للكاتبه: ود الباشا
هلوو حبايبي شلونكم
اتمنئ تشاركوني رئيكم 🌺
احبكم كومات ❤
ولا تنتظر من أحد أن يكون سند لگ 💔
عليك ان تتعلم كيف تمشي وحدگ عندما يتخلى عنك الآخرون
ايلاف: خايفه رسل
رسل: صيري قويه اذا تبقين هيج تنوكلين ايلااف لا تخلييين نفسج جوه رحمه ياسر
هاج هاي الفلوس دبري بيها نفسج
ايلاف: مااريد رسل عوفيها الكم تحتاجوها
رسل: خالتي انطتني راح ندبر بيها نفسنه لا تفكرين بينه
فكري بنفسج يلا بسرعه كومي غسلي وجهج
خلي اروح اشووفلج الدررب بسرعه اجي اشووفج جاهزه
ايلاف: گلبي ديدك الف
رحت غسلت وجهي ولبست عبايتي ورجعت كعدت علئ السرير علما اجتي رسل وياها ماما ودموعها عشره عشره
رحت حضنتها
ام ايلاف: ديري بالج علنفسج بنيتي
ماريدج تنزلين راسج ابقي رفعي راسج وامشي بزودج انتي مسويتي شي غلط هيه الدنيا صايره مادري شونها
ايلاف : ديري بالج علئ نفسج ماما ولا تفكرين بيه اني كدها
حضنت رسل
رسل: لا تبجين انتي قويه وراح تصبرين
يلا بسرعه قبل لا يرجع امشيي
ماما انتي روحي لهي عمي لا يطلع ويسويها عرس علئ راسنه
ايلاف: بوستني ماما وراحت بقت رسل تمشي واني امشي وراها نخاف لا عمي يطلع علئ غفله
وصلت للباب حضنت رسل الله عليج ديري بالج علئ ماما وعلئ نفسج
واكل شي يصير خابريني لا تخلين بالي يبقه يمكم
رسل: لا تفكرين بينه روح الله يحفظج من كل سوء ديري بالج لا تثقين بكل احد
ايلاف: بستها وطلعت اتلفت خووف موو طبيعي اليوم حسيت بلوحده اليوم حسيت بكسره الضهر
وصلت لشارع اخذت تكسي رجال جبير انطيته العنوان ضيعنه اكثر من مره لليل يلا لكينه البيت وابد ماتعب خطيه انطيته كروته وراح
ونزلت دگيت الباب اكثر من مره ماكوو احد ياربي وين ارووح بهل ليل
بقيت كاعده يم الباب بلكت واحد يجي
مرت ساعه وساعتين وصارت ب 9 ونص بليل واني كاعده كلت بعد مستحيل احد يجي كمت داريد اروح اشوفلي مكان او ارجع للبيت وكفت يمي سياره نزلت منها مره يطلع عمرها نهايه الثلاثينات وشاب يطلع عمره هم بثلاثينات بس مبين اصغر منها
سماح: تفضلي حبيبتي محتاجه شي
ايلاف: خجلانه هوااي الكلمه بلكوه تطلع من حلكي انتي خاله رسل
سماح: اي تفضلي
ايلاف: اني اختها ايلاف
سماح: اهلا وسهلا سرمد ليش واكف افتح الباب
اعذريني جنه طالعين
ايلاف: اني الاعتذر داضيقكم
سماح: لا دكولين هيج
سرمد: منو هاي سماح مو قبل كم يوم شفنه رسل
سماح: اي حجتلي عنها
ايلاف: تنمنيت الكاع تنشگ وتبلعني من الخجل احس بنضراته ممرتاحلي
سماح: كومي حبيبتي ارتاحي شويه باجر نسولف ان شالله
ايلاف: اخذتني للغرفه غيرت ملابسي قفلت الباب وطگيت بجي علما نمت ليييش هيج يصير بيه يوم بعد يوم اتهجول من بيت لبيت كله بسبب الحقير مرتضئ وعمي بقيت ابجي علما نمت
ثاني يووم كعدت غسلت وجهي خاله رسل جانت كاعده
صباح الخير
سماح: صبااح النوورر همزين كعدتي تعاي اگلي وياي ماحب اگل وحدي
