" بقلمي نجم اليل "
# عشقت رجلاً متزوج
#البارت الثامن عشر...
حنين...بابا تعبت كلشش خل نروح
كال يلا بابا
مشينه وبوعت ع محمد عبرته
سمعته اخذ نفس وزفره بعصبيه
مابوعت علي مشيت وحسيت نظراتة خترقتني
ماصدكت وصلنه البيت نزعت العباة وكمت ادعي ع صاحب المحل اوووي شكد مكرروووه
صار اليل تعشينه نفس الروتين مثل يوميه
كل عادة غسلت مواعين
وفرشت الفراش وشغلت التلفزيون
وفلم ورى فلم الى ان كالت مريم
مريم....حنين
حنين...جاوبتها بنعاس
حنين...هههمممممم
حنين...ماحسيت غير اجت حظنتني وتبجي ودكلي
مريم....شكرا حنونه لان مكلتي لحد
حنين...اني حظنتها وكمت ابجي وامسح ع شعرها ورفعت راسها مسحت دموعها بديني
حسيت وكأني حامله مسؤليه جبيره ولازم احافظ عليها
بوستها وحظنتها وكتلها
حنين...مريوم حبيبتي باوعي علي
هي ضلت تبجي ودنك براسها وتبجي بصوت مسموع بقيت اقراة عليها ايات واهدي بيها سكتت وكتلها
حنين...اني مو مجنونه افضحج والضفر مايطع من الحم
بس الي ردت اوصله الج اني اختج واعرف بينكم حب
هي فتحت عيونها واني كملت
_اي اعرف بينكم حب واعجاب واعرف ضحى تدري انتي وياها تبسبسن
فانتي شوفي حالج تخلين اسرارج يم بنت خالي
واني اختج ماتأمنين بيه وحجيتي علي واني مازعلت والله
بس ردت تفتحيلي كلبج ودكوليلي اختي اني هيج وهيج
بس انتو كلكم تستزغروني لان شوفوني زغيره
واذا زغيره يعني شنو
واذا ع الزعل اني اني يحقلي ازعل مو انتي
بس مكتيلي واني مجنت حيل مهتمه بس من شفته باسج كلت لازم اكلج
لان امكن اني شفت وسترت بس الغريب مايستر وانتي تعرفين ابويه كلش زين
مريم...موهيج بس انتي كله ع الافلم عقلج ومرات تجفصين جفصات مو زينه ههه
بس هاي اول مره هيج يسوي ساهر والله والله
حنين...محاجه تحلفين مصدكه بيج
ونمنه واني افكر واتذكر كل لحظه شلون محمد يخزر بيه مره اضحك ومره اضوج
حنين...مر شهر كامل وحنه ع روتينه بس لبيت خالي
وعلاقه مريم بساهر زينه ومستقره
وفد يوم كاعدين الضهر جمعه بعد مخلص الغده
ومحد بالبيت الكل طالع مريم نايمه واني وامي كاعدين ناكل حب ونباوع فلم مصري جان من ذني القديمات
كلشش حلو جنه مندمجين ودك تلفون ماما
كالت جيبي من الشحن جبته كالت منو كلت عمتي رنا
نطيتها ورجعت اجرز وابوع وامي هم بس تحاجي عمتي
وسمع امي دكول والله ماكدر ها اسأل احمد(ابو حنين)
واردج خبر
سدته منها وكتلها واني واجرز وصافنه
_شتريد
_مادري تريدنها نروح عليهم
_صدك
ام حنين...ماعرف اسال ابوج اذا قبل
حنين....اييي ماما فدوة خل نروح ضوجه
ام حنين...اكول اكعدي ونجبي هسا خل ابوح يقبل
حنين....هههفففف شنهاااي
ضلينه كاعدين ونباوع ونسيت السالفه ومر اليوم كلش عادي لحد اليل
الكل موجود وتعشينه وخلصنه وغسلنه مواعين
ورحت ع الغرفه فرشت
وجت امي وكالت
ام حنين...تحضرن باجر نروح ع رنا
مريم تفاجت وجاوبتها بسرعه
مريم...صدددك و بيت خالي يجون
ام حنين...لا بس احنه
مريم بتسمت بفشله ودنكت سوت حالها تباوع ع الفلم
واني كلت لامي
حنين...صدك شوكت
ام حنين...مو جاي نكول باجر
حنين...هه وابويه قبل
ام حنين...اي
كالت اي وطلعت صخاااام رحت ركض ع ملابسي طلعتلي من هسا
طلعتلي دشداشتين اثنين وثلاث تنورات سوده ورصاصيه وبرتقاليه واخذت تشيرتات
