عبود: كعدت الصبح سبحت و بدلت و اصدقائي اجو يسوون لي الشعر، و بقينة ضحك و سوالف
رغد: كعدت و رحنا للصالون اني و ماما، و ماما راحت تجيب البدلة الي حجزتهة.
رهف: تأخرت شوية الساعة بـ٩ رحت للصالون
أحمد: تحضرت و الساعة بـ12 اني و كل أهلي و اقاربي رحنا ألبيت عبدالله، لئن ما قبل كال العرس ببيتي و هو وعد يتكفل بيوم العرس و ابوي الحنه النة احنا الثنين، المهم رحنا، وصلنا أقاربه موجودين رجال و نساء.
رغد: طلعت من الصالون الساعة بـ2 اجة عبدالله، صورنا اني وياه، و اجة فارس أخذنة دخلت، و صارت الهلاهل و شغلنة اغاني و بقينة نركص كلنا، يي حتى اني.
رهف: اني تأخرت بـ3 يلة رحت للتصوير و اجة أحمد و صورنة، بعدين اجة بابا اخذني و رجعنة للبيت، و لأجواء تجنن
عبود: صارت الساعة الساعة بـ 5:30-حضرنا سيارات الزفه حتى نروح البيت البيت رغد، و أحمد و أقاربه يرحون البيت رهف، إني رحت و كل اقاربي وياي دخلنا كعدنة.
أحمد: بعد ما راحو بشوي، اني و اقاربي رحنة لأهل رهف.
عبود: ما طولنة هواي رجعنة و أقاربهة اجوي ويانة، وصلنا أحمد بعده ما راجع،و بس اعمامي، و ابو أحمد باقين بالبيت يساعدون الطباخ.
أحمد: كعدنة شوي بعدين رجعنة، و اقارب رهوفة اجوي ويانة، عبود راجع و صلتها للحوش بعدين طلعت، لئن مو ضابطة ادخل جوة، طلعنة برة يم الشباب، صارت الساعة بـ 7 صبو العشة للرجال و النساء.
رغد: اني و رهف كاعدات عاقلات ههه، هم يتعشون و احنا نباوع ولله جوعانه
رهف: اني ما جوعانه هواي، اكلت من جنت بالصالون.
رغد: اني ما اكلت شي من الريوك، خلصو عشة اجتي ماما لبستي هذا الي يلبس فوك التسريحة و يستر الجسم، مهم ما اعرف شنو إسمه، و رهف هم لبسته، لئن راح يدخلون الشباب.
عبود: خلصو عشة نهائياً الساعة بـ 8 انطيناهم خبر يلة راح ندخل اني و أحمد، حتى ناخذ رغد و رهف.
أحمد: عبود شلون خاف اخربط و امسك ايد رغد، هم ثنينهم راح يلبسون الكبوس.
عبود: يلة عادي و اني اخذ وهف«اضوجهة»
أحمد: عبوود -بغضب- ولله صدك شلون نعرف هن نفس الطول؟
عبود: ام رهف وين واكفة هاي رهف، و ام رغد وين واكفة هاي رغد، فهمت، دخلنا اني و أحمد البنات ما مبين منهن اي شي، بس مثل ما كلت له اني رحت وين ام رغد و هو راح وين ام رهف، اشرت لأحمد اطلع انت أول.
أحمد: طلعت اني و رهف صعدتها بالسيارة، و اخذت اغراضهة.
عبود: طلعنة و صعدت بالسيارة و اخذت جنطة بيهة غراضهة و رحنا للفندق؛ بالمناسبة هو نفس الفندق الي راح يرحون له رهف و أحمد، اني حجزت غرفتين و كلت لأبو الفندق يزينهن، غرف عرسان، حبيبتي تذكرين اول مرة صعدتي وياي، منو كان يتوقع يجي يوم و تصيرين زوجتي.
