دخل هوه وداسمع خطواته يمشي بكل رجوله واني ارجف من الخوف
كرار: ترجف هيه وزغيره ناعمه كلش بس موغريب هل جسم عني بعدين ع مود تخاف مني وخاف يطلع لسانها طويل او شي حجيت وياها بعصبيه ونتره😡 يا بنت الناس اسمعيني اهلي خط احمر واذا فديوم سمعت فدشي موحلو طالع منج راح تشوفين وجهي الثاني هسه راح يجي الشيخ ويعقدلنه حضري نفسج وهيه كامت تشهك وتبجي نقهرت قسيت بلكلام وياها
نادين: اجله الي راح يكون زوجي وحجه وياي بعصبيه بس صوته مو غريب عليه محد مصيح عليه من قبل كمت ابجي فا حسيته تقرب مني اني تجمدت كعد يمي ولزم وجهي ورفعه اااا... ضليت مصدومه 😯😱
كرار: رفعت وجها وهيه خايفه انصدمت هاي بنت الممرضه الي دخلت عقلي لا لا مستحيل مستحيل انتي انتي البنيه مو
نادين: انته الي نقذتني اَي اَي انته انته بس اممم ونزلو دموعي
كرار: ( يمه هاي بت كلبي لو تدرين جنت ناوي ارجع بغداد بس على مود عل عيون الجتاله حجاها بكلبه ) بس شنو احجي شبيج ليش سكتي
نادين: لا تضربني ابد فدوه والله ماتحمل والله ما الي ذنب والله مالي دخل
كرار: لج الي يمد ايده عليج اكسرها اله بستها من راسها وهيه حضنتني وتشهك وتبجي اني نصدمت بس فدوه هلكدوتها جنها كتكوت ههههه حضنتها وهيه حست على روحها وجها صار احمر
ههههههه فدوه ...
نادين: من طمني حسّيت اريد احضنه وبدون وعي حضنته وكم ابجي اريد اوصل اديه لبعضهم ماكدرت من ضخامت جتافه بعدين هوه من حط اديه على ضهري اني فزيت وخجللللللت من الي سويته اجيت ابجي من الفشله وهوه كام يضحك بعدين كال ارتاحي انتي ونزل
فرحت كلش انو هوه هذا الولد هوه ماراح يئذيني هوه نقذني مرتين بس تذكرت حجي ماما لا لا مستحيل يتقربلي ماخليه اخاف اخاف مستحيل ودخلت للحمام تحممت وطلعت رتبت نفسي ورتبت فراشي بلكنتور وحطيت غراضي بل درج مال ميز تواليت ولعطور ليفوك
اممم هسه ارتاح تمددت كمت اضحك من تذكرت شلون حضنته حطيت المخده على وجهي وخجلت من روحي وضليت اضحك بعدين نمت شويه واجتي نور كعدتني ع مود الشيخ يعقدلنه
عقد النه وعرفت هوه عمره 27 فا خفت لانو هوه اكبر من عندي
ورحت كعدت يم عمه ام كرار وعدتها اصيحلها ماما كعدت يمها كلتلها ماما
ام كرار: الفرحه ما واسعتني جنتي تخبل مو مثل ذيج السعلوه نوب تكلي ماما جا اني كلها تصيحلي يمه لو ام كرار ذاك الجبير ختفه بس بل اسم الجبير ... اروح فدوه للماما من حليكج
نادين : ماما شنو تردين اساعدج
ام كرار: اريدج تصعدين فوك وتنامين وما تمدين ايدج على شي انتي تعبانه ويالله بسرعه صعدي
نادين: ماما فدوه لا تزعليني منج من تردين شي مالج علاقه بنور وبورود اني هنانه
ام كرار : فدوه للبنيات الحلوات يالله روحي لرجلج
نادين صعدت فوك وهوه ما موجود نوب اني وكفت كدام الكنتور ومتخوصره لانو اني بس اوكف كدام الكنتور احتار جان اسمع صوت وراي لبسي الابيض فزيت من مكاني هذا شجابه هنا نوب لاف المنشفه على خصره وجسمه معضل فد خجلت دخلت بلكنتور وسديت عليه الباب من الخجل
كرار: دخلت للغرفه واني جنت هسه طالع من الحمام وجنت دامشط طبعا ماشافتني فأريد اشوفها شتسوي فتحت الكنتور وتخوصرت كلتلها لبسي الابيض ردت اشوفها شسوي واني بكلبي خربان ضحك ندارت فزت نوب باوعتلي غمضت عيونها جان تدخل بلكنتور وتسد الباب يمه متت ضحك تصرفاتها طفوليه فدوه كمت فتحت الكنتور وهيه حاطه اديها على عيونها كلتلي اندار كلتلها نداري باوعت شافتني بعدني بلمنشفه رجعت حطت اديها على عيونها
