#حب_عنيف 3
حور:راقده وكل شوي تتحرك بملل لانها تسمع في اصوات غريبه!اخر شي ناضت مخلوعه من صوت شي طاح
حور:شن اددددير هنايا
انس:قام راسه
حور:عيطت من الصدمه كان انس وجها كله اسووود
انس:اسف اسف اشش ونبي متعيطيش اكتر من هكي
حور:خذت نفس وقاعده مصدومه عيونها بيطلعو !
انس:وقف سامحيني عارف روحي حقير امي ديما تحط في امية الورد هنايا عارفتني بنكملها
حور:قايمه حواجبها وفاتحه فمها بصدمه...امية شنو ويلي في وجهك شنو !!
انس:خذي الشيشه...هاذا قناع للوجه متع قهوا يهبل ننصحك تجربيه ...هي تصبحي ع خير 🙂
حور:رجعت راسها ع المخدمه بصدمه وداخلها تقول....شن العيله العبيطه هاذي 🤦🏻♀️🤦🏻♀️
امير:سكر الملفات يلي قدامه ورجع لي غرفته نحى تيشرته وفتح الغرفه الصغيره يلي داخل غرفتة كانت معبيه الاآت رياضيه ..الغرض من الغرفه هاذي مش انه يحافض علي بجسمه او حتى يبرز عضلاته لا!!...كانت الغرفه هاذي ينفس فيها علي غضبه كل ما يذكر شي من ماضيه 🔥او حتى حد يضايقه لازم يتعب جسمه في الرياضه عشان ميديرش شي يندم عليه عمره كله ...وهكي كان روتين امير 🤷🏻♀️
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
ثاني يوم ⛅️⛅️
رمزي:وين نمشو
حور:تلبسله في سرواله...لا مش رح نمشو قاعدين هنايا نبيك مديرش شطانه به حبيبي
رمزي:هما عندهم صغار؟
حور:لالا بس خليك عاقل ونلعب انا وياك به؟
رمزي؛به
حور:مسكت يده وطلعت هيا وياه من الغرفه
عائشه:تصب في القهوا ...ديري حسابك روحي بكري من الجامعه اليوم جايين عمامك
تقوى:افففف به به
حور:صباح الخير
كلهم:صباح النور
امير:زي العاده بنفس النضرات ويفطر بدون ما يرد عليها ولا يشوفلها
حور:قعمزت ع الفطور وتشوف لي يد امير
مركزه عليها تبي تفهم هل هاذا وشم ولا حرق قديم؟
وشنو الرسمه بزبط ؟
امير:شافلها في عيونها بنضره غريبه
حور:نزلت عيونها بسرعه
عائشه:افطري مدي يدك
حور:شافت ع الطاوله مفيش حاجه مش موجوده وهلبا حجات متعرفهاش 🤷🏻♀️لان تعودت فطورها بيض مقلي او جبنه فقط !!
عائشه:دارت توست لي رمزي ..هي تفضل يابطل
حور:خذت فردة خبزه كبيررررره فتحتها ودارت فيها هريسه وجبنه وبيض 😂وكلهم يشوفولها بصدمه😨
خذت كوب العصير شرباته في مره وحده وصبت فيه شاهي ونزلت من ع الكرسي قعمزت ع الارض وطاحت فيها ماكله وكلهم يشوفولها بصدمه
حور:بدت تاكل وتتصفح في تالفونها وتضحك مره مره
تقوى:بصوت واطي ....مقززززززه مقزززززه 🤢
اريج:سكري فمك تسمعك
عائشه:تشوف لي بناتها بصدمه بعدين ابتسمت.....كل واحد ياكل بطريقه يلي تريحه ☺️
حور:طلقتها ضحكه طووووويله وعاليه بسبب مسج وصلها والتصرفات هاذي كانت تزعج في امير بشكل كبيررررر
ترن ترن ترن
امير:فتح الخط بدون مايحكي شي
رواد:زي ماتوقعت !طلع نفس الشخص يلي تبيه
امير:خليك قريب من المكتب وتو نتفاهمو
رواد:تمام
امير:سكر الخط ...
