الفصل 18
روايه/القبطان.
بقلم/ أسما السيد
ـــــــــــــــــــــــــــــــــــــ
ها ياداده لقيتيهم..
أيوه يايوسف بيه اتفضل...
يوسف بانتصار.. تمام.. اوي
خدي بقي الولاد.. جهزيهم.. وحضري شنطهم وشنط المدام. هننزل مصر انهاردا..
صباح بصدمه..هاا مصر..
يوسف بحده..أيوا اتفضلي..وبمكر اكمل قائلا..
ولو معاكي رقم المدام
وعاوزه تبلغيها بلغيها
وقوليلها قدامك ساعه واحده بس..
لو مبقتش قدامي هنزل بالولاد وهي حره بقي..
رمي كلماته ورحل لحجز التذاكر.. بعدما استحوذ علي جزازات سفرهم.
أما صباح..كما توقع اسرعت تخبرها بما حدث..
كانت تجلس بجانب اصدقائها تحتسي مشروبها بسعاده وانتصار..
الي ان دق هااتفها نظرت له وجدتها صباح..
اجابتها سريعا..وسرعان ما صدمت وجحظت عيناها بصدمه..
دقائق
وكانو يعيدوها مثلما اتوا بها..
لارا وهي تجلس بالسياره بالخلف..
رفعت يدها تولول بها..
ياخبتك يالارا جت الحزينه تفرح مقلتلهاش مطرح..
سلينا صديقتها بالجامعه...متزعليش يالارا هو كدا..قليل البخت بيلاقي العظم..مش عارفه..فين..
رد أحمد
عربي مصري أخر..بيلاقيه في الكرشه
ردت سلينا..ايوا هي دي..
بس متقلقيش يالولا.
.مكان متكوني هنيجي وراكي..
لارا..بسعاده..بجد..
نطق الجميع..جد الجد..
لارا وهي تفتح ذراعيها بسعاده..
هو دا..وضربوا كفوفهم بسعاده..
هم مجموعه من الشباب المصريين
تعرفت عليهم لارا عقب التحاقها بالجامعه.
.أحبتهم وأحبوها..
ومع قرار يوسف الظالم في نظرها
قرروا ان يساندوها..
ــــــــــــــــــــــــ
بباريس..
عاصمه الحب..
أليس..
هممم..
أليس ياكسلانه..هتفضلي نايمه طول اليوم..
فتحت عينيها شيئا فشيئا..وبابتسامه..
صباح الخير..
فارس بحب..صباح ايه..قولي مساء الخير..
أليس..تعبانه اوي يافارس..
فارس وهو يندس بجانبها أسفل الفراش..
سلامتك من التعب ياقلب فارس..
وبهمس أخبرها..
وحشتيني جدا..خالص يعني..
اليس بدلع..وانت وحشتني جدا جدا يعني..
فارس..طب ايه.
أليس..بضحك..إيه..؟
أنا جعانه..وعاوزه اخرج..
فارس ساحبا اياها اسفل الفراش..
هو انا مقلتلكيش..؟
اليس...لا..
فارس..اخص عليا..
لازم أعيد من الاول..
ضحكت وضحك هو..
غامزا لها قائلا..
هو دا..
وسكتت شهرزاد عن الكلام غير المباح..
(فارس ياجماعه خلاص عيشته ارتاحت وبيقضي شهر العسل بباريس.
يالا اللي علي علي..)
ــــــــــــــــــــــــــــــــــــــــــــــــــــ
صباحا بفيلا ادهم الجديده..
.حيث يعيش هو وماجد..
لقد صممها ادهم علي هيئه ادوار آملا ان يجمع شمل عائلته يوما ما.
منذ التقي بها وهو يمني نفسه
باليوم التي يجتمعون بها كعائله واحده..
فالفيلا مكونه من ثلاث طوابق..
الطابق الاول
خصصه له ولفاطمه
والثاني لماجد وسالي..
والثالث لابنته داليدا
البعيده الغائبه آملا ان تحن يوما وتأتي اليه..
تنهد متذكرا ابنته الحبيبه..لقد كانت بصغرها أحن عليه من أخيها..
كانت دائمابجانبه الا ان بدات امها حينما دخلت الجامعه تلعب بأذنها وتحركها هنا وهنا..
