الفصل الخامس والسادس
#موجوع_قلبي
شروق مصطفي
صباح اليوم التالي
عندصقر
استعد وعرف من اسامه ان مايا خرجت كالعاده في مكانها
راح البيت عند والدتها
باب البيت خبط
مديحه ما انتي معاكي مفتاح بتخبطي ليه ها نسيتي ايه !
ايه ده مين؟
صقر:احم اسف ع الازعاج واني جيت من غير ميعاد كنت حابب اتكلم مع حضرتك بخصوص مايا
مديحه 😯:مايا خير في ايه بنتي دي لسه نازله
صقرحاول يطمنها : متقلقيش انا جاي
في خير ان شاء الله انا جاي اطلب ايديها من حضرتك
مديحه : طيب تعالي يابني اتفضل انا اتخضيت فكرت فيها حاجه اتفضل اهلا بيك يابني
ودخل وقعد وقدمتله مشروب
وبدا يتكلم
الحقيقه انا شوفت بنت حضرتك ومعجب بيها وحاولت اكلمها بس هي رفضت وده ال خلاني اجي ع طول طبعا بعد ما سالت عليكو
سكت وكمل
انا حابب اكلمك عن نفسي شويه انا مهندس وشغال مع والدي بساعده في شركاته وانا بأسس شركه خاصه بيا
والحمدلله عندي شقتي وجاهزه من كله الا تشطيبات الاخيره سايبها اختارها مع عروستي
وانا وحيد معنديش اخوات
وكنت خاطب بس محصلش نصيب
واكيد حيبقا فيه فتره تعارف بينا
وانا حسيبلك كل حاجه عشان تسالو عننا برده
وحكلمك عشان اجي انا والعيله نتعارف
مديحه:والله يابني الراي الاول والاخير ل مايا وحكلم اخوها وانا مش حلاقي احسن منك بس سيبلنا وقت
وحرد عليك
طيب اتفضلي وده الكارت مكتوب ارقامي وده عنوان لو حبين تسالو عنا
*واخدو ارقام بعض*
واخد رقم اخوها عشان يكلمه
وحكلم حضرتك قريب بعد اذنك
مديحه: مع السلامه يابني
ربنا يقدم ال فيه الخير
ومشي وراح بص عليها من بعيد لاقاها قعده وبتعيط ولسه مخلصه مكالمه
هو نشف الدم بعروقه وبصلها بصه الصقر👊🏼😡😠
*لسه برده بتجري وراه وبتعيطله عشان يرجعلها هانت هانت اوي فاضلك خطوه واحده*
وشافها وهي بتقوم وماشيه راح ناحيتها وشدها من ايديها و بيزعق
انتي ايه القرف ال بتعمليه ده كل يوم مرخصه نفسك كده ليه فوقي بقا مش حيرجعلك تاني انتي مش بتفهمي وبيشاورلها فدماغها
*هي اتصدمت من موقف كله* مين ده
هي 😲 اي سيب ايدي انت مجنون ولا ايه سيب ايدي يا حيوان بقولك !
