- إسمها " لو سمحت " مش " إنت "
- إسمها "نعم" مش "ها
- اسمها" كيس " مش شكارة
- اسمها" بارك الله فيك " مش فيك بارك الله
- واطيّ صوتك .
- مَ تحطش رجل ؏ رجل قدام حد ڪبير
- مَ تقعدش مقعمز و مسيب حد ڪبير واقف .
- اُوقف بعيد عن الباب .
- مَ تتصلش بحد متأخر .
- لما تخش لحوش ناس إختار المڪان المستخطي إللي مَ يبينش الحوش عليك .
- اللي عندك عليه ملاَم وإلاَ عتاب ويجي لحوشك مَ تزعلاَش .. واللي يدق بابك طالبك فِ خدمة مَ ترداش .
- طقطق ؏ الباب قبل مَ تفتحه .
- ڪُول من ناحيتك و بعد عليك الصونية شوية .
- نوض أول واحد من ؏ الصفرة لو معزوم .
- استنى ڪلهم ينوضو لو انت إللي عازم .
- مَ تمشيش لحد براني فجأة .
- تخش حوش الناس اعمى و تطلع بڪُوش .
- فِ حوش الغريب مَ تنوضش من مڪان غير لما حد يناديك .
- ضمي رجيلاَتك و انتِ مقعمزة .
- افرد ضهرك وانت مقعمز .
- تعالو نمشو نعيدو على الاقارب .
- ارفع هاديّ للجارة و قوللها اُمي تسلم عليك وذوقي مانا وملحنا .
- مَ ترڪبش ورا بنت الدروج ﯾَ ترڪب قدامها ﯾَ تستنى شوية وترڪب بعدها .
- لو حد راڪب وراك الدروج اوقفي ؏ جنب خليه يرڪب و بعدين ارڪبي .
- انت مش احسن من حد ولاَ فِ حد احسن منك .
- مَ تقارنش روحك بحد .
-ماتكررش إللي يقولوا فيه الآخرين وبالذات الفتنة
- قول شڪرًا قول اسف إللي يعتذر الاٴول هو الاقوى .
- مَ تاخدش حاجه من إيد حد .
- مَ تسبقش حد ڪبير وانت ماشي .
- افتح الباب للڪبير وللبنت .
- اي باب مسڪر طقطق عليه حتى لو عارف إن مَ فيش حد .
- التزم بقول الحق دائما ولا تكذب ..
- عيب هذا اڪبر منك .
- هذا حرام ويغضب ربي .
- هذا غلط مَ إديراش .
- بطل دوشة الناس راقدين .
- مَ تخليهمش يدفعو .. ادفع انت .
- مَ ترميش حاجه فِ الشارع .
- نضف مڪانك إللي مسخته .
- مَ تجيش ناحيتها هاديّ أمانة .
هك زمان يوصوا فينا اهلنا
#منقول