مالك كيدوز بأيديه على شعرو : شفتك خايف اسي عماد يا كما خايف ناخد ليك ختي
عماد مخنزر : علاش غادي تاخد شي حاجة ديالي نسيتي راها مرتي ( جر سمر للعندو )
مالك : غدا غادي تكون النتيجة خرجات بسلامة عليكم ( باس سمر في حنكها و هو يخنزر في عماد اللي بادلو كذلك بنفس الشيء و هو يمشي مالك )
سمر : مفهمتش مالك مع خويا ؟
عماد : باقي متأكدناش واش خوك
سمر : وااو راه بجوجنا عينينا زرقين واقلة
عماد : داكشي جا صدفة زيدي قدامي شفت جا هاذا و بغيتي تنسيني
سمر : ههههه نتااا راك حبي مستحيل نساااك
عماد تحدر للكرش سمر كيقيس فيها : وينوووو للحبيبة ديالي ناعسة ما جايبة خبار
سمر : باش عرفتيها غادي تكون بنت ؟
عماد : قلبي حااس و صافي و نتي
سمر : انا بغيت دري ههههه
عماد : شفتك باغا ضوري بيك غار الدراري ؟ ياكمااا ( قرب وجهو ليها ) حبي راني انا كافيك
سمر كتجر فيه من ايديه : زيد زيد و نتا تمصختي ..
__________
دخل مالك للفندق و هو يلقا ايسون كتسناه و هي تمشي للعندو كطير ..
ايسون : مالك خاص نهضر معاك
مالك مخنزر و مشافش فيها : ممساليش دابا
مشا وخلاها غار كتبحلق في عينيها اويلي : اويلي مال هاذا
حتى كيتم جاي حمزة و هو هاز معاه الشكلاط
ايسون : جبتي ليا الجوع و الله عطيني ناكل شوية
حمزة جبد الشكلاط للعندو : جمعي كراوعك هاذا ديالي راه مالك اشري ليك الف منو و نتي طمعتي ليا في هاذ الشوية
ايسون جراتو من شعرو مرمداتو : لا لا نتا راك مرضتي و الله حماقيتي قبل الوقت كاين شي حد كيتسقرم على قبل الشكلاط اعباد الله شكلااااط ... بففف بعد مني ....
مشات ايسون و هي مقلقة حيتاش مالك مهضرهاش ...... حتى كيبان ليها كيهضر مع سكرتيرة الشعر كيداير و المكياج و داكشي مقزب و الاهم كانت كتشوف فيه بأغراء .... بقات الغيرة كتاكلها و هي تمشي كطير للعندهم
السكريتيرة ⤵️⤵️
مالك : الاجتماعات ضروري تجمعيهم ليا في واحد كلشي المدراء يكونوا
السكرتيرة بشوفات مثيرة : معلوم اسي مالك اللي بغيتيه هو اللي نديروه
ايسون : سلام حبيبي لا ساليتي يالله نمشي نتغداو ( و هي تخشي ايديها في ايديه )
مالك ضار شافيها ديك الشوفة تاع الصدمة .... منين جاتها هاذ الزعامة حتى كيشوف السيدة ممسوقاش ليه قاعدة كتشوف في السكرتيرة بحقد و كاتبادلها نفس النضرات السكريتيرة ... مالك فهم للبلان و هو يدير ضحكة جانبية و حيد ايديه من ايدين ايسون اللي كتشوف فيه باستغراب ..
مالك : ايسون غار سيري تغداي بوحدك عندي اجتماع مهم مع السكرتيرة ..
ايسون تزنكات بالاعصاب : كيفاااش واش منيتك ؟ شحال هادي متغديناش مع بعضياتنا
مالك : عمرنا تغدينا مع بعضياتنا ( ايسون تحرجات قدام السكريتيرة و هي تعصب و مشات راسها حتى تعكلات بالطالون و هي طيح ( بوووووم ) قدام كلشي متبغيهاش للعدوك 😂😂😂...ناضت ايسون و هي تنزل شعرها على وجهها و مشات كتعرج و هي معصبة مخلطة بالحشمة ....
_____________
ناري نااري على شوهة وايلي فين ندير وجهي فين نديييير وجهي اعباد الله اهئ اهئ
هادي ايسون كتهضر مع راسها فوق البالكون
... ايسون : خاص نتاحر ياااك ياااك لا لا راه بالصح خاص نتاحر فين هو الموس و لا السم نشربو اعباد الله لا كان على هادشي نشربو نشربو ....
حتى كيتم داخل عندها حمزة و هو كيشوفها في ديك الحالة
حمزة : مالك ؟
ايسون فكرها بسميتو و هي تبدا كتبكي : 😭😭😭😭 وااااااع علاش فكرتيني فيه
حمزة : اويلي مالك ؟؟؟
ايسون زادت في الدموع كتبكي و تقول ما بكيت .
حمزة : اه صافي عرفت مالك ( زادت ايسون في الدموع ) كتبكي على الشكلاط دابا يجيب ليك مالك حسن منو ( زااادت في الدموع و هي تغوت )
ايسون: وااااااااااااااع مالك اللي كتهضر عليه مشا و خلاني بوحدي اهى اهى مشا عند ديك الصفريطة 😭😭😭
حمزة بصدمة : لا لا ميمكنش هو كيبغيك
ايسون :مشا تغدا مع السكريتيرة و خلاني بوحدي بوحدي احمزة 😭😭😭
حمزة شد في كتاف ابسون كيزعزها : مخاصش نخليوه يمشي من ايديك هو غامر براسو على قبلك فهمتي عندي بزاااف تاع الخطط تردو ليك
ايسون بنضرات مكر : بالصح
حمزة بادلها نفس النضرات : ااه غادي ينجحو خططنا
..__________
بعد ساعتين ايسون كتشوف راسها في المراية
ايسون : واش متأكد من هادشي ؟؟
حمزة : 100% جيتي زوينة الرجال كيعجبهم المكياج مستحيل مالك يقاومك
ايسون بدات كتنقز : يس يس عندك الحق ( هزات صاكها ) انا غادة دابا باش نهضر مع حبيبي و ناخدو من الساحرة الشريرة .
