#ياليتني_لم_أولد⭐🏆
#للكاتبةة_زهراء_البصراوي🕯💛
للتنويه🎙🎙بارت ماقبل النهايةة♥️
نتعلم من المفاجئات اشياء جميله جداً
وفي قلوب الأحبه والأماكن الجميلةة ماذا نوجد ؟؟!
سنعد خطوه إلى الوراء لكي نسترجع إشياء جميلةة افتقدناها..
ريان {{💛}}
نجمه: والله ياااا بابا اناا كتير اشتقت لماما رهيف وهي مابدا تشوفني ليه؟؟
ريان: شنوو هاي منو علمج هيج تحجين
نجمه: من قصه شفته امبارح وكانت كتير حلؤه وانا تابعته كلا و تعلمت منا هيدي الحكي
ريان: لك فديت اليتعلم هيج حكي
نجمه: كرمالي ياااا بابا انا بدي شوف ماما رهيف لمره وحده يكفي
ريان: ان شاءالله ياااانجمتي بس مو هسه ماما رهف تدرس خل من تكمل امتحاناتها شوفيها ماشي
نجمه: طيب ....
<<بعد مرؤر اياام>>
1/30💙
ساعه ب8:00بليل كلش تعبت من امتحاناتي باجرررر آخرر يوم وهوو احياء كلش متوتره وخايفه كلت مااانام ابقى ادرس للصبح..... رحت لغرتنه بقيت ادرررس بيهااااا وشهد راحت هي وخالتي وبراء لبيت عموو احمد مسووين عزيمه لأن ايسر تزوج وجايه ام ريهام بس !!!
الهم وبيت جدوو هم قفلت الباب وكعدت اقرا ل11وهم ماكووو كمت غسلت ملابسي مال دوام ونشفتهم وحضرت الي ملابس لباجرر طلعت صدريه رصاصيه وقميص سمائي وستره كابوي هذا زي مدرستنه .... وطلعت حذاء سمائي
وجهزت اللي احتاجهم لباجرررر وكعدت اباوع بفوني شوي وكلت خل ابحث ع حساب ريان دخلت ع فيس نغم ولكيته ريان بالأنكليزي ومخلي صورته شفته ناشر منشور صوره سوده ومكتوب عليها
(اكتشفت ان لا آحد
يستاهل الحب غيرها).....وكاتب R+R❤
سويت شير للمنشور ودزيته اله
جان حسابي اسمه Loss of female
ضياع انثى
كتبت اله :--
رهف: ربي يدومكم
ريان: تسلمين
رهف: شنو تصير الك هي هاي اللي تستاهل الحب ؟
ريان: عفواً ليش هلسؤلل ؟؟!
رهف: هااا بس سؤال هيج فضول
ريان: هاااا تصير حبيبتي
رهف: هاا هنيالها بيك حلؤؤ ماشاءالله
ريان: تسلمين من ذؤقج
رهف: انتَ الذؤق كله
ريان: شكراً
رهف: عاد هي حلؤه مثلك لوو عوجه
ريان: مثل وجهج قصدج؟
رهف
😂😂😂ياااااا اعوج يكول عليه عوجه
رهف: محد يلحكني اني اخبل
ريان: اي واضح
رهف: والله شايف نفسك انتَ
ريان: وانتِ شعليج
رهف
هم صدك شعليه
رهف: باااي اسفه ع ازعاج
ريان: هلابيج....
رهف: ☺️
ريان: سؤال؟!
