خطفني وصار محبوبي ﴿روايه سعوديه مكتمله﴾

البآرت الثامن

فيصل:الفلم يارجااال وينه نبغى نشوفه الحين
فارس:في الملحق .. خالد رح جيب الفلم
خالد:انت اللي حطيته في الملحق تحمل وروح جيبه
فارس :اف منك
(طلع ولا ينصدم بسجى اللي تأشر على المسبح وتقول رغد رغد والبنات صارخووا )
فارس في نفسه:لاا رغد ماتعرف تسبح ليش هاذي تقول رغد وتأشر ع المسبح لا يككووون !!! (على طول وبدون تفكير نط في المسبح ومسك رغد
وطلعها من المسبح)
رغد فتحت عيونها بعد محاولات من فارس وشهقت وهي تكح وحلقها يألمها موقادره تشوف قدامها من الغشاوه اللي تحسها مغطيه عيونها ولما اختفت
الغشاوه تعلقت عيونها بعيونه اللي كانت تناظرها بخوف بعدها استوعبت انه وجهها قريب من وجهه لفت وجهها وهي تكح بقووه
فارس بكل حنيه:رغد انتي بخييرر ؟
رغد اكتفت بانها تحرك راسها يعني ايوه
فارس حملها والبنات وراهه يبكون ومنهم من يتصنع البكا (سجى)
دخلها لداخل والكل تجمع عليها
ام خالد بخوف:وش فيهها رغد بنتي
خالد:رد يافارس وش فيها ليش هي مبلله وانت قل لي وش صار
العنود سبقته بالرد:رغد طاحت بالمسبح وجأ فارس لما شافها انقذها
فارس:لاتخافون والله هي بخير تراني دكتور واعرف لهالحالات
بوخالد:الله يعافيك ياولدي
فارس:ولو ماسويت الا الواجب .. خالد تعال معي ابغى اوديها لغرفتها
خالد راح معاه والباقي ظلوا تحت بس البنات اللي صعدوا معاهم
فارس حطها بسريرها وهي تكح وعيونه مافارقتها ..
خالد حس بنظراته لها:احم فارس يلا
فارس انتبهه لنفسه:ايهه يلا
وطلعوا
العنود:تصدقين ماعرفنا ايش نسوي بس سبقنا فارس وانقذك لولا فارس انه انقذك وسوى لك تنفس صنـ(وسكتت)
رغد انفجعت:ايششش اقيين ماسمعتك ؟
البنات فقعوا ضحك اما سجى كانت مقهوره لانه اللي صار لرغد كل بنت تتمناه من فارس ..
رغد بتبكي:قووولي انك تمززحين
فجر:تصدقوون شكله عجبه الوضع وتمنى انك ماتجلسين عشان يأخذ ر..
قاطعتها رغد وهي حاطه يدها بفمها:يععع ياالحممممااارره اووع برجع (ودخلت الحمام اللي كان في غرفتها ووجهها احمر)
ريما:ههههه احمدي ربك غيرك يتمناها من فارس
رغد قلبها يدق وصارت تتخيل وش صار لها معه :اف وشلون بقدر اطالعه يالله وش اسوي افف ححرر ياليتني مت ولا صار فيني كذا اهئ اهئ
(طلعت من الحمام وقررت تتظاهر انه مايهمها بس مو ذنبها)
اول ماطلعت قابلت ندى (خالة رغد وصديقتها الروح بالروح وعمرها 19 ) وعلى طول حظنتها
العنود:خالتو ندى فاتك وش صار
ندى بابتسامه تخقق:اييه وش صاير ؟
رغد:ياالحماره ياعنيدووه ماعلييك منها (وضربتها بالمخده)
البنات فطسوا من الضحك
ندى:اييه قولوا لي ايش صاير
رغد:لا مو صاير شي
فجر:فاارس هههههههههههههههه ماقدر اتحمل ايي بطني ههههههههههههه ههههههههه
ندى:هههه وش فيه
رغد بتبكي:ماعليك منهم لاتعطينهم وجهه
دخلت ام خالد :هاه بنتي انتي بخير
