عبود: شنو لا؟
فارس. شنو لا؟
ابو فارس: عبود لا، ما رفضت
عبود: فاررس احجيها عدل ما تعرف تنطي فرحة كامله؛ ان شاء الله اكون عند حسن ضنكم عمو اليوم أحد الثلاثاء اجيب اهلي نخطب ان شاء الله.
أبو فارس: انت عرفت رأي رغد بس ما عرفت رأيي شنو، بكيفك حددت؟!
عبود: هااا عمو لا، بس انت مو كنت موافق و كلت تاخذون رأي رغد يلة ترد لي الجواب.
ابو فارس: اشاقة وياك عمو ان شاء الله الثلاثاء الخطوبه.
عبود: هسه اني استأذن وكفت رحت سلمت على ابو فارس و بست ايده لئن هو راح يكون بمكان والدي، ابو زوجتي المستقبلية.
ابو فارس: الله يرضى عنك.
عبود: سلمت على فارس و طلعت، تصلت على احمد الوو حمودي تعالي بسرعه للبيت.
أحمد: عبود خير شكو صاير شي؟
عبود: تعال و بعدين تعرف، سديت الخط خطية توتر بس ما حبيت انطيه الخبر هذا بالموبايل، وصلت للبيت لكيت احمد بالبيت و كايل لأمي على الاتصال و ثنينهم قلقين عليه.
ام عبود: عبود خير شكو جبت الولد من بيتهم ركض؟!
أحمد: عبود شكو خوفتني عسى ما شر؟
عبود: ليش تفكيركم كله خوف، بسوء خبر حلوو جبت لكم.
ام عبود: خير ان شاء الله
أحمد: شنوو
عبود: مو انتم تردون اخطب و ازوج، راح اخطب
ام عبود: منو و شوكت؟!
أحمد: اهاا الف مبروك هي موو؟
عبود: يمه منو يعني رغد و بعد باجر؛ الله يبارك بيك حمودي طبعا هي.
ام عبود: شايف كل الخير ان شاء الله، بس مو قليل يوم واحد تحضير نعزم عمامك و خوالك.
عبود: يمه كلها عوفيها عليه اني و أحمد، انتي رتاحي موو أحمد لو عندك اعتراض؟
أحمد: لا ولو تدللون، خالة شنو تحتاجين بس كولي لي اني اجيبهن بيوم واحد، و عبود هو يعزم الأقارب و الأصدقاء.
ام عبود: ربي يسلمك، و يحفظ لك ام شهاب.
أحمد: تسلمين خالة، اني هم مثل ابنج عبود.
عبود: انت مثلي! لا بلة -بغرور-
أحمد: لا و احسن منك عندك إعتراض -ضحكنه-
ابو رغد: دخلت كلت لهم حددنا موعد الخطوبه بعد يومين.
ام رغد: خير ان شاء الله
رغد: اجة بابا كال النه و راح، بعد يومين
ام رغد: شايفة كل الخير رغودة.
رغد: تسلميلي ماماتي.
مريم: رغد الف مبروك مقدماً.
رغد: تسلمين، و الف مبروك الج راح تخلصين مني -ضحكت-
مريم: الله يبارك بيج، يا غبيه ليش شنو عندي وياج انتي مثل اختي، بس تضوجيني اكثر من اختي.
عبود: بعد يومين يوم الخطوبه، و أخيراً بعد سنه و ٨ اشهر انتظار، رب العالمين رجع لي البنت الي تمنيتها بيوم تكون زوجه لي، كعدت الصبح خالاتي و بناتهن موجودات هذن يمته اجني الساعة بـ ٧ يلة احسن حتى يساعدن امي، سبحت و بدلت بعدين بقيت استقبل الخطار اني و احمد اكيد موجود و اهل أحمد هم اجوي.
