#تضحية_اسعدتني🌹
الحلقة(25)
بنزلها امس فصل النت زدت طولت فيها ونزلتها توا 😅😊
هي لايك قبل ما تقروو 😊
وبعد نص ساعة ممكن طلع الدكتور
رجب :ها شني صار معاك ياا دكتور
الدكتور:للاسف المريض عنده فقداان داكرة جزئ ناسي اخر سنة في حياته
الكل :😳😳😳😳
__________
شرين تليفون امنه ردة وطلعت من الدار
اريام ناضت وقفت وحولت التغدية من علي ايدها وطبست بشوية قعدة اتصكر في عباايتها وطلعت
امنه:حييي وين مااشية انتي ولي خشي الدكتوورة قتلك ماتتحركيش
اريام:لا بنمشي لي سرااج 😢
امنه:ياا بنتي يهديت ربي خشي لين الدوا ياخد مفعوله وبعدين اطلعي
اريام : ياا ماما بالله عليك خليني نمشي انشووفه بس وانجي😢😢
امنه :لا حول الله باهي تعالي هي بسرعة
مش امنه ورفعت اريام معاها وصلو قدام دار سراج لقو الدنيا زحمة
لما شاافوها جاية وخرو كلهم
عمر جاها:اريام لاش متحركة من مكانك شن قتلك الدكتورة
اريام:نبي انشوف سراج
عمر توتر :ااا سراج راقد توا شوفيه بعيدن هي بري
جي سند:اريام الحمد الله علي سلامتك
اريام:سند نبي انشوف سراج
سند شبح لي عمر وتنهد:باهي خليها تخش دخلها
عمر:سند مش ناقصة الحكاية
سند:سيوورها بتعرف
اريام خافت:خيركم سرااج صايرتله حااجة شن هوا اللي بنعرفه
سند:خشييله خشيي
اريام حلت البااب وخشت
رجب :علاش خليتوها تخشله المرا مش ناقصة
سند:خليها تعرف برووحها خير
_______
اريام خشت وسراج كان مغمض عيونه بس مش رااقد
اريام تبكي مشت طول قعمزة جنبه ورقدة علي صدره وقعدة تبكي
سراج فاق يشبحلها وفالت عيونه ومبعد يديه فوق
اريام:الحمد الله اللي جبر بي خاطري وخلاك عاايش قريب قتلت روحي لما قالولي انك متت تمنيت نلحقك قلبي كان شاعل فيه النار وماحدش يقدر يطفيهااا الحمد الله اللي انت توا قداامي مش مصدرقة عيووني
سرااج قاملها رااسها ووخر :اااءء لو سمحتي شكلك غالطة في رقم الدار وخيتي
اريام مسحت دمووعها :سراج مش وقت بصاارتك شن اتقول
سراج:ندوي جديات مني انتي والله مانعرفك
اريام بدت تضحك ودموعها ينزلو :مش مهم مانبيكش تتفكرني المهم انك عاايش
سراج:باهي مني انتي منين تعرفيني
اريام تعيط :سرااااج شني اتقوول شني من انتي اني ارياام اني مرتك معقوولة متتفكش فيا ولا لانك معش تبيني هكي ادير
سراج:تي شني مرتك هادي اني مش متزوج
وتفكر عمر لما قاله بونسيب
خشت امنه تجري هي ورجب وعمر وسند
عمر وامنه طلعوو اريام وهي منهارة وردوها لي غرفتها ونفس الشي ماسكتتش الا بلمهدء🤦♀️
:::::::::
سراج مقعمز ومشاااد رااسه :فهمووني شن في مني اللي كانت تعيط توا وشن اتقوولي اني مرتك
رجب جي قعمز جنب سراج:ااهدا ياا ولدي وقولي بس شن اخر حاجة تتفكر فيها
سراج:اخر حاجة كنت اني ومعاد مروحين من عرس ابراهيم صاحب معاد واني روحت بتت معاه في المربووعة وبعدها نضت لقيت روحي هني
سند:شكشكي ابراهيم عنده حتى ولد 🤦♂️
سراج :فهمني شن في يا بوي بالله عليك
رجب :سراج يا ولدي انت كنت مخطوف وقالولنا انهم صفوك قعدو يدورو فيك لين لقوك ملوح في حوازة يحسابوك ميت واني قبلت فيك حتى العزي والناس اتجي تعزي في حوشنا لاكن طلع ربي كاتبلك عمر ولقو ومزال فيك نبض رفعوك للمستشفى ولما فقت عرفنا انك فاقد الداكرة والموقف اللي تتفكر فيه انت السنة اللي فاتت صاير معاك
سراج حاط ايده علي رااسه ومغمض عيونه ومش قادر يتفكر شي
