رواية #دبدوبتي_الجميله
( كوميديا ممزوجة بلواقع )
للكاتبة WK
الرواية بلهجة الليبية
الحلقة 12
اية : اف خلي نطلع قبل ما ينوض
انس جبدها من ايدها طاحت عليه
اية مصدومه و جها احمرررر 😑🔥
انس : شني اديري في داري ! علي فكره سمعت كلامك كله
اية : نبي نبي شحن
انس : نحسابك بتقولي نبيك 😂
آية : وين الشحن
انس : .عندك علم لما غرقتي نحسبك موتي بعدين قالي راجل انفخلها في فمها باش اطلعي المياه الي شربتها 😂 مهم حطيت فمي علي فمك و قبل مايكمل كلامه
اية مصدومه ؛ ضم فمك يا حقير اصلاً اني الحيوانه الي جايتك
انس : و احسن حيوانه في الدنيا 😂
اية : تافه 😑
طلعت و خلته
عندي اني وصلنا لي الحوش راتبنا الحوايج و كل شيء في مكانه و رقدنا لي ساعه 10
ناضت ألقيت عمران مش بجنبي قالت أكيد عند امه غيرت حوايجي و نزلت
عند عمران 🔥
انزل لي امه بيشوفها أسمع صوت دوشه خش
القي خالاته و مروه معهم 🤦♀️
سلم عليهم و بيركب شدو فيه قاعد معهم
عمران : بنطلع برا شويه و انجي
أمه : به بعدين تعالى
عمران : انشاء الله
طلع عمران لي الجنان علي إساس بيركبلي لحقته مروه 😈👏
مروه كانت لابس شرت قصير لصق علي جسمها و بلوزه مفتوحه من جيهت الصدر و شعرها قيمتها فوق
مروه بدلع : عمران الحمد الله علي السلامه
عمران : الله ايسلمك
مروه قربت منه
مروه : استحشتك
عمران : بعد أدنك بنركب
مروه لصقت فيه
مروه : علاش حبيبي ادير هكـي خلاص اني اسفه لو زعلنا مني
خدت ايده حطتها علي خصرها و لفت ايدها علي رقبته وقدمت بكل جراء باسته علي فمه
اني في لحطه هاذي انزلت و شفتهم كنت مصدومه و نبكي 😭💔
ركبت نجري لي الحوش
عمران بعد مروه من عليه
عمران : مروه خلاص ماعدش في بينا شيء اني انحب آيات و مستحيل انخونها
مروه بعيط : كيف توا جاي اتقولي انحب آيات واني شني اني شني ليااا سنين نستنا فيك و عطيتك كل شيء
عمران ؛ مروه نقصي صوتك
مروه : بسهوله هاذي تخليت عليااااااا
عمران : دافها و ركب 😑
مروه : الأيام بينا يا عمران 🔥
عندي اني خشيت قعمزت علي السرير ونبكي معقوله ايدير فيا هكي بعد كل الي درتهوله
سمعت صوت الباب
عمران : آيات آيات حبيبي وينك
خش لي دار النوم القني نبكي و عيوني حمرررر
عمران قرب مني بخوف
عمران : خيرك ايات اتكلمي شني فيك
اني دفيته من كتافه
اني : حول من عليااااا ماعدش نبيك خلاص كل شيء بينا انتهي برا انزل لي مروه اكيد تستنا فيك
عمران : كان مصدوم بعدين افهم ان ايات شأفتهم
اني : خلاااص طلقني و اتجوزها خير من الحرام الي ديرو فيه
عمران قرب مني و انبعد لاين أوصلت في السرير قعمزت و هوا قعمز قدامي و شد أيدي
اني : حول من عليااااا
عمران : انتي واتقه فيا
اني : اني شبحت كل شيء بعيوني
عمران : به قولي واتقه فياااا
اني : قبل اي لاكن توا خلاص شبحت كل شيء بعيوني
عمران : صدقيني ماعاد في حاجه بيني و بين مروه والله العظيم
اني : والي شبحته بعيوني
عمران. : قاعد يحكيله في القصه 🤦♀️
اني : كيف تبيني انصدقك
عمران : و انشاء الله اخر يوم في حياتي كان نكذب عليك
اني حطيت أيدي علي فمه
اني : اششششش صدقتك ماعدش اتقول كلام زي هذا
عمران : باس أيدي
عمران : ربي ايخليك ليا ولا يحرمني منك ❤️
اني : ضرباته علي كتفه اخر مره انشوفك واقف علي مروه
عمران ابتسم : حبيبتي الغيورة 😂❤️
اني : مالا شني 😌
عمران : تعالي نبيك في موضوع 😎
اني : ههههه لالا مش فاضيه توا
عمران : غير تعالي بس 😂😌
قعدت نجري و هوا يجري وراي لاين شدني 🤤❤️
( خلوهم في حالهم 😂)
عند ميسم
خشت لي حوشهم و امه تسالى فيها و هياااا تبكي امشت لي دارها و سكرت علي روحها الباب
احمد حالته زيها بزبط ممكن اكتر منها مابش يروح لي حوشه حس ان اخييي بدونها امشي لاستراحه صاحبه
فات الليل علي البعض حلو و علي بعض نكد و هم 💔
تاني يوم عند حوشنا
اية : معقوله يا مرت عمي امي ليها قريب اسبوع ماكلمتنيش نتصال بيهم مقفل اف والله امس مارقدت واني خايفه عليهم و قلبي نار عليهم🔥
امي : يابنتي انشاء الله آلمانع خير توا أنكلم وحده من خالاتك اكيد حتى هما في العرس
آية : اي أنسيتهم مره وحده
امي : خلاص ضمني بألك توا بنمشي انكلمهم
آية : انشاء الله خير
ناضت امي اتصلت بي خالات ايه
خالتها : السلام عليكم
امي : وعليكم السلام
خالتها : كيف حالك صالحه و كيف حال سالم
امي : الحمد الله بخير كيف حالكم انتم
خالتها : الحمد الله كويسن
امي : والله بنقولك وين حليمة آية ادور فيها
خالتها شهقت : العفو كيف وين حليمة
حليمة طلعت روحت من امس الصبح
مش معقوله تقعد الوقت هذا كله في الطريق
امي مصدومه : به به انشاءالله خير توا انكلم سالم انقوله شوفهم
خالتها : بالله عليك ردي عليا كأنه سمعتي حاجه
امي : بادن الله
سكرت و القت ايه ورها تبكي و ترعش مع بعضها
آية : بالله عليك قوليلي هما بخير
امي حاضنتها
امي : انشاء الله خير يا بنتي
آية : والله انموت بعدهم ياربي احفظهم من كل شرر.