رغد: اني حيل خجلانه منه، و اخاف يسوي حتدث ما ردت احجي وياه، يي اتذكر
عبود: ليش ما تحجين، شو صايرة هادئة لو لئن اجيتي يمي؟
رغد: لا خاف تسوي حادث.
عبود: مو كايل لج اذا اني يمج لا تخافين من اي شي، يلة وصلنا و أحمد وراي وصل، نزلت افتح الهة باب السيارة يلة انزلي
رغد: ما اريد أنزل -ضحكت-
أحمد: نزلت و فتحت الباب لرهف نزلت اخذت غراضهة دخلت، السلام عليكم، حجز بأسم، أحمد و رهف، اخذت المفتاح و صعدت
عبود: حبيبتي ترا ولله اعوفج و أروح، و هسه ليل و تبقين وحدج، الله يعلم شنو يصير بيج، هسه تجين لو لا؟
رغد: يي بس ساعدني انزل.
عبود: شلت لهة البدلة و نزلت بعدين دخلنة للفندق، السلام عليكم حجز بأسم عبدالله و رغد، اخذنا المفتاح و صعدنا
رغد: وصلنا للغرفة و دخلنة، رفع لي الكبوس.
عبود: حبيبتي طالعه تخبلين، بستهة من خدهة
رغد: اصلاً اني بكل وقت حلوة، نزعت الكبوس راد عبود يفتح لي البدلة حتى ابدل، دقيقه وين الجنطة الي بيهة غراضي
عبود: اووف بقت بالسيارة، عوفيهة مو ضرورية
رغد: ما انزع البدلة اذا ما تجب لي اغراضي.
عبود: يلة راح اروح، بس انتي اليوم الي -غمزت- الهة و طلعت نزلت رحت للسيارة جبت الجنطة و رجعت للفندق صعدت دكيت الباب
رغد: منوو؟
عبود: حبيبتي يعني منو ممكن يكون غيري.
رغد: ما عرفت منو «اخبث شوية».
عبود: رغد أفتحي الباب اني عبدالله.
رغد: حبيبي روح نام بالسيارة، او اخذ لك غرفة، هاي الغرفه الي
عبود: اذا ما تفتحين الباب هسه، ولله ازغل عليج
رغد: فتحت الباب.
عبود: دخلت و سديت الباب حضنتهة انتي اليوم الي.
رغد: يلة عوفني اريد أبدل
عبود: عفتها فتحت الجنطة طلعت ملابس نوم.
رغد: اخذتهن وين ابدل؟ حبيبي اطلع برة حتى ابدل.
عبود: اها صدك حتى تقفلين الباب، ما اطلع بدلي هنا.
رغد: زين دور وجهك.
عبود: موافق، درت وجهي.
رغد: حاولت افتح السحابة بس ما كدرت، حبيبي تعال افتح لي السحابة، فتحهة الي رحت ابدل و هو دار وجهة...........
« تزوجو احمد و رهف؛ و رغد و عبدالله » بتاريخ 2018:1:17
و بقت ذكره حلو لنا اني و أحمد فرحنا البعض، و فرحنا لنفسنا يعني صارت فرحة كبير بفضل الله، و بعد خمسة اشهر احلى من العسل بوجود رغد بحياتي؛ و بوجود رهف بحياتي، اني احمد احجي مو عبالكم عبود يكول رهف بحياته!