ولطشته قلم👋 هو انت عشان رفض اكلمك جاي تقولي اي كلام وخلاص ابعد عني سيب ايدي بقا
صقر *مسك خده ال اضرب واستحلفها😡 واتكلم من تحت ضرسه😬
وحياه القلم ده لاردهولك اضعاف
انتي ماشوفتيش حاجه لسه وحاندمك هانت التقيل جاي وسابها ومشي
*هي مش مصدقه نفسها بيعمل ليه كده ومرخصه نفسي في ايه مش فاهمه حاجه ده مجنون شكله*
ومشت هي كمان رجعت البيت
بتكلم نفسها ده مش طبيعي ابدا
هو فيه كده
ده مش طبيعي ابدا ده رايحه منه خالص
مديحه سامعاها بتبرطم:مالك يابت بتكلمي نفسك ليه اتجنيتي ولا ايه
مايا:ماتحطيش ف بالك انتي انا داخله انااام
مديحه:طيب في موضوع عاوزه اكلمك فيه
مايا: لما اصحا لما اصحا ودخلت
غيرت ونامت
حلمت بوالدها وبيقولها تعالي ورايا ويشاورلها تعالي
وبيبتسملها
ولسه حتروح وراه ومبسوطه انها حتروح لباباها لاقت ال بيشدها وبيبعدها عنه وهي تعيط سبني اروحله سبني اروحله مش عايزاك سبني بقا اروحله يا باباه 😪
لقت باباها مشي بعيد واختفي
وهي من كتر عياط قامت بتعيط
*خير اللهم اجعله خير*
وقامت اتوضت وصلت ركعتين
وخرجت قعدت مع مامتها
مديحه: صحي نوم كل ده عملت الاكل وجيت اصحيكي لاقيتك رايحه في النوم خالص مرضتش اصحيكي
مايا وهي بتتواب 😴: النوم احلي
انا جعانه جدا فيه اكل
مديحه :قومي سخنيلك بقا
وكلي وعاوزاكي في موضوع مهم
مايا :طيب ياست الكل
واكلت وعملت شاي ليهم وقعدت في فرانده
ها ياست الكل موضوع ايه بقا ؟
في عريس جا انهارده بعد ما نزلتي علي طول
وشكله كويس وابن ناس شافك واعجب بيكي وجا اتقدملك
قولتله حقولها وحكلم اخوها
ها ايه رايك انا بقول يجي ويتكلم معاكي ويمكن يبقا فيه قبول
مايا بتسمع بس منطقتش: اممممم رايي منا قولتلك قبل كده انا مش بفكر في الارتباط يا ماما دلوقتي و مش مهيئه نفسي ليه
ولسه عاوزه ارجع الشغل واقف ع رجلي واعيد ثقتي بنفسي من تاني وبعد كده افكر ارتبط
وانا من جوايا حزين لسه و مفوقتش سيبيني علي حريتي قوليله مفيش نصيب وخلاص
مديحه: يا بنتي وفيها انا نفسي افرح بيكي انهارده قبل بكره ويكون ليكي ظهر واطمن عليكي
وبعدين الحي ابقا من الميت والحزن في القلب وهو اكيد حيفرحلك وهيكون مرتاح اكتر في تربته انتي شايفة اخوكي متجوز وعايش برده مع عيلته ومكمل حياته موقفتش
انتي كمان عيشي حياتك
واطلعي من الحزن ده وخلي الفرحه تدخل بيتنا واطمن عليكي
مايا اتنهدت :مش عارفه يا ماما بجد انا حاسه اني مش مستعده خالص للارتباط في الوقت الحالي
وفي حجات كتير عاوزه اعملها ومش مستعده بجد للارتباط
مديحه :طيب جربي مش يمكن يطلع كويس وابن حلال ليه نرفض من الاول كلميه واعرفيه الاول واحكمي
وعلي الاقل ممكن يساعدك ويوقف جانبك وتعملوا ال انتي عاوزينو مع بعض بدل ماتكوني لوحدك
زي ماعملت انا وابوكي كنا مع بعض في كل حاجه
مايا مش مقتنعه لسه بوجهه نظر مامتها:
سيبيني علي حريتي يا ماما حاسه اني مش مرتاحه بجد للموضوع ده
انا عاوزه اشتغل الاول ويبقا ليا كياني الاول مستقل وافكر بعد كده
بلاش منه الموضوع ده انا مش عاوزه بجد
انا فدماغي حجات عاوزه انفذها الاول قبل الارتباط
مديحه مصممه علي رايها وشايفه انها صح كاي ام نفسها تفرح لابناءها قفلت موضوع معاها مؤقتا كتر كلام معاها مش حيفيد حاليا فسكتتها مؤقتا وال
وفي دماغها حتنفذه برده لسه هي مش عارفه مصلحتها فين:
سيبيها ع ربنا يا مايا يلا بينا ننام
عند صقر
مشي متعصب اوي علي اخره والله لاندمك علي القلم ده بس امسكك الاول في ايدي وانا حعرف اربيكي
خلاص هانت
مديحه تاني يوم
كلمت ابنها الكبير تعمل ايه في العريس ال جاي ومايا مش موافقه من قبل ماتشوفه حتي ابنها
قالها هاتي بياناته اسمه وعنوانه حيسال عليه من اصحابه كويس
(اصحابه ال ف اسكندريه)
((لان هو مسافر بره مصر))
وقالها حعرف واكلمك انا
........
