صباح الخير حبايبي شلونكم 💜
مشتاقتلكم كووومة 😍
#احببت_فصليتي_رغماً_عني
البارت العاشر ....
يلا نبدي ...
↓
↓
↓
__
سوسن. طلعت فوني وفتحته ونطيته لأزل تفضلي هذا الدليل
ازل. فتحت فونها ونطتنيا كالت هذا الدليل وجان اشوف صدمة عمري. لكيت مجموعة محادثات وصور لحسن وبنية مااعرفها كعدت اقلب بالمحادثات والصور وانصدم صدمة ورة ثانية كانت الصور لحسن وبنية مااعرفها وماخذين لقطات بوضعيات محلوة ابد ومحادثاتهم سوة اباوع بالنقال واني احس دمي فار وعيوني كامن يغوشن من الدموع ليش هيج يحسن ليش من بدايتها حتخربها واني الي كلت صار يحبني وراح نعيش حياة حلوة خربتها قبل لتبدي
_
حسن. سوسن انطت النقال لأزل وازل ضلت تباوع بي حسيتها ضاجت وعيونها دمعت ماعرف شنو شافت جليت صوتي وكلت
حسن. شو نطيني هذا الصخام (النقال) اشوف شبي
سوسن. بي مصايبك
ام فاضل. سوسن سدي بوزج وكافي خلينه نفتهم
حسن. ازل نطيني التلفون
ازل. كنت بعدني مستمرة اقلب بالمحادثات واسمع كلامهم بس مجنت مهتمة الهم شوي وحسن كال نطيني التلفون
حسن. اني شنو دااكول نطيني التلفون
ازل. اي هاك تفضل شوف سوالفك وية الست الخانم
حسن. ياخانم انتي شو جيبي اشوف
جريت الفون منها وكعدت اقلب بالمحادثات والصور وحالي صار مثل حال ازل مصدوم وكلشي ممفتهم هاي شنو وشوكت اني هيج حاجي وشوكت ماخذ هيج صور شنو هذا شنو الي ديصير ومنو هيج مسوي ومنو يريد يخرب علاقتي بمرتي عقلي راح ينفجر من كد الاسئلة والتفكير
ازل. ها استاذ شفت مصايبك
حسن. ولج هذا مو اني
ازل. ههههاي ي صح لعد مو هذه صورتك لو شنو لسة تجذب
حسن. دااااكلللججج مووووواانييييي مو انييي افهمييييييييي
ازل. لااااانتتتتتت شوووووف هاااااااك شووووف
ام فاضل. ولكم خايبين شمالكم فهموني شكوووو
ازل. والله ياخالة ابنج طلع ابو بنات
حسن. احترمي روحج ازل دااكلج مو اني
سوسن. (بأستهراء) هههه هاهية نكشفت حسن بعد لتضل تكذب اكثر
حسن. اني منا صاير نار وهذه ست سوسن تاكل خر** اجيت عليها اضربها بس لزمتني امي
ام فاضل. يمة شمالك تمد ايدك على حرمه
حسن. يمة. چا ماتشوفيها شجاي تسوي
اسراء. حسن انت واثق من روحك ممسوي هيج شي لعد ليش تعصب
ازل. لاحبيبتي هو هذا اخوج هذه صورة ومحادثاته كلهن وية هذه الكح***
حسن. مهما يكون مااريد انطي بأزل كدام هذه الحقيرة سوسن وكلت
حسن. ولج يابت الناس انتي ماناوية على خير (كان يحجي ونظراتة متجهة بأتجاه سوسن) منين جبتي هذه الصور والمحادثات اني متأكد من روحي ماعندي هيج صور ولاهيج كلام. ؟؟!!