ايلاف: كعدت واني روحي طافره من الدنيا شنو الذنب السويته خاطر هيج يصير وياي شنو غلطتي بلدنيا
سماح: ليش صافنه صدگيني تنحل المشاكل وتصير سوالف انتي ليش رافضه ابن عمج اقبلي بي وارتاحي بلكت يطلع يخاف ربه
ايلاف: هوه بلسانه يكول ارييدد اخذج بس حتئ انتقم منج واكسر خشمج
سماح : ليش شمسويتله انتي
ايلاف: لائن اشتغلت ومحد بيهم يعرف وخطيبي السابق حسبي الله عليه مبقه كلمه موزينه مكايلها عليه
وبيبي ماتت بنص هل مشاكل هم ذبوها براسي اني سبب موتتها
گص شعري بس حتئ يحرگ گلبي وضرب واهانه ماعتقد هيج انسان راح يخاف الله بيه
سماح: الله يكون بعونج ويصبرج علئ ما بلاج
بس هم لازم تلگين حل يبقون اهلج محلوه هاي المشاكل بحقكم خاصه اذا سمعو شارده من البيت متعرفين الناس شراح تحجي عليج حتى لو. الغلط بابن عمج راح اطلعين انتي الغلطانه
ايلاف: صح مردت اطلع من البيت بس جنت مجبوره من شفته هل شكل مجان عندي غير حل
سماح: كملي اكلج ولا تفكرين تنحل ان شالله
خليها علئ الله
ايلاف: الله كريم
سرمد: صباح الخير
ايلاف: رفعت راسي شفته يباوع بخزره جاوبت عليه ورجعت للغرفه داطخ عندي اخابر قيس ماعندي غيره بس ارجع واكول هوه عافنيي ويدري اني شكد جنت متعلقه بي ومحتاجتله
هسه يجي يساعدني لازم اني اساعد نفسي واطلع نفسي من هل حفره الاسمها ياسر
مر اسبووع كامل واني حتئ استحي اطلع من الغرفه احس مضايقتهم بشكل مو طبيعي
بقيت اتذكر ايام لما جنت كاعده بمشتمل قيس بس جنت ماخذه راحتي لأن مو هلكد جان متواجد بلبيت هسه احس نفسي مخنوگه احس بكسره خاطر ونفس وضهر
ماعندي احد اسند نفسي عليه
حتئ ماما ورسل ليهسه ممخابريني ارجع واكول الله العالم هسه شنو ضروفهم
تعبت حيل احس نفسي داختنك يوم بعد يوم علئ شنو اني هم ماعرف
في غيابِكَ
أتكئُ علىٰ حافةِ صمتي ..
أَتأملُ .. ماذآ لو كانت أحرفكَ أجنحةُ فراشات !
تَحمِلني إلى مُنتهآي !
ترنيمةُ عشق ..
تعويذةٌ ، أُرقي بها نَبضي
وَ تَغفو بهآ عيناي !
بقيت للصبح كاعده عيوني متاخذ نووم شكو صفحه قديمه اجت ابالي ذكرياتي ويا بابا وسوالفه الحلوه ودلال ماما ولعبنه اني ورسل رغم هيه بنت خالي بس مافديوم حسبتها بنت خال جانت اختي المجابتها امي
وقيس الدخل گلبي بدون استاذن ومناوي يطلع منه رغم تاذيت منه حييل من عافني وتخلاء عني بهل سهوله بس گلبي شيقنعه بهل كلام
قبل يومين سمعت سرمد يكول السماح خلينه نطردها منعرف شنو من مصايب وراها
بس هيه مقبلت وكالت هاي امانه يمنه علما نرجع لاربيل او اهلها يجون ياخذوها
لازم الگه حل النفس وارتاح اخلص نفسي من هل دوامه
شفت الساعه صايره ب 8 ونص واني بعدني منايمه احس عيوني مورمات
لبست ملابسي لازم اطلع ادور علئ مكان علئ شغل علئ صخام اتحرگ احسن ما كاعده بمكاني ومنتضره ياسر الحقير يلگاني
فتحت الباب وصار بوجهي اخر واحد اتمنه اشووفه
