رحمة عاطف

بارت 17

بارت 17

رواية...رحمة عاطف
نورا ناصر...نور سمو العراق

💔💔💔💔💔💔💔💔

كمت من عليها واحس الرجل الشرقي الي بداخلي انتفض واخيرا ، وعيت على حجم الكارثة الي اني بيها ..

نزلت من السرير معصب فاير بركان من الغضب على وشك الانفجار ..
_ نيكول نيكول ماهذا ..

رفعت نفسها وهيه على السرير ، اسندت نفسها  على ركبها حوطت رقبتي بيدها وحظنتني ..
حجت بنبرة كلها سعادة ؛- عاطف انا احبك ..

دفعتها وضربت ايدي بقوة ع الدولاب وكع التيبلامب ع الارض وتكسر ..
نزلت من السرير واجت يمي ...

وكفت مقابيلها ..
_ الم تخبريني بانكِ لازلتِ عذراء وانني اول رجل بحياتكِ ؟

ابتسمت بخبث وجاوبتني ..
_ حسناً لقد كذبت ..

وطكتها ضحكة ، استفزتني ، ضربتها راشدي قوي على وجهه  ، خلت ايدها على مكان الضربة وباوعتلي مصدومة ..
صرخت ؛- ايها الاحمق كيف تجرُأ ؟ ....

جريت نفس كلش قوي وكفت متصنم بمكاني ..
كملت كلامها وهيه منهارة وتصرخ؛- لقد احببتك ايها السافل احببتك لا تعرف معنى الحب ؟ لقد اردت استمالتك اليه باية طريقة ، وانني اعرف التقاليد والعادات التي  تتبعونها ...

رفعت اصبع السبابة بوجهه ؛- حمقاء غبية كنت سأكتشف كذبتك اللعينة عاجلا ام اجلا ..

_ اللعنة عليك لقد احببتك بشدة لكنني الان اكرهك اكرهك ..

وكعدت على الارض تبجي بنحيب وتتمتم..

اخذت ملتبس وصرت البسها ماريد ابقى يمهه دقيقة وحدة اريد اطلع..
كامت من مكانها وتبعتني تجرجر بملابسي وتصيح
اذا خرجت من هنا سوف تندم ايها الحقير  ..
وظلت تغلط وتفشر فشار مصاير ..
من بينها كالت جملة مكدرت انساهه ..
_ اللعنة على مجتمع شرفهم بين سيقانهم ..

دفعتها بقوة ارتطمت بشي لان صار صوت وصرخت متألمة ، مادرت وجهي ولا انتبهت عليها طلعت من الغرفة بسرعة البرق ..

رحت للكراج اخذت سيارتي وطلعت لشقتي دااحس ضايع ومتشتت داحس حالي غبي لان صدكتها واني اعرف مجتمعهم كلش زين ...

احس وكعت بمستنقع ما اكدر اطلع منه ، تذكرت اخر لحظة من دفعت نيكول ونطيتها ظهري ما اعرف شنو الي صار بيها ، استغفرت ربي وتأفأفت بشنو ورطت نفسك يا عاطف بشنووو؟؟

رحت سبحت وكفت جوة الدوش والمي الحار ينزل عليه تمنيت اغمض وافتح والكى نفسي صاحي من حلم ، لا نيكول ولا مخطط حميد وبس اني ورحمة بالدنيا كُلها لكن هيهات ..

طلعت من الحمام ورحت تمددت بسريري خليت ايديه جوة راسي وعيوني ع السكف ونظراتي بالفراغ ، ابتسمت على غبائي شون صدكت نيكول وشنو هالثقة بيها مستحيل مدا اصدك نفسي ..

انقلبت على الجهة الثانية هواي فكرت برحمة يلله غمضت اجفاني و استسلمت للنوم ..

الصبح كعدت على صوت ضجة ، كمت من السرير بسرعة فتحت باب الغرفة وشفت الشرطة تفاجئت !!!

رحمة :.... شفتهم متجمعين كلهم بالصالة ويحجون ويا عاطف بليلة زواجه ، تقربت منهم وكعدت ع القنفة وصرت اباوع لامه وهي تباوعلي حست عليه اريد احاجي .. قربت مني التليفون
كالت تردين تحجين ويا ؟

هزيت راسي واخذته منها رفعت عيوني وقابلت عيونه خيم الشوك على قلبي ، شوفتي اله بقاط العرس داس على قلبي وحطمه اشلاء ...
همست بحسرة وباركتله واني مصدومة ممصدكة نفسي تجرأت حجيت ويا ، انتشلني من صدمتي صوته وهو ابتسم بتكلف و يكول سامحيني ..
مسامحتك ....

