صعدت كلت الاحمد احجي ويا وابجي
اماني : احمد اني نتهيت والله تعبت تعبت ابن عمي نهه عليه 😭😭
احمد : شنو خرب ولج احنه وين كاعدين بيا عصر 💔يعني شنو اماني خسرتج موكتلج خل اجي اخطبج انعل ابو غضب شبي ابوج ميسوي شي خسرتج اماني كلبي ملكتي حياتي وعفتيني اماني خل اجي اخطبج انه الزلمه نزلت دموعي عليج حسي بيه الله يخليج اقنعي ابوج يلغي النهوه
اماني : وشدكول البويه واني ناهي عليه ابن عمي 💔😭
احمد : اكله لو تنطوني رويحتي لواكتل روحي والله 💔
اماني : احمد اذا سويت شي بروحك صدك اكتل روحي 💔
احمد : اماني نطيتني وعد متعوفيني اني بلياج ماعيش اموت والله
اماني : وعد ماعوفك واكيد راح يشيل نهوة وغصبن عنه يشيلهه 😭
احمد : اماني لاتبجين و الله كل دمعه منج يحركن كلبي
اماني : ماشي احبك 💔و الله
احمد : هفففف يالله
اماني : بقينه نحجي ونبجي وساعه نذكر ونضحك وهوا يكول والله لوصرتي اليه اريد 7 اطفال وبقينه نضحك ونحجي
كعدت صبح نزلت رحت بابا كتله صباح الخير
مارد كتله بابا فدوه احجي وياي
كال اني ماربيتج حته تجاوزين عل اكبر منج كتله اسفه 😭وبقيت ابجي
حضني كال لاتبجين كتله فدوه بابا كول غضب يشيل نهوة ماريده فدوا اذا تعزني وتحبني كله يشيل نهوة عني فدوه بابا
كال كافي بويه لاتبجين يجرالج كتله يعني راح تخلي يشيلهه كال انشاء الله بسته وضحكت كال يله كومي اكلي كمت اكلت وصعدت
مشه روتين اليوم عادي
بابا اتصل عله غضب بليل واجه
كله موهيج تنحل شيل نهوة عليهه وجان ابو غضب ويا
وكله خل ابنك يعوف عقله براسه ولايخرب الاخوه ويشل نهوة عن اماني
غضب : وكفت وكتله عمي و الله لو تنكلب دنيه ماشيلهه اماني الي يعني الي اماني نهوتي داتفهموني
ابو اماني : تخسه يغضب صيح بيتي وعليه اطلع بره بساع بصياح
ابو غضب : غضب لاصيح عله عمك خويه فهد هدي تدري بناتنه ميرحن للغريب للولد عم و اماني رايدهه الابني
ابو اماني : بس بتي متريده وماكدر اجبرهه
غضب : شوف عمي نهوة ماشيلهه وازوجهه الاماني وعن قريب هم طلعت وعفتهم
اماني : سمعت صياح غضب كله ركضت فوك ابجي وادعي علي الله ياخذك ياحقير يانذل وابجي
نزلت كتله بابا وين وعدك اليه والله اكتل روحي
ابو اماني : امااااااااني حترمي ولاصيحين صعدي فوك بساااع
اماني : صعدت فوك كلت خلص نتهيت بس والله يا غضب اله اخلي حياتك سوده والله انتقم منكم واحد واحد تريدني زوجه الك مو بس غصبن عنك تشيل نهوة
مشت الايام وعلاقتي باحمد مستمره
صار زواج سلام ابن عمي واليوم حنه وكالو حنه بيت غضب
اماني : اليوم حنه سلام
رحنه بيت عمي ابو غضب اخذت ملابس لي شتريتهن للحنه فستان قصير اسود وحذاء كعب اسود لامع
رحنه صبح فتنه للبيت سلمنه واجت فاطمه بنت عمي ظلعتي ❤
اني فاطمه عمري ١٦ سنه حنطاويه عدي غمازات طولي ١٥٥ وزني ٤٨ تاركه دراسه /
اماني : فوفو خل اصعد غرفتج
فاطمه : اي يله
اماني : فاطمه شلون بيه واخوج لي مايقبل يشيل نهوة 😭كمت ابجي
فاطمه : اووف شبيدي عليج اكلج واحمد شراح يسوي
