خطفني وصار محبوبي ﴿روايه سعوديه مكتمله﴾

البآرت الثالث والعشرون

************************
رغد:أناا دققيت علييك بس مغلق
فارس شاف جواله :جوالي طافي , طيب أنتي وش مخلييك برا لحالك
رغد:ماا أنا دققيت عشان أقولك في حررامي داخل الفيلاا
فارس:أييش ؟؟ !!
رغد:آييوه أتصل على الشررطه
فارس:مايحتاج شرطه (وتوه بيدخل)
رغد مسكت طرف قميصه:لاتدخخل !
فارس:ليه ؟ أنا أهمك أصلا ؟
رغد تركت قميصه وهي منقهره من كلامه:رووح عشان يذبحك بالسكينه !
فارس:يمكن يكون مثلك عادي عنده يذبحني بالسكينه
رغد تذكرت لما خطفها فارس وكانت بتذبحه بالسكينه
فارس دخل ورغد كانت وراهه تمشي شوي شوي
فارس فتح الليت وشاف المزهريه مكسوره بالارض ودخل المطبخ شاف كاسين بالارض مكسورين وفجأه نطت عليه قططه
فارس ارتاع:بسم الله (وناظر رغد) الحين هذا الحرامي ها ؟
رغد تفشلت
دخلوا عليهم العيال ومعهم نوف وفجر
خالد:وينك انت , وش سويت مع الحرامي ؟
فارس ناظر رغد وكأنه يقول حتى أهم قلتي لهم
رغد: أحم أحم
نوف:لايكون مقلب ؟
فارس:لا بس الآنسه رغد شافت قطه وعلى بالها حرامي
عزيز:طلعت السالفه كذا ! وحنا جايين وكل واحد يركض كنه بعير ومدري أيش
فيصل:عفوا عزوز أنت تتكلم عن نفسك لانه مافي بعير غيرك
مشعل:هههههههههههههههههههههههههههههههههههههههه جبتهها يافييصل
فارس:عاد الا عزوز ماحد بعير غيركم
عزيز:تسلم تسلم بو الفوارس على راسي والله
فارس:هههههههههههه , حيآكم تفضلوا , أجلسوا
خالد:صدق عاد دام هذا أخر يوم لك هنا راح ننام معكم ولا كنكم معاريس جدد
فارس:هههههههه حياك متى ماتبغى تجي تعال ونام عندنا بعد
فيصل:عاد أسكت لايصدق وبعد ماتجون من السفر يتنقع عندكم 24 ساعه
فارس:هههههههههههه
خالد:طيب طيب يلا خلونا نروح وراكم بكره طياره وبعدين بتفوتكم
فيصل:ايه صدق يلا
نوف:طيب حنا نبغى ننام هنا مع رغيد ، فويرس انت طول الوقت بتكون معك خلنا ننام هنا اليوم
فجر:ايووه صدق بليييز
فارس بابتسامه:حياكم البيت بيتكم
فيصل:جد جنيتوا وش تنامون بعد ! اقول تعالوا لا نكفخكم عريس وعروسته توهم جدد
فجر:أووف , طيب يلا باي رغغيد
نوف:باي ="(
رغد بحزن:باي
***********************
فواز:ي خي خاف من ربك مو لهدرجه عااد !
عبدالرحمن:لو سمحت مالك دخل فيني !
فواز:كيف مالي دخل فيك ! , سليم شايفك أكثر من مره مع البنت اللي أسمها سجى
عبدالرحمن:ياشين لقافتك
فواز:أسمعني زين , هذاني أطلع مع بنات وأكلمهم بس ماتوصل أني أوديهم لشقه وأسوي فيهم اللي أنت سويته, والبنت جأت لك قالت لك هي م تبغى تفضحك وتبغاك تروح معها وتسقط الجنين وش فيك أنت أهبل ؟ روح وخلها تسقطه !
عبدالرحمن: ياحبيبي هي ماتقدر تسقطه أصلا !
فواز باستغراب:وليه ؟؟
عبدالرحمن:مجنون أنت ؟ كيف تسقطه لازم تكون بالشهور الاولى عشان تقدر تسقطه وهي الحين على حسب ما أظن بالشهر الرابع ,يعني قرارها متأخر
فواز:ماعندك غير حلين
عبدالرحمن:وشو ؟
فواز:يا أنك تتزوجها وتقول لهم أنكم مالكين من زمان ولا تسفرها برا ولما تولد ترجع هنا وتتصرف باللي ببطنها
عبدالرحمن:قصدك أذبحها مو أتزوجها
فواز:ياعبدالرحمن قسم بالله إذا ماأخترت واحد من هالحلين والله أقول لجدي وهو يتصرف معك
عبدالرحمن : ها ؟ طيب طيب أنت هدي وأنا أشوف حل
*********************
جلسوا الصباح وراحو المطار والتقوا بنور وراشد وطول الوقت راشد مع فارس ورغد مع نور وطبعا كانوا كلهم متأخرين على موعد الطياره واقلعت وحجزوا للرحله الثانيه وكانت بالظهر
نور:أووف وش ذا يعني بنبقى هنا لحد الساعه ثنتين ونص !
رغد:يب وجع طيب حنا ماتأخرنا إلا خمس دقايق أمداها أقلعت
نور:حسييت !
