اولا بعتذر جدا جدا عن التأخير😘
مساء الخيرات علي اجمل فانزات وحشتوني
🌷 الفصل الرابع 🌷
إفتتحت حياة ونور الرقص بإعتبار انها إبنة اكرم الصياد ،وكان نور يرقص وهو شارد ،ولم ينتبه انه ينظر في عينى حياة من يراهما يعتقد أنهما يهيمان ببعضهما عشقا فكان نور شارد اما حياة كانت تنتظر ان ينتهي شروده ،ولكنه في الحقيقة هو شارد يحاول فك طلاسم اللغز الجديد ألا وهو حياة ، إبتسمت حياة حينما لاحظت شروده وبدأت هي الحديث ،
حياة :تبتسم بسخرية وتهكم وهي تقول مكنتش اعرف إن عيونى حلوين اوى كده لدرجة إنك سرحت فيهم 😅
إنتبه نور علي حديثها ولكنها نجحت في إستفزازه
نور : ضحك بسخرية وقال لها وده بقي إسمه إيه غرور ولا ثقة زيادة بالنفس
حياة : عجبتها اللعبة فقررت تستفزه زياده ردت ببرود زى ماتحب سميها غرور سميها ثقة بالنفس رأيك مش مهم
نور اتغاظ منها لكن حاول يظهر العكس :
وقال لها : يعني تطلبي ارقص معاكى لا وكمان مغرورة والغريبة إنك عارفة كمان انا مين لكن انا لحد دلوقتي مااعرفش إنتي مين 😏
(قالها نور ليرد لها استفزازها له الصاع صاعين )
حياة ضحكت 😂 حتي مالت رأسها للخلف ثم اعتدلت وقامت بوضع يدها علي صدر نور وقالت له كده اشك في ذكاءك ياحضرة الضابط وخصوصا وإنت داخل علي مهمة بالخطورة دى ، هنا نور وقف مصدوم ازاى هي عارفة كل المعلومات دى
( فلاش باك )
اللواء محسن اثناء اجتماعه مع الرئيس ووزير الداخلية تولي شرح الخطة وطبيعة المهمة.
اللواء محسن : انت إتطلعت علي المعلومات اللي كانت في الملف يانور باقي حاجة واحدة لكن مهمة جدا إنت ازاى هتعرف اعضاء المنظمة دى
نور : ازاى يافندم ؟ انا فعلا لاحظت ان الملف خالي من اي صور تدل علي هوياتهم
اللواء محسن : باقي المعلومات موجودة علي ميمورى كارت اتبعت عن طريق الوسيط لنا في سرية تامة في مندوب هيسلمك الميمورى ده
لكن لازم تعرف انك هتستلمه في الحفلة يعني مكان مكشوف وللاسف الحفلة فيها ضيوف في شبهة انهم متورطين مع المنظمة دى لكن للاسف هما عندهم حصانة ومافيش دليل مادى ضدهم لحد دلوقتي فلازم تكونوا حذرين انتوا هتكونوا في جُحر التعابين
نور : تمام يافندم تعليمات سيادتك
اللواء محسن : انت هتروح الحفلة دى بدعوة لكن بهوية غير هوياتكم علشان كده لازم تتصرفوا علي هذا الاساس
وكمان ابمندوب لو حس باى خطورة هيعرف يوصلك الميمورى من غير ماحد ياخد باله
حياة الصياد بنت اكرم الصياد ودراعه اليمين انت هتتعرف عليها في الحفلة ولكن بطريقة غير مباشرة ودى صورتها
نور : تمام يافندم
(نهاية الفلاش باك )
نور : واقف مصدوم وبيحاول يحلل الشخصية اللي قصاده
حياة : كمل رقص مش لازم حد ياخد باله خليك طبيعي
نور : انتي عارفة كل حاجة ،لكن انا مش عارف انتي مين انتي فعلا حياة الصياد سيدة الاعمال ولا ظابط في المخابرات متخفي
حركت حياة كف ايديها علي صدر نور وقالت : مش مهم كل ده دلوقتي المهم تاخد بالك من اللي في جيبك ، وكده مهمتي انتهت ياابن الدمنهورى وابتسمت وفي الوقت ده كانت الاغنية انتهت فاتحركت حياة باتجاه ضيوفها
