رحمة عاطف

بارت 18

بارت18
رواية...رحمة عاطف
نورا ناصر...نور سمو العراق

💔💔💔💔💔💔💔💔💔

ضربني راشدي قوي من قوته وكعت وانضربت بضهري بطرف حافة الطاوله الگزاز ...حسيت نفسي انقطع صرخت بصوت عالي واني اتلوئ من الوجع..

وهو باوعلي مصدوم من حالتي الهستريه الصابتني...تقدم مني بسرعه واني رجعت خايفه...

اجه جدو وبابا وماما وبيبي علئ صوتي ...

حسن كعد علئ ركبته وحاول يسحبني حسيته انقهر عليه بس جدوو وبابا لزمو وهمه يغلطون ويسبون بي ...

بابا كله...لك كلب حيوان انت نعاليش وتضرب سفانا فوك ما مكعدك ابيتي ومحترمك ومقدرك تالي،تمد ايدك علئ وحيدتي اطلع بره لا اطردك طردة الجلب..

جان بابا حيل متعصب،وجدو كذالك شبع حسن غلط .

بس جانت بيبي لازمه حسن وهي دكلهم...علئ كيفكم وياه انتم شفتهتم اكيد سفانا تجاوزت عليه وضربها...

خطيه ماما حضنتني،واني ابجي ولازمه ضهري وتسمح علئ ضهري وتدعي على حسن...

جدو كلها...دخلي يولي هل عار هذا كادر علئ بنت عمه حتئ لو مهما تحجي مو من حقه يمد ايده عليها شنو تايه اله والله اطيح حضه...

هو كلهم ...طالع طاااالع امده تربيتكم الطايحة الحظ تضحك عليه شكبرني مشورب وتالي وكت تضحك عليه سفانا...

بيبي تركض وراه ودكله...فهمنه حسن شكوو شبيكم احجي بيبي احجي شنو الصار...

جنت ابجي بصوت عالي و ماما وكفتني كالت..ليش ضربج ليش مد ايده عليج شنو الصار احجي...

اني،سكتت محجيت شئ يريد يحجي هو خل يحجي

رحت الغرفتي والدموع ترست وجهي وصوتي راح تحسفت الصار غلطه كلفتني هووايه وقللت من قيمتي واحترامي...

جان حسن رغم تدخله بس جان يحبني ودائما يحب سولف ويايه بس تغير حيل اني مجنت اعرف هيج حيصير اعرف غلطت بس ما اعرف شلون هيج تطورت المشكله...

جنت عبالي تنكشف اللعبه بيوم او يومين  او اسبوع ما اتصورت تضل اكثر من شهور وصار الصار وحسن وكع بمصيدة غفران...

اسمع بس الهوسه بالبيت طلعت بسرعه واباوع من وره الباب حسن جامع اغراضه وجنطته وديريد يطلع وبيبي لازمته وتتوسل بي ميطلع...

وهو يكلها...والله دقيقه ما اضل بهذا البيت

وخله وطلع وبيبي لسه لازمته...

رجعت ابجي بصوت عالي وكلها اجت دخلت يمي ويردون يفهمون السالفه شنوو

كلتلهم ...خلي هو يحجي الكم اني مااحجي

بابا تخبل كال...اتحرش بيج سوالج شئ ...

كلتلهم بصدمه...لا مو هيج ترئ اني تجاوزت علئ حسن مو هو تجاوز عليه ...والله اني الغلطانه مو هو الغلطان....

جدوو جر نفس وطلع وكذلك بابا...ضلت ماما وبيبي رادو ياخذون مني استجابه ما كدرن ما انطيتهن اي كلام....

استدعيت النوم وهنه طلعن رحت وكفت علئ المرايه واني اباوع للمرايه جان وجهي مشوه من الراشدي واصابع حسن مختومه بخدي ...

نزلت دموعي بسرعه ولزمت موبايلي اتصلت على حسن مجاوب...

رجعت اتصلت اكثر من عشر مرات مجاوب...قلقلت حييل كتبت اله رساله ..حسن اني اعتذر مو قصدي والله هو جان مجرد مقلب بس مااعرف هي كذبه وصارت حقيقه اعتذر مره لخ....

