلاش اعناد انا زوووجك توا ،
روعه : ب بب بس ..
المصوراتيه حبت تخفف التوتر بين العرسان وقالت : عادي بوسها علي خدها ،
وروعه قبل بكت رسمي وعبدو قال : اوكي هي اللي تبوسني معناها ،
وبعد ايش اقنعت البنت روعه تنفذ وبعد قربت شفايفها من خد عبدو الرجولي لف عو فجاءة جت البوسه علي شفايفه 😘 والبنت لقطتها وروعه شهقت وجت بتطلع نين شد ذراعها عبدو
وهمسلها : بلاش دلع عااااااد ،، مافيها شي ،
روعه : بس مش قدام البنت عيب هكي ،
عبدو : اوكي أسف ،، بس غصبن عني والله معش قدرت نمنع روحي ، اتهبلي انتي 😍
روعه سكتت وهو يراضي فيها ويدلع فيها لعند هدت وطلعو مع بعضهم ،، لقيو الصبايا يرجن فيهم قدام باب الصالة جاته رقيه سلم عليها ورقيه حضنت بنتها اللي ساكته وبس واتشوف لامها بنظرة خوف واستجداء ،
رقيه : حبيبتي ردي بالك على نفسك وعلى زوجك واسمعي كلامو وماتخافي حبيبتي صلي مع زوجك وماتنسي انتي مو وحدك انتي معاك ربي ، اوكي ؟
روعه ولاااااا كلمة
ورقيه شافت لعبدو وقالت : عبدو ابني دير بالك عليها انا اعطيتك جوهرة وحافظ عليها ،
عبدو بضحة : في عيوني من جوا ،
ووددعوهم وطلعت روعه مع زوجها وكانت في عيون تشوفلها بقهر وقلة حيلة وندم 💔 عاد اكيد عرفتنه ؟ ماد الوجه ولا ؟ 😒 رواية للكاتبه Hamelo ،،
وركبت روعه في الكرسي القدامي وعبدو يدهل في باقي فيلوها تعتا ايعاني مش هو اللي اختاره !
وفراس كان واقف بسيارته بعيد وقلبه رسمي يوجع فيه وكان يبكي 💔 انصدمتن ؟ انا انصدمت الحق ، بعد نزلت من سيارته وشاف نظراتها ودموعها تاكد ان هو يحبها ، بس للاسف اعترف بعد فات الوقت وقعدت ملك شخص غيره ومش اي شخص رفيقه من الطفولة ، 💔
ولع فراس سيارته وطلع بيها يجري متضايق مغموم قلبه ينزف الم ووجع وندم ليش ما اعترف ؟ ليش ما قال لامه انه فعلا يبيعا وعاجبته ! ليش ما قال صاح نحبها ي يمي اخطبيها ليا قبل ماياخذها غيري ؟ ليش وليش وليش ؟
ايش ينفع توا ي شطور ؟ 🙄
وقعد يسوق لعند القي روحه طالع من البلاد وخاش علي مدينه ثانيه وبعد غبدلبه التعب والارهاق تكا علي اول فندق حجز وخش لغرفته يبكي ويخبط في صدره وكملها دخان يولع سبسي يكمله ويولع الثاني لعند طلع الصبح بهالحاله ربي يعينه 💔
اما عند روعه بعد ركبت مع عبدو وركب يسوق بنفسه طلع بيها لمزرعته الجديده وماخلا حد يلحقه الا مراد ومعاه شاب ثاني رفيق ،،
وطول الطريق مولع الاغاني ومعليهن ويغني معاهم وروعه ترررعش وترررجف قريب اطير من الرعب وخانقتها ريحته القوية في السيارة وهو ماسك يدعا وضاغط عليها بقوة ،
وصلوه لعند خش لمزرعته وروحو وهو اول ماوقف نزل من السيارة وا جيهتها فتح الباب وقال : نورتي حياتك الجديده ي روعه ، هيا ،
روعه نزلت رجليها وهو ساعدها شاد الفيلو وماسك يدها لعند خشو للفيلا وكانت حاجة تخبل زواق ايييش وديكورات ايييشواثاثا ايييش خبر يجلط جلط ❤
وحول البرنوس من عليها وحط ايديه في جيوب سرواله وهو يشوفلها باعجاب ورافع حاجب وروعه كتوترة وتلعب بيدها وكل ماتشوفه تلقاه يشوفلها
قالت بخجل : ش.. شنو ؟
عبدو قرب منها وشد ايديها برقة وبعدها بيده اليسار حاوط خصرها وروعه قريب ادوخ ،وهمسلها : مش مصدق انك بين ايديا وليا ،، معقولة كل هالجماااال والحلا ليا ي ناس ،
روعه بخجل : مم. م . مش نصلو ؟
عبدو : مممم اوكي تعالي نوريك دار النوم قبل ،