لان ماحب القمصان اخذت الوان بيضه وسوده وحمره
الوان التيشيرتات
وشلالت هم كلش حلوات
حظرتهن ع صفحه علمود باجر ماتأخر ولا احتار
كعدت ع الفلم والابتسامه شاكه من الاذن للاذن ماعرف ليش كلشش فرحانه
حست حالي اريد اكمز خطر بالي هواي اشياء حتى منها محمد ماعرف ليش
مانكر جان دوم ع بالي من كالتلي امي نروح حتى تذكرت من خزرني
مره اضحك ومره اسكت حالي اكول ع شنو شي مو مستاهل وهو شنو بيه
عشتوووو رجعت ع فراشي ع الفلم ونمت
بس مريم ضايجه لان بيت خالي ميروحون
يعني ساهر ميروح يعني هي متروح
نروح ع عمتي كم .يوم
لان زوجها سافر بشغل ع غير محافظه وهي عدها شغل وشوي متكدر
دزت علينه وع بيت خالي بس مرة خالي ماقبلت كالت ماكدر
وهم عدها شغل متكدر
المهم نمت كعدت الصبح رحت غسلت واني افكر شوكت اروح
اريد اطلع كله حبسه بالبيت يخلوني انتظر يوم الخميس ههههه
علمود نطلع وهم مو دائماً
صارت الساعه ب10 ابوي كال تحضرو
رحت لبست تنورتي الرصاصيه والتيشيرت الابيض جان بي
كتابه I love yuo ومرسوم قلب و مزينه بالكرستال الناعم جانت كلش حلوة
لبستها ولبست شال رصاصي لفيته بطريقه حلوه
وعطر ولبست حذائي جان لونه اسود شوي عالي
خلصت كلشي ولبست العباة
وصعدنه ورحنه وبطريق امي اخذت وياها ببسي وكيك وهاي الشغلات
وصلنه عليها نزلنه ونزلنه الغراض دكينه الباب
فتحت الباب بنت عمتي الزغيره طبينه وبسناها ونمشي
وحنه ونمشي جاي التفت شفت
محمد فوك السطح جان يباوع علينه اني راساً درت وجهي
عنه وكملت مشي طبينه كعدنه وسلمنه وشربنه مي اني كعدت يم ابويه
ماحسينه غير جاي محمد ويسلم ابوي كام وسلم علي
اني بقت كاعده شنو عيب ميصير اكوم اسلم علي وهو شاب واروح اسلم علي من بعيد
كعد هو ابويه ويحجون وامي ومريم راحن طبت جوه وعمتي وياهن
ضليت كاعده ومستحيه شويه وكمت ماضليت
كلت عليش ابقى وكلهن كامن
وي كومتي هو كال
محمد...شلونج
حنين...زينه
ابو حنين...شنو ماسلمتي ع عمج
حنين...ماعرف بس مو كادره اتقبل انو هو عمي ابتسمت وكتله لا
باوعت ع محمد وكتله
شلونك عمووو
شفته عض شفته السفليه وكال بضحكه
عمووو بعينج بعدني شاب
عاد كتله
هههه غير انت عمو
هو عكد حواجبه واني مشيت طبيت شويه وجت ندى وياها عمر
سلمنه عليها وبقينه نسولف ونضحك
الى ان صبت عمتي غده وتغدينه
واني ومريم غسلنه المواعين وسوينه الجاي
ودينه شربو
ابويه شويه وراح ميريد يبقى هنا
مع انو عمتي رادت شكد منه بس ماقبل
ومحمد وندى راحو هم ع البيت
وعمر اخذو
وحنه بقينه كاعدين وعمتي طلعت فواكه
وهاي الشغلات ناكل ونباوع ع الفلم
للعصر كمنه نضفنه البيت وجت مره ع عمتي
ومريم نايمه واني سويت جاي
وقدمته بقت الحرمه دكر شويه وراحت
وحنه بدينه خلصنه البيت كنس ومسح
ورحت كعدت مريم تكعد لان مو زين
هيج هواي نايمه كعدتها وهي كامت غسلت
وصلت وسعدتنه خلصنه وتعبت كلششش ههففف
رحت غسلت وجهي وكعدت اعدل بحجابي
خلصت جان اروح واكعد بالحديقه وياي بنت عمتي
حاطه السماعات وكاعده اسمع اغنيه نانسي عجرم
يطب طب
وجانت بنت عمتي منزعتني الحجاب تلعب بشعراتي
واني مندمجه ومدنكه
واكو عود زغير جنت احفر بي الكاع ملتهيا وماخذني المود ع كولاتهم هههه
