الفصل السادس.
عاد عز الشافعي وزوجته الي الفيلا
ليكونو بجوار اسماء
ولكن فور وصولهم
وجدو البواب مرميا علي الارض ومقيد بالحبال
ومربوط شريطا لاصقاً بفمه
فركضو نحو الداخل
فلم يجدو اسماء......!
ظلو يبحثو عنها في جميع ارجاء الفيلا
ولكن ليس لها اثر
فاتصل عز الشافعي ب امين
الذي اتي هو وجودي باقصي سرعه بالسياره
وركضا الي الداخل
فتاكدو من عدم وجودها
فخرج امين مسرعاً نحو البواب
وساله ما الذي حدث
فاخبره البواب ان سياره جيب سوداء
ليس عليها ارقام او لوحات
وقفت امام باب الفيلا
ونزل منها اربع اشخاص اقوياء
وطوال البنيان.
ملثمين. وقامو بتكتيفه.
والدخول واخذ اسماء. ثم ذهبو بها.
جلس امين علي الارض منهاراً من الصدمه
لم يقوي علي الكلام او التفكير
فاختفاء اخته. بحالتها الصحيه والنفسيه السيئه
وغيابها. يعصر قلبه الما
وتحرق ناره كل جسده.
بينما هو جالس. اتت كارما. بصحبة فتحي المحامي
فسالته كارما. :- ايه يا امين. فيه ايه؟
فقام امين ولم يجب عليها
بل تحدث الي فتحي وقال له
تعال معايا يا فتحي.
فتبعه فتحي دون نقاش
واستقلا السياره.
وانطلق فتحي وقال:- هنروح علي فين؟
امين:- علي ام سيد.
وبالفعل توجها الي الجراش الذي تعمل به ام سيد،
وفور وصولهم. وجدو ام سيد تحزم اغراضها
وتقف امام الجراش
ويبدو انها تتعارك مع احدهم
ولما اقتربا. وترجلا من السياره.
ورأتهم ام سيد التي كانت تظن انهم ضباط من المباحث كما اقنعوها من قبل
صرخت مستنجده بهم
"الحقني يا سعادة البيه. عايزين يطردوني
وانا ماليش مكان غير هنا.
فتحدث امين الي صاحب الجراش الجديد
فاخبره انه سيهدم الجراش لاعادة البناء
ولم يبق هناك رغبه في وجود ام سيد
فقال لها امين :- ساعدي فتحي وحطو حاجتك في العربيه واركبي...
ام سيد:- هروح فين بس يا باشا
امين:- اسمعي الكلام.
ام سيد حاضر.
وبالفعل وضعت بمساعدة فتحي الذي لا يناقش امين في اي شئ يطلبه منه.
الاغراض بالسياره
وركبو وتحرك فتحي
واثناء الطريق
سألها امين:- سيد ما ظهرش ؟
ام سيد:- والله العظيم ما جاني ولا شفته
بس سبت رقم تلفوني الجديد للراجل صاحب الجراش
وقولت له لو جه خليه يتصل عليا
فقال فتحي:- هنروح علي فين
رد عليه امين:- اطلع علي شقة الخصوص
ام سيد هتقعد فيها
وهنا لم تصدق ام سيد ما يقول
واذداد الخوف بداخلها
لم تهدأ حتي نزلا بالفعل
واعطاها مفتاح الشقه
وساعدوها في ادخال اغراضها
وقبل مغادرتهم
اعطاها امين الف جنيه
واخبرها انه سيرسل لها كل اول شهر نفس المبلغ
فنزلت دموعها منهمره
وتحركت نحو يده لتقبلها
ولكنه ركض نحو السياره
وقال ل فتحي:- يلا بينا يا فتحي.
......عادت كارما الي فيلتهم.
وكان والدها ينتظرها في مكتبه.
بصحبة الضابط عماد.
فدخلت ضاحكه. وقالت:- بحب انا شغل الاكشن ده
ليرد والدها :- حد فيهم لاحظ حاجه
فقال الضابط عماد:-يا باشا اتطمن ،
عمرهم ما يتخيلو ولا يشكو ابداً
ما تخافش يا باشا.
الموضوع ده لبس الواد سيد
وامين دلوقت اتحرك علي الجراش
بكده يا باشا. ضربنا عصفورين بحجر.
لاء. اقصد تلات عصافير. بحجر واحد
نعيم الشافعي:- اهو العصفورين سيد وامين دول ما يتخافش منهم
انما الصقر اللي اسمه الغامض. هو ده اللي ممكن يشم خبر
كارما:- الا صحيح يا بابا. مش هتقولولي من هو الغامض ده!