سوسن. جبتهن من صاحبتهن من سمعت بيك تزوجت رادت تنتقم منك وماعرف شلون وصلتلي ودزتلياهن
ازل. هههه ها هم كول لا وچذب هم انگر
حسن. وللللللللججج غضضضضبببب انتيييي لللللييييشششش مممتتتتجوزييييين منييييي (كان يحجي ونظراته متوجهة لسوسن)
سوسن. ايي هوو اليي يحجيي. كلامم الحقق مكروه موو خالة
ام فاضل. خالة الخلخلت عظامج كون ماكو من جوة راسج بس المشاكل
سوسن. (بنبره عتب) هاي اني هيج خالة
ام فاضل. اي هاي انتي هيج
سوسن. خوش لعد انه ماشية من بيتج بس تذكروا راح يجي يوم ينكشف على حقيقتة حسن وراح ترجعولي
ام فاضل. ديلا عاد بلا نرجعلها يلا برةةة
سوسن. (حجت وية حسن) مدت ايدها وكالت انطيني نقالي
حسن. ماكو نقالج يبقى عندي
سوسن. شنوووووو انت بأي حق تاخذ نقالي مني
حسن. بحق انه اريد اكشف چذبچ
سوسن. حسنننن انطينييي النقاللل
ام فاضل. يمة حسن انطيهيا بعدين يبين الصدك من الجذب
حسن. بس يمة ها......
ام فاضل. (قاطعت كلام حسن وكالت) يايمة انطيهيا خلي تنكِلع منا
حسن. ماشي يوم هاااچ (رمى النقال على سوسن)
سوسن. اخذت النقال وطلعت وطول ماهي بعدها بالطرمة ادردم وتحجي
(بعد ماطلعت سوسن)
ام فاضل. يمة حسن تعال فهمني شنو ديصير
حسن. يمة وعيونج انه هم كلشي ماجاي افتهم انه واثق من روحي ماماخذ هيج صور ولامحاجي بنية بهيج مكالمات
ام فاضل. چا يايمة هذه بنت خالتك منين جابت هذني كلهن
اسراء. اكلكم يجوز فوتوشوب
ازل. هههه دسكتي بله اسراء فوتشوب لو كولي هذه سوالف اخوية
حسن. روحي صارت بخشمي من ورة كلام ازل بس بنفس الوقت مااكدر افهمها بعصبية وهي هم معصبة هسة فلازم افهمها بهدوء جليت صوتي وكلت
حسن. ازل تعالي وراية للغرفة
ازل. خير شرايد
ام فاضل. يمة مايصير تحجين وية رجلج هيج روحي شوفي شيريد منج
ازل. خالة بس.......
حسن. قطعت كلام ازل وحجيت بعصبية (انيييييي شكلللتتت)
ازل. ماشييييي
حسن. توجهت للغرفة. دخلت وكنت منتظر ازل تجي ورة شوية اجت
ازل. حسن راح للغرفة اني هم چنت دااروح استوقفني كلام خالتي ام فاضل
ام فاضل. يمة ازولة انه اعرف ابني كلش زين ماعنده هيج سوالف وانتي هم لازم توكفين وية رجلج حتى تعرفون منو هيج ناويلكم الخراب يايمة لاتنطين برجلج وتفاهمي ويا
ازل. ان شاء الله خاله
ازل. توجهت للغرفة اول مدخلت چان حسن كاعد على طرف الجرباية ومغطي رأسه بأديه انتبه عليه عدل كعدته وحچة
حسن. تعالي كعدي خلي افهمج الموضوع
ازل. توجهت كعدت على الجرباية بس بعيدة عنه بعد الصور الشفتهن مالي نفس اقرب يمة
حسن. شوفي ازل كل الي شفتي هذا مؤامرة حتى يفرقونه واني مستعد احلفلج بحياتي ماماخذ هيج صور وولايمكن اني انزل روحي لهيج شي وانتي تعرفيني كلش زين من الدوام للبيت حتى يم جماعتي مااروح
ازل. اي واني شنو دتفسرلي شعليه بيك وين متروح روح
حسن. دااحجي وياها بكل ادب وهي تكلي شعليه بيك صدك شياطين الدنيا كلها تربعت براسي. .. ولج شنو شعليج چا غير مرتي
ازل. ههه اي لمن مرتك غير تحترمني وتخليلي قيمة عندك مو مكضيها يم الكح**
