🇮🇶🇮🇶🇮🇶
سوري نسيت انشر والله 🤦♀️
WhiteRose557
#الاستاذ والمشاكسه
........
ومدري ليش ارتآأإح يمگك
واأإنت تارسني تععــب ،✨ ♥️
ساره : حسيت بعد وفات بيبي الهيه امي الثانيه عالم نكلب كلشي تغير بعيوني وصارت الدنيه مالهه معنه راحت فجئه حته ما ودعتهه جان فراقهه اله اثر كلش جبير علينه وخاصه جدو طول ايام الفاتحه ما دخل للبيت وسكن المستشفه بعد السابعه ما ردت اشوف لمتنه من دون بيبي ومن يفرغ علينه البيت من الناس ستنجدت بزينب الجانت مواساتي الوحيده بهاذ الوقت رحت وياهم عله بيتهم جانو الكل يهتمون بيه وكاني بتهم عمو خاله كعدو يواسون بيه وزنوبه والولد حاولو يغيرلي جو شوي واجه اخر شخص اتمنه ايشوفني بهاذ الوضع فهد دخل سلم وعيونه علي كرهت نضرات العطف البيهه
فهد : شلونج ساره
ساره : بصوت مبحوح الحمد الله
فهد : الحمد الله
ساره : ماكدرت اكوم استحيت منهم وزينب مامنتبهه علي حته اشر الهه لمتهم وسوالفهم حلوا الله يديمهه حزت بنفسي وتذكرت لمتنه وكعت دموعي عله خدي بدون ما احس وشوي شوي صرت اناشغ بجي نخبصو بيه اجتي زينب حضنتني وخاله تمسح عله راسي زاد بجيي
فهد : زنوبه لبسن عبيجن خل ناخذهه اتشم هوا
وتغير جو
زينب ' لا فهد ما اكدر بدون اذن من اهلهه
خالد : كومي زنوبه اني انطيج الاذن خذوهه عله المتنزه القرب منا تشم هوا
زينب : ماشي بابا ... اخذنه ساره عله المتنزه وكلبي محروك عليه بس ماريد ابجي وياهه اني اريد اصبر عليهه هدئت شويه بس ساكته وتباوع عله الفراغ ضليت احجي وياهه واواسيهه
فهد : زنوبه اكدر احجي وياهه شويه
زينب : ماشي راح اجيب الهه مي واجي
فهد : كعدت يمهه اباوع الهه شلون ناعمه وذبلانه من الحزن ماتحملت سحبتهه الحضني وخليت راسهه عله صدري اريد اسحب اللم كلبهه
ساره : ما حاولت ابعده حسيت راح هوامن بحضنه مثل بابا او عمو من يحضنوني جكد محتاجتهم هسه بس همه يردون ليواسيهم وحضنه عوضني عنهم .... هسه بابا وعمو يبجون عله امهم وجدوا اكيد مايكدر ينام ليش صار هيج والله هيه مماذيه احد ليش راحت
فهد : يمكن حته ترتاح رب العلمين ختارهه ساره الموت حق ونتي لازم تصيرين قويه حته تساعدين البقيه جدج هسه وحيد لازم تملون عليه دنيته حته لاسامح الله ما تخسرونه بس اذا انتي هيج منهاره لعد البقيه شلون هاذ عتراض عله حكمه رب العالمين بعدين تعزي بعزاء السيده زينب عليها وتذكري مصيبتهه شلون صبرت ساره بيبي هسه عايشه بكلبج والله هوا ارحم الراحمين راح يرحم بحالج وينطيج الصبر نشالله انتي بس كولي يا الله
ساره : يالله ختلت بصدره وكمت اشهك بجي وهوا يمسح عله راسي لحد ما غلب عليه النوم
فهد : حسيت نفسهه ثكل دموعهه تجوي بكلبي اباوع الزينب تبجي وياهه خطيه شلتهه خليتهه بالسياره ورجعتهه عله البيت ورجعت شلتهه لفراشهه ما اريد تكسر نومتهه نامت مثل الطفله ابدي ما افاركهه راح ادعيلهه الله يبرد كلبهه
...........
