" بقلمي نجم اليل "
#عشقت رجلاً متزوح
البارت 21 الجزء الثاني💕
كلي حبي الك مااتت..
كلي نعود هي هات...
بس تنسى حرامات عشرتنه سويه..
اناسويتلك كول..وانت سويت اليه
نطيتك كلب ورح وانت تنطي بيه..
اسكت عيني فدوة كلامك صار اذيه..
بس الزم السانك لاتحجي عليه..
البيناتنه صار صار من اغلا السرار
وانت تكوله لناس واني خطيه💔
موتني بالبعاد اكيد بحبك عناد
لا مخليلي بزاد ولا هذا السمعته😥
عليه دكول مو زين غلطه من عرفتك..
ماينجرع مر حيل بالكوه جرعته..
حاير بيش ادوي كلبي الي كسرته💔
ع الهم والجروح عسها بختك انت😔
شفت بحبك سنين يال مشفته العين💔
يعني اني مو زين..يعني مو حبيبك😔💔
جنت عني اذا تغيب شوك الحب يجيبك
وذا صابتي الهمهم هم تصيبك
يكلبي بعد جوز لا تعاتب نصيبك💔😔
حتى اعدائك وياك ارحم من حبيبك
البيناتنه صار صار من اغلا السرار
وانت تكوله لناس وني خطيه😥💔
كولي حبي الك مااااات..كولي نعوووود هيهاااات
بس تنسى حرااااماات عشرتنه سوووويه💔
انااااا سووويتلك كوووووول وانت سووويت اليه
نطيتك كلبي ورح وانت تنطي بيه😔
حنين...خلصت الاغنيه جنت احس وي كل كلمه ينغرز كلبي بسهم وراساً سمعت صوت امي تعيط عليه رحت عليها ركض
ام حنين...ساعة السودة من جابلج ابوج تلفون الف ساعه سودة حسي راح وانتي متردين
24ساعه حطه هل سماعات
حنين...سكتت ومحجيت وعضيت شفتي بقهر وخرت المبايل والسماعات ونطيته الها بعصبيه
وكتلها
حنين...اخذذي والله بعد ولا الزمه
هي اخذته بعصبيه وكملت شغلي وياها وخلصت رحت لفيت راسي ونمت مع انو اكره نومت الضهر
بس هي الشي الوحيد للهروب من واقعي الي صارله 3 سنين اي 3سنين بعده ذاك اليوم المشؤم
اذكر كل تفاصيله بعد مكالي حجيه المسموم اجت مريم صاحتني كالت ابوي اجه ياخذنه محجه
بقيت صافنه وممستوعبه كلامه كان كلامه كلش جارح رحت وصدمه بعدها بيه اذكر ابويه سلم عليه واني مرديت بس هزيت راسي ونزلت دمعتي
صعدنه ودموعي تنزل عبالهم ابجي ع المات وصلنه للبيت ودموعي تنزل بدون توقف رحت ركضت وتمددت ع وجهي وابجي بحركه واذكر كل كلمه وكلبي ينغزني اكثر كلماته جانن مثل قطر التيزاب الي تنقط ع القلب
والكل راح للفتحه اني مرحت ومقبلو من صدمتي رجعت علي لا احجي ولا شي بوقتها ضلت مريم وعمتي وحدة ممزوجه ضلن وياي جان يوم اسود اسواء يوم مر عليه وجنت متمدده وابجي وذكرت كلشي
اخذت ملابسي كلها الي حضني بيها ورميتهن بالحوش وحركتهن بس جانت صرخاتي متطلع لان راح صوتي وكلشي راح عمتي ومريم ركضن عليه وخرني وكامن يقرن عليه رحت للحمام رميت ملابسي الي لابستهن
سبحت فركت كل جسمي اريد اوخر كلشي منه ماريده بعد لو يصغونه ذهب بجيت وختلطت دموعي وي المي طلعت شكيت ملابسي الي جنت لابستهن ومريم وعمتي دكن ع ابويه وامي
عفتهن بوسط صدمتهن ورحت لفيت راسي بس مانمت جانن دموعي ينزلن باستمرار دمعتي حاره ع حالي ذكرت كل لحضه جنت ازيد بالبجي من اذكر جان سؤالي فقط ليش هيج سوه لعد شلون جان هيج يسوي
ماكدر اوصف حساسي بذيج الحضه اجوي اهلي وابوي اخذني لدكتور كلش مصخنه نطاني علاج ورجعت لفيت راسي كمت ارجف جوه الفراش امي كلش خافت وتمددت ويايه حضنتها حيل ردت اكسر ضلوعها شكد محضنتها قوي وابجي
وشهكاتي داخلي ميطلع اي صوت ميطلع شي غير الدموع صرخاتي تمت بداخلي اااخخخخ شكد اني غبيه وشلون عترفت شلون فكرت بي غبيه روحه مارحت عليهم بعد امي ومريم راحن اني رفضت وصياح اني وامي وابوي كال خليها
