((تحيرك تغيرك تخليك ترجع العمر الي فات وتعيشه تاني منوره وسكره توديك دنيا تانيه تلفها وتيجي في ثواني دي بلنسبالي جنه اتفتح بابها نعمه القدر جابه و رزقني اسبابها قريبه وطيبه يا سبحان الي جابها في وقتها وعوضني بيها دي فرحتي وصاحبتي))
.
.
.
انس::سلام عليكم
.
.
اماني وعلي بسأستغراب::وعليكم السلام
.
.
علي بتركيز::انا فاكرك انت الي كنت في القصر تبع طلاب زياد
.
انس بتوتر::ايوه انا انس وبصراحه انا جاي لحضرتك في موضوع مهم
.
.علي::خير يبني
.
.
اماني::اسيبكم انا
.
انس::لا يا مدام اماني انا عايز حضرتك تبقي حاضره الكلام ده
.
علي::اتكلم يا انس
.
.
انس اخذ نفس عميق::انا جاي اتقدم لبنت حضرتك الانسه شهد
.
.
اماني بقليل من الصدمه::انت واعي انت بتقول ايه
.
انس::جدا
.
علي::انت شوفت بنتي فين واتكلمت معاها ولا ايه بلظبط وايه الي خلاك تتطلبها وانت لسه في السن ده
.
.
انس ::انا هحكي لحضرتك كل حاجه بص يا عمي انا اول مره شفت بنتك فيها كان في القصر وكانت بصراحه قمه الاخلاق والادب والجمال منكرش اني اعجبت بيها وبعدها لما روحنا كل واحد لحياته انا استغربت جدا ليه بفكر فيها وليه مشدود ليها كدا وبلصدفه او بصراحه انا كنت قاصد اقابلها قدام مدرستها وشفتها قبل كدا وهي رايحه الدرس انا جاي اطلبها منك وانا شايف حياتي ومستقبلي كله مش هيمشي الا بيها
.
.
اماني::مش شايف انك صغير علي الكلام ده وان بنتي كمان لسه قدامها سنه في الثانويه العامه
.
.
انس::انا عارف وواثق اني هقدر اتحمل المسؤليه واكيد عارف انها في المدرسه وانا هستني لحد مانتو تقررو معاد الفرح
.
.
علي::انت قايل لحد من عيلتك علي الكلام ده ولا شغل عيال
.
.
انس::انا ليا اخويا الكبير وده ظابط وامي بس وابويا كان ظابط في الجيش واستشهد واكيد هتستغربوا انا ليه مدخلتش شرطه ببساطه لاني حلمي اكون دكتور في الجامعه وانا حكيت لهم علي كل حاجه
.
.
علي::كلامك منطقي جدا وصعب ان واحد في سنك يقدم علي خطوه زي دي
.
انس::انا ممكن اخليكم تقابلوا اهلي في اي وقت تحبوه
.
.
اماني::بس انا بنتي مش هخطبها في السن ده انا مش معترضه عليك بس انا معترضه علي السن
.
.
انس بحزن::انا عارف ان السن هيشكل حاجز لانها لسه صغيره بس انا بطلب من حضرتك علي الاقل نبقي في حكم المخطوبين والوقت الي تشفوه مناسب نبدء ناخد خطوه رسمي
.
.
علي::سيبلي رقمك يبني وان شاء الله الي فيه الخير يقدمه ربنا وهنسأل شهد برضوا
.
.
انس ابتسم::يارب خير
.
.
..
..................
.
.
عزه::بقولك جايين اخر الاسبوع
.
اميمه::طيب وانتي متوتره كدا ليه
.
عزه::معرفش يا ماما بس انا لما كلمني وقالي قلبي بيدق من ساعتها جامد
.
.
اميمه::ده الحب ياختي طلعتي بتحبيه
.
عزه بتوهان::باين كدا
.
.
..................
هنا::انا من يوم ما هما ماتوا وانا عايشه في كابوس مصحتش منه الا عليك انت يا فارس
.
فارس امسك يدها وقبلها::انا معاكي يا هنا
.
هنا::متسبنيش حتي لو طلبت منك كدا انا بحبك يا فارس
.
