باااش متبقاوش تالفين في الشخصيات هاااا الاب ديالي اللي هو سي فؤاد👇👇👇👇
معلانا فين خليناها ايوا الالة خليناها في فاااااش كانت كتقيا او طاحت في فم العتبة ديال البرااااكة سخفااانة .
المهم كنت مشقلبة مغيبة فووووق التقية حتى حسيت بشي واااااحد باااارك يضرب فيا برجلو باااااش نفيق او حلف هو الى بغى يحبس حتى فيقني كرسح او صحة .
المهم غير حليت عينيا او هي تضربني ريحة الشياااااط ديال التقية او الزوفورية ديااال الدم او لقيت فمي في الغيس او شي حالة ماتبغيهااااااش لعدوووك غير فقت او بديت نتقيا ثاني في الموووووات او الكشاكش لكشاكش حتى كنت غاااادة نموووت او السي فوؤاد باااارك يتفرج فيا او يعقد في نيفووو او يمشي او يجي عند رااااسي او مكلفش حتى رااااسو اولا صولني مالي اولا شد ليا رويسي بيما تقيت ولكن هو واااقف غير يتفرج بحالي مااااشي انا بنتو وانما عدوتو .
بقيت كنتقيا او سخفانة او راااسي بحال البيضة المارجة مقدااااش نهز العنgرة او السوووفل مكاينش بقيت باركة وااحد المووودة او انا باااركة قفااازي بحال الشومبااازي حتى جا داااك السي فوؤااد لااااح ليا لباليزة ديالي قدامي اللي كاان جمعها ليا من البيت اللي عند لفووق في ذار جدوودي او قااال ليا .
فؤاد : ( بالغواات او هو مدااير إيذيه ورااه او يمشي او يجي ليا عند رااسي بحال العسكككري ) نووودي تgعدي من تلوووعيب او تحراميات او نووودي تهزي يالله تبداااي شغااالك رااااه ستة ديال الصباح هااادي (كيضرب في ساعة اللي في إيدووو ) او داااك تموشيع لخاااوي مذيريهمش معايا أنا .... يالله تgعدي يالله قفزي او نودي قافزة من قدامي اولا غادي نعفص علك .... يالله درgي عليا زلافتك او طيري من قدامي داابا منبقااش نشوووفك ......
اما انا مني شفتو دااار معايا هااااد الموقف او انا في هاااد الحالة او محنش فيا متحملتش راااسي او مابقيتش نحملو صااافي حيت صااافي كرهت شي حد سميتو فؤاد او قلبي كحاااال من جيهتو ....
جمعت الوقفة صحة او خطفت ليه الباليزة من إيدو او قلت ليه او انا في قمة الغيض او لغدايد.
وئام : ( بالاعصاااب او انا محملااش الوضعية ) واااااش حتى لهاااد الدرجة مابقيتيش كتحححملني ... وااااااااش حتى لهاد الدرجة اسي فؤاااد هااااااااه.....(كنمسح في دنووعي او مبغاش نشووف فيه ) ايواااا صافي حتى انا بغيت نقول لك بلي صاااافي حتى انا مابقيتش كنحملك او مابقيتش غادة نعتابرك باابااااا....... أما بالنسبة لشغالي غير كووون هاني من ليوووم غادة نقووووم بيهم حيت كنفضل نموووت اولا تبقى تسير عليا من فلوووووسك حتى نتا حسب بلي بنتك وئام ماتت بحالي حتى أنا غادة نحسبك متي بالنسبة ليا او نديرك عمرك كنتي بحال مي ايوا بسلامة .....
غير كملت كلامي او تميت غاااادة بحالي من قدامو حيت حسيت براااسي غادة نفااااجر بالبكا مشيت دخلت لواااحد الطوالليط كانت حدا ديك البرااكة كاانت مخصصة لخدامة اللي كيخدمو خااارج غير هي مبنية بالياجووور او مسقفة بالقاصدير او قدها قد الوقفة عباااااااار او حالتها بالوسخ تلعبي فيها زلالاg الى مشديتيش راااسك تجي مصلي .