انا معاكم ولازم اعرف كل حاجه..
نعيم الشافعي:- فيه حاجات من الاحسن اننا ما نسالش عنها
اسمع يا عماد :- لازم الغامض يتاكد ان سيد هو اللي خطف البنت. علشان مراته وكده
وعايزك تخفي الواد سيد ده لو عترت فيه
ماتخليش الدبان الازرق يعرف له طريق
ودلوقت. يلا اتفضل وابقي بلغني باي حاجه تحصل.
الضابط عماد:- حاضر يافندم
هعدي بس اخد اوراق البنت.
علشان نضرب لها الباسبور
واجبلك بعد يومين الباسبور
تكون جهزت لي الفلوس
وانصرف الضابط عماد،،......
عادت هدير الي امها.
وقالت:- صحيح اللي امين بيقوله ده ياما
ام هدير:- ايوه صحيح.
وانا فاكره ابوكي اما جابهم من الصعيد.
وكان قايل لي انهم ولاد راجل من عيلتهم
كان متجوز وحده فرنسيه. من السياح اللي كان بيترجملهم
ماهم الولاد دول من احسن ناس في عيلة ابوكي
كان قايل لي انهم كبار العيله
وان ابو امين ده كان مترجم
واتعرف علي وحده كده فرنسيه
وابوه كان رافض جوازهم.
لان ابو امين ده متجوز بنت عمه
وجاب منها امين
اما البنت. فتبقي بنت الست الفرنسيه.
بس ده اللي قالي ابوكي عليه
هدير:- وانتي قولتي الكلام ده ل امين؟
ام هدير:- ايوه طبعا. واديته العنوان
ودليته علي الراجل الطيب اللي ساعدني اما نزلت بيكي هناك وانتي صغيره
،،،،،،،،،،،،،،،،،،
في فرنسا. تجلس السيناتوره يولاند. بمكتبها
وهي عضوه بمجلس الشيوخ الفرنسي
فيرن هاتفها. وكانت تتحدث العربيه بطلاقه
فإذا به نعيم الشافعي
فاجابت :- اجل سيد نعيم. ما الاخبار؟
نعيم :- اخباراً ساره
فلقد وجدت ابنتك.
وساكون في خلال يومين او ثلاثه بصحبتها اليكي
فقالت يولاند باكيه :- ارجوك سيد نعيم
لا تفعل معي الخديعه
فقد سأمت منها
عشرات المرات يعدوني وياخذون النقود ولا يحدث شئ
نعيم:- هذه المره هي ابنتك بالفعل
ولن آخذ منكِ اي شئ
الا قبل ان تجري لها فحص الDNA
لتتاكدي من ذلك
فقالت يولاند بفرح:- اقسم لك يا سيد نعيم
ان حدث ذلك. سأعطيك ما لم تكن تحلم به.
ولكن كيف تاكدت انها هي
ان الامر كان اشبه بالبحث عن ابره سقطت في اعماق المحيط
فقال نعيم:- الشخص الذي اختطف ابنتك. وابن زوجك
عثرنا علي زوجته. وعلمنا منها بذلك
واستطعنا الوصول الي ابنتك
يولاند:- يا ويلي. لا استطيع الصبر
لولا منعي من دخول مصر
لكنت جأت الان
نعيم:- اطمأني يا سيدتي
لن يطول الامر عن ثلاثة ايام
يولاند :- ارجو ذلك سيد نعيم. ارجو ذلك....
..........
توجه امين وفتحي الي مطار القاهره
ومنه الي مطار الاقصر
دون ان يعلم احد
ودون ان يخبرو اي احد.
نزلا في فندق في مدينة الاقصر
وظلا فيه حتي الصباح
وفي صباح اليوم التالي.
توجها الي قرية تسمي الضبعيه.
وكانا يرتديان زي موظفي الاحصاء وتعداد السكان
ويحملون هويات باسمائهم الوهميه
ووظيفتهم المتمثلين بها
ودخلو القريه.
وسالو احد الماره عن منزل الحاج عوض
الحاج عوض هو ذلك الرجل الذي اخبرتهم ام هدير عنه
وقالت لهم انه رجل شهم
وقام بمساعدتها في السابق
وبالفعل دلهم الرجل علي منزله
فتوجهو اليه
وفتح لهم الحاج عوض الباب
وقال لهم من انتم؟
فقال امين:- احنا من بتوع تعداد السكان يا حاج
وعايزين ناخد شوية بيانات ..
فضحك الحاج عوض. وقال :- طيب بس ادخلو الاول افطرو معاي
وبعدها كل شي يتحل...