حسيت روحي دتنزف الم عذاب عفت الفون لخالة ام عاطف وكمت من يمهم صعدت للغرفة نبضات قلبي الف اله شوية ، نزلت دموع العذاب على خدي شوكت ارتاح يربي يومية اموت الف موتة شوكت افرح ليش الفرح مو من نصيبي من دون البشر شوكت تلتأم جراحاتي صرت ابجي بخبال ..

انفتحت باب الغرفة ودخلت غفران مسحت دموعي ، داحاول اسيطر على شهكاتي الي تطلع مني غصب
اجت كعدت يمي لزمت ايديه تمسح عليه بحنية واني مستمرة ابجي ...

كالت حاسة بيج ..
باوعت الها بتساؤؤل مستغربة ...
هزت راسها بقبول كالت تحبي لعاطف صح ؟
ارتبكت ؛- لا لا اني بس اني هيج ضايجة وداابجي وبس ...

غفران؛- اعترفيلي لج اعتبريني  اني اختج ..
_ غفران ماكو هيج شي لايروح بالج لبعيد ..

كمت واني احاول ماابجي ..
تبعتني دارتني الها كالت ؛ زين اعتبريني اني نفسج ودتحاجينها مو مرات الانسان يحاجي نفسه هسه حاجيني بس بصوت مسموع واعتبريني نفسج ..

حسيت نهاريت ويا كلامها ، ارتميت بحظنها وصرت اشهك واحاجيها ..
_ غفران اني وبعد وفاة ماما تعبت حييل مالكيت السند انطعنت اكثر من مرة صار كدامي عاطف عطف عليه وارتويت منه صار سند ، اخ ، اب ، والاكثر من هذا هو طبيب لجروحي والمي كلامه كان يوصل لاعماق روحي مكدرت غفران مكدرت اكبح جماح مشاعري منه اعرف خاطب وحيتزوج وطبيب متعلم واني كدامه لاشيء بس مكدرت ما احبه اعشقه مكدرت يا غفران ...

اليوم اني مكللة بحزني وضياعي ميتة روح ندمانة عاطف بسببي سافر جان باقي بس اني اذيته مانطيته فرصة ماسمعت اله ياريت يعود الزمن ليورة واسمع منه ياريت .... !!

عاطف ...
اجو قيدوني بالكلبجات واخذوني وياهم ، اخذوني ع مركز الشرطة  وهناك عرفت انو نيكول مقدمة بلاغ ضدي ، تصرف متوقع لان اذيتها اني ، قضيت اليوم كله موقوف !

بعدها وكلولي محامي بقيت فترة بالسجن الي عرفته انو نيكول من دفعتها انضربت بالسرير ومتأذية كصتها وصاير بي اثر ، اشتكت عليه والقوا القبض عليه بتهمة التعنيف ..

قضيت فترة بالسجن بعدها افرجوا عني وكتبت تعهد بعدم المساس او الاقتراب من نيكول ..

مشيت بالاجراءات وطلقتها شرعا و رسميا ...
وقررت ارجع للعراق بدوون عودة ..

..................................

رحمه...

من زواج عاطف لحد الان واني مزعوجه ومقهوره خلص انتهئ كوولشي...

ومضايقات حميد المستمره وحبه الغير مقبول...

خابرتني سفانا كالت رحمه تعالي معزومه اليوم عيد ميلادي بس تعالي الوحدج اوك حب...

كلتلها...بس ما اندل بيتكم

كالت تعالي يم مدرسة الزهور واخلي جدو يجي ياخذكم..

اني رحت حجيت ويه بيبي كالت ..اي بيبي نروح سفانا خوش بنيه وفقيره...بس اخذيلها هديه...

كلتلها...اهاا خوش خلي اروح ابدل...

اجت غفران كالت..وين رايحين من وراي صدك ما تستحن وهاي اني خادمتجن..

ضحكت كلتلها...رايحين السفانه عيد ميلادها

هي اشو فرحت كالت..والله رجلي علئ رجلج واروح وغصبا عنكم اريد اكل كيك وببسي..

استحيت اكلها مقبلت بس اني اجي كلتلها..يالله حضري نفسج...

هي راحت بسرعه تركض اسمع امها مقبلت تروح بس هي لزكت اله تروح...

بدلت لبست نفنوف قصير بهاري وستريج اسود وشال بيجي وحذاء بيجي..