وجأت الساعه ثنتين ونص وجأ موعد اقلاع الطياره وركبوا الطياره
رغد جنب فارس وقدامهم نور وراشد
فارس كان هو جنب النافذه اما رغد جنبه وراشد زي فارس
رغد لفارس بشويش:شوف حنا نتعامل كويس مع بعض قدام الناس بس اما اذا كنا بروحنا كل واحد يرجع لطبيعته
فارس: رغد والله ماني رايق , بعدين نتفاهم وبتعلميني أيش سبب تغيرك علي
رغد لفت وجهه:مابقول
فارس مسك يدها بقوه:تكلمي يارغد والله أني ماني رايق لحركاتك السخيفه
رغد جرت يدها منه:ماحد سخيف غيرك
فارس معصب مرااا ومو عارف وش يسوي , اذا تعامل معها بالطيب ماترضى واذا عصب كمان ماترضى وش يسوي ؟
فارس بنفسه:خلاص دام ماينفع معها كذا , بعاملها مثل ماتعاملني لحد مايفرجها ربي
رغد كانت دايخه كثييير وكانت تبغى تنسدح عشان تنام لكن مو عارفه وخايفه تنزل الكرسي شويه واللي وراها يعصب لانه صاير لها موقف كذا أخر مره ركبت الطياره
رغد لفارس:ممكن تبدل معي ؟
فارس بنذاله:لا
رغد بقهر: أحسن
---------
نور:كيووت رغد وفارس
راشد:هههههه ليه يعني ؟
نور:مدري يعني أحس لايقين على بعض وكيوت
راشد:أنتي الكيوت لبى قلبك بس
نور:فديتك والله
******************
نوف لمشعل:أنت عارف وش كثر أنا أحبك
مشعل:ههههههههههههه خلصيني , عطيني الزبده
نوف وهي تبكي:مشعل أنا ما أحب عبدالله وأمي وأبوي غاصبيني عليه
مشعل:أيشش ؟؟!! غاصبينك ؟؟ وليه ماقلتي لي من البدايييه هبله أنتي ؟؟
نوف تبكي مرره :مددري كنت متوتره ومو عارفه وش أسوي بس تكفى مشعل شف حل
مشعل حظن أخته اللي مو راضيه تسكت من البكي:خلاص عيوني , أنا أشوف لك حل , والله مابتتزوجينه وأنا موجود , وابن أمه اللي بيجبرك على شيء ماتبغيه !
نوف فضت كل البكي والخنقه اللي تحسها بحظن أخوها وقالت مابين شهقاتها:الله لا يـ ـحرمـ ـني مـ ـنـ ـك
مشعل مسح على شعرها:ومنك يابعدي
***************************
راسها كل شويه ويطيح على كتف فارس وأخر شيء
فارس:آححح وجع مو راس ترى كتفي يألمني هاا !
رغد: وعلى بالك أني متعمده ؟؟ أنا حتى من أمس مانمت , أقول لايكثر خلني أبدل معك عشان أحط راسي على النافذه
فارس ماعطاها وجهه
رغد خلاص مو متحمله واستسلمت وحطت راسها على كتف فارس
فارس ناظرها بطرف عينه وابتسم
بعد فتره ..
رغد كانت نايمه وفارس كان توه مسكر عيونه الا فجأه يحس برغد تمسك يده وهي مسكره عيونها:فارس
فارس:همم .. ؟
رغد بصوت وآطي :فارس أنا .. أحبكك
فارس سمعها بس حب يسمعها مره ثانيه عشان يتأكد :أيش ؟ ماسمعتك زين ؟
رغد لسا على هيئتها*حاطه راسها على كتفه ومسكره عيونها وماسكه يده* كانت تتكلم وهي نايمه
قالت بكل هدوء:أكرهك
فارس:طيب نامي بس
************************
مشعل لامه وابوه:طيب أنتوا ماتبغون سعادتها ؟ , هاذي بنتكم الوحيده , ترضون تشوفوها كل يوم تبكي لانها ماتبغى رجال انتوا غاصبينها عليه ؟ , طيب يمه عادي عندك لما تتزوج نوف تجيك وهي تبكي لانها مو مستقره مع زوجها ؟ , يبه تكلم ! , هاذي بنتكم المدللة نوف اللي اذا ضربتها بالخفيف بس كنتوا تحرموني من الاكل عشان اتأدب , كيف الحين تخلوها تبكي بهالشكل ؟ هي ماتعودت عليكم كذا .. أنا قلت لكم وذي بنتكم وانا لاني أخوها أحب الخير لها ف أتمنى قبل لاتتخذوا هالقرار تفكرون (وطلع وأمه وأبوه بححيره )
************
سمر تكلم بالجوال:مشتااققه لك يامها ورى ماتجين عندنا بكره
مها:ياختي السواق انحاش وماعندي احد يجيبني عندك ، انتي تعالي
سمر:آحم ، طيب تعالي مع احد من اولاد عمامك ؟
مها:مدري مااظن فيه حد بيرضى لكن بشوف وبررد لك خبر
سمر:اووكك
وسكرت
سميه:افف
سمر:وش فيك ؟
سميه:صدااااع شنيع
سمر:انا فيني نوومم مررره شوفي عيوني احولت
سميه:يااربي جوالي نسيته بالعرس وحتى شنطتي بعد
سمر:خخخ وتوك تذكرين , ومين بيجيب لك آياه ؟
سميه: لا انا ذاكره من زمان , المهم سألت فجر وقالت أنوا عندهم في الفيلا
سمر:أها
سميه:كم الساعه الحين ؟
سمر: تو الناس الحين الساعه عشر وربع
سميه:أنا بقوم بقول للسواق يشتري بندول راسي مصدع ومافيه بندول
سمر:وأنا بقوم وبروح غرفتي أنام (وقامت وراحت فوق)
سميه توها قايمه إلا يرن تلفون بيتهم رفعت السماعه : ألو ؟
:أطلعي برا
سميه باستغراب:ميين ؟؟
سكر في وجهها الخط
سميه:صدق ناسس فاضيين (دقت على السواق بس مايرد )
***************************
نوف:ها ؟ وش سويت ؟؟
مشعل:أسكتي بس , ان شاء الله ينفع كلامي معهم
نوف:طيب واذا مانفع ؟؟
مشعل:لاتخافين قلت لهم كلام بالصميمم , أفا عليك بس (وغمز لها)
نوف:عيووني أنت والله لاأردها لك ي بعد حيي
مشعل :آحم
*******************
رن التلفون مره ثانيه
سميه:يالله (وردت) ألوو نعمم ؟ خخخخيرر !
:أطلعي براا يالهبله ياسمييه !
سميه:بسم الله !! , مين انت ! ؟
:سمييه لاتخليني أتنرفز , طلعي برا خذي أغراضكك !
سميه عرفت صوته :فيصصل !! , اي اغرااض ؟؟ !
فيصل: اللي نسيتيهم في زوااج فارس ورغغد !
