البارت الثامن عشر
~~||~~
احمد : نيبار وكالا سحرو فهد وكانو بيسحروني انا
ام احمد وقفت بصدمه : شنوو !!
احمد : براءه شافتهم وفكت السحر عنهم
ام احمد : الحين تتصلون ع الشرطه تحي تاخذهم الثنتين
فهد : معقوله براءه تطلع عربيه مو اجنبيه
رغد : انا قلت بعد مستحيل هالجمال وخدامه
ابو احمد دخل وب ايده الضرف
جلس بالصاله
ابو احمد : لقيته برا شنو فيه ذا بعد
فتح الضرف
~~||~~
خرج من بيته وهو يفكر
كلامها صحيح بكل قالتها شلون انا كذا
شلون عشت ضالم كل هالفتره الي م اخاف الله
طالع فونه الي يرن رفع السماعه
وسيم : ابوي يبيك تعال
النايف : طيب
~~||~~
ابو اياد رمى الضرف ع الارض بصدمه
ام اياد : شفيييك
ابو اياد : مصيبه وطاحت ع روسنا
~~||~~
توسعت عيونه بصدمه وطالع عياله الي جالسين قدامه
عزام : خير يبه شفيه؟
تنهد ابو احمد وهو يقرا الكلام بصدمه
حط الضرف ع الطاوله ودفن ايده بشعره
~~||~~
فتح الضرف وجنبه اسيل ويمينها وسيم ويسار النايف
اسيل : يبه اقرا بصوت عالي
ابو وسيم - بسم الله الرحمن الرحيم
السلام عليكم ورحمة الله وبركاته
مدري من وين ابتدي الي بقوله لك
انا مو عارفه اذا انت الي تقرا ابوي او عمي
تعبت وانا احاول ادور ابوي والحين لقيته
بس مدري مين هو بالضبط انت او عمي
انا بنت الريم الي تركتها محروقه ودمرتها
انا الي عشت سنين متعذبه بحياتي
امي مرضت ولا كان فيه حتى اكل تاكله
قررت اشتغل كخادمه وللأسف اشتغلت عند اهلي
انا براءه ....... مصعب ال******
ي الراشد
ي هلال
ي سالم
واحد منكم ابوي
والله اني م راح اسامحه وراح انتقم منه ع الي سواه ب امي
والدليل صورة من الرساله الي ارسلتها لامي
تحياتي
الخادمه -باري-
وموجود بالضرف الرساله الي ارسلها لامها
اسيل وقفت بصدمه : يبه انت كنت متزوج قبل امي
وسيم : يعني ممكن براءه تطلع بنت عمي او
النايف توسعت عيونه : اختتتي!!!!!!
~~||~~
عزام : يعني شنو ابي افهم انت كنت متزوج قبل امي وبراءه اختنا
احمد : مستحيل يعني ممكن الي رفضت اعالجها مرت ابوي
عزام : والله راح اموت لو قلت لي انها اختي
رغد : يبه تكلم قول انو مو انت ابو براءه
عزام : يبه تكفى يبه انا احبها لاتقول لي انها اختي لاتقول
فهد : خلونا نتأكد يمكن تحتال علينا
ابو احمد : لا يبه تطمنو براءه بنت عمك
عزام جلس ع الارض من الصدمه وبنفس الوقت فرحان
فهد : كم صدمة جاتنا هاليوم شهاليوم
رغد : فلم حياتنا فلم
ام احمد : لحولا ولا قوة الا بالله معقوله كل هاذا صار ولا لاحضنا
فهد : يبه بنت مين هي !!
~~||~~
ولاء : يبه تكلم خدامة عمي باري هي اختي
إياد : ي يبه ليش م ترد لنا ساعه نحاكيك رد
ابو إياد : اذا صح هذي بنته يعني براءه بنت عمك
الاء ؛ بنت عمي منو ؟؟؟
ابو إياد : هلال
الاء : اخت وسيم والنايف يالله
ولاء : صدمتونا يبه
~~||~~
وسيم والعبرة خانقته : يعني باري اختنا
ابو وسيم : ممكن تكون كذابه
وسيم : براءه م تكذب انا اعرفها زين
ابو وسيم : بس هالورقه مو انا الي كاتبها !؟؟
وسيم : اجل مين كاتبها !!