حسن. (بعصبية) ولج انتي شمالج ليش تصدكين بكل واحد يجي يحجي طفلة انتي متميزين بين الصدك والچذب
ازل. لا موطفاة چبيرة وفاهمة بس انت الي ماجاي تعترف بحقيقتك الوسخة وتفاهاتك وعلاقاتك الي الله يعلم شكد هذه بس وحدة منهن نكشفت يجوز اكو خير من الله غيرها
حسن. چنت ناوي احاچيها وافهمها بكل احترام بس هي الظاهر ماجانت ناوية على خير وكلامها خلاني اصير نار خبلتني متوزن الكلام قبل لتكولة ماتحملت وكمت من مكاني لزمتها من شعرها وحجيت
حسن. ولج منو تكليله حقيقتك الوسخة انييييي اليةةةةة اني اعلمج شفتيني نطيتج عين مو
ازل. مدااحجي شي مموجود كلشي كدام عينك وشفت كلشي بالتلفون مال سوسن
حسن. انعل ابو سوسن ولج هي حقيرةةةةة تريدد تخربببب علاقتنه لان هي تحب....(نتبهت على روحي وقطعت كلامي قبل لااكمل لان لو عرفت ازل انه سوسن تحبني تصير مشاكل)
ازل. تحب شنو ليش سكتت احجي
حسن. لاهيج زلة لسان
ازل. اي واني اريد اعرف هذه زلة اللسان احجي حسن
حسن. دااكلج ماكو شي لتلزكين (تركت شعرها ورجعت لمكاني على طرف الجرباية تهرباً من اسئلتها)
ازل. تذكرت كلام خالة ام فاضل وقررت امشي بكلامها بلكي اخذ نتيجة وية حسن توجهت للطرف الي كاعد بي حسن كعدت يمة ولزمت ايدة اليمين وحجيت
ازل. ياحبيبي يعني انت تعرف بشنو حسيت من شفت الثور والمحادثات يعني غير انت تفهمني شنو مقصد سوسن من الي دتسوي
حسن. (علامة تعجب واستفهام على وجهه) ها ...
ازل. شنو ها شبيك حبيبي جاوبني
حسن. (بتعجب) حبيبي؟؟!!
ازل. اي حبيبي وحياتي وروحي وزوجي ليش لعد
حسن. (بتحدي) لعد منو قبل شوية كال مالي دخل بيك ومومرتك😏
ازل. مواني هذا الجني مالتي
حسن. لاوالله
ازل. اي
حسن. لفيت ايدي حول خصرها وحظنتها لصدري. وحجيت
حسن. لعد روحي كولي للجني مالتج خلي يبطل يحجي هيج لأن انتي مرتي وبنيتي وحبيبتي ودنيتي كلها
ازل. اها وشنو الي يخلي الجني يصدك اذا انت اصلاً مدتحجيلي الي بداخلك وتشاركني بي
حسن. طيب احجيلج بس توعديني متعصبين ولاتتعاركين وتسوين غير سوالف
ازل. طيب وعد احجي
حسن. سوسن تحبني من چنه ژغار وهي تسوي هيج علمود تبعدج عني بس هي متعرف شكد احبچ ومتكدر بعمرها تبعدنه عن بعض
ازل. على هذه بهي تهي شوف اكلك معلومة ترة مرتك قوية مو تتصرف تصرفات زعاطيط واذا حبتك حبتها حية المهم انت تحب منو
حسن. اني احبچ الچ
ازل. جيد بس شنو تفسرلي ذني الصور والمحادثات
حسن. اني حالي مثل حالج كلشي مامفتهم ولااعرف منين جابتهن ولااصلا عندي هيج حجي وصور وهيج علاقة راسي راح ينفجر من التفكير
ازل. طيب. احلف بداعتي
حسن. وداعتج ماعرف
ازل. طيب اني وياك نتعاون حتى نعرف شنو السر بهذا الموضوع
حسن. يمة فدوة احببببببچ
ازل. 😌😌
حسن. عدلي وجهج يمعودة من اول احبج كلبتي عليه
ازل. هههههههه بكيفيي
حسن. فدوة رحت الج ولكيفج
ازل. ديلا عود رومانسي 😂
حسن. سكتي يمعودة دااحاول 😂
ازل. ضل حاول براحتك واني نازلة
حسن. وين رايحة احاول وحدي چا غير وياج 😂😁
ازل. لاعيني وحدك يلا باييييي
حسن. هههه بايات
_______________
في مكان اخر.