نادين: اسمعه خربان ضحك اني حطيت اديه على عيوني من الخجل وجهي أحسه صار طماطه نوب فتح الكنتور كتله فتح ( ادري داتلعبين ختيلان 😂) كلي اَي شفته بدون تيشيرت بعده نفس الوضعيه رجعت غمضت واسمع بس الضحك عاد بدل
كرار: بعدين ندكت الباب نور جايبه اكل
كعدنه اكلنه وهيه راحت ودت الصينيه واجتي
نادين: امم وين انام
كرار: يمي
نادين: ارتبكت ماعرف شنو اسوي نمت بنهايه الجربايه بس اخاف اوكع طفه الضوه انتضرته ينام حته الزمه لانو اخاف اذا دبدوبي مو يمي نتضرت واني ارجف لانو اخاف من الضلمه ودبدوبي مويمي وآخر فتره جنت انام بحضن ماما
كرار : داحسها كاعده تحوس وخايفه سويت نفسي نايم اجتي حطت راسها على صدري ونامت اني ضحكت ونمت
نادين: شفته نام كلت اكيد ماراح يحس عليه حطيت راسي على صدره ونمت فزيت ثاني يوم وخرت ع نهايه الجربايه على مود ما يحس انو اني نمت على صدره البارحه
كرار: كعدت ضحكت على طفولتها نامت بنهايه الجربايه و نازله بعدين تسوي ريوك الكتكوته
بس ليش نامت ع صدري هذا المخبلني اخذت شاور ورتبت نفسي ونزلت ولكيت والدي والدتي كاعدين وهيه ودايضحكون على سوالفها صارلي شكد ماشايفهم يضحكون صبحت عليهم وكعدت
كرار: الله الله شنو هاي منو مسوي الاكل
ام كرار: مرتك يمه هاي شغل اديها
كرار: عاشت اديج صبيلي جاي
نادين: تسلم حاضر صبيتله جاي بس ماعرف بل استكان صبيته بكوب وديته اشو كام يضحك باوعتله هيج 😳
كرار: اجتي صابه جاي بكلاص 😂 يمه متنه ضحك عليها وهيه خجلت كلش .. يابه بل استكان
نادين: ا اا سفه ماعرف عزه شكد عيب .. نداريت كالتلي امي بل كاونتر فتحته بعيييييد بدون ماحس علو نفسي جفصت بلحجي بصوت عالي اهووو منو معلي الكاونتر واسمعهم كلهم يضحكون عليه بعدين صعدت ع الكاونتر وجبت الاستكانات ونزلت وكلهم كاعدين يضحكون عليه وعلى تصرفاتي
ام كرار : ولج صيحي كرار وهوه يساعدج اله تتشخنبين
ابو كرار : خايبه فطستينه ضحك انشالله ضحك خير
راحو ابو كرار وكرار للديوان واني كاعده انضف ويه نور
ونغني ونكمز تكلي واخيرا احد بعمري بعدين وره شويه صاحتلنه ماما ورحنالها كالت راح يجون بيت عمج جان تكول نور اهووو ويجن ذن السعلوات يمه نادين احبسها بلغرفه ماخليها تنزل منا لحد ما يجي كرار لانو خاف احد يتعدى عليها بلكلام ماقبل اني هاي صويحبتي
ام كرار : خايبه جا اني ليش صحتلجن ع مود ديرن بالجن زين ذني مو راحه ابد امهات السحوره
نادين: شنو يعني امهات سحوره
ام كرار : يمه فدوه خربت من الضحك يمه ماتعرفين سوالفهن المهم ذني ما منهن خير ولازم تبقين بغرفتج وتقفلين الباب ومن يجي كرار ينزل تنزلين وياه واني احجي وياه يخليج شويه وترجعين فوك ابد متبقين كاعده جوه لانو ادري بيهن ذن المعيديات بس يذبن حجي وخاف يكتلوج نوب
نادين : صراحتا خفت بشكل من حجت وياي هيج ماما نضفنه وعدلنه واني بالي مشغول خاف يكتلوني ماتحمل اني احد يصيح عليه انوب انضرب يا الله مرر اليوم على خير سمعت كرار اجه سلم ع امه واجه للمطبخ لزمني من ايدي وجرني وراه اني ضليت مصدومه 😱 شبي هذا