.
فارس نظر لها بهيام وحب::وحياه الكلمه الي احيت فيا الروح من جديد وحياه كلمه بحبك دي مهسيبك يا هنا العربي ابدا
.
.
هنا ضمته بحب كبير
.
.............
.
.
زياد::انا مخاصمك يا بت انتي مخاصمك .
.
فاتن::اباي عليك يا زياد متبجاش كدا
.
.
زياد::يعني بجالك حوالي اسبوع بتمشي وعارفه ان ده يوم المني وكمان تخبي دا اخوكي لو عرف هيخليكي تجعدي علي الكرسي تاني
.
فاتن::يا زياد اسمعني والله هجوله بس زي ما جلتلك انا في دماغي حاجه هعملها وبعدها والله العظيم هجوله بس اوعاك تجيب سيره عن الموضوع ده وحياتي عندك
.
.
زياد::ماشي موافق يا ست فاتن لما اشوف اخرتها معاكي ايه
.
فاتن::اخرتها خير ان شاء الله
.
دخلت ايه عليهم وجلست::هو ايه ده الي اخرته خير يا بت عمي
.
.
فاتن::عجبالك يا ايه زياد هيخطب اخر الاسبوع
.
.
ايه بصدمه تحاول ان تخفيها::بجد الكلام ده يا زياد
.
.
زياد::ان شاء الله
.
ايه في نفسها""يا وجعه مربربه كان لازم الموضوع ده دلوجتي::
.
.
ايه::انا هجوم اشوف الغدا لسه مخلصش ليه
.
.
زياد::مكنش ليه لزوم تجولي بطريقه دي
.
فاتن::تستاهل كنت عايزه احرج دمها ...المهم جولي عن صاحبه الصون والعفاف
.
زياد::تجصدي مين
.
فاتن::عروستنا المصون
.
زياد::انا تجلان علي عروستنا الحلوه لاخر الاسبوع
.
فاتن::وليه كدا دانت عيونك بتطلع حب ليها
.
زياد::عشان اكده لازم اتجل عشان اعرف واتأكد من حبها وشوجها لي زي مانا مشتاج وعاشق لها بنت جابر
.
فاتن بصوت ضاحك::اوعدنا يا رب
.
.
.
.
.
.
كان هنا وفارس نازلين السلم وكان الفارس يرتدي عبائته السوداء فكان فيها كلصقر الجارح وجميلتنا ترتدي بنطلون ابيض وبلوزه بيضاء بأكمام واسعه وشعرها عملته علي شكل ضفيره وضعتها عند جانبها الايمن ووضع فيها دبوس للشعر احمر علي شكل ورده
.
.
هنا::الي اتاكدت منه ان محدش يعرف موضوع ارض الهنا دي عشان كدا متكلمتش لاني عرفت انك ممكن تضايق او انك مش جايب سيره عنه
.
فارس::بجيتي بتفهميني يا ست البنات
.
.
هنا::مش حرم فارس العربي اكيد لازم افهمك وعلي فكره انا كمان بقيت بفهم نظراتك كويس قوي
.
.
صدفتهم ايه وهي خرجه من المطبخ
.
.
ايه بصوت كله دلع::كيفك يا ولد عمي اتوحشناك جوي جوي
.
.
فارس بثبات وبرود::بخير
.
.
هنا في نفسها""كيد الحريم ميغلبوش الا كيد الحريم""
.
.
هنا::ااااااه يا فارس رجلي
.
.
فارس بخضه ::مالك يا هنايا مالها رجلك
.
.
هنا::معرفش يا فارس وجعتني مره واحده
.
فارس::معلاش تعالي نروح نجعد مع فاتن وزياد وترتاحي شويه
.
.
هنا::تمام يلا احسن من واقفه السلم دي
.
.
ساندها فارس وكانت تنظر لايه بنظره كلها غيظ لها .
.
.
.
.
ايه::بنت المركوب شافت نفسها عليا بس ادلعي وشوفي نفسك زين اخرتك رسمهالك ومخططاها زين يا هنا
.
.
.
دخل فارس وهنا الي الصاله التي يجلس بها زياد وفاتن وجلسوا
.