عائشه:شنو طالع؟
امير:اي مش معطل شوي ومروح
عائشه:به تمام تعال لحق تغذى مع عمامك
امير:وقف ويسكر في جاكيته...يصير خير
حور:شافت مسج ونفلقت يضحك....هههههههه
امير:قام حاجبه يشوفلها!
عائشه:خليها منبوش مشاكل
امير:تو نفضى بيها...وطلع
_____________
حور:مسحت فمها بي كم التب يلي لابساته وحطت الطاسه ع الطاوله
عائشه:نوضي اريج اتصلي بي الطباخه امل عشان تلحق تجي بكري
حور:علاش الطباخه🤨
اريج:جايين عمامي اليوم واهل خطيبة امير
حور:😧المتعقد هاذا خاطب؟
تقوى:اي يا ماما خاطب عيون وطول وعرض وجمال شن ناقصه خوي
حور:ناقصه شوية عقل لانه واضح عنده عقد تفسيه
تقوى:عطيه من عقلك حبيبتي
عائشه:خلاااص انتي وياها ياسر !!!...نوضي اريج نوضي ديري زي ماقتلك
تقوى:خذت وراقها..ماما بيجو اهل مهاب؟
عائشه:اي جايين
تقوى:ابتسمت...به الباص وصل هي سلام ...وطلعت
حور:اففف حاسه روحي طرشه وسط عرس 🤦🏻♀️مش فاهمه منى هاذم ومنو يلي بيجي
رمزي:حور بندير كاكا
حور:اففف صبرني يارب...تعالا حبيبي هي
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
امير:درس سيارته ونزل
مهاب:طلع من بين الحاويات والدخان في فمه...شن جابك ليااااا...من بعد السياااا
امير:ريحني انت التاني مش وقتك
مهاب:نفخ الدخان...تي خيرك
امير:شن صار في القضيه؟!
مهاب:شديناه امس ويبي اسبوع عشان يعترف ويسحب القضيه وتربح زي العاده!
امير:طلع دخانه وولع...به مليح
مهاب:قعمز ع السياره...مش ملاحض!؟
امير:شنو!
مهاب:انك بديت مدمن بي نجاح القضايا متعك حتى لو كانت بتهديد
امير:قام حاجبه...يعني؟
مهاب:ضحك...فكنا عاااد من نضرة التهديد هيا لاكن هدي اللعب شويه
امير:القضيه هيا لازم تتسكر لو حتى اضطريت ان نقتل صاحب القضيه نفسه عشان منخسرش !
مهاب:اوووف ...تي ان شاء الله خير وخلاص المهم هاذا الملف يلي طلبته
امير:خذاه...وباش تجي تتعشى اليوم متنساش
مهاب:يساوي في جاكيته....يصير خير اميرنا !
امير:ضحك ع حنب ورجع سيارته
_______________
حور:رجعت رقدت ساعه ونص ورمزي يتفرج ع التلفزيون ...اول مافتحت عيوني طلعت من الدار وكلي صدمه من يلي نشوف فيه!!
فواكه من كل نوع مرتبه في الصاله والحلويات وكل شي كان بشكل جنوني !!
كأني في حوش خليجي مش ليبي ..اريج وامها لابسين حوايج عمري ماحلمت بيها اصلا ...قعدت واقفه نتفرج وبس !!!😨
عائشه:تلود في الحوش وتبخر ....حور بري بدلي ملابسك شوي ويوصلو اهل خطيبت امير
حور:🤨وعلاش بنبدل؟!
عائشه:تشوف لي حور من فوق لعند لوطه...فيه كم لبسه حلوه في الدولاب تليق بيك وسرحي شعرك تطلعي احلا☺️
حور:في مناسبه اليوم ولا كيف !!