ماحست غير شخص مقابيلي رفعت راسي شفته محمد
نطيته بتسامه بمجامله وخرت بنت عمتي بسرعه ولبست حجابي
هو كعد بصفي وصفن اني طفيت الاغنيه وهو كال
محمد...شلونج
حنين...زينه وانت
محمد...الحمدالله نسال عنكم
حنين...بخير تسلم
محمد...اي شكو ماكو
حنين..والله ماكو شي صافيه دافيه ومرات حاره ومرات بارده ههههه
محمد...هههه
حنين... عدلت حجابي انوب وعدلت من كعدتي
وهو كال
محمد...اجنتو سون ذاك اليوم بسوك
حنين...شوكت
باوعت علي شفته يعصر بالعود الي بيده
وباوعت علي شكله ضايج وعاكد حواجبه
هو رد كال بنفوذ صبر
محمد...شوكت ذاك اليوم من يم هذا الخرا ابو البسطيه الي يم نعال الصيدليه
حنين...هو جان يحجي بعصبيه اني خفت منه وضليت ساكته لان ماعرف شجاوب
هو رد كال
محمد...كولي شبيج سكتي
حنين...سويت حالي اتذكر
حنين....هااا قصدك ذاك اليوم ايي رحنه اسوكنه وامي ومريم رادن ياخذن غراض
ونتو شسون هناك
محمد...مو شغلج
حنين...اني عكدت حواجبي حست حالي فشلت بس هو هم ماله شغل
عاد كمت ومشيت كم خطوة هو يعيط ورايه اني مصديت
حسيته كام وراي اريد اعبر باب الحديقه هو اسرع مني
وكام يمشي وياي وكال بهمس
محمد...من اصوتلج تجين
اني بقيت ساكته محجيت شي بس احس حالي ماستحمل هل موقف
ودمعتي بطارف عيني
جانت ممزوجه من جميع المشاعر
من غضب ومن فشله ومن حركه ومن كلشي
بس خليت الاحترام فوكهن وسكتت ماعرف هو شيعتبر سكوتي وميهمني بس اني ماريد اكول شي بحقه
عفته ومشيت واسرعت بالمشي
طبيت جوه وكعدت وهو طب كعد سلم ويحجي
اني كمت ورحت ع الغرفه بس اذني يمهم
اسمعه يكول اريد اروح كام جاي يجي يم الباب شافني
باوعت علي هو عض شفته السفليه واني دنكت وهو مشى
راح وطلعت كعدت يمهن وكعدنه كلنه وجات ندى
لان من بيتهم محد يجي بس هو وندى اكثر شي
البقيه قله يجون
وبدت امي وعمتي يسون عشى واني جنت متمددة
ماعرف احس حالي مصخنه وبنت عمتي تلعب بشعري
فالته وتمشط
ومريم اسوي الزلاطه وتابوع ع التلفزيون
جابن العشى تعشينه وخلصنه رحت غسلنه المواعين
وسويت جاي
واجت ندى ونسولف واني خليت راسي ع رجل امي
وامي تفرك بشعري وبنت عمتي تمشطه
وامي تريد تمشطه وتلمه
شويه واجه محمد عدلت حالي وغطيت حالي ونعست كلشي وشاورت امي
حنين...ماما ماكدر
ام حنين...شبيج
حنين...ماعرف بس بردانه
امي تلمست حرارتي كالت مصخنه عاد سألت عمتي
ام حنين...عندج شراب حراره حنين شوي مصحنه
ندى...ها سلامات
ام حنين...الله يسلمج
رنا...هااا خطيه والله ماعندي خلص
ندى...اني عندي هسا اروح
ام حنين...لا وين خليج
ندى....لا والله هم اروح هذا عموري كام ينعس
محمد...خلي تجي هي هناك تشرب شنو راح تنكال
حنين...اني هزيت راسي بلا عاد امي كالت
لا هاي تروح جيبه وتجي
اشرت ع بنت عمتي
راحو وجه هو وبنت عمتي لان تخاف شربت وهو كال خلو يمكم
خلينه ورحت تمددت ونمت لان كلش تعبانه وبردانه
حتى افلام مابوعت لان مالي واهس بشي
ضليت اتحرك بالافراش الى ان نمت
يتبع....
اسف ع التأخير
والاخطأ والسحكات غلسو لان البارحه اكتب ونايم ومنعس مركزت
وحبايبي اني صف رابع ادبي
وساكن بطراف الموصل لذالك ادوام
تعطل الموصل نعطل متعطل منعطل
والله لو بيدي الغى الدوام
بس شسوي
المهم صوتو نجومي
الى القاء نحومي☆💜