زينب : نامت ساره وانه اتكلب بفراشي اذا ساره هيج لعد هوا شلون ما تحملت راسلته كتله نايم مارد ولا طلع شايفهه رجعت كتله انته بالبيت هم مارد اووف وين ختفه هاذ بديت اغفي وسمعت صوت رساله طفرت عله التلفون تفاجئت من كال
علي : لا انه رجعت لكربله وابوي وياي
زينب : كتله هاا الحمد الله عله سلامتكم واسف ازعجتك يالله رتاح
علي :تحسر اي ارتاح
زينب : سكتت ماعرف شكله واواسي هوا حجه
علي : ليش بعدج كاعده
زينب : هاا هيج ما جايني نوم
علي : ساره شلونهه
زينب : الحمدالله نايمه هسه
علي : ديري بالج عليهه
زينب : نشالله بعيوني
علي : تسلم عيونج يالله نامي
زينب : ونته
علي : زينب لاتفكرين بيه مابيه شي هسه انام
زينب :.......
علي : ليش سكتي ما مقتنعه مو
زينب : ي اعرف ماراح تنام وراح تبقى تشرب جكاير
علي : وهسه انتي مستعده تسهرين وياي لحد ما انام حته ما اشرب جكاير مو
زينب : كلت بدون تفكير ااااي قصدي اذا تحب
علي : هه بشرط تلغين هواي وما تخليني امل لا اسده بوجهج
زينب :هههه ماشي تعالي شنو الغي هواي اصلن اني كيوته وكلامي قليل
علي : اي واضح
زينب : ههههه.... بقيت ارطن عله راسه واسولف بمعنه وبدون معنه اريد اشوش تفكيرا وهوا قليل يرد علي لحد ما سمعت انفاسه واحاجي مايرد عرفته نام سديت النقال ونمت احس فجي يوجعني من الحجي بس المهم اخفف عنه
وهيج مر هاذ الاسبوع بين ساره الي بدت تتحسن شوي وبين استاذ علي كل ليله اتصل بي واحجي ويا لحد ما ينام مرات يفتحلي كلبه ويحجي عن امه وذكرياته وياهه مرات لا يكتفي يسمعني واني انطلق ويا بدون حواجز جهزت نفسي ودعت ساره واهلي ورحت الكربله للقسام شفت البنات ونقهرت عله اركان بس فرحت الطيبه انو تصالحو وراح يعرسون بالعطله
داومنه اول يومين ماكو متحانات ماكدرت احجي ويا لان صار شي ضوجني وخفت يحس علي ويسئلني يوم الجمعه باليل خابرته مثل كل ليله بوقت متاخر لان البنات نايمات بس مارد علي كلش خفت عليه اتصلت اكثر من مرا واخر شي رد
علي : بصياح موووو تشوفيني ما اررررد ليش تلحين لااااااا تتصلين بعد
زينب : ماعرف اوصف شعوري بهاي اللحضه بس الاعرفه انو كرهت نفسي لدرجه ما سمحت النفسي انو ابجي لان هاذ الشي من ايدي اني الذلت نفسي خليت هاذ الوجع بكلبي حته يذكرني كل ما احن عليه سديت النقال وانوب رجعت من حركه كلبي كسرت الشريحه ومسحت الواتساب وكل البرامج مال هاذ الرقم ثاني اسبوع بدينه نقرا للمتحانات ومحاضرات وهاذ اهو عده اسبوع ما شفته عقلي يكلي لا تهتمين وكلبي يدور عليه واخايف صار ويا شي جبت خط جديد وسويت البرامج
داومنه لاسبوع الثاني وتفاجئنه من دخل علينه بس سمعت صوته رفعت راسي شفته ونزلته بسرعه ضعفان وشعرا ولحيته طولانه بس هيبته ما متغيرا بس الحزن مخيم عله ملامحه خلصت المحاضرا مدنكه راسي بالشوا الطلاب يطلعون واني اول وحده سحبت الكتاب وطلعت وهيج مرت الايام بالمحاضرا ما ارفع راسي واذا شفته بدرب اغير طريقي بالكفتريا اطلع او ما اطب اذا موجود لحد ما خلصنه متحان الكروس اخر يوم دوام
