" بقلمي نجم اليل "
#عشقت رجلاً متزوج
#البارت ال19
ام حنين...عندج شراب حراره حنين شوي مصحنه
ندى...ها سلامات
ام حنين...الله يسلمج
رنا...هااا خطيه والله ماعندي خلص
ندى...اني عندي هسا اروح
ام حنين...لا وين خليج
ندى....لا والله هم اروح هذا عموري كام ينعس
محمد...خلي تجي هي هناك تشرب شنو راح تنكال
حنين...اني هزيت راسي بلا عاد امي كالت
لا هاي تروح جيبه وتجي
اشرت ع بنت عمتي
راحو وجه هو وبنت عمتي لان تخاف شربت وهو كال خلو يمكم
خلينه ورحت تمددت ونمت لان كلش تعبانه وبردانه
حتى افلام مابوعت لان مالي واهس بشي
ضليت اتحرك بالافراش الى ان نمت
كعدت الصبح اعتقد ب6 ونص جان الكل نايم
كمت اكعد امي واهزها من جتفها هي حست باوعتلي
وكتلها
حنين...ماما راح اروح للحمام (بنعاس)
هي هزت راسها بأي
كمت امشي ع كيفي بتعب واحس راسي راح ينفجر
كلششش يوجعني
احس هالي متهدوله
رحت حمامهم صاير خارجي يعني حمام السبح داخلي
بس حمام التواليت خارجي
وبرجعه اشوف هيج احد واكف يم باب بيت اهل محمد
لان بينهم باب بين بيت عمتي وبيتهم فاشوف
جان هو واكف بنعاس شكله
واني امشي ع كيفي اريد اسمع شي مسمعت هو يد الباب باوع شافني
ضل يباوع عليه بتفحص اني توترت من نظراته
رحت رائساً
طبيت جوى وغسلت وصليت ورجعت ع فراشي
مديت ايدي اخذ
تلفون امي من جوه المخدة اخذته وحطيت السماعات
ورحت ع اليوتيوب
اتصفح بي جنت كل شويه اتذكر فلم قديم واكتب اغنيته
اسمعها شوي واحول ع الثانيه بعدين ردت اباوع افلام كرتون
كتبت توم وجيري بقيت ابوع عليهم تونست كلشش
لحد مدكت ال7:15 وكعدن
امي وعمتي مريم بقت نايمه وسون ريوك
جان نسمع احد يخبز لان كعدنه بالحوش
رحت عمتي شويه واجت كالت ند جاي تخبز
وجابت منها رغيفين
حرات اكلنه وخلصنه
وكفكفنه المواعين خلصنه ورحت مددت وامي سالتني
ام حنين...ها امي شلون صرتي
حنين...ماما تعبانه كلشش وراسي يوجعني كلش
رنا...ها شلون صرتي
ام حنين...راسها يوجعها
رنا...خطيه
حنين...مددت راسي ع رجل امي وهي تمسح ع شعري
شويه واجت ندى سلمت وسالت عليه
وامي كلتلها راسها يوجعها
هي كالت اشربي حبت راس عمتي ماعدها وهي كالت
عند محمد اخذه وياه
وطلع راح لدفنة اكو رجال عدهم ميت وصديقه اجه علي يرحون
حنين...تذكرت اني شفته من طلع ع الولد الصبح
وخرت حجابي وشديت راسي بي
لان حيل كام يوجعني كمت الزم راسي وعصره بالشال
حيل
وامي تحجي عليه دكلي رخي شويه موزين الدم يوكف
ميوصل لدماغ
اني بدون اي جدوى اشد اكثر احس هيج شو يخف الالم
شويه ارجع افتح الشال احس راح الالم ماكو ثواني انوب يضرب ع غير صفحه
صارت ب11:15 اجه محمد اني بالغرفه مطلعت
وعمتي اسمع دكله ع حبه
شفت ضله يم الباب تغطيت ولفلفت حالي مابي حيل اعدل حسيته طب
بس اني حتى راسي مغطيته حسيته فوك راسي وكال بصوت خافت
محمد...جذابه كاعدة
اني نصدمت بس بقت ع موقفي حسيته طلع
فتحت الغطه اسمع صوته يجق جق
محمد...تؤ تؤ تؤ
اني باوعت علي سويت حالي كعدت من النوم وهو طلع
حسيت بفشله
ماكو دقيقتين اجت امي جايبتلي حبه ومي شربتها
رجعت تمددت
وهو اسمع صوته بصاله هو وندى وعمتي وامي كاعدين
ومريم هم ماكو بس اني
اسمع صوتهم اريد اكوم بس ماريد اكول هنا احسلي شعندي كايمه حسيت
عم الهدوء ع راسي كلش رتاحيت
ماريد اشوف محمد وبنفس الوقت احس حالي بس اريد اشوفه
كمت شديت حجابي شوي وحطيت حجاب ثاني وتحجبت
طلعت بدون مباوع ع احد بس حسيت كلم يباوعون علي
