عيلة_ليبية_مختلفة

3

الحلقة 3 من رواية #عيلة #ليبية #مختلفة

أية\\ههههه يناري اعليه مسكين الولد

أسيل\\سخفتي اعليه باين كلكم اغرمتو بيه

لبابة\\اقوا اعلينا ابدينا انغارو

أسيل\\ههههه اني غرت لا له بعدين مجرد اعجاب لا أكتر

أميرة\\بكل انتي ره امبكري قلتي ابديت انحبه وتوا اعجاب معاش فهمتك اني

لبابة\\خليها قاعدة دايخة

أسيل\\ووواك والله مخاطري فيها المحاضر

أية\\اتغير في الموضوع هههههههه

لبابة\\ماعندها وين هاربة ههههه

أسيل\\تي باهي ياسر

امشو لي الكفتيريا وقعمزو يفطرو فيها

أسيل\\اليوم عليا اني الفطور هي شن تبو

أية\\اممم اني مانحبش نفطر جيبيلي كابتشينو

أسيل\\اوكي وانتي

لبابة\\اني بريوشة هههههه

أسيل\\امررررك وانتي امورة

أميرة\\امممم الي بتاخديه

لبابة\\ههههههه حتى ابتاخد حاجة اقوا فاتتها

أسيل\\خزي اعليك من عيوني امورة

امشت اسيل

أسيل\\السلام عليكم عفوا نبي كابتشينو و 3 بريوش

.....\\اوكي

قعدت اسيل تراجي جاها نزار

نزار\\بخخخ

أسيل\\وووه اخلعتني مرض ماتقوليش شن تبي مني

نزار\\ماهو قتلك

أسيل\\واني قتلك لا

نزار\\سيروك واتقولي ايه

أسيل\\هاهاها فوتني

نزار\\لا

أسيل\\بالنقولك انت رقمك نهايته

نزار بضحكة خفيفة \\لا له

أسيل\\اممممم

نزار\\اعلاش في حد يضايق فيك

أسيل\\لالا شكرا

نزار\\عطيني الرقم

أسيل\\قتلك لا شكرا

نزار\\لا توا اعطيهولي الرقم

أسيل\\لو سمحت ماتضغطش اعليا انت من باش نعطيك

نزار\\.....

أسيل\\عفوا ترا شوية خلي ابنخطم

نزار\\شن اسمك

أسيل\\أسيل

نزار\\عاشة الاسامي واني نزار

أسيل عطاته نظرة حلوة و اتلفتت امشت

لبابة\\وين كنتي هدا كله

أسيل\\اهو جيتكم

أية\\الخدود حمر و متوترة وفرحانة

أسيل\\ههههههه هدا كله باين

أية\\ايه صح لبابة و اميرة وله

لبابة\\ادوي الي في راصك يدور

اميرة\\تي ادوي يابنت

أسيل\\هيا كولو المحاظرة قريب تبدا

البنات\\ماتهربيش

قعدت أسيل تتحكيلهم انجو لي نزار

نزار\\مراد مراد

مراد\\خيرك

نزار\\كلمتها

مراد\\وشن قتلك

نزار\\تبي الحق عنيدة :(

مراد\\هههههههه تعباتك هههههه اول مرة انشوف نزار مهزوم ومنين من بنت هههههه

نزار\\لالا هدي البنت غير غير

مراد\\اعلاش مصنعة من شي اخر ولا كيف

نزار\\ههههههه لا مش هكي

مراد\\قعمز سلم وليدي قعمز

نزار\\ماعندناش محاظرة وله

مراد\\ايه هي نطلعو انهيجو

نزار\\لا برا انت والجماعة اني فوتني مش فاضيلكم

مراد\\حتى الواحد بيفكر يحب كرهتني في الحب

نزار\\اعلاش

مراد\\الحب يربطك

نزار\\ههههههه باهي شن دخلك برا هيج واني مانيش ماشي

مراد\\ارقد مرقد جدي اقعد فيها هههههههههههههههههه

نزار\\غر راك اتقول بس

مراد\\عيب ره هي ماشي

نزار\\ماشي

امشي مراد و نزار قعد يراقب في أسيل من غير ماتندري

أسيل\\شكله روح وله

لبابة\\هههههه شكله

اميرة\\اوووومة البنت ابدت اتحب عن جد

أسيل\\هههههه تي مافيش منها الدوة

أية\\ياسرك كدب على روحك

أسيل\\اما حب بالله اعليك امالا مع ماما

أية\\ارقدي وانتي ديمة امسكرتيها

أسيل\\والله حسني بنرقد

خشو للمحاظرة و قعدو دورة دورة يضحكو على الدكتور وبعدين طلعو

وكل واحد روح لي حوشه

أسيل\\السلام عليكم

نورس\\اهلين بنيتي وعليكم السلام

حناها\\اهلين اسولتي كيف حالك اليوم باهي

أسيل\\باهي الحمدالله اني بالنخش انبدل

نورس\\واتعالي حطي معاي الغدي

أسيل\\به

خشت أسيل لي دارها و سكرتها وكيف بالتعير حوايجها جتها رسالة من نزار مكتوب فيها (وصلتي بالسلامة <3 <3 )