اتصلت بمرتضى يجي ياخذني بعد الدوام جهزنه غراضنه وسلمنه المفاتيح اخذنه محاضره والثانيه هوا سمحت النفسي اودعه بنضرات خاطفه لان حتمال ما اشوفه بغداد لان ما اعتقد يجي البغداد بعد خلصت المحاضرا ودعت البنات اجه اركان اخذهم واخذت جنطتي من الامنيه ورحت انتضره بالكراج جانت الساعه ب ١١ تقريبن كعدت عله مصطبى جانبيه اباوع عله الرايح والراد وشفته دخل للكراج بسرعه سحبت جنطتي وختلت ورا الاشجار ماريده يشوفني اباوعله يتلفت ماعرف عله شنو يدور وانه اتمنه يمشي باسرع وقت بس حضي الزفت خله سمير يجي بهاي اللحضه لو مرتضى بيهه مجال بس سمير صديقه سلم عليه سلام حار وكفو يسولفون شويه واتصل سمير بيه لا يالله هاذ ليش بعده واكف يالله روح رديت ستعجلني بالجيه رحت درت من غير طريق ودخلت من باب الكراج خو ما اطلعله مت بين الاشجار امشي مدنكه ودكات كلبي اللف اول ما وصلت يمهم تجاوزته ورحت السمير باوعت رفعت راسي وسلمت عليه هوا هم اخذي بالاخضان تكول بته
سمير : هله بزنوبتي ولج والله مشتاقلج البيت ما بي طعما بدونج
زينب : واني هم مشتاقتلكم ليش اجيت انته مو عله اساس مرتضى يجي ياخذني
سمير : صار عندي شغل اهنا كلت اجيبج بدربي والحمدالله كمله الصدفه الحلوا بشوفه علي
زينب : ما لتفتت
سمير : يالله علاوي نشوفك بخير مر البغداد لاتكطع وسلملي عله الوالد والاهل
علي : سلم عليه بنفسك هسه وكت غده وغداكم يمنه وما اريد اعتراض
زينب : لا ياربي سمير فدوا لاتوافق
سمير : لا ما نزحمك علاوي ورانه طريق
علي : ازعل منك والله هاي وينهه بغداد ساعتين يالله مشتاق الكعداتنه سوا وايام الشيشه
سمير : هههههه صار بيهه شيشه شتكولين زنوبه لو نروح نضرب الغده يمهم
زينب : بتسمت بضوجه لا ويضرب شيشه همات رحت صعدت بالساره وهوا صعد سيارته يمشي واحنه وراه لحد ما وصلنه للبيت هاذ الاخذني عليه من احترك القسم نزلنه تلكانه عمه بالسلام
سمير : زنوبه فوتي للبيت
زينب : مشيت اندل الطريق باب المطبخ مسافه عن باب الاستقبال مالتهم حسيت خطوات وراي عرفته هوا ما لتفتت سرعت خطواتي وفتت ستقبلوني بالصلاوات وخاصه عمه سناء وهوا فات صعد بدل ونزل ستعجلهم بالغده وطلع تعرفت عله نسوان عمامه وبناتهم حبابات بس عبسي كالب خلقته علي وبيبيته يتباوع علي تكول نازله عليهم من الفضاء اخذتني عمته سناء للمطبخ كاعده اباوع عليهم شلون يجهزون الغده ما قبلت اساعد بس يسولفن وياي سوالفهن حلوا
جاي اضحك ودخل علي اجت عيوني بعيونه نزلت راسي وطلعت من المطبخ لان ينكل بالاكل
صبونه اكل شكله يشهي بس استحيت اكل كلهه تباوع علي
بيبي : يمه ليش ماتاكلين احسج ناشفه مابيج لحمه
