بالحقيقة لساني يعجز عن التعبير لوصف هيج نماذج
تتهجم وتسب وتغلط علمود وقفت القصة
طبعاً اغلب المتابعين جاي يطالبون اكمل القصة
ومعذورين هذا دليل على حبهم للقصة يردوني اكملها
وطلبهم كان بأسلوب محترم
بس اغلبكم يعرف طريقة كتابتي لبارتات القصة كله اكتب يوم بيومه وانزل
فعذروني انا ما اكدر اتغاضة عن
سقوط مئات الشباب الي سقطوا شهداء خلال ايام معدودة
ولا اكدر ارجع هيج بكل سهولة استمر اكمل كتابة القصة بكل دم بارد وكأن شيئاً لم يكن
يا ناس والله صعبة علية اكتب وانا
اشوف مقاطع الفديو الي تنقل لحظة استشهاد عشرات
الشباب بعمر الورد شلون انقتلوا بصورة وحشية
اتحدى واحد يشوفه وما يبجي وگلبه ينمرد
يعني معقولة كل هاي الكوارث الي صارت بهاي الايام
ماكدرت تأثر بيهم زين وين الانسانية والرحمة
اعرف راح تكولون الحياة لازم تستمر ولازم كل واحد بينا يرجع
يكمل مسيرته بالحياة
لكن اكو شي اسمه وقفة حداد
اكو شي اسمه انسانية ورحمة وتضامن
بربكم شوفوا التعليقات وحكموا بالله هذا اسلوب مال وحدة دتطلب بارت
وخلوا ببالكم كل وحدة تعكس اخلاقها وتربيتها
اذا هذا اسلوبج علمود تطالبن بقصة اتأخرت عليج
فأنا ما راح اعتب عليج اطالب ان يكون عندج احساس وطني
لان بالاصل انتي ماعندج احساس
ومنين اجيب احساس للي مايحس
وعلى فكرة انا هوايتي كتابة القصص واحب اشاركم بيها
يعني محد دافعلي راتب وراح يكطعه علية
ومع هذا الكل يعرفني ويشهدلي انا كاتبة ملتزمة واحترم متابعيني
والي يشوفني عكس ذلك ان انا كاتبة غير ملتزمة وما محترمة متابعيني خلي يغلي متابعتي وبعد لا يقرأ قصصي
لا يستفزني ولا اضوجه
وهاي صور الي بيها التعليقات وانتوا وحكموا