رغد:ايه يمه الحمدلله
ام خالد:انتي خلك هنا وانا راح اخلي الخدامه تجيب لك الغدا لفوق
رغد:اوك (وطلعت امها والتفتت ولا تشوف فجر استغلت الفرصه وقالت لندى في اذنها كل شي)
رغد ووجهها احمر:يالحيووانه يافججير
ندى غمزت لها :حلوه صح ؟
رغد بتبكي من الاحراج .. وقامت لفجر تضربها
ندى:من قده فويرس تلقينه الحين يتمنى تطيحي في المسبح مره ثانيه
رغد ماتحملت وطلعت برا الغرفه قررت تدخل غرفة خالد لكن صادفت فارس اللي بس شافته نزلت عيونها ووجهها احمروكملت طريقها
فارس مرتبك لكن حاول يخلي روحه طبيعي لانه هذا شي عادي واي شخص اذا غرق اكيد بيسوي معه نفس الشي
فارس:كيفك رغد ؟
رغد برتباك:ب بخيرر
فارس:تحسين بشي الحين ولا ؟
رغد:لا الحمدلله انا بخير (ودخلت غرفة خالد ووجهها خلاص بينفجر وقلبها بيوقف من كثر مادق)
**********
ندى:ههههههه وينها الدووبه لا يكون استحت مني ؟
فجر:ههههههههههه اككيد مسكينه لو انا بمكانها انتحر
العنود:ههههههههه خلونا ندورها
ريما :لا حررام عليكم مسكينه خلوها لحالها مانبي ننكد عليها
*************
دخل عليهم وقلبه يدق بسرعه :آ .. آ.. شسمه
خالد:ههههههههه وش فيك
فارس يحاول يهدي قلبه اللي مو عارف وش يسوي معه هذا اول مره يدق كذا معقوله حبيتها وانا كل اللي همي اني بس العب بقلبها ..
لا شكلي حبيتها وانقلبت السالفه علي ..هي اللي راح تلعب بقلبي .. لا لا وش اقول انا.. يمكن لانه اول مره يصير بيني وبينها موقف كذا
.. انا خفت .. خليك ريلاكس يافارس ..
فيصل قطع حبل افكاره:شفيك يالدكتور سرحان
فارس:ابد ولا شي
*********
رجعوا البنات بيوتهم بس العنود ظلت مع فجر وطول الوقت وهما يسولفون عن سالفة رغد وفارس
....
فارس:يلا قلبوا وجيهكم فيني نوم بنام
فيصل يلعب بلايستيشن مع خالد وفارس وراهم:طيب بس قيم
خالد:قوووووول يلا ياحبيبي العشا بكره على حسابك
فيصل قام:اففف
خالد قام وراح غرفته لقى المكيف شغال وغرفته جليد والانوار مطفيه:يوه كيف نسيت المكيف (راح وفصخ ثوبه ولبس بجامته وانسدح على السرير
والتفت وحس بشعر يمه خااف وسحب شعرها مايدري انها اخته )
خالد بخوف:يممه وش هذا
رغد:ايييي يااحماار عورتني اترك شعررري
خالد ترك شعرها وهي قامت:وش جابك هنا ؟
رغد:احح الواحد مايرتاح يعني
خالد:قلبي وجهك بس يلا اطلعي برا
رغد:مالت عليك
طلعت برى ودخلت غرفتها تطمنت انه البنات طلعوا وانها بترتاح من كلامهم انسدحت على السرير ومو راضي يجيها نوم
رغد بنفسها:يارربي وش بسوي الحين .. اصلا عادي يعني اي واحد راح يصير له مثلي راح يسوي له نفس الشي حتى لو كانت الخدامه راح يسوي لها كذا ..
جاها مسج :
آححم ع اللي صآر اليوم آتمنى ما تفهمين غلط لانه إي وحده بمكانك رآح اسوي معها نفس الشي بس حسيت انك انحرجتي من
كلام البنآت وما عليكي منهم هذا شي عادي ومايستحق 

