جرح وسط المافيا

الحلقة 21

مالك تحنا عندها و شد وجهها بايديه بنوع من التملك : ششش متخافيش غار ثيقي فيا انا معااك معااااك و لكن كيفاش شكلك كيبان برازيلي عاد عينيك خضرين و لكن نتي كتهضري بالدارجة؟؟
ايسون : معرفتش عاد تلاقيت مع 2 قالو ليا سميتي غيتى يعني غالبا و في الاصل غادي نكون مغربية ( تفكرات شي حاجة ) اه تسنى هنا ( ناضت ايسون للماريو هزات واحد الحاجة و هي ترجع عند مالك
ايسون : قبل خمس ايام طلبتي ايدي للزواج مني رفضت ( خنزر فيها مالك ) المهم مني هربت دخلت للواحد المطعم و انا نتصاطح مع واحد البنت و غار شافتني بحال شافت عزرائيل و بقات كتقول غيتى غيتى زعما علية و انا نطيح صاكي وبدون قصد هزيت معايا شي حاجة ديالها
مالك : شنو هي ؟؟؟
ايسون مدات ليه السنسلة : ها هي .
مالك : غار شاف السنسلة متيقش بقا مصدوم متيقش اش هادشي هاز في ايديه بزاااف على الصدفة .. بقا غار مخرج عينيه ....في حين ايسون كتشوف فيه بتعجب
ايسون : مالك شنو واقع ليك ؟؟؟
مالك : ايسون القلادة القلادة هادي كاينين 2 منها
ايسون : بالصح اذن غادي تكون نادرة و مميزة لا ؟؟
مالك خرج كيجري من غرفتها في حين ايسون تبعاتوا كتعيط عليه حتى وقفات متعجبة كتشوف فيه كيمشي
ايسون : اشنو غادي يكون في هاذ السنسلة حتى مهمة للهاذ الدرجة ؟
_____________
مالك اللي كيصوق الطموبيل و هو خايف خايف لا ميلقاش ختو و يكون شكو مشا هكاك ... فجأة دازت سحابة من عينيه من الماضي
قبل سنوات ⬅️⬅️⬅️⬅️⏰
مالك ( الطفل ) هاز معاه شكلاط صغيرة و شوية بانت ليه سمر كتشتت في واحد الرجل الالي و بقا كيشوف فيها مصدوم و هي يمشي عندها معصب
مالك بلكنة طفولية : واش حماقيتي شتتي ليا لعبتي الرجل الالي اللي عزيز عليا
سمر كتشوف فيه بيعنيها الزرقين ببرأة : شم لم ممأنت شاشد ( سمح ليا مكنتش قاصدة )
و هي تعلا سمر و عاونها مالك حتا هزها و هي تبوسو ساعة خمجاتو دفال فضغيا طلق مالك غوباشتو و هي يبقا عليها بالبوسان اما هي بقات كضحك شوية بقات كتبربص حتى نزلها و هي تمشي للداك الرجل الالي و هي كتقاد فيه و شي مقادة مكتبغي تقاد و هو يتحنى عندها مالك و سولها
مالك : اشنو كتيري ؟
سمر : بت ترج تتاظو ( بغيت نرجع نقادو )
مالك : وعلاش ؟
سمر حطات صبعها على قلب مالك : بلش نتاتج تيتي( باش نعالج ديدي )
مالك عنقها و عطاها شكلاط اللي جاب ليها و شوية بدا كيهرها و هي بقات كضحك بالجهد
العودة ⬅️⬅️⬅️⬅️
غمض مالك عينيه متكي على الكرسي تاع الباب كيستحضر لحضاتو مع اختو ... تنفس من بعد ضور عينيه لقا راسو وصل للمطعم ... نزل و هو يتوجه مباشرة للكاميرات مكاينش اللي يمنعو و لكن تبعو المدير مع ذلك 😂😂
المدير كيجري تابعو : السي مالك بغيتي شي حاجة ؟ الشرف لينا تحضر للعندنا . نوجدو ليك الطبلة؟ شنو تحب خاطرك تاكل ؟
مالك متسوقش ليهم مشا نيشان للغرفة المراقبة.. قلب على سيدي تاع نهار طلب ايدين ايسون اي حوالي سيمانة .... للقا السيدي و هو يخدمو في التلفازة ... حتى ببقا كيسرعو حتى وصل للفترة الليلية شوية بانت ليه ايسون تصاطحات مع سمر اللي بقات مصدومة مني شافتها و شاف حتى مني ايسون خدات القلادة بلا ماتحس ... وقف مالك صورة سمر
و بقا كيتأملها عرفها ختو تأكد 100 % خاصة من عينيها الزرقين اللي كيشبهو للعينيه ... خرج صورتها و هو يطلب من الغارد و الشرطة يقلبو على عنوانها و جميع أخبارها.... و هو يرجع للفندق و هو فرحان مني لقا ختو ❤
_________
في حين سمر كانت كتعشى مع عائلتها .. و ساهية في طبسيلها و مرة مرة كضرب طليلة على عجوزتها ( ام عماد )اللي ما حبساتش هاد الفترة من الضغط و حشيان المعاني انها باغا حفيد و لكن هي ممستاعداش باقا باغا تكمل قرايتها في الطب عاد يالله في بداية علاقتها مع عماد استئذنات منهم تحت نضرات استغراب عماد اللي لاحضها انها في هاذ الفترة غار ساهية و شهيتها قليلة ...