حتى خجلت رحت يم المرجوحه الي بالحوش
كعدت واسمع اغاني
وصافنه وادندن وي الاغاني شويه واجه محمد كعد بصفي بس شوي مسافه بس مو كلش
يعني امكن شبر بينه فراغ
نصيت الاغنيه وهو مد اديه صارت وراي بس مو طاختني
توترت كلش وهو كام يهز بهدوء بالمرجوحه
واني صافنه حسيته تقرب علي توترت كلش
اني جاي العب بالمبايل هو صد عليه يشوف جاي العب
حسيته اخذ نفس عميييق
اني توترت كلش ومفت جان حساس رهبه بداخلي حسيت كلشي غلط
كعدتي مكاني اني كمت ابوع هيج وهيج وهو بعده صافن
اخر شي اني عطت
حنين...هااااا اي جيت
هو خطيه جفل هههههه لان صوتي يم اذنه كمت اريد اركض هم غلط اسرعت بخطواتي
وطبيت رحت ع فراشي كعدت ماعرف صارلي حتى دكات كلبي احسها كامت تتضارب
بسرعه اتذكر الموقف ماعرف شيصير حسيت عيوني غوشت ولمعت
اتذكرت الموقف صار ينعاد عليه ونظراته اليه
اريد اطرده من تفكيري
ميروح اجت امي عليه كلتلي تعاي تغدي كتلها منو هنا
كالت محد بس محمد وندى
كتلها اريد هنا وحدي هي كالت كومي كومي هناك تغدي ورجعي
هي مقبلت كتلها مشتهي هي كالت والله الى تاكلين كمت بتذمر اول مطلعت وكعت عيوني ع محمد
وهو هم باوعلي ضل مركز بنظره عليه بفيت ابوع يمين يسار اريد اتهرب من نظراتة
ومن المكان رحت كعدت صار هو مقابيلي فيت
ضليت مدنكه وكل بسرعه حتى غصيت
امي نطتني مي شربت لكيته يباوع علي
اني دنكت بسرعه
اكلت كم لكمه وكمت بسرعه الكل باوع علي
اني مشيت كالو وين كلت خلصت
هو كال شكلتي اني مرديت علي رحت ع المطبخ اغسل
وصافنه
ماحسيت غير احد وراي وانفاسه حاره وراي
اريد ابوع ضهري لزك ع صدر محمد
وهو اخذ نفس عميق اني حسيت برجفه عتلت جسمي كله
حسيت راح اوكع هو حط ايده ع جتفي ثبتني وبعدني
بهدوء
اني ركضت حتى امي ومريم وعمتي وندى باوعن عليه
طبيت كمت الهث اريد اخذ نفس
ماعرف عصرت اديه حيل
ماعرف بس خايفه كلشش يعني لو بيدي شي اكسره
ماحست غير علي طاب
وكال
محمد...نطيني الخاولي
اني كمت بسرعه طلعتله لان ذنيج عمتي غاسلتهن المهم
طلعته رجعت علي بسرعه لطخت بي هو لزمني وثبتني
صرت كلش غريبه علي وثنينه لازكين بعض
هو وخرني بهدوء نطيته الخاولي مسح ادينه وجها ونطانيه
بس ابد موخر نظراته مني جانت نظراته ماعرف افسرها ابد
دنكت هو كرصني بخدي باوعت علي ورحت شلت الخاولي
هو بقى واكف اني طلعت بسرعه من الغرفه رحت ع الثانيه
حسيته طلع باوعلي وطلع
كعدت وكل المواقف تنعاد عليه حتى عطره اطش ع ملابسي
جنت كل شويه استنشق عطره حبيته كلش للعطر
بس من اذكرمواقفه ماعرف شيصير بيه
اخذت نفسس عمييق
اسمه ضل يردد بكلبي ودكات كلبي تسرع بشكل غير طبيعي
حطيت اديه ع وجهي غمضت عيوني
وخرت اديه بتسمت وكلت محمد بصووت خااافت كلش
كمت ورحت يم امي وندى
كعدنه نسولف واني متمدده ع رجلين امي
شويه ورحت ندى واني بقيت متمدده
وابوع ع الفلم
للعصر طلعنه بره وجنت حاطه السماعات واسمع
متونسه
ابوع هيج لكيت محمت فوك السطح ضل يباوع عليه
مكدرت افسر نظراته
جانت كلش حلوه جان بيها حب ع جرئه حيرني بنظراته
الي مكدرت افسرها ضل يلاحقني بنظراته اني عجبني الوضع ومعجبني
فصحولي وطبيت جوه
ضلينه كاعدين وجان اكو لعبه بالمبايل زوجي لعبناها اني ومريم
بقينه نلعب حوالي ال نص ساعه
وكضيناها عركات وانتي تغشين وضحك ع الخسران هههه
يتبع....
اول شي اسف كلش
اعرف قصير بس ورب كتبت الفين كلمه
وهسا كله محذوف وممحفوظ والله
صار بساعتين اكتب بي💔
اعوضكم ع البارت الجاي انشاء الله
الى القاء نجومي☆💜