فنظر فتحي الي امين بخوف
فابتسم امين وقال لفتحي:- ما تقلقش تعالا
ودخلا الي الداخل
وجلسا لتناول الفطار
فنظر امين الي الحاج عوض وقال له
انت عرفت اذاي اننا مش تبع تعداد السكان؟
الحاج عوض:- علشان عملتها قبلكم يا ولدي
وهنا ظل الجميع يضحكون.
حتي انتهو من تناول الافطار
وجلبو لهم الشاي
اثناء شرب الشاي
امين؛- هاه يا حاج عوض،،
الحاج عوض:- شرفتوني ونورتوني يارجاله
فتحي:- ايه يا حاج مش هتسألنا انتو مين
وعاملين كده ليه؟
الحاج عوض:- ما ينفعش اسالكم غير بعد تلات ايام
الضيف حدانا له تلات ايام واجب صيافه
ما نسألهوش فيهم هو مين ولا عاوز ايه..
وبعدين هتكونو جايين ليه
واشار الي امين وقال ضاحكاً. :- تلاقي العجبان ده عاشق له وحده وجاي يشوفها
فضحك امين وفتحي بشده.
من طريقة الحاج عوض الممتعه في الحديث معهم
ودمه الخفيف.
فقال امين:- لا والله يا حاج
انا جاي في حاجه تاني خالص
هو انا ماعرفكش
بس دلتني عليك مرات خلف بتاعت بحري
وقالت لي انك ساعدتها
وهتقدر تساعدني
الحاج عوض:- يااااااااه. مرات خلف.
دي جات من اكتر من 17 سنه.
امين:- انت تعرف جوزها خلف؟
الحاج عمران:- الله يرحمه
الميت ما تجوزش عليه الا الرحمه.
امين:- طيب تعرف واحد اسمه. عز الدين ابو الحجاج!!!
وهنا قفز الحاج عوض من مكانه.
لسماعه اسم خلف اولا. متبوعا بسواله عن عز الدين ابو الحجاج
وركض نحو باب غرفة الضيوف اغلقه
واغلق الشباك المطل عالشارع
واشعل النور. والمروحه
وجلس امامهم. مرتسمه علي ملامحه الحيره والدهشه
وقال:- انتو مين. وعايزين ايه؟
امين:- مش قولت مش هسالكم...
الحاج عوض:- يابن الناس وقعت قلبي
اعمل معروف قولي انت مين
وبتسال عن دول ليه؟
امين :- طيب اهدي
وانا هفهمك.
...... الضابط عماد يجلس في استراحة مكتبه
يجلس علي كرسيه
ويتكئ الي الخلف
واضعاً كلتا يديه خلف رأسه
ويتأمل في الاموال التيسيحصل عليهم من نعيم الشافعي
مبتسماً. ومتحمسا. وفرحاً
وفجأه يرن هاتفه
فيجيب:- الو.
الغامض:- سعادة الباشا اخبارك ايه
وهنا اعتدل عماد في جلسته
واستقر علي الكرسي
واجاب:- الحمد لله يا كبير.
الغامض:- صحيح البنت اختفت من فيلا عز الشافعي يا عماد؟
عماد:- اااااه. اصل. اصل. انا لسه عارف
بس ماحدش فيهم بلغ ولا عمل محضر باختفائها
وانا كنت هاتصل اقول لسعادتك
بس خفت ازعجك.
الغامض:- هاه. والبنت فين؟
عماد:- والله يا كبير مافيش غير الواد سيد
هو الوحيد اللي غاب عن عنيا.
بعد اللي حصل فيه
وهو اللي عمل كده
لانه خاف مننا في موضوع الفلوس
بس ما تقلقش يا باشا
انا مش ساكت
وكلها مسالة وقت
وهجيبه هو وهي لعندك.
اول ماترجع من السفر
هتلاقيهم عندك
الغامض:- انا جيت من السفر يا عماد!
عماد:- وانا والله يا باشا هعمل اقصي جهدي
الغامض:- هو انت فاكر نفسك بتتعامل مع مين يا عماد؟
عماد:- تقصد ايه معاليك يا باشا؟
الغامض بصوت عال: - يعني للدرجادي انا اهبل قدامك
يعني انت يا حشره هتقرطسني.
هو علشان سايبك ومش قارص ودنك علشان تنهي الموضوع
تقوم تفتكر اني مغفل
عماد:- ليه بس بتقول كده يا كبير
الغامض:- علشان سيد عندي يا عماد.....
واغلق الغامض الهاتف......
يتبع .....