وعدا يومين من غير احداث
مايا افتكرت الموضوع انتهي خلاص وارتاحت نوعا ما
وبدات ترتب حتعمل ايه وكلمت صديقتها تكلم والدها يشوف ليها شغل مناسب ومنتظره مكالمه منها بفارغ الصبر
وعاوزه تمشي من مكان ال هما فيه وكانت رايحه تبلغ مامتها انهم يمشو من عجمي بقا وينزلو بيتهم وسط البلد عشان تبدا مرحله جديده وتستعد حتعمل ايه ****
ومامتها مش عاوزاها تفضل لوحدها قافله بابها لازم حد جانبها سند ظهر خايفه عليها من الوحده محدش جانبها لو جرالها حاجه
مستنيه مكالمه ابنها يشوف اخبار العريس وحتجمعهم مع بعض لازم يتقابلو ويتكلمو لو فيه قبول
وصقر ال يومين دول راح كلم باباه ومامته انه عاوز يتجوز وانه وشاف بنت كويسه وعاوزهم معاه لما يروح يتقدم لها
وهما بجد فرحو اوي لان نفسهم يفرحو به جدا
*صقر شخصيته قويه جدا*
محدش بيقدر يقوله لا
والده معتمد عليه كليا في الشغل العمال بيترعبو منه ومهندسين بيعملوله الف حساب
وافقو وفرحو جدا بالخبر ومنتظرين الميعاد للمقابله
عند مديحه سايبه مايا براحتها خالص ولا بتسالها بتعمل ايه شايفاها رايحه جايه ودماغها شغاله
سابتها
وهي منتظره مكالمه من ابنها عشان يطمنها وتشوف حتعمل ايه بعد كده*****
موبايل مديحه رن طلع ابنها :ايوه ياست الكل عامله ايه والبت مايا عامله ايه
واحشتوني اوي اوي حمزه بيسالني عليكو وبيسال ع يويو بتاعته دي 😂 اللي
حتبقا احلي عروسه ان شاء الله قريب
مديحه: حموزي حبيب تيته ياناس واحشني اوي
بجد ياحبيبي طمني سالت اصحابك قالولك ايه طلع كويس؟
عماد: ماشاء الله عليه شاب كويس جدا ومرتاحين ماديا كمان
وعيلته معروفه جدا في مجال المقاولات والبناء الهواري جروب
وابنهم مهندس يعتمد عليه الصراحه والكل بيشكر في اخلاقه وادبه توكلو علي الله يا امي
وخليه يكلمني لما يكلمك عشان اتفق معاه علي شويه حجات كده لو فيه قبول عقبال ما انزلكو ان شاء الله
مديحه: والله كان قلبي حاسس انه شاب كويس واختك الفقريه دي قال ايه مش عاوزه مش مهيئه نفسها وبتاع
عماد: دلع بنات بقا يا امي 😂
يلا حقفل عشان الشغل
مديحه:يارب يجعلك في كل خطوه سلامه ياحبيبي مع السلامه
ارتاحت مديحه واطمنت وعاوزه تبدا في الخطوه الجديده تلين دماغ بنتها وتوافق تقابل العريس*
عند صقر
*رجع تاني وقال لازم يقعد معاها قبل ما اهله يروحو معاه المقابله*
عشان مايحصلش تصادم بينهم
يحصل المواجهه الاول لوحدهم
واتكلم مع مامتها في التليفون :مساء الخير معاكي صقر الهواري فكراني انا ال جيت طلبت ايد بنتك
مديحه: اهلا يا حبيبي فكراك طبعا عامل ايه
صقر:بخير الحمدلله