سميه تذكرت انها كانت ناسيه شنطتها وجوالها :آيووه صح صح ! , لحظه شويه وجايه لك بروح ألبس عباتي
فيصل:أوكك أنتظرك
سميه سكرت وراحت ركض لبست عباتها وقبل لاتطلع شافت شكلها بالمرآيه وجلست تعدل نفسها وطلعت برا
فيصل: أهلاً
سميه:هلا بيك
فيصل مد لها كيسه فيها أغراضها:خذي
سميه ماسكه راسها وهي تحس بصداع ألييمم : فيصل , ممكن توديني للمستوصف ؟؟
******************
في طاولة الطعام يتعشوون ,,
الجد:وين فيصل ؟
خالد:قال عنده شغله وبيرجع
الجد:طيب عندي لكم خبر
الكل صار يناظر فيه
الجد:نوف وعبدالله أنفصلوا يعني مافي ملكه (ابو مشعل قال لابوه خلاص نوف ماتبغى عبدالله , وام مشعل دقت على ام عبدالله وقالت لها مافي نصيب )
نوف خلاص شوي وبترقص وهي توزع ابتسامات
فجر لنوف بصوت واطي:خلاص عرفنا أنك فرحانه
بوفارس:هذا اللي كاتبه الله , أن شاء الله تكون مع واحد ثاني اللي أحسن منه وربي يسعدها
بومشعل ابتسم لبوفارس:أميين
ام فيصل:بتلقى اللي أحسن منه , نوف جميله ودايم يخطبونها
بعد فتره من السكوت مافي غير اصوات الملاعق
راكان:شسمهه عندي لكم خبر بيفرحكم كثيير
الكل:وشو ؟
راكان :في بيبي جـآي بالطريق
الكل: مبرروووكك
راكان وندى :الله يبارك فيكم
نوف:صدق فله وأخيرا هالفيلا بيصير فيها قزم يحوس فيها وكيذا
فجر:أيه أيه فلله بنلعب فيه مابنتركه بحاله
ندى:وعلى بالكم بتركهه لكم مستحيل ههه
*******************
دخل معها عند الدكتور
الدكتور يسألها: أنتي معك الدور..
سميه قاطعته وقالت بسرعه:لا لاا لااا (عشان ماتبغى فيصل يفهم )
فيصل فطس ضحك عليها
الدكتور : طيب , الصداع هذا دايم يجيك ولا ؟
سميه :هو يجي لي بس مو دايم يعني , بس إذا اخذت حبه بندول ماينفع معي لازم أخذ ثنين أو ثلاثه
الدكتور:لا مايصير تأخذين ثلاثه يضر بصحتك (وكتب لها في ورقه ) خذي هذا ووديه للصيدليه يعطيك آياه
سميه:أووكك (وخذت الورقه وطلعت مع فيصل)
راحوا وصرفوا العلاج وركبوا السياره
سميه :أسفه خذت من وقتك كثير
فيصل أبتسم :وقتي كله لكك =)
*******************
وصلوا في الفجر
وراحوا للفيلا اللي هم رآح يسكنون فيها ..
كانت واقفه قدام الفيلا وهي تناظرها بانبهار

نور:رهييببه
رغد التفت لنور: أنتوا ماكنتوا ساكنين هنا من قبل ؟
نور:لا , هاذي مفأجاة زوجك
رغد مافهمت: كيف يعني ؟
نور:هو قال لنا قبل زواجكم أنه راح يفأجئك بهالفيلا وقال لنا حنا بنسكن معكم عشانك انتي مايبغاك تكونين وحيده
رغد ابتسمت وهي تناظر فارس اللي كان يتكلم مع راشد
دخلوا وشافوا كل شي مرتب ونظيف
ورقوا فوق وكان جناح فارس ورغد جنب جناح نور وراشد والباقي غرف يعني الفيلا فيها جناحين كبار و4 غرف
راشد:يلا طيران رايح أناام ولحد يجلسني تعبت مررا
فارس:آيه والله تعب
ودخلوا جناحهم
فارس على طول انسدح بالسرير
رغد جلست على الكنبه
فارس في نفسه :لمتى يعني ! , مو قادر أستوعب أني أنا وياها في غرفه وحده لكن بعاد عن بعض
رغد راحت لفارس وجلست في طرف السرير:أبغى أنام
فارس:نامي ماحد ماسكك
رغد:أقصد يعني قووم ابغى انام لحالي مااقدر اروح وانام في غرفه ثانيه لانه نور وراشد ساكنين معنا
فارس:حبيبتي تبغين تنامين , نامي في السرير اللي أنا نايم فيه وإذا مو عاجبك عندك الكنبه موجوده =)
رغد تنرفزت وأخذت المخده اللي بالسرير وجرت البطانيه من فارس (وراحت للكنبه)
فارس:وأنا ماعندي بطانيه !!
رغد:صرف لنفسك
***********
فواز:يمممههه أبووي مااات
فوزيه طاح قلبها :أيششش !!!!
فواز:لا بس أمزح معك هههههههههههههههههههه
فوزيه:صدق أنك دلخ وقليل أدب يلا أنقلع عني ياللي ماتستحي حسبي الله عليك من ولد
فواز:يمه وش فيك أمزح مزحات يامي مزحات
فوزيه:أنقلع انت ومزحاتك اللي مثل وجهك
فواز:أفا , طيب وجهي حلوو وأكيد مزحاتي مثل وجهي
فوزيه:فواز لو ماتنقلع بقوم أضربك تراك مو بزر لاتخليني أغضب عليك
فواز:طيب طيب أسف بس قلت بغير جو وكذا
سليم:الا صدق يمه متى بيجي أبوي تراه طوول مره
فوزيه:أتصل أمس وقال انه جاي بكره
**********
نور رسلت رساله لرغد:جهزي نفسك بكره بنروح المدرسه
رغد :وهاذي المدرسه لها لبس معين ولا ألبس على كيفي ؟
نور:ههههههههههه ي ختي ماحنا رايحين لمدرسه داخليه ف أكيد أنه تلبسين على كيفك
رغد:هههههه وكمان عندك خبره
نور:أفا عليك بس
************************
اليوم الثاني في بريطانيـآ - لندن ..