ابو وسيم : مدري ي ابوك انتضروني هنا
طلع داره ونبش ب اوراق قديمه وطلع منها رساله
ونزل لعياله
ابو وسيم : انا يوم جيت لاهلي ب اخبرهم عن زواجي بالبدايه رفضو بعدين قالو عادي ويوم بروح لها جاتني هالرساله منها
- طلقني ي هلال انا م ابيك انا كنت اسلي وحدتي هناك فيك انا كرهتك ومابيك ولد عمي بيتزوجني واهلي م رضو فيك لانهم م يتشرفون انا م احبك بس عشت معاك شهور بسيطه تزوج انت وطلقني وخليني اتزوج واشوف حياتي مع حبيبي -
وسيم اخذ الورقتين وطالعهم : كلهم نفس الخط !!!
اسيل : صح يبه نفس الخط والحروف شوف هنا
ابو وسيم اخذ الورقتين وضل يطالعهم
ابو وسيم : هذا شخص يبي يفرق بيني وبينها وانا عايش حياتي كلها هاذي مصدوم ومكتئب بسبب ريم واخرتها واحد ضاحك علينا وكتب هالرسالتين عشان يفرق بيننا وفعلاً فرق بيننا
وسيم : انا مصدوم حيلل لازم نااقيها عشان تفهم الحقيقه
~~||~~
طلع داره وطالع المرايا
النايف : قد ايش انا انسان سافل قلت لعزام يغتصب اختي وانا تحرشت فيها من غير الغزل الي غازلوها فيه الشباب
استغفرالله ياربي انك تسامحني انا جالس اسوي ذنوب فضيعه بحياتي
شنو من شنو مخلوق انا م خفت ع تفسي وع اهلي واول شي من الله
شلي سويته ي النايف كنت راح تموت اختك وتخلي شخص يغتصبها
وانا متحرش فيها واتغزل بمفاتنها
غمض عيونه ورمى كل الي ع التسريحه بالارض
الي سويته بمها سويته ب اخت
ناديت عزام وحرضتها يغتصبها
انا انادي ولد عمي عشان يغتصب اختي
شنو انت من شنو مصنوع
يالله انك تسامحني يالله
كما تدين تدان كما تدين تدان
طلع ونزل عن اهله الي يسولفون بغياب امه
سمع الجوال الي رن وراح له ورد تحت انضار اهله
النايف : اي انا ولدها ... شنوووو .. -طالعهم الي يطالعونه بصدمه - . امي سوت حادث
كلهم وقفو بصدمه
اسيل جلست تبكي : يمه؟؟؟
وسيم انصدم وجلس ع الارض
النايف دفن ايده بشعره وضل يبكي
صحيح انها امهم مهما تسوي
صحيح انها حرمتهم منها واهتمت بنفسها واهملتهم بس الام نعمه عندك بس عندك غيرك يتمنى طيفها
~~||~~
رحبت فيها ام مشاري تحت نضرات اعجاب رولا فيها
حكتهم براءه بكل شي صار لها
من بداية م سافرت مع امها لين م جات عندهم
براءه : يصير اضل عندكم كم يوم
ام مشاري : نحطك بعيوننا العمر كله
رولا : تعالي معاي اوريك غرفتي ومنها تونسيني بوحدتي
ابتسمت ام مشاري : كبرت وصارت عروس
مشاري : الله يوفقها
ام مشاري : ها يمه تبيني اخطبها لك
مشاري : لا يمه اشوفها مثل رولا
ام مشاري : الله يعجل والاقي لك بنت الحلال الي تسرك
~~||~~
صباح يوم جديد
حزين عليهم
وخصوص عزام ووسيم
بكل مكان فكرو فيه يلاقونها دورو ومالقو لها اثر
وسيم : اكيد عند هنادي
عزام وايده ع راسه : مين هنادي
وسيم : صحبتها
عزام : تعرف بيتها ؟؟
وسيم : لا بس انت تعرف بيت سيمارا صح؟
عزام.: اي ؟
وسيم : بنفس العماره الشقه المقابله
عزام : يالله طيب امشي نروح