احلام سعيده وواقع اسعد

فآرس ..

رغد في نفسها:اييه عدل كلامه بس احرجني هالحمار وش اقووله ؟ احسن شي ماارد .. لا لا اخاف يقول اني احبه بررد عليه
*******
جالس بسريره يقلب بجواله ويفكر جآه مسج على طول فتحه :
ايهه شدعوه آنا ادري آصلا حتى لو كآنت الخدامهه غرقانه رآح تسوي معها نفس الشي بس تععرف سوآلف البنآت اللي ماتخلص ..

وأنت بعد نوم الهنئ ان شاء الله 

RooDy ..

فارس ابتسم وكلمها بـالـ Whatsapp
فارس كتب لها:دآمك قآعده خلينا نسولف هنا =)
رغد ارتبكت :يووه وش اقوووله (وكتبت له) آيه يلا ..
فارس كتب لها:على المسج شدعوه تبيني اسويها مع خداممه !
رغد:طييب غيرر المموضوع "><
فارس:ههههه ططيب خلاص آسف
رغد:..
فارس:تذكرين أول وحنا صغار مع جدي وسالفة الالعاب الناريه
رغد:ههههه آيووه
فارس:صرآحه نفسي اتكلم عن آول وش رآيك تطلعين معي للحديقه نسولف الجو حلو وبآرد
رغد:لا لا ماابغى ..
فارس:رغد وش فيك لا يكون مستحيه مني ؟
رغد:لااااا .. بس شسمه اننت وش دراك آنوا الجو حلو ؟
فارس:طلعت للبلكونه .. طيب يلا وش فيك تعالي للحديقه ؟
رغد:واذا شافنا جدي اكيد سهران مع جدتي
فارس:ههههههه لا نايم طيب حتى لو شافنا وش سوينا حنا ؟ عادي يلا اقوول نزلي وانا سابقك
رغد في نفسها:اففف ياريتني مارديت عليه:طيب
رغد عدلت شكلها ولبست وحطت طرحتها على راسها وطلعت راحت للحديقه شافت فارس جالس في الحشيش جلست جنبه
رغد حاولت تخلي روحها طبيعيه:سلام
فارس ابتسم:وعليكم السلام
رغد:اييه كمل (تقصد يعني كمل السالفه)
فارس:ايه تذكرين وحنا صغار انتي كان عمرك تقريبا 8 سنوات لما شغلنا الالعاب الناريه
رغد تحمست معاه:اييه اذكر بس حسافه ماشفناها
فارس :خلينا نرجع لورى ونقول وش صار بالضبط
رغد:طيب يلا انت ابدأ وقول وش تذكر من اول
فارس:شرينا حنا العيال شراغي (الالغاب الناريه) كبير وقررنا نفجره وجدي بس سمع الصوت على طول جأ بيضربنا ولا الكل هرب كلنا كنا خايفين منه انا رحت
لغرفة السواق انتي وين رحتي ؟
رغد متحمسه :اناا رحت الحمام هههه ومعاي فجر ونوف
فارس:طيب لما كنا صغار وش كنتي تحسيني ؟
رغد:كنت اقول انك مؤدب وحليو بس لاتصدق روحك من خطفتني ذاك اليوم وانا خلاص تحسفت اني كنت اقول عنك كذا طلعت مهب هين
فارس:هههههه طيب الحين وش تحسيني
رغد ارتبكت:عادي .. احسك اخوي (وابتسمت) وآنت ؟
فارس في نفسه حبيبتي ! :حتى أنا أحسك اختي 
رغد:طيب قول لي وش تخاف منه ؟
فارس ضحك:هههه لا شدعوه مااخاف من شي
رغد: يعني ولاشي ولاشي ؟
فارس بجديه:طيب بفتح لك قلبي وبقولك .. آخاف من ربي والحب ..