الصباح جالسين يفطرون
راشد :رجعوا مع تاكسي
رغد:نور أنتي ماتسوقي سياره هنا ؟
نور:للاسف لا
رغد:لو أنا منك وعايشه هنا كان شريت لي سياره وأعتمد على نفسي لاتاكسي ولاشي
نور:أنتي تعرفين تسوقين ؟؟
رغد:آيوه , بابا علمني عشان اذا صارت حاله طارئه أو شيء زي كذا
نور:خلاص اجل أنتي اللي بتعلميني
رغد:بس جيبي السياره وأنا أضبطك ههههههه
نور مسكت يد راشد:حبيبي رشود بيجيب لي
راشد:طيب طيب بلا مصلحه
الكل ضحك
وراحوا نور ورغد المدرسه وفارس وراشد الجامعه
-------------------------
عند نور ورغد دخلوا المدرسه وعيون الشباب كلهم على رغد
رغد:بسم الله نوير وش السالفه ليه كلهم كذا يناظروني ؟
نور:مدري عنهم , يمكن لانك جديده هنا
جأت لهم بنت: Hello how are you? (مرحبا , كيف حالك ؟)
نور:I'm fine and you ? (أنا بخخير , انتي كيف حالك ؟)
(بكتب لكم بالترجمهه )
البنت:أشتقت لك
نور:وأنا بعد
رغد لنور:مين ذي ؟
نور:صح , نسيت أن أعرفكم على بعض , جيسكا هاذي رغد صديقتي , ورغد هاذي جيسكا زميلتي
رغد ابتسمت:تشرفت بمعرفتك
جيسكا:وأنا بعد
رغد:ممكن سؤال ؟
جيسكا:تفضلي ؟
رغد: ممكن أعرف ليه الشباب هنا يناظروني ؟
جيسكا:أنتي جميله وأكيد أنك جذبتيهم فحذري منهم
رغد لنوربالعربي:بسم الله والله خفت من كلامها
نور:أحمم أسكتي بس
رغد شافت واحد:لحظه نورر كني شفت واحد أعرفه شويه وراجعه
نور:أوكك
رغد راحت للولد:وليد ؟؟
وليد :رغد ! ,(وكمل باستغراب) انتي تدرسين هنا ؟؟
رغد:آيوووه
وليد: ماتوقعتك تدرسين فيها
رغد:وأنا بعد أستغربت أنك هنا
وليد:كيفك وكيف فارس ؟
رغد:بخير وأنت كيفك ؟
وليد:الحمدلله بخير , وش أخبار الحب ؟
رغد :ههههههههههههه قليل أدب , نويف بخخير ومشتاقه لك
وليد:والله حتى أنا مشتاق لها مرره
رغد:عاد أنت أحميني من هالشباب والله خفت منهم ومن أشكالهم بعد
وليد:ولو , انتي مثل أختي , بس رغد ابأسألك سؤال
رغد باستغراب:تفضل
وليد بتردد:وش صار على نوف مع اللي تقدم لها ؟
رغد:والله لحد الحين مدري (وبعدها أستوعبت) لحظه لحظه انت كيف عرفت ؟؟
وليد :أحم , عرفت وبس
جأ واحد لوليد:واااو , وليد مين هالمزه اللي معك ؟
وليد:أستح على وجهك بس , هاذي اختي
رغد باستغراب للولد:أنت سعودي ؟
الولد:يب يب ي مززه
وليد:تراها متزوجه يعني مابينفع معك ياسلمان
سلمان:أماا متزوجه ! صغيره ع الزواج ليه مستعجله
رغد ماردت عليه وجرت وليد :مارتحت له , يخوف
وليد:لاتخافي هذا خويي وماراح يقرب منك :)
رغد:شكرا مررا
وليد:ولـو :)
رغد:يلا أشوفك بعدين (وأشرت بيدها يعني باي)
وليد:باي =)
رغد راحت لنور
نور:مين اللي كنتي تكلمينه يهبل
رغد:ههههههه هذا يعتبر واحد من العايله
نور:خققه , يجنن
رغد:لهه لهه عيب , متزوجه أنتي ههههههههههههه
نور:ههههههههههههههه
رغد:وبعدين هاذا خطيب نوف
نور:والله لايقين لبعض =)
*************
فارس عقله مشتت في المحاضره يفكر برغد وكيف يتصرف معها
الدكتور كانت عينه على فارس لانه طول الوقت سرحان
وفجأه الدكتور ناظر فارس:Excuse me
راشد ناظر فارس وشافه سرحان ودقه من تحت بالخفيف
فارس لف على راشد وحس انه صار هدوء والكل يناظره وشاف الدكتور ووقف :Yes, sir?
الدكتور:Do you listen to my words? (هل أنت تصغي الى كلامي)
فارس: I'm sorry, but my thinking is dispersant (أنا أسف , لكن تفكيري مشتت)
الدكتور:so, no need to attend here , go out (اذاً لا حاجه لوجودك هنا , أذهب للخارج)
فارس:I'm sorry, but you will allow me to go out ? (أنا أسف لكن أتسمح لي أن أخرج ؟ )
الدكتور:Yes go
*********************
في السعوديه ..