كل ده ونور واقف مذهول وعنيه معاها لحد مااختفت بين الضيوف وحس بحاجة في جيب الجاكيت بتاعه وقدر يخمن ده ايه من غير ماحد ياخد باله وكان الميمورى كارت فعلا
نور كان بيدور علي فادى لحد مالاقاه عند البار بيشرب عصير
فكان رايح عنده ، وهو في طريقه لفادى شاف عبد الرحمن جاى ناحيته وبيهمس له خلي بالك من الامانة اللي معاك وفجاة اختفي بين ضيوف الحفلة كانت مفاجأة لنور كان في اسئلة كتير جدا بتدور في عقله عبد الرحمن ، وحياة الصياد ،مستغرب إيه اللي بيحصله ده ،هو في مهمة ولا في متاهة
وقف عند البار وفادى قريب منه لكن مافيش كلام وطلب نور من الجرسون كاس عصير
واقسم بينه وبين نفسه انه لازم يعرف كل حاجة النهاردة ويلاقي اجابات لكل الاسئلة اللي عنده من عبد الرحمن وحياة الصياد
عند حياة الصياد في سماعة بلوتوث لابساها وشعرها مغطيها وهي وسط الضيوف قالت كلمة واحدة بس (تم)
********""
عند تالا الصياد ، فهي لاتعشق الرسميات وحفلات رجال الاعمال لكنه والدها وتعشقه وقفت بجانب والدتها تشعر بملل فلاحظ شريف الصياد ان تالا اخته مضايقة فوقف معاها وهزر معاها هو شخصية حنونة جدا ومرحة جدا مع اخواته البنات وبيخاف عليهم جدا استمر الهزار بين تالا وشريف مابين ضحك وهزار مرة يغلس عليها ومرة تغلس عليه
في الوقت ده كان الدكتور عماد صديق شريف وصل الحفلة
وكان بيشوف شريف فين وإتفاجئ بشريف بيهزر وبيضحك مع تالا غضب بشدة وراح يسلم عليه
عماد : مساء الخير ياشريف عامل ايه (قالها وهو عنيه علي تالا )
شريف : مساء الخير ياعماد اتاخرت ليه الحفلة بدأت من بدرى
عماد : وهو عنيه علي تالا اللي انشغلت بالكلام مع والدتها ومش واخده بالها من نظرات عماد لها كالعادة ، اعمل ايه ياسيدى العربية عملتها تاني
ضحك شريف وقاله وايه الجديد ياابني ماانا قولتلك قبل كده غيرها
عماد : ضحك وقاله قريب ان شاء الله
شريف وعماد شافوا اصحابهم سلموا عليهم وفضلوا يتكلموا ويضحكوا مع بعض كل ده وعماد عيونه علي تالا وهي مش واخده بالها او عاملة نفسها مش واخدة بالها 😅
وعماد هيموت ويعرف سر وجودها في الحفلة إيه
إندمج الجميع في الحفلة مابين شارد ، غاضب ، حالم ، معجب
إنتهت الحفلة وكله رجع بيته
************
حياة الصياد في اوضتها بتتكلم مع حد علي الانترنت
*كل حاجة تمت زى ماخططنا له وكويس إن نور اللي هيمسك القضية دى آن الاوان ننتهي من الكابوس ده
* مجهول : لازم نبدا نجهز للخطوة التانية علشان كل حاجة تبقي جاهزة في وقتها الوقت عنصر مهم علشان المهمة تنجح
حياة : تمام هنبدا ترتيباتها من الاسبوع الجاي قبل سفر نور
*اكرم الصياد : حياة يا حياة واستاذن في الدخول
حياة : اتفضل يابابا انا صاحية ،ماانا عارف إنك صاحية لاقيت اوضتك منورة إستغربت إنك لسة صاحية النهاردة كان يوم طويل ومرهق حاولي اخدى بكرة اجازة وارتاحي
حياة فهمت باباها عاوزها تاخد اجازة ليه
حياة : لا يابابا بكرة مش هينفع لان عندنا إجتماع مجلس ادارة المجموعة ولازم اكون موجودة ومتنساش موضوع الموظف المهمل لازم اتصرف معاه بنفسي
اكرم : ياحياة يابنتي الراجل مراته تعبت وكانت حالتها حرجة ونقلوها المستشفي ، حاول يبلغنا لكن كنا مشغولين بترتيبات الحفلة اضطر يلحقها لكنه عرف السكرتارية