سراج:يعني اني توا متزوج
رجب:ايه واللي كانت هني هادي مرتك
سرااج قعد يشبح لي بووه مش متفكر حتى حاجة
____________
يوسف كان في حوشهم ويتصل بي ريهام متردش عليه وهوا يسحن علي قعادها في حوش اريام علي خاطر عندهم هلباا ولااد غادي
ريهام كانت في كوجينة حوش رجب هي ومنال يعااونو في البنات
طقطق معاد علي الباب متع الكوجينة
رتاج:وحدة منكم تفتح
منال كانت جنب البااب لبست وشاحها وفتحت لقاته معاد
معاد قعد يشبحلها:ااا ناديلي علي رتاج بالله
منال: ت تماام ... ... رتاج ولد عمك يبيك برا
رتاج :مني ؟ وطلعت ها معاد
معاد :قالك سند طلعيله حوايج ليه هوا ولي سرااج وديري كل واحد في ساكو بروحه
رتاج :تماام به انوتيهم ونتصل بيك تعالا خودهم
معاد:بسرعة متعطليش
رتاج:باهي شن حاله سراج توا فااق
معاد:تي اسكتي طلع فاقد الدااكرة عليك قصة
رتاج:ااااه !يعني معش يعرف حد توا
معاد:لا الدكتور قال جزئ فاقد اخر سنة من حياته بس
هي سقديني بالله عليك
__________________
فات الوقت وروحو بي اريام للحوش قعدة معاها امها وريهام روحت للحوش ومعاها خالتها علي خاطر جدهام مايقدرووش يخلوه بروحه
ركبت اريام لي حوشها دوشت وغيرت حوايجها
امنه:هي بنيتي ارتاحي سمعتي الدكتورة شن قتلك ولا العيل مش تاابت بعني احتمال ترمي ارقدي وبس
اريام:ماما نبي نرقد في حجرك
امنه قعمزة جنبها :هي تعالي بنيتي هي
جت اريام حطت رااسها علي حجر امها وغمضت عيونها ودموعها ينزلوو
امنه تمسحلها علي شعرها :صبري باالك يا بنتي كل شي تو يتصلح احمدي ربي اللي طلع عايش حتى كان مايتفكرش فيك المهم قاعد راسه يشم في الهواا راهو صاعبة المرا يكون عندها صغاار وراجلها ميت اسأليني اني الحمد الله يا ربي الحمد الله اللي طلع عايش تو يتفكرك كل شي ايجي بشوية بشوية
اريام قعدة راقدة في حجر امها وتبكي لين خدااها النووم
___________
ريهام في الكوجينة هي ومنال
منال:تي شخصية الزفت محلااه
ريهام:هوا مرا جي كلمك في الجامعة ولا
منال:ايه هوا كان جاي مع سند
خش يوسف :جييتو طيب فيكم 😒
ريهام:ايه روحنا امبكري
منال:وين كنت امبكري ماما قتلي مايردش عليا
يوسف :كنت في الحوش وكلمتها
منال:باهي نحسابها ماحصلاتكش
يوسف :منال ديريلي حاجة ناكلها
ريهام شبحت لي يوسف
يوسف طلع من الكوجينة
ريهام:خييره هداا شن درتله
منال:خيره
ريهام:يشبحلي اخي وماعبرنيش بكل
منال ضحكت:اتفكري شن امايرة
ريهام:تي مادرت شي
يوسف مقعمز في دار المعيشة وشاد تليفونه
جت ريهام مدتله الصفرة
يوسف من غير ما يشبحلها خداها منها
ريهام :يوسف خييرك
يوسف :خيرني
ريهام :متعفلق مني ؟
يوسف:لا
ريهام:لا متعفلق قولي خيرك
يوسف :فتحتي تليفونك اليوم شفتي كم مرة متصل بيك اني
ريهام:لا تليفوني اليوم كله واني مخلياته في حوش اريام ولما جينا بنروحو حطيته في الشنطة وقاعد لا توا
يوسف:بااهي كويس مش لازم تفتحيه واتقولي في حمار بيتصل ولازم انرد عليه وكان ماتصلش هوا نتصل نسال عليه اني عادي ولا
ريهام:حاشااك حبيبي والله اسفه مش قصدي 😔
يوسف:معش تكلميني لين تتعلمي ان لما نتصل بيك تردي طول
ريهام:تي قتلك ماكانش عندي خيرك يوسف
يوسف:ايه وقاعدتيلي غادي والعيلة كلها مدكراا وتهيجيلي لوطة في حوش امالي سراج وبري لاحسيب لا رقيب
ريهام:شني لا حسيب لا رقيب والله عبايتي ووشاحي ماحولتهم الله
يوسف:تي باهي بااه