حتي اصبحت تجاريها بكل شئ..
تنهد داعيا لها بالهدايه
وراحه البال وان يجتمع شمل عائلته
يوما من الايام..
وكان الله استجاب دعائه..
أفاق علي جرس المنزل....
فتحت..
الخادمه..أهلا مين حضرتك..
داليدا..أنا داليدا اخت ماجد..عاوزه بابا..
الخادمه بترحيب بعدما علمت من تكون..
أهلا ياهانم اتفضلي أدهم بيه جوه..
دخلت..باتجاه الصالون حيث يجلس ابيها..
كان جالسا كعادته بيده فنجان قهوته وجريدته الصباحيه..
يحل الكلمات المتقاطعه..
انتبه لخطوات كعب ما..
رفع رأسه وجدها هي..
ابنته الحبيبه..
دق قلبه لمرآها فهو منذ عام كامل لم يرها..
منذ طلق والدتها..
نظر لها وجد وجهها يحاكي قصه حزينه..
ذكرته بأيامها الاولي وطفولتها..
حينما كانت تزعل تعبس بوجهها بضيق..
وتمد شفافها كبوز البطه..
لاحظ دموعها التي أغرقت وجهها..
وكأي اب لا يستطيع ان يري دموع ابنته وضع الفنجان بجانب والجريده بجانب..
فتح ذراعيه لها..
ثانيه اثنتان..وانطلقت في الأخري لأحضانه..
تبكي بغزاره..
داليدا..بابا..سامحني يابابا..
أنا أسفه..والله أسفه..
ادهم..ششش متبكيش ياقلب بابا انتي..
المهم عندي انك رجعتي لحضني تاني..
وحشتيني قوي ياداليدا..
وانت كمان يابابا وحشتيني جدا
دخل ماجد بمرحه يخفف من التوتر..
الله..الله..خيانه..هنا وفي بيتي..
مكنش العشم ياابو الادهيم..
طب حبوني معاكو دانا زي ابنكو برده..
رمقه ادهم بغيظ..قائلا
ابعد يالا..
ماجد..بغيظ..لا مش هبعد وادي قاعده..
وأزاح داليدا قليلا وجلس بجانبه..
لا مانا توأمها برده حبوني معاكو..
داليدا...بغيظ منه..بارد اووي..
ماجد..لا يابت حوشي السخونيه اللي بتطل منك..
ادهم بفرحه من عوده نقارهم معا.
بس انت وهي..تعالو انتو الاتنين في حضني وحشتوني اوووي.
ربنا ما يفرق جمعتنا يارب..
داليدا وماجد.. بنفس واحد.
يااارب..
ــــــــــــــــــــــــــــــــــــ
يقف بشرفه غرفتها بعدما حجز تذاكر ذهاب بلاعوده...
ناظرا للامام بشرود
يفكر بحاله وكيف اصبح بين ليله وضحاها..
لقد عاش اسوأ سنه مرت عليه..
خوفه من التجربه وشعوره الدائم بأن ما فعله ابيه اثر به جعله يحرم نفسه من ان يعيش معها وابنائه اسعد لحظات حياته..لطالماا كان يتخيلها ببطنها المنتفخه..
كان يلح علي سليم دائما ان يرسل صورها له..
ولكن الجبان كان يخشي منها..
يعلم انه يحبها ويخاف عليها ويخشي حزنها..
لطالما كان سليم اخا له ولها ولكن حينما يصبح الامر انحيازا فهو ينحاز لها هي وبشده
لذا كان ولاؤه لها هي..
وهذا ما كان يغيظه منه..
ولكنه وعلي الرغم من ذلك كان سعيدا
..مطمئنا انه يسد مكانه دائما..
فرب اخ لم تلده امك..
وعلي ذكر امه..
يعلم ان عودتهم..معا..ستجلب الضغينه لقلب امه التي كانت أكثر من سعيده بهذا الانفصال..
الا انه الان ومن موقعه هذا..
اصبح شخصا اخر..وجود اطفاله بجانبه ووجودها هي بحياته اكبر طاقه..
ابتسامه طفليه وملاغاتهم معا..يساويان عنده
الدنيا ومافيها..
يريد ان يقضي باقي حياته معها ومعهم..