رغد قاطعته:الحححب ! ؟
فارس ابتسم:ايووه ليش ؟
رغد:لا بس مو لايق عليك .. بس آنت تحب ؟
فآرس :مدري
رغد دقته :قل لي بسرعه من تحب عشان أخطط لعرسكم
فارس :ههههه طيب تبغين اقولك من هي ؟
رغد بحماس:من هي ؟ اككيد فـ ..
فارس قاطعها:آنتي
رغد تسارعت دقات قلبها و موعارفه شتسوي :هآه ؟
فارس:قلت لك من قبل من هي .. نسيتي المزرعه ؟
رغد:آنا ؟
فارس:ايووه انتي
رغد ارتبكت:فاررس لاتستهببل
فارس:والله مااستهبل جد آحبك فهميني
رغد قامت :طيب خلاص انا رايحه
فارس مسك يدها وجرها لعنده وطاحت عليه
رغد قامت:ايي عورتني
فارس:طيب خليك
رغد:لما تغير الموضوع اجلس معك
فارس: طيب بغير الموضوع
رغد:وقوول انك تمززح ؟
فارس ابتسم:ايهه امزح معك اصلا انا مااحبك صدق امزح
رغد جلست:ايه خلك عاقل ولا ترى بقوم وترى مزحك ثقيل
فارس:لا مزحي خفيف ماهو بثقيل طيب خلاص ياآنسه رغد ماراح آمزح معك مره ثانيه (وابتسم)
رغد ساكته
فارس:هههه رغيدوه ترى امزح لاتستحين يالخبله وبقولك من احب
رغد بحماس:من هي ؟
فارس: وحده آسمها رغد
رغد :هيييييي
فارس:من قال لك انه انتي
رغد بخوف:اجل مين ؟
فارس:وحده معي بالجامعه اسمها على اسمك وانا احبها لكن مو راضيه تعطيني وجهه
رغد اقتنعت بكلامه حزنت لكن مابينت حزنها :طيب انت الحين تعرف تأخذ قلوب البنات وهالرغد الغبيه ماعرفت لها
فارس في نفسه هبله تسب روحها:ههههه صدق يعني تحسين اني اخذ قلوب البنات ؟
رغد لاشعوريا:اككيد
فارس بخباثه:يعني تحبيني صح ؟
رغد بلعت ريقها:بصراحه .. كنت
فارس:كنتي ايش ؟
رغد:كنت احبك
فارس:ومازلتي ؟
رغد:لااا طبعا .. الحين انا احب واحد ثاني انت اخوي
فارس:انا اخوك ؟
رغد:ايووه انت اخوي
فارس:ومنو تعيس الحظ ومقرود الحظ اللي تحبينه ؟
رغد:ماابي ماراح اقولك بعدين تقول لخلود
فارس:لا لا صدق قولي اعتبريني صديق بس
رغد تفككر :امممم احب عمار
فارس:عماار ماغيرره ؟
رغد:ايوه
فارس:لا والله ؟ بقول لخالد اوريك
رغد دقته:لاااا انت قلت مابتقول لاحد
فارس:متى قلت
رغد:لاتستهبل علي
فارس:طيب ليه ماتحبيني
رغد:ويع مادري شنو احب فيك مالت عليك
فارس فتح عيونه ع الاخر:هاه نعم شقلتي ؟
رغد:ايه الصراحه مااحبك ههههههه
فارس:طيب ليه
رغد:لانك لععوب ماراح تقدر تاخذ قلبي
فارس:تتحدين ؟
رغد بجديه:يس اتحدااك تخليني احبك !
فارس:عادي ترى لسا ماعرفتيني اقدر املك اي قلب وراح تحبيني
رغد:بقولك ملاحظه .. ماراح احبك لو تقولي لي كلام معسول او حتى تسوي اي شي لاني مقرره من امس حبي لك انتهى وانت بس ولد عمي
فارس:يعني تعترفين انك كنتي امس تحبيني ؟
