ICY's POV
"Waaaaaah! I miss you cutie Princess!" tumakbo sa akin si ate Xena at niyakap ako ng mahigpit. Para naman ang tagal naming hindi nagkita.
"Ang cute cute cute cute mo talaga Princess!" pinisil nanaman ni ate Xena yung mga pisngi ko.
"Ate, tama na." sabi ko pero patuloy parin si ate Xena sa pagpisil sa pisngi ko. Kawawa naman ang mga pisngi ko, laging torture kay ate Xena.
"Yieeee! Squishy squishy!" ate Xena na masayang tinotorture ang mga pisngi ko.
Hindi dapat ako sasama dito eh. Pero iniisip ko kasi si kuya Trion, paniguradong magtatampo yun kapag hindi ako pumunta dito. Gusto kasi ni kuya na nandito kaming lahat dahil magpro-propose sya kay ate Xena. Masaya ako para sa kanilang dalawa dahil sa wakas ay ikakasal na sila tapos magkakababy na rin pala sila. Pero hanggang kailan ba magiging ganito si ate Xena sa akin?
"Ate, pinaglilihian mo ba si Princess?" tanong ni ate Ally na lumapit dito.
"Oo yata." masayang sagot ni ate Xena habang patuloy paring tinotorture ang mga pisngi ko. Huhuhu ate Xena, bakit ako pa?
"Princess, pagpasensyahan mo na si ate huh. Intindihin mo nalang ang sitwasyon nya." sabi ni ate Ally sa akin.
Tumango nalang ako kay ate Ally habang hawak-hawak parin ni ate Xena ang magkabilang pisngi ko. Nagagalit ako kay ate Xena dati sa tuwing ginagawa nya 'to sa akin. Pero ngayong alam ko na kung bakit biglang naging ganito si ate Xena, hindi na ako magagalit sa kanya kahit na kanina pa akong nagpipigil dito. Wala kasi ako sa good mood ngayon. Tss.
"Hello Ally my loves!" biglang sulpot ni kuya Jazi sabay akbay kay ate Ally. Nakita kong namula yung mukha ni ate Ally ng dahil doon.
"Ally my loves mo yang mukha mo! Don't touch me!" masungit na sabi ni ate Ally tapos marahas nyang tinanggal yung kamay ni kuya Jazi na nakaakbay sa kanya. Hay bumaliktad na talaga ang sitwasyon nilang dalawa.
"Ang sungit mo naman Ally my loves! Diba loves mo naman ako dati?" sabi ni kuya Jazi sabay nag-pout pa. Sige lang kuya, pa-cute pa more kay ate Ally. Tss.
"Natauhan na ako Jazi, kaya hindi na ngayon." seryosong sabi ni ate Ally nang hindi tinitignan si kuya.
"Hoy lalaki! Ano nanaman ang ginagawa mo kay All----" hindi na natuloy ni kuya Jasper yung sasabihin nya kay kuya Jazi dahil nabangga sya ng tumatakbo na si kuya Trion na hinahabol ni kuya Lucas. Since naglalakad itong si kuya Jasper palapit kay kuya Jazi, natumba si kuya Jasper kay kuya Jazi kaya napahiga sa sahig si kuya Jazi at napapatong sa kanya si kuya Jasper.
Natigilan kaming lahat. Binitawan na ni ate Xena ang mga pisngi ko at tumigil na sa paghahabulan sina kuya Trion at kuya Lucas. Nganga si ate Xena habang diring-diri naman ang itsura ni ate Ally. Nakakadiri naman talaga.
"Jazi *sniff* ilang taon mo na tinatago sa amin ang tunay mong pagkatao?"kuya Trion na maiyak-iyak na.
"Oo nga kuya *sniff* ilang taon na?" kuya Lucas na maiyak-iyak na rin. Ang o-oa talaga ng mga kuya ko. Tss.
Nagtagal ang ganoong posisyon nina kuya Jazi at kuya Jasper. Maya-maya'y itinulak na ng malakas ni kuya Jazi si kuya Jasper.
"Kadiri kang g*go ka! Bakit mo ako hinalikan?!"inis na sigaw ni kuya Jazi kay kuya Jasper nang makatayo na sila. Pandi punas tuloy ngayon si kuya Jazi ng labi.
"Hoy! Hindi kita hinalikan! Aksidente ang nangyari!" sigaw naman ni kuya Jasper na pandi punas na din ng labi.
"Now I know. Kaya pala hindi ako magustuhan ng isa dyan dati." sabi ni ate Ally na halatang pinaparinggan si kuya Jazi.
