Vote + commente =بارت جديدة
مالك هز حاجبو بتوتر : ايسون كنتسنى جوابك ؟؟ واش قابلة تزوجي بيا ؟؟
ايسون بدات كتبكي متقدرش تكمل حياتها مع واحد و هي معارفاش شكون هي ؟ و الاهم خايفة لا يكون عندها شي التزام متقدش تغاضا على ماضيها و ترجع مع مالك : سمح ليا منقدش اهئ اهئ منقدش مالك الموضوع ماشي بأيدي 😭😭😭😭😭 و الله ماشي يايدي
خرجات ايسون و هي كتبكي بينما مالك بقا مصدوم حيتاش رفضاتو اول حب ليه و البنت اللي بغاها من كل قبلو .. بقا كيشوف في بلاصة وحدة و عينيه ولاو حمرين بحال الجمر
في حين ايسون مشات كتجري كتحاول تهرب من كلشي
_________________
البلاصة اللي كان فيها مالك و ايسون .. كان واحد المطعم هو فاش قعد فيه عماد و سمر اللي طول الوقت كانت ساكتة
سمر ⤵️⤵️
عماد ⤵️⤵️
عماد شد ايديها : سمر حبيبة مالك ؟
سمر كانت ساهية كتفكر في مشاكيل عجوزتها حتى فيقها عماد : والوو والووو المهم خاص نمشي للطواليت ...
مشات سمر و هي هازة صاكها بغات تمشي للطواليت و هي ساهية كتفكر ... حتى كتصاطح مع شي واحد ...
سمر : سمحي ليا اختي ( و لكن مني شافت وجه البنت اللي ضربات وجهها صفار و خضار و بقات مبلوكية كتشوف و هي مصدومة و بقات كتقول غار غيتى غيتى )
ايسون شدات في ايدين سمر و كتهضر بالانجليزية : واش واقعة ليك شي حاجة ؟؟
سمر كترعد و الدموع بغاو ينزلوا ليها : ممم مم ميمكنش نتي نتي ( الكلمات بزز باش كتقد تخرجهوم ) تتي نتي باقا حية غيتى اهئ اهئ
ايسون تحنات و هي تهز صاكها اللي طاح و بدون قصد منها هزات شي حاجة أخرى( من بعد تعرفوها 🙄 ) و هي تمشي بلا ما تسوق للسمر حيتاش عيات من سيرة هذا غيتى اللي فينما مشات ولات الناس كيعيطو بيها عليها
_______
عماد شاف شاف سمر تعطلات فقرر ينوض يمشي يشوفها و كي وصل بانت ليه سمر متكية على الحيط و كترعد و الدموع كينزلو من عينيها فمشى للعندها كيطير
عماد : سمر سمر ( كيضرب وجهها ) اش واقع ليك احبيبة سمااااااار
سمر حالتها حالة : شفت شفتها اعماد هي باقة حية شفت غيتى .
عماد : نوضي و براكة من هذا التصرفات صافي نساي نساي غيتى ماتت و شبعات موت واش مقاداش تنسايها عليك و راه حنا مغلطناش في حقها فهمتي احبيبتي هي هي اللي بغات شي حاجة عمرها كانت ديالها يالله نوضي و براكة من هذ التصرفات راه غار كتخلعيني عليك
سمر ناضت و بدات كتمسح في عينيها شوية و هي بدات كتقلب في عنقها على السنسلة و ما لقات والو و هي بدات كضور في عينيها و كتقلب في الارض بهستيرية و ما لقات والو و عماد ما فهمش مالها
سمر : سنسلتي اعماد سنسلتي ماعرفتش فين هي ؟؟
عماد : تقدي تكوني حطيتيها في صاكك او كاينة في الطبلة
سمر : اه اه يالله نرجعو نتا عارف انها اخر ذكرة من عند عائلتي
رجعوا للطبلة و قلبو مزيان و لكن ملقاو والو ...و هو يعطي عماد للسرباي فلوس معاها نمرة تاع التيليفون لا لقاوها و هما يرجعو للطموبيل ... كانت سمر متكية على الباب الطموبيل حاسة براسها مرونة من عجوزتها للغيتى اللي رجعات و لكن مستحيل شي واحد اتيقها .. للسنسلة اللي كانت اخير ذكرة من عند عائلتها و هاهي فقداتها ... حطات راسها على كتف عماد تحاول تاخد قوتها من عند امانها ... اما عماد كيسوغ و هو كيفكر في هادشي اللي طاري قال زعما يخرجو يفوجو و ها هما رجع كلشي عليهم ما فهم والو خاصة انه الاونة الاخيرة سمر بقات غار ساهية و كتفكر فستنتج عماد انها باقي متأترة بموت غيتى و باقا كتحس بالدنب .. هزها عماد و طلعوا للبيتهم ..