سرمد: صباح الخير شنو ناويه ترحين
سماح: صباحكم خير شكو
ايلاف: ماكو شي بس اريد اطلع اروح للبيت اشووف شديصير حتئ رسل مخابرتني
سماح: عالگه يمكم وين ترحين رسل كل يوم تخابرني وتريد تحجي وياج بس اني اكول انتي تعبانه ومناقصه سوالف من عمج وابنه
ايلاف: ليش شصاير بلبيت اخاف ياذون
امي
سماح: لاتخافين مابيها شي بس عمج جايب مرته وكاعد ابيتكم يكول اذا اجتي ايلاف احنه موجودين ونغسل عارنه
سرمد: تره حقهم كدرتي تتفاهمين وياهم المن شارده ومخليه اهلج علج بحلوك الناس
سماح: سررمد مو وكت هل كلام
سرمد : هيه هاي الحقيقه ليش نغشم نفسنه
لو جنت ابمكانه يمكن اسوي الانكس اشوف اختي او بنت عمي تشرد من البيت قابل اصفكلها
ايلاف: هوه الجبرني هيج اسووي
اسئل رسل وكله شسوه بييه
واني لاحول ولا قوه لا اكدر ادافع علئ نفسي ولا اكدر اتحمل هل اهايين واكعد واسكت
مجان عندي غير حل
اترخص
سماح: وين رايحه صدك تحجين
ايلاف : عل اقل اروح ادورلي علئ شغله التهي بيها راح امووت من التفكير
سماح: تعاي كعدي حبيبتي لا تاذين نفسج هل شكل ثقي بالله كلشي راح ينحل وبعدين هوه ديدور عليج بكل مكان وين ادورين شغل
سرمد انت مو جنت رايد وحده اتساعدك بلمطعم
سرمد: تره المطعم باربيل مو اهنا
سماح: احنه بعد يومين راجعين واكيد مراح نبقيها وحدها اهنا
ايلاف: لا حببيبتي ترجعون بسلامه بس اني ماكدر اجي وياكم ضروفي متسمحلي وانتي تعرفين حالي
سماح: رسل وصتني عليج كالت اذا رجعتو ناخذج ويانه متحلفيلج يكتلووج خلاص وحتئ امج المسكينه مفرفحه عليج بلختلات يحجون وياي لا تاذيهم عليج
ايلاف: الله كريم
مرت اليومين عادي بس احس سرمد مقابل اروح وياهم بس يحترم اخته لهل سبب ساكت لميت اغراضي وفعلا طلعنه ب 8 الصبح كعدت ليوره خليت راسي علئ الجام واتفرج احس هاي الناس كلها شايله نفس همومي ماكو واحد مرتاح الطريق جان متعب بس بنفس الوقت حلوو وصلنه لبيت جبير يطلع 500 متر حديقه چبيره كلش حلوه بقيت اباوع عليها اعشق الحديقه سماح فتحت الباب دخلو جنطهم
سرمد : واخيرا يلا رايح اشووف المطعم ومناك امر علئ اصدقائي
سماح: اخذ راحتك بس مو تتاخر لليل
سرمد: ان شالله
سماح: تعاي اصعدج لغرفتج ارتاحي شويه اني هم اروح انام اطلع تعب الطريق
ايلاف: صعدت سبحت وتمددت بقيت افكر اذا خاله رسل حبابه ومناقصهم شي ليش ماعاشت يمها اكيد جان دللتها
بقيت افكر علما نمت مرت الايام عاديه وصار اسبوعين اني يمهم باربيل واحس بنفسي داثگل عليهم اكو مثل يكول صاحبك حلوو لا تاكله گله
لازم ادور شغله واشوفلي مكان شذنبهم اكيد يردون ياخذون راحتهم
نزلت كعدت يم سماح جانت بلحديقه
شديسوي الحلو
سماح: همزين اجيتي ضوجه تعاي نطلع شويه نتمشئ
ايلاف: جايتج بموظوع
سماح: الله اليستر من مواضيعج
من هسه اكلج روحه لبغداد ماكوو
ايلاف: سماح اريد اشتغل اشوفلي مكان انتو شنو ذنبكم صار شهر كاعده علئ كلبكم