تنهد وجحظت عيناه وهو يراها تقفز قفزتها التي كانت تقفزها يوما ما وهي تركب خلف اكرم الموتور..
قفذتها الذهبيه..
كما تسميها..تلك المجنونه لن تكبر أبدا..
تنهد بيأس منها وقد ارتاح ضميره الان مما فعله معها..وبها..
هو هنا لن يسيطر عليها..
اما هناك..ببيتهم..سيعيد تربيتها من جديد بجانب اطفالها التي بدا تأثيرها الواضح يظهر عليهم..
استدار فزعا..من ركلها الباب بغيظ..
عاااا
انت ياقبطان الزفت والندامه..
يوسف بصدمه وغيظ..مشيرا لنفسه..دا انا..؟
لارا بحده..وهو في غيرك..عااا.
انت عاوز تضيعلي مستقبلي..انا مش رايحه في حته..
يوسف بهدوء وهو يقترب منها..
قد كلامك دا..
لارا..طبعا..انا مش هنزل مصر.
يوسف..خلاص براحتك..بس انا هنزل انا وعيالي..
لارا بجنون..نعم..انت اتجننت..متقدرش..
هو كان حصل ايه يعني وبعدين الولاد علي اقامتي انا متقدرش..
يوسف بضحك...لا ياقطه..غلطانه الولاد وانتي اقامتكو علي اقامتي انا واللي اقوله هينفذ وانتهينا..
لارا وهي تضرب الارض بقدمها..ازاي..؟
يوسف بشماته..لهو انا مقلتلكيش..مش جدك بالتوكيل الرسمي استسهل و ظبط اقامتكو عليا..
يعني اللي بتعمليه دا ممنوش فايده..
لارا..عااااا.
وثواني واشتغل عقلها بمكر..
سكتت وسكت ينظر لسكوتها وما تخطط له..
جلست علي الفراش ورفعت راسها له ببراءه..
سوفا..
يوسف وقد هبط قلبه بين قدميه من نبرتها..
وبضعف..رد عليها قائلا..
قلب سوفا..
رفعت يدها بدعوه ان يأتي اليها..
بسرعه لبي ندائها..ومن الواضح ان اللعبه أنقلبت عليها هي..
فهي لا تريد حقا الشجار..تريده هو..
رفع لها وجهها بيديه..قائلا..
قلب سوفا..
لارا بحب له وشوق يحسها ان ترتمي بأحضانه..
سوفا انا زعلانه منك..
يوسف بهمس..
زعلانه مني انا ياقلب يوسف ليه؟
لارا..عشان هتخليني اتخلي عن الدراسه والجامعه..
يوسف بهدوء..
ومن قالك كدا بقي..
انا كلمت واحد اعرفه هيظبطلك ورقك في الجامعه مع أكرم وفريده..
ايه رأيك بقي..
لارا بدهشه..بجد..
يوسف
.جد الجد ياقلب يوسف..اضحكي بقي..
ضحكت بسعاده فحاوطها بين يديه..
قائلا..بعشقك ياقلب يوسف انتي..
لارا..وهي بين احضانه..ايوا كل بعقلي حلاوه..
يوسف بضحك..انا بردو..ولا انتي يالولا...
يوسف متذكرا ما حدث الان وصباحا..
تعالي بقي هنا..
لارا بخوف من نبره صوته..ايه في إيه..؟
يوسف بحده..مين دول بقي اللي ركبتي معاهم وطرتي..لا وجيالي بيهم دلوقت..
لارا وهي تهب مسرعه الا انه أحكم الوثاق عليها..
بيديه وقدميه..
لارا...يانهار فوحلقي انت مكلبش فيا ليه كدا..
يوسف بحده..انطقي.
لارا...مهوو..مهوو.
يوسف..مهو ايه.اخلصي..
مهو انا خايفه أقولك...
يوسف..ياشيخه..
بصي بقي..مهو انتي كدا..كدا..هتقولي..فانجزي..
لارا..وهي تدعي الانصات..
ايه دا..
يوسف..باهتمام..ايه في ايه...؟
لارا..دا الولاد بيعيطوا...سيبني اشوفهم.
يوسف بعدما فهم ملعوبها..تركها وفك وثاق قدميها ويديها..
قائلا..لا مدام الولاد..قومي طبعا..