اماني : اووف لج ميت قهر وجاي يموت حته اكل مياكل وبس يبجي تعبت والله
فاطمه : لج اووف كافي بجي نشوف شيصير حاولي وي غضب احجي ويا وبلكي يقنع
اماني : هيج رئيج احجي ويا
فاطمه : اي احجي ويا وبلكي يعوفج بحالج والله انتي اختي واتمنالج ليسعدج
اماني : حبيبتي والله حته مالي واهس
فاطمه : شنو شنو لج بدلي ونزلي تره لحنه باجر عله فكره
اماني : شنو لج عبالي اليوم حته جبت هدوم حنه وعرس وتراك واحد
فاطمه : لج غبيه وين بالج باجر اليوم يجن عماتي وخطار وهوسه وتعبت تدرين بعد
اماني : اي راح ابدل وانزل
فاطمه : اوكي يله رايحه اني
نزلت فاطمه وبدلت لبست تراك اصفر وفتحت شعري ونزلت وكلهه كاعده بصاله ورحت وشفت غضب كاعد وياهم خزرته ورحت كعدت يم سلام بصفه حته اغيض الغضب 😅
اماني : اي سلام مبروك عليك حبيبت لكلب
سلام : احم ويبارك بيج
اماني : شبيك مستحي يول ابو لسان وينو لسانك
سلام : لج خبله مامستحي
اماني : ههههههههاي والله غبي
سلام : صوتج احسن ما تنكتلين
اماني : عليت صوتي وكتله والله ماعاش لي يمد ايده عليه ابن امه لي يمد ايده عليه
سلام : اوو طلعت عظلاتهه علينه
اماني : ضحكو وضلينه نحشش ونضحك غضب بس يباوع ويخزر بعيونه واردله لخزره 😒والعب بشعري شلت شعري خليته عله جتف سلام 😂😂😂اسود وبي شكار مايل وطويل حيل
سلام : اووف شهل عطر ولج شعرج حلو لاتلعبين بي
اماني : كله كدامك 😉
غضب صاح سلام كوم اطلع بره نغسل سياره (شتغلت الغيره)
اماني : احم اشم ريحه حرك 😌
غضب : يله سلامممممم
سلام : اوكي يله امري لله
صدك هنا ضحكت ضحكه بصوت وهوا دار وجهه وخنزر
صعدت فوك احجي وي حبيبي حمودي كتله اني بيت غضب وعصب وضل يغلط ويصيح وتعاركنه
وضجت حيل شويه ورجع اتصل وكال والله موقصدي بس لغيره شعلت بيه ونبي ضليت مطنكره علي وبعدين صالحنه
وهنا نفتح باب غرفه وفات غضب وكع جهاز من ايدي بساع شلته وقفلته هوا واكف عل يم باب وسد باب وفات
كتله خير شكو افتح باب يله واطلع منا بساع
اجه يمي ورجعت اليوره كتله شتريد مني اعوفني كال اشششششش احسن ماسوي شي اتندم علي
اماني : شتريد سوي سوي ردت اطلع كمش ايدي
غضب : من احجي وياج سمعيني وبعدين شنو هل ضحك وسوالف
اماني : عفوا سلام موغريب اوكي ابعد عني يله دفعني علي ودارني علي يعني صار ضهري يم صدره وكض شعري وشمه حيل كال اوفيش شكد احبج ردت اوخر لاكن هوا ضخم وبقه لازمني حيل وايده يم ايدي مثبتني عله صدره كتله عوفني لااصيح واحسن ما افضحك
غضب : ههههههاي اووف يلمايعه والله عدج لسان شو صيحي خل اسمع
اماني : هنا ردت ابجي بس كلت لا ومانزل دمعي كباله كتله عوفني يا حقير
اووو عدج لسان كتله و الله انته عار