بعد اذنك طبعا كنت حابب اقعد اتكلم مع بنت حضرتك قبل ما بابا وماما يزوروكم
مديحه تنور يابني في اي وقت تعالي
طيب بعد اذنك ينفع اجي انهارده
مديحه تنور يابني مستنياك
صقر : حكلمك قبل ما اجي
مديحه ؛: حاضر يابني
عند مايا
قررت تقول ل مامتها انها عاوزه تمشي من هنا ويلمو حجاتهم ويرجعو بيتهم
بس حبت تنزل تتمشي ع البحر الاول كانها حتودعه خلاص
وحتجيب شويه حجات نقصاها من الماركت
مامتي حبيبتي انا نازله اجيب حجات من ماركت تحت واجي
مديحه: طيب انزلي وتعالي بسرعه متتاخريش
* مرضتش تقولها انه جاي عشان خايفه من رده فعلها وانها ترفض تقابله من الاساس*حابه يتكلمو يمكن يكون فيه قبول*
مايا :حاضر يا ست الكل انتي
ونزلت وبعد ما مايا نزلت علي طول
صقر كلم والدتها وقالها انه جاي فالسكه وقفل معاها
مديحه بعد ما قفل معاها
عامله بتكلم نفسها: يعني لازم يعني تنزلي دلوقتي تجيبي حجات ده وقتو
مايا نزلت وراحت تتمشي ع البحر وشغلت هاند فري ومشغله اغاني حزينه جدا ومنسجمه ومندمجه مع الاغنيه وبتحرك شفايفها بتغني
*بس بصوت واطي هي فشارع برده*
لدرجه ال بعيد يقول انها بتتكلم مع حد
ومشت بعيد جدا سرحت لحد ما
انتبهت موبايلها بيتهز لاقت مامتها بتتصل :كل ده انتي فين اتاخرتي كده ليه
مايا:ايه يا ماما مالك انا اول مره انزل انا بتمشي شويه وحجيب حجات وانا مروحه
مديحه بغضب : طيب يلا تعالي بسرعه في ناس هنا مستنينك وقفلت قبل ماتسال حتي مين
مايا استغربت المكالمه ناس مين دول🤔
يااااه كل ده انا مشيتو انا بعدت هي ساعه كم دلوقتي اوبا كل ده
وصقر وصل البيت
رحبت به مامتها وقالتله نزلت بس تجيب حجات من تحت وراجعه ع طول وقدمتله واجب الضيافه وقعدين مستنينها
وقعدو يتكلمو وارتحتله مديحه لقته شخص كويس
فات نص ساعه كمان ومجتش
ومديحه حتجنن منها مسكت تليفون وقامت كلمتها بعيد عنه **
كل ده وبتقولي جايه
مايا : في فتح الله بجيب حجات اهه خلاص
طب يلا تعالي بقا وانجزي وقفلت
وهو كمان قاعد ع اخره ماسك نفسه بالعافيه ومسك فون وكلم اسامه لانه بيراقبها من بعيد عشان يعرف تحركتها : ايوه ياباشا
صقر :قولي بتعمل ايه دلوقتي😡
كانت ماشيه ع بحر وبتكلم في تليفون ومنفعله اوي
صقر :ازاي يعني منفعله😡
بتعيط ياباشا وبتكلم ف تليفون بس هي وصلت ال ماركت وبتجيب حجات من جوه
صقر :خلاص يلا سلام
مسك نفسه بالعافيه👊🏼😡 وكتم فنفسه
واستعد لها اول ماتدخل
مديحه رجعت قعدت معاه: خلاص يابني جايه
صقر بنص ابتسامه : براحتها
علي دخول مايا البيت ونزلت الكياس ف الارض بعد ما سمعت 😯 ونكمل بكره