رهف: جواب عيني
ريان: ليش ضعتي؟
رهف: مفهمت
ريان: ضياع انثى؟
رهف: هااا اي شعليك انتَ
ريان: هههه من دخلتي وسئلتي وكتلج شعليج كلتي فضول اني مثلج فضولي بس احتفظ بسؤالي ودمتي بخيررر باي
رهف: وينك باااي
عفته ورحتتت رجعت اراجع الماده شوي وصارت ب12:00 واجووي من بيت عموو احمد نزلت فتحت الباب
ابتسام: هلااا شلونج
رهف: هلااا خاله الحمدلله
براء: هلاااا رفيشه
رهف: رفيشه شنووو
شهد: اسم يديد
رهف: شكد اوفررر نوب انتِ ام يديد منو عداج
شهد: ريهام
رهف: هااااا
دخلنااا جوه وبقينه نسولف خالتي راحت نامتتتت كعدنه بلصاله ودزينه براء للسنتر اشتره النه حلؤيات واتصلناااا بعمو محمد جاب دنيا واجه
محمد: هلاااا عيني احلى سهره
دنيا: ههههه سهرة طلاب سادس
محمد: اااي يلاااا خل نأكل واشرح الكم اني ودنيا تكتب الأسئله
رهف: خوووش فكرةةة
براء: شعدهااا رفيشه الشاطره
شهد: ههههه
دنيا: هههه شنو رفيشه
محمد: ولا يكعد برااااء
رهف: ونبي بعد اذا كلت رفيشه اعررف شسوي بيك بربر
شهد: 😂😂😂يمه قلبييييي .
دنيا: بربر هههههههه
براء: شنو بربر هذا لقبج ممتعوب عليي اني لقبي تعبان علييي
رهف: ديلاااا خووووش..
كملنااا سوالف وكعد عمووو محمد يشرح النه ودنياااا تكتب اسئله وانطونه اسئله وطلعنااا اوراق وكعد كل واحد بمكان يحللللل والحمدلله جنت اني زين ب اجوبتي اما براء ممركزز وشهد زينه بس يراد شووووي صارت ب2:30
محمد: يلااا دنووو خل نرؤح للبيت
شهد: باتواا يمنه
محمد: لااا امي لوحدهااا بس سناء يمهااا
شهد: هاااا ماشي
دنيا: يلاااا باااي شباب اتمنالكم التوفيق اشوفكم باجرررر هااااا
رهف: ان شاءالله حبيبي ...
محمد: باااي رفيشه باي بربر باي شهش
شهد: شنووو هاي استغفرالله
رهف: الله يستررر
براء: بربر💔😂😂 ادرري كاتلني البرد
دنيا: اؤؤف يايمه متتتتتتتء
محمد: يلااا نرؤح
رهف
راحواااااا واني راجعت كل شي وكملت الماده وصليت ركعتين ونمت ......
ريان
جنت فوك بغرفتي ودخلتلي وحده ع فيس مدري جنها خبله حجيت وياهااا .. شوي وسديت الفون ورحت نزلت يم امي
لأن صاحتني مدرري شرايده ؟!
آمل: تعال
امير: صارر ننتظرك
ريان: الله يسترر شكوووو
آمل: اريد ازوجكم وافرح بيكم قبل لا اموت
ريان: اسم الله عليج
امير: اني مااتزوج هسه
ريان: واني اللي اريدهاا انتِ مترديهاااا
آمل: اهوووووو واحد يريد مطلقه والثاني يريد عاررر
ريان: يمه مااااسمحلج تحجين هيج !!
امير: شنووو شبيها المطلقه
ريان
بقيناااا نسولف وووي امي وكلش ضجت صعدت فوك نمتتتتت ..
31/1💕💕🌧
رهف
كعدت ساعه 6:00 نزلت سويت ريوك وكعدت شهد وبراء وكعدنه نتريك ونشرب شااااي بعدين كملنااا شهد غسلت المواعين واني صعدت غسلت وبدلت وكعدت اراجع الماده وشهد مثلي كعدت تراجع الماده
براء: يلااااا امشواا خل اوصلكم
شهد: جاااييييييين .
رهف
صعدنه بسياره براااء ورحنااا اني وشهد للمدرسه وصلنا وسلم علينه وراح ....
