فِّيِّ عٌيِّنِيِّ غٌيِّمَ ګثّيِّر لَأّ يِّمَطّر!!!!!
مَمَګنِ مَتّأّبِعٌهِ لَحٌَّسأّبِيِّ مَعٌ أّلَتّصٌوِيِّتّ smjank
اعتذر منزلت البارحه ..بسبب ايدي توجعني ....
اسيرة: ورة مشبعني كتل ومن حلاوة روحي اريد اخلص من جوة ايدة حته انزل زلكت رجلي ووكعت من درج كله طلع دم واغمه عليه محسيت لما فتحت عيوني بوجع واحس جسمي متكسر من ضرب ياسر لكيت اهلي وياسر وعمتي وعمي فوك راسي اول ماكعدت صحت ااخ ماما حضنتني
اسيرة: ماما ااا جسمي موتني شصار ...كمت اتلمس بطني
مامابجي: الحمدلله ع سلامتج بنتي
اسيرة : اتلمس بطني مو عاليه عطت وين ابني وين محمد
الكل دنك راسه وماما بجي كالت: بنتي مات اهم شي انتي بخير كلشي يتعوض
اسودت دنيا بعيني هوة شنو اليتعوض خسارة ابني المتلفه علي لو ارجع للضرب والذله لعمتي وابنهه ظليت ابجي واناشغ بابا كال
بابا: شصار حته يصير الج اسقاط
عمتي بلبكه: زلكت من درج ووكعت
ستار ضرب ايدة بقوة : وليش ماكوو غيرة بالبيت لو شنوو ...
من شفت اهلي ضاجو عليا واني كلبي مشتعل اريد احرك ايدي بس بيهه كانونا ماما جتي رفعت ردن وشافت ايدي مزوركه لطمت ع صدرهه عزاا شمسوي بيج هيج
اسيرة: هذا ضيم ياسر وامه مشوفوني يوم مال اوادم كله كتل حته الحيوان يعاملو احسن مني ..كمت ابجي بهستريا واطلع لبكلبي ..ماما مو هذا زواج لكلتي كلشي يصير بين الزوجين اتحمل لهنا وبعد ماكو بابه اني بعرضك طلكني منه ...
ستار لزم ياسر دك بوكسيات وطردهم وراحو ياسر واهله ورة مصارت كونه بين ستار ويتسر فاككوهم بلكوة بابا عاط خلهه ترتاح ويصير خير ووصه ماما بيه وطلع ينتظر برة الغرفه بقيت بحظن ماما ابجي وهيه تمسح ع ظهري لما نمت ثاني يوم طلعت لبيت اهلي ..نفسيتي متدمرة كلش ووجهي شاحب ومسقطه ومزورك جسمي كلما اتذكر وين جنت ووين صرت ابجي ومن فتت لبيت اهلي اجتي كل ذكريات دلال لراحت وغابت من تزوجت بقيت يومين لا اكل لا كلشي يغصبوني أكل علمود علاجي ...وراهه خوالي سمعو و٣ هدو ورادو يوصلوهه للدم ع اذيتهم الي بس بابا كاله طلك ياسر جاب عمامه ورادو نتفاهم بس بابا اصر ع طلاك عاد الحقير طلكني بس مدفع كل حقوقي او المؤخر نصه انطاه ونص لا بابا كال منريد بس يطلكهه بس حيدر وستار كالو اله حقهه عاد انطاني نص واتطلكت رسميا بس حالتي مو زينه بس ابجي ع سنيني الراحت وابني الخسرته بسبب ياسر وخباله يسمع كلام امه عديم الشخصيه ...ورة اسبوع من طلاكي توته جانت طالبه سادس اعدادي وجابت سيوفي يخبل فدوة والبيت انترس كرابه وهوسه وبنات عمي اساور ورحمه مثل ظلي متركوني وفدوة نبوش صايرا خامس علمي كلهم حاوطوني ورادو يطلعوني من حزني بس وين اني قافله بقيت ع هالحاله شهرين بابا تعب مخله شيخ او طبيب موداني علي صرت منعزله وكلما احط ايدي ع بطني اشبع بجي ....عاد ورة شهرين واسبوع طلاكي بسنه ٢٠١٧ كمت اكعد ويه اهلي شوي ...