سناء : ههههه يمه شنو ناشفه ماتشوفينهه جنهه العافيه بس عيونهه بعشر نسوان
امل : ليش عمه نمونه اصلن عيونهه فاهيه
سناء : اي فاهيه هوا المايلوح العنب شيكول اكلي حبيبه اكلي
زينب : ههههه هياتني دا اكل والله .... فاهيه محلك عبسي كلت بكلبي من الغيض
سناء : يمه فدوا لهل حلك
زينب : هههه .... كلش تونست بينهم بعد الغده عمه سناء صبتلي جاي واخذتني للبستان ورا البيت يخبل كعدنه عله الثيل الهوا يرد الروح
سناء : اي يا زنوبه ليش اتصل عليج وماكو
زينب : اي مو اني غيرت خطي
علي : معناتهه مغيرا خطج
زينب : جفلت من صوته وراي بس ما درت وجهي دنكت راسي وبقيت افرك بيدي توترت
علي : عمه تركينه شويه بس احاجيهه كلمتين
سناء : ماشي بس لا تتاخرون
زينب : دكات كلبي تقرا الف كعد كدامي
علي : زينب باوعيلي زينب مو احجي وياج
زينب : تفضل اسمعك
علي : ما احجي اذا ما تباوعيلي
زينب : باوعتله وعيوني مغرغرا بالدموع صفن بوجهي بعدين مسحه بكف ايده
علي : اسمعج احجي شتردين مني بالضبط
زينب : باوعتله بصدمه ثواني..ششنو قصدك ستاذ
علي : هه زينب خلص لعبتج صارت مكشوفه احجي كولي شتردين بالضبط وشنو غايتج من التقرب مني مرا ثانيه
زينب : رتعد كلبي من كلامه ودموعي وكعد بدون قيود .... اااي لعبه شنو هاذ الكلام استاذ
علي " بتسم بستهزاء ليش مو ميكفيج واحد توهمين ابن ختالج بالحب والزواج وبنفس الوقت تتوددين الاستاذج اعتقدت انتو انفصلتو كلت عادي نخلص وقت بس انو ثنينه سوا لا عذريني اني ما احب الفضلات مال غيري يعني طول النهار انتي ويا واني تحجين وياي باليل
زينب : وكفت وجسمي بالكوا حاملني من الصدمه ضليت اتلفت ورجعت اشرت عله نفسي كتله بصدمه هاااذ الكلام وياي علي وكف وبلحضه سحب ايدي ولزمهه بقوا رادت تنخلع اباوع العصبيه ونضرت الحقد والكره بعيونه كال
علي : دموع التماسيح وهاذ التمثيل بعد ما يفيد وياي والله لدفعج ثمن السنتين العشتهن بعيد عن امي والوجع الحسيته من فقدتهه وهيه بحسرتي واعيشج اضعاف اضعافه اني وحده زعطوطه مثلج تضحك علي كتلج لا تراويني وجهج بعد لان ماراح ارحمج بس رجعتي اجيتي برجليج وهسه تحملي الراح يصير وياج وشوفي وجهي الثاني لان كلبي خلص دفنته وي امي
زينب : نتر ايدي ومشه ونزع روحي من جسمي واخذهه ويا وترك بس حطام كلامه اقوا من انو استوعبه بالحضتهه وانطي عليه رده فعل معينه اخذ مني ايام وما كدرت احلله لسه بنقطه الصفرالجان يحجي عنهه وكلامه جان موجه الي حياتي وكفت بلحضتهه ماعرف شلون طلعنه منهم مااتذكر بس كلامه وتهاماته هوا فسر مساعدتي اله تودد واني لسه عله علاقه بعلا لهل درجه اني حقيرا بعينه ضليت ليالي الوم بنفسي اباوع النفسي بالمرايه اني منو وين زينب صايرا ما اعرف نفسي ياريت ما انطيت مجال الكلبي وباقيه زينب المايهمهه شي عايشه برائه وبطيش اووف ربي ساعدني دخيلك راح اموت
...............