.
فارس بهمس في اذن هنا::مش كان لازم تمثلي ان رجلك بتوجعك يا هنايا كان ممكن تشاوري بس وانا اجدر اخليها تموت بغيظها
.
.
هنا::يا حبيبي مش محتاج تدخل سيباك للكبيره
.
.
زياد::اي يا عم فارس بلاش رومانسيه جدامنا يا جماعه الواحد علي اخره
.
.
فارس::متهدي يا بني انت مش خطبتها وهتبجي رسمي يوم الجمعه
.
.
زياد::خطبتها مش اتزوجتها غير حكم المكان حتي مش جادر اشوفها غير كل فين وفين
.
.
فارس::هانت الصبر بس وانت عارف ايه الي معطل الموضوع
.
.
فاتن بهيام::شكلكوا يجنن انت لابس اسود وهي ابيض كيف العروسه والعريس زي متكونو في فرح
.
.
.
هنا بحزن تحاول اخفائه فمازحتهم::يا بنتي انا عروسه دايما اسألي اخوكي
.
.
فارس بجديه::انتي عروسه جلبي دايما يا ست البنات
.
.
زياد::طيب جوموا ناكل حكمن والله اعيط من وحدتي عشان اكلم البت وحشتني
.
.
.
.
تجمعوا علي مائده الغداء
.
.
فارس بصوت اجش::ان شاء الله يوم الجمعه هنروح نخطب لزياد ومش عايز حديد ملهوش لازمه انا شايف الموضوع زين والاهم ان ابننا رايدها
.
.
كانت هنا تنظر لها نظره اعجاب::اهذا زوجها حقا
.
.
سعاد::كيف ده مش لما نعرف اصل وفصل الناس الاول
.
.
زياد::مش محتاج كل حاجه عارفها وكلها الحمد لله زين يامي مش عايز غير مباركاتك ودعائك تكمل علي خير
.
.
حسن::خلاص يا فارس بجيت الكبير حتي مش كلفت خاطرك تفاتحني في الموضوع ده جبل ما تجول
.
فارس::الموضوع مش يخصني يا عمي ثم انك اكيد هتكون موجود
.
.
ايه::لانا ولا ابويا هناجي
.
.
فارس::جولت اي يا عمي عندك اي مواعيد في اليوم ده
.
.
حسن بتردد::والله يبني لأ معنديش
.
فارس نظر لايه نظره بارده::خلاص الي عايز ياجي يتفضل معانا والي مرايدش بكيفه بس انا واختي ومرتي اكيد رايحين
.
.
سعاد::انت تعرفها يا فارس
.
.
فارس::خاله سعاد اسألتك دي وجهيها لابنك لما تكونوا لوحدكم بس الي اجدر اجوله انه يا زين مختار
.
.
.زياد نظر لفارس بكل حب وامتنان انه يقف في ضهره وانه اخ بمعني الكلمه
.
.
..............
.
.
علي::انتي اي رأيك في الكلام الي قاله انس انهارده يا اماني
.
.
اماني::والله هو باين عليه ناوي خير عشان كده كلمنا في الموضوع ده بس في الاول والاخير رأي بنتك الي هيحدد الموضوع ده
.
.
علي::شوفي وقت مناسب وقوللها
.
.
دخلت عليهم جني
.
.
جني::بابا
.
علي::اي يا قلب وعقل باب
.
جني::بنتك ندا مش راضيه تروح تشتريلي سلايم
.
علي::تعالي وانا اجبلك
.
.
اماني بأبتسامه::محدش هيبوظها الا دلعك فيها
.
.
علي::دي جوجو العسل جوجو
.
........
.
هنا وفارس في غرفتهم وهنا ترتدي شورت جينز وتيشرت اصفر بحملات وشعرها علي شكل زيل فرس
.
.
فارس خرج من الحمام وكان يجفف شعره.
.
فارس بانبهار من شكل هنا الفاتن::يا بووووي هو انا في الجنه ومحدش جالي وشايف الحوور جدامي دلوقتي
.
.
هنا بخجل::يا سلام ليه دا كله
.
فارس اقترب منها::تعرفي اني مشفتش في جمالك في الدنيا كلها
.