وخطيه مرت ستار جابت وسادس ضغط عليهه واني بحاجه اطلع قهري بقيت تنظيف بينه اني وماما وتوته ونباوي بس ابن ستار صار مؤوليتي وعمرة شهرين يناغي متت علي صرت عبالك امه مهتمه باكله مميات وحفاظات وسبح ع ماما وتبديل وكلشي مرات انسه اكول سيوفي اكول حمودي ونبهوني ع هاي سالفه اهلي بس تطلع لا اراديا ...بقيت هيج وضعي اهلي مقصرو بابا متندم لانه هوة انطاني بس اني مكدر ازعل منهم بقت حياتي هيج لما خلصت امتحانات ونجحت توته وابنهه صار سنه حسيتهه كامت تضوج مني وابنهه تعلق بيه كلش مرات يبجي مينام اله بحضني ....بس اني مردت اخرب حياتهم ومدام خلصت امتحانات ابنهه وهيه احق مني انسحبت وكمت اتعذر حته يتعلق بامه ...بقه وضعي هيج خواتي اساور ورحمه وماما من يطلعون للسوك شكد حاولو اطلع بس وين اني قافله ومن ظيمي اطلع حركت كلبي بشغل واكل صار ع طلاكي سنه وشهرين ....
بيوم جنت كاعدة ودنيا شتا ماما كالت
ماما: يمه سريوة كومي بدلي خل نطلع للسوك اكو نواقص رايدتهن
اسيرة: شنو ماما ماكو غيري شوفي نبا تبارك
ماما: بنتي كومي غيري جو وشي ثاني مو مرت علاوي ابن خالتج جابت غيري افاضلهه
مثل صدمه علي اتزوج وصار عندة طفل يله الله يسعدة
اسيرة: بس هوة مو جان مسافر يدرس
ماما: ييي وبعدة مسافر بلعطله يجي وتزوج قبل سنه ونص واناي هم مجيتي جنه منطين خبر ل ...وسكتت
عرفته منطيه خبر لياسر والحقير مكال كمت لبست ودنيا شته لبست بالطو وحجاب اني حجابي مو مضبطته يعني شعري من كدام يطلع ومكياج خفيف ويه طلعتنه فتحت الباب البرة وكتلهه يله ماما وطلعت قبلهه صارت فتحتي ويه فتحت ابن جيرانه نوفل بابهم جان لابس بنطلون اسود وقميص وبالطو اسود ومحدد لحيته كلش دخت وبقيت صافنه بي وهوة هم صفن بيا فزيت ع ماما تطبك بابنه وحجت ويا
ماما: شونك نوفل ابني شخبار امك
انتبه نوفل؛ حمدلله ام ستار بخير ...شونج انتي وؤن رايحه اوصلكم بدربي
ماما: لا تسلم نتمشه احسن حته سويرا تغير جو ...من رخصتك
نوفل: مرخوصه خاله .....ومشينه وعفناه وهوة عيونه زرك دخت خررب ولا كاني اتطلكت غير لازم اثكل رحنه للسوك واشترت ماما لتريدة ورجعنه مشتريت اني عندي ومالي واهس همات رجعنه بس تفكيري بنوفل شخصيه وهادء مدري عيونه التسحر عاد كمت اشر ملابس بسطح يوميه واشوفه ومن اشوفه يظل صافن ويبتسم بوجهي استمرينه بهالحال اسبوع واكيد مغلط غلطتي الاولى ويه ياسر واضم شي ف البنات نبا ورحمه واساور وتوته يعرفن بالموضوع وراهه الاسبوع ثاني جتني توته ورحمه وكالن
رحمه: لج سويرة عيفي نوفل طلع ملعب
اسيرة: شلون يعني
توته: طلع عندو سوالف مكسرة وصاحب بنات وكل يوم بنيه شكل توه ستار كال واحنه سمعنه واجينه نحذرج لا تتلطخ سمعتج مناقصه فوك ماانتي مطلكه تجيبين حجايه وناس مترحم
اسيرة بقهر؛ خاف متوهمين نوفل كلش خلوق مشفت منه شي يخجل
رحمه: حبيبي الله يعوضج بالاحسن وتركي انتي لان طلعتي من تجربه مرة وحزينه مشاعرج ممتوازنه تكبرين شوي تفهمين الحياه اكثر وحب المراهقه هذا مو دائم ودليل حتنسين نوفل صدكيني ...