ريهام تعفلقت:حلواا شني لا حسيب لارقيب شن قصدك بنقعد قدامهم عرياانة مثلا بعيدن والله مافي ولد خش ولا ريناهم اصلا تعرف شني انتو هكي الرجالة ماتبوش البنت اتكون صادقة وتتصرف زي في وجهك زي في قفاك تبو اللي تتلوعب واللي من تحت لي تحت
وطلعت مشت ركبت فوق
يوسف :شنهياا تعالي تعالي انكلم فيك اني
ريهام مشت ركبت لي دارها ولا كأنه يكلم فيها
ليلى:خيرك انت وياها شن في
منال :يوسف انت اللي غااط صح تليفونها ماكانش عندها وعبايتها ووشاحها والله ماحولتهم اسأل حتى ماما
يوسف تعفلق وطلع
_____________
رتاج:ها حبيبي شن جوك
سند:تمام الحمد الله
رتاج:شن حاله سراج توا
سند:باهي مرا مرا يخرط ويقوللنا في حاجات قديمة
رتاج تنهدت :اااه الحمد الله خلي ينسى المهم ماماتش
سند:اكيد الحمد الله
رتاج:سنودي كليت حاجة
سند:لا ماكليت شي
رتاج:حبيبي بالله عليك علي خاطري اني كان تحبني تمشي توا تاكل حاجة
سند:خاضر وراسك انتي لما ناكل
رتاج:باهي امتى بتروح انت
سند:لا اني بنروح مع سراج غدوا
رتاج:باهي رد بالك علي روحك بالله عليك مرات اللي خطفو سراج قاعدين يرااقبو فيكم
سند:تي ماقتلكش اللي خطف سراج انفجر بيه القارب في نص البحر وهوا هارب
رتاج:الله باهي الحمد الله ريحتني
سند:باهي يا عمري خلي نمشي انشوف بوي شن يبي وانكلمك بعيدن باهي
رتاج:باهي تمام
سند:نحبك
رتاج ضحكت:تي انموت في حبك اني
__________
اريام كانت راقدة وامنه تحوس جنبها غسلتلها خوايجها وضمتلها الحوش وطيبتلها شربة بيضة باش تاكل
الساعة 9:00
ناضت اريام طلعت لي وسط الحوش لقت امها في الكوجينة مشتلها
امنه:صحة النوم
اريام:سلمك
امنه صبت لي اريام من الشربة وعطتها خبزة :هي قعمزي كولي ليك من امس مش حاطة حتى حاجة في فمك
اريام:لالا مانبيش ناكل ماخاطريش
امنه:وراس بنيتي كولي حتى شوية مش باهي ليك هكي حتى كان مش علي خاطرك علي خاطر اللي في بطنك لازم تاكلي
اريام تنهدة: اللي في بطني من اول ما نبت واني مانسمعش الا في الاخبار الشينة شكله منحوس من قبل مايجي
امنه:استغفر الله حراام عليك تدوي هكي طول درتي ان وجهه نحس علاش ماقلتيش ان بوه انكتبله عمر جديد
اريام بدت تبكي :اني خييرني يا ماما خيرني ماتريحتش بكل في حيااتي من لما جبتيني علي وجه الدنيا هادي واني أنعاني ديمة واني اللي مضحية علي خاطركم كلكم ولما جي نصيبي جي لاني انخطفت وعلي خاطر كلام النااس ضحيت واتزوجت والحمد الله صح حصلت رااجل كويس ويحبني وشاريني لاكن متهنييتش علاش يبو ياخدووه مني علاش حاسديني فيه علاش
امنه حضنتها:انشاء الله عند ربي خير ياا بنتي ماتندريش ربي شن داسلك ارضي بحكم ربي يا بنتي وديمة قولي الحمد الله
اريام:الحمد الله الحمد الله 😔
_____________
سراج في المستشفى كانت الدار عنده معبية وصاحابه كلهم عنده ويهدرزو عليه ويفكرو فيه في مواقف صارت معاه ويحاولو يخلو يتفكر لاكن هوا شي شي
_____________
ريهام خشت للكوجينة وشادة التليفون في ودنها :باهي كيف حالها توا
امنه :باهية كل ماتحل عيونها تقعد تبكي لين ترقد تاني
ريهام:باهي شني هوا قاعد ماتفكر شي
امنه:والله مانعرف تو شوية وننزل لي سعاد نسأل عليها وعلي سراج
ريهام:باهي تماام هي تصبحي علي خير
امنه :قدام كل خير
ريهام :خاالتي شن العشي جعانة بنمووت
ليلى:هي ااهو شوية بس خلي يجو الولاد ونصبو المكرونة