رغد: بعد يومين تحضيرات، كعدت الصبح نزلت بعد ما جاين خطار ساعدت امي و مريم بالتنظيف لئن مريم حامل بشهر الـ٥ ما تكدر تشتغل وحدهة، بعدين اجوي خالاتي و عماتي و عمامي و خوالي و كل اقاربنا، صارت الساعة بـ٣ ما رحت للصالون لئن حبيت اني امكيج، ها للعلم اني قويه بالمكياج مكيجت مكياج وردي و لمعة بيضة و حمرة وردية صرت وردة، و عدسات رمادي، و شوي رموش، و شوي كونتور، و خلصت و بدلت و ساعدتني مريم، و وحدة من بنات خالتي ضبطت لي الشعر تسريحة بسيطة جزء رفعته و سوت بيه تسريحة و سوتهة كيرلي «يعني مبروم» و الباقي مفتوح حتى يبين طول شعري، فستاني نيلي و بيه من الصدر نقش ذهبي فخم، والردان بس تول و من الخصر للنهايه بطانه و فوكاهة تول ناعم نيلي يعني طلعت اخبل، بنات خالتي رادن البس ذهب قلادة و تراجي اني ما ردت لبست القلادة الفضيه، الي عندي و وياهة تراجي لون فضي و سوار ناعم فضي هااا ترا مو يروح بالكم لهذاك السوار هذاك ذهب، و خلصت و نزلت شافتني ماما كالت طالعة قمر.
ابو أحمد: عمو عبود الساعه بـ ٤ هم يلة نروح
عبود: يي عمو حاجيت اعماميو خوالي و طلعنا رحنا الهم هم صارو سوة راحو بالسيارات بس اني و احمد و امي و ام احمد، و احمد جاب خطيبته بس كوة من اهلها سوه، أحمد اني بحلم لو صدك؟!
أحمد: للاسف حلم -بصوت حزين-
عبود: لك شنو حلم بعد هذا كله! و تكول لي حلم حتى اموتك
أحمد: يلة عمي واقع، واقع بس عوفني شنو ذنبي.
عبود: وصلنا يلة تفضلو.
أحمد: ام شهاب، مو تنسين اريدج تعرفين عن نفسج تكولين لهم زوجة اخوه.
رهف: ان شاء الله
عبود: تسلم لي يا احلى اخ بالدنيا، يلة تعال اريدك تحاجيهم يسوون لي المهر واحد بواحد -ضحكت-
أحمد: اها صدك تدلل بس خاف يطردونا
عبود: لااا لااا شقة اني حاجيت اعمامي لو شكد ما يطلبون يكولون موافقين.
أحمد: اهااا مو ادري بيك طاك، يلة تعال خير إن شاء الله هم يردون يبيعون بنتهم قابل اكيد يطلبون شي معقول.
عبود: دخلنا و ضيفونه، و حجو اقاوبي و اقاربهم و تفقو على ١٠/٧ ما اعرف ليش الغايب هيج سووه، ولكم لو تموتون ما يجي هذا اليوم بإذن الله، و خلصو دخلت جوا حتى يعقد النا الشيخ دخلت هي حاطين على وجها شال ما مبين عقد النا الشيخ اجت بنت شالت الشال منها، نسيت كل الموجودين و تقربت يمها طالعة تخبلين و بستها من خدهة؛ و رجعت نتبهت كل الناس تباوع علية تمنيت اكول لهم، شكو هي خطيبتي عادي بكيفي.
رغد: عقد النا الشيخ و اني كوة اردد وراه، «أخجل» خلص و راح، مكان الشيخ بيني و بين عبود بقى فارغ و شالت بنت خالتي من عندي الشال باوعت العبود و ابتسمت اجة باسني و كعد بمكان الشيخ و حط ايده بأيدي.
ريتاج: عمو اني مو كولت لك احبك، ليش تزوجت عمه
رغد: رتوجة -نصدمت-
عبود: اني احبج و احب عمه حتى لو تزوجتها، راح ابقى اجيب بس الج كاكاو ما جيب الهة
ريتاج: اهاا وعد
عبود: يي وعد، صاحوني الشباب برة، هم متفقين عليه حتى ما ابقى جوة
رغد: اجة فارس كال لعبود اصدقائك يردون يباركون لك تعال، راد يكوم بس ما نتبهت بقيت ماسكة إيده«يا فشلة»
عبود: وكفت ردت امشي بس رغد ماسكة بأيدي! هاا اخذتي دوري لعد اني راح اخذ دورج عوفيني
رغد: يي اعوفك، راد يروح بس رجع تقرب مني و كال.
عبود: عافتني و رجعت حاجيتها بصوت ناصي اخذي رقمي من فارس، حتى اكدر اتواصل وياج لو عندكم ما يصر؟
رغد: ما ادري لئن اني اول بنت انخطب بالعائلة، بس اكول لماما هي تاخذه لي من فارس.