كلت هيج وعيونه صارن بكصته وبرزن شراين كربته وعصر ايدي بايده ودار وجهي علي ولزمني من شعري وعض شفتي هنا نزلن دموعي كال هيج احسن حته متغلطين ياحلوة لسانج ينكص لو اسوي اكبر من هيج ودفعني وراح حسيت نفسي شي رخيص من طريقه دفعته إليه وكعت عله ضهري وبقيت ابجي وكمت غسلت ورفعت شعري ذيل حصان وشفت شفتي مورمه نزلت دمعتي مسحتهه وخليت حمره ورديه طوخ ونزلت وي البنات شغل وسوالف صار عشه صبينه للخطار وبيومهه اجه عموري لان هوا صديق سلام كلش فات سلم كمت من الاكل ركض علي شبكته وسلمت علي غضب ياكل ويباوع ومن حركت كلبه كام ياكل سريع😅😂
المهم كعد عموري ويانه خلصنه كمنه شلنه سفره وبلشنه شغل كلمن كاضتلهه شغله اني كلت اطلع اغسل طرمه
طلعت اغسل بيهه وشفت خيال واكف يم باب لاستقبال يعني الاستقبال باب مالته يجي عل طرمه شفت غضب واكف ويدخن ومتكي عل باب ويباوع جاهلته اني اغسل بطرمه وعينه عليه خلصت وهوا فات كلت لكبر شديحس هذا الحمد لله والشكر ربي خلصت صعدت اخذت برموده من فاطمه وسبحت كملت ومشطته نزلت لان جان بس عماتي وبنات وعادي لكيتهن هنه وجهالهن كاعدات عل تخم كلت وين اكعد يبو صاله مترسه شفت فاطمه كاعده بنص صاله اجيت كعدت يمهه نحجي ونضحك هنا راسلني احمد تمددت بنص صاله وخليت راسي عله رجلين فاطمه 😂وكعدت احجي ويا وفاطمه دكول شبيج معتي يول 😂
كتلهه انجبي واني مخليه رجل فوك رجل ومتمدده واضحك وسوالف وي احمد كتله هذا غضب ميعوفني بحالي كال اشعل غضب وابو هنا ضحكت بصوت عالي 😂😂😂 وجان غضب واكف يم درج وعيونه حمرررر عله ضحكتي وعله نومتي من شفته هيج صراحه خفت بساع كمت وكلت هسه يكول اليش تضحك وبيدهه جهاز انطيت حذف لفيس والمازنجر كلت خاف ياخذ جهازي وهوا واكف صااح اماااااني تعاي فوك احجي وياج
كتله شتريد كدام عماتي وبنات كلهن كتلهه ماما شيريد كالت يمه غضب شتريد محتاج شي كال عمه بس احجي وي اماني ويله ورايه ام غضب كالت روحي لاتخافين منه كلت ماروح والله كالت ماما شوفي شيريد ابن عمج لاتخافين مشوفي شون صار عصبي يله صعد هوا صعدت ورا
غضب : فوتي بساع غرفتي
اماني : فتت بس اني شمرت جهاز عله فاطمه من صعدت دخلت غرفته سد باب كتله شتريد
غضب : اي ولج بعد صلخي ونامي بنص صاله
اماني : لاتدخل بيه اوك وهذا لبسي من زمان اني اوكي كض شعري وضربني راشدي كتله حقير لاتمد ايدك
غضب : ولج كصري حسج احسن ما اسوي اكثر اقسم بمن حل القسم بالله اذا شفت هيج تتمضحكين وتحجين ادفنج وميرفلي جفن هاي تصرفات مال ك....ب بطليهن موحلوه
اماني : اني اشرف من شرف ياعار
غضب : طلعي احسن لج والي لااضربج وتموتين باايدي يله بره
اماني : طلعت اركض وابجي صعدت فاطمه كتلهه عل لي صار ونقهرت لج انتي دكولين احجي ويا حته يعوف نهوة شوفي تصرفاته وتحكمه بيه احجي وابجي
فاطمه : لج اووف شسوي ولج ماعبالي هيج 😕
شجاك ارحلت عني بساع وامشيت..
وحتى بالجذاب ماكلتلي راحل....
موحتى السفينه كبل متروح...
تصيح لناسهااوتحضن الساحل....
وحتى الشمس من تروح عالكيف..
ماترحل غفل ترحل مراحل..
ومحطاات الخلك تصعد قطارات...
شجاك اول محطه وصحت نازل💔
١٣٨٥كلمه
للتنسوان التصويت والكومنت اصحاب القصه متابعين التعلقات ارجو عدم التجاوز لي ميعجبه لا يقره
سروش