" بلقمي نجم اليل "
محمد...لا لا تفكرين ولا تشغلين بالج
اهم شي انتي بخير خوش يحلوة
حنين...ههههههه
محمد... ايي اضحكي خل هل نغمه ترن
ياله ترا عمتج جاي تشتغل
ومتلحك واخذته هسا اودي النقال الها
حنين...هههه اوك
حنين...اخذته عمتي حجت وياي وسلمت
وسديته حست براااحه مو طبيعيه
جنت اذكر كلامه واضحك دائماً
واخجل نطيته المبايل لامي
وفرحت كمت صرت كلي نشاط
وحيويه هههههه دكول من ذوله اهل
اليوكه المعقدين
كمت تعشينه وباوعت ع المسلسل
خلص وبقينه شويه ورجعت للبيت...
رحت غيرت ملابسي وغسلت وجهي وفرشت الفراش
وتمددت واباوع ع الفلم خلص وطلع الثاني
وخلص وطلع الثالث وخلص ونمت
كعدت الصبح غسلت وصليت وتريكت والفراش شالته مريم
اووف كلش رتاحيت منه نضفنه شويه ورحت اساعد امي
بطبخ شويه وندك الباب ابوي جان طالع ومحد فرحت كلت منو عاد رد علي
ساهر...هذا اني افتحي
حنين...لحضه
فتحت الباب وسلم وطب جوى طب ع المطبخ سلم ع امي
*********مريم
مريم...كعدت الصبح غسلت وصليت وشلت الفراش وتريكت
ونضفنه شويه اني وحنين وي امي وحنين راحت وي امي
ع المطبخ تساعدها واني جنت لازمه مبايل امي
والعب بي جان اسمي صوت امي وصوت سامعته استغربت!؟
فكمت كلت خل اشوف منو رحت اتمشى ع كيف لان كلت اذا خطار ماطب وسلم والله ههههه
فسمعت صوت ساهر يمةة احس كلبي صار طبل
باله هسا شلون اطب بقيت واكفه حوالي الدقيقه
واكول اطب لا لا هههفف شلون اطب هسا يووو
يربي هسا شلون
واني واحجي حالي سمعت عيطه
حنين...مريم الصخله فوتي ساعديني
مريم...حنين كالت هيج بودي اكتلها وبنفس الوقت ابوسها لان راح اطب ☺️
طبيت ورحت عليها عود شنو تجاهلت ساهر ورحت عساس اضربها عاد هو كال
ساهر...شدعوة لاسلام ولاكلام
مريم...ها ههههه هلا اسفه منتبهت
ساهر...باله وشنو الماخذ عقلج
مريم...المقابيلي
حنين...شنوووو!؟
مريم...ساهر فتح حلكه ومن حنين كالت شنو تذكرت اني جفصت صخام بوجهي المصخم عاد كلت
مريم...ثوله هو اكو غير انتي كلتي الصخله وجت عليج ركض يعني منو شاغل تفكيري غير اكشي كومار
مريم...ساهر انطاني خزة عاد كمل
ساهر...اي عمتي ياله كوليلهن
ام حنين...يلا يمه بدلن وروحن وي ساهر ع بيت خالجن
تساعدنهم عدهم شغل
حنين...يسلام راح اطلع
مريم...شوف الدايحه مو البارحه طلعتي
حنين...البارحه شوكت جنت ساكته متفيد ابو حلاوة الروحه
ساهر...اي عفيه ينشد بيجن الضهر وهسا كل وحدة لسانها يلعلع
ام حنين...ولا يستحن من صبح ولا وحده تساعدني
حنين....هوب هوب لهنا وستوب من الصبح اساعدج ومعناتي نص الشعب العراقي يشهد عليها
لعد منو نضف ومنو واكف وياح من الصبح
مريم...بدل هل حجي خل نبدل ونروح ياست بيت والحسن
حنين...وغصبان عنج ياله ولي كدامي
مريم...تول هل وجه
ساهر....اهوووو فضنها يمعودات علمود انروح
حنين...مشوفها هي
ساهر...ياله هسا مصار شي
*********حنين
عفتهم ومشيت ع الغرفه بدلت وطلعت ومريم بدلت وراي
ومشينه بس اني ومريم وساهر لان نساعدهم بشغل
امي بقت لان البارحه جنه يمهم فكالت ماروح
رحنه وساهر كدامنه واني ومريم وره
ومدنكات رفعت راسي شفت سيارة وكفت
ونزل منها محمد تفأجت كلششش وساهر راح يسلم علي
وبقو يتسالمون واني خليت اذني يمهم فمحمد لح ع ساهر يوصلنه لقبل وكال تعالن اصعدن
رحنه سلمنه علي واني مدنكه مدلي ايده
ومديت ايدي تصافحنه وبتسمت وكال
محمد...ها يول شلونج
حنين...زينه
محمد...ياله اصعدي اصعدي
حنين...ههه اي
حنين...صعدت وره اني ومريم وهو وساهر كدام
فكال
محمد...الله بالخير
ساهر...الله بالخير
محمد...شلونكم اخباركم
ساهر...بخير الله يعافيك انتو شلونكم
محمد...الحمدالله وين جنتو تريدون ترحون
حنين...اني حجيت قبل ساهر
حنين...ع بيت خالي نساعدهم بالشغل
اشو كلهم ضحكو اني ستغربت وكلت
حنين...شكو
ساهر...هههههه وهل كد متلهفه لشغل انتي شايفه شلون كلتيها