رشا : خلصت امتحانات ومنتضرا عمو يخلص شغله حته ياخذني لهلي لان يريد يشوف بابا جنه كاعدين عله الغده وعمو كال
العم : بابا رشا جهزي نفسج باجر نشالله نتوكل البغداد
رشا : ماعندي شي جاهزه باوعت الثائر ماعرف ليش جان تارك الاكل ويباوع علي نزلت راسي
مرت عمهه : والله تعودنه عليج يمه راح نشتاقلج
رشا : تسلمين عمه ما اتاخر نشالله كله ١٥ يوم
ما اتاخر ...بعد الغده صعدت رتبت ملابسي بالجنط ونزلنه العصر سوينه كعده اني والبنات بالحديقه جبنه حبشكلات كيك وكرزات سوافهم تونس بسيطات مو معقدات ومرت عمو تسولف عله جاراتهه ضحكنه وصل الراس الشارع دخل ثاءر زعك بينه لان صوتنه عالي بعدين راح جاب شيشه واجه كعد يمنه كعد كدامي ومركز علي صايرا اتوتر من وجوده صحاني من افكاري صوت هاجر
هاجر : الله رشا خلخالج يخبل امانه جيبيلي واحد مثله من بغداد
رشا : ببتسامه نشالله تستاهلي هديه جان نطيتج ايا بس راح اجيببكم احله منه رفعت راسي شفت عيونه مركزه عله رجلي البيهه الخلخال ستحيت غطيتهه باوعلي ورفع حاجبه
عل عشه ما جان موجود عمو كال معزوم صعدت الغرفتي سبحت ولبست تراك حته انام
جاي امشط وندك الباب رحت فتحته عبالي هاجر طلع بوجهي ثائر سديت الباب بوجهه ورحت لبست شال ورجعت قتحت الباب
.....اسفه عبالي هاجر
ثائر : عادي بس لا تعيديهه تعالي للحديقه اريد احجي وياج شويه
رشا : كال هيج ومشه شبي هاذ لفيت الشال ولبس روب ونزلت ورا كاعد بالحديقه وكفت عله راسه كتله .... تفضل
ثائر : شبيج واكفه عله راسي كعدي
رشا : كعدت كدامه عيونه نزلت الرجلي وكال
ثائر ؛ منو هداج ياا
رشا : بستغراب شنووو
ثائر : الخلخال ملاحض انو ما تنزعي
رشا : وشنو يخصك هاذ الشي كلت بثقه
ثائر : احم لا ميخصني بس حبيت اشوفه حته اجسب الهاجر مثله لان عجبهه
رشا : ممم دنكت نزعت الخلخال احس عيونه تراقبني خليته كدامه تفضل شوف خمشه من ايدي وبقى تفحص بي مديت ايدي رجعليا اذا خلصت باوعلي وبتسم وحطه بجيبه كتله بستغراب شدسوي رجعليا
ثائر : شبيج مراح اكله اراوي للصاغ وارجعه الج
رشا : بس اني باجر رايحه انطيني يا واني اجيب الهه وحد وياي من بغداد
ثائر : لهل درجه غلي عندج
رشا : اي كتلك هديه
ثائر : منين
رشا : ااا فهمت انته ما هامتك هاجر هدفك تعرف منين بس عناد بيك ما اكول رجعلي خلخالي
ثائر : ماكو خلخال انسي معناتهه لان بعدج ما تعرفيني بالعناد تصبح عله خير يا حلو
رشا : تركني ومشه ضربت رجلي بالارض ورحت ورا جان يمشي اشبه بالركض وصل الغرفته قبل لايسد لزمته
ثائر : روحي اريد انام انتهه النقاش
رشا : لا بالله اشو ما انتهه والليله ما تنام اذا ما ترجعه
