السلام عليكم
يلة نبدي البارت
حور
رحت فتحت الباب وكان اشوف كدامي اكثر شخص احبة علي اصغر واحد من عمامي احبة اموت علية من شفتة فرحت كلش صار بالشهرين ما سامعة صوتة طفرت على عمو وحظنتة لفيت رجلية على خصرة وادية حاوطت بيهن ركبتة وكمت اضحك وهوة يضحك وياية
علي : ولج على كيف راح اختنك هههههههه
حور :حيل بيك اني اريد اموتك ليش مو اني حبيبتك اشلون اتعوفني وما تسائل علية
علي : غير علمودج ادري بيج تعبانة من السادس كلت خلي اعوفهة بدراستهة ما اريد اشغلهة اباءي شيء
وخرت راسي من ركبتة وبستة من خدة وكتلة بس اني زعلانة ومن ازعل تعرفني ما ارضة ابسرعة
علي : عمي يدلل الحلوى مالي كم حورية عندي
حور : بس اني طبعا باوعت ورة عمو علي واشوف رنيم زوجتة كتلهة هلو رنوة اشلونج
رنيم : هلو عمري اشلونج
حور : زينة علاوي ترة بردت خل ندخل جوة
علي : ولج اطيني مجال اسلم على الولد
حور : ما اتسلم مانعتك اني واللة حلوة
علي : أي مانعتني
حور : ماشي نزلني وسلم على ابن اخوك وارجع شيلني
علي : ههههههه ماشي
نزلني وراح سلم على قائد بس اشوف عمو علي وقائد همة أصدقاء اكثر من عم وابن اخوا علاقتهم حلوة دوم تحجيلي اسيل اخت قائد علاقتهم كلش حلوة
علي : اشلونك قائد اشلونك زين اشلون اهلك والكرايب
قائد : الحمد اللة زينين ايسلمون عليك انتة اشلونك
علي : الحمد اللة
قائد : اشلونج خوية رنيم اشلونج زينة
رنيم : الحمد اللة اللة ايسلمك
حور : خلصت علاوي السلام مالتك
علي : أي
حور : يلة شيلني
وشالني ولفيت رجلية على خصرة وادية حاوطت ركبتة وكال
علي : يابوية ولج صايرة سمينة
حور : اني
علي : لا قائد طبعا انتي
حور : هاي شنو صاروا 3 ايكلولي انتي سمينة
علي : منو كالج
حور : اية واحمد وانتة ترى ازعل واللة وانتة تعرفني من ازعل اكطع عليك المي والهوى وغمزتلة
طبعا هوة عمي قبل لا يزوج كان عندة هواي صديقات واني قبل فترة عرفتة رجع لعب ابذيلة من جديد فالهاذا السبب استغلة
علي : لالالا انتي أصلا كلش ضعفانة
حور : عفية بيك علاوي يلة خل انفوت بردت
دخلنة للبيت وهوة سلم عليهم ونزلني بالكاع وبدو ايسولفون ويضحكون واني رحت للمطبخ شفت جوان اتصب جاي ومسوية كعك
جوان : حور ودي ماعون العوامات وانتي اية ودي الجاي والكعك
حور و اية : اوكي
وديتة بالهول وقدمتة الهم وبدو ياكلون رجعت للمطبخ شفت اجوان اتسوي نسكافيه
حور : جوان هذا المن النسكافيه
جوان : هذا القائد حبيبتي بس ما اعرف اشلون اسوي
حور : عوفي وروحي اني اسوي
جوان :تمام
راحت واني بديت اسوي خليت كوابة اثنين احنة مو دوم نشرب القهوة والنسكافية وهاي السوالف بس من دخلت للسادس كت اشرب علمود أكون كاعدة وكت أطول باليل علمود اقرة
خلصت وصبيتة بالكوابة وديتة للهول هذا كان شكلة كلش طيب طبعا
حور : تفضل قائد
قائد : مشكو بت عمي
شو هذا حتى ما باوع ابوجهي يلة هسة اني شعلية كعدت يم جوان وبديت اشرب واتصفح بالموبايل بقينة اسوالف وضحك الحد ما صارت الصلاة وراد علاوي اروح بس بابا ما قبئل بقى على العشاء كلهة راحت اتصلي اني صعدت للغرفتي واتوضيت وصليت وخلصت ونزلت لكيت جوان بالمطبخ وشكلهة حايرة