حياة : يابابا كان بلغني شخصيا علشان الحق اتصرف في ترتيبات الحفلة هو مش موظف حكومي هيمضي ويمشي
اكرم الصياد : حياة حبيبتي حاولي تاخدى الامور ببساطة اكتر من كده ودايما افتكرى ( من لايرحم لا يُرحم ) يابنتي علشان ربنا يحفظكم ليا
حياة : حاضر يابابا االي تقول عليه اناهعمله لكن يتعاقب
اكرم :اكتفي بإنذاره بس
حياة : علشان خاطرك انت بس ياحبيبي وارتمت في حضنه وقالت ربنا مايحرمني منك ابدا ولا من نصايحك الحلوة دى
********
في منزل فادى ونور
فادى في البيت متابع الساعة وقلقان علي نور لانه خرج من الحفلة متعصب والمفروض كان راح البيت علشان يدرسوا باقي المعلومات ويجهزوا لسفرهم
نور راح علي النيل لمكان بيحب يروحه وهو مضايق
راجع نور احداث اليوم كله وقرر انه لازم يقابل عبد الرحمن علشان يفهم منه الحكاية لكن عبد الحمن كان قافل تليفونه ومش موجود في البيت
وصل نور للبيت اللي هو وفادى هيفضلوا فيه
فادى : حمدالله علي السلامة يانور احنا اتفقنا نرجع علي البيت انت روحت فين واتاخرت ليه كل ده احنا بقينا الفجر
نور : خلصت كلام إنت مين
فادى : اتفاجئ بسؤال نور يعني إيه يانور انا مين مالك انت شارب حاجة
نور : 😏 مالي يافادى السؤال ده اجابته عندك انت ،إنت فادى صديق عمرى ولا فادى ضابط المخابرات
فادى : وده يفرق في إيه ماهو انا فادى صاحبك وفي نفس الوقت ضابط في المخابرات
نور : لا تفرق ياصاحبي تفرق انك تعرف كل تفاصيل المهمة الغريبة دى والمفروض انا شريكك فيها مهمة ايه دى اللي احنا فيها وكل شوية لغز جديد عاوز يتحل
ممكن تفهمني احنا فيمهمة ولا في لعبة ولازم اجمع كل جزء فيها علشان افهمها وليه كل السرية دى حتي علي انا
فادى : انا فاهم ومقدر حالتك لكن صدقني السرية مطلوبة في المهمة دى لحد مانكون برة مصر لاسباب امنية هتعرفها لما تشوف الميمورى وتعرف المعلومات اللي عليه وقتها هتعرف اننا بنحافظ علي حياتك
نور : وعبد الرحمن دخله ايه بكل ده
فادى : كل حاجة هتعرفها بكرة ادخل نام دلوقتي وبكرة هحكيلك كل حاجة
نور : اتعصب واتكلم بصوت عالي مش هنام يافادى مافيش بكرة يافادى فاهم مافيش بكرة هتقعد تحكيلي كل حاجة دلوقتي إنت فاهم
فادى : تمام يانور هحكيلك كل حاجة تشرب شاى ولا نسكافيه علشان نصحصح كده واحكيلك
نور : يافادى بطل البرود ده مش عاوز اشرب حاجة واتفضل اقعد واتكلم
فادى : حاضر يانور حاضر إسمع ياسيدى .........
******************
*ياترى مين المجهول اللي كانت حياة بتكلمه ؟
*ياترى اكرم الصياد يعرف حاجة عن شغل حياة ؟
*ياترى إيه دور عبد الرحمن ؟ وكان يقصد إيه بكلامه لنور؟
* ياترى تالا انتبهت لنظرات عماد؟ وياترى الايام الجاية مخبيالهم إيه ؟
* وياترى فادى هيحكي ايه لنور ؟
موقف نور بعد كلام فادى معاه ؟؟؟؟
نهاية الفصل الرابع 🌹
وبعتذر جدا عن التأخير 🌷
الفصل كبير زى ماطلبتم ☺️
تنويه بسيط مواعيد الرواية هتتغير 🙈
هتكون الاحد ،والثلاثاء ،والخميس
هتوحشوني لحد مانتقابل في فصل جديد
منتظراكم تناقشوني في الكومنتات
🌷 رواية حياة بلا حياه 🌷
بقلمي / 🌷 إيمان الصياد 🌷