حنين...بقت صافنه وبتسمت بفشله لان صح اني حجيت بسرعه وشوي عليت صوتي
فصديت ع الجامة بقو يحجون بس اني مشركت خفت لا اتفشل مره ثانيه
حتى حاول محمد يحجي بس محجيت اكتفيت فقط بابتسامة
لان نقهرت كلش صح كلتها بسرعه وصوتي قوي بس هنا ضحكو علي كلهم حتى مريم فضليت ساكتة
بس كم مره ننبهت ع محمد يباوعلي من المره
وصلنه واني محجيت ولا كلمه فساهر اصر ع محمد اله يتغدة هنا
لان طلع جاي بشغل ع اوراق ماعرف شنو لان هو ساكن بمنطقه ريفيه
فماكو هناك دوائر امكن يجي هنا واقرب اله المهم قبل
نزل ساهر ونزلت مريم اريد افتح الباب ميفتح
فاريد انزل من عند باب مريم شو ميفتح فكتله شو ميفتح
فو جاوبني
محمد...ليشش ضايجه
حنين...باوعت علي بالمره يباوع علي فكتله
حنين...اني لا مضايجه هه ع شنو
محمد...اي ضايجه ع شنو شافن ضحكنه عليج
حنين....لا انت مفتهم غلط
محمد...لا مفتهم صح بس ترا عادي لاضوجين خلي روحج رياضيه
حنين...شسويلها العبها تنس هههههه
محمد....ههههههه لا لاتهتمين عادي احنه كلناها من باب المزحه
حنين...هههه لا عادي بس غير هجمتو علي كلكم فرد ضحكه
محمد...بس اني مضحكت
حنين...هههه انت اول واحد ضحك هههه
محمد....ههههه لا بس نطيت ابتسمه لو هم تحرمينه منها
حنين...هههه لا بس عاد افتح الباب
محمد...ادري لخاطر ربج شعندج مستعجله
حنين...ها هههه لا بس مو وراي شغل وهوسه وتخرنه
محمد....اممم هم صدك ياله لعد
حنين...ياله
فتح الباب ونزلت رحت اركض فتت وسلمت ع خالي ومرت خالي وسجى وضحى وساهر طلع ع محمد يطببه جوة
عاد بدينه بالشغل طلعت المواعين بره ونضفناهن
وطلعو كاونتر مال المطبخ لان جابو جديد
واحدث فاساهر والولد ومحمد ساعدهم شكو وحنه كعدنه بالغرفه خلصو طلعنه
نضفنه وغسلنه المواعين ومرت خالي سوت غدة
دليمية باميه ع لحم وخضره وزلاطه ولبن وطرشي
فخلو ساهر وخالي ومجمد وحد وحنه من يرجع
بقينه ع التلفزيون بين ماخلصو جاب الغدة ساهر
وتغدينه خلصنه غسلنه المواعين
والباقيات صفطناهن وشطفنه وخالي ومحمد وساهر
نامو ومشغلين المبرده لان صيف
خلصنه وكالت مرت خالي وحده منجن تروح تترس المبرده مال الزلم
فرحت اني اترس بيها فنحت عليها التانكي(خزان)
وخليتها ورجعت فتت جوه وكعدنه نسولف ونشاقة
وهم من التعب نمنه
ماكعدت لحد اذان المغرب حييللل شكد نايمة
رحت شفتهم كلهم كاعدين وخالي طالع فشافوني
وضحكو لان اخر شي كعدت
فسمعت مرت خالي كالت لساهر
ام سجى...وليدي هذا يضل ع العشة لو يروح اذا يضل علمود اسوي
ساهر...والله ماعرف يمة هو نام لحد هسا مكعد خطيه تعبان كال جاي من الفجر علمود السره
فانتي سوي اكيد حتى لو يكعد نلزمه ع العشة
ام سجى...ماشي يمة
حنين...منو
ساهر...محمد
حنين....
يتبع....
هلووووو شلونكم مشتاقلكم يابه😍
اسف ع التأخير عساس البارحه انزله بس نت زفت
المهم نزلت☺️✌🏻
الجدول كألاتي
فقط يوم الثلاثاء ويوم الخميس والسبت
ينشر بالليل
لان قصه مثل مكتلكم بيها احداث ماريد مثل كل مره اختصر
وكلت القصه نص حقيقي ونص خيال
فهذا اوقات النشر علمود السر
+
رجاً حبايبي لحد يدخل بامور دين ومحارم وماعرل شنو
ركزو وياي
ابو حنين
وام حنين
وام سجى
اولاد عم
يعني عاي ام سجى تروح ع رنا عمة حنين
+
ابو حنين
يصير ولد خاله محمد
اوك ياريت كلشي توضح🌚
وضلون شلون هيج علاقه حرام وشدخل ام سجى برنا والخ...
+
نشرت مشهد من روايه معاناتي
قصه حقيقيه
وباحر اول بارت انزله منها بساعه11 باليل
وهي قصه قصيره وتنزيل يومي
ونشاءالله خلال اسبوع اخلصها😊
وروحو ضيفو روايه
هل لنا نصيب
قصه ايضاً حقيقيه ونزلت مشهد منها بس مو هسا تنزل بالوقت الحاضر😊
لان سرده بعد جاي ينسرد
😊
روحو ضيفوهن
+
ضيفو حسابي اريد اوصل 4الف متابع
قبل لا نبدي شهر ال12 واكيد انتو كدها😍✌🏻
واسف اذا اكو اخطأ املائيه او سحكات لان كتبت بسرعه 😞
الى القاء نجومي☆💜..