حنان بنظرات مسلطه علي أحمد ودموع :- أنا آسفه.. بجد أسفه أوي
أحمد حس ان العالم بيلف بيه ورجله مش قادره تشيله خلاص حنان هتسيبه هو عمره ما اعترض علي مرضه بس حالته دلوقتي مش اعتراض ده تمرد قعد علي أقرب كرسي بيحاول يهدي نفسه و:- كنت حاسس ان دي هتكون ردت فعلك ب بس بس أنا قولت لك ابعدي عني من الأول ..... حنان عيزاني اطلقك
جريت بسرعه وقعدت قدامه :- لا ياحمد أنا أ أنا بتأسف علي إني ما قدرتش اعملك حاجه ح حتي ما قدرتش امنعك انك تأذي نفسك.. مسكت ايده المجروحه وملست عليها بحنان و:- كنت متخيله إني هبقي أقوي من كده ب بس كنت ضعيفه ضعيفه أوي
_يعني مش هتتخلي عني... مش هتسبيني؟؟
=قعدت جانبه وبصت في عيونه بابتسامه :- أحمد إنت ما فيش ولا مره سألتني أنا وافقت عليك ليه
_ مش عايز أعرف ياحنان كفايا عليه إنك معايا
=ليه مش عايز تعرف؟؟
_خايف تقولي إنك اشفقتي عليه؟؟؟
= اشفقت عليك!!! إيه الكلام ده؟؟ عارف لو كنت سألتني كنت قولت لك كلام كتييير أوي بس خلاص طالما مش عايز تعرف مش هقول بس انت الخسران
قامت حنان وقفت. شدها أحمد وقعدها :- شوقتيني عايز أعرف
=لا مش هقول
_طب لو قولت لك علشان خاطري
=امممممممم هقولك بس بشرط
_ أنا حياتي كلها بقت تحت امرك يوم داويتي قلبي وبقيتي في حياتي... إيه الشرط
حنان بابتسامه :- تشيل فكرة إني ابعد عنك دي خالص حتي لو اتحولت لوحش إنت قدري اللي هموت وأعيش بيه
قبل أحمد جبينها :- أنا أكيد في حد طيب داعي لي وربنا راضي عليه علشان رزقني بيكي
=بس أنا رُزقت الجنه بيك.. يعني أنا اللي حد داعي لي
_هههههه مش أوي كده
=إنت مش مصدق أنا مش بهزر أومال إنت مفكر إني وافقت كده دقة قلب مثلا أنا ما كنتش أعرفك أصلا
_مش فاهم تقصدي إيه؟؟؟؟؟
= فاكر أول ما قولت لي ان عندك شيزوفرونا أنا سيبت بابا وأنا بنسبة 99٪رافضه بس قولت هصلي استخاره .. بس حتي دي كسلت عنها وما صلتهاش
_وإيه اللي غير رايك كده
=أول يوم نظرة عيونك وانت بتقولي فضلت ملازماني حتي وأنا نايمه تاني يوم وتالت يوم نفس النظام.. لقيت نفسي في ليله قبل نام صليت القيام وروحت مصليه صلاة الاستخاره عارف شوفت إيه؟
_شوفتي إيه؟؟؟؟
=شوفت ملايكه صغيرين علي هيئة بنتين صغيرين نادو عليه :- ماما ماما بابا محتاج لك الحقي بابا ومسكوا إيدي
وقفت في مكاني تايهه مش عارفه مين بابا؟؟؟؟ ومين ماما؟؟ مشيت في ايديهم وأنا مش فاهمه اي حاجه لحد ما شوفتك قاعد في مكان لابس بدله تامه وكانت لحيتك طويله.. لمست لحيته بمزاح :- أطول من كده بشويه بس كنت قمر أوي لقيتك فتحت دراعاتك ليه وبتضحك ضحكه ياربي كانت ابتسامه جذابه جدا .. البنتين اخدوا ايدي وقالولي تعالي جنة بابا.. وصحيت علي آذان الفجر وأنا بقول إسمك
_أحمد عيونه دمعت وابتسامه واسعه اترسمت علي وشه و:- هو أنا اللي بحلم إنك بتحكي لي الكلام ده ولا بيتهيألي
=لا أنا اللي حلمت بده وصحيت علي واقعي معاك اللي هفضل راضيه وفرحانه بيه سواء عيشته صعب أو سهل كفايا إني هعيشه في الجنه اللي اخترها لي القدر
...........................................................
#مر وقت طويل عاشو فيه اوقات صعبه واوقات سعيده فتره وبدأ أحمد يتحسن شويه بشويه وحنان مش بتفارقه وبتهون عليه كتير كانت فعلاً زرق ودعوه من قلب طيب....
_حناااان حنون قلبي انتي فين
=خرجت حنان بتجري من المطبخ :- إيه ياحمد مالك ياحبيبي
-براحه بتجري ليه هتولدي علي نفسك... إيه الريحه اللي شاممها دي
= ر ي ريحة إيه؟؟
_حنوووون إنتي فاهمه أنا قصدي ريحة إيه.. اندومي تاني ياحنان أنا مش محذر مليون مره ما يدخلش البيت
=كان نفسي فيه ياأحمد اسفه
_ نفسي فيه ي أحمد اعمل فيكي إيه هاا اعمل إيه
=تسيبني أكله
_علي جثتي ما يحصلش أبدا و.. مالك حنان
=اه اه
=مالك ياحنان
=ااااه شكلي بولد ااااه الحقني
_كان قلبي حاسس ان هتولدي علي ايد الاندومي ده والله
= آآآآآآه الحقني هموت
_بعد الشر عليكي.. ط ط طب استني هجيب لك لبسك بسرعه
جاب احمد لبس لحنان ونزل جري ساعدها تلبس وشالها
=استني استني
_فيه إيه تاني
=ما ترميش الاندومي
_والله هتموتيني ناقص عمر.. ليكي نفس تهزري وإنتي بتصوتي
..........................................................
بعد فتره في المستشفي ولدت حنان واول ما فاقت كان أحمد قاعد جانبها
أحمد بابتسامه :- حمد الله على السلامه ياملاكي
=فين البنات ياأحمد
_بعتي احمد كده أول ما البنات شرفوا ماشي ياستي
جاب البنتين وحطهم في حضن حنان اللي باستهم بدموع وفرحه ورفعت عيونها لأحمد :- هم ي احمد هم والله شكلهم أوي
_شكل مين ياحنان؟؟
=نفس البنتين يأحمد اللي شوفتهم في الحلم نفسهم يأحمد
=اللي جابوكي جنتي
حركت راسها :- أيوه هم بالظبط والله
ضمها أحمد هي وبناته وهو بيتمتم بالشكر والحمد لكرم ربنا
بعد صمت رفعت حنان وشها لأحمد :- أحمد عملت إيه في الاندومي
ضغت احمد علي شفايفه وهو برفع حاجبه ليها و:- رفعت قضيه علي الشركه المصنعه وقفلت وصاحبها مات مولع واتمنع من التصدير ارحمي أمي ده مش أندومي ده ضرتي ياحنان
=😂 😂 😂 😂 بحبك ياحماده
_أنا أكتر ولا الاندومي
=ده إسمه كلام ياحماده الاندومي طبعا 😂😂😂😂😂
#احياني_قلبا_رسمته_في_أحلامي
أحمد & حنان
رأيكم 🤗🤗🤗🤗🤗🤗
#هاجر_محمد_حبيبه
#Hager_mohamed_habiba.