وغفران لبست بنطرون ثلجي وبدي ابيض وستره بصليه وشال نيلي وحذاء نيلي وحاطه شويه مكياج...

بس طالعه حلووه...

طلعنه وبيبي رادت تاخذ تكسي حميد طلع كال لا اني اوصلكم اذا رحمة ما اوصلها المن اوصل...

جريت نفس متضايقه من كلامه..صعدنه بالسياره وجانت نظرات حميد خارقه ومستفزه بحيث الطريق مهتم اله بس يباوع...

نزلنه للسوك اشترينه هديه ورجعنه لحميد اول مصعدت حميد كال...حبي محتاجه فلوس انطيج..

تنهدت بضيق...لا شكرا عندي متقصر...

رحنه يم المدرسه لكينه رجال كبير واكف نزل حميد سلم عليه ورحنه البيت سفانه...

دخلنه لكينه مسويه احتفال بسيط وجانت لابسه فستان طويل حلوو وفاتحه شعرها طالعه كوولش حلوه وراقيه...

ومجتمعين قليل من اقاربها وصديقتها بس هي من شافت غفران فتحت حلكها كالت...غفرران شجابج

غفران فشلت كالت...ارجع يعني

سفانا ابتسمت باارتباك...هااا لا بالعكس اهلا وسهلا بيج نورتي..

سلمت عليهل كلتلها...حياتي كل عام وانتي بألف خير ان شاء لله عقبال المئة سنه ويارب عروس...

ابتسمت ورحت حضنتها باركت الها كلتلها..يارب اشوفج احلئ عروسه...

احتفلنه وياها ومشغله ديجي وطفينه شمعتها تونسنه وجان يوم حلوو كدرنه شويه نتجاوز من مئساتنه...

انطينه الها الهدايا وبعدها راحو اقاربها ضلينه كاعدين يمها بالاستقبال...نضحك ونسولف...

شويه وانفتح الباب دخل واحد طويل اسمراني من شافته سفانا وكفت مصدومه وهو بسرعه ركز بنظره علئ غفران وكال..ياسمين...

سفانا بسرعه تداركت الموقف كلتله..حسن اطلع البنات يستحن...

طلعت هي وياه بره واحنه ضلينه كاعدين بالاستقبال وبيبي صح اجت ويانه بس رجعت ويه حميد لان متحب الصخب والحفلات والضوضاء ..

كالت غفران بضحكه...هذا العكيد يسميني ياسمين لو اعرف ياسمين منو جان ارتاح كلبي. 

ضحكت كلتلها...عود ليش يسميج ياسمين

غفران رفعت اكتافها...اندري خيه خبل مدري شبي

..

سفانا طلعت بسرعه بلهفه سحبت حسن عطت بوجهه كتله...شبيك حسن مو عيب تدخل هيج البنات استحن شبيك انت لهلدرجه تحب البنات...

كال بعصبية..انجبي لج هاي البنيه ضحكت عليه ورسلت صورها وسوت ويايه علاقه ودكولين تحب البنات باعي سفانه تحجين وياها لو شلون...

بللت شفايفي بحيره كتله...اوك اوك احجي وياها بس انت روح...

ابتسم بهدوء كال..شكد حلوه عجبتني وطولها ل 150 متر احلئ شئ بيها ...تحسيها طفله ولو هي الله معوضها بالسانها...

حسيت انقهرت حيل من كلامه كتله...اوك روح احجي وياها...

كال برجاء...سوسو فدوه مو تنسين احجي وياها ولا تنكر حبابه...

رجعت الهن جريت نفس

كالت غفران...عفيه سفانا هذا ابن عمج مخبل لو مسودن شبي فدوه كل ما يشوفني وكال ياسمين انتي حبيبتي هسه كون صدك حبيبته وعندي علاقه وياه جان ما احترك كلبي بس ونبي ممسويه وياه علاقه...

ضحكت كلتلها...لا صار سوء فهم بعدين افهمج لا تاخذين عليه هو حباب بس فاهم الموضوع غلط...

غفران...اذا يريد خل يخطبني موافقه هههههه

رحمه ضربتها...هههه ثول مستعجله..

غفران...لا حلو ابن عمها صح مزنجر بس ينطلع بي وبصراحه اني احب الاسمر بي ملوحه احسن من الابيض كأنه ابو بريص...مسلوك...