حور : شبيهة جوجو ليش حايرة
جوان : ها حبيبتي واللة ما اعرف شسو ي عشاء احنة جاي نحجي ودخل بابا وكال
أبو جوان : بابا جوان لا اتسوين اني اجيب من برة
حور : وين بابا باردة واخاف تتمرض
جوان : صحيح بابا خل حور اتروح هية عمي لو قائد
أبو جوان : ماشي روحي بابا بدلي واني اروح احجي وية قائد
حور : اوكي بابا
تركت بابا ورحت للغرفة بدلت على السريع ولبست
ونزلت للمطبخ وجوان انطتني ورقة بيهة أغراض البيت الي اجيبهم من السوبر ماركت وانطتني فلوس ورحت للهول لكيت قائد منتضرني بس هوة طالع صاك ولج اشبيج حور عيب لوففففف شكلي اسخفيت
ملابس قائد
اول ما شافني رفع تك حاجب اعرف شنو هاي النظرة بس ما اهتميت اخذت تليفوني وطلعت من البيت فتحت الباب الخارجي وطلعت وهوة اجة وراي
وفتحة السيارة وصعد واني صعدت ابصفة ليكدام وهوة شغل وطلع واني عبالي ما يعرف بالمنطقة طلع حافضهة ثول اشلون ما يعرف وهوة دوم يجي العمو علي
بقينة ساكتين الحد ما وصل للمطعم وردت انزل من السيارة جان صا
قائد : هاا وين نازلة
حور : وين يعني غير انجيب الاكل
قائد : واللة اشكالولج علية امكرن اخلي عرضي تطلع كدام الشباب وهية هيج لبسة واللة عمي خوش ممنوع اتنزلين اني اروح وارجع ما اتاخر
حور : بس ..... قاطعني
قائد: بلا بس شنو اجيب اكل
حور : ......... بقيت صافنة بلللة هذا رجال وسجاد رجال اول مرة واحد يعترض على لبسي سجاد ابد ما عارض صح اني ما نطي مجال بس دوم ايكلي عرضي وشرفي بس ابد ما اثر بية مثل قائد
كعدني من صفنتي وهوة ايكول
قائد : ها بوية وين صفنتي
حور : هااااا لا ما صفنت
قائد : واضح ما صفنتي هسة شجيب اكل
حور: هااا أي جيب كباب ودجاج ومقبلات
قائد : ماشي لا اطلعين من السيارة كومتة شباب
حور :اوكي
راح واني بقيت صافنة بشخصيتة وطريقة كلامة اوفففففف هاي اشبيج حور هو بس اليوم يمكم ويروح وانتي اترجعين تقرين اشوية وهوة رجع خلة الاكل بالكشن الورة ورجع صعد ليكدام وشغل السيارة ورجعنة للبيت بالطريق قبل لا نوصل كتلة
حور : فدوة قائد بس اوكف يم السوبر ماركت اكو شغلات وصتني عليهة جوان للبيت
هوة وكفت بدون أي كلمة اجيت انزل هوة صاح
قائد وييييين
حور: اشبيك غير انزل اجيبهم
قائد : اني اجيبهم انطيني الورقة
حور : ها لالالا مو اكوا شغلات اريد اجيبهم انتة ما تعرفهم
قائد : يلة انزلي
نزلت ورحت دخلت للسوبر ماركت وبديت اقرة الورقة واخلي بالسلة وقائد هم شال سلة وخلصت وكفت اكوا شغلة خاصة اشلون اكلة ياربي واللة عيب اوفففففففف شافني صافنة كال
قائد : ها بوية وين صفنتي خلصتي لو اكوا بعد اعراض
حور : هاا
قائد : شنو هااا اكوا بعد غراض
اني لازمة الورقة وخجلانة اشلون ياربي ما احس غير الورقة انشالت من ايدي وصارت ابايدة واني متت من الخجل كلت راح يقرة ويعرف واللة يا ربي فشلة
جان يكمل اقراية وكال قائد : غير اتكولين على ال........
يتبع ...