سويت مثل مكالو وتجاهلته والسطح بعد مصعد ورة ٤ ايام كلت لبابا خل نغير مكانه ممرتاحه وبابا لان يحس بذنب تجاهي متردد وهم تبارك كالت لستار البيت بعيد عن جامعتهه لحداوم بيهه ف شلنه بغير بيت هالكلام عمري من طلكت ١٧ ومن هالكلام صار وتركت نوفل وبيتنه عمري ١٩ سنه .....ورة مستقرينه بيتنه وصرنه بعيدين عن الذكريات ولو تبقه مرافقتني ..قررت ارجع الدراستي بس مصارت او مرهمت تعرقلت بسبب عمري ومدري شنو اوراق ناقصه سكتت اعرف حظي زفت يايوم نصفني ..بيوم جنت طالعه ويه سهاد اختي ورحمه للسوق وجنت لابسه جبه وبيهه فتحه مبين البنطلون وحجابي مطلع كذلتي سولتي من البس حجاب ومكياج خفيف ومنحس غير واحنه نفتر بسوك ع صوت ياسر وياه ولد طلع ابن عمه
ياسر بحديه: شعدكم بسوك وحدكم
سهاد: وانته شدخلك بصفتك منو هيووو وخر لا الم الناس عليك
ياسر: محجي وياج ويه الخانم لعبالك عروس طالعه
رحمه: والله اذا حاولت توكفنه لنلم خلك الله عليك صدك متستحي ..عفناه ومشينه اني طبعا محجيت اشمئزت روحي منه هوة سبب خسارتي لابني وكل ما يكبر سيوفي اتحسر ع ابني ...مرات اصفن اكول بنات عمي وخواتي اتزوجو مو عن حب ومنسعدات ليش اني مو حسد بس اريد حظي يصير مثل الاوادم شذنبي مطلقه وعمري هسه ٢١ ...وطبعا محد يدري بموضوع مرضي بس اساور تدري عندي فتحه بالكلب وكل مرة تيد تحجي وامنعهه اهلي حاسين بذنب مريد ازودهه عليهم ....اتعرفت بعمري من جان ٢٠ ع كروب شباب وبنات وحبيت واحد مشفته او انعجبت بي بمعنى اصح ورة فترة كال مخطوب لبنت عمه مهتميت الصراحه لان حظي مصخم وملطش بقينه صداقه بس وهسه البطله حاليا بعمر ٢١ دتدرس ثالث متوسط خارجي بمساعدة زوج عمتهه بالوقف الشيعي ....
للان ممتزوجه ونوفل انكطعت اخبارة ......
النهاية.....
النهايه مفتوحه طبعا وكتبت القصه بعد الحاح واصرار البطله واتمنى استفاديتو من العبرة البيهه ....وشيصير جديد اذا اتزوجت او اتعالجت وبلغتني اني انطيكم خبر ...دمتم بخير ....
اعرف النهايه متوقعتوهه هيج بس هذا الصار وفعلا حزينه حظهه منصرهه ....بس لعل الله يحدث بعد ذلك امرا ،،،،
انتظروني بقصه واقعيه ...دمتم بخير
يصف حال اسيرة اسمهه مستعار طبعا والاسماء كلهه مو حقيقيه ...
انه المجتوف مايفتك
انه الينشاف چنه بخير
انه الجذاب من يضحك
انه الضايع كحل بالليل
انه الخلكَه ظرف مشكَوك
انه الثكَلت علي روحه
انه الكل تايه وكل عابرة تلوحه
انه المتروس صدرة اعتاب
انه العينه ع دكَت الباب
انه الما ادري شكبرة
انه الباكَه بياض الشيب من عمرة
انه الضاعن احلامه طيور
انه الماله عمر يسوة انه الفدوة
انه حته الاحلى ايامه كَضن كَوة
انه الينشد انه اليفكَد
انه المتركد اتركد
انه الينلچمَ من الريح
انه الويه الغروب يطيح
انه لما يوم چفه اتواعد بحنه
انه مدري عدل ميت
انه لماينشد عنه ،،،🥺