توجهو لبيت سيمارا وراحو طقو الباب
~~||~~
كانت فارده شعرها وطايح وخصلت شعرها ميعثره ع وجهها لابسه برمودا جينز وتيشرت ابيض فضفاض
وبايدها الكتاب
سمعت صوت الجرس
هنادي : يوه بابا شكلك نسيت المفتاح
وقفت وراحت فتحت الباب ومشيت
عزام ووسيم ؟؟؟؟
استغربت م سمعت صوت
رحت وقفت وطالعتهم بصدمه
وسيم : هنادي
هنادي رجعت شوي ورا الباب وطلعت عيونها بس
هنادي : اي شنو تبي؟
وسيم بلع ريقه تخرفن ع براءتها : امم ابي براءه؟
هنادي : ليش هي مو ببيت الراشد
عزام : عرفنا كل شي احنا وهي تركت وراحت واختفت
هنادي توسعت عيونها بصدمه : شلون اختفت
وسيم : يعني راحت ومحد يدري وينها
هنادي : طيب هي وين نايمه طول امس وانتو ليش للحين ساكتين ؟؟؟؟؟ يمه براءه حبيبتي وينك
وسيم : لاتقولين انها مو عندك
هنادي : وسيم انت مجنون شلون كذا تختفي ان شاءالله م صار لها شي
وسيم : تعبنا واحنا ندورها حتى تركت امي بالمستشفى عشان الاقيها
هنادي : دوبي ادري منك
وسيم : امانه م تعرفين شي عنها
هنادي -يمكن تزعل لو بقوله عند مشاري- : هاه لا م ادري
عزام : متأكده؟
هنادي بتوتر : اي
عزام : انا دارس علم نفس
هنادي : مشاءالله اصفقلك
عزام : عيونك تقول انك تعرفين وين براءه
هنادي : هذا مين ي وسيم !!!
وسيم : عزام
هنادي : اهااااااااا انتتتتت عزاممم الي كل شي صار بينكم قالت لي عنه
عزام -اسكتي لانفضحيني- : يالله وسيم ورانا وقت
وسيم : طيب قبل م امشي بقولك هنادي براءه مريضه بسرطان المعده وهي م تبي تتعاالج
هنادي تركت الباب وحطت ايدها ع فمها : شتقول انت
وسيم : احنا نبغى نعجل بعلاجها قبل م يفوت الاوان واخسرها
هنادي : طيب خلاص اعرف وين فيه
وسيم وعزام طالعوها بحماس
هنادي : عند مشاري
وسيم : مين هاذا مشاري ان شاءلله
عزام : لايكون واحد تعرفه من وراي
وسيم : ذكرته ذكرته
عزام : وين بيته
هنادي : م اعرف شي عنه ابد غير اسمه
وسيم : هنادي
هنادي : والله م اكذب والله
تنهد عزام
وسيم : تعرفين اسمه كامل
هنادي : والله لا م اعرف غير انه مشاري وعنده اخت اسمها رولا
وسيم : طيب
خرجو وسكرت الباب وقلبها بطلع قلوب
ركبو السياره
عزام : خوش طريقه خليتها تعترف بكذبتك
وسيم : مين قال اني اكذب صحيح براءه مريضه
عزام : شنووو من جدك
وسيم : والله مريضه بورم المعده مثل امها مرض وراثي
عزام : يالله يالله ايش هالمصايب الي تتحاذف من يمين ويسار
~~||~~
صحيت الصباح وحست بالدوخه الي جاتها
غسلت وجهها ومشيت حست انها زادت
خطوتين وتطيح مع الدرج
مشاري كان يسولف مع امه رمى الفنجان ع الارض وراح لها ركض
مسك ايدها
ام مشاري : يمه شفيها
مشاري : مدري يمه بس جيبي عبايه نوديها المستشفى
ام مشاري : اي يمه يالله
جابت العبايه وغطاها وشالها
وتوجه ع المستشفى الخاص
دخل وبايده شايلها وينادي : دكتورر سيستر
احمد اشر لهم وراحو جري جابو النقاله واخذوها
احمد لحقهم وشافها
احمد بصدمه : برررررااءه!!