كرار: خابرتني الوالده كالت بيت عمك راح يجون عفت كلشي وركضت للبيت ادري بيهن راح يئذوها جان أجرها من ايدها ومشيت سريع للغرفه وهيه احس اذا اسويلها بز تبجي من الصدمة هههههه 😂 دخلت للغرفه وسديت الباب
نادين: دخلني للغرفه وسد الباب وتقرب يمي اني خفت والله مامسويه شي 😭
كرار: اشششش لا تبجين باوعي هذني الي راح يجن حيايه اول شي اذا يحجون وياج انتي مرت الشيخ كرار مو فصيلته فتهمتي ثاني شي تحطين حجاب على راسج كدامهن لو مدريشيصير متفتحين شعرج تبقين بجهتي وتكعدين يم امي وتبوسيها كدامهم وتكليلها محتاجه شي وتكومين تجين للمطبخ اني منتضره بل مطبخ بعدين تصعدين فوك واقفل الباب وهايهيه منا لحد ميرحون فتهمتي عليه
نادين: هوه يحجي واني ساكته اسمع ومصدومة وخايفه ب بب س اذا ضربوني من تروح للم م طبخ احجي وخايفه
كرار: الي تمد ايدها اكسرها الها سمعيني كلش زين هذا مو الوقت المناسب بس مضطر اكلج من جنه ابغداد انعجبت بيج من اول لحضه من اجيتي تكمزين مامي مامي وبرطمتي ورحتي اني منا نعجبت بيج من كعدتي بلكوفي مال المستشفى من ضعتي بلسوك من شلتي الطفل من انغمى عليج كلهن ابالي تره وجنت ناوي ارجع لبغداد بس على مود اشوفج والمح هل وجه هذا واني شكد مرن بحياتي بنات بس ولا فدمره دك كلبي الدكه الي ندكت الج انتي وحدج برائتج طفولتج ادبج كلها مالكيتها باي وحده لا بعمري ولا ازغر مني لكيتها بيج تباوعلي وعيونها هيج 🥺🥺🥺
نادين: ماعرف حسّيت بإحساس غريب لأول مره بحياتي احس بيه فرح وحزن وخوف وامان ودمعه صارت بعيوني حسيته صادق من حبني بس فرق العمر يخليه يحبني معقوله كلش تشوش تفكيري بهاي الأثناء نزلن دموعي مسحهم وكلي لا تخافين انس مستحيل ائئذيج حته لو تغلطين بس اريدج تثقين انو راح ارجعج لبيت اهلج بعد فتره واجي اطلبج من ابوج واسويلج احله عرس
نادين: فرحت كلش كلش كن كلامه حسيته صادق حسيته يريدني بالحلال ميريدني غصب اريد احجي جان تجي نور اجوي اجوي
كرار: اهووووو وكف على حيله ( طبعا من يوكف كرار طوله بضخامته نادين توصل لصدره كلش قزمه )
نادين: لا وعي حضنته وكمت ارجف حسّيت هوه سندس
كرار: اوف والله بعد ماطلعج من الغرفه باوعيلي لزمت ايدها وكفتها كدام الكنتور ختاريتلها ثوب مرتب محتشم وياه حجاب
( طبعا نادين تحجبت من دخلت بيتهم هيج جانت رغبه كرار )
نادين لا تخافين انتي وياي راح انتضرج بدلي ...
نادين : بدلت ولقيت الحجاب وطلعت يمه كلي باوعيلي اكو وحده بينهن كاتله روحها عليه لازم تشدين نفسج واثقين بنفسج وبيه وانتي لا تجاوبيها من تغثج باوعيلها وابتسمت اذا حجت شي وياج لانو راح تحركين كلبها ... يالله لا تخافين محد راح يمسج واني موجود
جوه ويه ام كرار....
ام كرار : هلا هلا ام حيدر هلا
ام حيدر : هلا ام كرار بنات سلمن على عمتجن
زينب : هلا عمه شلونج هلاو نور
نور/ام كرار : هلا بيج
خوله: سلام شلونكم
نور: بكلبها اجت الحيه اهلًا بيج تفضلو
دخلو وحجو شويه جان تكول خوله وين الخدامه ما شرفتنه
نور: ماعدنه خدامات
خوله: هه اقصد الفصيله وينها والله لو اشوفها أكلها بسنوني بت القنادر اخوها كتال اخوي واخذت الي راح يتزوجني
نور: اول شي احترمي نفسج هاي مرت الشيخ كرار مو فصيله ثاني شي هيه اخذته غصب مو بارادتها وكلنا نعرف انو اخوج انكتل بلمخدرات مو بلسجينه
خوله: سكتت
هنا نزل كرار وأيده بايد الكمر نقصد نادين ....