ومسكت في ذراعه ومشا بيها لدار النوم اللي كانت تجنن بيضا وحلوة ، والورغان احمر بلمعه وفيها فرش عالاحمر والبيج ،
ولقت علبة عالسرير استغربت روعه شن فيها ،
عبدو : توا نبيك تلبسي الهدية اللي في العلبة هذي ي قلبي باهي ؟
روعه : شن فيها ؟
عبدو : لبسة ونبيك تلبسيها حنمشي انشوف العشا نبرم عليه وانجيك ،
وطلع عبدو خش للمطبخ اللي يخبل انعنه مطبخي ومطبخ كل حبيب 😍 يجنن في كل تفاصيله ،، والقي الطاوله عليها العشا والعصاير والتورتا والفواكه وفتح ضفة دولاب طلع علبة صغيره فتحها وطلع منها شي بلعه ،
وشرب مية وبعدها خش القي روعه مازالت بالفيلو ومنصدمة ،
عبدو : كنك مازالتي ماغيرتي ؟
روعه برررعشه : انت شنو اللي جايبه هضا ؟
عبدو : شنو ؟
روعه قربت من العلبة اللي واضح انها فتختعا وطلعت اللي فيها ومسكت بيدها القمااش وقالت : شنووو هضا ؟ انت عارف شن جايبلي ؟
عبدو مسك القطعه من يدها ورفعها كانت عبارة عن لبسة سودا زي لبس عاهرات البارات شخشير لحمي انشبك للفخذه وكت عريااان نظام ستيان معاها قطعه يادوووب تغطيها او تسترها يعني خبر كله خيوط وقلوب وخلاص ،
عبدو : عادي شن فيها انا زوجك ونبي تشوفك لابسته ،
روعه : مستحيل مانقدرش ،، انا ..
ويدعس عليها من شعرها بقوة نين روعه عيطت بصدمة وقال عبدو بعصبية وااااضحة فجع بيها البنت ..
عبدو : لااااا ي روح امك انتي توا ليا وبين ايديا واي شي نطلبه منك تنفذيه كان مش برضاك يبقا غصبن عنك ، ونا من يوم شفتك ونا نرسم في الليلة هذي معاك كيف بنعيشها ،
روعه ماسكه ايديه وتبكي : ااااااا شعري حوووول يدك ي عبدوووو وجعتنيييي 😭
عبدو بابتسامه مستفزة وهو يشوفلها بشهوة : بس الوجع حلوووو بالذات لو معاااك اخخخخ بندير فيك شن مانبي،، شنو بتلبسيه والا لا ؟
روعه بعناد : مستحييييل وبعد عنيييي 😭
ويدعس عليها ويبوسها بقوووة آلمتها وروعه اتفرفش بين يديه وتخبط فيه ولااا اثرن ضرباتها فيه وماسيبها نين خلا شفايفها دم من قوة بوسته وبعدها
وقال : شههههد والا شنووو بس ، خلاااص يبقا انتي البي اخترتي ي روعه وماتلوميش عليا بعدها ،
وشالها بين ايديها وعزقها عالسرير اوجعت روعه وماجابت علم نين لقاته فوق منها مكتف ايديها بيد وحده وطلع مقص من درج الكوميدو اللي جنبه وبدا في فستانها قص وروعه تعييييييط 😭
واول ما بان عليه جسمها معش قدر يقاوم نزل فيها بوس بقوة وروعه اعياط وبكا وتتادي فيه وتجدا فيه وعبدو انعما عليها رسمي بدا يعرق ونبضات قلبه يدلفن بسرررعه وهجم علي روعه كأنه ذيب مفترس القي فريسه ضعيفة لا حول لعا ولا قوة نهشها بكل قسوة وقوة والم 💔
وروعه تحاول تبعده وكل ماتقاومه يضربها كف نين يطبع علي خدها وهي تفرفش معش فهمت شن يصير معاها وعبدو كل ماتقاومه يضربها علي وجهها علي افخاذها ومن كثر الضرب والانتهاك اللي صارلها استسلمت روعه لمغتصبها 💔،،
ايوا عبدو اغتصبها رغم انها حلاله بس هو كان ساااادي في معاملته عبدو هضا عيبه سادي وروعه كانت تجهل هالشي وماحد عنده علم بالهشي الا امه وباته بس ،
وماسيب روعه نين حس بنفوذه عليها وانها استسلمت ومعش قاوماته وبعد وقت طاح جنبها وكان داهش ومستمتع اما روعه اغمى عليها ،
معش تحملت الشي اللي صارلها والغطا اللي عالسرير كان معبا دم وروعه وسطه نضروبه واخدودها متورمات من قوة الضرب و....
صدمتكن ؟؟ بس هضا اللي صار ؟
توقعاتكن مليشيا شن بيصير قيها راقدة الريح اخرا 💔
#Hamelo ✒