باوعتلي صفح
سماح: شهل كلام هذه تره ازعل والله وزعلي ثگيل تره
ايلاف: والله داحس مثگله عليكم لازم ادبر اموري ميصير هيج
سماح: شغلج موجود يمي بس گطنه وشيليها من اذنج طلعه من البيت ماكو الا اذا تزوجتي او تنحل امورج ويا بيت اهلج شلون هيج چماره اخليها تعيش وحدها والدنيا كلشي بيها وبعدين خليني ارد جميل امج كل هل اسنين اداري رسل مافديوم اشتكت منها
ايلاف: تقربت منها حضنتها الله ينطيج بكد هاي الطيبه الشايلتها بگلبج
سماح: الله يسمع منج
يلا كومي بدلي خلينه نروح للمطعم مال سرمد هم ناكل وهم انخلي يشوفلج شغل
ايلاف: اخاف يضوج
سماح: لا والله هوه كال اذا تريد كليلها تجي تشتغل وياي بس اني مكتلج
ايلاف : لعد ثواني ابدل واجيج
صعدت غيرت ملابسي ونزلت سماح جانت مخلصه ركبنه السياره وطوول الطريق مشغله اغاني وندندن وياها
وصلنه يم مطعم نكدر نكول عليه راقي بشكل وچبير
دخلنه واني بس اباوع علئ الناس والهوسه اخاف اشوف بينهم ياسر صايره بيه خووفه منه
دخلنه لمكتب سرمد جان كاعد يخابر ومندمج من شافنه انصدم مفتهمت لكلامه يحجي كوردي
خلص مكالمته كعدنه بقو يحجون هوه سماح
سماح : اليوم جايتلك بسالفتين وان شالله ثنينهم مكدور عليهم
سرمد: الله اليستر ادخلي بلنضيف
سماح: بعد اختك وعيونها اول شي انريد غده مرتب كون هيج نستلذ بي وندز رحمه لموتاك
سرمد: سهله من هل عين قبل هاي
والشغله الثانيه
سماح: اريد اتشغل ايلاف يمك
سرمد: سهله يلا كومو نتغده
سماح: مكتلي شراح تشتغل
سرمد: محتاج محاسب وياي وعدنه مرات من العمال ميطلعون هم تصبر بمكانهم وكل شهر راح انطيج 600
سماح: هاهيه لعد اتفقنه
ايلاف: مادري شون اشكرك
سرمد: اشتغلي زين هههههههههه مو يومين وتملين وتردين تبطلين
ايلاف: ههههههه لا ان شالله يعجبكم شغلي
سماح: جوعانين تره يلا نبيي ناااكل
سرمد: امشي يلا ام بطن
ايلاف: رحنه كعدنه ونزل اشكال وانواع من الاكل اكثر شي عجبني وفقدت عليه الدولمه الكورديه يسوها بلبن
تخبل
سماح: احسبو حسابكم مادام راح ابقه وحدي بلبيت بعد يوميه اجي اكل يمكم
سرمد: لا هاهيه لعد طلعت كسر من هسه اعزل واكعد يمج احسلي
سماح: شنو قصدك يعني اني هوواي اكل
سرمد: لا ابد بس باقي تاكليني وتفضيها
سماح: لا تضحكيين ايلااف يجرح مشااعري
بسيطه
ايلاف: ابلش وياك من اليوم لو باجر اجي
سرمد: لا علئ باجر اكعدي ب6 نطلع اني وياج
ايلاف: ان شالله
سرمد: بلا اترخص اني عندي شغل خوما اكعد اكابلكم
سماح: روح حبيبي الله وياك
ايلاف : نرجع للبيت سمااح وين صافنه
سماح: تدرين شنو اتمنئ ايلاف قبل لا اموت
اشوف سرمد متزوج واشوف جهاله يوم بعد بوم ديكبر مادري شوكت يقتنع ويتزوج يريحني
ايلاف: ليش ميتزوج
يتبع «»
للكاتبه: ود الباشا
ﺗﻔﺎﺋﻞ ﺩﺍﺋﻤﺎً ..
ﻻﻥ ﺍﻟﺤﻴﺎﺓ ﺃﺟﻤﻞ ﺑﻜﺜﻴﺮ ﻣﻦ ﺑﺸﺎﻋﺔ ﺍﻟﺤﺰﻥ
ﺍﺑﺘﺴﻢ، ﺳﺎﻣﺢ ،ﺍﺳﺘﻤﺘﻊ✨🌸
ﻭﻛﻦ ﻋﻠﻰ ﻳﻘﻴﻦ ﻟﻦ ﻳﺼﻴﺒﻨﺎ ﺇﻻ ﻣﺎ ﻛﺘﺒﻪ الله ﻟﻨﺎ