~~||~~
~~||~~
طالع الي معاها واستغرب ودخل معاهم للغرفه وسكر الباب وضل مشاري وامه برا ينتضرونها
طالعها وشافها كيف تعبانه
تنهد بضيق : الا انتي انتي
صار يكشف عليها فتح عيونها وضل يطالعها
والسيستر حوله تساعده
جات السيستر : المريضه لها ملف بمستشفى ال****** معاها ورم بالمعده
احمد غمض عيونه بحزنن : نفس امها بس م راح اتركك انا الي بعالجك
~~||~~
دخل ابو وسيم وجلس
طالعته ام وسيم بتعب
ابو وسيم : الحمدلله ع سلامتك
ام وسيم : اشوف الموت
ابو وسيم : اذكري ربك وارتاحي هذا التعب
ام وسيم : ابيك تسامحني انت والعيال
ابو وسيم : ي بنت م فيك الا الخير
ام وسيم : انا ضلمتك وخليتك تتزوجني غصب عنك سامحني
ابو وسيم طالعها بصمت
ام وسيم : انا الي كتبت الورقتين وارسلتها لها ولك عشان تصير حقي لي انا م كنت اقبل انك تتزوج علي وحدا ثانيه بالسر وعندك عيال مني م كنت ارضى بهالشي كنت عارفه انها راح تدخل ع طمع وتاخذ كل شي مني اضطريت ابعدها عنك واخليك تطلقها وترد لي انتضرتك سنين تزوجتك وانا باقي صغيره وسيم كان بيدي وحامل بالنايف اخرتها تروح تسافر تكمل دراستك وتتزوج علي هالشي م دش مخي سامحني سامحني تكففى
ابو وسيم وقف بصدمه : شنو قلتي
ام وسيم : كنت ادري انك م بتتركها عشان قلت تجي منها احسن
ابو وسيم : انتي عارفه شتقولين
ام وسيم : سامحني يبو وسيم وخليها تسامحني هي بعد
ابو وسيم طلع من الغرفه مصدوم وانفاسه تتسارع
فتح ازرار ثوبه وهي ياخذ نفسه
سمع صوت الجهاز الي اعلن توقف نبض ام وسيم لاكن م تحرك من. الصدمه
ابو وسيم : انتي انتي ي ام وسيم !!!!
الدكتور : ان لله وان اليه لراجعون
~~||~~
طلع احمد وسكر الباب وراه
احمد : سرطان معده
عقد حواجبه مشاري
ام مشاري : الله يشافيها
مشاري جاء بيدخل الغرفه بس مسكه احمد ودفه
مشاري : عفواً
احمد : انتو مين!!!
مشاري : انت الي مين
احمد كتف ايده : انا احمد ولد عمها الراشد
توسعت عيون مشاري بصدمه : انت احمد!!
احمد : عندك مانع !!!
مشاري : زين انكم تذكرتو انو لكم بنت
احمد : م يخصك بهالشي تقدرون تمشون م اسمح لكم تدخلون هالغرفه
احمد طالع السيستر : جيبي الامن يوقفون وممنوع اي احد من طرفهم يدخل عند براءه
مشاري : م راح تمنعني من شوفتها
احمد : وبصفتك اخوها لا ابوها لا يعني تفضل امشي من هنا ب احترامك ولا ببلغ عليك بخطفها
مشاري : وانت بصفتك شنوو مَحرم لها ؟؟لا يعني م تقدر تسوي شي
احمد : م يخصك هي قريبتي وانا حُر فيها
مشاري : وين ابوها اخوانها ولا بعد مستحين يقابلون اختهم الي ضلت بعيده عنهم اكثر من 15س
احمد : اطلع من هنا ولا تدخل نفسك بعايلتنا
مشاري : انا طالع بس والله لو احد يضرها بشعره ب اذبحكم كلكم واشرب من دمكم
مشي مشاري وهو مغبون
~~||~~
اسيل بصراخ : شلون شلون ماتت انا م شبعت منها شلووووون
وسيم ضمها وضل يبكي
اسيل : حرمتني منها حرمتني من وجودها حضنها حنانها حرمتني من كل شي والحين تروح ومعاد ترجع
وسيم : خلاص اهدي انتي الحين ادعي لها بالرحمه