وقفت مسرعه وقبل أن تخرج مسرعه كان اختطفها من خصرها حاملا اياها بيد واحد ورازعا اياها علي الفراش..
لارا..عااااا..يامفتري..
اعتلاها قائلا..بتضحكي عليا يالارا..
مفيش فايده فيكي..المكر بيجري في دمك..
ولاد..ولاد ايه يالولا..
دا حتي يوم ماربنا كرمني وخلفت عيال..طلعو ورثين الجنان من امهم..العيال قطعوا شعر بعض..
جننوا أمي الشويه دول..
لارا..بغيظ..وانا مالي متربي عيالك ياأخي..
يوسف بمكر..لا متقلقيش..هربيهم وهربي امهم..
لارا..وهي ترفع حاجبها..تقصد ايه..
انا مش متربيه..؟
ماشي يايوسف..اغلط..اغلط..
يوسف وهو يقترب بوجهه منها..
طب بذمتك في واحده متربيه..تسيب جوزها حبيبها
اللي بيحبها وبيموت فيها..
وتهرب وتعمل اللي عملتيه دا..
أعمل فيكي ايه انا...
لارا..ببراءه وهي تحاوط عنقه...
سوفا...مانت اللي منعتني اني اروح المحاضره..
ودول صحابي..بركب معاهم كل يوم..
يوسف بغيظ.. وهو يعتدل بجانبها..
تركبي معاهم كل يوم...
دا ايه البراءه دي..تصدقي ظلمتك..
وبالسرعه دي
صحبتيلي الجامعه كلها..
لارا..دول مصريين اتعرفت عليهم هنا..
يوسف..يافرحتي..بس خلاص..احنا هننزل مصر ودا قرار نهائي طيارتنا بعد اربع ساعات..
لارا باستنكار...يوسف بقي..انت بتتكلم جد..
يوسف..جد الجد..خلصنا...
لارا وهي تقف..اف منك..ياأخي.يارتني ماجيت..
كنت سيبتك مقموص..
كنت عايشه بحريه..
يوسف وهو يعيدها بجانبه..
سمعيني كدا..بتبرطمي تقولي ايه..
لارا..مقلتش ياعنيا..
يوسف بعدما احتجزها أسفله..مره أخري..
لارا يا حبيبتي يعجبني فيكي سفالتك اللي يوم عن يوم بتزيد..
لارا..ابعد يايوسف..انت قهرني وغيظني..
وانا هطق منك...ابعد كدا..والله اطفش وانت عرفني مجنونه..
يوسف..اخرسي يازفته..
وبهمس اكمل..اخرسي خالص..
مفيش دم...
لارا بعدما سرحت بنظرته..
هااا..
يوسف بحب..هااا ايه بس..
لارا..اوعي يايوسف انت نسيت الطياره.
يوسف..من بين قبلاته..انتي نسيتيني نفسي أساسا..
لارا بضعف. انا زعلانه لسه..
يوسف..مانا بصالحك اهو..
وغابا معا......برحله جميله..
وسكتت شهرزاد عن الكلام غير المباح..
ــــــــــــــــــــــــــ
بعد ساعه..
تدفس وجهها بصدره..بخجل.ويديه تحاوطها
يوسف بهمس..لولا..حبيبتي
لارا..مممم.
يوسف..داحنا مكسوفين بقي..
رفعت وجهها له ودفستها بعنقه..
قائله..
مكسوفه منك..
يوسف بعشق..خالص لها..
أموت انا ياناس..وحشتيني اووي يالولا ووحشني كسوفك..
لارا ياقلبي..انا عاوز اتكلم معاكي جد شويه..
لارا وهي ترفع وجهها..له..
نبرته الجاده انبهتها له..
رفعت يدها وملست علي لحيته بهدوء..
تحدثه علي الكلام..
قول ياقلب لارا.....
يوسف وهو يقبل يدها..لارا انا عرفت من عاصم انك عارفه اللي حصل وو.
لارا مقاطعه له..لوهتكمل يايوسف في موضوع علاجك..فدا حاجه تفرحني انك كنت عارف تعبك..وعلتك..وبتحاول عشاني..
وانا كان عندي ثقه انك هترجعلي انا وولادك..في الاخر..
يوسف..انا فخوره بيك..وجدا..