انس:طلع من الدار وجها اخضر وياكل في جزره...هاذم كل شهر لازم تجي هيا وامها وتبدا تتلصق علي امير وامها تقعد 7ساعات تدوي في نفس الموضوع كل ماتحي تحكي علي قفطانها البرتقالي يلي مطرز بي الصدفات
حور:ضحكت بصوت عالي ...وهاذا شنو يلي في وجهك
انس:قناع خيار مرحي وشوية زبادي حلو يخلي بشرتك فريش
عائشه:خبطاته علي كتفه...تي براا اغسل العفن يلي في خليقتك الناس بيوصلو تخلعهم
انس:يلوي في جنباته مزال 15الدقيقه ونغسله
حور:😂😂😂😂
امير:سلام
عائشه:قربت علي امير تبخر فيك.هلا هلا بي الزين
اريج:طلعت من المطبخ بعطرها ولبستها يلي تجنن...ماما خلاص كل شي جاهز قتلك امل...حور ليش مغيرتيش حوايجك!
حور:منبيش نغير
امير:في شي داخله ولع!!كأنه شافه تحدي او قضيه لازم يربح فيها ...رح تغيري !
حور:شافت لي امير وبطريقه مستفزه....منيش مغيره🙂
عائشه:خافت...تبصر البنوته حليلها 😅
حور:سمعت خوها ينادي في الغرفه سيبتهم ومشت
امير:خش غرفته ولي الدوش طول !
_____________
تقوى:هاذا يلي قدرت نجيبه من خوي بس
خلود؛لاكن ياماما المبلغ ناااقص
تقوى:والله معندي منديرلك انا هاذا يلي قدرت نجيبه
خلود:وقفت ...اصحكي ع الكل الا انااا ...نعرفك بنت منو وشنو حالتكم الماديه حبيبتي فلوسكم متاكلهمش النار !!العبي غيرها
تقوى:لاكن م......
خلود:كلمه هيااااا اخر موعدالجمعه اكتر من هكي تفرحي اللعب معاي كيف!
تقوى:تشوف بتوتر وخوف لي خلود لين اختفت!!
امير:طلع من الدوش زي العاده سروال جينز اسود وتيشرت نفس اللون شعره مرتب ريحته رحاليه خفيفه مع ساعه فخمه سوداء 🔥
حور:طلعت من غرفتها وتلاقت مع امير بينزل حتى هوا!
حور:شافتله من فوق لا لوطه وجت بتنزل بس مسكها من يدها
حور:ااااه خيرك انت!
امير:فتح باب الدار ودفها
حور:تتلمس في يدها وتشوفله بصدمه
امير:فتح باب الدولاب وطلع كل شي معلق فيه ولوحهم ع السرير بهمجيه...مش انا يلي كلمتني اطيح !!بتغيري حوايجك ومدام انتي عايشه في حوش زي هاذا رح تتقيدي بي نضام عيلتنا وبتبدي تلبسي يلي يعجبنا حنى وتاكلي ع الطاوله وبي الطريقه يلي ترضينا
حور:دفاته تي برااااا هاذا يلي ناااقص غير انت تحكم فيا ترا اطلع خرا عليك وعلي عيلتك
امير:مسكها من رقبتها بخنق....ورب محمد تعاودي امه الاسلوب هاذا ندفنك في مكانك
حور:عيونها دمعو من كثر ماخانقها...وتحاول تفك روحها منه بس مش قادره
رمزي:فتح الباب وخش...حي شنو اديرو
امير:بعد من عليها وحور تكح
رمزي:كنت تبوس فيها 😍
امير:ضحك بي هزوه وطبطب ع خد رمزي...اي اي ...وطلع من الغرفه
حور:تاخذ في نفس نفس بي صعوبه ومصدومه من يلي صار !!