ريان 💕
كعدت ب6:30 ع صوت مطررر خفيف والجوووو فد شيء كلت اليوم آخرر يوم لرهف خل اسويلها مفاجئةة﮼
كعدت سبحت وبدلت لبست اسود ورصاصي ورحت للميتم جان الجووو بارد وصلت للميتم ب7:15
دخلت لكيت محد بلحديقه دخلت جوه لكيت كل الأطفال كاعدين شغلنااا تدفئات ع مود ليتمرضون الأطفال ،، جبت رقم رهف من نغم وانطيته لمراد اخوو ناديه يتصل برهف ساعه2:00ظهررر ويكلهاا ان اكوو حريق هنااااا اذا اجت يعني تحبني وتحب نجمه واذا مااجت متحب آحد بينه بدينه نحضر الميتم وسوينه اله زينه و ورد وردي خلينه وصارر يجننن وطلبنا اكل وكيك وهواااي اشياء حلؤه وطلبت كيكه خاصه عليها صورة رهف جبناها من نغم .....بعدين وزعت ع اطفال هداياا كتلهم من تجي رهف انطوهاااا الهاا
ناديه _💛_
كلش زعلانه من رهف لأن مسئلت عني ومفكرت تشوفني..... ومتحلفه بيها لأن حتجي اليوم .....
رهف
الحمدلله كملت الأمتحااان ب10:00
وسلمت ع البنات اني وشهد وشوي واجه براء وكال
براء:- بمااا ان اليوم آخر يوم امتحانات واني مجاوب شرايكم انزلكم ب احلى مطعم واعزمكم
رهف: اااااي ااااي
شهد: اااااي بعد اختكككك
براء: يلاااااا
رهف
اخذنه براااء للمطعم وطلبنا بيتزا وصاج وببسي كملنا بعدين صعدنه بسياره وبقى يفرنه بشوارع بغداد الجميلةة
شهد: براء عفيةة نريد ننزل هنااا خل نتمشى
براء: ماااشي
رهف 💙
نزلنااا نتمشى وشهد شافت ايس كريم وراحت تشتري وجابت الي والها برااء كال مخبل اكل بهل جووو
اخذنه فون براء وبقينااااا نصورر كلش تونسنه .. بهل يوم بعدين صارت ب11:30
رجعناااا للبيت هلكاننين اني غيرت ملابسي ورحت نمت بلغرفةة
دعاء
اليوم آخرر يوم امتحاناتي تاذيت بيهم ومنااا هذا الطفل اللي ببطني باجر يصير اله شهررين هفففف تعبتتتت كعدت وكلت اشوف يمكن ارؤح للدكتوره تسويلي فحص شي المهم يخف الم بطني
خليت ونمت💕💕
ريهام: ايسررر اكعد شبيك
ايسر: شتردين
ريهام: شنووو متنزل تتغده
ايسر: لاااا ماااريد رؤحي
ريهام
هف صح تزوجت ايسرر بس ممرتاحه وياه حاولت اعوفه براحته شسويله مثلاً !!💔
انمار
بيوم محكمةة اختي ديمااا شفت المحاميه مرؤه اللي بت حمه اختي دنياا كلش عجبتني وحبيت شكلها وكلامهاااا حاجيت ابوي ان اني اريد اخطبها الي وديمااااا فرحتتت وكالت قلبي يدك طبول
اني ضحكتت ابوي كال احاجي محمد زوج دنياا ونشوف شنووو رائيه كتله تمام بس استعجل
رهف
كعدت ساعه 1:30نزلت شرب ماااي وسويت قهوه شربتهااا وكعدت اتصفح بلفون شووووي عفته وضميت اوراقي وكتبي صارت ب2:00اجالي اتصال من رقم قريب حاول يتصل بيه 3مرات آخرر شي كلت خل اجاوب يمكن شي مهم جاوبت وكالوا ان اكوو حاثه بلميتم !!
يا ايامنااا
الجميلةةة 🌈💕
عود الينااا
ففي داخلناااااا دماررر
وانكسارر عودلي لكي يتصلح
كل هذا الخراب 💕
كان يوم متعب جداً التاريخ يصادف
1/31 الجوو غائم 🌧☁️ جاء اتصال من الميتم ب ان يوجد هنالك حريق في الميتم ولن يوجد آحد فيه ....