.
هنا وضعت يدها علي عنقه::تعرف انك مش هتشوف غير جمالي انا وبس في الدنيا دي كلها لان مش مسموحلك
.
.
.
فارس بخبث::بجولك متيجي اجولك كلمه سر
.
.
هنا بضحكه ناعمه::لا انت اسرارك كترت الايام دي ثم انا محتاجه ادي فاتن المرهم ده عشان رجليها
.
فارس تبدلت ملامحه::بلخلجات دي
.
.
هنا قررت استفزاز غيرته::ااه مالهم حتي انت معجب بيهم جدا اهو
.
فارس بعصبيه يحاول التحكم فيها::يا هنا متخلنيش اتعصب دلوجتي انتي عارفه بتجولي ايه اقسم بأيات الله لو علي جثتي مهتفتحي الباب ده حتي بخلجاتك دي خلجاتك دي ليا انا وبس فاهمه
.
.
هنا انفجرت بلضحك::والله يا فارس انت حكايه اكيد يعني مش هخرج بيهم يا حبيبي قلتلك قبل كدا وهقول تاني انا حفظالك قيمتك في اي حاجه بعملها حتي في لبسي وكمان عارفه انك بتغير وانت بتبقي حاجه صعبه لما بتغير بتبقي زي الوحش
.
.
فارس قربها منه وحاوط خصرها::انا مش بغير بس انا مجنون بيكي يا ست البنات
.
.
هنا بحب::ودي حاجه مفرحاني يا فارس الرجال
.
.
......................
زياد::خلاص يا مؤمن بكره تكون موجود بلورق وتجعد معانا بلمره يمين تغير جو
.
.
مؤمن::تمام يا عريس يلا سلام
.
.
زياد بعد ان انتهت المكالمه وجد رساله من عزه
.
.
((((لو سمحت اتصل بيا لما تفضي)))
.
زياد بأستغراب::مالها البت دي
.
اتصل بها بلفعل وماهي الا ثواني واجابت عزه
.
.
زياد::خير في حاجه حصلت يا عزه
.
عزه::اااه فيه
.
زياد::خير يا بنتي اتكلمي
.
عزه::بص انا بصراحه زعلانه منك من اخر مره كلمتني فيها كان اسلوبك بصراحه وحش
.
.
زياد::يا بنت المجنونه تخليني اتصل بيكي وافتكر ان في حاجه وفي الاخر تبجي زعلانه مني عشان سبب تافهه جدا
.
عزه بحزن::لا مش تافهه يا استاذ زياد وشوف انت مكلمتنيش ولا سألت عليا من امته واخر مره قفلت في وشي تقريبا انا عارفه اني عملتها قبل كدا بس ده كان من كسوفي
.
زياد بتنهيده:::مالك بس يا عزتي مالك احكي يا حياتي ايه الي حصل
.
عزه بتنهيده حزينه::زياد انا مش مصدقه انك خطبتني اساسا موضوع الخطوبه ده مكنش في دمافي فجأه انت دخلت حياتي غيرتها كلها
.
زياد::للاحسن ولا للاوحش
.
عزه::متقولش كدا اكيد للاحسن طبعا
.
.
.
وظل زياد وعزه يتحدثون لما يقارب الثلاث ساعات في كل شئ عن حياتهم وتقربوا الي بعضهم اكثر فأكتشفت عزه انه رجل يعتمد عليه وسيكون لها نعم السند هي ووالدتها وانه يحبها بصدق
.
اما زياد فأكتشف انها طفله اقل شئ يسعدها واقسم علي المحافظه عليها من كل شئ واي شئ
.
.
.
.
...................
.
فوزي::انا هاجي القصر بكره
.
ايه ::يا باشا مش احنا اتفقنا ان هقول اني حا...
.
قاطعها فوزي::احنا بنلعب علي الهادي يا ايه انتي هتقولي كدا فعلا بس انا محتاج الاول ادخل القصر واعرف شويه حاجات ساعتها بس تقدري تقولي الي انتي عيزاه غير ان ام ياسين وخالد لازم كل واحد يكون ليه خطوه هيقوم بيها وساعتها بوووم كل حاجه هتبقي زي ماحنا عايزين
.