ثائر : فتح الباب عله وسعه تفضلي لاتخليني انام بس اني مو مسول عن اليصير الج داخل الغرفه تعرفيني رجال اعزب والدنيه ليل ونتي غمزليهه
رشا : نصدمت من كلامه ولفيت الروب من نضراته كتله واني اضرب رجلي بالارض منحرف ودفعته من صدرا ودرت حته امشي ولحضه ما احس غير انسحبت ونضربت بصدرا اليصعد وينزل بسرعه باوعتله بخوف من تصرفه شنو
ثائر : يحجي وراص سنونه هاي الحركه ممنوع تنعاد لا اكسر ايدج مفهوووم
رشا : دفعني وسد الباب بوجهي بقيت مصدومه ورعب دخل كلبي هاي كله لان دفعته من صدرا بس والله مجان قصدي الاهانه ليش اخذهه بهيج نضرا غبي اني صوجي اتعاطه وياا رجعت للغرفه معصبه من نفسي بالكوا نمت كعدت الصبح مرهقه جهزت نفس لبست بنطرون وقميص وفوك يلك للفخذ ومكياج بسيط نزلت اني والجنطه كاعدين عله الريوك صبحت وهوا كاعد مهتميت اله بالعاده ما اتريك اذا وراي سفر ماكعدت وياهم كتله عمو انتضرك بالسياره
بعد ما ودعت البنات ومرت عمي وطلعت كعدت بالسياره وغمضت عيوني وتكيت راسي بنعاس شوي وفتح بابا السياره علي درت وجهي عنه
ثائر : باوعيلي
رشا : باوعتله نعم
ثائر : هاج
رشا : شنو هاذ
ثائر : خلخالج
رشا : ماكان اله داعي تخلي بعلبهادخذته منه وخليته بالجنطه بدون هتمام علعموم شكرآ
ثائر :كتلج اكره هاذ الاسلوب ليش تعصبيني منج
رشا : غمضت عيوني اطلب الصبر وكتله ما مجبور تتحمل اسلوبي وتتقرب مني تكدر تسد الباب وتصبر فد ربع ساعه راح تلكاني ختفيت من حياتك باوعتله يباوعلي بنضرا غريبه
ثائر : ياريت بهاي السهوله اطلعين من حياتي يالله اجه عمج ديري بالج عله نفسج ونتبهي عله لبسج بغداد ترا عيوني بكل مكان ماشي واذا حتاجيتي اي شي اتصلي بيه الله وياج باي
رشا : حجه بضوجه وسد الباب انسان غريب شما احاول ما اكدر افهمه اجه عمو سلم عليه طلعنه وهوا عيونه علي حسيت بنقص اول ما طلعنه ما اعرف شنو بعد ساعات طويله بين النوم والتعب وصلنه لبيتنه حسيت ابامان اول ما شفت بابا وخوني وبيتنه مشتاقتلهم وهمه فرحو بعمو بس زينب ماكو ما شفتهه ترددت اروح الغرفتهه سئلت ماما عنهه لان ما نزلت
وداد : والله يمه مادري شبيهه من اجت من الجامعه لليوم هاذ وضعهه حابسه نفسهه بالغرفه وحته اذا نزلت بس صافنه وضعهه ابد ماعاجبني
رشا : كلبي نغزني اكيد هل الشي اله علاقه ب علي بس يا ترا شنو الصاير بينهم وصلهه الهاي الحاله ورا الغده نزلت سلم عله عمو بس اني ولا كانهه تشوفني وصحيح مثل ما كالت ماما بس تصفن وتحجي ويه عمو بمجامله مالهه خلك لازم اعرف شنو صاير وياهه لان اكيد سببه انه
...........