اسيل : اهه ي يمه اهه
دخلت بنوبة بكاء
~~||~~
دخل البيت وجلس بالصاله
ام احمد : شفيك يمه
عزام : مالقيناها
ام احمد : خلاص يمه هي لو تبيك م تتركك وتروح
عزام : مستحيل اخليها تروح لغيري براءه لي انا وحدي
ام احمد : م عليه يمه دريت ان ام وسيم توفت
عزام بصدمه : شنو .. الله يرحمها
ام احمد : الله يرحمها
عزام : يمه عمي كان متزوج ام براءه الاولى ؟
ام احمد : لا الثانيه وبعدها طلقها ورجع لزوجته الاولى
عزام : ليش طلقها
ام احمد : هي م تبيه وع حسب م فهمت من ابوك انها م كانت تعرف ام براءه ان هلال متزوج وعنده ولدين خبأ عنها الحقيقه
عزام : الحب يسوي اي شي ، يعني عشان كذا عمي كل هالسنين متضايق وم اشوف ضحكته ويدوب يرد بيته
ام احمد : الله يرحمهم الثنتين ويسامحك ي ام وسيم
عزام : امين انا طالع داري اريح
ام احمد : طيب يمه انتبه لنفسك
وقف عزام وراح للمطبخ
فتح باب غرفتها ضل يطالعها
دخل وسكر الباب وراه
عزام : ليش تروحين وتاخذين روحي معاك تعالي المك بحضني مو قادر اعيش من دونك تكفين ردي لي تكفييين براءه انا م اقدر اعيش حياتي من دونك
انسدح ع سريرها وحضن مخدتها ودفن راسه فيها
~~||~~
فتحت عيونها وضل المكان مغبش م تشوف الا الاضاءه
اخذت نفس ورجع لها النضر
حست راسها ثقيل رفعت ايدها
الي مشبوك فيها المغذي طالعت يمين يسار
براءه : اذكر انتي تعبانه بس شنو صار لي
****: صح النومه
-لقيوني مستحيل الا بس هذا صوت صوت صوت احمد- لفت وجهها وطالعته واقف ومكتف ايده ويطالعها
لفت وجهها عنه
براءه بصوت تعبان : شتبي!
احمد : ليش م جيتيني وقلت لي عن مرضك
براءه لفت وجهها له : شلون تبيني اجي للشخص الي رفض يعالج امي
احمد : بس انتي غير
براءه : عشان قريبتك تقولي انتي غير
احمد : وسيم وعزام قالبين الدنيا عليك
براءه : م ابي اشوف احد منكم وخصوص ابوي .... بس مين ابوي ؟؟
احمد : عمي هلال
براءه : يعني وسيم والنايف واسيل
احمد : اي اخوانك
براءه : م ابي احد يعرف وين انا وابي اخرج الحين الحين ... وين مشاري ؟
احمد : مراح تخرجين راح تضلين هنا لين م يستأصلون الورم وبعدها اخرجي
براءه جلست : طلبتك تعالجني
احمد : لا بس انا مجبور وواجب علي اعالجك
براءه : بس انا م ابي
جلس ع السرير وحط ايد ع ايد : وليش م تبين ان شاءالله!!
براءه : م يخصك م ابي اتعالج ابي اروح لامي
احمد : مو ع كيفك هالشي
براءه : الا ع كيفي ورقت العلاج انا الي اوقعها
احمد : امم بس اذا انتي م وافقتي نرجع لولي امرك
براءه : م عندي ولي امر
احمد : وسيم النايف ابوك
براءه : محد له دخل بهالشي غيري انا
احمد : ام وسيم ماتت
براءه : ايش اسوي لها؟
احمد : قلت يعني اقولك ان اهلك تعبانين
براءه : اهلي ماتو وامي لحقتهم من شهرين
احمد : لا ابوك واخوانك واختك عايشين
براءه : قلت لك م اتشرف انهم يكونون اهلييي
احمد : ليش انتي حقوده لهالدرجه
براءه : ابي ورقة خروجي
احمد : نو م كتبت لك خروج
براءه : وييين طبيبي !!