ذخلت او صديت عليا الضفة او بركت فوووق واااااحد البوديزة في الأزرق مديرينها لتسيااااق او عطيت خمري في البكوااات انا مدرنيش هااااد الوسخ او الزلط اللي فيه قد مضرني الغدر او الشمتة ديال الوالليد ....... بقيت نبكي نبكي نبكي نبكي حتى حسيت بالجنووون ولاو يقولو ليا نووودي تgعدي خرجي بحالك نوووحي على راااسك الصبحاتو الله الصباح هذا منين خرجتي لينا حتى نتي ......
المهم سمعت الوالليد محيح خاااارج او انا نوووود بزز مني قلت مافيا منهدر معااااه غسلت حالتي من ديك البوديزة اللي فيها غير قطرة او بقيت نكع في البادز اللي ثم حتى عمرو ليا سطيلة ديال اللوضو او غسلت بيها كمارتي او خرجت مشيت لبراكتي او بدلت حوايجي عبارة عن 👇👇👇👇
او خرجت واااخا باقي لحال مضلم ديال الصباااح يبان لك شي غادي بقطعة ديال لغنم سارح..... او شي جايب لحطب فووق الكراارس ... اوشي ساير يخبز في لفرااان ديال بو قفلة خاارج .... او لهراااج اما انا تصدمت او قلت في خاطري .
وئام : ( بصدمة او انا كنشووف في المنظر قداامي ) اعوووود بالله من الشيطاان الرجيم ....وااش هاااادو جنون هااااادوووو ... اويلي مني gاااااع هاااااد الشي دااااروووه درك مع لفجر او بنهااار اش يبقاااو يديرو يبقاااو مسطوين يلاطيييف يلاااااااطيف يلاااااطيف يلاااااااطيف هااااادو من اينا عااااصر .... بقيت داوية مع راااسي حتى شفت خيال للولليد وقف عليا بحال الجن او هو مgردف قااال ليا .
فؤاد : (شااد في جنابووو او هو مغغغغغزف عليها )واااااااخالتي مباركة ... واااااالبشا حمووو نتي من صبااااح او نتي صابحة تفرجي في عيباااد الله او تشلببي ليا هنا او امتا بااااغة تقومي بشغاااالك متلا !!!!! حتى يطلع النهااار لا !!!!! عااااد باغة توكلي دوووووك لعروووود وااااش لبارح خليتيهم بلا ماكلة بلا شرااااب او درك باقة تدورري ليا هنا فمك منفووخ كي لعود ديال السنااااح زيدي حيدي من قدااام خليقتي جميلك في حشياااان لهدرة كوني قد فمك قد درااااعك تريكة النااااقصة تفوووووووووو....هاادوووك اللي مقاابلة رااهم سيااااادك الالة بعععدا راه كملووو شغاالهم مااشي بحالك فاايقة ليا حتى لنص ديال النهاااار او تفرجي فيهم من لفووق .....
او زااااد او خلااني وااقفة ..... أما أنا الدمووووع تحجرو في عينيا ولاكن حاااولت بااااش نقصح قلبي او مانبكيش او بالخصووص مني حشا ليا الهدرة حيت زعمة فمي صاااابح منفوووخ من الطيحة اللي دربني بالصبااااط او ولا بحاااال العووود او مارضيتش ماارضيتش مااارضيتش .
حتى خليتو بعد عاااااد بديت عليه بالمعيووور
وئام : ( بااغة نبرد على قلبي او انا مجوننة او كنعاير او نعبر ليه بتشرمييل بحال كبوور ) الله يعطك الحححححي لاماقووول امين ابن لمصندر لااااخووور ..... كبر لك الشااان الحيماااري لااااخور .... من صبااااح او نتا ثيرااان ماثيراااااان عندك بقر علااال المgجف اللي ولدك غير مجااااش القوولان اولا نصردو لك حتى نطرطق لك المرارة غير مابغيتش ندير فك راااااسي .... ععععندك 2 بقراااات مهوقاااات او كارماااات او فاضح لوقت كل وحدة سنسولها نشرو فيه لحواااايج او بلا مقابط من الفووق .... يخخخ تفووو على ماركة كيف دااااايرة الله يعطينا وجهك نتقاااامشو بيه اتريكة لبزق ماكاينش معاااامن مكااااااينش ....سير سير رااه ضححك فك هاااااااللي سااير يضحك على فمي ...قالك خلااه في سطل او مشى يطططل ياابن لمشلقم لاااخوور ....
