البارت الثاني عشر
~~||~~
طلع الدكتور ووقفو ينتضرون كلامه
الدكتور : بحسب الفحوصات الي ضهرت لي ان فهد سليم م فيه شي وصحته جيده حتى قياس ضغطه تمام
احمد : اجل ليش سوا كذا
الدكتور : انا م اعرف ايش السبب الي وصله لهالمرحله
عزام : اكيد فيه غلط عيدو نتايج التحاليل
الدكتور : انا بعد قلت كذا ممكن الجهاز فيه شي بس عدناها بالمختبر الثاني ونفس النتيجه كل شي سليم
ابو احمد تنهد : طيب شنو نسوي الحين
الدكتور : التشنج بعد مو معروف اسبابه بس احنا بنحاول ب اقصى جهدنا اننا نوصل للشي للي وصل فهد بهالحاله
عزام : اوك شكراً دكتور
احمد : متى يمكن يخرج
الدكتور : انا كاتب له خروج الحين يعني صحته تمام م فيه داعي يجلس بالمستشفى
احمد تنهد وضلو يطالعون ببعض ب استغراب
~~||~~
سيمارا ؛ لك شو صاير صحيح الي سمعتو من نيبار؟
براءه بصوت هامس : ايوا انا بعد مو فاهمه
سيمارا : شو اخبارك هلا منيحه ؟
براءه : اي تمام بس ابغى لصقة جروح
سيمارا : في بدولاب الاسعافات بغرفة نيبار وكالا روحي وخدي الي بدك ياه وكمان عقميه مشان ضل وقت طويل مكشوف
براءه اشرت ب اوك وراحت للغرفة نيبار الي كانت مو موجوده اخذت الاسعافات ولاحضت فيه ريحة كريهة بالغرفه استغربت وطلعت
سيمارا شافت تكشيرتها : شوبك ؟
براءه : مدري بس ريحة الغرفه مو حلوه
سيمارا : شو يعني فيها ريحة مو منيحه
براءه : اي مراا
سيمارا : هلا بشوف نيبار المهم انو انتي اطلعي غرفة ام احمد ونضفيها لها مشان لما ترجع من السفر تكون نظيفه
براءه ابتسمت اخذت ادوات التنضيف
وطلعت للغرفه دخلت وسكرت الباب وراها
ضلت تمسح الارضيه وتكنسها وترتب السرير وغيرت المفرش
وصلت لادراج الخاصه فتحتهم وضلت تشوف الاوراق الي بداخلها ممكن تلاقي شي بخصوص امها
فتحت الضرف لقيت اوراق مناقصه غريبه م تفهم فيها سكرته وراحت للثاني
شافت فيه شهادة ابو احمد من الجامعه الامريكيه الخاصه ضلت تقرا نتايجه بس شافت الباب الي انفتح ورجعت الاوراق وضلت ترتبهم
ابو احمد طالعها
وبراءه متجاهله نضراته
ابو احمد رفع ايده يأشر لها طالعته براءه
ابو احمد : شنو تسوين هنا
اشرت له براءه ب انها تنظف
ابو احمد : ومنو سمح لك
اشرت له ب سيمارا
ابو احمد : زين يوم تجين ترتبين الادراج هالشي م ينفتح
براءه اشرت ب اوك وسكرت الادراج وطلعت من الغرفه
انسدح ع السرير وتمدد : ي خوفي بس الي ببالي صح
غمض عيونه ونام بسرعه
~~||~~
نزلت من الدرج ومعاه الادوات
وصلت للمطبخ بصعوبة وشافت عزام واقف
طالعته ب استغراب
عزام : اتمنى ان م صار بينك وبين فهد شي عشان وصل للهالمرحله
براءه نبرة صوتها تغيرت : شو بيصير يعني
عزام : انا الي بسألك هالسؤال مو انتي
براءه : فهد نضرتي له مثل نضرتي لك ومستحيل بيوم آذي فهد وانا بعد مثلك مستغربه من وضعه
عزام : امشي الحديقه انا بجلس وانتي سوي انك تسقين الزرع بسألك كم سؤال
براءه تنهدت : برتاح من يوم جيت وانا مكروفه
عزام : انتضرك بالحديقه
طلع عزام للحديقه انا براءه تنهدت وغسلت ايدها وطالعت الجرح وتذكرت امها عضت ع شفتها تمنع غصتها الي تطلع
لحقتها عزام للحديقه وضلت تسقي الزهور
عزام : شلون راسك!