رغد: حامل بالشهر الرابع، الدكتوره كالت توأم يمكن بنت و ولد
رهف. و اني بعد هم حامل بالشهر الثالث، ما معروف لحد هسه شنو البيبي؟
٢٠١٨/٦/١٥ هو يوم العيد؛ قبل العيد بأسبوعين برمضان كولت لأمي احنا ما سوينا شهر عسل عادي لو رحنا سبوع سفره اني و رغد، اخذت الهوية و كل الي يطلبه الجواز لئن هيه ما عندها و كلت لأحمد يسوي جواز لرهف بس ما يكول اله، من ناخذهم على مود التوقيع و البصمه نكول لهم نغير الهويه و نسويه بطاقة عائلية خاصة، بينه و رهمتهة مع الي يشتغلون هناك، و طلعن بسرعة لئن عندي عرف و بعد قبل العيد بأسبوع اخذت الجوازات و حتى أحمد اخذت منه جوازاتهم كلت له الرحله مفاجأة مني، حتى انت ما كول لك وين، فيزت و حجزت مقاعد بالطيارة و قبل العيد بيومين اخذت رغد للدكتورة و كلت لأمي تسئل الدكتورة بدون ما تعرف رغد، مسموح لهة تسافر لئن هي وضعها زين و كالت الدكتورة عادي بس بعد ما توصل لا تكثر حركة، و أحمد هم حالت زوجته تكدر تسافر قبل العيد بيوم، جبت جنط سفر.
رغد: حبيبي شتسوي بيهن عندك سفرة و اني ما ادري؟!
عبود: يي عندي، و باجر عندج اعتراض
رغد: لا ما عندي اعتراض براحتك، بس هذا اول عيد اني وياك تعوفني و تروح
عبود: منو يكول اني راح اعوفج! طلعت الجوازات و كلت لها ثنينه رايحين.
رغد. ولله صدك تحجي!
عبود: اني بعد ما تزوجتج مكذب عليج؟
رغد. لا حبيبي مو هيج اقصد، حضنته هاي احلى عيدية.
أحمد: رجعت للبيت جبت جنط سفر جدد، دخلت شفت رهف نتيهت للجنط بس سكتت، امي و ابوي يعرفون كل شي؛ يي يمه واحد ياخذ شوي ستراحة من الشغل يسافر كم يوم يغير جو مو احسن.
رهف: شفته جايب جنط سفر! بس سكتت خاف مو له شنوو معقوله يسافر و اني آخر من يعلم؟!
ام أحمد: يي حمودي خذ راحتك، و تروح و ترجع بالسلامة ان شاء الله.
أحمد: يلة عن اذنج يمة اروح احضر ملابسي، وقتي قصير باجر الضهر لازم نروح للمطار، اني و عبود
رهف: من كال عبود يعني صدك لئن هو ما يخطي خطوة بدون عبود؛ راح صعد للغرفه اني اريد ابجي لو اتعارك هذا اول عيد وياه يروح و يعوفني، ما اروح وراه خاف ازعله بالحجي هو من البدايه ما اخذ رأي.
أحمد: مبينه ضاجت، صعدت شو ما اجتي صحتها رهف، رهف تعاي.
رهف: جاية، صعدت بالغرفه لكيته مطلع الملابس، ها حبيبي شنو تريد؟
أحمد: شنو رايج اخذ هذا، لو هذا اريد اخذ الحلوات عليه لئن ما عندي هواي مكان بالجنطة.
رهف: انت من البداية ما اخذت رأيي، هسه تاخذ رأيي منو احلى، و عندك ٢ كبار اخذ كل الي يعجبك.
أحمد: منو يكول الثانيه الي
رهف: لعد لمنو لأخوك عبود
احمد: لا لحبيبتي رهوفه.
رهف: اهاا صدك! اني حتى جواز ما عندي لا تكذب عليه.
أحمد: اها اني اكذب؛ بيوم الي رحنا نسوي الهوية سويت لج جواز بدون ما تعرفين
رهف: شكرررا حبيبي؛ بس ما كلت لي وين
أحمد: وين اني هم ما اعرف، عبود حجز و هو مسويها مفاجئة باجر يلة يكول النا، هسه انتي هم حضري أغراضج لمدة أسبوع.
عبود: اليوم العيد حضرنا و نزلنا عايدت امي و وصيتها على كل شي، و بالأخير احنا سبوع بس و نرجع ودعتها، و طلعنا اخذت الجنط رحنا لأهل رغد.
رغد: عايدت عمتي و طلعنا رحنا نعايد اهلي، دخلت عايدت ماما و بابا و فارس، و دخلت عايدت مريم و رتوجة +
ام رغد: ماما رغد تبقون هنا على الغدة انتي وعبود لو ترحون.