ضحكت سفانا بس جانت متوتره حيل كلتلها بخوف...اذا خطبتج لحسن اهلج يقبلون

غفران...والله امي تركص بجفيه من باجر تاجر بدلات وتحجز صالون...

سفانا سكتت وتنهدت...

حسيتها مو علئ بعضها بعدها اجت بيبي وياها حميد خلينه وطلعنه...

لكينه حسن واكف يم حميد من طلعنه بسرعه عيونه انتقلت الغفران وغفران رمقته بنظره خجوله..

حسن كال...اهلا وسهلا عيدوها والله شرفتونه...

غفران ابتسمت واني ندستها بعكسي فشلتنه العوبه تتمضحك ممصدكه خطبوها جنها مفجوعه...

صعدنه بالسيارة وغفران همست لك فديت اسمر ويخبل كل القوط تلوگ عليه...اسمر ويخبل...

فديته وفديت سماره ادور زلم ما ادور ما يعين....

ضليت اضحك عليها ...

انتبهت علئ حميد يكول ...شوكت اخطب رحمه حجيه ترئ اني حجيت ويه ابوها وهو موافق بس ضل هي توافق لا...

تضايقت حيل من كلامه والحاحه الزايد...

بيبي جاوبت...والله حميد هو الرأي الاول والاخير الها اني حجيت وكلت وضلت الشغله يمها...

هو رجع باوعلي بالمرايه كال...رحمة والله اسعدج وما تنضامين عندي ابد ادللج دلال واونسج و وعد مني اسفرج وشنو التردينه اني حاظر...

استغربت من كلامه والحاحه الزايد كتله...يعني انت ليش مصر عليه هيج يعني اكو هواية بنات ليش اني بالذات...

جاوب بحنان...حبي اني صح جانن عندي علاقات وشفت هوايه بنات بس بصراحه انتي اكثر وحده جذبتيني وما انكر حبيتج...

غفران...احم احم شوكت حبيتها...

حميد بعصبية...انتي اسكتي رحمه خلينه اني وياج نحجي اني ما اضغط عليج بس اريد توافقين لان اني انسب واحد الج واحبج واحترمج و وعد عليه مراح تنهضمين واني اعرف حالتج...

وبعدين ابوج يريد يزوجج لواحد بالعماره اني شنو تاخذين واحد بعيد عن بيبيتج وهناك ناس عشائر يتعبونج وتسئ حالتج النفسيه اني اريد اطلعج من قوقعتج مو انوب تزيد حالتج

انصدمت كتله...بابا يريد يزوجني بالعماره لاخو نهاد مووو...

كال..اي عفيه اخو مرته الاولئ ويكولون واحد همجي ومهتلف رحومه التعرفينه احسن من الي ما تعرفينه واني انسانيتي هي الي خلتني احبج واخطبج...

حسيت اقتنعت بكلامه جاوبته بتوتر وخجل...موافقه...

هو فرح وبيبي هلهلت وهي بالسياره وكالت...منين جابوك يمشمش كربله رحومه جكليت وحميد نستله...

بلعت ريكي ودمعت عيوني حسيت غلطت او تسرعت بس كلت خلي اجرب حضي هو عاطف بعد تزوج ولو يحبني ما عافني...

غفران همست من بين اسنانها...لعد مو تحبين عاطف اشو مصدكتي اجاج رجل..

باوعتلها بقهر وسكتت ماعندي كلام للرد...
.......

سفانا

بعد ما خلصت الحفله حسن تخبل علئ غفران...

وكل شويه وكال...حجيتي وياها

كتله بملل...اي حجيت وموافقه روح اخطب الله يهنيكم...

رد بفرحه...صدك اشتعلت عشيرتي والله من باجر اروح أخطب شحلاتها وشحلات كلامها من تغرد بالخاص ..

طك كلبي منه ضل يتغزل بيها وبكلامها كتله بعصبيه وتسرع...ترئ ياسمين مو غفران...يا سمين اني...

هو باوع عليه وبانت ملامح الصدمه علئ وجهه كال...شنووو شكلتي عيدي .

نزلت راسي بحزن ..اي ضحكت عليك مااعرف شلون صار هيج

ما حسيت غير براشدي طير ملامح وجهي وانضربت بالطاوله حيل بضهري صرخت من الوجع ...

نهاية البارت...يتبع

كونوا انتم كونوا بخير...انحبكم💔

نورا ناصر...نور سمو العراق

وقفه حبيباتي...الكاتبه فراقد حسابها انحذف وهذا حسابها الجديد ياريت يتابعها واكون ممنونه
faraqidhasanail