ولكن اخبروني ان الأستاذ ريان والطفله نجمه آخر مره كانواا في حديقةة الميتم والحريق حدث وهم في..
ف اناااااا قلقت كثيراً وبدأت دموعي تسقط ع ثيابي ك الشلال خرجت من المنزل وذهبت مسرعه لكي ارى احدهم ياخذني إلى الميتم رأيت امراه عجوز
هي و زوجهاا ف اخبرتهم وكنتُ خائفه على نجمه وريان ف اخذوني وذهبنااا إلى الميتم والمفاجئه !!!!
رهف
وصلت للميتم ونزلت وياي العجوزه والشايب جانواا هم ديانتهم مسيح .... والعجوزه شكلهااا كلش لطيف لابسه بدله قصيره بيها ورد ابيض وشعرها ولابسه كوت ومخليه ع راسي شال من ريش كلش عجبني ... المهم دخلت للميتم ولكيت التحضيرات تجنننننن ومصايررر شي حضنت نجمه لأن كلش جنت مشتاقتلهااااا
وسلمت ع ناديه وكتلهم
رهف:- ليش هيج جذبتواااا عليه هسه البيت يقلق عليه
ناديه: ههههه اسفين هسه اتصلي بيهم وكوليلهم اني يم نجمه وناديه تمام
رهف: تماااااام
اتصلتت ب شهد وكتلهاااا اني بخيرر لا تخافون عليه بقت تسئل كتلهااا من ارجع اسولفلج المهم اني بخيررر هسه تمام
شهد: تمام تمام
رهف: ااااي عيني هااااي الي المفاجئه !!
ناديه: اااااي
نجمه: هيدي المفاجئه كلا كرمالك عملته انا وبابا ريان
رهف: لك يخرب بيتك ع هلكلام الحلؤؤؤ
ع فكره ريان وينه؟؟!
ناديه: استاذ ريان هسه هو بلمطارر ساعه 3:30يسافررررر
رهف: ياااااا
ناديه: ااااي رهف روحي لريان ترا محد تستاهله غيرج
العجوزه: لاااا بنتي رهف معقوله انتِ تحبي ومترحين لهذا الولد خطيه رؤحي الها اني اخذج اله
رهف: لاااا ماااريد ارؤح ماااحبه
نجمه: لااا انتِ بتحبي بابا كتيرررر
رهف
بقيت افكررر ارؤح اشوفه لو لااااا
ناديه: ولج هااااي اخر مره حتشوفي بحياتج رؤحيله خطيه
رهف: والله مااااعرففففف.....
من بعد مااحجوااا وياي وكالولي ريان يحبج ومن هلكلام قرررت ارؤح صعدت سياره اني والعجوزه الحلؤه وعمو الشايب ونجمه وبطريقنااااا للمطاررر♥️
ريان ((❤))
قبل لتوصل رهف بنص ساعه اني رحت من الميتم وكتلهم من تجي رهف كولوا الها ان اني بلمطارر ع مود اتأكد ان لو رحت اني لآخر دنياا رح تجي وراي لأن تحبني اني وصلت للمطار ورا شوي شفت رهف وكالواااا الها ان اني سافرت وهي ضاجت وطلعت من المطاررر
رهف
وصلت للمطارر واني لهفانه ع مود اشوف ريان شووو سئلت علييي وكالوا سافررر نقهرت وطلعت بقيت ابجي صعدت بسياره شوي وباوعت نجمه بعيوني وكالت:-
نجمه: ثقي بالله يااامي رهيف سيفاجئك الله بشيء لن تتوقعي ان يحدث معك!!
رهف
ابتسمت لنجمه وبستها من راسهااااا
ريان
وصلت للميتم ودخلت لكيت ناديه
ناديه:هاااا وين رهفففف
ريان: رهف اليوم اشبعهااا قهرر ع مود تشوفني
ناديه: اوووف منك ياااستاذ خطيه
ريان: خلل اشرد بلغرفه خاف تجي رهف !!