"Bro, bakit wala kang sinasabi sa amin? Tanggap ka naman namin eh." kuya Trion na lumapit kay kuya Jazi sabay pat sa likod nito.
"Oo nga kuya. Maging sino ka man."lumapit din si kuya Lucas at tinapik-tapik din ang likod ni kuya Jazi.
"TUMIGIL NGA KAYONG DALAWA! PINAPALABAS NYO BA NA BAKLA AKO?! EH YANG JASPER NA YAN NGA ANG BAKLA EH! HINALIKAN AKO!" galit na galit na inalis ni kuya Jazi ang mga kamay nila kuya Trion at kuya Lucas na nasa likod nya.
"For your information, I know Jasper too well at hindi sya bakla! Mahal nga ako nyan eh! Diba bestfriend?" sabi ni ate Ally kay kuya Jazi pagkatapos ay tumingin naman sya kay kuya Jasper.
"Oo Ally, mahal kita." seryosong sabi ni kuya Jasper.
"Mahal din kita Jasper." sabi naman ni ate Ally..
"Tsk! Magbestfriend nga kayo diba?! Kaya hindi nyo na kailangang ibalandra ang pagmamahalan nyo dahil lahat naman ng magkakaibigan ay nagmamahalan!" inis na sabi ni kuya Jazi.
"Eh paano kung sabihin ko sayo na.." lumapit si ate Ally kay kuya Jazi at tinignan mata sa mata.
"Na higit na sa pagkakaibigan yung pagmamahalan namin?" sabi ni ate Ally sabay ngisi.
"A-anong ibig sabihin mo?" tanong ni kuya Jazi pero nagkibit-balikat lang si ate Ally.
"Jazi, hindi ka naman siguro bobo ano? Kaya ikaw nalang ang bahalang umintindi."pagkatapos ay tinalikuran na sya ni ate Ally.
Lumapit si ate Ally kay ate Xena at bumulong. Nakita kong tumango lang si ate Xena pagkatapos ay yumakap at nagbeso sa kanya si ate Ally.
"Let's go Jasper! Ilalayo na kita sa isa dyan bago ka pa nya maagaw sa akin!" sabi ni ate Ally sabay cling sa braso ni kuya Jasper.
"Saan tayo pupunta Ally?" tanong ni kuya Jasper.
"Magdadate tayo!" mabilis na sagot ni ate Ally.
"Pero gabi na. Bukas nalang." pagtanggi ni kuya Jasper.
"Ayaw mo nun? Mas romantic."ang lapad ng mga ngiti ni ate Ally.
"Sabi ko nga, magdadate tayo ngayon." nakangiting sabi ni kuya Jasper.
Nagpaalam na silang dalawa sa aming lahat pagkatapos ay umalis na sila.
"Alis na din ako." walang ganang sabi ni kuya Jazi pagkatapos ay nagsimula na syang maglakad.
"Kuya, susundan mo ba sila? Aagawin mo si kuya Jasper?!" kanino pa ba manggagaling ang tanong na yan? Edi sa loko-loko kong kuya. Natigilan si kuya Jazi at humarap kay kuya Lucas.
"Namumuro ka na Lucas. Gusto mong bugbugin kita?" kuya Jazi na masamang nakatingin kay kuya Lucas.
"Kuya Trion oh! Bubugbugin daw ako ni kuya Jazi!" pagsusumbong ni kuya Lucas sabay yakap pa kay kuya Trion. Hay nako, humirit nanaman ang pagka isip-bata ni kuya Lucas. Tumingin ako kay Megan, naka-face palm sya.
"Wag ka naman ganyan sa baby brother natin Jazi! Kawawa sya oh!" sabi ni kuya Trion na yakap na din ang isip batang si kuya Lucas at hinihimas-himas pa ang buhok ng loko. Hay jusko.
"Eww Trion! You call him baby?! He's so ugly to be a baby!" reklamo ni ate Xena sabay pout at cross arms.
"Kuya Trion oh! Ugly daw ako sabi ni ate Xena!" pagsusumbong nanaman ni kuya Lucas. Tumingin ulit ako kay Megan, face palm ulit sya.
"Totoo naman Lucas.." sabi ni kuya Trion. Ganyan yang si kuya Trion, basta si ate Xena ang nagsalita.
"Talaga kuya?" base sa tono ng pananalita ni kuya Lucas, may maiitim syang binabalak.
"Oo bro." sagot ni kuya Trion.
"At dahil dyan kuya..." tinaas ni kuya Lucas yung pentel pen na si kuya Trion kanina ang humahawak.