جانن من يجن يكولن الكل يسأل عليج اني ماهتم حتى عمتي من اسير تعاتبني بس قررت بعد ماروح ولا اريد اشوفه شفته كم مره بسوك بصدفه بس جاهلته ولا حطيت وجه بوجهي وسلام مسلمت بس مندنكه 3 سنوات ماتبعت مسلسل ولا فلم
صرت 18 سنه صار الكل يكول المعقده وكلام تافه هواي كمت اكتم كلشي بداخلي احس مجموعه عواصف داخلي سكوتي يدل ع هدوء ماقبل العاصفه بوجها منو راح تنفجر هل عاصفه الله واعلم
ام حنين...لججج يلا امشي
حنين...اي لحضه
بدلت ورحنه اني وامي وابوي لبيت خالي ومريم مريم جانت دائما تريد تعرف شي بس كتمت كلشي بداخلي وهي مشاء الله زوجت هي وساهر تتوج حبهم بزواج سعيد كلش فرحت الهم كان خروج مريم من البيت
اثر بيه كلش بعد ويامن اتعارك ويامن اكعد ويامن اعكر مزاجه بيومها حقدت ع ساهر لان اخذ مني اختي ندى اخخخخ ياندى كرهت حالي لان حطيت عيني ع حلالها جنت دائما اكره الطرف الثالث بس اتضح انو اني الحقيره هي الطرف الثالث
لبست ومشينه ورحنه استقبلونه كعدنه ضيفونه ومرت خالي كلتلي روحي عند سجى سجى كاعده ع التلفزيون ع الفلم هزيت راسي بلا عاد امي حجت
ام حنين...شوفي المبايل مشوفينه خاف عبالج
حنين...كلش عصبت ونقهرت وكتلها
حنين...ماريده والله والله ماريده بس محرم الزمه
كمت ابجي وعفتهن رحت بغرفه مريم وساهر كعدت ع التخت كرفصت حضنت رجليه وابجي وين ماروح ناس تعيرني ابواع تلفزيون يعيروني
ام التلفزيونات بطلت وتعقدت حياتي بسبب كلامهم جابلي ابويه مبايل كامو يحجون ام المبايلات وسماعات بقيت ابجي والغرفه بارده
وبخار من اتنفس يطلع اجت مريم وسدت الباب
كعدت يمي وحطت ايدها ع ظهري مسحته وكالت شكو اني حضنتها بقوة وكمت ابجي واشهك واصرخ بحضنها
حنين...تععببت مررريم والله تعبت وبروح ابويه تعبت حاربوني ع التلفزيون وهسا ع هاي
هي نصدمت من رد فعلي وحضنتني وكامت تقرة عليه ايات شويه هديت بقت شهكاتي ضلت تمسح ع ضهري ورفعت راسي مسحت دموعي وكالت هسا اني احجي وي امي
صاحت امي وجت ومريم حجت عليها كلتلهة حرام عليج هيج سون بيها هي حتى مكالت ع المبايل ليش هيج
امي بجت وكامت تحجي
ام حنين...لج تعبت وتعبتني اني افرح هيج ياهو اليجي يحجي عليها وهي مدري شبيها صار كم سنه مخذه عزله تعرفين اختج
مريم صدت عليه سألتني كتلها ماكو شي والله وجت امي حضنتني وبوستني ونطتني المبايل كتلها ماخذه حرمت كالت نجبي كتلها لعد اصوم 3 ايام عفتنه وحدنه اني ومريم ومريم نطتني حلوات
نساتل وعصير دالي اكلت شويه والعصير لنص وتركته هي سالتي ليش مكملت كتلها ماريد هي
هم حجت عليه وكالت صايره جلد وعظم شبيج احجيلي اني مو اختج
هزيت راسي بلا وكتلها ماكو شي والله وكمت اني ومشاعري الميته والبارده وياي رحت ع سجى كعدنه وبدينه نلعب بيضه مثل قبل بس اني مالي اي حس العب فقط وكأني اوسيهم فقط وباليل رجعنه ورحت فرشت فراشي
وحدي والغرفه بارده وبس اني وعمتي هي تباوع مسلسل واني لازمه مبايلي وحطه سماعاتي وصافنه الى ان كمت انعس ونمت والغنيه بأذني كعدت نص اليل كعدت جان صوت الرعد والهوى البارد وي قطرات المطر والغرفه بارده خاليه من المشاعر
رتجيت ع الحايط ونزلت دمعتي لحد هذا اليوم سؤالي بس ليش 3 سنوات واني مثل توقيت كل مره ابجي بمثل هل وقت تعقدت وتعقدت حياتي
حضنت رجليه وخليت راسي ع صفحه وابجي بهدوء
لحد اذان الفجر كمت غسلت وصليت ورجعت تمددت بفراشي نمت مكعدت لساعه 10 وهم بعدني نعسانه...