براءه : زين
عزام : رحتي الطبيب؟
براءه : شلون بروح ي عزام
عزام : اها صح
براءه : شنو قال الطبيب عن فهد
عزام : كل شي سليم التحاليل الفحوصات الضغط
براءه : اجل شنو سبب الي سواه
عزام : لحد الان السبب مجهوول
براءه : اخاف بيوم يهجم علي وم يكون فيه احد
عزام : مستحيل اخليك لحالك هنا
براءه ابتسمت : عادي اصلاً م فيه شي يستاهل اعيش عشانه الي كانت كل دنيتي راحت
عزام : انا امك وابوك وكل اهلك
براءه : ممكن تكون من اهلي
عزام ب استغراب : شنو !!
براءه توترت : قصدي يعني ممكن .
عزام : اي ممكن شنو؟
قطع عليهم دخول نايف
النايف : صباح الخير
عزام : مساء الخير
النايف : الساعه وحدا يعني صباح مو مساء
عزام : اف الوقت مرا بسرعه
النايف طالع براءه : هاذي شتسوي عندك
عزام : تسقي الزرع م تشوف
النايف : هههه كرهتها ولا باقي
عزام ضل يكح : مستحيل اكرهها
النايف : خروف من يومك شلون فهد م قدرت انتضر للصبح
عزام : عجيب امر فهد حيرني انا وابوي واحمد
النايف : والله انا بعد مستغرب حييل هو وينه؟
عزام : من يوم رجع وهو نايم يمكن تخدير البنج
النايف : اي صح قبل كم يوم رحت للمدرسة اسيل وشفت مها هذيك الي حكيتك عليها
عزام : اي الي خطفتها
توسعت عيون براءه بصدمه
النايف : اي حسيت اني اشتقت لها
عزام : مو انت تقول بعد م تخلص من الي تبيه تكره البنت
النايف : اي انا اكرهها بس مشتاق لها
عزام ضحك : بحاول اقتنع
النايف : اي غصب عنك
عزام : شلون عمي وعمتي؟
النايف : مدري والله
عزام : باقي ع حالهم
النايف : ليش هم يتغيرون اصلاً
عزام : الا شلون اختك المتزوجه رهف؟
النايف : هذي بعد م تكلمنا من بعد م تزوجت الا اذا اتصلنا عليها
عزام : واسيل شلونها
النايف : باقي تعبانه من وضع البيت
عزام : اي رحمتها صراحه الله يعينها
النايف : اجل بكرا لا صحى فهد ارسلي وانا بجيكم
عزام : ان شاءالله ممكن اكلم الشباب يجون عشان يطلعونه من وضعه
النايف : اي افضل له
وقف النايف والقى نضره اخيره ع براءه الي تسقي وسامعه كل كلمة قالها النايف وبرود عزام
طالعت عزام بصدمه
عزام استغرب من نضرتها : شفييك!
براءه : صدمتوني ؟
عزام : بخصوص !!!
براءه : شلون خاطف بنت وماخذ منها استغفرالله وانت عادي ولا تحركت مشاعرك
عزام : النايف كذا شسوي له يعني !
