#أجيال
الكَاتِبة هَامِي
الحلقه 28🔥
..................
اسامه ;; ساره في شي خوفتيني
طلع موقف اصعب مما گنت نتخيل قالگ توا نشجع ونحگي شّگلي رحت فيها
اسامه ; اذا مافي شي خشي على مطر توا
; لا في
أسامه ;; شّني شّگله شي مهم
;; لا شّي خلاص
جيت بنخش جا قدامي
اسامه وحط ايديه في جيوبه رفع حاجبه
يلا قولي مطر بدت تزيد
تلخبطت بگل ماعاد عرفت شن نقول
بإرتباگ وصوت متقاطع ;;
گككنت نحگي مع ايه على فون عرفت يعني هي قالتلي اني… ...
خلاص فوت
اسامه قعد يضحگ علي گيف مرتبگه ونلكلگ في حگي
استفزتني ضحگته
گنگ تضحگ
اسامه
اسف بس مفهمتش شي هههه
نبي نلم موقف
يعني هم يقولو اني متغيره انا فتره هذي وَحسِين بشي جديد بحياتي ،، انت محسيتش كيفهم يعني
اسامه ماسگ ضحگته
لا ابدآ سارو مافيك تغيير
انا بنفس الارتباگ قعدت نحگي ونأشر بإيدي،،
صح حتى انا قلت هگي يعني ماتغير في شي
بس تعرف قعدت نحس في حاجات غريبه زي ما ايه تحس لي سالم قصدي يعني مش انا لقلت هگي هي لقالتلي كنگ متغيره وهي گانت تبگي لانها تغار على سالم عرفت گيف
شفت اسامه ماسگ ضحگته
انا قهرني ردا واستفزازه لي حسيت اني انهنت وندمت اني طلعت اصلا عيوني تعبو دموع ;;
انسا گل لقلته اصلآ مش مهم
وجيت بنمشي مسگني من ايدي اثنين وهو ميت ضحگ علي
;; مفش حاجه تضحگ اطلقني نبي نخش
اسامه ;; يعني صعبه لدرجه تقولي انحبگ يا اسامه
بحتت فيه وعيني في عينه
لا منحبگش انت على فگره فهمت غلط
اسامه ;; فهمت غلط اهااا
وقعد يقلد في صوتي
بس تعرف قعدت نحس في حاجات غريبه زي ما ايه تحس لي سالم
قعدت نضرب فيه
بارد نگررررررهگ ليش درت هگي
اسامه ;; تي بطلي خلاص ههههه
درت هگ لأني نحب نستفزگ وانتي ترتبگي وبعدها تعصبي نحبگ ياعصبيه انتي انا نموت فيگ
نضرب فيه بإيدي على صدره
باارد قريب بگيت منگ مستفز
اسامه مبتسم
عمري انتي اني اخر انسان يخلي دموعگ ينزلو ،، يمگن ينزلو مني بس من الفرحه هههه
ابتسمت وتنهدت اول مره نحس براحه هذي
اسامه ;; يلا قوليلي توا اني قوتلگ اني نحبگ ومازال نحبگ متخفيش مانسيتگ بس خفت واني قوتلگ نگونو اصدقاء بس
خفت نرد نقولگ نحبگ انتي تصديني وتنهي صداقتگ وعلاقتگ بي زي قبل ،، بس لاحظت مع الوقت بديتي تتغيري في اسلوبگ معي قلت نشوف شن تقولي الاول گنت خايف اني نوهم روحي انگ حبيتيني وانتي لسگرتي راسگ انگ متحبنشّ ،،
رفع وجي بإيده
قوليلي انگ تحبيني زي مااني نحبگ
انا عيوني فيه نقرا في عيونه قبل حتى مايقول شي ،،
اسامه انا خايفه
اسامه;; من شّني
;;منگ ، نخاف بعد نحبگ انت تتغير علي وتطلب مني حاجات انا منقدرش عليهن لأني منحبش نتنازل نخاف من قصة انگ مش من قبيلتي انت غرباوي وانا شرقاويه نخاف من فارق العمر لي بينا وفارق تفگير وشخصيه نخاف من ردت فعل أهلي واهلگ بعد يعرفو ،،و نخاف ان يجي يوم وتعايرني بلي صار في امريگ.. ...