وفي الفيلا , كانت الساعه سبعه ونص الصباح , يعني بريطانيا متقدمه ب ثلاث ساعات
كانت جايه لهم فوزيه
وكانوا يفطرون ولما خلصوا
الحريم كانوا جالسين مع بعض ويشربون شاي وفجر ونوف وسمر وسميه ومنى جالسين بعيد عنهم بس يسمعون وش يقولون
الجده:تعرفون ام عبدالكريم ؟؟
الكل:آيوه
الجده:تزوج عليها زوجها
ام فيصل:صدق ! , مسكينه ماتستاهل
ام فارس:آيوه صدق مسكينه
فوزيه:هاذي ماتعرف تتصرف مع زوجها لو تعرف كان ماتزوج عليها
ام خالد:هي تعرف تتصرف بس لانه زوجها راعي سفر وكذا
فوزيه:طيب هذا زوجي يسافر كثير ويطول بسفراته ماتزوج علي , يعني الغلط منها هي
ام مشعل:طيب ماعلينا منها الله يستر عليها
ام فارس:صادقه
----
نوف:أنا أنساااانه أحس مابرتاح الا لما أعرف وش فيها رغد وليه كانت تبكي بيوم عرسها
فجر:آيوه والله قهر , أتذكر بالعرس كل ماجينا لها نبغى نكلمها تجي لنا وحده وتبارك لها
نوف وهي تقلد صوت الحريم اللي كانوا يباركون لرغد ذاك اليوم:ممبرروك , مبرروك , الله يوفقك , مبرروك
سميه:ههههههههههههههههههههههههههههههههههه نوف مو طبيعيه
نوف:والله قهروني ,حتى لما أمس أبغى أكلمها وأسألها مافي امل
فجر:آييوه والله أحسها تغيرت هاليومين, ماهي رغد القديمه
سمر:تذكرون لما جينا لها كلنا وجلسنا نسألها , مااردت وقالت كنت متوتره
منى:معقوله متوتره وهي فصخت الطرحه وهي تبكي
فجر:آيه صح !
نوف:وش رأيكم نتصل عليها الحين
سميه:طيب يمكن تكون مع فارس او مشغوله
نوف:أيه معليش , أنا بتصل عليها (ودقت عليها)
رغد كانت بالمدرسه وعندهم بريك:الو ؟
نوف:الوو رغييييد اشتقت لهبالك ي الزفته
رغد:نوييفه حتى انا وربي أشتقت لكك ممررره
فجر خذت الجوال من نوف:الوو رغود كيفكك عيوني ؟
رغد:عيني أنتي , انا بخير انتي كيفك ؟؟
فجر:بخخيرر الحمدلله
رغد: حبيبتي أنتي
سميه خذت الجوال من فجر:الو رغغد كيف حاللك ؟؟
رغد:سوسو بعد قلبي , انا الحمدلله بخير وأنتي كيفك أن شاء الله بخير ؟
سميه ماامداها تكمل :الحمـ (خذت الجوال سمر)
سمر:رغد يمه قلبي أنتي ي الخفووق
رغد:عمرري سموور , ها علميني شفتي الانسان ذآك ؟
سمر:هههههههههههه , للاسف لا
نوف خذت الجوال:صدق ملاقيف جالسه اكلمك ويأخذونه
رغد:ههههههه , طيب نوف أنتي لابسه كويس يعني مو بجامه وشعرك منفوش ؟
نوف:أماا هههههههه أحم أيه لابسه فستان وكاشخه حدي بعد
رغد:وش المناسبه ههههههههه
نوف قامت ودخلت المطبخ:أحم أول شيء باركي لي
رغد:ههههه مبروك بس وش السالفه ؟
نوف:خلاص مافي شيء بيني وبين عبدالله
رغد صرخت من الوناسه واستغربوا منها الكل :أحمم تفشلت كل ذا لاني فرحانه لك
نوف:هههههههههههههههههه عيوني أنتي
رغد:المهم اتصلي علي سكايب عندي لك شيء جمميل
نوف:ههههه أوك
*******************
رغد:إذا قلت لك خبر يفرحك وش بتعطيني ؟
وليد:ممممم , بوديك السوق
رغد:ماشاء الله عليك فاهم وش نبغى حنا البنات هههههه
رغد:وليد:أفا عليك بس , المهم وش الخبر ؟
رغد:نوف صارت سننققل
وليد فرح كثير :جد والله ؟؟
رغد:آييووه
وليد بفرح:أنتي مو بس أخليك تروحين السوق إلا بخليك تأخذين كل شي هناك
رغد:أحم أحم , شوكرا هههههههه
ورن جوال رغد لانه نوف اتصلت سكايب
رغد فتحته:هــاي
نوف:ونااسسه رغييد تهبليين ههههههههههههه , وريني مدرستك خليني أخق
رغد عطت الجوال وليد
وليد يستهبل:هــأي كييكرز
نوف بتفأجئ:أماا !! , أنا في حلم ولا صدق ؟ أنت وليد !!
وليد ابتسم:وليد بشحمه ولحمه جالس يكلمك الحين
***********
راشد:وش فيك أنت !
فارس:مدري الظاهر فيني نوم
راشد:خلاص أجل نرجع البيت ؟
فارس:يلا
*****
دخل عليهم أبوهم البيت ومعه بنت
فواز:أووه مين هاذي المزه ؟
بوعبدالرحمن:هاذي زوجتي الجديده
فواز وسليم وعبدالرحمن قاموا وبصدمه:أيش ؟
بوعبدالرحمن: مثل ما أنتوا سامعين ,سليم روح ناد وحده من الخدم تأخذ شنطتي وشنطة المدام وتجهز غرفه لها
سليم بتردد: أن شاء الله (وراح)
دخلوا فوزيه والبنات البيت وتفأجوا
فوزيه برتباك:من هاذي يابوعبدالرحمن ؟؟
بو عبدالرحمن:زوجتي الجديده
فوزيه:ايشش ؟؟ زوجتك الجديده ؟؟ وليه تزوجتت !! أنا ماني مقصره معك بشيء لييه تزوجت ثانيه !
بوعبدالرحمن مشى وهو ماسك يد زوجته الجديده:الشرع حلل أربع (ورقوا فوق)
سميه:سمعتوا أيش قاااال !!!!!
سمر:والله لا أعلمها كيف تتزوج أبووي !
فواز بصدمه:كيف أبوي يتزوج وحده كبر بناته !
عبدالرحمن:لا ومززه بعد
فوزيه غرقت في عيونها الدموع وراحت فوق وهي تركض
منى:مسكينه أمي

**********

في بريطانيـآ - لندن ..