مشيت نشتف او نهاايتف جيهت لكوري ديال الثيرااااان او انا معسوية ....مع حليت لباااااب لكبيييير gااااااع دوووووك الثيراااان داااارو ضورة الطوبيس او شااااافو فيا دقة وحدة ..... او بداااااو يتجبدو او يتزاااااوكو انا كنت ضافعة الجبهة ....ولااااكن غير شفت داااااك الكم الهاااائل ديال لعجوووول سفنت او سخفت او انا وااااقفة او بالخصوووص مني شفتهم راااااس على الراااس على الراااس على الراااس حتى متلقااااش منين تدوووووز حيت عمرني دخلت هنا كان يتصحاب ليا غير وااااحد اولا جووووج ولاكن تصدمت مني بديت نحسب لقيت شي 20 في هااااد الصف على لليمن او كثر من 20 أخرين مكوزين ليهم في هااااااد الصف على لليسر او كلهم ديال بومنياااار او شااااروني كل وااااحد الى عفط علك غير حيد الرجل بسااااقها حيت كوووون أكيد لمية في الألف مغدااااش تبقى صالحة لك بمرررة.
بقيت وااااقفة حدا لبااااب او كبدتي غادة تخرج من فمي بالخلعة حتى وليت كنقووول صااافي غااادة نستسلم صافي مابقيتش لاااااعبة صاااااااااااااااااافي ..... ماانقدرش ندخل ....حيت مكوزين لبعذيااتهم الى دخلتي من وسطهم الى مرضحك هذا .... يرضحك اللي مقاابل معاه ...او هو كيقولوو لبهاايم كيتجونوو على البرااني الى دخل عندهم ....
بقيت مثدوومة حتى شفت للوالليد جااااااي قبالتي او هاااز شوكتو بحال لعقرب او انا نطير طيرة وحدة صدقت وااااقفة حدا لمجور اللي كيخلطو فيه العلف او بديت ندرب الخيشة بنص حتى تكركب او نكب في المجور او لغبااابر شانgة في السما او في لما المهم درت صحة جديدة غير بااااش ميبقااااش يحشي ليا في لهدرة حيت انا معنديش مع ديك الهضرة ديال شو فيمك شو خيشيشك او حشياااان الهضرة اللي متنسااااش ليا .
حتى حسيت بيه وقف من ورايا او بدا يشووووف في اشنو كندير اولا اشنو كنصنع او وحد شوية حسيت بيه صنgعني للgفى حتى 👋👋👋👋👋👋 شيااااط خرج من عينيا من حر ديك تقرفيدة اللي قرفدني او شدني من للوذن او بدا يزوك كيما القااااعيدة .
فؤاد :( بالغواااات او هو عقلوووو خاارج ) الله يحرق طوااااسل ممممك .... وااااااش باااغة بووووك تديري ليا الافلااااس وااااش بوووووك النخالة جاية بلا فلوووووس اللي بديتي بووووك تطيحي او تعنقلي شي في لمجووور او شي في لارض وااااش بووووك هاااادا هو التخلااااط الله ينعل بووووك الكلب اللي مداير فك رااااسي ابنت للقلشة .
او يتنشول او يجر ليا في للوذن حتى حسيت بيها صااافي تقطعو ليها لعصب او طرطقت 2 طرديgاااات على ماحسيت استغفووورك اربي اما انا بقيت غير مخرجة عينيا بديك الحرااارة او اصلا حلفت منهدر معااااه او لون تنطابق السما مع لاااارض مابقا يجي لغايا في للغاااه حيت عاااارفااااه غير كيستافز فيا بااااش نستسلم ولاكن عمرو يحلم نستسلم حيت العيب خرج خرج او اللي عطا الله عطاااه او اللي تشقلب جا على عين g فااااه.