خش يوسف شاد شكااير في ايده
يوسف:امي سيف وعمر مش جااين راهو خليتهم قاعدين في القهوا بيكملو المبارة
ليلى:باهي جبت اللي وصيتك عليه كله
يوسف:اهو شوفي وقوليلي شن ناقص
ليلى:باهي سلم وليدي سلمك جياب
يوسف:جدي قاعد راقد
ليلى:لا في الدار يتفرج علي التلفزيون
يوسف شبح لي ريهام وغمزلها وابتسم وطلع
ريهام:ايه هزب وعيط وبعدين تعالا اغمز ودير الجو باش نسامحك
ليلى ومنال ضحكو
منال:حرام عليك يحبك
ريهام:هزبني وظلمني معش بنكلمه حرجانة منه 😒
ليلى :ياا نااري علي وليدي بتهبليه 😂
حطو العشي وتعشو مع بعضهم وناضو البنات غسلو الماعين وخشو لي الدار
الساعة12:00
يوسف طقطق علي باب الدار
ريهام: خش
يوسف فتح الباب وخش
ريهام كانت راقدة علي السرير شافاته ناضت قعمزة
يوسف:نبيك شوية تعالي
ريهام:شن تبي
يوسف:تي تعالي شوية بس خيرك
ريهام ناضت وقفت ومشت قدام الباب:ااهو جيتك شني هي
يوسف جبدها من ايدها وطلع هوا وياها دخلها لي الدار اللي بايت فيها وصكر الباب
ريهام:حفضتهم حركات شن تبي هي
يوسف دفها علي الباب ووقف قدامها :اسمعي مش وقت عراك مستاحشك وقرب وباااسها
ريهام:😳😳
يوسف يبووس فيها وريهام ادف فيه ماقدراتاش
يوسف وخر:اسف لاني كلمتك هكي امبكري لاكن كنت غااير عليه وقلبي يغلي عليك غلي تخاايلي اني نمشي انباات عند ولد عمتي وهوا عنده هلبا خوات بنات وانقولك اني متلاقيتش معاهم بكل ولا ريتهم بتغاري ولا ماكش غايرة
ريهام:انغاار 😔
يوسف :هاا ريتي خلاص وتلفت وراه مدلها وردة حمرا
هادي ليك يا وردتي قطعتها من الجنان 😍
ريهام ضحكت:انت كيف تضحك عليا وتخلي فيا انسامح فيك طول هكي
يوسف حاضنها :ماهو تحبيني يا حماارة ماتقدريش تحرجي مني
ريهام تضحك:يووسف خنقتني
يوسف :شن رايك ترقدي جنبي اليوم
ريهام:لا نتحشم من خالتي
يوسف :باهي اني بنرقد رقديني وبري
ريهام:به تعالا هي
رقد يوسف وريهام راقدة جنبه وخاضناته ويهدرزو هما الزوز لين يوسف خداه النوم ورقد غطاته ريهام وطلعت
___________
تاني يوم السااعة 11:00 الصبح سراج طلع من المستشفى للحوش لقي النووبة تضرب قدامه وبوه دبحله خمسة خرفان وزعوهم علي الجيران
كانت مربوعتهم ملياانة ملي كلهم جااين لي سراج خش سراج سلم علي امه ونساوين عماامه
اريام كانت مقعمزة وتشبح لي سراج كيف يسلم عليهم كلهم وعاارفهم بلواحد الاهي قعدة تبكي
سراج سلم عليهم كلهم الا اريام الكل كان لاهي في سراج وماحدش تفكر يقول قدامه ان اريام حامل
الهم فاات اليوم كله وسراج يسلم والنااس خااشة طاالعة
روحو النااس كلهم وحتى امنه ام اريام روحت خشو العيلة كلهم مقعمزين في وسط الحوش ويهدرزو
سراج ناض وقف :اني راسي يوجع فيا بنخش نرقد هي تصبحو علي خير ونشي جيهت داره
اريام شبحتله وانصدمت انه بيرقد في داره
سعاد:وين مااشي برا ارقد فوق في حوشك شن بترقد في دارك
سراج:حوشي علاش حوشي تام هوا
سند:ماك متزوج وين عايش امالا
اريام واجعها خاطرها وقرب تبكي :اااءء خلوه يرقد في داره مرات يستريح اكتر
سراج يشبحلها وساكت
رجب :لا لا شن يرقد هني يركب يرقد فوق في حوشه كيف يخليك بروحك
اريام عيونها دمووع :لا يا عمي بالله عليك خليه براحته سيوره يتفكر متضغطوش عليه اني مش بروحي ااهو تحتي هنادي وصفاء كان نبي حاجة انكلمهم
سعاد:باهي اقعدي باتي هني حتى انتي مش لازم تركبي