.
حسن::براوه علي دماغك دي يا باشا
.
ام ياسين تمسك ايد فوزي::وانا اجول حبيتك ليه يا باشا
.
فوزي همس لها::علي العربيه
.
انسحبت ام ياسين وهي علي وجهها علامات الفرحه فهي ستقضي الليله مع فوزي باشا وبلتأكيد ستخرج بمبلغ جيد جدا وهذا ما تريده
.
.
حسن ::طيب نمشي احنا بجي عشان ميحسوش في الجصر وليله مباركه يا يا باشا .
.
.......................
.
هنا وهي نائمه في احضان فارس
.
هنا::بابا كان اسمه ماجد وماما كان اسمها صافيه اليوم الي هما ماتو فيه كان يوم تخرجي من الثانويه كانت اسوء فتره في حياتي يتيمه مع عم كل همه الفلوس الي ابويا سايبها ليا فضلت عايشه لوحدي علي الرغم انه كان بيحاول بكل الطرق عشان اعيش معاه بس انا رفضت لانه كان عايز يجوزني لابنه
.
.
فارس بأستغراب::هو عمك عنده ابن
.
هنا::عمي مطلق مراته وابنه بيشتغل دكتور في امريكا بس الي مش يعرفه انه متجوز هناك وانا وهو اخوات وبس
.
.
فارس::عمك ده حكايته طويله ووراه مواويل
.
هنا ::فارس
.
فارس::عيونه
.
.
هنا::انا ممنونه قوي لكل الصدف وللقدر الي جمعني بيك علي الرغم اني لغايه دلوقتي مش مصدقه فكره اننا اتجوزنا
.
.
فارس::بس احنا فعلا لسه متجوزناش
.
.
هنا نظره له نظره استغراب::لا وحياه امك فريده يا فارس
.
.
فارس انفجر من الضحك ثم اعتدل وجلس ووضع هنا امامه::ايون يا هنايا لسه لما تلبسي الفستان الابيض ويتعملك ليله يشهد عليها كل الناس ليله تليق بست البنات
.
.
هنا ضمته::انا بحبك وكفايه عليا اننا مع بعض
.
فارس::وانا كمان بعشجك بس دي اصولنا وانا واخد وعد علي نفسي كل حجوجم هحفظهالك ودي اولها حجك في انك تكوني عروسه وتشوفي نفسك بلفستان الي تختاريه وان جيتي للحج انا كمان مشتاج جوي اشوفك بلفستان
.
.
هنا::هكون قمر اكيد والكل هيعجب بيا
.
فارس::متخلنيش ارجع في كلامي عاد بلا الكل هيعجب بيكي انا بس الي ليا حج اعجب بيكي واحبك واتغزل فيكي
.
هنا بأبتسامه::وبتقول شعر كمان
................
.
.
في الصباح
.
اشعه الشمس دخلت غرفه اميرتنا الجميله فجعلتها تستيقظ ولكنها لم تجد فارسها بجانبها فأستغربت فهذه اول مره منذ ان تزوجا لا يكون بجانبها عندما تستيقظ فهي كانت تستيقظ علي نظراته العاشقه لها او قبله صغيره علي جبينها ولكن اليوم لا شئ اذا اين اختفي هذا الفارس
.
.
هنا دخلت الحمام وانهت روتينها اليوم وارتدت فستان لبعد الركبه بقليل لونه احمر صارخ ووضعت روج نفس اللون وتركت شعرها مفرود ووضعته فيه دبوس للشعر علي شكل ورده بيضاء
.
.
.
خرجت من غرفتها وذهبت لغرفه فاتن
.
.
فاتن::صباح الخير علي ست البنات
.
قبلتها هنا من خدها::صباح النور علي الجميله
.
فاتن::اي الجمال ده انتي اخوي شافك كدا
هنا::والله انا الي مشفتش اخوكي اصلا انهارده
.
.
فاتن::تلاجيه في الارض هو كدا لما يجوم بدري من نومه اكده يبجي في الارض وتلاجي زياد كمان راح معاه
.
.
