المتملك والعنيده الصغيره
للكاتب علي الفتلاوي
البارت التاسع عشر
المغرب تنعصر روحي
واجي مفرفح علئ اصورك
عجب ياهو الحلئ بعينك
ومن جوة الضلع جرك
يبو سوالف الماتنمل
يريحة حايط مبلل
ي اول عاشگ مدلل احبنك 💔
،،،،،،،،،،،،،،،،،،،،،،،،
سمر،،احس وشه صارت بذني من سمعت الخبر بعدني مالحگت افرح بي گمت من السديه اريد بس انهزم احس حتئ هوئ الله صار يخنگني الدكتورة تحچي عفتها وطلعت لزمتني عمتي گتلها واني ابچي ميت عمه ميت
خطيه لزمتني من ايدي ودموعها بعينها گالت
ام هشام،،الله يعوضج مامقسوملج يمه الله يعوضج ب الاحسن انشاءالله بس انتضري خل نفهم من الدكتورة
سمر، ،دخلنه للدكتورة عمتي حجت وياها حتئ تفهم وضعي
الدكتورة، ،عيني الطفل ميت وميصير يضل ابطنها لان يصير عدها تسمم بالدم لازم كورداج خلال ذني اليومين لان اصلا هي عدها فقر دم
سمر،،جريت ايدي من عمتي گتلها ماااذبه اني اريد اموت واخلص مااذبه
ام هشام،،زين دكتورة اريدج تشرفين علئ حالتها انتي والتامرين بي اني حاضرة
الدكتورة، ،هي مو سالفه الامر بي بس البنيه راح تدخل بالمستشفه وراح نبدي ننطيها حمالات علئ شكل جرعات لتوسيع عنق الرحم لان هي ماخذة مثبتات وهلشي يصعب الشغل شويه لان المثبت مثل الصمغ للطفل
سمر،،الدكتورة فهمت عمتي وشرحتلها كلشي واني احس نفسي نار مشتعله جواي علئ ساعه انفجر دموعي ابد مانشفت مكتوب عليه شلعان الگلب
رجعنه للبيت وعمتي طول الطريق تصبر بيه بس اني احس نفسي مااسمع شي وبغير عالم ذكرت احلامي بالطفل صارن رماد وانتهن
وصلنه للبيت لگيت مرام جايه اتلكتني وهي تبچي وتحضن بيه واني حتئ مو يمها بعدني حتئ عباتي مانزعتها شفته نزل الدرج ركضت علي مثل المخبله صرت اصرخ بعلو صوتي ومرام وعبير لزمني
كتلته موووو اللله لا يوفقكك ولا ينطيككك كتلت ابنك بيدككك شنووو من بشرر انته
تحملتتت كللشي منك ضرب واهانه وغلط وسب وشتم واكول ميخااالف ماعندي احد غيرة ولك يتيمممه اني تعرف شنوو يتيمه طوول عمري احبك واداريك مثل المي البصينيه وانته ايدك والتكفخ
بذني سمعتك وانته تكل العمتي اني عقييم وماكلفتو نفسكم تگلولي ابد وسويت نفسي مااادري وماعندي علم في سبيلل مااجرحك وتخليت عن امومتي الخاطرك تالي تتهمني وبيششششش بشررررفي??
هشام،،كملتي??
موزين مادفنتج وغسلت عارج بيدي ولج اني مايصير عندي منين قابل حبلتتتتي من الحايط ??