امي : اهدي توا بنمشي انكلم عمك
اية : تمام
امشت امي أتكلم في بوي
انس: خش ألقها تبكي قرب منها بسرعه
انس بخوف: خ خيرك آية شني فيك
آية تبكي : وقعدت تحكيله
انس : بآدن الله مافيهم حاجه
اية : خايفه عليهم بنموت
قرب انس منها ومن غير تردد حاضنها بقوه ❤️
وآية كنت محتاجه الحضن هذا شاده في انس زي البيبي الصغير ❤️
امي متوتره اتصلت بيا قالتلي 💔
كلمت عمران طول جابني عندهم😥
العايله كلهم متوتره 💔🔥
مع العصر
بوي خش علينا و كان وجهه اصفر و عيونه حمررر 💔
اية جاته تجري
اية : بالله عليك قولي يا عمي وينهم
بوي : مش عارف شني انقولك
اية : بالله عليك ياعمي أتكلم قولي اي حاجه
بوي يتكلم بصعوبه: امك وبوك امس طلعوا علي اساس مروحين و هما في الطريق دارو حادث و عطوك عمرهم 💔
انزل الخبر زي السم علي قلوبنا 🔥
اية اتعيط بهستيريه : لالا مستحيل لا ياربي لا من عندي غيرهم في الدنيا اااااااه ياقلبي
وقاعده اتعيط لاين طاحت علي طولها قاعدنا انفيقوا فيها مابتش اتنوض قامها انس رفعاها لي مستشفي يجري
بدأت الزحمه في الحوش و كل مره يسمع حد ويجي و صوت العيط واصل لي اخر الدنيا عمي و مرت عمي الناس كلهم ايحبوهم عمي راجل طيب و علي نيته و يخدم في الناس و مرت عمي علي حالها ربي ارزقهم بي آية بس يعني آية بنت وحده ماعندهش خوت 💔
وصل انس لي مستشفى و نزلها يجري 💔
وهوا خايف عليها 😞
دخلوها وشويه و طلعت الدكتوره
انس : شني حالها توا
دكتوره : الواضح انها تعرضت لي صدمه صارلها انهيار عصبي درنلها تغذيه و عطيناها مهدي
انس : شكراً دكتوره
دكتوره : العفو هذا و اجبي
قاعد انس إيدور في الممر لاين سمع صوتها تبكي و أتحول اتنحي التغذيه
انس امشلها يجري حاضنها و هيا ادف فيه
انس : اششش خلاص ماعدش تبكي بالله عليك توا ادموعك ما يغيروا شيء ادعيلهم بس
اية تبكي بهستريه و اتقول في كلام مش مفهوم
انس : تبي اتشوفيم ولا
آية أتحرك في راسها بمعناه اي
انس : خلاااااص اشششش معادش تبكي كملي التغذيه باش اتشوفيم لي اخر مره 💔
مانقدرش نوصف حالتها مافيش اصعب من فراق الأب و الأم 💔 🥺
مافيش كلمات نقدر نوصف شعورها 💔
بعد ساعات روحت اية ما قالتش ولا كلمه اتشوف في الحوش زحمه و ناس اتعزي فيها زي المسبوها خشت قعمزت و تشبح و خلاص 💔
انس كان خايف عليها كل شوية يكلمني عليها 💔 و يكون ردي نفس الشيء مقعمزه و تشبح و خلاص 💔😭💔
امي كلمت احمد وقالتله جيب ميسم عيب قدام الناس
جابها و مادوش معها ولا كلمه 💔🤦♀️
مع ساعه 11 كلمني عمران عزاني ❤️
وبعدين قالي :
عمران : سامحيني علي كل شيء درته فيك
والله انحبك و لو صارلي شيء مانبيكش تزعلي ولا توقفي حياتك علي خاطري بلعكس كملي بكل قوه بس خلي في بألك حاجه وحده اني عمري ما قلبي دق لي حد لاكن انتي خديتي عقلي و قلبي و كل شيء فياااااا انحبك من كل قلبي 💔
سمعت كلامه و انزل عليا زي السم ماقدرتش ارد عليه بس دموعي ينزلوا زي المطر طحت علي طولي 🔥
امي: آيات ايات بنتي 😱😱
يتبع .....
قريب الاخيره ❤️
تفاعلوا 👏توقعاتكم 😍
وفي حد طلب مني نوصف مهند 😂🤦♀️
طويل و ضعيف نقاشه علي الأسود حلو و جذاب ❤️ الكاتبة WK
إذا عجبتك القصة لا تنسي الإعجاب و الإضافة ليصلك كل جديد و مشاركة القصة مع الأخريين
و لا تنسوا أيضا تعليقكم و اقتراحاتكم لنقدم ما تريدونه
MBC LIBYA