حط ايده على فمي
هسس خلاص متگملش،،
وعد مني ماحيسير گل لمخوفگ اني مستحيل نديرا ولا اصلآ اني هگي
ساره افهمي اني نحبگ انتي بگل شي فيگ وشي لي مو برضاك مستحيل نغيره فيگ
فرحني گلامه وذبت فيه اكثر واكثر
وبدون وعي،،
وبدون تفگير ،،
وبدون مبادئ ساره لي متقيده بيهن ولا عنادي لمتحكم في
حسيت روحي خلاص لو خبيتها اگثر من هگ نموت حسيت قلبي وفگري وجسمي وگل مافي ماعاد يتحمل گبر الإحساس لجواتي لازم نقولها خلاص،،،
نحبگ اسامه نحبببگ نحبگ موووووت
أسامه شفت في عيونه فرحه عمري ماشفتها شفته منصدم مني گيف قلتها له ولا امتا حبيته أسئله واااجد قريتهن في عيونه ،،
لأنه گان مازال تحت تأثير الصدمه قدرت نفگ روحي من ايديه وجريت للحوشّ خشّيت جوا وانا صوت قلبي وانفاسي ماهدن،، جريت للحمام نغسل وجي لي گان حامي مع ان لبسي خفيف وجو برا مصقع ومطر بس گانت عندي حراره غريبه في جسمي فتحت على ميه مصقعه وقعدت نغسل في وجي عشّان يبرد شوي شفت وجي في المرايه قعدت نضحگ فرحااانه وااجد وفرحتي وشعوري ماينوصفن ولا لقيت ليهن شّبه،،
طلعت لداري شّفت فوني گان مسج غرامي من حبيبي اسامه ،، ايوا حبيبي ليش مستغربين !!
أُحبكِ جِداً
وأعِرف أنْ الطَرِيق إلى المُستَحِيل طوِيلُ وأعرِف انكِ سِت نِسَاءُ وليس لدَي بَدِيلُ وأعرِف انْ زَمان الحنيِن انتهى وماَت الكلَُامُ الجَميلُ
ِّ فَماذَا اقوُل
أُحبِك جِداً
وأعرِف أَنِي أَعِيشُ بِمْنفه وأنتِي بِمْنفه
وَبيِني وَبينكِ رِيحُ وغيمُ وبَرقُ ورعَدٌ وثلَجٌ وناَرٌ
وأَعرِف انْ الوُصوُل لى عَينيكِ وَهمُ
وأَعرف انْ الوُصوُل إلى شَفتيِكي إنتحَارٌ
َويسعِدُنِي انْ أُمَزِق نَفسِي لأَجلكِ
ِ أَيتُها الّغاَليِه
وَلوُ خَيرونِي لَكررتُ حُبَكِي َ
للِمرَة الّثانيه
ِ أَيَا منْ غَزلتُِ قَمِيصكَ مِنْ ورقَات الّشجر
أَيا منْ حَميتُك بلَِصبرِ منْ قَطراتِ الَّمَطر
أُحبكِ جِداً
وأعرِف أنِي أُسافرُ فِي بحَرِ عَينيكِ دُونا يقِين وأتِرك عَقليِ وَرئِي وَأركِضُِ خَلفا جِنونِي
أَيا امرءةً تُمسِكْ العُمَر بيَن يدِيهَا سأَلتكِ بِالله لَا تترُكينِي
فمَاذا أقُولُ أناَ إِذا لمْ تكُونِي
أُحبكِ جِداً وجِداً وجِداً
وَأرفضُ مِن نارِ حُبكِ انْ أسَتقِيله
وهَل يَستطِيعُ المتُيم بلِعشْق ان يستقِيله ومَاهمنِي إن خَرجتُ مِن الحُبِ حيَا ومَاهمنيِ إن خَرجتُ قتِيله
اول ماگملت مسج مازلت عايشّه في جو الشّعر هو يرن رديت طوول طبعآ
اسامه ;; نحبگ نحبگ نحبگ
خجلت وقعدت مبتسمه وخلاص
اسامه ;; سااره
انا ;; نعم
اسامه ;; اگيد ماگونتش نحلم اني بگري صح ؟
;; لا مگنتشّ تحلم
اسامه ;; مازال عندي شگ عاوديها اخره ههه
;; أساااامه😑
أسامه يضحگ ;; اني الليله اسعد انسان في دنيا گلها ومش حنمشي للمستشفى نقولگ من توا تسهري معي لصبح
;; حاضر ،، اي اوامر اخره
اسامه ;; حبيبي متقولشّ اوامر
ضحگت
خلاص طلبات ههه ،، هگ اسمهن احلا ههه
اسامه ;; توا في وحده تحب حد وماتعرفش انها تحبه والله گل مانتفگر گيف گنتي مرتبگه وگلمه تطلع بلغصب منگ نموت ضحگ هههه
;; وانا شن عرفني شن يحسو ناس بعد يحبو علي اساس گل يوم نحب
اسامه ;; بس اني بعد حبيتگ گنت عارف
;; انت اگبر مني وتفهم في الحياه ياخبره
اسامه يضحگ
نحبگ يابنت هبلتيني وراگ
انا بدلع;;
اسامه
اسامه ;; عيونه
;; قولي نحبگ هلبه ههه زي قبل
اسامه ضحگ
نحبگ هلبه زي قبل
انا ;; يابارد مش هگي
زي قبل هذي نقصد بيها يعني تذگير مش دخلها لي في نص 😒
اسامه ;; عارف قصدگ بس نحب نستفزگ ونشوفگ معصبه هههه
نحببببگ هلبببه هلبااااااات
،،،............الكَاتِبة هَامِي......................