براءه : بس اشوفك بارد ليش م عصبت عليه وهددته تعلم ابوه
عزام : عادي خليه يطقطق
براءه رمت المويه وجات بتمشي بس مسكها عزام من ايدها
عزام : شعلينا فيه يسوي الي يسويه
براءه : انت بعد ينخاف منك مو بس هو تذكر ان لك اخت وهو بعد عنده اخت
عزام : شقصدك
براءه : واضح مقصدي ي عزام وفيه اخره بعد
عزام ضل يلعب بشعره ويطالعها بصمت
براءه : ايش يكون موقف البنت من اهلها
عزام : هي راضيه
براءه : كذاب انت قلت الي خطفتها
عزام : وانتي ليش مرا واقفه صوب البنت
براءه : لان البنت شرفها فوق كل شي واذا احدى اعتدا عليها يعني دمرها واذا مسكوها اهلها ممكن يدفنونها وهي حية بعد عشان متعة كم ساعه
عزام طالع عيونها بصمت ويسمع كلامها بلع ريقه وهو عينه بعينها
براءه : اي البنت كل شي عرضها و... ليش تطالعني كذا
عزام : اول مرا اشوفك معصبه
براءه : عزام اكلمك جد
عزام : تصيرين حلوه اكثر
براءه : شوف انت شتقول وانا ايش اقولك
مشيت عنه وراحت للمطبخ دخلت بعدها للغرفتها وسكرت الباب وراها
براءه : شنو من ناس الي تاخذ شرف بنت وترميها مثلها مثل اي كلبه وبعدين يجونها يلومونها اهلها ويحطون الغلط فيها وانها خاينه للعشره م يدرون انها كانت مغتصبه وشي بدون ارادتها وقوته غلبت شجاعتها الله اعلم بلي تعيشه هالبنت الله اعلم
غسلت وجهها من دموعها ورمت نفسها ع سريرها بتعب
يوم صارت فيه اشياء كثيره
كشفت ناس وباقي ناس دافنه اسرارها
بس شلون توصل لحقيقة ابوها
غمضت عينها تبي تدفن افكارها وتطلعهم بالوقت المناسب اما الحين بس تبي تنام
~~||~~
طفشانه وحبت تنادي البنات عندها
اليوم م عندهم شي وويكند وبعد مشتاقه لاسيل
فتحت قروب الواتس وكتبت
رغد (بنات تعالو عندي)
بعد لحضات جاها الرد
ولاء : ليش!
رغد : شنو ليش بس طفش
ولاء : هههههههه طيب
الاء : نادو مها تحزن
رغد : اي صح اكلمها الحيين
اسيل : اي اصملي انها تجي
رغد : ان شاءالله
~~||~~
قفلت فونها بعد م خلصت المحادثه
ووقفت طالعت بطنها الي بدا يكبر
ودخلت بشهرها الثالث
شدت قميصها حطت ايدها عليه
ابتسمت وهي تشوف بطنها وتمنت انها تعيش مثل كل بنت بهالوقت
شافت باب غرفتها الي انطق ودخل ريان
ريان طالع وقفتها وشدت قميصها
ريان : شنو بان بطنك؟
مها : اي بدا يبان
ريان : تصدقين ايش افكر فيه
مها : شنو
ريان : الولاده
نزلت راسها مها وكانها م تبي تسمع من اخوها هالكلام او ب الاصح خجلانه لوضعها
ريان حط ايده ع دقنها ورفع راسها : لاتخجلين مني ي اخوك انا امك وابوك وكل اهلك بس صح شبنسوي وقتها
مها تنهدت : مدري وانا بعد محتاره
ريان : حاولت اسأل دكتور من هنا وهنا بس محد وافق لان لازم الاب يوقع ع استمارة الولاده
مها : الله لو عندي ام ممكن تساعدني وقتها
ريان : انا خايف علييك ي مها صدق خايف
مها : عشان كذا ابيك توعدني لو صار لي شي اوقف ضد كل هالدنيا واثبت لهم ان ولدي هو من النايف وصونه واحرمهم منه لا ياخذونه منك تزوج وخلي زوجتك تربيه
ريان : شهالكلام ي مها
مها : الحرص واجب والولادة هي الالم الثاني من بعد الموت وكثير ماتو بسببها وهم بين الاطباء اما انا بكون بدون طبيب اصارع الموت هنا بهالغرفه
ريان : لا ان شاءالله قبل الولاده بيعلن زواجك
مها : شلون؟
ريان : افهمك بعدينن
مها : ريان شنو اسوي الحين بالمدرسه اكيد بيطلع علي كلام !
