السلام عليكم ❤
..............................................................................................
أحبك وكأنك قد وضعت أمانة في عنقـي وكأن أمـك قد أستودعتـك في قلبـي ومضت مطمئنـة ، وكأن الكـون كلة قـد أوصـاني عليك 💜احبك
كن على يقين :
أن هناك شيء ينتظرك بعد الصبر ليُبهرك ويُنسيك مرارة الألم ، ذاك وعد ربي
"وبشر الصابرين"
..............................................................................................
صبح الصباح على ابطالنا الحلووين
علي جانت تدور هوواي شغلات باله
الله يستر من الي باله؟
زينب جانت كلش فرحانه لئن تحس انو راح تشوفه عن قريب
بس مو كلشي نحس بي يطلع صح؟
مهند(اخو علي)
جان فرحان لئن راح يشوف علي
راح يشوفه.
كرار يخطط للمفاجأءه مالت زينب
بس هل راح يحققهه لو لا؟
والاهل فرحانين برجعه زينب لوعيهه
بس ياترى هل راح يبقون فرحانين؟
خلونه نشووف شنو اليتحقق وشنو الي ماراح يصير؟
..............................................................................................
علي
جنت كلش مشتاق الزينب وخايف عليهه انو تبقى بلغيبوبه
وخايف من نظرتهه الي هل تغبرت لو لا؟؟
كعدت الصبح على صوت الاذان
كعدت توضيت وصليت صلاه الصبح اني وفلاح وعمي ابو فلاح
وره ماخلصنه جابولنه الريوك وتريكنه وكمنه نشتغل بلمزرعه
طبعا المزرعه ما شاء الله كلش حلووه وين ماتدور وجهك خضار وفواكهه وخضروات
وكلشي موجود بيهه
رحنه انه وفلاح نكطع بلعنب والتين ونخلي بلصناديك
علمود تجي السيارت وتاخذه
وعمي ابو فلاح ينكل بلصناديك لباب المزرعه
وجان يحجي فلاح
فلاح:علي عادي اسئلك؟
علي:اكيد
فلاح:بعدك تحبهه لزينب
علي:والله مااعرف شكلك شوف اني صح حبيتهه هوواي وجانت دوم على بالي
ومشتاكلهه ماانكر بس اخر شهرين نسيتهه يمكن لئن صارلي هوواي ماشايفهه لو لئن ماحسيت بأي حب منهه تجاهي بس هم احس بلذنب لئن هيه مريضه بسببي ومتأكد اذا ارجع اشووفه راح يرجع الحب القديم واكثر كلش صعبه ابو فلووح لمن تحب من طرف واحد تحس كأنو هوة مايحبك لو مايحترمك اني ادري بيهه تحبني بس ياخوي تكابر هوواي واني مشلوع كلب كلبي اخخ اخخخ شما احجي ماتفهم البيه
فلاح:والله فاهمك ابو شبل شنو نسيت اني هم احب بنت عمي وهيه ماطيقني
علي:هههههههه ولك شنو ابو شبل منين طلعته هاذا الاسم
فلاح:احسه يلوك لضخامتك وشخصيتك
علي:ايي ماكتلي هيه بنت عمك ووين ؟
فلاح:بلناصريه
علي:زين شلون حبيتهه ووين شفتهه احجيلي ابو فليح
فلاح:اخخخ
بيوم جنت كاعد مثل عادتي الصبح صليت وكملت وتريكت وجان بيهه ابوي نازل للسوك
من الغبشه واني ضال اشتغل بلمزرعه
والساعه بلعشره طبكت السياره وونزلو منهه عمامي وياهم فتون
اول مره اشوفهه ماجنت شايفهه الله ويكلك اول ماشفتهه احس جسمي تكهرب
دخلتهم وسلمت على عمامي وهيه راحت وي اخواتي(طبعا فلاح عنده 3 اخووات وثنين منهن تووم ماحبيت احجي الكم ردت اخليهه بلوقت المناسب وصار هاذا الوقت
التوم عمرهن 16 قمر وسحر والجبيره عمرهه 19 هدى وحده منهن حيه ياهوو التتوقعونهه الحيه كولولي؟)
والولد وياي سوينه الغده وكملنه طلعنه للمزرعه والبنات هم طلعن وياي وبديت انتبه لكل شي تسوي بدون شعور راقبت كل تصرفاتهه تصدك من اول مره شفته حسيتهه صارت الي
واكثر من مره اجو لئن عجبتهم المزرعه
علي:ايي شنو جا ليش ماحجيت وي ابوك علمود يخطبهه
فلاح :ردت اشوفهه اذا توافق لو لا بس من كلتلهه كالت مستحيل انته واحد همجي ومو مثقف ومااكدر اعيش حياتي وياك(جان يحجي وهوة مدنك راسه وخجلان من نفسه)
علي:شنووو ؟ليش ومنيه هيه حتى تحجي هيج وبعدين شنو ماتعرف انته متخرج من القانون يعني انته بحسبت المحامي
فلاح:ماادري والله اذا تعرف لو لا بس اعتقد تعرف لئن عمامي يعرفون
المهم خليهه على ربك ايي اججيلي شكاعد تخطط تسوي وي ذوله السفلى...... خلينه بعدين نرجع الهم ونشوفهم شيحجون
زينب كعداني عباس بلصياح اكيد مخبل ماتصيرله جاره
(لا تخافين زنوبه وداعه عيونج راح يعقل😉)
جابولنه ريوك وتريكنه وراهه اجت امي وعمتي ام علي خطيه مسويات ريوك بس اجنه اكلنه جاهز هههههه