انتظرت شوويه واجتني رساله منه كاتب...احقر منج مشفت تلعبين بعرض العالم ما خفتي علئ عرضج لان الي يلعب بعرض العالم ينلعب بعرضه يا عار...لج شهور شهور وانتي ذاك الغزل والسوالف الطايح حضها هذا كله ودكولين اعتذر واسفه وكعتي من عيني حيل مجنت متصور هيج جريئه وطايح حضج مع الاسف التربيه بيج....

انصدمت من كلامه ورساله مثل السهام اخترقت كل جزء بقلبي لعد اذا هيج هو معاجبه الكلام شكو يريد يخطب غفران...

كتبت اله نفس الكلام ..

هو رد...لج انتي بنت عمي مثل اختي مااتصور هذا كلام الغزل احجي الاختي عشت وياج بيبت واحد متجاوزت وقللت ادب وياج خلي الكلام غامض مااريد اجرحج اكثر من هيج ...

جريت نفس وتنهدت بضيق تجرئت شويه وكتبت بس كلامي وياك وكل شئ رسلته جنت اعني وثاقه منه واعرف شنو جنت احجي...

كتب...شنو قصدج عندج مشاعر تجاهي؟

شهكت بقهر ودموعي تنغز بعيوني وقفلت موبايلي مجاوبته...

نمت على مخدتي واني انحب بصوت مسموع..اي يا حسن احببك بس جنت اكابر واخجل اكولها دخلت من غير باب وخسرتك...

...........................

عاطف...

كنت بالفندق بالعاصمه الاوكرانيا جمعت اغراضي وفيزت جوازي وخلصت كولشي...

قررت ارجع للعراق خلال هل يومين.....

دخلت سجن باوكرانيا شكد حقيره نيكول اشتكت عليه وانسجنت وكتبت تعهد...لا وتدعي ان هي تحبني...

تحبني ودخلتني سجن لو متحبني جان شسوت احتمال تعدمني...

صح لو كالو اخذ من ثوبك وينه وين بنات اوكرانيا...

ابتسمت رحمه متعرضه لاغتصاب وبدون وعي وهي ادعت الجنون وحالتها كانت اتعس الحالات وهذن عادي عدهن وكأن الحياة بس ممارسة الرذيله وشرب الخمر....

اندك الباب مالت غرفة الفندق...وكفت عبالي خدمه لRoom service

فتحت الباب وما احس اله وحده حضنتني ودفنت وجهه برقبتي وهي تقبلني بصوره سريعه...

انصدمت دفعته بسرعه رجعت خطوات وما سيطرت علئ كعبها...

باوع عليه واني امسح بوجهي كانت ...نيكول

رفعت اصبعي بعصبية وتهديد...انت يا هذة كيف تسمحين لنفسك بالمجيء الي هذا الم تخجلي من افعالك القبيحه...

تقربت اكثر والعطر يفح منها ولابسه فستان اسود قصير بارز بياض بشرتها نطقت بصوت مائل للنعاس...حبيبي دعنا نتحدث لما انت همجي دعني اشرح لك ما حدث انت لم تفهم ولا تسأل ماذا حدث..

جاوبته من بين اسناني...لا اريد ان افهم ولا اريد ان اسمع ارجوكي اخرجي بكرامتك واذهبي من حيث أتيتي...

تقربت اكثر وكالت...لم مهتم هكذا بالعذريه هي ليست مهمه ببلدي بل انها عار ...دعني اشرح لك قليلا...عاطف حبيبي...اذا الفتاة لم تفقد عذريتها بعد سن الثامن عشر سوف يقال عنها بشعه وانها لم تعجب الجميع...

انت تعرف كم انا جميله وهذا الامر لابد من افقداه حبيبي كون متفهم واذكر ان زوجتك جميله فقدت عذريتها بقناعه لانها جميله والجميع يرغب باحتوائها والنوم في أحضانها....

كانت تحجي واني طلعت من طوري هاي العار تريد اجرم بيها مفتخره فاقده عذريتها بسبب جمالها طيح الله حضها وحظ جمالها...

رفعت ايدها وحطتها علئ جبينها كالت...الم تعتذر عن فعلتك وضربك الي...