ريان : قولي لهم انك متزوجه
مها : بس بورقة الدراسه بمكتب الادارة انا عزباء
ريان : صح ، قولي تزوجت
مها : اخاف يطلبون اوراق رسميه وبعدها مدري شنو اسوي
ريان : اممم افكر واردلك
مها : ريان صحبتي رغد مسويه جمعة بنات يصير اروح
ريان : ومين رغد
مها : بنت عم اسيل
ريان : لا لاتفكرين
مها : م راح اشوفه ببيت عمه بقسم خاص يعني م حيدخل ويشوفني
ريان : متأكده!
مها : اي صدقني م راح يصير شي
ريان : تمام متى؟
مها : اليوم
ريان : بعد المغرب خليك جاهزه استأذن من شغلي واجيك
مها : ان شاءالله
~~||~~
رجع من المستشفى وطلع دار فهد
دق الباب ودخل شافه منسدح
احمد : مساءالخير
فهد بصوت تعبان : مساء النور
احمد : شلونك الحين!
فهد : شفيني انا ؟؟
احمد : كل شي سليم !
فهد : اجل ليش سويت كذا!
احمد رفع كتوفه ب مايدري
فهد : انا مو عارف ايش يصير لي يوم اشوف باري
احمد ب استغراب : شنو يصير
فهد : مدري اشوفها كانها شيطان رجيم وتسوي لي حركات بعيونها وتبتسم تستفزني
احمد : وانت تعصب وتهجم عليها
فهد : اي احيان اشوفها بهالحاله واحيان لا اشوفها عادي
احمد : اضطرابات ان شاءالله تروح مع الايام بس م فيه شي صار بينكم؟
فهد : لا م فيه شي بيني وبينها والله الشاهد بس استغرب من تصرفي تجاهها
احمد : اجل يوم تجي امي بقولها تشيلها من هنا
فهد : لا ي احمد قطع الاعناق ولا قطع الارزاق
احمد : بس هي تسبب لك مشاكل بحالتك
فهد : حتى لو وممكن هي بعازة القرش الي خلاها تجي وتشتغل هنا وممكن نفسي انا صاير اتوهم كثير
احمد : اوك بلي يريحك
فهد : احيان اشوف احلام غريبه تجيني هالفتره احسها حقيقه
احمد : مثل شنو
فهد : شخص يكلمني ويحاول يخليني اضربها
احمد : تضرب باري! شهالوهم الغريب
فهد : اي بس هالفتره كثران هااحلم وكل شوي يجيني حتى يوم توك دخلت وجيت صحيتني من نومي كنت اشوفه يسولف لي
احمد ب استغراب : بس انت كنت صاحي يوم دخلت
فهد : لا كنت نايم
احمد بلع ريقه : اي صح كنت نايم
وضل يسولف معاه عن هالوهم الي جاه
واحمد كان مستغرب من فهد حيل وخاف عليه
~~||~~
لبست فستان ابيض حبل فضفاض عشان بطنها
رفعت شعرها فوق ودخلت البيت الكبير او ب الاصح القصر
انبهرت من جماله وكبره وفخامة اثاثه
دخلت بهدوء واستقبلتها نيبار
نيبار : مرحباً
مها : اهلين فين رغد؟
نيبار اخذت العبايه : انا ودي عند رغد
راحت ورا نيبار ودخلت عند البنات شافتهم موجودين الا اسيل
سلمو عليها ورحبو فيها اول مرا يجتمعون معاها خارج الدراسه
لحضات ودخلت اسيل
كان يضحكون وبهاللحضه كلهم انصدمو من شكلها
ولاء : الله الله من متى مشاءالله
الاء : حبيت حبيت الستايل الجديد
رغد : ليش ي *****
مها : حرام علييك ليش ي اسيل تقصينه
اسيل &_&
وضلو يمدحونها ويسبونها بنفس الوقت وهي م تدري ترد ع مدحهم او انتقاداتهم.