يوسف..بدهشه..دايما..بتدهشيني..يالارا..
دايما فهماني من نظره عنيا..
انا كنت بعيد عنك حاسس
اني تايهه ومليش مرسي..
انا بحبك اوي يالارا..
بحبك بجنون.
لارا..وأنا بعشقك ياقلب لارا..
لارا..ووهي تمسد بحنيه علي رأسه..
كان نفسي تبقي معايا وانا حامل..كنت محتجالك أووي..
كان نفسي تمسك ايدي وتطمني وانا بولد..
كان نفسي أفتح عيني ألاقيك جنبي...
يوسف ببكاء..سامحيني يالارا..
سامحي ضعفي كان غصب عني..
لارا وهي تزيد من احتضانه..
عارفه ياقلب لارا عارفه..
مسمحاك.والله مسمحاك..وبحده أكملت..
بس خلاص مش هسمحلك تبعد عني تاني..
فاهم..
يوسف..من بين دموعه..
فدموعه لاتنزل الا في حضرتها..
فاهم ياقلب يوسف..
لارا...بمكر بعدما رأت الساعه ومرور الوقت..
وقي نفسها..قشطه..دا.. معتشي غير ساعه..
عااااا..
يوسف..بتذكر..هب واقفا..لارا..الطياره..
راي لمعه عيناها بمكر..
يامجنونه انتي قصده تأخرينا صح..
لارا ببراءه... أنا..
وانا مالي..اقتربت أكثر منه..ويدها تتحسس صدره..
دايما ظالمني ياسوفا كدا..
ابتلع ريقها بصعوبه..
وبحشرجه..لارا..اقصري الشر واوعي خلينا نلبس..
لارا..بهمس..متخلينا هنا انهاردا وبكره نمشي..
عشان خاطري ياسوفا..مشبعتش منك.
يوسف..وهو تائه بها..
لارا..انتي عاوزه ايه بالظبط..
خبط الباب أفاقهم..
لارا وهي تسب بأسنانها..
ودا وقته..اف..
يوسف بضحك علي فشل مخططها..
رد قائلا..مين..
الداده..يوسف بيه احنا خلاص حضرنا كل حاجه والسواق مستني تحت..
يوسف.خلاص ياصباح اسبقونا انتو واحنا نازلين وراكي..
لارا..وهي تخبط الارض بقدمها وتلملم ثيابها..
اف مفيش فايده..
يوسف وهو يجرها لداخل الحمام.
مفيش فايده انسي..
ـــــــــــــــــــــــ
بعد ساعه بالطائره..
يجلس وبجانبه هي نائمه علي كتفه بعمق وبين يديها ابنها ريان ينام بعمق.أيضا
وعلي يده راكان مستيقظا مثله..
نظر لها ولابنها علي صدرها ينام بعمق مثل نومتها..
تمتم بالحمدلله علي لم شمله وأخيرا معهم..
سيحارب الدنيا ان لزم الامر ولن يفترقا أبدا..يكفي ما ضاع بعيدا عنهم..
لا يريد شييا آخر..بهذه الدنيا..
لقد عادت له روحه بعودتهم..سيبقي شاكرا حامدا فضله ولمدي الحياه..
قبل رأس أميره الصغير
التي يتململ علي صدره.
بحب..
قائلا..باسف..
كان عقلي فين بس..وانا بقول مش عاوزكو.ها..
بابا مجنون مش كدا..
لارا بهمس.. بعدما استيقظت وسمعت كلامه .
أحلي مجنون في الدنيا..
يوسف بهمس لها.
وهو ينظر لعينيها بعشق..
سامحيني يالارا..
لارا وهي تدفن راسها بصدره اكثر بينما يده حاوطتها من الخلف تقربها له..
مسمحاك ياقلب لارا..من زمان جدا.
انتبهوا علي خبط من الخلف..
نظروا معا...فصدموا مما رأوا..
..انت ياكابتن انت وهيا..
راعوا مشاعري شويا
أنا لسه سنجل الله يخليكم
دا ايه الهم دا..
يوسف. ولارا معا..
و.بصدمه انت..
ـــــــــــــــــــــــــــــــ
تفتكروا مين؟
ها..
شيفاكي ياللي هتقفلي من غير كومنت وفووت
ليه ها ليه..؟