هنا::طيب تيجي احنا بقي نستغل الموقف ده ونفطر مع بعض وبعدها نعمل شويه جلاسات
.
فاتن::موافجه وكمان نجعد جعده بنات بعدها
.
هنا::تمام يلا بينا .
.
..................
.
.
.
شهد::يلا بقي يا ماما عشان امشي تاخرت علي المدرسه
.
اماني::استني بس هتكلم اهو
.
شهد::لا يا ماما انتي مش هتتكلمي ولا حاجه بقالك ساعه عماله تقولي هقول ومبتقوليش والبنات بينادوا اهو يلا نبقا نتكلم لما اجي باي
.
.
بعد ان ذهبت شهد
.
اماني::اجبهلها ازاي دي
.
.
.
سهيله::اتاخرتي ليه
.
شهد::ماما
.
بسمله::عملتي ايه في موضوع الي اسمه انس الي كل شويه يطلع لنا ده زي عفريت العلبه
.
شهد بسرحان::مهو مظهرش من يومها
.
سهيله::ومالك زعلانه كدا ليه عادي يعني مش كدا احسن
.
شهد::اااه طبعا يلا بقؤ مدوا بسرعه هنتأخر
.
...............
.
.
.
هنا بأستغراب:::انتي رجلك اتحسنت قوي يا فاتن معقوله انتي مش حسه او حتي جربتي تمشي
.
فاتن بتوتر::لا مجربتش لانها بتوجعني لما بحاول بس انا كويسه
.
هنا::غريبه التقدم ده ولسه برضوا مش بتمشي انا عدت عليا حالات كتير بس زي كدا مشفتش
.
.
فاتن تحاول تغير الموضوع::يا ستي زهجتي مني ولا ايه عاد
.
هنا::لا طبعا بس انا نفسي اشوفك بتمشي وافرح فارس والي في القصر
.
.
فاتن::ان شاء الله هيكون وهنفرح كلنا
.
جاءت لبني::ست هنا في واحد جاي لفارس بيه من شركته في مصر
.
فاتن::فارس وزياد مش اهنه
.
هنا::عادي اتصلي انتي بزياد وانا هقابله لما يجوا
.
فاتن بتوتر::تمام
.
.
.
ذهبت هنا لمقابله هذا الضيف
.
.
مؤمن بأستغراب::دكتوره هنا
.
هنا بابتسامه::مؤمن
.
.
مؤمن::بتعملي ايه هنا وازي جيتي هنا اصلا
هنا ::اتفضل اقعد بس وانا هحكيلك
...................
.
.
.
فارس::المحصول ده كله ميباتش في المخازن عايز يروح علي المصنع علي طول
.
زياد::خليها للصبح
.
فارس::لا انا شايف انه يروح انهارده المصانع والعمال يبدأو الشغل فيه عشان نكسب وجت
.
زياد رن هاتفه::تمام يا ريس
.
رد زياد علي فاتن
.
زياد::ايوه يا فتونه
.
فاتن::انت يا استاذ ناسي ان فيه حد جاي لكم من شركتكم في مصر
.
.
زياد::ااه صح نسيت خلاص احنا جايين اها بس جدموا للضيف حاجه
.
.
فاتن::مرت اخوي راحتله تستقبله
.
نظر زياد لفارس المنهمك في عمله
.
زياد بهمس::فارس لو عرف ممكن يضايق روحي بسرعه اجعدي معاها لما ناجي مينفعش جعدتهم لوحدهم بسرعه يا فاتن
.
.
فهمت فاتن ان فارس لن يعجبه الامر::خلاص فهمت سلام
.
.
زياد تحمحم::بجولك اي يا كبير مؤمن جه ومعاه الاوراق
.
.
فارس::تمام اكده احنا اساسا خلصنا يلا بينا
................
.
.
.
عزه::انا كويسه يا ماما
.
.
اميمه::بتضحكي علي مين يا عزه علي امك دانا حفظاكي يا بنتي
.
عزه::زياد
.
اميمه::خير الولد ابن حلال وكويس
.
عزه::انا عارفه يا ماما بس انا مش مصدقه لحد دلوقتي فكره دخوله حياتي
.