اريام:مرة تانية انشاء الله هي تصبحو علي خير
وطلعت
سراج فتح داره وخش
رجب :لا حول الله وخلاص
اريام ركبت لي حوشها وهي تبكي خشت لي الدار فتحت الدولاب طلعت تيشرت سراج قعدة اتشم فيه وتبكي حولت القفطان اللي كانت لابسااته ولبسة التيشرت وخشت لي السرير رقدة
سراج رااقد في السرير ويفكر في اريام
سراج:زعمة كنت نحبها خديتها علاقة ولا لا يااربي نبي نتفكرها مش قادر
وبدوو ينوضو يروحو بشوية لين فضي الحوش
سراج فاتح تليفونه ويقراا في الرساايل اللي بينه وبينها ويشووف في المكالمات لقي روحه يكلم فيها هلبا
والرسايل كانو رسايل اثنين عشاق
سراج:اياااه شكلنا كنا نحبو بعض مسكينة مش مبطلة بكي واني زايدها هم زعمى انوض انشوفها تي لالا وين نعرفها باش انخش عليها في الليل تي هي مرتي الزفت عادي
ناض سراج طلع من الدار ومشي وقعد يساير في روحه بشوية باش قدر يركب من الدرووج وهوا يتألم
وصل قدام الباب تفكر انه ماعنداش مفتاح كانو في محابس غرس في جنب الباب طبس فيهم لقي المفتاح قامه وفتح الباب وخش
خش وقعد يشبح في الحوش
سراج:سبحاان الله امس الحوش هدا كان قاعد بلك وحتى تملعيق مش ملعق
قعد يدور ويتفرج علي الحوش
اريام كانت شادة كاترو فيه صورة سراج ولابسة تيشرته وراقدة
خش سراج لي الدرا بشوية وشاف اريام راقدة مشي جيهتها وشافها شادة صورته ولابسة تيشرت واضح انه مش ليها ومتع رجالة عرف ان التيشرت ليه
سراج قعد يشبحلها ووجعااته هلبا طلع من الدار وقعمز علي الصالون حط راسه التالي وغمض عيونه
اريام ناضت من النووم طوول حطت ايدها علي فمها ومشت تجري للحمام ترجع
سراج سمع صوت ناض طول مشي جنب الحمام
اريام كانت واقفة تغسل في وجها
سراج:اااءء انتي كويسة
اريام انخلعت وقعدة تشبحله
سراج:اا يعني كانك مريضة نرفع انعاينك
اريام:يااربي اني مش نااقصة ياارب كان نتخايل فيه خلي يتنحى من قداامي يارب
سراج ضحك:تتخايلي حتى فيا انتي ؟ لا اني حقاني مش خيال اني حقااني
اريام:ااء امتى ركبت
سراج :توا مالياش هلبا
اريام :كان تبي حاجة قولي ومش عارفها وين قولي تو انطلعهالك
سراج:لا مانبي شي كنت نبي نطمن عليك بس
اريام :اااه لا شكرا متخاافش مافيا شي
سراج مالا خيرك كنتي ترجعي
اريام خشت لي الدار ورقدة علي السرير :مانعرفش مرات عادي حاجة طبيعية
سراج:كيف حاجة طبيعية انك ترجعي ؟
اريام: مرات من الحمل 🤷🏻♀️
سراج:اااه ح حمل ؟😳
اريام:اي حاامل حقا نسيت اانك فاقد الداكرة خلي انعاود انقولهالك مرة تانية اني حامل
وتلفتت وتغطت
سراج:كيف حامل من مني ؟
اريام ناضت قعمزة:شنيييي؟؟من مني وضحكت بهزو من ولد جيرانكم 🙂
سراج تعفلق:بلا تمهتيك سألتك جاوبي 😡
اريام تبكي :سرااج خيرك اني مرتك اني اريام كيف تقدر تنسااني كيف وتنسى حبنا لي بعض كيف 😢
سراج:م ماهو اني قريت الرسايل اللي بينا في تليفوني وعرفت ان اني وياك كنا نحبو ب بعض وركبت هني لان نحسابك فايقة ونبيك تحكيلي كل شي من اول مرة تلاقينة فيها اني نبي نتفكرك يا اريام
اريام فرحت ومسحت دموعها :جديات تبي تتفكرني
سراج هز راسه
اريام: به تعالا قعمز
جي سراج قعمز بحداها وكان متوتر ومتحشم منها لان التيشرت اللي لابسااته قصير وهي تحكيله وهوا يشبحلها ومتوتر
المهم اريام حكتله كل شي من يوم اللي تلاقو في المستشفى لا اليوم اللي انخطف فيه كل شي حكاته بتفصيل ...