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
الصاله كبيرررررره مقسومه بين اثنين ..
النص الاول صالون بيج في العنابي الذاكن مقعمزين فيه خطيبت امير وامها وعمت امير وبناتها
النص التاني صالون وجلسه ع نفس اللون بس النقشه مختلفه !❤️
مقعمزين فيه امير وبوه واخ خطيبت امير(مهاب)...وطبعا انس مقعمز فاتح فيديو تنضيف البشره بي البخار 😂🤦🏻♀️ومش معاهم ابداااا
حور:السلام عليكم
كلهم وعليكم السلام....
امير:ع طول قام عيونه فيها بيشوفها شن لابسه
وزي ماكان متوقع كسرت كلامه ولبست كيف ماتبي هيااا
حور:كانت لابسه سروال جينز فيه شوية شركات زي العاده وسوريه بيضه وجاكيت جينز بنفس الشركات السروال ووشاحه واصل لنص شعرها ...سلمت عليهم كلهم وقعمزت وبدت تتعرف علي خوات سالمه الله يرحمها
مها: هاذي يلي حكيتو عليها ؟
عائشه:اي هاذي حور ☺️
مها:بجوده
حور:تشوف لي مها كانت لابسه الف حاجه مش مفهومه ومكياجها كامل من غير الشاح الحرير ومش قادره تتحرك عشان تقعد مساويه ...وبيك منو انتي !!
مها:بضحكه وفرح!....انا خطيبة امير
حور:وانتم عادي هكي تجو لي حوش امالي خطيبك بدون ماتتزوجي وتقعمزو في صاله وحده؟!
مها:ساكته وتشوف لي اريج وتقوى تبيهم يردو
تقوى:عادي حبيبتي خطيبت امير قريبة ماما ومقعمزين بي احترامنا حني!
حور:اممم واضح من يلي مدايرتيه في وجهك
تقوى:خيرها هاذي !!!
عائشه:بلعت ريقها...تقوى بري شوفي امل ووتي معاها السفره بنتي
تقوى:ناضت من مكانها ولحقتها مها تتمشى بخطوات رقيقه بي هذاك الكعب ❤️
حور:قامت رجلها فوق الكنبه وقعمزت بطريقه عفويه كأنها ولد 😂وفتحت تالفونها ...اما امير يتفرج عليها ويغلي من داخل علي استفزازها 🔥
__________________
بدو يحطو في العشي الرجاله بروحهم والبنات بروحهم بس يشوفو في بعض من بعيد ❤️
مها:ههههه تسلمي خالتي والله مدايره ريجيم بس لايقاوم
حور:في داخلها...بنرررررجع من حركات البنات ياربي شدلي امعاي خير منحطه ع الطاوله !🤦🏻♀️
تقوى:منزله راسها تحكي مع مها ويشوفو لي مهاب
اما اريج علي حالها تاكل وساكته
وعائشه وام مها يهدرزو بروحهم
حور:قامت عيونها شافت امير يشبحلها من بعيد ويمرر في الكاشيك ع الصحن بملل !!
حور:حبت تزيد تنرفزه ...بدت تكل بطريقه همجيه وتشرب بسرعه وهوا زادت علامات العنف علي وجها 🔥
حور:مسحت فمها بي كم الجاكيت...احح الحمد الله سفره دايمه
مها:بصوت واطي...الحمد الله طلعت شلافطيه
تقوى:ضحكت....علاش!
مها:ع الاقل نتريح علي امير
تقوى:ريحي روحك نموذج زباله لا اناقه لا اسلوب ووقحه تعرفش
حور:ناضت للمبخ تشرب في اميه ع خشت انس
انس:يلوي في شناباته ...بالله شن رايك فيهم
حور:خطيبت خوك حقيره طالعه عليه حقير زيها !