طلقني او عيط على وااااحد لخدااام من برا جا بدا يوريني لقيااااس او لعبااار او شحااال نخلط او شحااال نعطيهم غير هو يوري فيا او أنا نكركب في دموعي كي لحجر ..... ماتحملتش الوضع واقفة خمسة ستة خمسة ستة من العين شكووون اللي داااها في داااك لخدااام اش كيقووول او بالخصوص انا مكنحملش يشوفني شي وااااحد كنبكي ولاكن جات العيطة من لفووووق بقيت وااااقفة او مدايرة ايديا ورايا محملة الشيطااان حتى خرج الراجل او طلعت لمجور او بديت نخلط او سي فؤاد بارك فوق واااحد لخنشة ديال الشمندر او يشووووف فيا بحالي زعمة منتاصر اولا هو اللي رابح ولاكن فعلا هو اللي راااابح غير اللي بغى يبقى يتعاامى ......
.
ولاكن انا بردت غدايدي في التخلاااط او بديت نعمر في السطولة او كنكب اللعجولة اللي في لقنات حيت ساهلين او دووووك غير كب من بعيد او هرب اما الوسطانين هما اللي واعرين معندكش فين تهرب الى حبسو علك مع بعذياتهم يمعصووووك او يردوووك حووووت كواوري يبقى خاصك غير الروز او هانتا واااااجد موووجووود ولاكن مني شفتو كيدير فيا ديك الشوووفة ديال صافي تعزرتي ابنيتي او انا نضفع الجبهة لقدااام او هزيت لعنgرة لفوووق او بديت ذاخلة بحال داااك لكليب اللي في طوووم جيري مني يكووون تابع داااك لعظم يشمشم فيه او يلوز ....
او بديت غادة ذاخلة من وسطهم او هوما يتحيرو يتحيرو على داااااك السطل اللي هااازة في ايدي يالله زعمت او قربت لواحد منهم او بغيت نكب ليه من بعيد او نهرب زعمة يالله غادة نكب ليه او هو يخطف ليا السطل من ايدي بقرونو او برك يشالي في سما ...يشالي او يعيط اجيلالي او gااااع ديك النخالة فرينها في السما .....دلفقها .
اما مني شفتو اش داااار او gاااع دوووك التيرااان بركو يتجبدو على على العلف اللي في لارض او بتزلكوو او صدو عليا الطريق من نخرج ولا كيبااان لك دخاخن شانgة وسط داااك الكوووري .
أنا تعصبت او هزيت رجلي بغيت نبرد فيه لغدايد يالله هزيتها او بغيت نصيفطها ليه لمساطة او انا نضربها بواااحد الزلقة فاعلة تاركة وسط داااك ريرط حتى حسيت بظهري تقسم على جووووج حتى زوكت او طوحت او معمعت او هرنطت بحر ديك الزلقة .
بقيت محطة حيت حسيت بصافي توقفت من لمروض قلت صافي يمكن شدني بوزلوووم من الضهر بقيت مشبحة حتى حسين بسي فؤاد جا يجري قعدني او خرجني من وسطهم او انا على صوت بحر دااااك الظهر .
خرجني للوالليد من لكوري او ثم غادي يجري بيا مذخلني لدااار اما غير شفتو غادي بيا جيت الباب او انا نتلاح من وسك ايديه بحال لحنش طحت بحال لبطانة قدااام لعتبة او قلت ليهم نونو بعنونو الى فت العتبة او لا دخلت لدااارو على الولليد زعمة خرج لفقييه او فنيدة اللي هوما جدودي يجريو بغاااو يديوني لسبيطااار ولاكن انا حلفت الى قرب ليا شي وااااحد بقيت مشبحة داربة طبيgة وسط العتبة او قلت ليهم حتى وااااحد مايقرب ليا غادة نبقى هك حتى يفرج الله ....
بقيت وااااحد المووودة محطة او هوما يتجراااو ليا عند راااسي حتى حسيت براااسي ترخفت او جمعت النوضة او بديت غادة مقوسة في لارض ف او انا موقفة من الظهر او مشيت دخلت لكوري او لبست البوووط ديال الشتاء في رجلي او عينيا شلااال او بديت مكملة شغالي واخا مخلاونيش نكمل او بقاااو حامينها ليا عند راااسي يتعاطاو بالمعيووور مع بعضياتهم ولاكن انا حسبتهم مااااكينينش او درت اللي في رااااسي حيت قلت ياربحة او لا ذبحة وليت كنشووووف الموت بعيني