الساعه اربع العصر
دخلت الفيلا وفي يدها أكياس وهي مبتسمه دخلت عليهم الصاله:السلام
الكل:وعليكم السلام
نور:آيه تروحين تتسوقين وتنسين أنه معك وحده أسمها نور عجزت وهي تدورك في المدرسه
رغد:ههههههههه عيوني أنتي , أسفه بس والله نسيتك
نور:خلاص , مره ثآنيه
رغد:أوكك
راشد:نور , يلا قومي أنا تعبان وأبغى أنام
نور:مم , يلا
(وقاموا وبقى في الصاله رغد وفارس)
رغد حست أنها ماتعرف تتنفس لانها لوحدها مع فارس , قامت وراحت وفارس انسدح على الكنبه وشغل التلفزيون
**********************
بعد مرور شهر ..
عبدالرحمن قال لسجى أنه بعد ماتولد راح يتزوجها وودها لامريكا لوحدها وقالت لاهلها انه جأت لها بعثه وبحكم انه اهلها على نياتهم صدقوا كلامها
فوزيه من أول ماعرفت انه زوجها تزوج عليها راحت بيت ابوها
رغد وفارس مافي اي تحسن بعلاقتهم
ريناد مختفيه ماحد سمع عنها خبر بعد زواج رغد وفارس
ريما من بدأت المدراس جأت من دبي
فواز راح لبريطانيا
************
الساعه 9 الليل
فجر:بنات جد ماطفشتوا منها ؟؟
نوف حاطه صبعها ببلعومها:واقفه هنا بالبلعوم
ريما:أنا عن نفسي مااشوفها تسوي شيء بس جالسه لحالها وحزينه
العنود:يمكن جأها أكتئاب
نوف:أحسن , أفتكينا من شرها
فجر:نوف ياقليلة الادب عيب استحي على وجهك
نوف:أحم , أمزح طيب ؟
فجر:عنود
العنود:هلا ؟
فجر:اسمعي سويتي البرزنتيشن ؟
العنود:أففففف , لا , شكلي بنسخ حقك
فجر:أخاف تكتشف الدكتوره
العنود:لا ما أظن , المهم أنا بغير الخط والخلفيه بحيث ماتحس
فجر:أوكك , طيب
العنود:خلاص أجل , عطيني الفلاش عشان أنسخه وبكره في الجامعه أرجع لك أياه
نوف:مااصدقكم في المدرسه كنتوا تغشون من بعض والحين نفس الشيء
فجر:أفا عليك بس هههههههههههههههههههههههههههههه
*********
في بريطانيا كانت عندهم الساعه 12 الليل
راشد:ياخي شهر العسل حقكم يفشل مارحتوا مكان , ماتوقعتك كذا , توقعت أني بشوفك تروح كل مكان
فارس:أمم , وش أسوي بعد مو فاضي دايم في الجامعه ورغد عندها مدرسه فما أقدر
راشد:أها , بس قل لي الحين فواز له شهر من جأ لبريطانيا بس ماشفته الا خمس أو ست مرات دايم مختفي هالولد
فارس:ههههههههههه , أيوهه وانا بعد ماشفته كثير
راشد تثاوب:يلا أجل , أنا رايح أنام تعبان كثيير
فارس:أوكك , تصبح على خير
راشد راح ولحقته نور
رغد قامت مثل العاده وتوها بتروح
فارس:رغد !
رغد وقفت بدون ماتلتفت:نعم ؟
فارس راح لها ولفها له ومسك يدها بقوه:لمتى يعني , أنا طفشت من حالنا ذا !
رغد:أتركك يدي تعورنيي
فارس كان ماسك يدها بقوه أكثر من قبل:تكلمي يارغد
رغد سكرت عيونها من الالم:فارس أتركك يدي
دخلت عليهم نور وهي مستغربه ولما فارس شاف نور ترك يد رغد
نور ارتبكت من نظرات فارس لها كان شكله معصب :أنا جيت عشان نسيت جوالي (وخذت جوالها وراحت بسرعه وهي مستغربه)
رغد راحت للغرفه وهي تبكي وتمسح على يدها اللي صار لونها أحمروطبعت يد فارس فيها
فارس تنهد وجلس شويه في الكنبه وبعدها قام ودخل الغرفه لقى رغد نايمه بالكنبه بعمق لكن وجهها واضح انها كانت تبكي
فارس انحنى لها وبعد خصلات شعرها عن وجهها :رغد أنا أسف ..
رغد في نفسها:وش يفيد الاسف ..
فارس باس رغد في جبينها وطلع برا
رغد دق قلبها بقووه
رغد بعد ماطلع فارس قامت وهي تلاحقه بدون مايحس
فارس اتصل على فواز:الو هلا فواز
فواز:أهليين فارسس
فارس:أنت في شقتك ؟؟
فواز:آيوهه , ليه ؟
فارس:أنا جايك الحين
فواز باستغراب :هالوقت ؟؟
فارس:آيووه جاي الحين
فواز:حيااك
وراح فارس
رغد بنفسها:بعض الاوقات احسه بريئ ليه مااسامحه ؟ هو من تزوجنا ماشفته يسوي اي غلط ، لا لا يمكن يمثل ، مدري اسامحه ولا لا
وراحت انسدحت وناامت وهي تفكر تسامحه ولا لا
********
فواز فتح الباب ولقى فارس بحاله يرثى لها:وش فييك !!
فارس دخل واهوا مو عارف يمشي كويس
فواز:فارس لايكون شاررب شي !!
فارس جلس على الكنبه:وش شارب مجنون انت !
فواز:اجل وش فيك !