رهف
وصلت للميتم وكعدت بالأرض بقيت ابجي كتلهم اني كل شي خسرت امي وابوي وايسر وريان وعمو سلام اللي هو بابا خسرت دعاء الجانت صديقتي كل شي كل شي خسرت انا انسانه صاحبةة وجه نحس وحظ اسود
ريان: رهيفةة قلبييييييي إنتِ أحلى وجه شفته بكل دنيتي
رهف
جنت مندكه وابجي واسمع صوت ريان كلت
رهف: ليش ياربي نسينياه ترااا حتى صوته كمت اتخيله
ريان: رهيفة قلبيييي ولج باوعيلي ذبلت بدونج كومي من الأرض كعدت كبالها وشلت راسها وباوعتلي مسحت دموعها وكالتلي
رهف: حقيرررر
ريان: ههههه حبيبتي اسف
رهف: ☹
ريان: لج ازعل الدنياااا كلها ومااازعل هلوجه الحلؤؤ مشتاقلج والله
رهف: 😻😭❤
بعد مرؤر 5سنوات 💙🍃
رهف
قبل لا نحجي اي شي
الحمدلله طلعت طب عاااااام💕💕
خلال هاي السنوات الفاتتت نشوف شصار؟؟!
💚||بيت جدوو ||💚
بيبي قبل سنتين اجتهااا جلطه وتوفت كلش تأذيناااا بوفاتهااا لأن رغم اللي كل اللي صار بينه كلنااا نلتم يمهاااا من بعد ماااراحت بيت جدوو مابي رؤح ❤
عمو محمد صارر عنده اطفال اثنين
ولد عمره 4سنوات اسمه علي
وبنيه عمرهاا سنه ونص اسمها رهف
ع معزتي طبعاً 😻😻♥️
دنيااا مثل مكلت الكم صارر عدهااا اطفال 2 هم منورين حياتها 🧿♥️تعينت هي ومحمد وتركوا بيت جدوو وانتقلواا بشقه لوحدهم ...
عائلتي ☹💕
ابتسام خالتي اللي هي صارت مثل امي احبها هواااي ساعدتني كلش هوااااي واني هم داساعدها بلبيت
شهد طلعت طب عام وتدررس قبل سنه تزوجت امجد والحمدلله عايشين حياة حلؤه لوحدهم الله يخليهم اكووو بيبي بس بلطريق شهد هسه حامل
امجد بعد تعببب وعنااء اخذ شهد وصارت ام بيته وام بنته الجايه بطريق
تعييين امجد وفتح مشروع ثاني يشتغل مصور وصار مشهوره كلش ....
براء طلع تحليلات مرضيه وخطب ريم اخت بدر وهم حالياً متزوجين بس معدهم اطفال للاسف☹☹💕
عائلة احمد (ايسر)
عمو احمد وعمه رواء الحمدلله موجودين وعايشين بيتهم ....
ايسر وريهام ||💛||
صاررر عدهم ولد واحد اسمه فؤاد ودتراجع ريهام ع مود يصيرر عدهاااا بعد
دعاء ||💚||
تخرجت من السادس ودخلت صيدله وصار عدها بنيه اسمها دموع خطيه نولدت من دون اب صعب هلشي وديصير بمجتمعنااا هواااااي .... وياريت كل شخص يغلط مثل غلطةة بدرر ينتبه للغلطه مالته لأن يمكن دموع هي الراح تدفع ثمن غلطةةة امها وابوهااا لوو تفكرون بعقلكم شوي وب مستقبل اطفالكم جان الدنيا هسه بخيرر
الحمدلله دعاء عايشه وي اهلها ومتكيفه وي الوضع بس هي ندمانه بسبب غلطةة غلطتها ع مود حبها ومعرفت غلطةة حبها واختيارها لهل شخص وين راح يوصلهاا ف ياريت يابنات تفكرون بعقلكم من تحبون خاف لا سامح الله اللي صار بدعاء يصير بيكم . .