سراج شاف الساعة :خلاص انتي ارقدي توا الوقت تأخر الساعة اربعة توا
اريام ماتبيشي ينوض :اااءء انت بتنزل ولا بتبات هني
سراج:لا بننز لوطة
اريام :باهي دير اللي يريحك 😔
سراج سخفاته:معليشي تحملي لين نتفكرك اسف مانقدرش انبات معاك في نفس المكان واني حتى تفكير مش متفكرك
اريام تلفتت خدة الكاترو اللي فيه صورته وحضنتها ورقدة :خلاص برا
سراج ضحك وطلع
________
تاني يوم
الساعة 11:00
ناضت اريام غيرت حوايجها ونزلت لوطة لقت سعاد وولادها كلهم والكناين مقعمزين يفطرو مع بعضهم
خشت اريام:صباح الخير
سعاد شبحتلها :حيي علياا حيي منها البنت هادي لاش نازلة مش قتلك الدكتورة معش تركبي وتنزلي مش باهي ليك
اريام:كسااد بروحي فوق يا عمتي نقلق منحبش نقعد بروحي
رجب :هي تعالي يا بنتي تعالي افطري معانا هي
سراج يشبحلها وساكت
اريام :لا لا صحتين ماعنديش نية
رجب :لاا عاد مايجيش هكي لازم تاكلي تعالي هي
اريام تحشمت من رجب وجت قعمزت بحداهم وقعدة دوب ماتنبش
سند:سراج مش كان نحسابوك متت وبكينة عليك شوية تبدا تدلع علينا
سراج:توا انت بكيت عليا شوية ياا كداب تي قاالولي يشدو فيك شدان بتقتل روحك
سند يجد في خيط الشحن :كداابين والله لا كداابين هاات الشحن
سراج :باهي حول ايدك خير مانوضلك شحني هداا
سند:تي انت عطيتهولي قبل عرسك يا خرااا
سراج :لا لا كداب مستحيل نعطيهولك تي شحني اهواا اصلي جايبة من تركيا
سند :ياادرااه الكبد مااك فاقد الدااكرة معش تتفكر انك عطيتهولي تي انت عندك واحد جديد تتجعد بيه جايبة من فراانسا
سراج :تي امتى مشيتلها اني فراانسا هات الشحن بلا كدب
اريام:ااء سراج شحنك انت قاعد فوق في القجر متاعك اللي جنب السرير
سند:هااا ريت الحمد الله ااهي مرتك تتفكر
سراج :لا لا اني مش مصدق كيف نعطيك شحن اصلي اني قاعد مهبلتش
سند :ماهو شوف يا غزال انت قبل عرسك كنت فرحان بطير لدرجة انك بديت اتوزع في كل شي علي الناس عطيتني اني الشحن وعطيت لي احمد الشفرة متع الصفار اللي تحبها وعطيت لي معاد الدجاكة الزرقة اللي كنت عاشقها ويااما عاطي تاني مان بندكرك
سرااج:اااااااه 😨 ياافرخ الحرام مستغلين اني ناسي كل شي وياخدو مني في حاجاتي ويقولولي انت عطيتنا
ناض سراج :والله لما انردهم حاجة حاجة وطلع مشي لي معاد واحمد
_____________________
ليلى:امنه بري نوضي البنات ويوسف تلقيه راقد في داري
امنه مشت ركبت نوضت البنات ويوسف
ناضة البنات نزلو فطرو ويوسف قاعد راقد
ليلى:شني يوسف شكله راقد اموخر امس
منال:مش عارفة
ريهام:لا لا يوسف امس رقد من الساعة طناش
ليلى:باهي اركبي وحدة منكم اتنوضه اكيد عنده خدمة وممشاش
ريهام :تو نركب انوضه
ناضت تجري ركبت فوق لقت يوسف راقد
ريهام خشت وصكرت الباب
ريهام قعمزت جنبه :يوخيتي محلااا هلغزاال اللي راقد
و بركت فوقه
ريهام :سووفتي حبيبي صباح الخير
يوسف:ريهام قتلتيني 😣
ريهام اتبوس فيه :محلاا هشدوق محلاااهم وقعدة تقرص فيه
يوسف :ريهاااام ااممم حولي 😖🤦♂️
ريهام حولت من فوقه
يوسف تلفت ورقد علي رجليها
ريهام:يوسف
يوسف:عيون يوسف
ريهام ابتسمت :شن عندك بعدين العشية
يوسف:انفضي روحي علي خاطرك شن تبي
ريهام:في محل فاتح جديد نبي نمشيله اني ومنال ترفعنا
يوسف باسلها ايدها:حاضر نرفعك
ريهام :سلم حبيبي يحضرلك الخير هي نوض افطر وقت كان بتمشي لي بوك راه
يوسف :علاش الساعة كم توا
ريهام:حداش ونص
يوسف ناض :عادي مزال اصلا ماعندي شي اليوم الخرايط كلهم كملتهم امس
وسمعو صووت دوشة في الشاارع ناض يوسف وقف في الرووشن لقو جارهم يتعارك هوا ومرته في الشارع
يوسف :مش هادي جاارتكم اللي جت هداكا اليوم
ريهام جت وقفت جنبه :حييي اي هي 😂
يوسف :ياا شماامتيا معش تضحكي عيب
ريهام :تمشي تشيط لما انخطفت اريام اتلود عند الجيران واتقوللهم هااربة خليها توا ربي يزيدها
يوسف :ااه كان هكي معناها ربي يجازي فيها
ريهام:باهي هي تعالا ننزلو
يوسف :بري انتي اني بنخش للحمام تو انجي