~~||~~
الوهم : انت ليش تسكت لها
فهد : يعني شنو اسوي
الوهم : هي تبي تذبحك تكرهك صدقني
فهد : باري زينه م تسوي لي شي
الوهم : الا سمعتها تحاكي صحبتها تقول لها بقتل فهد واخذ حلاله
فهد : شلون تحكي وهي م تتكلم
الوهم : الا هي تضحك عليك وتسوي انها مسكينه م تشوف عيونها يطلع منها الشر
فهد : يعني هي تبي تموتني
الوهم : وتاخذ كل شي يخصك كل شي
فهد تنهد : مستحيل اخليها انا رجال وهي بنت
الوهم : بس انت تضعف عندها
فهد : لا م اضعف تخسى
الوهم : انا قلت لك
طالع الباب الي تبطل ودخلو الشباب سلمو عليه وجلسو
شافوه متضايق ومتكدر
فهد : مستحيل
وسيم : فيك شي فهد!
فهد : قهرني يقول انها بتذبحني وتستولي ع املاكي!
عزام ب استغراب : مين الي بتذبحك
فهد بضيق : باري
النايف : ليش تذبحك وبعدين مين قالك هالحكي
فهد : هذا واشر ع الكرسي الفاضي
الوهم : ليش تقولهم عني!
فهد : بس ابي اقولهم بلي تقوله لي
الوهم : الحين م بيصدقونك لانهم كلهم يحبونها ويكرهونك
فهد : مستحيل يبدلوني بخدامه
الوهم : الا شوف الحين محد يصدقك وبينكرون وجودي
عزام والشباب طالعو الكرسي الي يطالعه فهد ويتكلم م كانو فاهمين شي
وسيم : م فيه احد
الوهم : شفت هذا اولهم لانه يحبها
فهد : الا هو جالس هنا وكذبته بس الحين صدقته
النايف : صدقته؟
فهد : قالي انكم م راح تصدقون انها بتذبحني
عزام : فهد شقاعد تقول انت
الوهم : هذا هو اخوك الي يعشقها م راح يتكرها راح يضحي فيك انت بدل عنها
فهد : انت بتضحي فيني صح ي عزام!
عزام ؟؟
فهد : اي لانك تحبها م راح ترضى اني اخليها تروح من هنا
عزام : فهد فهد خلك معانا وين رحت
فهد : انا معاكم شفيكم اسمعكم وانتو بعد متسمعونه
الوهم : هم يسمعوني بس بينكرون انهم يسمعوني
إياد : نسمع مين ؟
فهد اشر : هاذا
وسيم : احمد اخوك فيه شي
احمد : مو متطمن ع حاله
وسيم : ممكن ممسوس
عزام : شلون يعني
وسيم : اخوكم ممكن فيه جني
احمد : استغفرالله شتقول انت
وسيم : اخوك يشوف شي ويسولف معاه بس احنا م نشوفه
احمد : يعني معقوله
وسيم : اي كل شي جايز
عزام : طيب شنو نسوي
وسيم : دقيقه بنشوف اذا صح او لا وبنشغل قرأن وشوفو ردت فعله
عزام : يعني اخاف يصير شي
احمد : انا موجود بس صح كلام وسيم قوم شغل قراءن بالسماعات
وقف عزام وراح شبك ع السماعات وشغل صورة ياسين بصوت ماهر المعيقلي
وكانو ينتضرون ردت فعل فهد
احمد : الله ي زين القراءن
إياد : اي صوت ماهر عجيب مشاءالله
فهد صار يرمش كثيييير وبدا يحرك راسه بشكل دائري الشباب انصدمو
فهد بصوت غريب : سكره
احمد : ليش
إياد بصدمه : شفيه صوته تغير
وسيم : بسم الله الرحمن الرحيم
فهد : قلت لك سكره
احمد اشر لعزام يقفله
النايف راح وضم فهد الي داخ واسند راسه ع النايف
وسيم : مثل م توقعت
احمد وقف وبصوت حاد : شكله هي الكلبه الي مسويت له عممل
طلع من الغرفه جري ولحقه عزام ووسيم بصدمه
رفس باب المطبخ برجله وتوجه لبراءه الي كان معاها الكوب وطاح منها من الصدمه وشكل احمد الي يتطاير من عيونه الشر
قرب منها ومسكها مع ياقة قميصها ورفعها له
احمد : ابطلللي عممملك الحين ابطليييه