//مرؤه🦋// من صفاء نيتهاا وحبهااا لحقيقي لايمن بس للاسف هلحب مااادام بسبب الطرف الثاني وهي رغم ان ايمن تزوج غيرها بس اتمنت الخير لنغم وماسوت شي يكدر يخرب علاقتهم بس من كد ايمانها وطيبتها وصفاء نيتهاااا الله عوضهااا بشخص يسوه ايمن وعشيرته انمارر اخوو دنيا دكتوره اسنان وعايش هووو وابوو ومرؤه واحلى عيشه الحمدلله صار عدهم اثنين بنات توام وحده روج والثانيه روز الله يخليهم الله رزقهم ع طيبتهم وصفاء نيتهم العبره اللي نكدر نأخذهاا من مرؤه وانمارر ان صدكوني الشي اللي ردتي وحبيتي والله مرزقج بي رح يرزقج بالآحسن .... ولحد يكول الطيبه متفيد بهل وقت لا صدكوني تفيد من طيبة مرؤه الله رزقهااا بهل انسان الورد انمارر الله ينطيكم ع كد نياتكم .....
يوماً ماا ستموت كل الألوان الزائقه وسيبقى طهرر البياض مثبتاً ل قلوب الأنقياء وفاضحاً قذارة بعضهم !!
وعلى نياتكم ترزقون❤❤
عائلةة ريان
خالتي آمل تقدم الها عمو ابو آدم بس ريان كال لامه اوافق بشرط ان نتزوج اني ورهف هي وافقت شكراً عموو ابو ادم ع هاااي المبادره الحلؤه منك تزوجوا قبل سنه وعايشه خالتي حالياً بيت جديد هي وابو آدم ومرؤه وبنات مرؤه وانمار عمووو ترك البيت لادم اله ولزوجته ولاطفاله ....
نغم وايمن 💘
مشاكل دائماً بينهم والله رزقهم ب بنيه اسمها هند عمرها 5اشهرر بس متعذبه كلش نغم بسببب ايمن وامه مشوفينها نجوم الظهررر #نصيحه بنات لتحبون وتتعلقون بشخص حبيتوااا عبر المواقع لأن اذا صار الكم صدكوني رح يذلكم ويعذبكم وتتندمون !
رافت جان مسافرر وصاررر وياه حادث سير ومااااات الله ماااضيع حق ديمااا يااارافت من عفتها من دون سبببب !!
زوجته معدهااا اطفال ف راحت عاشت عند اهلهاااا
الله يرحمك ...
ساره واياد صار عدهم 2ولد حمزه وحسن عمرهم 4سنوات والحمدلله عايشين حياة حلؤه❤❤
بدر اغتصب اكثررر من بنيه وصارر يتاجر مخدرات وسوالف الخ........ لحد مااا نسجن بدبي ونحكم ......
صدكييني يادعاء حتى لووو انتِ غلطتي ربج مينسى اللي سواه بيج بدر من عافج وانتِ حامل اذا اذيت شخص صدكني رح تتأذى اضعاف اذيته
ديما و اميرر
امير من صفاء نيتك وحظك الحلؤؤؤ الله رزقك ب احلى ديماااا بدنياااا😻😻❤
ورزقكم ب بنيه اسمها نور عمرها سنتين الله ع جمال حظكم🙈❤
لن ارى يوماً مثل جمال قلوبكم☹💕
يتبع ••••••البارت46 والآخيررر النهايةة والخاتمه والعبره😻😻❤❤❤فيه
حسابي ع انستا @ph1zahraa
■ لتنسون التصويت ⭐ والكومنت •••
ع مود توصل الروايةة ويقراها عدد جبير من الناس هدفي انشرر الوعي والثقافه بالمجتمع واطمح للأفضل احبكم كلش هواي ومع احترامي وتقديري الكم مع تحياتي وحبي الكاتبةة
والشاعره زهراء البصراوي💛