عبود: يي انتظر منج اتصال اليوم، لئن اذا ما تصلتي اجي يمكم باليل و ابقى كل شوي جاي لحد ما اهلج يطردوني، ديري بالج على نفسج.
رغد: ههه ماشي و انت هم، بعدين اجوي أقاربه يباركون لي و عرفوني على نفسهم، بنات خاله، و بنات عمه، و آخر وحده اجتي بنت مو من بنات عمه و لا خاله و هادئة، هي عجبتي بس ما عرفتها منوو؟!
رهف:الف مبروك رغد، شايفين كل الخير.
رغد: تسلمي الله يبارك بيج.
رهف: هاا نسيت ما عرفت على نفسي، اني رهف خطيبت اخو عبدالله.
رغد: طلعت من كل قلبي شنوو، يعني اقصد اني اعرف هو وحيد لأهله.
رهف: اخوه مو ابن امه و ابوه، اخوه أحمد
رغد: اهاا أحمد!
رهف: تعرفينه خطيبة احمد؟
رغد: يي اعرفه، صحيح مثل ما كلتي اخو عبدالله شلون ما اعرفه، بقيني شوي نسولف اني و رهف و على خطوبتهم.
عبود: طلعت و بدأت التبريكات، لحد ما صارت ساعة ٦ رجعنا للبيت و جزء راحو و جزء بقو بعد العشاء راحو.
رغد: بعد ما راحو اهل عبود، خطارنا تعشو و راحو بقن بس بنات خالتي و بنات عمي، صعدنا بغرفتي و بقينا نصور و سوالف و ضحك خلص هذا اليوم كلش حلو الحمدلله.
عبود: راحو كل الخطار، و احمد وصل اهله و رجع كال اليوم نطلع لئن خاف بعد ما اشوفك تاخذك رغد -ضحكنة- طلعنا سهرنا رجعنا متاخرين كبل نمت تعبان.
رغد: كعدت ثاني يوم الصبح اكول ماما.
ام رغد: كولي؟
رغد: ماما الخطوبه ليش سووهة؟ غير حتى الطرفين يتعارفون على بعض؛ اني منين اتعرف على عبود حتى رقمه ما عندي، و ما اكدر اعرف شوكت يريد يجينا نتفق على الخطوبه، نتفق على العقد بالمحكمة اريد تكولين لفارس ينطيني رقمه، لو حتى بالخطوبه حرام احجي وياه مو عقد النا الشيخ.
ام رغد: هي بدأت تحجي تحجي انطلقت، ما نتبهت فارس وراها
فارس: دخلت و كانت رغد واكفه تحجي، اشرت لماما اسكتي خليها تكمل حجي، خلصت، يي رغد بس هيج لوعندج بعد كلام؟
رغد: كملت حجي و ماما ما ردت عليه بس مبتسمه، شكو بعد ما سكتت سمعت صوت فارس من وراي يحجي!
فارس: شبيج سكتي، اني كلت لج احجي شنو تردين مو سكتي.
رغد. هااا لا ما رايدة شي.
فارس: بعد ما عقد لكم الشيخ ما عندنا لا اني و لا بابا اعتراض تحجين وياه؛ جيبي موبايلج اخذته من ايدها و دخلت رقم عبدالله و دكيت عليه.
رغد: شسوي بالموبايل، شو هذا اخذه بدون ما يحجي
فارس: هاج شسوي بيه، ماما اني طالع محتاجين شي.
ام رغد: لا سلامتك بس.
عبود: كعت الصبح بدلت و تريكت مع امي و طلعت صعدت بالسيارة حطيت اغراضي و رجعت تذكرت هويتي بقت بالبيت رجعت جبتها و رجعت للسيارة، صعدت حتى اروح للصيدلية فتحت موبايلي حتى اتصل على أحمد متصل عليه رقم غريب! معقوله رغد ارجع اتصل هي هي، مو هي اعتذر و ما صار شي، تصلت
رغد: رجعت لغرفتي شفت فارس متصل على رقم غريب بس ما كال لي منو، و ليش حتى يتصل من عندي؟ شوي و رجع اتصل نفس الرقم الغريب فتحت عليه.