براءه تطالعه وهي مستغربه
احمد : ادري انك ساحره فهد عشان تبينه بس ورب الكعبه لو م ينبطل عمل فهد لا اذبحك واشرب من دمك ولو صار لفهد شي وتاكدنا الي فيه سحر صدقيني ب ايدي راح ادخلك السجن صدقيني
طالع بعيونها الثنتين الي تطالعه بصدمه
(نفس عيونها هي نفسها)
رماها ع الارض وطلع دخلو وراه عزام ووسيم وطالعو براءه بصدمه
براءه طالعتهم الثنين وكل واحد يطالع الثاني يبيه يطلع من المطبخ
عزام : وسيم الحق احمد
وسيم : احمد اخوك الحقه انت
براءه : شيقول هالمتخلف
وسيم وعزام كل واحد طالع الثاني
عزام كح
براءه : عزام وسيم يعرف اني اتكلم وسيم انت بعد نفس الشي عزام يعرف احمد شلي قاعد يقوله
عزام طالع وسيم بصدمه : انت كنت تدري
وسيم : ليش م قلت لي انت يوم دريت
دخلت نيبار وشافتهم واقفين
نيبار : ايس فيه؟
عزام : وخري انتي مو ناقصك
طلع ولحقه وسيم وهو يطالع براءه ويتوعد فيها
احمد جالس بالصاله وحط رجل فوق رجل وجالس يهزهم بتوتر
عزام : احمد انت صاحي شلون تضربها
وسيم : صح تراها حرمه
احمد : كلكم الثنين تعشقونها عارف هالشي مو احمد الي بتخبى عنه
وسيم : استغفرالله شتقول انت
احمد : شفتك يوم رقمتها وانت بعد ي عزام عيونك فاضحتك والشوق ماليها اصحى ع حالك انت وياه تراها خدامهه شوفو شنو سوت بفهد فهد اخوك ي عزام وولد عمك ي وسيم
عزام نزل عيونه: اشوفها مثل اختي ولا من الشي الي ببالك
وسيم : وانا نفسه شلي قاعد تقوله انت
احمد : بطل كذب انت وياه شوفو هالحقيره وين وصلت فهد انتضر امي تجي عشان تمسكها مع ايدها وتخليها تطلع السحر
وسيم : مستحيل سحر تسويه هي
احمد كتف ايده : مو هي خدامه ولا عشانك تحبها صرت م تشوف عليها شي
وسيم : انا م اسمح لك بكلامك هاذا
عزام طلع من المجلس ولحقه وسيم
واحمد جلس مكانه
احمد : نفس عيون براءه نفسها بس هاذي ثانيه يعني معقوله حتى تحت عينها اليسرى شامه صغيره ونفس الشي الخدامه اهخخخ بس اهخ وين راحت براءه ويييين
بالحديقه
عزام : وسيم انت تحبها؟
وسيم : لا وانت
عزام : اي
وسيم انصدم : وكيف عرفت انها تتكلم
عزام : انت قولي وانا بقولك
وسيم : انا كنت اعرفها من قبل لا تشتغل عندكم وتاكدت انها هي
عزام : شلون عرفتها
وسيم : ساعدتها مرا وكانت حالتها حاله مطلعه امها من مستشفى وتعبانه امها وبرد ومكان عليها جاكت وكان ليل ع الفجريه كلمتها وساعدتها بالطريق كانت حيل خايفه واضح عليها التعب جيت اكثر من مراا وشفتها ويوم شفتها هنا كنت شاك بالبدايه وتاكدت مرا انها تشتغل خدامه وببيت عمي سبحان الصدف وانت؟
عزام حك رقبته : انا سمعتها تحاكي صحبتها بجوالها ويوم مسكتها اعترفت بكل شي
وسيم لاحظ توتر عزام وحس انه يكذب
تنهد وطلع عند الشباب
معاد احمد الي كان جالس ويفكر ف براءه
قرر يتصل عليها من المستشفى
ويحاول يوصل لها ويتاكد من صحة امها وان مبلغ علاج امها تكفل فيه
م يدري هو شلي يحس بداخله تجاهها شفقه ع حالها او رحمه وعطف وحنية قلبه
اخذ المصحف وتوجه للباري بالمطبخ
طالعته وغمضت عيونها ولفت وجهها عنه
احمد : طالعيني ، انتيييي طااهرره!