رغد. لا ماما هسه رايحين لئن راح نسافر، ماما هم روحي لأم عبود احنا سبوع ونرجع.
ام رغد: ترحون و ترجعون بالسلامة؛ ان شاء الله
أحمد: عايدت اهلي و ودعتهم، و رحنا حتى نعايد اهل رهف
رهف: عايدت عمي و عمتي و رحنا لأهلي، دخلنا و عايدتهم وكلت لهم راح نسافر.
أحمد: رحت لبيت عبود حتى من هناك نطلع سوة، دخلت عايدنا ام عبود اني و رهف خالة لعد وين عبود؟
ام عبود: راح يعايد اهل رغد، و على اساس بعدين يروح لك لبيتكم
عبود: طلعنا من اهل رغد رحت البيت أحمد حتى نروح من هناك سوة، دخلت عايدنا اهل أحمد عمو لعد وين أحمد؟
ابو احمد: راح يعايد اهل رهف و على اساس بعدين يروح لك البيتك.
عبود: عمو هذا ابنك احمد عقله محجر، اذا رحنا بسياراتنه بعدين وين نوديها راح اتصل عليه، الووو احمد وينك
أحمد: الوو عبود هاي وينك؟
عبود: اني ببيتكم انت وين؟
أحمد: اني ببيتكم تعال خلي نروح للمطار يلة.
عبود: حمودي نروح بسياراتنه موو؟
احمد: يي لعد؟
عبود: حمودي الضاهر بعد الزواج عقلك صدك حجر: قبل اني وياك نروح بساراتنه لو بتكسي.
احمد: بتكسي بس ليش؟!
عبود: اذا رحنا بسياراتنه بعدين ندخل للمطار السيارة وين نوديها، ما فكرت اني اجيت البيتكم حتى ابوك يوصلنا بسيارتي و بعدين يرجعها لبيتي.
أحمد: اهاا يلة جاي
عبود: عمو مثل ما سمعت تكدر توصلنا و ترجع السيارة يم بيتي؟
ابو احمد: تدلل ابني عبود.
عبود: اجة احمد عايدته و عايدت رهف.
رهف: رجعنا و رغد و عبود موجودين عايدتهم بالمناسبة اني و رغد صرنا مثل الاخوات، لئن دائماً اروح الهم حتى اكثر من اهلي، و هي تجي و نطلع سوة.
عبود: وصلنا ابو احمد للمطار و رجع و احنا بالانتظار، هسه تردون تعرفون وين رايحين
أحمد، و رهف، و رغد، يي وين؟
عبود: رايحين مع كروب «مجموعة»
احمد، رهف، رغد، يي وين؟
عبود: و رايحين ويانه نساء و رجال و أطفال«اريد احرك اعصابهم»
أحمد: عبوود، اكيد رايحين ويانه ناس قابل شنو بس كول لنا وين ترا هسه نرجع.
عبود. اعصابك اعصابك حمودي، رايحين لتركيا قابل وين للقمر
و رحنا و تونسنا و كانت السفره تجنم و بعد ٧ اشهر2019:2:15؛ هسه صار عدنا وفاء و سامح، عمرهم شهرين اني الي سميتهم «وفاء» لوفاء رغد بكل الي صار بيهة بالماضي بقت تحبني و من عرفت عني الحقيقة سامحتني «سامح» الحمد لله رب العالمين ساعدني و رجعت البسمة الحياتي، لكن اتمنى ان محد يكون مثل عبود القديم لئن احتمال محد يسامحة و ما ترجع تضحك له الحياة؛
و سامح يشبه رغد، و وفاء تشبهني
أحمد: و اني ابني هسه عمره شهر سميناه تامر، يشبه الي اكثر
عبود: خلي نختم بدون كذب، يشبه امه رهف اكثر.
أحمد: يكبر و شوفه اذا ما صار يشبهني