أسيل\\ياهمي الابيض اني من هدا (من انت؟؟؟؟؟)

نزار\\(نبي نتعرف اعليك)

أسيل\\(موقحك برا دور على من تلعب)

نزار\\(اني مانلعبش)

أسيل\\(اهااا باهي كويس ممكن تنساه الرقم لانة اني مانحبش الجو اهوا)

نزار\\(ان شاءالله)

أسيل\\(واضني عرفتك)

نزار\\(ههههه احم احم )

أسيل\\(شكارة فحم)

نزار\\(خبزة و لحم)

أسيل\\(ووووووك مبردك هي سلام)

نزار\\(عارف روحي سلام)

بدلت أسيل و صلت و طلعت لي امها و حناها امشت حطت هيا وامها الغدي و اتغدو و قامت اسيل المواعين غسلتهم و دارت شاهي و قهوة وقعمزت بحدا حناها و امها قعدو يهدرزو

حناها\\أسيل

أسيل\\نعم حنينة

حناها\\يابنيتي بعدين في ناس بي جوك

أسيل\\ومن هما

حناها\\خطابة خطابة

أسيل\\حناي اني مانبيش قوليلهم مافيش نصيب نبي انكمل قرايتي

نورس\\اي حتى اني قتلها حناك بس قتلي لا خلي البنت تاخد نصيبها

أسيل\\شن هوا بالسيف حناي اني نبي انكمل قرايتي بعدين انفكر فيه الموضوع اهوا

حناها\\باهي على كيفك بعدين خليك تظفري الشيب

أسيل\\اصلا اني شعري حلووووو مايطلعش شيب توا هههههه

حناها\\شن الشيب بالشين و الحلو

أسيل\\ههههههه يامن عاش حناي اني نبي انكمل قرايتي وقوليلهم هكي لاني مش حانطلع وسكرو ع الموضوع نبي نمشي نقرا اني

حناها\\0_0

نورس\\0_0

أسيل\\ههههههه

امشت اسيل قعدت تقرا و دايرة موبايلها مقفل باش مايضايقها حد لين كملت وفتحت الفيس قعدت تهدرز ببعدين فتحت فونها اول مافتحاته وصلوها 5 رسائل من نزار و 3 مكالمات

أسيل\\بسم الله هدا خيره شدها في جرتي تي من هوا ياربي

اول رسالة(الو شن جوك توا) تاني رسالة(خيرك مصكرة موبايلك) تالت رسالة(الووووو) رابع رسالة(خوفتيني اعليك شن في) خامس رسالة(بالله اعليك اول مابتفتحي كلميني ظروري)

أسيل\\تي هدا شنو معقولة مهمة عنده لي هدي الدرجة تي والله نحلف اعليه الا نزار هي نرن اعليه نشوفه شن يبي ونشوف صوته زي نزار ولا لا

ابدت تتصل أسيل لين رد اعليها

أسيل\\الو اهلا

نزار\\اهلين

أسيل\\شكلك كنت راقد

نزار\\ايه ايه ونظت ع صوتك الحلو

أسيل\\هيا بلا دوة شن تبيني في موضوع مهم بسرعة لاني ماعنديش وقت

نزار\\المهم اني الحق نحبك يابنت و مكبد اعليك هلباااا

أسيل\\....

نزار\\الووو تسمعي فيا

أسيل\\احم ايه ايه كمل

نزار\\المهم اني نزار ره

أسيل\\بالحقاا؟؟؟؟!!

نزار\\ايه

أسيل\\كيف عرفت رقمي

نزار\\مافيش حاجة تصعب اعليا

أسيل\\ههههه اصلا اني كنت شاكة انك انت

نزار\\المهم عندك ايميل

أسيل\\ايه

نزار\\اسم ايميلي هدا....

أسيل\\اوكي بس بالله معاش تتصل لانك بالتسببلي مشاكل هكي

نزار\\اه اسف لو كان سببتلك مشكلة

أسيل\\اوكي

ظافته أسيل و قعدو يتعرفو ع بعض و بعدين استأذنت منه و رقدت

تاني يوم الصبح

#يتبع.......

ان شاءالله اتكون عجبتكم يااااااااااااارب وبالله اعليكم نبي نطلب طلب صغيرون نبيكم اديرولي لايكات و تعليقات فضلا و ليس امرا #LOLO❤