احمد : قدامك
براءه : اذا انت طبيبي ف كويس لاني راح اموت
احمد : عمليتك بعد يومين
براءه : محسويها
احمد : بخبر ابوك
براءه : م ابي احد يعرف اني هنا وخصوص وسيم وعزام
احمد : وافقي تسوين العمليه وانا بخليك تخرجين مع هالباب لا من شاف ولا من دري
براءه : م ابي شي لا منك ولا من هلال وعياله
احمد : اذا اكلمهم يجون يتفاهمون معاك
براءه : خلاص اعطيني ساعتين افكر فيهم
احمد : اوك
براءه : اطلع برا
احمد : ليش
براءه : كيفي
احمد ضحك وطلع من الغرفه
انتضرت عشر دقايق وبعدها
سحبت المغذي ورمته ع الارض
لفت طرحتها بسرعه ومشيت
طلعت من المستشفى بخطوات سريعه
براءه : مشاري لو بروح له بيطلعوني مالي غييرك
اخذت تاكسي وبسرعه توجهت ع البيت
~~||~~
هنادي : يبه لا تطول
ابو هنادي : كلها يومين وراد من جده وانتي كبيره تعرفين شنو تسوين ف وقت الشده
هنادي : طيب يبه انتبه لك لاتتأخر ع الطياره
ابو هنادي : يالله فمان
هنادي : فمان الكريم
خرج وسكرت الباب وراه
وراحت تجلس بغرفتها تطالع الابتوب
سمعت صوت الباب استغربت
هنادي : شكلك ناسي جواز السفر
فتحت الباب وتصنمت
هنادي : براءءءهه؟؟؟
براءه ضمتها : مالي غيييرك
هنادي : حبيبتي براءه وينك فيييه من متى ندورك
براءه : تكفين لاتخبرين اي احد عن مكاني
هنادي : زين دشي دشي
دخلت وسكرت الباب
~~||~~
ضل يحاكي السيستر وبعد م خلص فتح الباب ودخل
احمد : هاه ي انسه اخذتي قرار!!! سيسسستر سيسسستر
السيستر : يس؟
احمد : وين المريضه؟؟
السيستر : م يعرف
احمد : وين الامن الي كلفتهم يحرسون الباب
السيستر : م يعرف
احمد : اجل شتعرفين انتي شتعرفين ... شلون قدرتي تضحكين علي يالله منك يالله
~~||~~
هنادي : سبحان الله ي براءه قصتك فلم وسيم وسيم اخوك !!
براءه : اي شفتي كيف القدر شاء اني اعيش مع اهلي كخادمه
هنادي : جوني وسيم وعزام
براءه : يدورون علي صح ؟؟ بس كيف عرفو عنوانك
هنادي : اكيد من سيمارا!!
براءه : صح سيمارا بعد لاتعرف اني هنا
هنادي : ليش م قلتي لك انك مريضه !!!
براءه : وانتي منو قالك
هنادي : وسيم
برءاه : شنو قصتك انتي ووسيم تحاكون بعض من وراي
هنادي : هاه لا هو جاني وقالي اذا تعرفين مكانها لازم تقولين هي مريضه ولازم تتعالج
براءه : احمد صادني بس هربت منه
هنادي : ليش م تبين تواجهينهم
براءه: لاني اكره اكره ابوي عيشني بهم انا وامي طول حياتي
هنادي : الحين انتي امك الثانيه صح
براءه : مدري
هنادي : الا شوفي وسيم واخوه اكبر منك !
براءه : ممكن بس لحد يدري عن مكاني
هنادي : ليش م تبين تتعالجين
براءه : م ابي اعيش
هنادي : لا مو ع كيفك بتعيشين وتتزوجين وتخلفين وتربين عيالك ويصيرون عندك احفاد ان شاءالله
براءه : كل هاذا هههههههه
هنادي : يالله روحي ارتاحي بغرفتي
براءه : اي احسن
~~||~~
مرو 3 ايام كامله
والهدوء معتم ع الكل
وسيم كان متضايق ف انشغل انه يدور براءه
النايف ضل ايام حابس روحه بداره
اسيل بس تبكي وودها تعاتب امها الي م اعطتهم حقهم
رهف بعد العزا رجعت لزوجها وعيالها
ابو وسيم ضل مصدوم من كلامها ومو عارف شيسوي يخبر عياله ولا يضل ساكت وبنفس الوقت براءه شاغلته يعني لازم يخبرهم بالحقيقه
عزام تعبان يوم عن يوم يبان ع ملامح وجه التعب م صار يداوم صار يلمح طيفها ويشوفها بمنامه
احمد مقهور للأن من شرود براءه الي كانت بين يده ضحكت عليه ومشيت
مها يوم عن يوم متقدر تتحرك من بطنها ويوم عن يوم تخاف من الي جالس يصير
هنادي ودها تخبر وسيم عن مكان براءه بس براءه حلفتها م تتكلم
ابو هنادي رجع من السفر ومتفهم وضع براءه
~~||~~
خرج من داره البيت كعادته مضلم
تنهد وحب يخرج يغير جو
ركب سيارته وتوجه ع مطعم اتصل ع صاحبه عشان يلحقه
نزل من السياره وسمع صوت البوررري
غمض عيونه وطاح ع الارض
~~||~~
نهايـةة البارت
توقعاتكم اتمنى الكل يتوقععع