عاطف...الم تخرسي لبضع دقائق من فضلك كم انتي تافه وكذابه وفاجرة انتي قلتي أنك لم تفقدي شئ والان تتحدثي بجرائه وتقولين لابد من افقادها...

تقربت اكثر كلتلها...تكلمي هل قمتي بخيانتي عندما كنت بالعراق...

نيكول...انا صريحة جدا يا عاطف نعم لقد قمت بخيانتك اولا لأنك لم تبدي اهتمامك بي عندما كنت بعيدا عن عاصمتي انا كنت بحاجه الئ ليلة رومانسيه وقد فعلتها مع جاري الاشقر توم...

عاطف بالعراقي....لانعل ابوووج لابو جارج الاشقر توم بنت الكلب مترتاحين اذا متنحرفين

نيكول...ماذا تقول انت...

عاطف...اقول اغربي عن وجهي سأرتكب جريمة بشعه بحقك...اغربي عن وجهي أيتها الملعوبه لعنك الرب ...

نيكول...كم انت حقير وتافه تهتم لهكذا امور لعنك الرب من بين الرجال يا تافه اني المذنبه كوني احببت رجل غير رومانسي مثلك

سحبتها من فستانها وسحلتها لبره الغرفة ودفعتها خارج الغرفه...

شكد ساااق...زماله مفتخره بفعايله لانعل ابوج لابو جمالج جنها حيه مصلوخه...

سمعتها رفست الباب بدفره وهي تصرخ...اذهب الئ الجحيم ايها الحقير التافه...سأدعوك لربي ينتقم منك لما فعلته بي ايها السافل...الارعن..

اين كان عقلي عندما احببت شرقي همجي ..اللعنه عليك اذهب الئ الجحيم أيها الارهابي العراقي..

بصراحه رغم قهري منها من غلطها ومسبتها ضحكت من كالت ارهابي ...عبالها العراق بس ارهاب متدري العراق اشرف منها ومن الخلفوها نعال سز...

....................................

كنت كاعده بالحديقه دا ارش بيها كولش احب الزرع والورود اتذكرت من نكعت عاطف بالمي

ابتسمت علئ ذيج الذكرئ يا كثر الذكريات كولش مشتاقه اله حاولت اكتب اله رساله مكدرت مااعرف شئ ولازمني...

انتبهت علئ صوت حميد وهو يكول...اول مره اشوف ورده تسقي ورده

ابتسمت بخجل كتله...شكرا من ذوقك

ضل واكف يمي قطف ورده وانطاها اليه اني ضجت حيل كتله..ليش قطفتها خطيه حرام...

كال..ليش حبي ان شاء لله هم هيج اقطفج واخذج بحضني...

بلعت ريكي كتله...رجاءا حميد لا تتجرأ اني وياك لسه مصار شئ بينه ..

ضحك كال...اي ان شاء لله يصير ليش لا حبي مدام الكل مقتنع بس نحدد موعد ونسوي حفله صغيره..

همست...ان شاء لله حميد لا تضغط عليه تعرف اني مريضه...فدا احس نفسيتي تتعب..

سحبني بلهفه وكفني كدامه كال...لا لا اهم شئ عندي راحتج وعد مني ما اضغط عليج رحومتي انتي متعرفين غلاتج بداخلي تربعتي علئ عرش قلبي...

جريت نفس عميق ومعرفت شنو احجي ...

وانقذني موبايله الي اتصل هو شاف الرقم وانخطف لونه

كال باارتباك...يالله رحومه استأذن اجاني اتصال...

هزيت راسي بقبول وطلعت موبايلي دا اتصل بضحئ اريدها تنضف غرفتي لان اريد اجي...

اريد اخليها تخدمني ...واطيح حضها...

اتصلت اتصلت ماكوو تطلع مشغول اكيد مصاحبه واحد عار مثلها هي متعلمه...

رجعت طلبت اتصال لسفانا واتصلت بيها هماتين ما ردت ...

رجعت اتصلت بيها فتحت خط كلتلها...هلاوو سفانه لويش متردين هوايه اتصلت عليج...