عجوزتها طلقات الهضرة و هي كتبعكك في نصف الطريق سمر : ايوى غدا غادا للسبوع فاطمة بنت ثورية جاتها بنية علام الزيناتها الله يخليها للواليديها
كملات سمر طريقها في حين عماد بدات كتوضح ليه الرؤية و هو يخنزر فمو و ناض : على من ايمتا كان عندك صاحبتك سميتها ثورية
العجوزة كتفتف : اه اه راه تعرفت عليها في في الجمعية
مشا مالك بلا ما يزيد معاها الهضرة حيتاش عرفها كتكذب
في حين سمر كانت في الطواليت كتشوف راسها في المراية معصبة من تصرفات عجوزتها شوية معدتها تروعات عليها و هي تخوي كلشي في المرحاض و هي تحبس كتنفس .. حتى خرجات صفرة للدرجة عماد تخلع عليها و يجبدها حتا قعدها في الناموسية
عماد كيقيس قيها : مالك احبيبتي ؟
سمر شادة في معدتها : اوووف والوو الرضان عاود
عماد معصب : نتي راسك قاصح غدا غادي نمشيو للطبيب فهمتي ؟؟
سمر : خلي للبعد غدا اليوم غادي نشرب واحد العشبة غادي تفتح ليا الشهية ما بغيتش نستعمل الدواء انا اكثر وحدة عارفة المخاطر ديالو و انعكاسو على الصحة
.... تكاو حظا بعضياتهم و نعسو ....
_____
في حين مالك دخل فرحان على غرفة ايسون اللي كانت يالله بغات تنعس حتى معرفاتش باش تبلات مني للقاتو قدامها
ايسون ناضت من بلاصتها و شعلات الضوء : واش واقعة شي حاجة ؟
مالك جرها للعندو و هو يعنقها و باسها في عنقها حتى تبورشات : للقيت اختي ايسون لقيتها ههههه
ايسون بفرح و هي كتنقز و شافت في عينيه : واش بالصح ممتيقاش عفااااك وريها ليا و قوليا كيفاش للقيتيها ؟
مالك شد ايديها و جمعهم و باسها كدليل على الشكر حتى خرجات هي عينيها و تصدمات : بسباب واحد الملاك دخل للحياتي كنشكرو بزااااف بزاااااف
ايسون بغيرة :اه بالصح مزيان
مالك : هههه غار كنضحك معاك هاذ الملاك هو نتي
ايسون : كيفاش ؟
مالك جرها حتى خرجوا لاطيراس كيشوفوا في النجوم و القمر : مني هربت مني و تصاطحتي مع واحد البنت بدون قصد هزيتي السنسلة ( جبد دوك جوج سنسلات وراهم ليها تاعو و تاع ختو ) مع صاكك و انا مني لقيتها عندك تصدمت كان بابا الله يرحمو صمم غار جوج اللي كاينين .
ايسون : متصورش شحال فرحت ليك و الله واش لقيتيها ؟
مالك : باقي صيفطت التصويرة للرجالي ( جبد تيليفونو ورا ليها تصويرة سمر اللي غير مي شافتها حسات بنفسها ضاق و راسها بدا كيضرها ) المهم غدا عندي ليك مفجأة زوينة ( و هو يعنق ايسون اللي بادلاتو و هي حاسة بشعور خايب و خايب بزااااف )
___________________
Vote + comments
رأيكم في البارت