رغد:ههههه ايه وبكل صراحه الحين فجأه راح حبي لك
فارس:متأكده ؟
رغد:ايووه
فارس:طيب لو اقولك اني احبك وش تقولين ؟
رغد:هاهاهاي ماعاد ينفع معاي تعودت على كلامك
فارس يتمسكن:رغد حسي فيني امووت عليك وش اسوي
رغد خقت لكنها مابينت له:هههههه العب على غيري
فارس:لا صدق تغيرتي وينها اللي بالمخيم كان بتنفجر من الحيا .. الحين الحيا صار معدوم
رغد:ايه علشان تصدق لما اقولك مااحبك
فارس:لا ياحبيبتي اللعبه مابعد تنتهي اسمعي لاتقولين ماقلت لك تراني احب رغد اللي معي بالجامعه وبتزوجها قريب لاتبكين بعدين وتقولين احبك
رغد في نفسها : من جده هاذا !:ههههاي لا ياقلبي ماراح اقول احبك ولا راح احبك ويلا بس بطل سيرة هالحب المستحيل
فارس:واذا خليتك تحبيني شنو راح تسوين ؟
رغد:اسوي لك اللي تبيه
فارس:اللي ابيه ؟
رغد:ايووه
فارس:خلاص اوكي اللعب يبتدي من الحين وبما اني بسافر بعد بكره راح تشتاقين لي وبتقولين قال لي فارس
رغد بنص عين:مابشتاق لك
فارس:طيب قولي لي متى حبيتيني
رغد في نفسها لحد الحين احبك ياحمار بس مستحيل اعترف لك :حبيتك من لما قلت لي انك تحبني
فارس:في المزرعه ؟
رغد:يب
فارس:ومتى كرهتيني ؟
رغد في نفسها كأني بس قدرت اكرهك كان كرهتك من زمان:ماكرهتك بس هم بعد مااحبك هذا قلت لك امس صرت مااحبك
فارس:طيب الحين وش تحسيني
رغد لفت وجهها وبعناد:اخخوي
فارس قرب من وجهها:والحين ؟
رغد حست بحراره بتخنقها بس صدت عنه وببرود:اخوي
فارس ابتسم :طيب بتشووفين كيف بتحبيني وبتتحسفين لما اخطب رغد اللي معي بالجامعه
رغد وقفت :مايهمني
فارس ناظر السما وانسدح على الارض:شوفي السما تهبل وش رايك نشغل الالعاب الناريه ؟
رغد:من وين لك ؟
فارس:الحين بعوضك على ذاك اليوم اللي ماطالعنا فيها السما لما فجرناها
رغد:يالخبل راح يقعد جدي
فارس ولعها وطلع صوت قوي لما تفجرت وعلى طول طلع جدهم :وينكم وينكم ياقلال الحيا اكيد هذول عيال جيرنا لابارك الله فيهم
فارس على طول سحب رغد ودخلوا الملحق وهم منفجرين من الضحك على شكل جدهم اللي واضح انه مرتاع
رغد:ههههه حساااافه ماشفناه
فارس:معليش بتشووفينه بس يمكن بدوني
رغد:لييش ؟
فارس:لاني يمكن اكون مسافر
رغد جلست على الكنبه:هههه طيب كيف راح نطلع وجدي بالحديقه ؟
فارس:خلينا ندخل من جهة المطبخ بدون مايحس علينا
رغد:اوك
وتسحبوا الى مدخل المطبخ وعلى طول ركبوا المصعد وبس دخلوا فقعوا ضحك
رغد:صراحه فلم اكشن
فارس:وانا البطل احم
رغد:لايكثر بس
بس فتح المصعد طلعوا
فارس يأشر لها بيده وبصوت واطي:باي
رغد بصوت واطي:باياات
(وكل واحد دخل غرفته فرحان)