انس:وعندها حبوب جيهة خدودها تبي مقشر ونتحشم نقلها
حور:ضحكت وضرباته بعفويه....خيرك زي الدكتوره وصفه😂
انس:يحرقولي في دمي بشرتها تاعبه وعادي جدا عندها
حور:هههههه
انس:ضربها بخفه ع خدها ببصاره...شوفي كيف بشرتك صافيه اكتر من نيتها 😂
امير:خش للمطبخ يتمشى ويديه في جيوبه
انس:طلع بدون مايحكي
امير:يشوف لي حور ويفصل فيها!
حور:متكيه ع الحيط...بكرا بتجي خالتي ترفعني عشان تتريح مني ☺️
امير:اممم🤨
حور:وقفت اتكت ع الدولاب وقامت الكوب بي استفزاز...ومبعدها الحقيره يلي برا منك 🤦🏻♀️ربي يصبرك عليها ويصبرها عليك
امير:شبحلها بنضرات غريبه وطلع من المطبخ وحور عينها علي يده ويلي فيها ...وشم ولا حرق؟!
_______________
مها:مشاء الله كيوت البيبي
رمزي:يبتسملها
اريج:يخاف من امير مبكري تعرفي
مها:ههههههه ياحليلي
رمزي:لالا امير حلو مبكري عطي لي حور بوسه
مها:شافت لي تقوى واريج!!😨😨
تقوى:تعااال تعاال حبيبي...كيف شن دار امير؟
رمزي:عطاها بوسه بس🥺...يحبنا هوا 🙃
مها:تقوى شن يقول هاذا😨
مهاب:بصوت رجولي يجنن من بعيد....امممي هيا
مها:مهاب شويه بس
مهاب:تي هيا قلنا
بثينه؛وقفت ...هيا ميمي ليل
مها:شافت لي تقوى الفرخ شن يحكي
اريج:فاهم غلط امير مقربش عليها بكل !
حور:مقعمزه تحكي ع الفون وتضحك هيا وساره!
_______________
روحت مها رغم انها حاولت تحكي مع امير بس كان فايتها زي كل مره!
حور:خشت لغرفتها لبست توته سروال واااسع من فوق يستيك وتيشرت مرسوم عليه ورده وقامت شعرها كعكه !
اريج:ماما انا تاعبه بنرقد من الصبح نجهز !
تقوى:ليش عمتى روحت بكري هيا وبناتها؟
عائشه:جايين يسلمو ع حور ويشوفوها بس
تقوى:وياريتها معبره الحقيره هاذي قداش تكسرلي في رقبتي
عائشه:افففف ريحولي راسي يلي فيا يكفي !!
اريج؛خيرك امي !
عائشه:خوك قاعد بنفس الطريقه مع خطيبته عزمتها تجينا مره واثنين والف عشان يتقربو من بعض ومفيش فايده مش راضي ينسى شي !!!زهقت
تقوى:شافت لي اريج
اريج:عادي امي سيوره يتعود عليها اكيد يعني
عائشه:فكوني من العراك مع البنت مش ناقصه
تقوى&اريج:ساكتين
عائشه:فاااهمه تقوى؟!
تقوى:اي اي 😒
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
معتصم:ااااخ يافرخه استاحشت ايام زمان ..نروح من الخدمه تشوفيلي من الروشن وتحدفيلي ساندوتش بي الهريسه
حور:واقفه تتفرج من الروشن .....هههههه بكرا بتجي خالتي ترفعني من دراهات الكبد هاذم نفاااق وكل شي فيهم مصطنع وولدهم بيدير روحه شخصيه بي السيف
معتصم:ولدهم؟!!!🤨
حور:ولدهم الكبير اسمه امير متعقد حقير واطي عيل يسحاب روحه كان عيط بكلمتين بيطلع شخصيه مأثر فيه مسلسل الهيبه 😂😂😂...وتلفتت
معتصم:الووو ؟!حور
حور:😨
امير:مربع يديه ...يتبع