جاوبت بصوت حزين...اسفه رحمه بس مالي خلك احجي ونبي تعبانه...

استغربت رديت...خير شكو شنو الصاير...

سفانا...موضوع طويل بعدين احجي الج

فتحت عيوني مصدومه وكأن عرفت الصار...بس لا ابن عمج الي مره كلتي نصبتي عليه كشفج

سفانا بحزن...اي كشفني ورزلني وطيح حضي وحتئ مد ايده عليه وضربني وهسه ترك البيت ونخابر عليه ميقبل يجي اتصوري اجر شقه بالكراده وكاعد بيها وراسه والف سيف ولا يشوفني....

رحمة..لج مو كتلج لا تسوين هيج شوفي شلون نزلتي من عينه والله عيب وحرام السويتي...

سفانا ببكاء...مااعرف شصار بيه جنت بس دا اسوي مقلب مااعرف شلون هيج صار واكو مصيبه اكبر من هيج اكبر يا رحمه

رحمه...شكوو شصار

سفانا...لج بدون علم مني رسلت صورة غفران وهو هسه يريد يخطب غفران...

فتحت حلكي مصدومه من كلامه ..صخام شسويتي يا عووبه شلون ترسلين صور غفران لج انتي ابد متستحين احذفي شكو صوره عندج النه لان بعد ما انثق بيج...

سفانا بنحيب..كولي يالله رحمه ونبي بدون قصد انرسلت ومتشوفين شلون شوة وجهي براشدي خلاني حتئ مااشوف...لا تصيرين انتي والكل عليه اني دا اشكيلج...

شفت حميد دخل قفلت الموبايل بسرعه وهي عبالها زعلت...

بسرعه دخلت جوه مناقصه حميد يطنطن فوك راسي جنه ذبانه...

............

عاطف :..... نزلت بمطار بغداد طلعت تليفوني وخابرت امي ..
_ هلو يوم شلونج اني بمطار بغداد وصلت قبل دقايق ..
_ عاطف صدك جذب عليك الله انت شون جيت بدون متكولي؟
_ هيه صارت بعد وجيتي صارت صدفة ..
_ احنا جاييك هسه خلصت اجراءات؟
_ لا ميحتاج اخلص اجراءات واجر تكسي واجي للبيت مباشرة ..
_ لا احنا جاييك بينما تخلص احنا يمك ..
ختمتها وياهه ورحت اخلص الاجراءات ..

رحمة :..... سمعت خالة تخابر عاطف ومبين من كلامها ويا انو هو جاي بقيت واكفة وقلبي نبضاته غريبة ، شعور غريب سيطر عليه ..
خلصت خالة مكالمة وصاحت لخالو كلتله ..
_ عاطف ونيكول جايين خابرني من المطار قبل شوية  خلي نروح نستقبلهم ميصير عرسان جدد ...
جاوبهه ؛- غير يكول غير يحجي ؟
_ صار عنده ضرف ومكدر يحجي ميخالف اعذر ابنه وبغربة ..
_  يلله لعد حضري نفسج بسرعة ..

رحمة :... اني سمعت هيجي ضجت ما اريد اشوفهم سوى ركضت لغرفة غفران فتحت الباب وفتت ..
بس شفتها كتلها ؛- غفران خابري حميد خلي يوديني لبيت ابويه بسرعة ..

شمرت الكتاب الجان بيدها وكامت من السرير بعد ماجانت متمددة ..
سألتني متفاجئة :- خير شكو ؟

تقربت منها ارجف واعصر بيديه ؛- جابها واجه غفران مااتحمل اشوفهم سوى ..

غفران بفهاوة ؛- منو منو الي جابهه واجه
جاوبتها بحدية ؛- شبيج غفران شبيج عاطف ونيكول جايين هسه ..
_ شبيج رحمة حلمانة ؟ لج شيجيبها قابل هم هنا خطوتين ؟
_ اكولج شبيج متصدكيين هسه سمعت هالحجي من خالة ورايحيين هيه وخالو يجيبوهم من المطار ...
كوة قنعت غفران وصدكتني انو هما جايين ، خابرت حميد واني رحت حضرت نفسي بينما اجه واخذني لبيت ابويه ..