مكالمة هاتفية 📞
دانيا. هلو حبيبي
اسامة. هلو كلبي شلونج
دانيا. تمام اشتاقيتلك
اسامة. اني الاشوق يعمري شكو ماكو
دانيا. كلشي ماكو 🌝
دانيا. بقينه فترة خمس دقايق نسولف
اكول حبيبي
اسامة كولي عمري
دانيا. شوكت تخطبني
اسامة. حبيبتي انتي هسة رابع خلصي اعدادية ونتزوج مو بس اخطبج
دانيا. هف حبيبي تدري خايفة لو عرف حسن بموضوعك
اسامة. حبيبتي اطمني ميعرف وحتى اذا خطبتج وعرف اني صديقة ومثل اخو ويعرفني زين ماتوقع راح يرفضني واني جاي من الباب مو العب عليج
دانيا. الله كريم
اسامة. اكيد الله كريم يروخي الله يقدملنه الي بي الخير
دانيا. يلا حبيبي رايحة اكمل دراستي
اسامة. اوك ديري بالج على دراستج ترة اريد درجات عالية
دانيا. يبوو صرت ماما الثانية وتريد درجات
اسامة. اي يعيني اني امج وابوج واخوج وكلشي
دانيا. ههههههه وك وك ماما يلا باي
اسامة. ههه بايات
__________
في مكان اخر
سوسن. اني هيج حسن يسوي بيه اني ماشييي يحسن ماشي سهلة ان مافرقتكم مااطلع سوسن بس شلون شسوي لازم سالفة قوية حتى مامنها رجعة بينهم داافتر بالغرفة وافكر واجتي فكرة براسي قررت اسويها
____
مكالمة هاتفية 📞
سوسن. الو هلو شلونج حبي
سرى. هلو سوسن انتي شخبارج ماكو مختفية متسأليت متكولين
سوسن. عذريني مشغولة وعيونج وهسة واكعد بمشكلة واريدج تساعديني
سرى. اي كولي تدللين
سوسن. ..........ها فهمتي
سرى. ولج بس هيج خطة صعبة خاف ننكشف
سوسن. لامننكشف انتي بس اشتغليها عدل هي سهلة تصير
سرى. ماشي حبي تدللين
سوسن. يلا باي كلبي
سرى. باي
________
سرى. هلو اعرفكم عليه طبعاً اني اسمي سرى صديقة سوسن من الطفولة مواصفاتي بيضة قصيرة مربربة شوية عيوني ملونه شعري قصير و قبل فترة صارت عندي مشكلة وسوسن ساعدتني حتى اطلع منها وصار عليه دين لسوسن واليوم اتصلت عليه وطلبت مني هيج طلب صح كان صعب بس عليه دين لازم ارده الها فشلة فوافقت وكتلها ماشي مع انه اعرف هذا الشي غلط بس شسوي
________
الى هنا ينتهي البارت العاشر حبايبي بما انه بدت المدارس وانترنت تعرفون موزين فرجاءاً لتضغطون عليه اني ابقى على تواصل وياكم وانزللكم لكن مو كل يوم واتمنى منكم تتفهموني ❤
saja ahmed ❤