طالعته براءه ب استغراب واشرت ب ايه مع احراجها
احمد اشر ع السماء : الله فوق وشايف كل شي انتي سويتيه اذا انتي م سويتي شي لا فهد م ابي اضلمك بس ابيك تحطين يدك ع المصحف ك حلفان لك
اشرت له ب دقيقه
راحت دارها وتوضت وابست العبايه والطرحه وراحت للأحمد الي خاف انه يضلمها وماتكون هي
وقفت قدامها وعينها تغرقت بالدموع
طالعت وشفايفها ترتجف رفعت اصباعها للسماء وحطت ايدها ع المصحف
احمد : انتي تقسمين بالله انك مسويتي شي لفهد
اشرت ب ايه
احمد : انا م ابي اضلمك الضلم ضلمات يوم القيامه ومابي اقطع رزقك بس انتي حلفتي وذنبك برقبتك لو انتي ورا السحر
لاحظ دموعها الي حفرت خدها
اخذ القراءن وطلع من المطبخ تنهد وتضايق
هل ممكن تكذب وماهي خايفه من ربها
او انها صادقه وم يبي تنظلم ويقطع مصدر رزقها
باس المصحف وطلع للعند الشباب
~~||~~
عند البنات كان يوم ممتع
لعبو فيه ورقصو وغنو وكل انواع الفله م خلوها
لاحضو بطن مها الي بتخفيه عنهم
مرو شهرين كاملين
اتضح ان فهد مسحور وكانو كل اسبوع يودونها للشيخ يقرا عليه
كان شهرين متضايقين فيها كل العائله ع حالة فهد
احمد صدق براءه وشك بكالا او نيبار
براءه كانت تبحث عن حقيقة امها بس م قدرت توصل لأي طرف يخص ابوها
اسيل ع حالها تطورت علاقتها مع ريان وصارت م تحبه الا تعشقه
احمد كان مشغول بالمستشفى كثير ويرد البيت يجلس مع فهد هذا حاله
عزام كان متضايق ع حال فهد الي م يسر الواحد وبنفس الوقت شايل هم براءه
ام احمد كانت تدعي بالخفاء ان الله يشافي لها فهد ولدها ويرده لها سالم
احمد كان يشوف الاء كثير وحس في شي بداخله تجاهها وبنفس الوقت في شي بداخله تجاهه براءه المجهوله م يدري مشاعره لمين
النايف واصل طقطقته كالعاده ولا همه احد نسى كل وحدا طلع معاها
مها بتدخل الشهر السادس وبان بطنها وصارو يلاحضون عليها الطالبات
ام وسيم وابو وسيم ع حالهم م يحاكون بعض ودايم برا البيت
رهف عايشه حياتها مع زوجها ولا كان عندها اهل لان امها بعد م تسال عنها ولا تجيها
~~||~~
نهايةة البارت