عاطف :.... خلصت اجراءات وبقيت بالمطار انتظر اهلي يوصلون واروح وياهم ، اجو وخابروني وصفت الهم المكان الي جنت بي استقبلتهم وجانوا بعدهم تحت تأثير الصدمة ...
امي سألتني ؛- نيكول وين اشو وحدك ؟
_ سالفة طويلة اسولفها الج بالبيت هسه تعبان ومالي خلك ..
اخذوني ورحت للبيت اول مافتت سلمت على الكل جانوا مصدومين من جيتي ، كعدت بالصالة واتلفتت وكل دقيقة انتظرها تفوت وتدخل واشوفها واكحل عيني بشوفتها بس ماكو ..

بعد ماصبرت سألت عنها ..
_ رحمة وين ماشفتها ؟

غفران ؛- راحت رحمة لبيت ابوهه

_ شوكت راحت ؟
_ قبل لتجون بنص ساعة تقريبا ..
_ يعني هي تدري بيه راح اجي وراحت ؟
_ ها اي ، اله كولي انت مو ع اساس جايب نيكول وجاي ؟

_ بصراحة اني طلقت نيكول ورجعت هنا بعد ما اروح لاوكرانيا ابد ..

ام عاطف بصدمة ؛- شنوو ؟؟ عاطف احجي شصاير وياك ابني شنو هالحجي احنا اهلك ليش ضام عنا كل شي ؟

عاطف ؛- ليظل بالج يوم كل ما بالموضوع اني ماتوالمت وياهه طبعها غير طبعي ..

_ صار شكد وياهه انتَ هسه يلله عرفت ..
_ اي يوم ما اتفقنا شسوي يعني اتخذت قراري وطلقتها ..
_ بس انت جنت تحبها شنو الي صار يا ابني ..
_ ماما لظلين تفكرين طلقتها وخلص واني مو اول واحد ولا اخر واحد يطلق وهسه تعبان اريد ارتاح ..

اخذت اغراضي وصعدت لغرفتي وببالي الف سؤال ليش راحت لم عرفت اني جاي جنت مشتاق الها اول وجه جنت اتمنى اشوفه هو وجهه ضجت حيل ومزاجي تعكر رغم جنت فرحان بخلاصي من نيكول هم وانزاح ..

سبحت وجريتها نومة لليل كعدت من النوم جسمي متكسر ، تمططت رحت غسلت ونزلت جوة شفتها ساعة ١٠ بالليل ..

باوعت لبيبي شفتها متحضرة طلع حميد من لابس وكاشخ ويباوع لساعته ..
سلمت عليه من ورة خشمي ..
التفت لبيبي وكللهه يلله بيبي تأخرنا ع الجماعة يلله مخلصتي ؟

جاوبته ؛- هو اني الي تأخرت لو انتَ ؟
_ يلله يلله راح اسبقج للسيارة ..
طلع حميد ، باوعتلها
سألتها وين رايحين ؛- رايحيين نحدد موعد لخطبة رحمة وحميد ..

خلتني مصدوم وضايج وطلعت ..
معقولة رحمة توافق ..
غمضت عيوني جريت نفس تحسرت بأسى عاجز عن التفكير ، انداريت اروح لغرفتي ماكو شي اسوي اريد اروح اكمل نومتي احسن ..

صارت كبالي غفران تباوعلي بنظرات غريبة ..
خزرتها معصب كتلها ؛- شكو؟

حجت بنبرة رجاء  ؛- عاطف ترة رحمة تحبك الك متحب حميد لاتضيعها من ايدك رحمة محتاجتك ..

عكدت حواجبي اباوعلها مصدوم
_ شمدريج انتِ شجاي تهذين شهالخرابيط  ؟

_ والله والله عاطف هيه تحبك اعترفتلي بعظمة لسانها وراحت لبيت ابوها كل ظنها جايب نيكول وجاي وطلبت من حميد يوديها لان متحملت تشوفكم سوى ...

جاوبتها وبعدني مصدوم ؛- شنووو؟

نهاية..البارت...يتبع

كونوا انتم كونوا بخير...انحبكم💔

نورا ناصر...نور سمو العراق..😘