فارس:الظاهر من برودة الجو جأت لي انفلونزا
فواز:ووين رغد عنك ؟
فارس:واللي يرحم والديك اسكت مالي خلق اتكلم (وانسدح على الكنبه)
فواز لمس جسم فارس:اوف حرارتك مرتفه ، ناار ، قوم اوديك للمستشفى
فارس:مايحتاج
فواز:اقول فريس لاتكابر ، قلت لك قوم
فارس: فواز لاتصير امي ! ، خلاص قلت لك مايحتاج
فواز رمى علبة المنديل على فارس:الشرهه علي ، روح انقلع وبعدين تعال وقل لي ابغى اروح المستشفى
فارس:مابقول لك
********
الصصباح
راشد:رغد .. وين فارس هو لسا نايم ؟
رغد:ها ، مم هو امس قال انه راح يروح بدري لفواز
راشد:اها (ودق على فارس)
فواز:الو
راشد: فارس ؟
فواز:لا ، انا فواز
راشد:اهلين فواز ، وين فارس ؟
فواز:انا ظنيت انك رغد عشان كذا رديت وبدون مااشوف المتصل ، فارس العنيد من امس فيه انفلونزا ومو راضي يروح المستشفى
راشد:طيب لييه مايروح ؟
فواز:والله مدري عنه ، انا قلت لو تجي رغد وتكلمه يمكن يفيد
راشد:خلاص انا اجيبها
فواز:يلا اجل انتظرك (وسكر)
راشد قال لرغد ورغد فز قلبها وراحت معه
*******
ندى لراكان بصوت واطي:اشتهيت زيتون
راكان:فيه زيتون هنا (ومد لها الصحن) خذي
ندى ابتسمت: شكرا
فوزيه:يوهه ياندى كلتي كل الزيتون مابقيتي شي لنا
ندى تضايقت ومدت الصحن لفوزيه :انا اسفه (وقامت)
الجد:وش هالكلام يافوزيه ! الحين على كم حبة زيتون كلتها البنت تقولين لها هالكلام ، وبعدين الخير كثير والحمدلله فيه زيتون كثير ، يعني لاتسوين كذا لو سمحتي
فوزيه:بسم الله ، كلتني يايبه ترا ماسويت شي
راكان قام:سفره دايمه
الجده:راكان ولدي روح للخدامه تجهز لكم فطور وكلوا في جناحكم
راكان:لا الحمدلله انا شبعت
الجده:انت شبعت بس ندى لا ، يلا روح
راكان:طيب (وراح)
نوف لفجر بصوت واطي:شفتي شفتي كل يوم تقوم وحده من الطاوله بسببها
فجر:عسى مايجي دوري
نوف:انا عن نفسي لوتقول اللي تقول ماني قايمه من هنا
فجر:قويه ي نويف هههههه
نوف: وش على بالك بعد
*********
سمر:يبه ، متى بترجع امي
بوعبدالرحمن:متى ماتبي مو انا اللي قلت لها طلعي ، هي اللي طلعت بنفسها
سمر ناظرت زوجة ابوها بحقد
سميه قرصت سمر وبصوت واطي : لاتناظرينها كذا
سمر:جعلها الـ ماني قايله هي اللي خلت امي تطلع من البيت
منى لزوجة ابوها:اقول بيان من وين فستانك عجبني كثير
بيان:ابوك اشتراه لي
منى:اها
عبدالرحمن يناظرها باعجاب:زين ما اختار الوالد
بوعبدالرحمن:ايش ؟
عبدالرحمن بارتباك:اقصد السفتان ، الفستان
الكل فطس ضحك على عبدالرحمن
******
رغد:فارس قوم
فارس مسكر عيونه:انا مااهمك
رغد كان ودها تقوله انت تهمني كان ودها تقول خلينا ننسى سالفة الزعل بينا بس في شي منعها وقالت بصوت واطي لفارس:قوم لاتفشلني معهم كلهم يناظرونا
فارس بصوت عالي ومبحوح:رغغد بعدي عني
رغد قامت
فواز لرغد:هو انتوا متزاعلين ؟
رغد بحزن:آيوه
رغد كان البكي واقف بحلقها ، وحاولت ماتبكي
فواز لراشد ونور:خلاص خلونا نطلع الحين ونتركهم لحالهم
راشد:يلا
(وطلعوا)
رغد راحت لفارس ومسكت يده بعد تفكير:فـآرس ..
فارس استغرب منها ومن نبرة صوتها وصار يناظرها :نعم
رغد:فـارس أيش رأيك ننسى اللي صار ونبطل زعل
فارس ابتسم :بعد ماتقولين ايش السبب اللي غيرك علي ؟
رغد بتردد: خلاص أنسى اللي صار من قبل ونبدأ من جديد
فارس: أ .. (قاطعه صوت جواله وهو يرن)
رغد لفارس:جوالك يرن
فارس :مايهمني مين متصل ، انتي ردي
رغد ردت وتوها بتقول الو
:فارس انا ريناد
رغد انصدمت وطاح الجوال من يدها
فارس باستغراب:مين اللي متصل !
رغد وعيونها غرقانه دموع:حبيبتك !
فارس باستغراب اخذ الجوال من الارض :الو ؟ الو ؟(ماحد رد)
فارس :رغد بلا استهبال أنا أدري تسوين كل هذا عشان تحاولين تخليني أطلقك من نفسي و دام الحين ماحد هنا ، تقدرين تروحين لمدرستك ، تراك متأخره
رغد مسحت دموعها واخذت شنطتها وبعصبيه :انا رايحه !
راحت ووقفت تاكسي وركبت
فارس مستغرب: وش فيها ! , طيب مين اللي متصل علي ! (ومسك جواله يتصل على أخر رقم ويقول بنفسه:هذا الرقم من السعوديه , بس منو ؟!)
ردت :الو
فارس حس أنه الصوت مألوف :أنتي نوف ؟ ولا فجر ؟ يمكن سمر صح ؟
:لا لا أنا ريناد
فارس:رينااد ! وش تبغين أنتي !!