"Its payback time! Ihanda mo na ang mukha mo! Bwahahahaha!" pagpapatuloy ni kuya Lucas. Kaya ang ending? Naghabulan nanaman po ang dalawang abnormal kong mga kuya. Haaaay kailan kaya sila magbabago? They need to be mature enough. Lalong-lalo na si kuya Trion na magkakaroon na ng sarili nyang pamilya. Mabuti pa si kuya Jazi, sya kasi yung pinakamatino sa kanilang tatlo. Pero pag nagkasayad yan, malala din! Hay ewan ko ba sa kanilang tatlo! Bahala nga sila sa buhay nila! ANG TATANDA NA EH!
This time, hindi lang si Megan ang napa-face palm, pati na din ako at si ate Xena. Hay nako ate Xena, baka maunahan pa ng magiging anak mo ang kanyang ama na mag-mature. Tsk tsk.. Napapailing nalang ako.
"Tsk. Makaalis na nga." sambit ni kuya Jazi pagkatapos ay tuluyan na syang umalis.
"Uhh ate Xena, aalis na din po ako." paalam ko. Gusto ko nang umuwi at matulog. Badtrip ako kaya ngayong araw na ito. Bakit? Wag nyo nang tanungin, lalo lang akong mababadtrip.
"Aalis ka na cutie Princess?" malungkot na tanong ni ate Xena. Tumango nalang ako.
"Bi, una na ako." paalam ko naman kay Megan. Kasabay naman nya si kuya Lucas sa pag-uwi.
"Okay bi, ingat ka." tinanguhan ko nalang sya at tuluyan nang lumabas.
"Kuya, uuwi ka na ba?" tanong ko kay kuya Jazi na naabutan kong papasok na sa kotse nya.
"Oo. Saan mo ba ako sa tingin mo pupunta?" ang sungit ni kuya Jazi. Badtrip din yan sigurado.
"Baka kasi uminom ka nanaman at umuwing lasing eh! Since uuwi ka na naman kuya, sasabay na ako sayo." hindi ko na hinintay na sumagot si kuya at inunahan ko na syang sumakay sa kotse.
"Hindi mo ba sila hihintayin?" tanong ni kuya Jazi nang makapasok na sya sa kotse.
"Hindi." tipid na sagot ko. Nakakadagdag lang sa kabadtripan ko yung dalawa kong kuya na IMMATURE. Sorry for the term, pero yun talaga ang best description para sa kanila.
"Badtrip lil' sis?" tanong ni kuya Jazi. Napansin siguro nya sa mukha ko ngayon na badtrip ako.
"Yeah. Wag ka nang magtanggang magtanong kuya, lalo lang akong mababadtrip." sabi ko habang nagkakabit ng seatbelt tapos nag-cross arms nalang ako at tumingin ng diretso sa daan.
"Badtrip din ako Princess kaya wala ako sa mood magtanong. Tsk." hay mabuti naman. Kung di kasi badtrip yang si kuya ay siguradong kukulitin ako nyan. Akalain mo yun? May advantage pala yung pagka-badtrip ni kuya? Tss.
Tahimik lang ang kaming dalawa ni kuya habang nasa byahe but not until...
Nag-ring yung phone ko. Ibig sabihin may tumatawag. Sino naman kaya ang istorbo na 'to?!
Nang makita ko yung pangalan nya sa screen, doon ko napag-alaman na hindi lang pala sya istorbo...isa din syang malaking peste sa buhay ko. PESTE dahil isa syang peste sa utak ko! The more na pinipilit ko ang sarili ko na "wala akong pakialam", the more naman na pinapatay ako ng curiosity ko. Bakit ba kasi may pakialam ako sa kanya?! Argrr!! Gustuhin ko man mag-isip ng ibang bagay, hindi ko magawa dahil occupied nya ang buong utak ko! Peste talaga sya!
At nagawa pa nyang tumawag huh?! Ano ba talaga ang gusto nun sa buhay?! Nakakainis! Nakakabadtrip!
"Princess, hindi mo ba yan sasagutin? Ang ingay eh!" inis na sabi ni kuya Jazi.
"HINDI." matigas kong sabi pagkatapos ay binuksan ko yung katabi kong bintana at...
Itinapon ang cellphone ko sa sobrang kabadtripan.
Peste ka SILVER..
to be continued...
Mabilisang update? VOTE and COMMENT na! Yun lang ehhhhh. *le cries a river* (okay ang drama ko xD) hohoho.. ^_^v