رحت صبيت كوب جاي واخذت ثنين جبن مثلث ولفيتهن بصمونه وبديت اكل وحطه سماعاتي
خلصت غسلت الكلاص رحت ساعدت امي شويه
جان الجوووو باااارد كلشششششش بس داخلي براكين من النار حتى هذا البرد ميطفي او يهدي شي بداخلي
بعدها ندك الباب امي كالت روحي افتحي رحت كلت منو جان يكول
محمود...افتحو الخره
اني شمأزيت من كلامه هذا عم ابويه فد واحد هتلي وملتهف ومتخلف وكلامه كله هيج فتحت الباب ونطيته نظره وحده اشمزأز هو فاتح عيونه وباوع يمين يسار وكال
محمود...ابوج ابن الكلب وينه
اني جاوبته بنفوذ صبر
حنين...مو هنا
محمود...ادري وينه شبيج مطفيه ولا دكول عايشه وياهم
دفعني من كتفي عصبت كلش وكتله بعد معليت صوتي وبحقد
حنين...مو هنا وماعرف وين تريد دك علي
هو لزمني من ركبتي وكال
محمود...صوتج لا يعلى بنت الكلب
حنين...اييي وخر
دفعت ايده ورحت فتت شكد اكرها غثيث هو وبو المحل البسطيه فد نذال لدرجه فتت ومي كالت منو
وجاوبتها بنفوذ صبر
حنين...لهمود
ام حنين...عييب شبيج
حنين....يووو انتو كلشي عيب هسا شكلنه فوك مدلعنه
دنحجي اني وامي كال اريد مي بصياح امي اشرتلي اوديله رحت اخذت سم نطيته اريد امشي كال هاج اخذتها ولوه ايدي وره ضهري وجرني علي نصدمت من السواه كمت اريد افلت ايدي
مكدر وهو حط ايدي ع بطني كمت ارفس
حنين...هاي شبيك وخر والله اعيط
هو كال بهمس يم اذني
محمود...عادي صيحي
حسيته يستفزني كمت وصرخت بتحدي هو تركني وراح نصدم اجت امي كالت شكو كتلها شفت حشره بالمي هي غمتني وتركتني بصدمتي من الي سوه
الله ياخذه هل قذر شلون هيج يسوي حسيت حالي عطبت اريد اخنكه هل كلب رحت بسرعه طلعتلي ملابس وذني شمزيت منهن كمت شكيتهن كلهن حتى الداخليات شكيتهن ورحت نطيتهن لامي و امي سألتني كتلها جزعت منهن
هي باوعتلي بشك خفت من نظراتها وتجهلتها وتركتها عود ضايجه بقيت افور شلون هل كلب هيج يسوي الله ياخذه كون الله يسود وجها فوك هل سواد هذا بقيت اكل بروحي كمت صليت ركعتين بقيت كاعده ع المصلايه وذاكرتي راحت ع ذاك اليوم
بعرس مريم جان الكل فرحان وعزمو شكد ومن بينهم هناك شفت ندى سلمت عليها وضلت تعاتبني ليش متجين وتسألني ع الفلام واني اجوبها ماتبع ومدري هي ستغربت وكمت منها رحت بالمطبخ
مع انو جان الكل فرحان ويضحكون ويركصون رحت هناك رتجيت ع سنك وبجيت اسمع صوت احد يكول بسسس بصوت بزون ضجت ورحت مبوعت ومدري منو مسحت دموعي ورحت وبعدين دزني اجيب مي من المطبخ رحت
وهم حطيت مي خلصت داريد اروح وهم رجعت مثل الحركه بس بصوت بزون مهتمت ودامشي حست احد لزم ايدي باوعت شفته اي هوا راساً نزلت راسي وتركته ورحت اركض بعدها رحت ع ندى كتلها ندى يريدج بالمطبخ هي كالت منو محمد هزيت راسي وعفتها... وصحت من الموقف
بوعت ع محيطي فارغ كلشي ماكو ملل وضوجه ماعرف وين اروح طلعت رحت اخذت ملابس وصخه ورحت غسلتها واني حاطه سماعاتي