اميمه::اتكلمي يا بنتي مالك
.
عزه بحزن::انا مش هكدب عليكي يا ماما انا بحب زياد اول مره شفته في الجامعه كأي بنت اعجبت بشكله الجميل وبعدها حصل بينا مواقف كتير حبيت شخصيته ولما رحنا الصعيد وشفت حياته هناك اتخضيت من الحياه دي حياه غريبه جدا بس كويسه واهله كويسين كمان ولما جه هنا واتقدملي منكرش لحد دلوقتي اني فرحانه بس انا مخضوضه وخايفه
.
اميمه::لا اله الا الله خايفه من ايه يا بنتي الراجل كويس وابن ناس ومحترم وشغلانته كويس وذوق ايه الي مخوفك دلوقتي
.
.
عزه بحزن::الي مخوفني النصيب يا ماما
.
اميمه ضمت بنتها::استهدي بلله والي فيه الخير يقدمه ربنا
.
عزه ::امين يا رب
.................
.
دخل فارس وزياد القصر
.
.
فارس::مؤمن جه من زمان ولا اي......
.
قطع كلامه عندما لاحظ هنا وفاتن وهما قاعدين مع مؤمن
.
.
فارس بحده::اهلا بيك يا مؤمن
.
وقف مؤمن::اهلا بحضرتك يا استاذ فارس
.
.
فارس::زياد خذ مؤمن واستناني في المكتب وانا جاي
.
.
زياد كان متأكد ان فارس هيضايق من وجود هنا وفاتن مع مؤمن ولكن ماذا يفعل فقط اخذ مؤمن ودخل المكتب
.
.
فارس بحده::خاله لبني
.
لبني جاءت بسرعه::نعم يا ولدي
.
.
فارس::خدي فاتن وادخليها اوضتها
.
فعلت لبني ما اؤمرت به
.
.
هنا بأستغراب :: في ايه يا فارس
.
فارس امسكها من ذراعها بقوه وذهب بها لغرفتهم
.
.
هنا تحاول تفلت ذراعها فقد ألمها جدا
.
.
بعد ان دخلوا غرفتهم
.
.
هنا::سيب دراعي يا فارس وجعتني ابعد
.
.
فارس ترك ذراعها::عاجبك شكلك يعني
.
هنا بأستغراب::نعم؟؟
.
فارس::الاحمر الي لابساه وشفايف الي مزيناهم بلاحمر وجاعده مع راجل غريب بيهم
.
.
هنا بحده::فارس انت كدا بتغلط بعدين اي كلامك ده ومؤمن مش غريب
.
.
حسنا بطلتنا اخطأت هنا عندما ذكرت مؤمن وكان بينهم معرفه قديمه وفارسنا وصلت غيرته وغضبه الي اقصي حد
.
.
فارس بصوت عالي نسبيا::نعم مش غريب وانتي تعرفيه منين عشان تجولي اكده
.
.
هنا::في ايه يا فارس بتكلمني بلاسلوب ده ليه
.
فارس::هنا متعصبنيش اكتر من اكده فهميني تعرفي مؤمن من فين
.
.
هنا بغيظ::مؤمن كان جارنا من زمان وكنا انا وهو في جامعه واحده معرفتنا معرفه سطحيه يا استاذ فارس ولما جيت لقتنا قاعدين فده عشان خاطر هو ضيفك وانت مكنتش موجود لكن انا عارفه حدودي كويس يا استاذ فارس سواء الي انا حطاها لنفسي او الي انت حطتهالي
.
.
فارس هدء قليلا ونظره لها ::مفيش نزل غير لما اجيلك وامسحي الي علي شفايفك ده والا انا هعرف امسحهولك كيف
.
.
خرج فارس بعد ان شعر بلندم علي كلامه الذي كان يشوبه الكثير من الحده ولكنه سيظل متماسك ببروده معها فهي تعلم جيدا ان طريقه ملابسها احيانا لا تعجبه والان تضع هذا الاحمر علي شفتيها التي جعلتها كقطعه من الفراوله
.
.
.
نزل فارس وظل يعمل مع مؤمن وزياد الي ما يقارب الساعتين وكان بمنتهي الجديه والصرامه
.