زينب : حاولت انو الي صار مايئثر علي لان كله غلط واني مو هيج ولازم مايأثر علي بس فكره انو ماخذ هاي انضرا علي كدر ياخذ من طاقتي يوم بعد يوم صارت الايام تمر نفس الشي نعزلت بغرفتي عن اهلي وحته عن حياتي كلهه بس الانسان الوحيده المانعزلت عنهه ساره الان اعرفهه محتاجتلي وحالهه ما يفرق عن حالي بدل ما كنه نلتقي نسولف ونضحك وناكل ونلعب هسه صرنه نشكي همومنه وحده للثانيه وهيه هم الدنيه خذت منهه ضحكتهه وشيلتهه هم اكبر منهه اليوم كل عاده كعدت متاخر لان صاير النوم هوا مهرب الي من الواقع نزلت لكيت عمو عدنه جايب رشا اول مرا احس بحقد عليهه لن هيه سبب اشاعه علاقتي ب علا رغم سامحتهه بس هسه اجدد الوجع بكلبي العصر حسيت ختنكت من البيت كلت اروح اشوف ساره وخاله منال دائما تسئل عني اخذت اذن ماما ورحت اتصلت بساره تفتح الي الباب فتحته وحضنتني
زينب : شبيج خنكتيني تكول صار سنه مشايفتني
ساره : هههههه فرحانه لان اجيتي لينه يالله فوتي لاتبقين بالباب
زينب : كلي النفسج مو كفتني بالباب
ساره : هههه فوتي فوتي خل نصعد الغرفتي
زينب : هههه عله كيفج راح توكعيني ايا عوبا شنو هاي غرفتج
ساره : شسوي مالي خلك كعدت ابحوش
زينب : نزعت عباتي والشال وذبيت نفسي عل سرير يمهه ..وليش مالج خلك يا ست ساره ليكون فهد رجع هددج
ساره : اهوا لا تذكريني بهاذ الثاني مسوي علي حضر تجوال بالجامعه
زينب : ههههه احسن حته تبطلين وكاحه
ساره :اووف هوا ينطي مجال جان كبلت
زينب : ههههههاي اذا هيج نيتج لعد كبلي ويا
ساره : والله هيه فكرا حلوا بس المشكله هوا ستاذي وغير هيج عصبي واني اريد واحد كيوت
زينب : كون يسمعج هسه جان سواج كتكوت
ساره : ههههه اي والله هسه عوفينه منه وكلي شعجب طلعتي من حجرج اليوم
زينب : مادري ختنكت وضجت
ساره : اجتي رشا مو لسه ما تصافيتن
زينب : صعب وخاصه بعد الي صار
ساره : ليش شنو صار
زينب : ما صار شي قصدي عله المشاكل القديمه وهسه كومي جيبي شي اكله بدون غده اجيتج
ساره : من عيوني
زينب : نزلت ساره واني بقيت بالغرفه جكد حذرت نفسي بس مالكيتهه غير واكفه اباب غرفته جنت مطمنه هوا بكربلاء فتحت الباب ودخلت غرفته انيقه ومرتبه مثله ريحته بيهه وكانو موجود بيهه قبل اشوي نزلت ادموعي من اتذكرت كلامه واني اتجول بالغرفه واباوع صورا
وكاني اعاتبه واوعده هاي اخر مرا راح اضعف بسببه نفتحت الباب اكيد ساره جكد فشله مسحت دموعي ودرت عليهه ببتسامه بس جمدت بمكاني كلبي راد يطلع من مكانه مثل الحارامي ولزمو وهوا يبوك تمنيت الكاع تنشك وتبلعني واني اشوفه واكف كدامي نتبهت عله عيوينه شلون تتجول عله طولي نتبهت لنفسي شنو لابسه تراك برموده ونص ردن اسود وشعري مفتوح نخلست نزلت راسي وبالكوا رجلي حملتني حته امشي كدامه اريد اطلع بس هوا واكف عله الباب رفعت راسي باوعتله بثقه مصطنعه كتله مرخصتك افوت بس
علي : هه ليش خلصتي الشي الاجيتي عله موده
زينب : باوعتله بستغرب كتله ششنو قصدك باوعلي بنضرا مستفزه كرهت نفسي
علي : ما تغريني هاي الحركات
زينب : وهاذ خنجر ثاني غرسه بكلبي بس ماراح انوله مراده وانكسر كدامه حجيت بصوت مخنوك غصب عني ...اجنت اعرف انته هنا واسفه لان دخلت غرفتك بهاي الطريقه مو قصدي ابررلك لان ضنونك بيه ما تهمني ياريت اذا خلصت كلامك تبعد عن الطريق خل افوت مارد علي بعدين بعد عن الباب فتت الغرفه ساره لبست العبايه والشال عله السريع واني انزل عله الدرج لاكتني ساره بصينيه الاكل كتله راح اروح سمعنه تكسير بغرفته ماجاوبتهه طلعت وعفتهه تسئل وراي مستغربا طلعت واني ما اخذه عهد عله نفسي وراح انفذه لو كلفني ادوس عله كلبي
غطاني بسوالف دفو ، وعلمني احبه وعافني !💙
الكاتبه WhiteRose557
# انريد وطن
ألله يرحم الشهداء الي سقطو بساحه التحرير الليه وينقم من الحكومه يارب🤲💔