______________
رتاج كانت فاتحة السبيكرة متاعها واضم في داارها وتغيرلها في ديكوورها
اتصل بيها سند فتحت الخط وقعدة اتسمع فيه في الاغنية كانت اغنية سر الحياة
سند يضحك
رتاج حولت التليفون ونقصتها :هاا شن رايك في جو السبعينات
سند:تي انمووت في دين امك انتي وجو السبعينات متاعك
رتاج ضحكت:حليلي منك 😍
سند:خيرك مامشيتيش للجاامعة
رتاج:ماعنديش اليوم
سند:باهي شن اديري
رتاج:خاصلة في داري نبي انغيرلها ديكورها بنغير مكان الدولاب والسرير
سند:انتي ومني مديريهاش بروحك
رتاج:لا بروحي مني بيديرها معاي يا حسرة
سند:تي شني بروحك بتحركي سرير ودولاب
رتاج:الولاد راقدين وسارة عندك شطانة الرجيم تسنيم علي صبح ربي مشتلها
سند:امك وبوك وين
رتاج:بابا في الخدمة وماما ادير في الغدي
سند:باهي امك عادي اني جاي
رتاج:بتجي ايدها معاي
سند:اي امالا انخليك اديريها بروحك اني جااي
رتاج علت السبيكرة :سررالحيااااة موو بالماال سر الحيااة عيوونك سر الحياة عيونك
سند :ياا مهبوولة اني جاايك تو انوريك
رتاج صكرت الخط ونزلت تجري فتحت البااب وشوية بس وكان سند قدام الباب
اسماء:شنوو🤨
سند:بلا جوو يا سييمو بنغير معاها ديكور الدار مخليينها برووحها كان انتو معش تبوها اني مزال نبيها
اسماء:باهي غير بسرعة بسرعة قبل مايجي عمك يقعد يهزب فيا
سند:متعدليش عليه وركب هوا ورتاج
سند خش وصكر البااب وشدها
رتاج:لااا متفقنااش هكي حني
سند:اصلا ماتفقناش علي شي حني
رتاج:باهي هي بسرعة قبل مايجي بابا
سند:ناخد بوسة قبل وقرب بااسها 💋
رتاج:خلاص حول هي
سند خدي السبيكرة ووصلها في تليفوونه
وفتح اغنية محمد السالم ابويا بويا
سند يدف في الدولاب :اصلي حبي وياك وباقي الناس تقليد هوه العنده مثلك بعد من الله شيريد ابويه بويه بويه بويه بويه بويه
رتاج :زيد هني شوية حطه من الجيها هادي
سند: عيني عيني عيني عنيي عيني عيني بس انته التارس عيني عيني عيني عيني عنيي عيني عيني ويه انفاسك خليني
رتاج:بوي بوي بيجي توا بي زرقلي عييني بسرعة يا مهبول مش وقت رقييص 😂😂
سند: ادوخ ابحبك اني واذوب بهاي العيون اذا تحتاج روحي اخذها واني ممنون
رتاج:بااهي تو بعدين انفكر في الموضوع توا هي بسرعة 😅
سند جبدها من ايدها وباسها في خدها بلقوة
رتاج:🤦♀️🤦♀️🤦♀️🤦♀️
__________
الساعة 2:30
سراج يبي يغير خوايجه ملقي شي في دولابه اللي في داره الا شوية حوايج عادية
سراج:امي حوايجي وين
سعاد بحسرة :خوايجك في حوشك يا ولدي
سراج:باهي ابعتي حد يمشي يجيبهملي مانبيش نركب
سعاد:ياا وليدي حرام عليك اللي ادير فيه في ها البنت والله مسيكينة بتهبل عليك معش تعاملها هكي حتى كانك ناسيها هادي في النهاية مرتك وولدك في بطنها سايرها واضحكلها مش لازم تتفكر شي المهم عاملها باهي بس راهي يتيمة والدنيا امرمطتها ماتزيدهاش حتى انت سلم ولدي براا اركب لي خويشك وبات فيه ماتندريش مرات لما تقعد فوق تتفكر شوبة حاجات
سراج تنهد:باهي يماا حاضر😪
سعاد:سلم وليدي يحضرلك الخير وين ماكان ويفتحها في وجهك برا اركب هي
سراج طلع ومشي ركب فوق لي حوشه وطقطق علي الباب
اريام وقفت ورا الباب:مني
سراج:ااء اني سراج
اريام فتحت الباب وابتسمت :خش
سراج خش وصكر الباب :اا جيت نبي انغير حوايجي
اريام ضحكت:سراج هدا حوشك يعني خش امتى ماتبي مش لازم اتقولي علاش جاي
سراج:باهي طلعيلي حوايجي منعرفش وين محطوطات
اريام :حاضر تعالا هي
خشت اريام لي الدار وسراج وراها
اريام:شن تبي تلبس
سراج:منعرفش طلعيلي اي حاجة
اريام :ماهو قولي ماشي للمكتب ولا طالع
سراج: مكتب شني علاش اني نخدم في مكتب
اريام:مش امس حكيتلك عاد قتلك من لما مسكت قضية عيلتنا بديت بعدها تخدم في المكتب انت وصاحبك اسمه مهاب
سراج:ااه ايه شفته جاني مهاب امس لاكن مقاليش ان نخدم معاه في المكتب
اريام:المهم توا ااهما طلعتهملك خلي انحددهم
سراج :باهي حدديهم
وتلفت شبح لي السرير ورقد وحط راس علي المخدة وغمض عيونه
.