...................
.
حسن::فوزي بجي مش مفهوم
.
ايه جلست بجانب ابيه
.
.
ايه::بص يابا دلوجتي احنا همنا ايه انا اتجوز فارس او زياد وانت تأخد نص الاملاك والباجي انا هاخده لما اتجوز واحد فيهم وفوزي دلوجتي همه انه يتخلص من الزفته الي اسمها هنا عشان ياخد ورثها اما خالد فعايز هنا ياخدها ويطلع بره البلد يتجوزها وام ياسين يكفيها انها تفضل في نعيم فوزي
.
.
حسن::تفتكري هننجح في الموضوع ده
.
ايه بخبث::احنا مستنيين بس اشاره واحده من فوزي وساعتها الصعيد كله هينجلب
.
.
.
...............
.
زياد اخذ مؤمن علي الشقه التي كانت تسكن فيها هنا قبل زواجها وفارس ظل في مكتبه الا ان عاد زياد
.
.
سعاد دخلت عليهم المكتب ::يا رجاله الغدا بجي جاهز
.
.
خرج زياد وفارس معها ولاحظ فارس علي الفور غياب هنا
.
فارس ::هي هنا منزلتش
.
فاتن::لا
.
فارس::كيف يعني هي متعرفش ان ده وجت غدا
.
.
لبني::انا طلعتلها والله يا ولدي بس هي جالت ملهاش نفس .
.
.
فارس::ملهاش نفس طيب اتفضلوا يلا ناكل
.
.
فاتن بأستغراب::مش هتروح تجيبها
.
.
فارس::لا الي ياكل علي ضرسه ينفع نفسه
.
.
استغرب الكل من هذا الكلام
.
.
.
.
اما هنا كانت في غرفتها تتحدث مع اميره
.
.
هنا::يا اميره انا مغلطش
.
فارس::انتي مغلطيش بس مكنش ينفع برضوا تردي كدا وبرضوا انتي هناك عارفه عادتهم وتقالدهم غير ده كلوا اصلا فارس زي ما قلتي بيغير عليكي قوي
.
هنا::يعني المفروض اعمل اي اقوله معلش يا فارس حقك عليا
.
.
اميره::يختااااي بقالك ساعه بتتكلمي وانا بتكلم وموصلناش لحل برضوا في الاخر
.
.
هنا::مش هكلمه الا لما يجي ويتعذرلي الاول
.
.
اميره::هنا اقفلي عشان انتي هطيري برج من عقلي ولما توصلي لحل كلميني
.
..............
.
فارس::انا رايح الارض حد عايز حاجه
..
سعاد::انت مكلتش حاجه اصلا يا ولدي
.
فارس::شبعت يلا اشوفكم بسلامه
.
.
خرج فارس من القصر وكانه يحاول الهروب من شئ .
.
فاتن::حكايه عجيبه والله
.
.
زياد::اجوم انا كمان اشوف خطيبتي
.
سعاد::ربنا يسترها يوم ما ناجي ونشوفها وتطلع حلوه وتستاهل ده كلوا
.
.
زياد::بصي يا حجه هتتفاجئ بكره تشوفي
...............
.
حل الليل الساعه ٨ مساء
.
.
هنا بعد محاولات كثيره من لبني وسعاد وزياد وفاتن لادخال الاكل لها ولكن في كل مره ترفضه بشده
.
.
.
هنا بحزن وعيون مليئه بلدموع هو اصلا مش مهتم اذا كلت او شربت او حتي مت خلاص الي في دماغه بيعمله
.
.
طرق الباب وفتح مره اخري
.
.
فتحت هنا بتأفف:: يووه يا داده انا مش عايزه اك....
.
.
قطعت كلامها عندما وجدت فارسها امامها ولكن يبدو علي وجهه شئ غريب .
.............
.
ستووووووووب
.
.
.
بارت طويل
.
المهم انا بكتب في رومانسيات الايام دي عشان لما الاحداث تدخل في الجد متزعلوش
.
.
المهم فولو وفوت وكومنت وشجعوني عشان البارت التاني ينزل بسرعه
.
.
.
سلام