عبود: الو السلام عليكم
رغد: هذا يمكن صوت عبود بس متغير شوي بالموبايل، و عليكم السلام ورحمة
عبود: يي مبين صوت رغد بس شو ما عرفتني! متصلين عليه قبل شوي منو انتم، و شنو رايدين
رغد: العفو يمكن غلطانين بالعنوان، لو عبود جان عرفني
عبود. اهاا متأكده، يعني مو انتي تصلتي عليه
رغد. لاا، مو اني
عبود. اهاا رغد يعني مو انتي تصلتي، عليه اني عبدالله ههه
رغد: هااا لا ولله مو اني، و سولفت له شنو الي صار.... و بقينا على تواصل شهر، و بعد شهر عقدنا عقد المحكة رحنا اني و بابا، و عبود و أحمد بابا شاهد الي و أحمد شاهد لعبود.
عبود: مثل ما كالت لكم رغد رحنا و عقدنا عقد محكمه و أحمد عقد قبلنا باسبوعين و اني رحت وياه شاهد، و تفقنا اني و أحمد نسوي العرس يوم واحد بس لاا مو مثل ما تفقنا قبل كل التكاليف علية، تفقنا
بعد شهرين، قبل العرس بأسبوع
رغد: رحنا اني و عبود و ماما شترينا الذهب، و رحنا اني و ماما و فارس شترينا الجهاز «ملابس مواد تجميل كل شي» هاا بالمناسبة فارس صار عنده طفل جديد اخو لرتوجة سموه، قيس
عبود: غيرت ديكور الغرفه، رحنا اني و احمد للمعارض شترينا غرف نوم يجنن
رهف: اشتريت الذهب اني و احمد، و حضرت الجهاز اني و أمي و رحنا حجزت بدلات للحنه و العرس.
أحمد: ابوي كال لعبود يسوي اله الحنه و العرس، بنفس اليوم حتى تبقى ذكره حلوة و وافق
عبود: حجزت قاعة للحنه يعني «النا الشباب»
يوم الحنه
عبود: كعت الصبح اول شي تصلت برغد سوالف شوي بعدين تصلت بأحمد فهمته الحنه وين نسويها، و اجت اقاربي و رحنا لبيت أحمد حتى من هناك نروح، أول لأهل خطيبت احمد بعدين نروح، ألبيت خطيبتي.
رغد: كال عبود راح يرحون اول لحنة رهف يعني يتأخرون، ما رحت من وقت للصالون رحت بـ١٠ رجعت بـ٢ لكيت اقاربي كولهم جايين،
رهف. رحت للصالون من الصبح و رجعت بـ١ للبيت و الساعة بـ ٢ اجوي اهل أحمد و اقاربه و اقارب اخوه «هو ما يقبل اكول صديقه يكول اخوي» عبدالله و بقو لـ٣ راحو حتى يحضرون حنة عبدالله
عبود. خلصت حنة أحمد رحنا لبيت اهل رغد و صلنا ٣ ونص
ريتاج: عمه وصل عبود و أهله
رغد: توترت شويه دخلو
عبود: دخلت أول ما شفته تجنن، الحمدلله يارب كعدت بصفهة صارت هوسات، لبستهة الذهب، و حطيت لهة حنة و هي رادت تحط لي؛ حجيت بصوت ناصي، رغد لا تحطين لي هواي ما حبهة
رغد: أخذت هواي سويت نفسي ما سمعته، و حطيت مو بس باصبع واحد لكل إيده.
عبود: خلصت و بستهة «قبلة» هي خجلت، تقربت منهة وحدة بوحدة تخبثين علية موو؟
رغد: ما تستحي.
عبود: و ليش استحي انتي زوجتي
صارت أجواء الحنه و بقينة لحد الساعه ٥ طلعنة، حاولنا نطلع من وقت لئن الأصدقاء و القارب الرجال، كلها راح يرحون للقاعة بس اني و أحمد تأخرنا، طلعنا بالـ٥ وصلنا النساء يم بيت احمد، و رحنا للقاعة دخلنا شفت الكل موجودين و مرتضى صديق أحمد«تذكرتوه ابو المعلومات» خلصت الحنة و رجعت اخذت اقاربنا من بيت أحمد، و رجعنا للبيت الي راح، راح و اكو بقو، اتمنيت لو ابوي موجود اليوم، و يكون موجود بعرسي لكن الحمد لله على كل حال، و ابو أحمد ابد ما حسسني بنقص الأب دوم وياي.