مشات ايسون و اللي دازت من حداه كيشوف فيها (كانت الشوهة 😂😂😂)
.... طلات من الباب بان ليها مالك كيهضر مع رجالو و معاه السكرتيرة ديالو مشات ايسون كتجري للعندو و كتعيط
ايسون: ماااااالك مااااالك
مالك غار شافها و شاف حالتها حبس الضحكة بزز و دار من هنا دازو و مشا في حالو .... ايسون شافت داكشي و بقات كتشوف بصدمة حتى كتشوف شي حد جرها من كسوتها
الطفل: خالتي خالتي
ايسون شافت فيه و هي تبتاسم و باستو : نعام ازويون
الطفل: واش نتي هو الكلون تاع عيد ميلادي
ايسون: شنو كيفاااش ؟؟ اويلي على كلون على انا كنشبه للكلون كضحك ياك ياك
الطفل حرك راسو بلا و هي تفرغع ايسون بالبكا ورجعات في حالها كتبكي
________
في غرفة نوم
قاعدة ايسون كتخنق في حمزة و هو كيطلب السلاكة ...
حمزة : ككححح كح كح زقاااي زقااااي
ايسون: اهااا نزغا كيبغيتيني ندير ليها اسي الفهامات و نتا رديتيني كلون كلوووون
حمزة : وعلى قالوا ليك عليا ميكاب ارتيست نتي راك تصطيتي و الله
ايسون : ياك اسي حمزة ( رجعات كتنتف فيه و هو كيتركل حتى عيات ) لا لا خاصك تعطيني بلان اخور
حمزة : ساهلة تهناي من السكرتيرة ديالو
ايسون: و كيف ندير؟؟
حمزة قرب ايسون ليها و بقا كيوشوش و هي كل ما كتسمع افكارو كلما كتحل فمها حتى للسماء
___________
كتمشا بعدما بدلات ديك الحالة و هي تبان ليها السكرتيرة كتهضر مع العمال و هي تمشي عندها ايسون
ايسون بضحكة صفرة : سلام
السكريتيرة : سلام
ايسون : بغيت نقوليك باللي مالك عيط ليك بغا يناقشك في واحد الاجتماع سيري عندو للغرفتو
السكريتيرة فرحات : اه وخااا ( مكبوتة 😂😂)
كي مشات السكرتيرة تبعاتها ايسون و هي تبان ليها دخلات للغرفة بعدما دقات ... بقات ايسون كتسنا فيها باش تشوف داكشي اللي بغات ..
فلاش باك ____
حمزة : مالك مكيحملش واحد الحاجة مستحيل يسمح عليها
ايسون : شنو هي ؟؟
حمزة : شي واحد يدخل للغرفتو بلا ما يسمح ليه هو
_________
ايسون بقات كتسنا تسمع للغوات و هي تمشي طل حتى كيبان ليها مالك لاوي عليه الفوطة و كيسمح شعرو بالفوطة لاخرى و عادي مكالمي ما غوت لا على السكريتيرة لا على و الووو ... ايسون تعصبات و هي تدخل مدرمة عليهم
ايسون: اهاااااا تبارك الله اسي مالك لا لا نتا حيد غاع الفوطات بقا سولو حسن
مالك عرف قوالب ايسون و بغا يفقصها: علاش مالي ؟؟
ايسون: لا لا ما مالك والو والو ( بقات ساهية كتشوف في العضلات شوية قلبات عينيها السكريتيرة بانت ليها حتى هي نفس الشيء و هي تغوت
ايسون : لا لا كليه نتي حسن هاكي خديه نتي غاع ( مشات خدات ايسون فوطة و غطات بيها مالك ) تغطا تغطا راه البرد و نتا دغيا كيجيك الرواح و نتي ( موجهة كلامها السكريتيرة ) سيري من هنا حتى نحتاجو ليك
السكريتيرة: و لكن
مالك اشار براسو باش تمشي و هو يدفع ايسون و رما الفوطة حتى غطات ليها راسها و مشا عاود تدواشو 😂😂😂
ايسون حيدات الفوطة بغضب و مشات باش تبرد غدايدها في حمزة ....
حمزة : ما صدق ليك حتا بلان
ايسون : وايه في الاخير على زهر
حمزة : ههههه المشكيلة نتي هي اللي غرتي من هادشي كاملو 😂😂
ايسون ضربات ليها طن في رأسها و ضحكات بشر : ايه اسيدي
حمزة شافها دارت دوك الشوفات و هو تضرب ليه حتى هو الطن في راسو و بقا كيشوف فيها محرك راسو بلا : واش تسطيتي ؟؟ الا هاديك ما ديريهاش و الله حتى يقتلك يقتلك و ما يحيرش فيك
____________
اش بان ليكم هاذ المصيبة باغا دير ... ارأئكم حول القصة و عاد ديرو واحد الفوت راه مكيضيعش الانترنيت 😂😂😂 بااااي