_______
في حين ايسون كانت راكبة في طاكسي و هي كتفكر في مالك و في ماضيها و الاهم شكون هذا غيتى اللي مني حطات رجليها هنا و هي كتسمع كلشي كيعيط عليها بسميتها شوية و هي تشد سنسلة تأملاتها كان شكلها قديم و لكن زوين ❤ تنهدات بتعب خاصها تبعد من مالك و تبدى تكون راسها و الاهم تقلب على ماضيها اللي تابعها مني حطات رجليها هنا في المغرب .....
و صلات للفندق .. خرجات من الطاكسي و هو يتقدم احد البوديغارد خلص الطاكسي ... شكراتوا ايسون و هي تطلع للبيتها في حين تنهد مالك براحة مني شافها حيتاش خاف لا تكون وقعات ليها شي حاجة خاصة رجالو متبعوهاش و فغوت عليهم و حيح مزيان عاد أمرهم باش يقلبو عليها من بعد قلب عينو للسماء اللي كتعبر على نفسيتو كان مالك فوق مبنى ( ناطحة السماء ) كيفكر قي ايسون اللي رفضاتو و شنو هو السبب خاصة انه عمرو تغرض للهادشي و مناويش رغم قرارها يتخلى عليها حيتاش مني شافها و هي ديالو ...
______
في الصباح ناضت ايسون كتلبس حوايجها
ايسون ⤵️⤵️
و تقاد راسها ناوية تمشي صافي معندهاش سبب اللي يخليها تبقى معاه وخا معرفاش فين تمشي و شنو دير و لكن صافي خاصها تمشي... خرجات من غرفتها و نازلة حتى كتشوف واحد الحاجة خلات فمها يتحل 180 درجة ... كانت نور مع مالك قاعدين في الطبلة كيهضرو و باينين منساجمين ... ايسون ولا الشياط في راسها شكون باقي تسوق لشي مشية و لا ماضي و لا عائلة .... مشات كطير عندهم وقفات عليهم بحال قباض الرواح ....
نور كتهضر بالإنجليزية و كتضحك بمكر كانت لابسة حوايج تحلف عليها غادة للعرس : اهلا ايسون عاود ليا السي مالك كيفاش تلاقيتو
نور ⤵️⤵️
ايسون بضحكة صفرة : اه اه 🙄
مالك ناض و هو كيقاد كوستيمو : الفطور واجد .. مشا مالك بلا ما يتسوق للايسون و تبعاتو نور اللي هازة طبسيل تاع الحلوة و كتقلي السم لايسون اللي تابعاهم بعينيها و هي كتفقس : قاليك كيبغيني اياه اسي مالك في نهار دغيا نسيتيني اععععع ... .
مشات كتجري تابعهاهم شوية شافت نور غادة للطواليت و هي تبعها ايسون ... في حين مالك ما ممسوقش للنور و لكن كيحاول يجرب الغيرة مع ايسون حيتاش هو متأكد من مشاعرها اتجاهوا ... ايسون دخلات للمرحاض و هي تبان ليها نور كتغسل في ايديها .. و بدات نور كتهضر بالدراجة صحابها ايسون مغاديش تفهمها : امممم صحابك مالك غادي يطيح فيك حيتاش عينيك خضرين لا احبيبة هذاك ديالي انا و دابا تشوفي غادي ناخدو من قدامك بلا ماتحسي ... ( بتاسمات نور للايسون و مشات في حين ايسون تبعاتها بعينيها و هي كتبتاسم بمكر و هضرات بالدارجة : مكلخة
◇◇◇◇◇◇◇◇◇◇◇◇◇◇◇◇
وليت كنقول نوقفها يعني 13 وحدة اللي مكن متبعة معاية بحالة كنكتب للبرد .. كنت قررت نلوحها في غروب ( مجموعة تاع القصص ) في الفيسبوك و لكن حتى وحدة ماقبلات معرفتش علاش يمكن خاص يكون فيا النفاق و لحيس الكابة فختاريت وتباد نشارك معاكم موهبتي و لكن كنضن ماعجباتكمش غادي ندير اخر واجب ليا نكملها و الله يعاونكم كنت باغا نشر قصة اخرى ساعة يمكن ممكتابش على كل حال حنا دابا في نصف الاحداث يعني 16 بارت اخرى و تكمل .