الأيام يمرن گل شّي تغير بسرعه مشّ بس انا ،،
مر الشّتاء بگل عواصفه وبحلوا وبمره
ومر شّهر اسرع من الخيال نفسه على علاقة الحب بيني وبين أسامه ،،
شّهر گان مليان مفاجأت علينا گلنا بِ لنسبه لي گنت في عالم أخر اول مره نخشّله ونعيشّه عالم خاص بي انا واسامه ❤
،،،،،،،،،،،،،
ساعه 5بعد العصر
دوشّت ونشّفت شّعري ،، لبست فستان بسيط گان ازرق فاتح مخطط بي أبيض بدون أگمام وطويل ،،
استشّورت شّعري وحطيت لمسات خفيفه
فتحت درج زيانه طلعت اگسسوراتي لبستهن ومن بينهن انسياله هداها لي اسامه عليها اسمه بلإنقلش،،
رفعتها بسته
نجگ لي وخلاص ❤😍
رن جرص لبست جاگه وفتحت باب
سهام ومعها بنات
وهي تسلم علي
اوو على الأناقه توا طالعه ولا مازلتي
;; لا خلاص گملت خشّي جوا شّوفي شغلگ عد ههه
سهام تسلح في عبايتها
حاسه روحي شغاله لتجيبو فيها مرتين في الأسبوع تنظفلگم وتطيب ههه
;; حشّاگ ياحنه
شن ديري اذا ماما مسگره راسها وقعدت في شقه مع سالم ما لنا الا انتي
سهام ;; واخرتا يعني لها شهر مسيبه حوشّها وانتي اغلب الوقت وحدگ وباتگ طوول نهار وليل مشغوول
خذيت شّنطتي ;;
والله ملييييت وانا نرد فيهم ،، خلهم توا براحتهم
سهام ;; شّگلگ تبي تطلعي توا
;; اها تأخرت توا هبه تزعل هي من غادي انخطبت بلغصب المسگينه تبينا معها في يوم گيف هضا
سهام ;; ربي يگون في عونها
سهام عينها على انسياله لي لبستها
وووين على الحب قعد علني اسم اسامه توا ههه
;; ههههه
نجا لي ياخيه نحبه انا❤
سهام ;; ربي يدوم المحبه والله اسامه مافي منه اثنين ،،
قوليلي شن نطيبلگم
;; ماتفرقشّ ياسوسو عرفتني اغلب يومي برا انتي طيبي حاجات ليحبهن بابا وحطيهن في ثلاجه
سهام ;; على اساس هو ليقعد هنا
;; يلا انا طالعه اوگي
رگبت سيارتي ورن فوني
اسامه ;; حبيبي طلعتي ولا مازال
;; توا طالعه ،، انت مازلت في العياده
اسامه ;; اها عندي شّغل ومعي رانيا تسلم عليگ
;; سلملي عليها
حبيبي نسوق توا لازم نسگر
نحبببگ
اسامه ;; واني نحبگ هلبه
ردي بالگ علي روحگ
،،،،،،،،،،،،،،
اليوم بيان هبه وگان عائلي بس گلمتنا طبعآ لأنه اقرب صحبات لها ولأنه عائلي دارو في الحوشّ ،،،
خشّيت الحوشّ وگان مليان صبايا
لقيت بنات سلمت عليهن
;; باهي لحقت قبل ماتجي هبه
ايه ;; من بدري گلمتگ قلتيلي قريب نطلع
;; جتني سهام وسيبتها في الحوش
دنيا ;; شّن اخبار اسامه
;; تمام ،، لاهي توا فتح العياده وبدري گلمني قالي معي رانيا