خلصت رحت ع ملابسي الي بالكنتور كعدت اسفط بيهن خلصت وضهري احسه يوجعني
رحت حطيت مبايلي ع الشحن ورحت ساعدت امي بالعشه خلصنه وتعشينه غسلت المواعين اني وعمتي رحنه ع الغرفه وهي فتحت التلفزيون واني بسماعات والعاب شويه ودكت عمتي رنا عليه دكت فيديو ضلت محتاره فتحت سلمت عليها وراساً نطيته لعمتي بقن يحجن وديته ع امي ضلن يحجن هي وامي اني رحت شربت مي ورحت حتجيت حمام
جيت لكيت امي مخلصه وكالتلي
ام حنين...ماما عود كولي لعمتج بعد باجر نروح ع رنا
حنين...اي بس اني ماروح
ام حنين...ترحين خوش عمتج تريد تصبغ البيت وشغل هواي
حنين...مشاء الله واني شلكيتوني
امي طبطبت ع الجربايه بمكان بصفها وكالت بحنيه
ام حنين...تعاي ماما هنا
رحت كعدت يمها وهي حطت ايدها وره ضهري وكالت
ام حنين...ماما حنين شبيج شكو منو وياج وليش ماتردين بيت عمتج شكو احجيلي
حسيت كوه لازمه عبرتي حجيت الها بصوت مخنوك
حنين...ماما عفيه ماريد اروح
كلت هيج وجريت حسره هي كالت
ام حنين...يمه لويش هل حسرة كوليلي شنو السبب
اني بجيت بعبره وحضنت امي وكمت اشهك واكوللها
حنين...ماما مكدر احس ضايجه مخنوكه ماريد شي والله ماريد احس تعبت
كتلها هيج وجريت حسرة وي شهكه شكبرها هي حضنتني وكامت تقره عليه هديت شويه وهي رفعت راسي ومسحت دموعي وكلتلي
ام حنين...ماما سمي بسم الله وتعوذي الشيطان وصلي هذا كله لان 24 ساعه حاطه سماعاتج واغنيج تركع ميصير هيج ماما اقري قران صلي
اسمعي قران يريحج وعمتج هي وصتني دكول خلي تجي لازعل عليها ميصير ماما وهناك من تروحين
تروح الضوجه وتتونسين
حنين...ماما ماكدر والله (بعبرة)
ام حنين...بنيتي بعدين عمتج دكول لبوج ميصير عيب روحي وحنه منطول اكثر من 3 ايام ونرجع
هزيت راسي باي وكمت واني خنكتي بعدها بداخلي حضنتني وستني اخذت طاقه سلبيه مني بس تريدني اروح ومكدر دكلي تتونسين وماتدري هي كل خنكتي هناك كلشي بده ونتهى هناك
حسيت بخوف ورعب ورجفه بكلبي رحت كلت لعمتي وتمددت بفراشي وشغلت اغننيي الحزينه هي بس التواسيني وتعبر عليه بعدين دخلت ع اليوتيوب شغلت قران حسيت نفسي رتاحيت
بعدها بقيت افكر وكلت اني ليش اخاف هو طلع ميحبني وصار لسالفه هواي اكيد نسى وشوكت اني اتهرب جنت مافهم وهسا عقلت واذا اكو احد غلط فهو نفسه هو مجان المفروض هيج يسوي
بقيت احجي بيني وبين نفسي ساعه اعتبه واحط الوم بي وساعه احط الوم بيه شويه وجتني رساله من رقم غريب مكتوب هلاو .... عقدت حواجبي منو هذا رحت فوك ع الثلث نقط
اريد ادوس ع حظر جتني انوب رساله....
يتبع..
لا تنسون التصويت وكثرو من تعليقاتكم الحلوة😍
ولا تحكمون ع القصه من بدايتها..
والي مو عاجبه القصه يكدر يخرج باحترام مثل مادخل باحترام💕 لان عند الرحيل حلو الانسان يخلي بصمه حلوة⚘
واسف عالتأخير بس مجان اكو نت☹💔
المهم صوتو اريد اشوف تفاعلكم💕
وغلسو😂😂
الى القاء نجومي☆💜