.
.
.
""سراج:شن الجو يا متكم
اريام:مليح الجو 😂😂
سراج:خيرك مكترة مكياج في خليقتك 😑
اريام:وينه المكياج العفو وجهي زي الليمة القارصة
سراج:تي اما ليمة قارصة رموشك زي جنواح الحمام كان ترمشي مرتين اطيري
اريام :ههههههههههه ياا باارد والله مامكترة بااهي
سراج:معش اديري مكيااج اني نحبك هكي ووجهك اصفر مافيشي شي""
.
.
.
سرااج قام رااسه بسرعة وناض قعمز :امتى صار الموقف هدا وحط ايده علي رااسه وغمض عيونه يبي يزيد يتفكر معش قدر
اريام :سراج اهما حيواايجك حددتهم
سراج:ااه ايه هاتي هي صحيتي
اريام تشبحله وعيونها يلمعو
سراج خدي حوايجه وخش للحمام غير حوايجه ووقف قدام المراية قعد يسلت في شعره وفام الريحة شمها ودار منها
اريام مقعمزة علي السرير وتتفرج عليه
سراج جي بيطلع شبح لي اريام :ماتبيش انجيبلك شي
اريام :سراج رد بالك علي روحك بالله عليك مرات زياد اللي خطفك قاعد يلحق فيك
سراج:اللي خفني اسمه زياد هو؟
اريام:ايه ردبااك منه بالله عليك
سراج:قالولي ان وهوا هارب علبحر انفجر بيهم القارب ومات هوا واللي معاه
اريام :الله! 😯 باهي الحمد الله الحمد الله اللي تريحنا منه
سراج ابتسم وجي بيطلع
و اريام وراه:ااا سراج نبي نطلب منك طلب ؟
سراج تلفت ويشبحلها :شني
اريام :نبي نحضنك 😔
سراج قعد ساكت ويشبحلها بعدين ابتسم:به عادي وقرب جيهتها
اريام الفرحة مش ساايعتها وقربت منه وحضنااته وغطست رااسها فيه وتستنشق في ريحته
سراج اتوتر وحط ايده علي ضهرها
اريام تبكي وزادت لفت ايديها اكتر :استاااحشتك اتااحشت نحضنك وانشم ريحتك استاحشت نرقد في حضنك سراج انت تعدب فيا كل يوم وانت مش متفكرني ومش متفكر احلى اياامنا مع بعض قتلتني قتل لما قلتلي مني انتي قتلتني يا سراج 😭😭
سراج صخفاته اريام وهي تبكي وخرها وقعد يشبحلها:اسف مش قصدي هادي حاجة مش بيدي لو عليا اني اكيد نبي نتفكرك لاكن مش قاادر صدقييني انحاول لاكن مش قادر
اريام:خلاص سراج مضايقش روحك علي خاطري اني كويسة المهم انت جنبي وماخداتكش مني الموت عادي اقعد عمرك كله ناسيني لاكن المهم عايش وقدام عيوني
سراج ابتسم :صدقيني حيجي يوم ونتفكرك فيه انتي اصبري عليا بس
اريام مسحت دموعها :خلاص برا انت عطلتك
سراج:بااي وطلع
اريام صكرت الباب وهي فرحانة انها حضنت سراج
___________
فات اليوم هدا عادي جدا وفي الليل سراج قرر ان هوا يركب يرقد فوق لاكن ماباش يرقد جنب اريام رقد علي الصالون ومع هدا هي فرحاانة بطيير
___________
وسام :حااضر يا حناي حنخليها اتكلمك وعد
حناه:ماتنسااش وراس وليدي نبي نسمع صوتها ونبي انشووف عمر بالله عليك جيبهولي وراس وليدي
وسام تنهد:حاضر عمر مانعرفاش لاكن حنخلي ريهام توريهولي وانقوله انك تبي اتشووفيه اني ماشي توا ماتبي شي
حنااه تبكي :سلامتك يا ولدي ربي يفتحها في وجهك
مريم جت جنب امها: خلاص ياا امي معش تبكي انشاء الله كل شي يتحسن ويرجعولك صغار ولدك متخافيش
منوبة :انشااء الله ياارب انشااء الله
#يتبع❤
#hèmø🍓
✏بقلمhèmø tk📚