***********************

..

في الفطور الكل قاعد على طاولة الطعام
رغد جالسه وجنبها فجر وجنبها العنود وقدام رغد على طول فارس ماكانت تناظره ابداً وفجر كانت تدق رغد طول الوقت وتغمز لها
رغد مو فاهمه حاجه ليش يغمزون لها ناظرت قدامها لقت فارس يناظرها ومفهي ضحكت على شكله ورسلت له مسج :
خخ ايهه وش فيه ليه تناظرني كذآ مضيع شي في وجهي ..؟
فارس مسك جواله وقرأ اللي كتبته وكتب لها :خآق في وجهك ي الخققه
رغد رسلت له وهي مبتسمه:م راح اححبك بهالسهوله لا تخاف
فارس لاشعورياً:يالله منك عنيييده !
الكل ناظر فارس اللي استوعب انه قالها
الجد:وش فيك من هي العنيده ؟
خالد لفيصل بصوت واطي:اكيد وحده من هالبنات
فيصل:ههههههههه
فارس يفكر:اممم ال.. ال.. آمم ايييه الملععقه عنييده ..كل ما امسك لقمتي تطيح مني احس انه فيها زيت او دهن
بوفارس:طيب خذ ملعقه ثانيه
فارس ترك ملعقته وخذ ثانيه:ايهه ان شاء الله .. (وناظر رغد اللي فاقعه عليه ضحك )
فارس في نفسه ويناظرها كآنه يقول:تضحكين؟ اوريك
بعد ماخلصوا فطور طلعوا البنات عشان بيروحوا للمدرسه وبعدهم طلعوا الشباب ..
البنات في السياره :
رغد:عنيدوه كيف جبتي اغراضك ؟
العنود:اتصلت على السواق .. تدرين ليه نمت عندكم ؟
رغد:خخخ ليه ؟
العنود:عشان ماتفوتني الصباحيه
فجر:شفتيه كيف يطالعها بقواة عين ولا كنه صاير شي آمس
رغد ببرود:ايهه لانه صدق مو صاير شي
العنود:انا على بالي بقعد وبشوفك تصيحين وتقولين ما بطالع وجهه وحضرتك عادي عندك
رغد:اييهه عادي وش فيك
فجر:استخفت البنت الحمدلله والشكر
رن جوال رغد
العنود:يالغبيه حطيه صامت لو ندخل المدرسه ويرن قدام المعلمه بيأخذونه منك واحتمال يفصلونك
رغد:عندي واسطه لا تخافين هع (وردت) الو هلا ؟
...:رغغد الحققي علليي راح يمموت
رغد فزعت خايفه:شنوو شفيك منو اللي راح يمووت ؟
العنود وفجر يحركون يدهم لها يعني شنو
...:رغد .. فاارس صار له حاادث !
رغد هنا قلبها بغى يوقف:فيصل وش تخرربط شفييه فاارس ؟!
فيصل:افف منك اقوولك فارس مسوي حاادث وبين الحياا والموت يبغى يكلمك قبل لايموت
رغد طاحت دمعه من عينها:ططيب خلاص بس علمني اي مستشفى ؟
فيصل:مستشفى ال*****
رغد سكرت وعلى طول قالت للسواق يوديها المستشفى
العنود:خوفتيني وش صااايرر
فجر:شنووو يقولك فيصل وشفيه فاارس ؟
رغد ودمعتها على خدها :فارس في المستشفى مسوي حادث
العنود وفجر شهقوا:حاااادث !
دخلوا المستشفى وصادفوا فيصل
فجر:فيصصل وش صاير
فيصل بحززن:رغد تعالي معي .. انتوا ظلوا هنا ممنوع اكثر من واحد يدخل عليه (يقصد العنود وفجر)
راحت رغد معاه وهي تبكي
فيصل:يلا دخلي
دخلت رغد وشافت فارس منسدح على السرير وشكله مرره مريض وملابسه كلها دم ومجبسين رجله ويده والاجهزه كثيره على جسمه
راحت له ومسكت يده وهي تبكي:فآرس لا تخليني
صحى فارس لها وابتسم رغم الالم اللي يحس فيه وبصوت مبحوح :ماراح اخليك بس قولي لي رغد آنتي تحبيني
رغد مسحت دمعتها:آخوي شلون ماتبيني آحبك
فارس صار يكح ووجهه متغير قلب ازرق :كح كح كح كح
رغد خافت وبسرعه جابت له مويه
فارس أشر لها يعني مو مويه
رغد تذكرت انه فارس فيه ربو بسررعه فتحت الدرج تدور جههاز الربو وعلى طول عطته واستخدمه ورجع لطبيعيته
رغد وهي تبكي :سلاماات ماتشوف شر
فارس:رغد آنا مايهمني وش يصير لي لكن ارحميني أنا احبك وربي احبك انا اصلا خلاص بموت (وفجأه غمض عيونه)
رغد دق قلبها بسرعه وهي تبكي ومسكت البطانيه ودموعها على وجهها:فاااررس فاارس والله احبك حتى اناا اعشقك
وطول الوقت كنت اكذب عليك انا احبك من خطفتني وانا افكر فيك

فارس جلس وهو مبتسم ولا كنه مريض:ححتى انا يا حياتي امووت عليك شفتي قلت لك انك تحبيني
رغد حطت يدها على فمها:يعنني كذاااب مافيك شي !
فارس:لا ياعمري مافيني شي امسحي دموعك
رغد:فااااارس انا اكررهههكك
فارس: لا لا انتي تحبيني ههههههههههه
رغد:اككرهك (وطلعت وهي تبكي وطلع وراها فارس لما شال الاجهزه من جسمه)