وخري عني يمه لدفعيني كوة لازم روحي مااموتها
سمر،،وروح اهلي اذا ماطلكتني احرگ روحي مااريدككك يااخي مااريدككك
هشام،،وعسنج لا ردتيني فوگ شينه گواة عينه
ام هشام، ،كافي يمه اهدي يجرالج التردي الضاهر ابني مو وجه نعمه
سمر، ،لليل عمتي تتوسل حتئ اقبل ارجع للمستشفئ
اذب الطفل لان وجودة باحشائي وهو ميت خطر علئ حياتي اخر شي اقتنعت لان عمتي حلفتني وارتفع ضغطها وهي تكلي مالي خاطر يمج
طول الليل مانمت خايفه اني بطبيعتي كلش جبانه اخاف من الابرة ويمكن حتئ من كد ماجبانه وضعيفة شخصية سمحت الهشام يضربني وياذيني
بيومها للصبح ماغمضت عيني اباوع ع الساعه صارت 7 شويه واجت عمتي محضرتلي جنطه بيها ملابس كوة كمت وياها تمنيت اموت وماارجع للبيت واشوفه مرة الثانيه ماتريكت ولا الي نفس بس شربت. مي اخذني سلام وعمتي وصلنه للمستشفئ واني بدت عندي الرهبه والخوفه
كعدنه بالاستراحه اني وعمتي انتضر دوري جانت اكو مرة كبيرة بالعمر كاعدة يمنه تنتضر بتها بصالة الكورداج وتبجي تكول بنتي راح يموتنها
عمتي ضلت تستفسر منها كالتلها المرة عدها طفل ميت ابطنها واثناء. عملية الكورداج صاير عدها انشقاق بالرحم ونزيف حاد وهسه رايح ندخلها غرفه العمليات. خطيه امها تحجي وتبجي
اني سمعتها لو صرت كلي اختض عفتهن وانهزمت
ام هشام،،وين تردين يمه
سمر، ،عمه سمعتتي شتكول المرة ماافوت والله ماافوت
ام هشام، ،كولي ياالله عمه وفوتي يمكن البنيه اصلا مريضه وماتحملت ليش تتفاولين علئ نفسج بالشر 8
سمر، ،دكيت رجلي ومافتت متت من الخوف تالي عمتي من شافتني طلعتني من المستشفئ وحجزتلي علئ مستشفئ اهلي يم دكتورة معروفه
للعصر دخلت للمستشفئ والدكتورة طمنتني انو هي الراح تسوي العمليه وانو مااخاف بس اني وين الخوف اكل گلبي بعد نص ساعه دخلوني الغرفه العمليات منضر الدكتورة ولبسها والادوات اليمها وحدهن فلم رعب صح تمنيت الموت بس الروح عزيزة رغم كلشي اسم الله واهل البيت مانزل من الساني ضربتني مخدر بالمغدي وبدت العمليه مو تخدير عام كان موضعي بس من بدت حسيت بألم فضيع صرت اصرخ بكل صوتي تالي رجعت ضربتني مخدر من جديد بالف ياعلي يله كملت احس نفسي مو ربع ساعه اخذت من عمري عمر
كملت وطلعتني بردهة الاستراحه وكالت لليل تكدرون اطلعوها وتحمدتلي ع السلامه وطلعت
ام هشام،،الحمدالله علئ سلامتج بنيتي
سمر،،مابيه احجي هزيت راسي الها والدموع بعيني
ام هشام،،والله يايمه خجلانه منج يشهد الله لان ماحافضنه ع الامانه
سمر،،مالج ذنب عمه لتاكلين بروحج حجيتها بصوت ناصي مابيه حيل احجي شي سكتت احس نفسي نعست اريد انام يمكن العلاج بي منوم
ماحسيت علئ نفسي غير عمتي تصحيني حتئ نطلع وانو ساعه صارت 11بليل
خلوني بعربانه دفع وطلعوني عمتي وسلام خطيه سلام يمشي بالسيارة علئ كيف خاف اتاذة
وصلنه للبيت والكل جان ينتضرنه ماعدا هشام ماكو ارتاحيت لان ماريد المحه
دخلوني بغرفت عمتي والبنات كالن اسبحي ترتاحين اكثر دخلتني عبير سبحتني ولبستني
طلعت من الحمام صار بوجهي هشام الوجه مطعون والعيون دم الضاهر جان طالع وهسه رجع شفت بعيونه نضرة اول مرة اشوفها رغم هلشي نضرتله نضرة احتقار وكرة كملت طريقي للغرفه وعبير لازمتني خلتني بالفراش وعمتي خطيه نامت بالكاع شگد مااوصف هلمرة قليل بحقها من طيبه وحنيه
جابت ميس شوربه اكلت خاشوكتين مالي نفس بس علمود العلاج وبعدها نمت
هشام،،طول ذني اليومين احس اعصابي نار كاره كلشي حتئ سمر كرهتها كل ضني خانتني نسيت حبها ونسيت تربيتي ونسيت كلشي صرت اتصرف بدون وعي ومن سمعت الطفل ميت حسيت بتانيب الضمير لان استعجلت بدون ماافهم شي ك العادة عصبيتي تقودني وكفت بوجهي بيوم العرفت الطفل ميت ولاول مرة اسمع منها هيج كلام بداخلي ماادري صح لو غلط ماادري ضلمتها لو ضلمت روحي بس من اقرة تقاريري الطبيه وانو ماكو امل كرهي يزيد الها لذالك قررت اراجع غير طبيب وتاكد من نفسي واذا كلامه صح واني عقيم ميه بالميه يمكن ساعتها اذبحها بدون ميرفلي جفن