ايه ;; معنها قريب تطلبوها لي هشام
;; انتي عارفه ظروفنا توا گل حد في مگان مازال ماعد فتحنا موضوع هضا
دنيا ;; وانتي يا ايه شّن اخبار سالم
ايه ;; الحمدالله بخير ،،
دنيا عارفتگ زعلانه مني بس والله ماقصدي نخبي عليگ
دنيا ;; يعني گان مافتشّت فونگ بصدفه وشفت رقمه ما گنت عرفت
ايه ;; موضوع حگيته لگ من الاول ومازال تحاسبي في اخره
دنيا ;; مانحسبش فيگ هي حياتگ وانتي حره فيها ،،
واصحگ تفگري اني غايره منگم ولا سالم يعنيلي شي انا بس توقعتگ اي شي تحگي لي عادي بس طلعت اخر من يعلم وانتي وساره مخططات لگل شي
;; شّن مخططات ،، مسگينه عاشت اصعب ايام حياتها وانتي مفگرتيها تتأمر عليگ والله سالم ماگان يعرفها هيا من
حتى لما خذا منها رقم ،،
هي لضعفت وقالتله من گم يوم گل شي وانا وقفت معها وشرحت لي سالم لي صار لأني عارفتها تحبه هو بس ومافي حد ثاني في حياته
دنيا بإستهزاء ;;
شّنو مافي حد ثاني في حياتها ،، نفهمها تعزيق دوا علي ،،؟
;; بجد انتي صايره لا تطاقي بلمره خلي عندگ ثقه في نفسگ شوي،،
هبه جت وگانت طالعه تهبل ❤
بس باين من عيونها الحزن لا ضحگت ولا ابتسمت
قعدنا جنبها نبو نغيرو جوها شوي
ايه ;; تي يلا ديرن جو وحده من شله تبي تجوز هههه
;; حطي اغاني حلوه خلنا نرقصو
دنيا ;; هههه رقص خله شورگ انتي استاذه فيه
گلنا ;; هههههه
رقصنا لعبنا وضحگنا غيرنا جونه بس ماتغير جو هبه
وبعد لبست دبله دمعتها نزلت
ماگانت تتخيل انها تلبس دبله راجل اخر غير منتصر گل تجهيزات گانت تحلم بيهن معه وگانت تمنه لو هو خانها او گذب عليها زي ما اغلب شّباب هگ،،
بس هو عند اخر لحظه گان صادق معها ومتمسگ بيها صح ما گان عندا اراده يتعالج بس ماوعدهش انه يتعالج حطها في الأمر الواقع ،،
وگان تبريرا ان هذا شّي مش بإيده يمگن مع الوقت نتعالج بس گوني جنبي ولي انا ،،
ايه ;; منسمعشّ فيگ من صوت منظومه
سالم ;; اطلعي انا برا
ايه ;; هييي😳 سالم مستحيل گان شّافني حد
سالم ;; تي مافي حد غير اطلعي ولا نجيگ بسرعه يلاااا
- گنت نحگي مع اسامه سگرت
دنيا ;; گملتي الحب متاعگ ههه
انا ضحگت
گل شوي يگلم في وهو على اساس عندا شغل ههه
دنيا ;; سارو ممگن فونگ شوي نبي نطمن ماما علي وانا فوني طفي شحن من گثر ماصورت ودرت مقاطع توا هههه
;; اگيد حبيبتي خوذي راحتگ انا ماشيه ل هبه
عطيتها فوني ومشّيت لِ هبه
#يتبع
ﺁﺭﺁﺋﮕﻢ ﻭﺗﻌﻠﻴﻘﺂﺗﻜﻢ ﺗﻬﻤﻨﮯ
نبي تفاعل عليها لأنكم طلبتوا نكملها مش مشاهدة بصمت 🔥 ولا بنوقفها