ريناد:أنا أسفه فارس بس وربي مشتاقه لك وحبيت أسمع صوتك بس
فارس:ريناد والنهايه معك ! , مو كافيك أنك خربتي علي أنا ورغد , وحتى لما كانت بتتصالح معي دقيتي ودائماً أوقاتك غللللطط , ماتفهمين أنتي ؟ ماعندك عقل ؟ ي خختي أنا متزوج , م ت ز وج !! ماتفهممين ؟ ! , إذا دقيتي مره ثانيه بتشوفين شيء مايعجبك أو اقول أحسن لي أغير رقمي يلا انقلعي (وسكر في وجهها)
ريناد:الو الو , الو فارس (وشافت جوالها وعرفت أنه سكر في وجهها )
************
رغد في نص الطريق:لو سمحت ابغاك ترجعني المكان اللي خذتني منه
السائق:اوكك
راحت له ورمت شنطتها بالارض دخلت الحمام وخذت منشفه صغيره بللتها بمويه وراحت لفارس حطت المنشفه بجبينه
فارس :ايش جابك ؟
رغد:ماجيت عشاني احبك ، انا جيت لانه قلبي ماخلاني اتركك وانت مريض
********
فجر قدمت البرزنتيشن حقها ولما خلصت الكل صفق وكان دور العنود اخر شي ولما كل البنات قدموا البرزنتيشن قامت العنود وفي النهايه الكل ضحك
العنود لفت وشافت مكتوب اخر شي فجر الـ****
العنود: احم
الدكتوره:بعد الكلاس ابغى اشوفكم انتوا الثنتين في مكتبي
فجر والعنود:حاضر
فجر ناظرت العنود يعني بذبحك
******
رغد:افصخ قميصك
فارس بتعب:ماني قادر اتحرك
رغد بتردد فتحت ازرار قميصه وهي خجلانه
فارس مسك يدها :رغد ، قولي لي وش قالت لك ريناد ؟
رغد وغرقت عيونها دموع:طلقني واقولك !
فارس مسك ذقن رغد :رغد لاتخلين ريناد تأثر فيك ! ريناد وحده ماتستحي على وجهها وتبغى تفرق بينا
رغد:فارس افههم خلااص أنا ماابغاااك
فارس سكر عيونه وتنهد
رغد كسر خاطرها
وبعد 5 ساعات
رجع فواز لشقته لقى رغد نايمه وهي جالسه ومسنده راسها بالكنبه وكانت ماسكه يد فارس
فواز :رغد
رغد صحت من النوم:هلا ؟
فواز:روحي للغرفه نامي بالسرير ، اذا نمتي كذا ، بتألمك رقبتك
رغد:لا خلاص مايحتاج
فواز لمس جسم فارس:تصدقين ، خفت الحراره
رغد:ايوهه الحمدلله
*****************
فجر:سمعتي ايش قالت , السبب انتي يالهبله (وضربتها على راسها)
العنود:احح , يعني وش أسوووي ماشفت ذا , وانتيي لييه كاتبه اسمك
فجر حطت صبعها براسها:كيفي كيفي
دخلت نوف عليهم:العنود هنا
العنود:لا ,هناااك
نوف:أستغفرالله الجو حـــــــــــــــــــــآآآآر براا أنهلكت ف المدرسه
(رن جوال فجر) فجر:بروح أكلم , وأجيكم
العنود:وين ريما ماجأت معك ؟
نوف:لو تدري انك هنا كان جأت معي
*************
بعد يومين ..
في بيت فوزيه - في المطبخ
عبدالرحمن:هلا والله بخالتي
بيان بدلع :لا تقول خالتي أنا زوجة أبوك
عبدالرحمن:طيب زوجة أبوك ذي تجيب لي القرف , أحسن شيء أناديك بيون ؟
بيان:على راحتك (وراحت )
عبدالرحمن يكلم نفسه:تجيب الخفقاان ي خي
سليم دخل :الحين هالشيفه تجيب لك خفقان !
عبدالرحمن: وش دخلك انت (وصار يقلد احلام) كيفي كيفي أبي كنتاكي أءء قصدي بيان
******
الجد في مكتبه جالس على اللابتوب سمع دق الباب :تفضل
فوزيه دخلت:السلام عليكم
الجد:وعليكم السلام , تفضلي جلسي
فوزيه جلست:يبه أنا حبيت أقترح شيء
الجد:وشو ؟
فوزيه:دام رغد الحين تزوجت خلاص عطوني غرفتها ! مايصير كذا صار لي أكثر من شهر انام بغرفة الضيوف
الجد:لا ماأقدر يافوزيه , رغد موجوده أغراضها بالغرفه وبعدين انتي ماراح تظلي هنا , أصلا اذا خذتي غرفة رغد بيدرون زوجات اخوانك أنه زوجك متزوج عليك
فوزيه:وش علي منهم ؟ أغراض رغد نحطهم بغرفة فارس لانهم خلاص تزوجوا
الجد:أخذي أذن منها قبل لاتنقلين غرفتها
فوزيه:يبه أنا أدري أنك ماتبغاني هنا , بس من لي غيرك (وصارت تسوي نفسها تبكي)
الجد كسرت خاطره:خلاص سوي اللي تبغين , بس تفاهموا أنتي وزوجك مايصير تبقين معلقه
فوزيه قامت ومشت بتطلع:ولايهمك خلاص اقول له يطلقني
الجد:لا وش يطـ.. "طلعت فوزيه" أنا لله وأنا إليه راجعون ولاحول ولاقوة إلا بالله العلي العظيم
*******
فجر:عمار انت هنا
عمار:آيوه ي قلبي هنا
فجر:أيش جابك , روح أخاف يجي أحد ويشوفنا لوحدنا وحنا لسا ما ملكنا
عمار قرب منها وشال خصلات شعرها اللي بوجهها:ما أشتقتي لي ؟
فجر نزلت عيونها بخجل:أحم .. أيوه
******
فارس أتصل على فواز:فوووويز أنت وش مسوي !!
فواز بصوت كله نوم:والله ماسويت شيء !
فارس:شكلك ماتدري وش الدنيا فيه ي خخي أنت أنفضحت !
فواز:فريس بلا لف ولا دوران وش السالفه مافهمتك
فارس:برسل لك الفيديو في الواتس أب وأنت شوفه يمكن تفهم
فواز:لا لا , جوالي الحين بيطفي ممكن يسكر باي وقت أرسل لي على الفيس بوك بدخل من اللابتوب
فارس:أوكك , وبعد ماتشوفه تعال وكلمني
فواز:أوك أوك (وسكر)
فواز راح الحمام غسل وجهه وبعدها مسح وجهه بالمنشفه , طلع من الحمام وراح على اللابتوب
فتح الرابط وشــآف الفيديو كامل
فواز:آيا بنت الذينَّ !!
سكر اللابتوب بهدوء وأنقلب مزاجه !

طلبتكم لا تنسو اتصويت 👇⭐😍😍😍😘
احببببككككم