رحت للدكتور واني متاكد اني مابيه كل امل بس الصدمني من حللت انو نسبتي كلش مرتفعه وانو اني ماعدت عقيم بفضل الله سبحانه وتعالي ضليت مصدوم من كلام الدكتور شريد احجي وشكول واني الغيرة والشك عمت عيوني وخلتني اشك بتربات ايدي وفوك كلشي كتلت طفلي قبل متفرح بي
اشلون تسامحني ماادري اختنكت حيل مااعرف شسوي وين اروح اتصلت علئ سلام كال دخلناها للعمليات
ااااخ الله حتئ مالي عين اروحلها واكف يمها بشدتها بياعين احط عيني بعينها
اسوق ومحتار بزماني مدري وين ياخذني الدرب لكيت نفسي اباب المقبرة دخلت دنيه مغرب وصلت القبر عمي كعدت يم راسه اريد احچي مااگدر احس بي يسمعني ومنتضرني احچي
بعد سكوت طويل وبس دموعي صارت تنزل اذا احسب المرات البجيت بيهن قليله
گتله عمي ادري بيك زعلان لان ماحافضت علئ امانتك
وعدتك ووماوفيت بوعدي خجلان ومستحي منك ومن نفسي بس وعد عليه اذا سامحتني سمر ورجعتلي مااسمح ال اي شخص يدخل بحياتنه وراح اعوضها كلشي مر شافته وياي اعترف اذيتها هواي لان كنت اناني بحبها وادري اليحب مياذي حبيبه بس اني مو بس اذيتها دمرتها بغيرتي ودمرت نفسي وياها
ضليت احجي وابجي مختنك اخر شي كمت وتوجهت لبو الحسن علي عليه السلام
توضيت وصليت ردت ارفع راسي للسما اادي الدعاء بس خجلت من رب العالمين گعدت علئ ركبي وبجيت
كتله يارب خجلان ارفع راسي الك واني بحضرت اهل بيتك يااارب انطيتني هديه طول عمري احلم بيها بس رجعتها الك ب ابشع الطرق رفست نعمه ملايين غيري يتمنوها شكيت بمرتي وبنت عمي ياارب واذيتهااا وموتت ابني بيدي
اددري مااستاهل تغفرلي ذنبي يااااللله
صرت ابچي بصوت عالي انتبه عليه كل الموجودين
اجه رجال يمي دكني خفيف علئ متني وگال كوم ابني كول ياالله مااشتدت الئ فرجت
كتله عمي شيفرجها متگلي شيفرجها
كال ابني لتقنط من رحمة الله ذب حمولك علئ الله واهل البيت وانشاءالله ميقصرون
جاوبته ونعم بالله
عفته وكمت رجعت للبيت الوقت متاخر
اول ماوصلت ودخلت اتلكتني سمر طالعه من الحمام اوووووف نضرتها شگت گلبي شگ اتمنيت ادفن روحي بحضنها تمنيت يطلع كلشي حلم تمنيت اصحئ والكه نفسي بكابوس شسويت بحالي اني وين وصلت نفسي دومها غيرتي وعصبيتي التقودني ولامرة حاولت افهم منها شي ولامرة انطيتها مجال ادافع عن نفسها
راح احاول بشتئ الطرق اكسبها مرة الثانيه لو اعرف اخلص عمري اتوسل بيها
سمر،،خلصت خمس ايام واصلا كنت منتضرة بس اصحئ واصير زينه حتئ اعوف كلشي وراي وابدي حياة جديدة حياة مابيها خوف وضرب احس نفسي صرت اقوة الشي الصار زادني قوة وشجاعه حتئ ادافع عن نفسي صعدت الغرفتي اباوع بيها نسيت حتئ اللحضات الحلوة وصار كل ركن بيها يخنكني من اذكر ضربه لميت ملابسي بجنطه واخذت ذهبي ومستمسكاني خليتهم بالجنطه اتذكرت مفتاح بيت اهلي عندي هم طلعته وخليته بجزداني لبست حجابي وعباتي ونزلت واني اجر بذيال الندم الندمته من زواجي بهشام
نزلت الدرج شافتني عمتي والبنات
عمتي تتوسل وعبير وميس يكللي ضلي وين ترحين مالج احد هنا غصيت بالبچي يعني اليتيم والماله احد ينضلم وينداس علي بله شنو ماعندة احد ليش نسيتو الله وياي يغنيني عن جميع خلقه ومنا وجاي مااحتاج احد من عبادة
ام هشام،،ونعم باالله عمه بس اهدي واكعدي خل نتفاهم اني بيدي اوديج وين تردين
سمر،،مااريد اروح لحد عندي بيت اكعد بي ومااطلب شي من اي شخص لو اعرف اكل حجار
حضنتني عمتي هي تبچي واني ابچي كتلها عمه الله يخليج خلي سلام يجي يوديني البيت اهلي هناك خالتي تجي تعيش يمي مااعيش وحدي
صرت اجر بجنطتي اريد اطلع بس الكاسرة ضهري عمتي
وصلت للباب اريد اطلع ويه طلعتي صار بوجهي هشام عين عليه وعين ع الجنطه
يتتتتتتتبع
قصص نور قلبي