شويه ودخل كرار
كرار:صباح العسل لاحلى عسل
زينب:صباح الجمال لحلى اخ
كرار:هاا زنوب شلون صرتي
زينب:عال العال كلش مرتاحه واحس نفسي احسن بهووواي
كرار:الحمدالله حبيبتي ان شاء الله دوم اني اروح اشوف الدكتور وارجع
راح كرار للدكتور دك الباب ودخل
كرار:صباح الخير دكتور
الدكتور:صباح النور اتفضل اخووي
كرار:اني اخو المريضه زينب غرفه رقم 12
الدكتور:عرفتك اخ كرار تريد تعرف عن حالتهه
كرار:ايي دكتور لو سمحت
الدكتور:زينب صح عدهه فقر دم ودخلت بغيبوبه بس اكتشفنه اهواي موثرات راح تتضر بيهه لئن جانت بنيه جسمهه كلش ضعيفه ما تتحمل كل الي صار بجسمهه ومن ضمن هاي الامراض هوه ضيق التنفس والصدمات ممكن تأثر تأثريات كلش سلبيه عليهه
ولازم تبتعد عن كل مشاكل لئن ممكن يصير عدهه انهيار عصبي وبعد الامراض مانعرف منيه الي راح تأثر لئن مااكدر احكم واني بعدني ماشايف التأثيرات الي نمكن تأثر عليهه بغض النضر على شي كالته الي الدكتوره النسائيه بس مااعرف شلون اكولهه
كرار كلش خاف وره ماسمع الحجي الكال الدكتور مثل الانصدم
كرار:شنو دكتور كولي شبيهه اختي
الدكتور:اختك ما تكدر تجيب اطفال
كرار:شلوووووووووووون؟؟
يعني بسبب الصدمه الي تعرضت الهه والغيبوبه لو شلون
الدكتور:لا الضاهر من الدواء الي جانت تأخذه والدكتور سائله والدتهه اذا تتأئلم اثناء الحيظ وكايلتلهه اي وتاخذ حبوب مالت الم الي هوه
(بونستان فورت – ponstan forte)هوه مخفف مالت الم بس جانت اله تأثيرات سلبيه على زينب لئن من اول مره بلغت بيهه لحد هسه تأخذه بأستمرار وهوة الدواء هاذا كلش عادي يستخدم بس عليهه جان مو صحيح
كرار انصدم صدمه عمره
كرار:دكتور اتمنى الي صار ماتكوله لاي شخص من العائله واذا تحسنت صحتهه نكدر نخرجهه
الدكتور:لا اخي اني ماراح اصرح بأي شي للعائله وهسه تكدر تسويلهه خروجيه
بس ماريدهه تتعب ابد وتمنع عن اي ضوضاء بلبيت وماريدهه تطلع هواي
كرار:دكتور اني اريد اخذهه وياي لديوانيه؟
الدكتور:اكيد لا ماتروح لئن طريق كلش طويل عليهه ومتعب وجسمهه مايتحمل
كرار:ماشي دكتور الي تريده يصير بس وره شكد يله تكدر تسافر براحتهه
الدكتور:وره 3 اسابيع تقريبا اوذا تحسنت حالتهه من وقت تكدرون تأخذونهه بس الطريق كله اريدكم تمشون على كيف ماريدهه تلعب نفسهه لو يضيق بيهه النفس ماشي
كرار:ماشي دكتور اشكرك تعبتك وياي
الدكتور :هاذا واجبي اخ كرار
طلع كرار وهو ضايج على زينب ويااخ يكول لزينب والاهله لو شنو رده فعل علي اذا عرف هل راح يفصخ الخطووبه لو شلون اكيد راح تضوج اخخخخخ عقلي شلون راح اكول مااعرف
راح لغرفتهه لكاهم ملتمين عليهه ويضحكون ويسولفون
كاللهم
كرار:يله لمو غراضكم ولبسو زينب راح نطلع هسه
ام كرار:يمه كرار شبيك ليش ضايج
كرار:مابيه شي يمه يله همن ايدج راح اسو الخروجيه اجي الكاجن مخلصات ماشي
ام كرار:ماشي يمه
راح كمل اوراق الخروجيه
وام كرار كملت لبست زينب ولمو اغراضهم ورجعو للبيت
ابو كرار قرر انو يسوي عزيمه كلش جبيره بمناسبه سلامه زينب وهم لئن عرفو اخبار عن علي
وحضرو على يوم الخميس
خلصو اليوم ضحك وسوالف لئن زينب رجعت وجابو اكل جاهز وحلويات وسهره للصبح
نروح لعلي
خلص يوومنه واحنه نشتغل وجنت كلش تعبان وافكر بزينب وافكر هم ،،،،،،،،،،،،،
يتبع،،،،،،،،،
..............................................................................................
ياترى علي بيمن يفكر؟
وفتون حبيبه فلاح نعرفهه لو لا؟
وهل زينب راح ترجع تحب علي بعد ماراح تعرف عنه انو هوه،،،،،،؟
وكرار شلون راح يكوول لهله عن عقم زينب؟
ومنيه الي راح تدخل القصه قمر لو سحر لو هدى؟
..............................................................................................
قالولي تحبي؟؟
قتلهم: اتنين
قالو:
ياقوة قلبك تلعبي ع الحبلين
قتلهم:
وصاني ربي فيهم
(بر الوالدين)
..............................................................................................
آللہم مفـآجأهہ #حلوهہ..✿
سريعـة آلحضور وعظيمة آلأثـر؛
تليــق #بحجـم إحتياجي لہـآ ..♡
"❤ 💭 ﴾
تصبحون على خير
احبجمم